دعواتكم لزميلنا المفكر د.الباقر العفيف بالشفاء العاجل
|
|
 المنافسة على سوق العمل في مجال البناء بين العمالة السودانية والعمالة المصرية ، من سيربح السوق؟
|
العمالة المصرية طبعاً ..
وسنعود للتحدث في هذا الامر من واقع خبرة ومعايشة ، ونوضح بالأمثلة كيف أن المهندسيين وأصحاب العمل في مجال المقاولات صاروا يتهربون من توظيف العمالة السودانية وصاروا يفضلون عنها العمالة المصرية التي أثبتت ذكاءً شديداً وقرات كل متطلبات وإحتياجات السوق السوداني فوضعت بصماتها عليه ولا زالت تضع الخطط المستقبلية للسيطرة على كافة ما يتطلبه هذا المجال من حرفيين مهرة في مجالات النقاشة والبناء المسلح والسيراميك والسباكة .... إلخ ...!
كل هذا والعامل السوداني ينام في العسل رغم إدراكه لما يحدث حواليه وخطورة ذلك على مهنته ..!
صنفرة :
فتحت هذا البوست بناء على رغبة صديق لملاحظته أنني دائما في حالة إنتقاد للعامل السوداني وكسله وأعاذيره المتواصلة وتفضيلي العمالة الوافدة عليه متى ما سنحت الفرصة ..!
|
|
 
|
|
|
|
|
|
|
 Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: ناذر محمد الخليفة)
|
والنتيجة ستكون واحدة من اثنتين :
- يحدث تطور في مستوى العمال السودانيين ليواكبو متغيرات السوق
أو :
يسيطر المصريون على السوق ويستجلبوا مهندسين ومقاولين مصريين أيضاً مما يؤدي في النهاية
إلى خروج المقاولين السودانيين والمهندسين السودانيين الذين قاموا بتشغيل العمال المصريين.
فتصبح المهنة كلها بيد المصريين مقاولة وبناء وعمال
ثم يأتي أصحاب مغالق مصريين وأصحاب شركات مواد بناء وسباكة وكهرباء مصريين ليسيطروا على السوق
ويستفيدوا من إعفاءات قانون الاستثمار
فلا يستطيع التاجر السوداني أن ينافس
فيخرج السودانيون جميعا تجارا وموردين ومقاولين ومهندسين وعمالا من سوق البناء
ويصبح السودانيون مجرد مستهلكين
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: Osman Musa)
|
!!!!!
Quote:
والنتيجة ستكون واحدة من اثنتين :
- يحدث تطور في مستوى العمال السودانيين ليواكبو متغيرات السوق
أو :
يسيطر المصريون على السوق ويستجلبوا مهندسين ومقاولين مصريين أيضاً مما يؤدي في النهاية
إلى خروج المقاولين السودانيين والمهندسين السودانيين الذين قاموا بتشغيل العمال المصريين.
فتصبح المهنة كلها بيد المصريين مقاولة وبناء وعمال
ثم يأتي أصحاب مغالق مصريين وأصحاب شركات مواد بناء وسباكة وكهرباء مصريين ليسيطروا على السوق
ويستفيدوا من إعفاءات قانون الاستثمار
فلا يستطيع التاجر السوداني أن ينافس
فيخرج السودانيون جميعا تجارا وموردين ومقاولين ومهندسين وعمالا من سوق البناء
ويصبح السودانيون مجرد مستهلكين |
غايتو حسستني بي مداخلتك دي إنو البصيرة أم حمد قريبتك ولا كانت ساكنة في حلتكم زمان ؟؟؟!!!!
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: Abdelmuhsin Said)
|
سلام عثمان موسى ...
Quote:
أولاد بمبا .
اولاد بمبا يا ناذر حريفين .
نحنا التشطيب عندنا كعب . لسع ما بنعرف نشطب بالطريقة المطلوبة .
ولا حتى البلاط ما بنعرف نبلط زى اولاد بمبا . ديل من بدرى يا ناذر .
نحنا ناس جلط ساكت . لكن ممكن نتعلم .
|
السؤال هل الحرفيين السودانيين عندهم الإستعداد الكافي للتعلم من المصريين ؟!!
زي ما قال عبد المحسن .. عندنا هنا نوعية من الصنايعية غير الفلسفة شي مضيعهم مافي ..!
وأديك مثال من الواقع المعاش ..!
في إحدى مواقع العمل إكتشفت أن عامل المحارة (المُبيض) قام ببياض السقف بطريقة عشوائية لدرجة أنه بيض الإسمنت وأغلق علب الكهرباء التي تخص تركيب لمبات السقف .. ، وكانت المشكلة أنه لا توجد خرطة توضح بالضبط أمكنة العلب ، فأستعنت بكهربائي سوداني بصورة مؤقتة لان الكهربائي الأساسي الذي يعمل عندي مشغول بموقع أخر ولن يحضر إلا بعد عدة أيام ، غفلت عن الكهربائي السوداني بعد أن أوضحت له المشكلة وطلبت منه البحث عن العلب المفقودة تحت الإسمنت ، غبت عنه لمدة خمسة ساعات ولما عدت فوجئت لما فعله ..!!
صاحبنا الكهربائي رغم أنه كبير في السن وصاحب خبرة كما يقول وجدته يحمل في يده شاكوشا وأجنة ..! وقد قام بتكسير بياض نصف سقف الغرفة ولا زال مواصلا في الكسر ورغم ذلك لم يجد العلب المخفية ..!! أصابني الغضب لفعلته وهجت ومجت فيه وهو مصر ان ذلك هو التصرف الوحيد الذي أمامه كي يجد العلب ، وصار يتفلسف لي بخبرته الطويلة وما أدراك ما الاعمال التي قام بها وأنا في شدة الغضب فإتصلت بالمصري وطلبت منه ترك ما في يده والحضور فورا وقد كان ..!!
المصري لدي دخوله للغرفة أصابه الذعر من منظرها المشوه وإستهجن أن يقوم السوداني بهذا التخريب ، فإستشاط السوداني غضبا وذكر أنها الطريقة الوحيدة ولا يوجد غيرها وبالغ في الرغي والفلسفة وسوق المبررات ..! المصري وبكل هدوء أحضر سلما وصعد للسقف على أقرب علبة مفتوحة في الهول المجاور واوصل خرطوشا للماء في إحدى المواسير وضخ المياه بإتجاه العلب المفقودة .. وبعد إنتظار حوالي خمسة دقائق ظهر بلل في السقف في بقع بعينها فاوقفنا ضخ المياه وصعد المصري للسقف وبواسطة شاكوش صغير وبكل سهولة ضرب على مناطق البلل فتكسرت وظهر تحتها العلب المفقودة جميعها..! والمشكلة ان التكسير الأول الذي قام به الكهربائي السوداني كان بعيدا تمام عن مناطق العلب التي وجدها المصري بمعنى أنه لو واصل في تكسير السقف لهده فوق رؤوسنا دون ادنى شك ..!!،
!! كل ذلك والسوداني يتفلسف ويبرر فعلته وخيبته ،، وقد تسبب ذلك في منصرفات مادية إضافية لصيانة وبياض ما كسره ..!!
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: Osman Musa)
|
Quote:
في إحدى مواقع العمل إكتشفت أن عامل المحارة (المُبيض) قام ببياض السقف بطريقة عشوائية لدرجة أنه بيض الإسمنت وأغلق علب الكهرباء التي تخص تركيب لمبات السقف .. ، وكانت المشكلة أنه لا توجد خرطة توضح بالضبط أمكنة العلب ، فأستعنت بكهربائي سوداني بصورة مؤقتة لان الكهربائي الأساسي الذي يعمل عندي مشغول بموقع أخر ولن يحضر إلا بعد عدة أيام ، غفلت عن الكهربائي السوداني بعد أن أوضحت له المشكلة وطلبت منه البحث عن العلب المفقودة تحت الإسمنت ، غبت عنه لمدة خمسة ساعات ولما عدت فوجئت لما فعله ..!!
صاحبنا الكهربائي رغم أنه كبير في السن وصاحب خبرة كما يقول وجدته يحمل في يده شاكوشا وأجنة ..! وقد قام بتكسير بياض نصف سقف الغرفة ولا زال مواصلا في الكسر ورغم ذلك لم يجد العلب المخفية ..!! أصابني الغضب لفعلته وهجت ومجت فيه وهو مصر ان ذلك هو التصرف الوحيد الذي أمامه كي يجد العلب ، وصار يتفلسف لي بخبرته الطويلة وما أدراك ما الاعمال التي قام بها وأنا في شدة الغضب فإتصلت بالمصري وطلبت منه ترك ما في يده والحضور فورا وقد كان ..!!
المصري لدي دخوله للغرفة أصابه الذعر من منظرها المشوه وإستهجن أن يقوم السوداني بهذا التخريب ، فإستشاط السوداني غضبا وذكر أنها الطريقة الوحيدة ولا يوجد غيرها وبالغ في الرغي والفلسفة وسوق المبررات ..! المصري وبكل هدوء أحضر سلما وصعد للسقف على أقرب علبة مفتوحة في الهول المجاور واوصل خرطوشا للماء في إحدى المواسير وضخ المياه بإتجاه العلب المفقودة .. وبعد إنتظار حوالي خمسة دقائق ظهر بلل في السقف في بقع بعينها فاوقفنا ضخ المياه وصعد المصري للسقف وبواسطة شاكوش صغير وبكل سهولة ضرب على مناطق البلل فتكسرت وظهر تحتها العلب المفقودة جميعها..! والمشكلة ان التكسير الأول الذي قام به الكهربائي السوداني كان بعيدا تمام عن مناطق العلب التي وجدها المصري بمعنى أنه لو واصل في تكسير السقف لهده فوق رؤوسنا دون ادنى شك ..!!،
!! كل ذلك والسوداني يتفلسف ويبرر فعلته وخيبته ،، وقد تسبب ذلك في منصرفات مادية إضافية لصيانة وبياض ما كسره ..!! |
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: Osman Musa)
|
اخي ناذر .. .. رمضان كريم :
السوداني ربما يكون به قليل من عدم الجدية والنشاط في العمل ولكن مثل هذه
الاعمال لايمكن ان تكون لعمالة اجنبية ورغم عدم الجودة في العامل المحلي الا
ان الوضع يجب ان يختلف بالتدريب والحث علي العمل بالمقابل المجزي من قبل
الحكومة .. واذا تمت مقارنة فان المهندسين السودانيين اثبتوا فشلهم فـــي
مشروع هام كالنفق المقام امام عفراء حيث اثبت المشروع انه عمل فاشل امام
اول خريف ؟ كيف يتم عمل كبير كهذا دون تصريف مياه .. هذا العمل لايمكن ان
يكون بيد مهندس ولا حتي مقاول؟
اما العامل المصري فقد اثبت في بلده خاصة في مجال البناء فشلا في كثير من
المباني التي تم فيها الغش في مواد البناء وانهيار بعض العمارات وهي مازالت
في طور التشطيب مما يبعد العامل المصري من هذا المجال خاصة ونحن في طور
ايجاد بنية تحتية قوية للبلاد ومنشاتها ..
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: baha eassa)
|
Quote: اما العامل المصري فقد اثبت في بلده خاصة في مجال البناء فشلا في كثير من
المباني التي تم فيها الغش في مواد البناء وانهيار بعض العمارات وهي مازالت
في طور التشطيب مما يبعد العامل المصري من هذا المجال خاصة ونحن في طور
ايجاد بنية تحتية قوية للبلاد ومنشاتها .. |
أخي بهاء العامل المصري بنى صروحا في القاهرة القديمة يناهز عمرها الألف سنة ومازالت صامدة... أما المباني التي تنهار فمسؤوليتها قع على المقاول المصري وليس على العامل المصري... الحقيقة المرة هي أن التشطيب المتقن والعامل السوداني خطان متوازيان لا يلتقيان إلا بقدرة قادر (معجزة)... أنظر إلى كل الحرف اليدوية السودانية ستجد ضعفا في التشطيب وكأن الأمر يتعلق بفلسفة تقوم على (الكلفتة)، لأن الحرفي لا يستطيع مع حرفته صبرا. وأسوأ ما في الحرفي السوداني هو سوء تقدير تكلفة الإنجاز وسوء تقدير وقت التسليم... فما أفشلنا في دراسات الجدوى وما أخيبنا في الالتزام بالمواعيد العرقوبية!
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: ناذر محمد الخليفة)
|
علاء الدين :
Quote: و الكلام دة عن تجربة للإتنين
تفوّق في الجودة و الزمن القياسي وروعة التشطيب
و السعر كذلك (أقل من المحلي)
بينما التاني عجرفة و استهبال و تطويل للزمن و محاولة استنزافك مادياً قدر المستطاع
|
طبعا روعة التشطيب دي لمن خلقوها ما ادوا للسودانيين منها أي نصيب إلا من رحم ربي ..
وبهذه المناسبة هنالك صورة مشهورة عن كسل السوداني منتشرة في المنتديات العربية بكثرة ورغم شكي في سودانيتها إلا انها تعبر بالضبط عن العقلية التي يعمل بها بعض السودانيين في هذا المجال :
صنفرة :
شككت في سودانية هذه الصورة لإعتقادي الجازم أنه لو كان فعلا من قام بهذا الطلاء سوداني من المستحيل ان يتجاوز الشجرة بهذه الطريقة .. إنه ليس غبياً بالتأكيد ..!
لو كان سوداني فعلا لكان واصل الطلاء في خط مستقيم (فوق الشجرة) التي لن تجد من يجيب سؤالها (باي ذنب أُدهنت) ..!
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: ناذر محمد الخليفة)
|
العزيز ناذر
سلامات
لكن عارف ياناذر بتاع المحارة ده . برضو أحسن كتير من معتمد العاصمة
الزمان داك ( يوسف عبدالفتاح ) يازول يوسف ده رفد ليك جنس مهندسين .
الدمار العملو الزول ده ولا حرب فيتنام . الزول وقع ليك ضفارى فى السكة حديد
ضفارى سوق الخضار الساحات العشش . الزول ما كان بسمع أى كلام .
المشكلة المسئولين فى الحكومات كل الحكومات من سنة 1956 العامل السودانى
شاطر لكن لم يجد التدريب والرعاية والمهندسين السودانيين أهو فى كل العالم
من أحسن المهندسين . أنا عندى صاحبى من أحسن مهندسى السكة حديد فى نيويورك
وفى مهندسين فى شيكاغو سودانيين فى صناعة الطيران كمان وعمال فى الخليج من
أشطر العمال .
الوجع الكبير مسئولين الحيكومة ) ويا ساتر من الدعاتر .
وحتى الأن العامل المصرى هو الربحان
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: Munir)
|
رمضان كريم يا ذو اليد ..
Quote: فى رأي العمالة المصرية غير مفيدين
واغلبيتهم يعيشون باسلوب الاحتيال
ممكن شوية مهندسين يخططو ويشخبطوا
اخير من عدم
لكن قصة العمالة دي ما تنفع
|
غايتو لو كنت معايش زينا المعاناة البنلاقيها من العمالة السودانية ما كنت كتبت كلامك دا ..!!
| Quote: وجاهزين لبناء بلادي |
اللخو نقاش ولا سباك ؟!!!
يا ذو اليد ياخ إنت زول جامعي ومتعلم ... دا شنو شعارات مدارس الأساس دي ؟؟!!
بتكلم عن الحرفيين في مجال البناء وإنت تقول لي (جاهزين لبناء بلادي) ؟! إنت شغال كهربجي وأنا ما عارف ولا شنو ؟!
غايتو لو كلامك دا عن عاطفة فانا أقسم لك بالله إنو أكتر من تسعين في المية من الصنايعية السودانيين لا جاهزين لبناء بلادي لا بطيخ !!
خليك من بلادي الكبيرة دي .. يا ريت لو شدو حيلم شوية كدة وبنوا لينا البيوتات الصغيرة البنكلفم بيها دي ..!
بعد داك (بناء بلادي) ساااااااااااهل يا ذو اليد ..!!
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: بكري اسماعيل)
|
عثمان موسى ..
Quote: يازول يوسف ده رفد ليك جنس مهندسين .
الدمار العملو الزول ده ولا حرب فيتنام . الزول وقع ليك ضفارى فى السكة حديد
ضفارى سوق الخضار الساحات العشش . الزول ما كان بسمع أى كلام .
|
يوسف عبد الفتاح كان زول عملي جدا مع شوية عشوائية هو مقر بيها .. بتذكر أيام أزمة المواصلات كلف شركة تعمل ليهو دراسة جدوى لي حركة الناس في السوق العربي وبيمشوا وين وبيجو الساعة كم ، دا كلو لتقسيم وترتيب المواصلات والحافلات حسب الطلب .. جات نتيجة الدراسة غير منطقية في نظر يوسف قام سأل ناس الشركة : إنتو الدراسة دي عملتوها كيف ؟! جاتو الإجابة : عملناها إستناد على عددية الطلاب المسجلين في جامعة كذا وعددية الموظفين الشغالين في مؤسسة كذا وعددية التجار في سوق كذا ...إلخ ..!
صاحبنا يوسف طوالي قالوا شرط النتيجة القدامو وقال ليهم الدراسة دي ما بيعملوها كدة .. تعالوا معاي اوريكم بيعملوها كيف .؟! فعلا مشوا معاهو السوق وطوالي يوسف بقى يقابض الماشين من يديهم ويسالم : إنتوا ما شين وين ؟ تجيهو النتيجة .. يمشي للبعدو ويوقفوا : يا زول تعال انت ماشي وين ؟ وجاي من وين ؟ يديهو الإجابة ويوسف يقبل على الجماعة ويقول ليهم سجلوا الكلام دا ..! قالوا الزول طول النهار يقابض في الماشين ويسألم وديل يسجلوا في النتيجة ..!!
الغريبة في النهاية يا عثمان الحكاية ظبطت وزولك دا وقدر يقسم الباصات على الخطوط حسب الحوجة ..!!
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: بكري اسماعيل)
|
Quote: كل ما ذكرته عن العمالة السودانية صحيح ، يستثنى منه
الذين عملوا في بيئات عمل خارج السودان فهؤلاء تعودوا على العمل
لساعات طوال مع اكتساب الخبرة والمهارة لذلك ترجح كفة العامل المصري
حتى يثبت العامل السوداني عكس ذلك وهو ما يحتاج في رأيي لوقت طويل |
بكرى كلامك %100 قبل فتره احضرة معلم سيراميك سودانى كان مغترب فتره طويله .
المهم بعد ما اتفقنا على السعر سأل عن المواد طبعا كنت محضر كل المواد وجاهز
و اتفقنا على بداية العمل فى اليوم التالى وقال حا يكون فى الموقع بدرى لكن ما
قال الساعه كم . طبعا بدرى بالنسبه للعامل السوادنى بعد الساعه تسعه واذا استفسرت
عن سبب التاخير حا يقول ليك المواصلات زحمه حتى لو طلبة المدارس فى اجازه . المهم صاحبنا جانا
الساعه سبعه الصباح ومعاو شخص آخر اكتشفت فى ما بعد انه صبى المعلم انتظرتا معاهم لحدى ما ظبطو
المونا بتاعتهم وبدو العمل من هناك انا زهبت لعملى ورجعتا الساعه 2:30 ومتخيل اجى احصل جماعتك
يكونو قطعو شوط كويس . والله جيت وما حصلته ولا سيراميكه واحده مدقوقه فى الارض والمونه زى ما هى بالعجنه
بتاعتا من الصباح ياجماعه الحاصل شنو قام المعلم قال لى شوف ياأخوى الطبقه بتاعة الخرصانه الارضيه (الفرشا البيضاء)
خفيفه شديد واذا ركبنا البلاط بعد مده حا ينزل . طبعا انا ما صدقتو فى الاول افتكرت الزول عاوز يكبر كومو المهم مشيت
جبتا كم شخص من اصحاب الخبره وكلهم اجمعو على انه كلامو صاح والراجل دا امين ومخلص ودا لو واحد ثانى كان ياما كان .
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: Abdelmuhsin Said)
|
سلام يا بكري ..
| Quote: ، يستثنى منه الذين عملوا في بيئات عمل خارج السودان فهؤلاء تعودوا على العمل لساعات طوال مع اكتساب الخبرة والمهارة |
تعرف أنا في دي لا بستثناهم لا حاجة ..!!
شوف يا بكري ..
العامل السوداني الكسلان دا لو طلع برة السودان شبر واحد والله يشتغل احسن من الحصان ..! لييه ؟! لانو هناك ما في لعب ولا في مراعاة لي أي ظروف .. والزول المشغلك دا لا بيعرف حبوبتي إتوفت لا بيعرف مرة سيد الطابونة عندها سماية ..! تشتغل تاخد أجرك كامل ما تشتغل بيرجعك السودان كارقو في أقرب باخرة ..! عشان كدة الحرفيين البيشتغلوا برة السودان وبالذات في دول الخليج بيشتغلوا بي جد وكد وإجتهاد لانو عواقب تراخيهم هناك وخيمة وبعد دا فاضحيننا وشارطين عينا عند العرب وجايبين لينا السمعة البطالة ومضرب مثل في الكسل ..!
أها لما يرجع السودان ويقول ليك إنو كان شغال في الخليج .! والله يقولا ليك بي طريقة زي الكأنو كان شغال هناك طبيب مخ وأعصاب .. فلقصة وقرضمة ما تديك الدرب .. والمصيبة إنو الشريحة دي بالذات دايرين ينتقموا للعصرة الإتعصروها هناك مع كفيلم فينا انحنا هنا .. لو كفيلم كان مشغلم 15 ساعة في اليوم والله هنا ما يشتغلوا ليك خمسة ساعات ..!!
طبعا في إستثناءات لكن دي الحالة العامة ..!!!
مثال :
قبل فترة كنت شغال في موقع خارج العاصمة شوية على الطريق السريع بين الخرطوم ومدني .. فجأة حصلت إشكالية في الكهرباء وانا الكهربجية البتعامل معاهم كلهم بعيدين وكنت محتاج لي كهربجي ضروري ..! مشيت لي أقرب مغلق وسألت من كهربجي وبتاع المغلق قال لي حا أضرب ليهو تلفون أخليهو يجيك في الموقع ..!!
بعد حوالي نص ساعة جاني واحد في الموقع يمين انا لمن شفتو قايلو واحد من رواد الفضاء بتاعين ناسا ..!! الزول جاني لابس أبرول أصفر وبوت طويل بي رقبة برضو أصفر ونضارة عريضة صفراء وخاتي في راسو طاقية صفراء برضو من النوع بتاع الحماية داك .. يا خي أنا لمن شفتو قربت أقول ليهو وين قزازة الميرندا عشان يتم الناقصة..!! أنا لمن قال لي إنو هو الكهربجي طوالي دخلت في الموضوع ووريتو يعمل شنو ؟؟! صاحبنا إستاء شوية لمن لقى الشغلة بسيطة والظاهر هو كان مفتكر الشغلة كبيرة بتاعت كم شهر أو كم يوم ..! شبكني ليك زمن ونقة من نوع : أنا كهربائي محترف وكنت شغال في العراق مع الحجاج بن يوسف ..! وكنت شغال كهربجي في ديوان كسرى ..! وإشتغلت بطيخطاشر سنة في الحدود مع إيران ..!! يا خي والله نقة وصرف عربي مبالغ فيهو ..!!
إستمعت ليهو بي صبر .. بعد ما إنتهى قلت ليهو . نرجع لي موضوعنا .. كدي ملص الهدوم الواقية من الرصاص دي وإشتغل القلت ليك عليهو ..! زولك ما قلع هدومو لكن بدا يشتغل وانا إنشغلت بي حاجة تانية بعد شوية أسمع حاجة قالت (تللللللللل) !! جيت جاري لقيت زولنا الكهرباء طقتو وقاعد يفرفر زي البيخرج في الروح لميت العمال شبكوهو ليك خبيت بالخشب لامن روحو قربت تطلع .. قام يا الله الله وهو بيطنطن ومخلوع ما فاهمو بيقول شنو ..!! قلت ليهو يا زول إنت كويس إنشالله ما جاتك عوجة ؟!! قال لي لا لا ما جاتني حاجة .. قلت ليهو الحصل شنو ؟! قال لي لا لا ما في حاجة بس كهربة السودان مختلفة شوية من كهربة العراق ؟! وقبل ما يتفلسف قلت ليهو .. طبعا طبعا .. كهربتنا هنا ما بترحم الزول البيتفلهم وبيشتغل شغلة ما شغلتو ، خلاص با عمنا عفيتك أمشي أرتاح في بيتكم ..!!
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: ناذر محمد الخليفة)
|
يا ناذر حديثي عن السودانيين العائدين نابع من تجربة أعرف كثير من هؤلاء عادوا للوطن ووبدأوا من الصفر واليوم يتقاضون أضعاف الدخول التي كانوا يجنونها بالخارج ، وقد يكون هنالك بعض الكسالى وأمثال هؤلاء حتى الغربة لن تفلح في اصلاحهم وزي ما قالوا مرمي الله ما بترفع ، وعن العمالة المصرية يا ناذر الناس في السودان يفضلونهم باعتبارهم افضل الخيارات المتاحة في سوق العمل ، غير أن المصري ليس لديه زمة ولا وازع ولا ضمير هذا الكلام ليس افتراءاً على المصريين ولكن من خلال معايشة وتجربة شخصية ، المصري يا ناذر يمكن أن يغش ويحتال وهو يعمل داخل المشاعر المقدسة بل ويفعل ذلك بدم بارد ولكن ما داموا الخيار الأفضل فيمكن الاستعانة بهم مؤقتاً ..
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: ناذر محمد الخليفة)
|
الأخ ناذر
لك التحية
يعجبني تناولك للعديد من المواضيع المختلفة (فن، ثقافة، رياضة و و و)... ومتااااااابع لكتاباتك..
بالنسبة لموضوع اليوم:
العامل المصري يكسب
من عيوب عمال البناء السودانيين (في السودان) ومن خلال بعض المشاهدات والمتابعات:
يبدأ متأخر... ويزوّغ بدري
يتغيب كثيرا
خطأ في حساب الكميات المطلوبة من المواد
خطأ في حساب الجدول الزمني
يتوقف كثيرا (الشاي، الفطور، الشاي، القهوة، الغداء، نومة الضهر... إلخ)
لو أكرمتو يوم يومين بالفطور تاني ما بمشي ولا بكمل الشغل ويتجرجر وتبقى علاقة وصحبة وشوية شوية يبقى ود البيت
تنظير من غير معرفة
تشطيب يخلو من الفنيات والجماليات
لا يعرف طريقا للجودة والدقة
المخ يصلّب أمام أقل معضلة
لا يهتم بسلامته الشخصية وسلامة الآخرين
يعني بالمختصر المفيد...
مااااااااااااااااااااااا نافع
وأسأل مجرّب ومكتوي بنار هؤلاء الفاشلين (إلا القليل منهم طبعا)
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: السمؤال بدرالدين)
|
سلام بكري ..
| Quote: وقد يكون هنالك بعض الكسالى وأمثال هؤلاء حتى الغربة لن تفلح في اصلاحهم وزي ما قالوا مرمي الله ما بترفع ، |
المشكلة مش إنو مرمى الله ما بترفع .. المشكلة المثل دا عندو تمامة أنا مقتنع بيها تماما لو شغلت عندي عمالة سودانية .. تمامة المثل :
مرمي الله ما بترفع .. ولو جيت ترفعوا بيرميك معاو ..!!
أها نبقى في جنس دا .!!
| Quote: غير أن المصري ليس لديه زمة ولا وازع ولا ضمير هذا الكلام ليس افتراءاً على المصريين ولكن من خلال معايشة وتجربة شخصية |
مع إني ضد التعميم يا بكري إلا انو للأسف دا حال معظم المصريين هنا .. كل ما في الامر إنهم دايرين مراقبة لصيقة في أثناء الشغل وغير كدة تديهم مصاريف بالقطارة وما تكمل ليهم أجرهم إلا بعد الإنتهاء من العمل ..
كدة إنت حا تكون في السيف صايد ..!!
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: السمؤال بدرالدين)
|
سلام سامي ورمضان كريم ..
Quote:
يبدأ متأخر... ويزوّغ بدري
يتغيب كثيرا
خطأ في حساب الكميات المطلوبة من المواد
خطأ في حساب الجدول الزمني
يتوقف كثيرا (الشاي، الفطور، الشاي، القهوة، الغداء، نومة الضهر... إلخ)
لو أكرمتو يوم يومين بالفطور تاني ما بمشي ولا بكمل الشغل ويتجرجر وتبقى علاقة وصحبة وشوية شوية يبقى ود البيت
تنظير من غير معرفة
تشطيب يخلو من الفنيات والجماليات
لا يعرف طريقا للجودة والدقة
المخ يصلّب أمام أقل معضلة
لا يهتم بسلامته الشخصية وسلامة الآخرين
Quote: يعني بالمختصر المفيد...
مااااااااااااااااااااااا نافع
|
والله ما قلت إلا الحق ..
|
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: السمؤال بدرالدين)
|
متى بدأ غزو العمالة المصرية للسودان ؟؟!!
بدأ غزو العمالة المصرية التي تعمل في مجال البناء البلاد تقريبا في منتصف العام 2005 ، حيث شهد هذا العام تحديدا وفود عشرات المئات من الأشقاء المصريين (ولا زالوا يتوافدون بكثرة ملحوظة) عبر منفذي وادي حلفا ومطار الخرطوم بكثافة منقطعة النظير ، وربما يُعذى هذا التدفق للركود الإقتصادي في مجال الإنشاءات الذي ضرب جمهورية مصر وإنتعاشها في السودان بالمقابل بفعل ثبات صرف العملة في مواجهة الدولار واليورو ، بجانب الحركة العمرانية الواسعة التي تشهدها الخرطوم ومعظم ولايات السودان .
قبل ذلك التاريخ كانت العمالة المصرية محدودة جدا في السودان وكانت في الغالب تأتي عبر شركات إنشاءات ومقاولات مصرية أو سودانية لإنجاز مهام بعينها ومن ثم العودة غافلة أدراجها أما الان فإن هذه العمالة أستفادت من إتفاقية الحريات الاربع الموقعة بين مصر والسودان (والمًطبقة من جانب واحد!!) للحضور والاستقرار بالسودان للبحث عن فرص العمل والتي صار من السهل إيجادها بسبب تبرم اصحاب العمل من كسل العامل السوداني وقلة إنتاجه وإنعدام مؤهلاته في أبسط أبجديات العمل ..،!!
العمالة المصرية التي جاءت إلى السودان(أغلبها من منطقة المنصورة) كانت من الذكاء بمكان بحيث قرأت من الوهلة الاولى متطلبات السوق السوداني ودرست الثغرات والعيوب الكثيرة التي يتميز بها العامل السوداني وعملت على التسرب من خلال تلك الثقوب للإحلال مكان المهني السوداني والذي كان قد صنع مناخا عدائيا حوله من قبل أصحاب العمل وبالتالي فقد كانت الساحة مهيئة تماما لإستقبال العامل المصري ..
والعمالة المصرية ذكية جدا ، فقد سعت منذ البداية لتكون في أيادي من يطلبها بسهولة ويسر .. فقد سكن المصريون في مجموعات بإستئجار منازل لهم في الأحياء الشعبية وأحيانا الأحياء الفاخرة كي يصنعوا لأنفسهم الدعاية المطلوبة ، وأفراد السكن هؤلاء لا يسكنون عشوائياً بل يسكنون في شكل مجموعة متكاملة تجد في السكن الواحد النقاش مع السباك مع النجار المسلح مع عامل البياض مع عامل السيراميك !! وذلك كي يسهل لهم العمل كمجموعة متماسكة .. وقد سهل ذلك لهم مشكلة السكن الغالي نوعا ما فأحيانا في حالة المشاريع الكبيرة يفضل صاحب المشروع بأن يأخذ معه كل المجموعة للعمل والإقامة في الموقع ليعملوا كمجموعة تكاملية ، وفي ذلك خير له ولهم إذ هو سيضمن أن هؤلاء العمال بجواره عند الطلب والمجموعة تضمن لنفسها عملاً متواصلا بالإضافة لسكن مجاني وايضا توفير للأموال التي تصرف في المواصلات في حال كان الموقع بعيدا عن منطقة سكنهم ..!
| |
|
|
|
|
|
|
|
|
|
Re: المنافسة على سوق العمل في مجال البناء بين العمالة السودانية والعمالة المصرية ، من سيربح ال (Re: Frankly)
|
الاخ ناذر
رمضانك كريم
موضوع قيم يستحق الوقفة والدراسة
رايك شنو يا نادر تجرب العمالة السورية او التركية دى حاجة تانية من اتقان وصدق وامانة فى العمل
اما العامل السودانى بغض النظر عن نوع العمل محتاج للكتير عشان يلحق نفسه
ساحكى لك تجربتى مع العمال فى مجال الزراعة فى منتصف التسعينيات تمت اعادة وتاهيل حديقة الشهيد عبود بمدينة بورتسودان كنت ضمن المهندسين الزراعييين المشرقين والمنفذين للعمل
والله يا ناذر طلعت روحنا عشان نكمل الشغل وبعد تسليم الشغل تم اختيارى للاشراف والمتابعة واخترت عدد من الجنانينية وفنى زراعى للعمل معى
اتخيل تسيب وعدم احترام للزمن وجدت نفسى لابد من اتخاذ اجراء عاجل والا سينهار كل التعب الذى قمنا به
اجتمعت بهم ووضعت خطة للعمل كالاتى :
ان ياتى العمال الساعة السادسة صباحا ويخرجوا الساعة الحادية عشر وعشان يحضروا باكرا كنت اخرج باكرا من منزلى عندى بوكس مهلهل احوم عليهم فى بيوتهم واحدا واحدا
واقف بنفسى عليهم الى ان ينتهى الوقت المحدد للعمل واقول ليهم اها الله يرزقكم فى مكان تانى انطلقوا بدل ما يمشوا يشوفوا ارزاقهم يتجدعو تحت الشجر ينوموا
قلت كدى نساعدهم نجد ليهم فرص اضافية يساعدوا بيها نفسهم وجدت لهم فرص جنانية فى بعض المؤسسات الخاصة لا يتطلب منهم العمل غير الحضور ايام محددة من الاسبوع
برضو تسيب وغياب ومن بعد هذه التجربة اقتنعت تماما العمال السودانيين مرميين الله وما بترفعوا مهما عملنا لهم
| |
|
|
|
|
|
|
| |
ناذر محمد الخليفة
Hani Arabi Mohamed
ناصر احمد الامين
Abdelmuhsin Said
Osman Musa
baha eassa
محمد الأمين موسى
علاء الدين يوسف علي محمد
ذواليد سليمان مصطفى
Munir
AnwarKing
omer osman
عمر صديق
سامي عبد الوهاب إدريس
السمؤال بدرالدين
Frankly
انتصار محمد صالخ بشير
فيس بوك
تويتر
انستقرام
يوتيوب
بنتيريست