فجأة ودون مقدمات بدأت رويدا رويدا تختفي من الاسواق والمباني تحت التشييد مجموعات العمالة المصرية التي دخلت السودان في السنوات الأخيرة والتي يقول تقرير غير رسمي ان عددها قد فاق الخمسون الفا ..!! يعملون لحسابهم الخاص أو مع شركات بعقود مؤقتة ..!!
هذه المجموعات رفدت ساحة الإنشاءات السودانية بالعديد من المهارات في طرق واساليب البناء والديكور وتشطيبات المباني ، وقد شكلت في فترة من الفترات تهديدا مباشرا للعمالة السودانية لأنها نافست العامل السوداني في كل مراحل العمل بدءا بالإلتزام بالمواعيد وإنتهاء بروعة وجمال وكمال تنفيذ العمل بحيث صارت مرغوبة من اكثرية أصحاب العمل والشركات هنا ..!
وكنت في فترة سابقة قد كتبت هنا أن هذه العمالة سواء بصورتها الفردية التي تعمل لحسابها الخاص أو المنضوية تحت لواء شركات تجد في سيرتهم الذاتية أن الكثير منهم حضر للسودان من دول الخليج البترولية مباشرة مضحي بالاقامة في تلكم البلاد المترفة وفضل الحضور للسودان ذلك البلد الذي لا يزال يحبو في عالم الإنشاءات وتشييد المباني، بل وحتى لا زلنا في السودان نفتقد لهوية معمارية محددة كتلك التي نجدها في الخليج .. حيث تسود هنا الفوضى المعمارية ونجد في حي واحد عدة أنماط من المباني كل مشيد على طراز مختلف عن الأخر ولا يخفى على أحد ما يجلبه ذلك من مفارقات ..!!
ولكن لماذا بدأت العمالة المصرية تحزم أمتعتها سريعا وتفر عائدة إلى مصر أو إلى الدول الأخرى التي حضرت منها ..!!
06-01-2012, 03:23 PM
عماد الشبلي عماد الشبلي
تاريخ التسجيل: 06-08-2008
مجموع المشاركات: 8645
Re: في إشاعة قوية أنباء عن تعويم الجنيه ورفع الدعم عن الوقود (Re: نجاة محمد بابكر)
جاكم الكلام؟
دولار ب 2.74
تاني لاي سبب مافي لا مرض لا دراسة لا سفر لا تجارة
===
عشان نبقى موضوعيين كلنا عارفين الممارسات السالبة الكانت حاصلة - الناس البتشيل تصاديق للعلاج وللدراسة وللسفر ولغيرها من الاغراض وترجع من السفر سريع وتبيع الدولار بالسوق الاسود
والوفود المفوجة مجانا إلى كل انحاء العالم مقابل استفادة اصحاب الوفود من فرق العملة لتحويلات الاعضاء.
طبعا الآن كثير من الناس متضررين من القرار دا وحيحصل تاثير كبير جداً على قطاع المسافرين والمرضى واتوقع كثير من الناس حتلغي حجوزاتها
اما اولياء امور الطلاب الدارسين في الخارج - الله يكون في عونهم الآن. من ناحية تانية اتوقع مغادرة الكثير من العاملين الأجانب للسودان حيث كانوا يعتمدون على تحويل اموالهم إلى بلدانهم بالسعر الرسمي كل شهر - وحسع الحكاية حتكون ما مغطية معاهم
06-01-2012, 03:28 PM
Al-Shaygi Al-Shaygi
تاريخ التسجيل: 11-16-2002
مجموع المشاركات: 7904
الحقيقة أن عوامل كثيرة أدت لعملية مغادرة المصريين للسودان وسنتحدث عن هذه العوامل كل على حدة .. ولكن اهم عامل في نظري هو إنخفاض قيمة الجنيه السوداني أمام الجنيه المصري بفعل تراجع قيمة الجنيه السوداني أمام الدولار .!
كما أن الحالة الأقتصادية في مصر ليست على ما يرام هي الأخرى حيث أنه بفعل تداعيات الثورة المصرية وموجات الغلاء العالمي التي لم تنج منها مصر .. أدت لغلاء شديد في كافة النواحي المعيشية مع إنخفاض سعر صرف الجنيه المصري أمام الدولار .. ولعل المترددين على مصر بالزيارات الدائمة يكونوا قد لاحظوا ذلك ..! حيث أنه في خلال ثلاثة اشهر او اقل انخفض سعر صرف الجنيه المصري أمام الدولار من 5.75 إلى 6003 جنيها وذلك الإنخفاض في قيمة الجنيه وبتلك السرعة لم تعهدها مصر في تاريخها مما ساهم في ذلك الغلاء الذي تعيشه مصر حاليا ..
(تابع) ..
06-01-2012, 04:00 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
عزيزنا نادر سلامات هروب العمالة المصرية كعب في حق أقتصاد البلد . كعب جد . العمال المصرين عمال محترفين في الخارج والداخل ومنظمين ومسنودين من الدولة . وهم مصدر من مصادر الدخل القومي زيهم وزي القطن والسياحة . يعني قروش . قروش يعني العمال المصرين قوة زي قوة العمالة المكسيكية في أمريكا . بعدين الناس ديل بشمو مكانات الشغل شم شديد . وعندهم نشاط ومهارة وحنك للشغل . يا ناذر يا أخوي العراق فتح تاني . يا ناذر بياض وتخشين الغرفة في العراق بي 400 دولار . مالو ومال لفة الكلاكلة ؟ ومالو ومال تعال باكر ؟ لك التحية أخي ناذر .
06-01-2012, 04:11 PM
اسامه خليفه اسامه خليفه
تاريخ التسجيل: 03-29-2008
مجموع المشاركات: 2022
عندما بدأ بترول السودان ينساب في الانابيب وحدث ذلك الإنتعاش النسبي واستقرار سعر صرف الجتيه السوداني أمام الدولار (لفترة طويلة جدا كان سعر صرف الجنيه امام الدولار هو 2025 أو أقل) .. صار الجنيه السوداني يساوي أكثر من ثلاثة جنيهات ونصف من العملة المصرية !! وكان ذلك مثار إندهاش المواطنين المصريين من غير المتابعين دون أن يستوعبوا أنه في حقيقة الأمر كانت الألف جنيه السودانية (وليس واحد جنيه سوداني) تساوي ثلاثة جنيهات ونصف أمام رصيفتها المصرية قبل أن يتم حذف اصفار الجنيه وارجاع الجنيه القديم المعروف بفعل نص في إتفاقية السلام الشامل قضى بإرجاع الجنيه بتقسيماته القرشية (100 قرش) ..!!
المهم أن هذه كانت ميزة للجنيه السوداني وربما حالة نفسية عاشها المصريون الذين كانوا يحلمون بالدخول للسودان للعمل فيه والاستفادة من فروقات سعر الصرف بين الجنيهين خاصة ان مصر والقاهرة تحديدا لم تعد مشجعة لهؤلاء لتوقف المشاريع الانشائية الكبرى بها بإستثناء المدن الجديدة في أطراف القاهرة ، ولعلمهم التام بنفسية صاحب العمل السوداني التي تفضل الأجنبي على السوداني (اسهبت في الرابط أعلاه في شرح تلك النقطة) .. ولذلك بدأوا في التوافد زرافات ووحدانا للسودان للعمل فيه تسبقهم أحلام الثراء يشجعهم في ذلك قلة تكاليف السفر سواء كان ذلك جوأ أو بحرا ..!! ومن ثم بدأوا في الاستقرار في الخرطوم العاصمة وبعض المدن الأخرى وانخرطوا في المجتمع وكسبوا احترام اصحاب العمل وجنوا الكثير من الأموال والعلاقات حتى أن البعض منهم أسس شركات مقاولات وصيانة وتشطيب واسم عمل وصار له زبائن ومتعاملين ..!!
(الذين اتحدث عنهم هنا هم أوائل العمالة التي توافدت مع بشائر إنسياب البترول) ..
Quote: الحقيقة أن عوامل كثيرة أدت لعملية مغادرة المصريين للسودان وسنتحدث عن هذه العوامل كل على حدة .. ولكن اهم عامل في نظري هو إنخفاض قيمة الجنيه السوداني أمام الجنيه المصري بفعل تراجع قيمة الجنيه السوداني أمام الدولار
ولد دا !
ناس البي بي سي مضيعين وقتنا مع عاطف عبدالجواد
المقتبس اعلاه اشبه بمن يقول: "اعتقد ان سبب اختفاء ظل الشجرة هو غروب الشمس"
Quote: الحقيقة أن عوامل كثيرة أدت لعملية مغادرة المصريين للسودان وسنتحدث عن هذه العوامل كل على حدة .. ولكن اهم عامل في نظري هو إنخفاض قيمة الجنيه السوداني أمام الجنيه المصري بفعل تراجع قيمة الجنيه السوداني أمام الدولار
ولد دا !
ناس البي بي سي مضيعين وقتنا مع عاطف عبدالجواد
المقتبس اعلاه اشبه بمن يقول: "اعتقد ان سبب اختفاء ظل الشجرة هو غروب الشمس"
06-01-2012, 04:18 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: من ناحية تانية اتوقع مغادرة الكثير من العاملين الأجانب للسودان حيث كانوا يعتمدون على تحويل اموالهم إلى بلدانهم بالسعر الرسمي كل شهر - وحسع الحكاية حتكون ما مغطية معاهم
قرأت بوستك في حينه ولكن في حالة المصريين بالذات لم يكن همهم في تحويل أموالهم .. اولا لأن الصرافات غير الرسمية تنتشر في السودان بكثرة وأكثر من يديرها هم المصريون أنفسهم إذ كان يكفي لأي عامل مصري يريد تحويل أمواله أن يذهب لهؤلاء ويعطيهم ما لديه ومن ثم يمكن لذويه استلام ما ارسله في القاهرة هنالك وبتكاليف اقل في حالة أراد إستخدام التحويل بالطريقة الرسمية ..
أما إن أراد السفر بنفسه فيكفي أن يحمل ما لديه من عملات سودانية ويختار اي صرافة يجدها أمامه في القاهرة ويقوم بالتحويل المطلوب حيث أن صرافات القاهرة تقبل مبادلة الجنيهات السودانية بأي عملات يريدها العميل ...!
06-01-2012, 04:26 PM
قاسم المهداوى قاسم المهداوى
تاريخ التسجيل: 11-26-2004
مجموع المشاركات: 8640
حتى بعد انخفاض الجنيه السوداني أمام الدولار إلى معدل الخمسة جنيهات للدولار. كان يسمح للمصريين بالتحويل بالسعر الرسمي للدولار (2.7) وكان يسمح لهم بتحويل سبعمائة دولار شهرياً انخفضت قليلاً قليلاً حتى وصلت إلى السماح بتحويل مائتي دولار فقفط بسعر (2.7) لكن الآن وبعد أن تعويم الجنيه توقف هذا الأمر أصبح لا معنى للمصري أن يعمل في السودان ثم يحول الدولار بسعر (5) لذا بدأوا بالمغادرة
انا اخشى ان يكون بإيعاز من المخابرات المصرية و ذلك بتصوير الوضع في السودان على انه خطير- بينما القصد هو التقليل من اعداد المصريين لإختبار اعلان مهم. على خلفية ان الحكومتين السودانية و المصرية ستطلقان بالونات اختبار لمدى قبول الشعب السوداني للوحدة مع مصر . و تواجد المصريين بكثافة في تلك الظروف سيأجج مشاعر الكراهية اكثر فأكثر - هذا ان كان رد فعل الشعب السوداني سلبيا.
لذا ارادوا سحبهم طواعية و لكن بحجج واهية - في انتظار نتائج الاختبار
06-01-2012, 04:42 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
إنتو جايين متين يا زول ؟! قاعدين ساي لينا اكتر من شهرين البلد عدمت الفلينة ..!!
Quote: الجنيه العام والأسعار الطارت يا ناذر يعني داير ود بمبه يخدم بي بطنو ولا شنو؟
هذا ما كنت اريد قوله .. حاليا المصريين الذين فضلو الصبر علها تفرج يخدمون ببطنهم (حقيقة أقولها) .. إنهار سعر الجنيه السوداني الذي كان يساوي قبل مدة ليست طويلة اثنان جنيها مصريا .. فاصبح اليوم الجنيه المصري يساوي تسعون قرشا سودانيا ..!! هل تستطع أن تتخيل أثر هذا الانخفاض المفاجئ على عمل المصريين هنا ومدخراتهم ونفسياتهم ؟؟!!
قبل فترة بسيطة كان العامل المصري البسيط (نجار او حداد أو نقاش أو بناء) إذا ما وفر جنيها سودانيا فذلك يعني بحساباته جنيهين مصريين فيقتسم ما لديه ليرسل نصفه ويجعل النصف الأخر لمنصرفاته هنا .. أما اليوم فهو في حالة يرثى لها اذ حتى ذلك النصف لم يعد يجده مع إنهيار قيمة الجنيه السوداني أمام الجنيه المصري ..! فحاليا هو يأكل ويشرب وينام فقط دون اي توفير أو تحويل لمدخرات كما كان يفعل في ايامه الخوالي ..!!
وأنا حقيقة لا الومه في هروبه وفراره من السودان وإن كنت حزين جدا لذلك لأن هذه العمالة البسيطة علمتنا وتعلمنا منها الكثير ..!!
عزائنا ياالشايقي في أخوانا الحبش والأرتريين الشغالين في السودان.. الناس ديل لاصقين فينا لصقة ما يعلم بيها إلا الله .. نقيف يقيفوا معانا .. نقع يقعوا معانا ..! أصلو ما فاتو ولا شكو من سوء الاحوال .. حاليا العمالة الأثيوبية والأرترية دي هي حا تكون خليفة العمالة المصرية حتى تنصلح الأحوال عارف لييه ؟!!
لأنو المصريين هنا كانوا بيشغلو الأحباش طلب أو مساعدين ليهم لرخص أجورهم وما كانوا بيشغلوا معاهم سودانيين إلا مضطرين والحبش إتعلموا منهم الشغل والدقة في التنفيذ والتشطيب والتسليم ودي حسنة نشكر عليها المصريين شديد .. قبل كم يوم جا واحد أثيوبي عندي في الشركة طلب مواد ديكور ما بيعرفا الا مصري .. عملت فيها بعرفو قلت ليو وين صاحبك المصري الكنت شغال معاو ؟! الاثيوبي قال لي :المصري دا رجع قبل كم اسبوع وحاليا شغال براي ..!!
اما اخوانا العمالة السودانية(مجال الإنشاءات والتشييد تحديدا) الذين لا يتعلمون ولا ينسون .. فدعهم في كهفهم نائمون ..!!!
06-01-2012, 04:49 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: العمال المصرين عمال محترفين في الخارج والداخل ومنظمين ومسنودين من الدولة . وهم مصدر من مصادر الدخل القومي زيهم وزي القطن والسياحة . يعني قروش . قروش
صراحة من ناحية إحتراف وتنظيم هم في منتهى الاحترافية .. بعدبن هم هنا جايين على أساس انهم مغتربين .. يعني جايين يشتغلوا ويعملوا قروش .. فبيكونوا مخلصين جدا للشغل وبيهتموا بالمواعيد للدرجة الممكن ينوم في محل شغلو بعد ما يساهر الليل كلو في إنجاز عملو لأنو داير يخلص شغلو ويطلع ارباحو ويشوف غيرو بعكس العامل السوداني .. شغلة اسبوع يعملا شغلة شهر وشغلة شهر يعملا شغلة تلاتة شهور بسبب إهمالو وتسيبو وكسلو ..!!
Quote: يعني العمال المصرين قوة زي قوة العمالة المكسيكية في أمريكا .
قالوا في أمريكا في الولايات الحارة أكتر زول بيقدر يشتغل فيها في الحر والاسطح هم المكسيكيين .. شرطا يكون الموقع فيهو تلاجة لأنو عندهم البيرة الصاقطة أساسي لتحمل ضغط العمل زي المريسة والكجو مورو عند عمالنا هنا .. الكلام دا صحي ولا اشاعة ساي يا عثمان ؟ عشان لو صحي دايرين ناسنا هنا يجربو بيرتكم الصاقطة والمكاسكة ديك يجربوا كجومورونا دا ..!!
نظام توأمة وكدي ..!!
06-01-2012, 05:01 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: حتى بعد انخفاض الجنيه السوداني أمام الدولار إلى معدل الخمسة جنيهات للدولار. كان يسمح للمصريين بالتحويل بالسعر الرسمي للدولار (2.7) وكان يسمح لهم بتحويل سبعمائة دولار شهرياً انخفضت قليلاً قليلاً حتى وصلت إلى السماح بتحويل مائتي دولار فقفط بسعر (2.7) لكن الآن وبعد أن تعويم الجنيه توقف هذا الأمر أصبح لا معنى للمصري أن يعمل في السودان ثم يحول الدولار بسعر (5) لذا بدأوا بالمغادرة
وفعلا هذه من الأسباب الرئيسية ...!!
06-01-2012, 07:30 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: انا اخشى ان يكون بإيعاز من المخابرات المصرية و ذلك بتصوير الوضع في السودان على انه خطير- بينما القصد هو التقليل من اعداد المصريين لإختبار اعلان مهم.
ما قلت ليك إنت سباك بالفطرة ..!!!
دا تحليل شنو دا ؟!!!
06-01-2012, 07:30 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: انا اخشى ان يكون بإيعاز من المخابرات المصرية و ذلك بتصوير الوضع في السودان على انه خطير- بينما القصد هو التقليل من اعداد المصريين لإختبار اعلان مهم.
ما قلت ليك إنت سباك بالفطرة ..!!!
دا تحليل شنو دا ؟!!!
06-01-2012, 07:31 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: انا اخشى ان يكون بإيعاز من المخابرات المصرية و ذلك بتصوير الوضع في السودان على انه خطير- بينما القصد هو التقليل من اعداد المصريين لإختبار اعلان مهم.
Quote: انا اخشى ان يكون بإيعاز من المخابرات المصرية و ذلك بتصوير الوضع في السودان على انه خطير- بينما القصد هو التقليل من اعداد المصريين لإختبار اعلان مهم.
ما قلت ليك إنت سباك بالفطرة ..!!!
دا تحليل شنو دا ؟!!!
06-01-2012, 07:25 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
البحصل في السودان ده كله من تبعات خسارة الحكومة السودانية من دخل البترول. لأن دخل البترول كان يدخل عليها بالعملة الصعبة. وده هسع كله أنتهى. والكيزان مازالو يكابرون في الفارغة والبلد مهددة بأنهيار كامل.
06-02-2012, 06:20 AM
nazar hussien nazar hussien
تاريخ التسجيل: 09-04-2002
مجموع المشاركات: 10466
Quote: البحصل في السودان ده كله من تبعات خسارة الحكومة السودانية من دخل البترول. لأن دخل البترول كان يدخل عليها بالعملة الصعبة. وده هسع كله أنتهى. والكيزان مازالو يكابرون في الفارغة والبلد مهددة بأنهيار كامل.
ما أظن في مسئول في الحكومة بينكر هذه الحقيقة.. ونحن منتظرين:
سلام يا ناذر هل يمكن ان نضيف ضعف النشاط العمراني مثلا مما ادى لقلة الطلب على خدماتهم؟ انت كزول في السوق ده هل لاحظت انخفاض في هذا النشاط ؟ اسئلتي اقصد بها ما يختص بمشاريع القطاع الخاص والافراد وليس الانشطة الحكومية
06-03-2012, 04:51 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11848
أنا واحد من المتضررين من هروب العمالة المصرية بشدة
العام الماضى إتنين مصريين بيضوا لي طابق كامل بما فيه السقف في إسبوع....السنة دي واحد سوداني طلبت منو يبيض لي السلم بس....شغلة نص يوم..بدأ الشغل وأنا ماشي علي المطار...قلت قبل ما أصل يكون خلص...الليلة ليهو شهر ولسه ما خلص.....يوم ود عمو مات في الجزيرة ومابقدر يجي الا يرفعوا الفراش...ويوم عيان الا يكمل الابر حقاتو حتي يجي....دا غير...يازول الليلة الخميس ....يازول الليلة الجمعه....يازول الليلة السبت....دي تلاتة ايام مابشتغلوا فيها في السودان....طيب فضل شنو في الاسبوع؟؟؟
مفروض نقول ياحليل المصاري
تحياتي
06-02-2012, 11:14 AM
ياسر السر ياسر السر
تاريخ التسجيل: 08-06-2010
مجموع المشاركات: 3204
اجمل خبر اسمعو في عام 2012 يااخ ناذر وإن شاء الله يعدمو طافي النار ,, لم اقرا بوستك جيدا ولكن مهما كانت الاسباب في تمسك بعضنا بهم كعمالة محترفة او غيره فيه فعلا محترفة بس في اشياء تضرنا كثيرا وهناك الكثير من الجرائم التي دخلت لمجتمعنا السوداني عن طريقهم هذا غير الاحتيال والنصب الذي كان يسود تعاملهم وانتقل للشعب السوداني الذي كان محافظ على مثله واخلاقه وعاداته وتقاليده الجميلة وهذا غير الممراسات الكثيرة الخاطئة التي دخلت مجتمعنا وانت والجميع هنا اعلم بها اخي نازر فلماذا نحاول ان ننكر الحقائق وعلى حساب ماذا كل هذا عنها البيوت ما انبنت يا ناذر اذا كانت بتجيب لينا حاجات ذي دي والقريب قبل مدة قرات عن واحد مصري فاتح مكتب لتسهيل الزواج في قلب الخرطوم وعلى الملا فهل انت كسوداني ترضى ان تتزوج اختك بهذه الصورة وهذا وما خفي اعظم اخي ناذر على العموم هذا الخبر اسعدني ايما سعادة يا ناذر ومع خالص إعتزاري لكل الاخوه المتداخلين الذين يرون غير ذلك وإختلاف الراي لا يفسد للود قضية اخي ناذر .. واشكرك لسعة صدرك مقدما ,,
تحياتي : ياسر العيلفون
06-02-2012, 12:22 PM
كمال ادريس كمال ادريس
تاريخ التسجيل: 02-14-2008
مجموع المشاركات: 3142
ناذر يافنان تحيه ليك وزوارك اولا حاريك في رفع سقفين بجيك ليهم قريب
ثانيا القطع بمهارة العامل المصري فيها تجني على العامل السوداني لأني اعتقد ان المسالة نسبية. كمان كل من جاء السودان هم من غير المهرة فالماهر مطلوب ولايترك مكانه سواء ان كان في الخليج او حتى في مصر. لكن فترة البترول فتحت على السودان طاقة صبت منها كل العمالة الفاشلة في الخليج. وحتى الان البنقالة يسالون: كيف السودان أبغا اروح. الان عدنا لنقطة البدايه وعاد السوق للعمالة المحلية التي ينبغي على وزارة العمل والموارد البشرية والتظيمات العمالية ان تبدأ في تدريبهم والاستفادة من فترة البترول السابقة في الخبرات المكتسبة.
06-02-2012, 01:42 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
انت ما سمعت ولا شنو .. ياخ قالوا المصريين ديل من مصر ومن السودان كسحوا ليبيا بعشرات الألآف كل يوم
قالوا البلد هناك فتحت ع الواسع .. والسودانيين زاتهم فتحوا عليها ...
________________________________________
أخونا صلاح غريبة ماسكنا سأترك الرياض من أجل برنامج العودة الطوعية وما أدراك ..قلنا يقش لينا الطريق
في الآخــر مشى " كسر ركبه" في قاهرة المعــز"
-------------------
بس أهم حاجة عشان تقعد في السودان تخلي "عضلاتك تبش"
الحمد لله اهو براك شفت عضلاتي في البوست دا هههههه
قد تكون محق .. الأيامات دي في هوجة وأي زول هنا من السودانيين بقى يتكلم عن ليبيا كتير وداير يمشي ومقولة (ليبيا فتحت) دورت تاني وكمان فوق أخونا عثمان موسى قال العراق برضو فتح والأسعار مجزية ...
المصريين الرجعوا مصر ديل أظنهم رجعوا استراحة محارب .. شهر شهرين ويتجهو غربا لليبيا ..!!
Quote: أخونا صلاح غريبة ماسكنا سأترك الرياض من أجل برنامج العودة الطوعية وما أدراك ..قلنا يقش لينا الطريق
في الآخــر مشى " كسر ركبه" في قاهرة المعــز
اخوك غريبة دا كلامو صحيح ورجع البلد رجعة طوعية لأنو ما مقتنع مصر والسودان دولتين .. وعندو قناعة تامة أنو البلدين بلد واحدة ..!
يعني إنت برضو ممكن تعود عودة طوعية لي الاسكندرية او اسوان مثلا ..!!
Quote: بس أهم حاجة عشان تقعد في السودان تخلي "عضلاتك تبش
ههههههه الناش شغالة عتالة ولا شنو ؟؟!!
06-02-2012, 01:43 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: البحصل في السودان ده كله من تبعات خسارة الحكومة السودانية من دخل البترول. لأن دخل البترول كان يدخل عليها بالعملة الصعبة. وده هسع كله أنتهى. والكيزان مازالو يكابرون في الفارغة والبلد مهددة بأنهيار كامل.
طبعا خسارة دخل البترول أهم الأسباب .. وكمان ما ننسى المشاكل البتمر بيها مصر حاليا ..!!
06-02-2012, 01:45 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الاخ ناذر لك كل الود مهنة السباكة مهنة شريفة ولعلمك الاخ برقو طبيب ناجح ومتميز والان هو من كبار رجال الاعمال بافريقيا
وين انا قلت السباكة ما مهنة شريفة ؟! عشان ضربت بيها المثل في راس برقو ولا شنو ؟!
برقو دا ال ما عرفناهو طبيب ولا رجل أعمال بالله خليهو يسيب لطاختو البيعمل فيها دي ويركز مع أعمالو ودكترتو .. لأنو بحسب إفادتك دي هبالة الشفع ما بتليق بيهو ..!
وما تجي تكتب لي الشفع ديل أحباب الله وملائكة الرحمن ..!
لأني ما قلت كدة وفي نفس الوكت ما قلت شي غير كدة ..!
لك الود ..
06-02-2012, 01:57 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: سلام يا ناذر هل يمكن ان نضيف ضعف النشاط العمراني مثلا مما ادى لقلة الطلب على خدماتهم؟ انت كزول في السوق ده هل لاحظت انخفاض في هذا النشاط ؟ اسئلتي اقصد بها ما يختص بمشاريع القطاع الخاص والافراد وليس الانشطة الحكومية
النشاط العمراني لم يصيبه الضعف والجمود الا بعد الاجراءات الاقتصادية الأخيرة ..! القطاع الخاص وقطاع الاستثمارات الصغيرة في البناء لن يتوقف في المستقبل القريب ولا اظنه سيتوقف لأننا في بلد مجالات الاستثمار فيه محصورة كما أن رأس المال ######## ولا يخاطر في تحريك امواله عبر وسيلة هو يعتقدها غير مضمونة (بورصة - استثمار بنكي - اسهم سندات) لذا فإن من يمتلك امكانية فأول ما سيفكر فيه للحفاظ على أمواله هو بناء منزل أو شقق او محال تجارية بغرض الايجار أو الاستثمار الشخصي ..
والعمالة المصرية كانت دوما مستعدة للمساهمة قبل أن تسوء الأحوال في السودان وفي مصر ..
اما النشاط العمراني فيمكن القول أنني لاحظت بحكم عملي تجمده بسبب ارتفاع تكاليف مواد البناء .. وقد يتجرك في اي لحظة بحسب تقلبات السوق والاسعار ..!
06-02-2012, 02:05 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: ...الليلة ليهو شهر ولسه ما خلص.....يوم ود عمو مات في الجزيرة ومابقدر يجي الا يرفعوا الفراش...ويوم عيان الا يكمل الابر حقاتو حتي يجي....دا غير...يازول الليلة الخميس ....يازول الليلة الجمعه....يازول الليلة السبت....دي تلاتة ايام مابشتغلوا فيها في السودان....طيب فضل شنو في الاسبوع؟؟؟
زولك دا انو من النوعية الأنا قبل كدة كتبت عنها دا :
أعطيك مثالا عن الحرفي الذي يعمل في مجال البناء ، جميعهم إلا من رحم ربي أعذارهم متشابهة عند التهرب من العمل إلى حد كبير وسأضرب مثالاً بأصحاب (الطشمة) منهم وسيجد كل من يمارس العمل في مجال البناء والمقاولات أن ما سأسرده هنا يحدث بالكربون لديه مع إختلافات طفيفة ..
تكلف أحدهم بعمل (سباكة ، نقاشة ، بناء ، محارة ....إلخ ) ، يوم السبت يأتيك مبكرا وبكل همة ونشاط يبدأ العمل حتى نهاية اليوم ، يوم الاحد يأتي متأخرا قليلا فتسأله فيجيبك أن جارتهم توفى نسيبها وأنهم ذهبوا للمقابر لمواراة الجثمان ، يوم الاثنين لا يحضر مطلقاً ، تتصل عليه فتجده قد أغلق موبايله !! .. يحضر يوم الثلاثاء بعد منتصف النهار .. تستفسره فيجيبك أن إبنه لديه مشكلة في المدرسة وأنهم طلبوا حضور ولي أمره وذلك سبب التأخير ، يوم الاربعاء يعمل بهمة ونشاط منذ الصبح ولكنه ينصرف قبل الثانية ظهراً تسأله فياتيك الرد أنه يريد الذهاب للميناء البري لإستقبال عمة زوجته القادمة من البلد ..! يوم الخميس يأتي مبكرا جدا ويعمل بهمة ونشاط طوال اليوم (طبعا عشان دا يوم المصاريف) !! تعضيه بعضا من أجره وأنت متحسر ومضطر وإذا رفضت يقول لك أنه عمل بجد طوال الإيسبوع رغم ظروف الوفاة ومشكلة إبنه وإستقبال عمة زوجته ويوعدك بانه يوم السبت إنشاء الله سيعوض ما فقده من زمن ..!!
أما الاسبوع الثاني فحدث ولا حرج .. تكاد تفضل عليه الإسبوع الأول ..!!
صاحبنا يوم الخميس يخرج من عندك وجيبه ملئ بالنقود ،، في طريقه لمنزله يعرج على صاحب مطعم في الناصية ويشتري 3 طلبات (شية وأم جقاجق وقوانص جداد) ..!! يحملها وقبل الوصول لمنزله يعرج على دينارية ست العرقي ..!! ويشتري منها قزازتين سيوبر ومنها على البيت ..! يسكر ويتطين وياكل ويمزمز ويستفرغ الليل كلو ..! يوم الجمعة ما يقوم من نومو إلا الساعة تلاتة ضهر ..! يطلع من البيت يمشي الميدان يحضر التمرين ويرجع المغرب يواصل في سكرتو وحيرتو ،، يقوم السبت الساعة إتناشر ضهر يكسل يجيك الشغل ويقفل منك موبايلو ..!!
يوم السبت بالليل ما بيسكر ولا بيتطين ، لكن بيمشي لي أقرب سوق عشوائي يشتري ليهو قميص بي سبعة جنيه ..! يوم الأحد بيجي الشغل الساعة عشرة ويقعد يتلفت ويتمحرك بي قميصو العاجبو ولا يشتغل ،، تسألو مالك ؟! يقول ليك انا جيت إشتغل لكن شاعر بي حمى وداير أرجع لكن بجي بكرة أواصل (التقول هو بدا حاجة عشان يواصلا ؟! ) ،،.. يوم الإتنين بيضرب ليك تلفون بعد الساعة إتناشر يعتذر إنو ما جايي عشان مرتو بتلد في المستشفى (طبعا الاتصال دا عشان يخدرك وما تجيب زول غيرو للشغل) .. يوم التلاتاء بيجي للشغل ويشتغل زي الحمار ..! (ما حبا في الشغل لكن عشان القروش العندو خلصت وما في سبب يخليهو يقعد في البيت) ..! يوم الاربعاء بيجي يشتغل نص يوم وبيرجع بدون ما إنت تلاحظ إنو طلع (نظام زغبير وكدة) ..! يوم الخميس يجيك بدري زي التقول مصحيهو ديك الفجر ..! ويبدأ يشتغل بي كل إجتهاد ومسئولية وفي نهاية اليوم يشيل منك مصاريف الإسبوع ..!!
يخرج من عندك وجيبه ملئ بالنقود في طريقه لمنزله يعرج على صاحب مطعم في الناصية ويشتري 3 طلب شية وأم جقاجق وقوانص جداد ..!! يحملها وقبل الوصول لمنزله يعرج على دينارية ست العرقي ..!! ويشتري منها قزازتين سيوبر ..... إلخ ...!!
06-02-2012, 02:15 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: اجمل خبر اسمعو في عام 2012 يااخ ناذر وإن شاء الله يعدمو طافي النار ,, لم اقرا بوستك جيدا ولكن مهما كانت الاسباب في تمسك بعضنا بهم كعمالة محترفة او غيره فيه فعلا محترفة بس في اشياء تضرنا كثيرا وهناك الكثير من الجرائم التي دخلت لمجتمعنا السوداني عن طريقهم هذا غير الاحتيال والنصب الذي كان يسود تعاملهم وانتقل للشعب السوداني الذي كان محافظ على مثله واخلاقه وعاداته وتقاليده الجميلة وهذا غير الممراسات الكثيرة الخاطئة التي دخلت مجتمعنا وانت والجميع هنا اعلم بها اخي نازر فلماذا نحاول ان ننكر الحقائق وعلى حساب ماذا كل هذا عنها البيوت ما انبنت يا ناذر اذا كانت بتجيب لينا حاجات ذي دي والقريب قبل مدة قرات عن واحد مصري فاتح مكتب لتسهيل الزواج في قلب الخرطوم وعلى الملا فهل انت كسوداني ترضى ان تتزوج اختك بهذه الصورة وهذا وما خفي اعظم اخي ناذر على العموم هذا الخبر اسعدني ايما سعادة يا ناذر ومع خالص إعتزاري لكل الاخوه المتداخلين الذين يرون غير ذلك وإختلاف الراي لا يفسد للود قضية اخي ناذر .. واشكرك لسعة صدرك مقدما ,,
يا زول قلقت عليك .. من امبارح منتظرك تخش البوست دا هههههههههه
يا ياسر والله أنا فاهم وجهة نظرك ومقدرا .. وإن كمان عارف تفاصيل السرقة الإتسرقتها هنا من واحد من الجماعة ديل .. هي لكن كدي إنت أديني بديل للجماعة ديل في مجال عملنا دا ..!!
غايتو حاليا استعوضنا الله وبقينا نستعين بي أخوانا الأثيوبيين الهم كانوا مساعدين ياي للمصريين لكن برضو الناصية ما زي تاني ناصية ولا شنو ؟!
بعدين قصة مكاتب تسهيلات الزواج .. زي ما قال ليك واحد فوق الجماعة ديل بيشموا محل الشغل شم ..!! مكاتب الزواج دي حاليا بدت تنتشر في السودان وكمان إعلاناتا منشورة في الصحف اليومية .. واكيد بتكون في مصر المكاتب دي من زمان وامكن اخونا المصري دا ، دا كان مجال شغلو هناك وعندو فكرتو وتجاربو .. ولمن الشغلة فتحت بي هنا طوالي هو قام فتح برضو .. لا حظ دا بيكون خبير في الأمور دي ..!
وأقول ليك حاجة يا ياسر .. انا شخصيا لو فكرت أتزوج من خلال المكاتب دي وخيرتني امشي لي مكتب مصري ولا سوداني اكيد بدون ما افكر حا امشي للمصري عشان أتفادى شمارات بعض السودانيين وعشان لمن أملاء الفورم الفيهو بياناتي وعملي وسني وأكتب أنا جعلي من سقادي ما يقوم صاحب المكتب دا يعاين لي بي عرفة ويقول لي : بالله إنت من سقادي ؟؟!! اللخو من منو في الاهل ؟! والحكاية تجيب ليها شيل حال ما في ليهو داعي ..!!
06-02-2012, 02:22 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: ثانيا القطع بمهارة العامل المصري فيها تجني على العامل السوداني لأني اعتقد ان المسالة نسبية. كمان كل من جاء السودان هم من غير المهرة فالماهر مطلوب ولايترك مكانه سواء ان كان في الخليج او حتى في مصر. لكن فترة البترول فتحت على السودان طاقة صبت منها كل العمالة الفاشلة في الخليج
طبعا اكيد الكلام هنا ما قطعي .. ماكل العمالة المصرية الجات ماهرة وما كل العمالة المحلية فاشلة أو غير ماهرة .. لكن بالمقارنة وتجارب السوق والعمل وجدنا أن العمالة المصرية تتغلب وتحرز عدة نقاط واهداف في مرمى العمالة السودانية ..
Quote: الان عدنا لنقطة البدايه وعاد السوق للعمالة المحلية التي ينبغي على وزارة العمل والموارد البشرية والتظيمات العمالية ان تبدأ في تدريبهم والاستفادة من فترة البترول السابقة في الخبرات المكتسبة.
بالنسبة لتدريبهم أرجو أنك تراجع رابط البوست الفوق واقرا محاولة واحدة من الشركات تدريب عدد من العمال والفنيين ووفرت ليهم وجبات وترحيل وهدايا .. بالله عليك أقرا شوف الحصل شنو ..!
من اصعب الاشياء انك تقول للعامل السوداني (تعال أدربك البتاعى دي بيعملوها كيف) .. طوالي حا يشبكك ؟ يعني قصدك أنا ما بعرف ؟ قصدك انا ما متعلم ..!!
الحكاية دي نفسية موجودة عندنا وعشان نتدرب لازم نتنازل عن حاجات كتيرة ما اظن العامل السوداني مستعد يتنازل عنها حاليا ..!!
جاهزين للرفع .. بالنسبة للسقفين ؟؟
06-02-2012, 06:17 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الاخ ناذر سلام ملاحظتك في محلها...لاني شائف زمان بتجد المصريين في الصرفات بأعداد كبيرة ...الان لاتري منهم الا القليل ..............
لكن الغريب العساكر بتاعين قوات اليونيمس كانوا ساكنيين بالقرب مني ....اعداد كبير منهم جأت راجعة السودان يصورة فردية بعد ما انتهت مدة اليونميس في السودان و اجروا نفس البيوت الكانت مؤجره من قبل الامم المتحدة ....
06-03-2012, 08:15 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الاخ ناذر سلام ملاحظتك في محلها...لاني شائف زمان بتجد المصريين في الصرفات بأعداد كبيرة ...الان لاتري منهم الا القليل ..............
وحتى هؤلاء القليل سيختفي قبل نهاية العام ...
أنا لا أتكلم عن مجرد ملاحظة .. أنا أعلم جميع تجمعات المصريين في الخرطوم واماكن تواجدهم وسكنهم يكفي ان تأتي السوق العربي وتسأل عن قهوة أم جمعة .. هذه القهوة معلم بارز لكل المصريين القادمين للسودان أو المتواجدين به .. أمكن بصورة نسبية زي فندق مونتانا في مصر بالنسبة للسودانيين في فترة من الفترات ..
اذهب الى ام جمعة الأن وتحسس الفرق واعداد التجمع ..
Quote: لكن الغريب العساكر بتاعين قوات اليونيمس كانوا ساكنيين بالقرب مني ....اعداد كبير منهم جأت راجعة السودان يصورة فردية بعد ما انتهت مدة اليونميس في السودان و اجروا نفس البيوت الكانت مؤجره من قبل الامم المتحدة ....
أكيد أبان وجودهم مع القوات لامسوا بأنفسهم سهولة جمع أموال من السودان .. ولكن مع عودتهم الأن أيا كان ما يخططون له من عمل أو وظائف سيتفاجأوا بتغير الأوضاع وان الأمور ليست كما كانت عليه قبلا ..!!
العزيز (العملاق) ناذر .. يا جماعة ما تتغشو في صورة بروفايل ناذر دي .. لاقيت ليكم ناذر في سفرتي الأخيرة للسودان وكنت ناوي أعمل معاهو مشكلة لأنو دايمآ بشاكل ناس المعارضة في البورد ومعظمهم أصحابي .. والعبد لله يتميز بطول 6.2 ( مقاس لاعب سلة أمريكي) ووزن 196 باوند .. أها لاقيت ناذر في بيت الفنون وأول ماشفتو لقيت ليكم نفسي زي القزم أمامو بالإضافة لكونو جعلى وتخرج من الهند والهند معروفة ببلاد القراية أم دق غايتو يا د حامد برقو شيل شيلتك! البوست ده ممكن يكون جزء من الآثار السالبة للأزمة الإقتصادية بشكل عام والأمر لايتعلق بهجرة العمالة المصرية فقط من السودان إيضآ يمس كل العاملين الأجانب في السودان .. وتبقى أهم الأسباب هي إنفصال الجنوب كسبب رئيس في الأزمة ولقد تأثرت أنا شخصيآ بالإنفصال فلقد أخلت الشركة الهندية التي كانت تستأجر منزلي منذ عام 2008 وغادرت إلى جنوب السودان وأضررت إلى تأجير المنزل المكون من شقتين وخمس غرف بنصف السعر لأحد رجال الأعمال السوريين كأفضل الحلول بدلآ أن يظل المنزل مغلقآ .. ولقد حدث ركود في سوق العقارات وأنت عليم بالأمر.. إيضآ العجز في ميزان المدفوعات وإنخفاض السقوف الإئتمانية وإرتفاع معدلات التضخم ومتوقع زيادة في المعدل في شهر رمضان إذا إستمرت الإمور كما هي إلى 48% .. وحقيقة الموقف لا يسر إطلاقآ غايتو أبقوا عشرة على أنشطة بيت الفنون وبرامج الحقيبة .. تحياتي لصاحب الصوت الشجي على الساجوري.
06-04-2012, 01:09 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: لاقيت ليكم ناذر في سفرتي الأخيرة للسودان وكنت ناوي أعمل معاهو مشكلة لأنو دايمآ بشاكل ناس المعارضة في البورد ومعظمهم أصحابي .. والعبد لله يتميز بطول 6.2 ( مقاس لاعب سلة أمريكي) ووزن 196 باوند .. أها لاقيت ناذر في بيت الفنون وأول ماشفتو لقيت ليكم نفسي زي القزم أمامو بالإضافة لكونو جعلى وتخرج من الهند والهند معروفة ببلاد القراية أم دق غايتو يا د حامد برقو شيل شيلتك!
والله تشرفت بيك يا نجيلة .. وكمان في المرة التانية جينا الحديقة ومعاي ساجوري متأخرين لكن ما قابلتك وعرفت انك من الحديقة للمطار طوالي وكنت متمني اقابلك تاني وتسمع معاي علي ساجوري بالعود لكن ما مشكلة الجايات أكتر من الرايحات ..!
بعدين ناس المعارضة صدقني ما قاعد أشاكلم لكن كتير منهم براهم بيبدو اللخبطة وأخوك جعلي يسكت كيفن عاد !!؟ طوالي لازم ارد الصاع صاعين .. هسي زي برقو دا لا سألتو لا هبشتو براهو جاي يتجغمز ويتمغرز .. دا حالتو قالوا دكتور ورجل أعمال ؟!!!عشان كدة كان لازم ياخد نصيبو من المقسوم ..!!
Quote: أها لاقيت ناذر في بيت الفنون وأول ماشفتو لقيت ليكم نفسي زي القزم أمامو بالإضافة لكونو جعلى وتخرج من الهند والهند معروفة ببلاد القراية أم دق غايتو يا د حامد برقو شيل شيلتك!
يا زول ما تلاوز . إنت بس تكون اليوم داك شوفتني أربعة أربعة هههههه
Quote: البوست ده ممكن يكون جزء من الآثار السالبة للأزمة الإقتصادية بشكل عام والأمر لايتعلق بهجرة العمالة المصرية فقط من السودان إيضآ يمس كل العاملين الأجانب في السودان .. وتبقى أهم الأسباب هي إنفصال الجنوب كسبب رئيس في الأزمة ولقد تأثرت أنا شخصيآ بالإنفصال فلقد أخلت الشركة الهندية التي كانت تستأجر منزلي منذ عام 2008 وغادرت إلى جنوب السودان وأضررت إلى تأجير المنزل المكون من شقتين وخمس غرف بنصف السعر لأحد رجال الأعمال السوريين كأفضل الحلول بدلآ أن يظل المنزل مغلقآ ..
طبعا كل الأزمات دي سببا انفصال الجنوب وامكن الغلاء العالمي الضرب معظم دول العالم ، بس أنا ركزت على العمالة المصرية لأنها عمالة اغلبيتا جات بي صورة فردية بحتة دون تعاقد مع شركات او حكومات .. يعني ما عندها ظهر يحميها زيها وزي العمالة البتتبع لي شركات ودي في كثير من الاحيان بتخير العامل المصري المعاها بين أنها تصرف ليهو مستحقاتو في الخرطوم او في مصر خاصة لو كان التعاقد بالدولار.. ودي أمكن تكون أقل تضررا من العامل البيعتمد على التحويل حسب قوانين الحكومة السودانية هنا وضوابط البنك المركزي ..!
ناخد مثال هنا على العمالة الصينية والبنغالية والفلبينية .. ديل عمالات منتظمة جاءت بي عقود محددة بواسطة شركات ومؤسسات ومرتبات محسوبة سلفا بالدولار .. انخفاض سعر الجنيه قد لا يكون مؤثر عليها بس بتبقى مشكلتا في تحويل الاموال لي بلادا ..
Quote: ولقد حدث ركود في سوق العقارات وأنت عليم بالأمر.. إيضآ العجز في ميزان المدفوعات وإنخفاض السقوف الإئتمانية وإرتفاع معدلات التضخم ومتوقع زيادة في المعدل في شهر رمضان إذا إستمرت الإمور كما هي إلى 48% .. وحقيقة الموقف لا يسر إطلاقآ
فعلا الموقف لا يسر ولا يبشر بالخير .. والأسوأ في طريقه الينا وهذه الايام الحكومة عندها بالون اختبار اسمو رفع الدعم عن الوقود .. البرلمان يرفض الزيادة .. المؤتمر الوطني يقرها .. مجلس الوزراء مش عارف يقرها بتوضيحاتها .. ونحن مع الجهجهة دي بقت علينا حكاية كتلوك ولا جوك جوك ..!!
Quote: غايتو أبقوا عشرة على أنشطة بيت الفنون وبرامج الحقيبة .. تحياتي لصاحب الصوت الشجي على الساجوري.
تسلم يا عادل ونشوفك قريب إنشاء الله ..!!
06-11-2012, 08:22 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
سأعود لأحدثكم عن شكوى التجار والموردين المصريين وإحجامهم عن توريد بضائعهم المتنوعة للسودان لانعدام العائد المادي وايضا احدثكم عن مستودعات شحن البضائع في القاهرة والتي كانت تعج بالحركة على مدار الساعة ليلا ونهارا وكيف الأن صارت تشكو خيوط العنكبوت وقلة الجرزان من فرار الموردين واصحاب البضائع وايضا فرار اصحاب الشاحنات ووكلاء الشحن أنفسهم ..!!
06-11-2012, 01:36 PM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ناذر محمد الخليفة
عماد الشبلي
Hani Arabi Mohamed
Al-Shaygi
Osman Musa
اسامه خليفه
قاسم المهداوى
Deng
nazar hussien
عبد العزيز عبدالكريم نهار
محمد إبراهيم علي
MOHAMMED ELSHEIKH
د. ياسر عبد القادر
ياسر السر
كمال ادريس
مدثر صديق
هشام هباني
فيس بوك
تويتر
انستقرام
يوتيوب
بنتيريست