محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيداحمد

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 13-12-2018, 03:41 AM الصفحة الرئيسية

مكتبة الفنان الراحل مصطفى سيد احمد
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-09-2003, 06:01 PM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيداحمد



    الشاعر محمد المهدى عبد الوهاب يحكى فى بوح حميم عن صديقه مصطفى سيد احمد




    محمد المهدى عبد الوهاب
    .........................


    …… لقائى الاول مع مصطفى .........


    انى اذكر ان اول لقاء لى مع مصطفى كان فى العام1981 وبمحض الصدفة كنت مع صديقين له فاقترحا ان نذهب ونقضى الليل عنده وفعلنا, وفى تلك الامسية غنى لمحتك والشجن الاليم والملام واخواتهن وكانت تلك اول مرة استمع فيها لغناءه. وكانت اسعد ليلات حياتى و بداية اعظم وارقى صداقة امتدت بينى وبين مصطفى ساظل وفياً لها ما حييت

    ولعها ليلة نادرة تحاورنا فيها انا وهو عن مستقبل الغناء والثقافة والحياة اتفقنا واختلفنا وعلى غيرعادة اللقاءات الاولى حكيت وحكيت له عن تجارب شخصية واسرار كنت كمن اعرفه منذ زمن بعيد


    .....إنتقالى للسكن معه بمنزل الايجار......


    فى العام 1982 حطت بى الايام لاسكن مع صديقى مصطفى فى نفس بيت لقاءنا اول مرة ومعنا صديقه معاوية سعد ورابعنا كان قريبه انور محمد الحاج وعشنا كلنا فى تالف ووضوح ومن حولنا الجيران من مختلف الجنسيات يجمعهم الفن وحب الطرب ذلك هو فريق ارض الحيوان الحى الكائن غرب الديوم الغربية والمتاخم لجنوب السجانة.


    .....حياة العزابة والبروفات الغنائية ……..


    فى فناء الدار وبعد الغداء يجتمع الموسيقيون لاداء البروفات فيتحلق حولهم متفرجون من مختلف الاعمار يحفظون اغانى مصطفى ويرددونها فى نشوة ويستمع مصطفى لاراء العازفين وياخذ ببعضها ,باب البيت مفتوح لا احد ينهر احد حتى الصغار والاطفال العملية الفنية متاحة للجميع , وفى الاستراحات يتقدم طفل ليعزف على الاكورديون فيساعده العازف عبد الرحمن


    .....قصة الفتاتين الاثيوبيتين اللتان كانتا تسكنان معنا.....


    هاتان الفتاتان لجاتا للسودان وذات يوم عرف مصطفى من احداهن انها واخواتها يلاقين مضايقات لا حصر لها من الرجال والمؤجرين والسلطات فأفرغ المطبح من محتوياته وحوله الى حجرة لهن بها سريرين ودولاب ثم شجعهن فالتحقن بدراسة مسائية وفى الصباح تقومان ببعض الاعمال المنزلية مدفوعة الاجر مثل الطبخ والكنس وكى الملابس وفى المساء عندما يعدن من الدراسة تنضمان الينا وتعيشان كما تعيش ست البيت فى منزلها والويل كل الويل لاى متانق مختال يحاول اغوائهن او يقل من ادبه امامهن فالفلاح اخو البنات لا يرى الا الاحترام الكامل لانسانيتهن ...اعلم ان هاتيتن الفتاتين اينما كانتا هما الان من اشد الناس حزناً عليه ..



    ...قصة اغنية اخوان الانسانية ..(ما بين زمناً متمنيهو وزمناً منك زادنى اسية)....


    ضمنى مصطفى لهمومه الخاصة ووثق بى وانى احترم هذا جدا وكنت اشركه فى كل ما يحدث لى وحدث ان لاحظ بحسه انى مهموم ومحبط فسالنى بحنو ورقة عما بى.. فعرف ان معلول وعاشق حتى العظم بحب عظيم فوجدته حكيما ًوعالماً بمثل هذه الامور وكان بمثابة البحر فى رقته فكتبت ان مصطفى هو ..(البحر الما خلانى اعيش برانى )..وبعدها سافرت لبراغ ناسياً..
    ( طفت الدنيا عشان انساك وانسى الحزن الطارد ليا ).. و(مداريا الحزن الاكبر بين الصيف وجمال المنظر ).. فكان ان سطرت واحدة من اصل ثلاث قصائد غنائية هى كل ما كتبت فى هذا المجال الابداعى وكانت اخوان الانسانية التسامح والمحبة لكل الموجودين وبينهم مصطفى ..( كنت بتطلعىمن عينيهم وكتين يفرحو او يندهشو او يفترشو سواعد بعض).. بين سطورها تمجيد لحبى الفاشل واعتزاز باصدقاء افاضل مثلوا العلاقة بين الفرد والفرد والجماعة والجماعة
    فكانت احلى العلاقات لانهم ازالوا عنى الهم الذى كان يلازمنى.. ( مااحلاهم شالو معاى الهم بالجملة وفضلو يغنو يغنو) ...
    ما احلاهم وما احلى مصطفى .


    ..... يحترم المواعيد وبسببى كاد ان يكسر عوده على الاسفلت ……….


    يشرق وجه مصطفى وتلمع عيناه وياتيك الحب منه اطناناً مصطفى متسامح الى الحد البعيد كما انه منيع امام التفاهة والتقليل ولا يقبل الاهانة مهما صغرت , عدم الانضباط فى المواعيد يغضبه لدرجة كبيرة واذكر فى مرة وكان راس السنة اتفقنا على ان نمر عليه فى المنزل انا وصديقى عادل على ابراهيم لناخذه الى منزل اسرتى بامدرمان ليغنى لنا هناك.. ولاسباب كان يمكن تجاوزها تاخرنا عليه لمدة ساعة ونصف وعند حضورنا سالنا عليه ووجدناه قد كره انتظارنا وحمل عوده وخرج لحقنا به ووجدناه يسير فى شارع الديم متجها جنوبا حاملاً عوده والمارة ينظرون اليه بدهشة واستغراب ,
    رفض اعتذارنا ولما حاولنا استرضاءه غضب وكاد ان يهشم العود على شارع الاسفلت فانسحبنا فى صمت وعدنا ادراجنا .

    مضت ايام قليلة بعد تلك الحادثة التقيته اشرق وجه وطفر من الحب اطناناً تعانقنا وبكى هو لانه علم ان اشقائى وشقيقاتى واصدقائى قد حزنوا يومها لانه لم يات ليغنى لهم بعد ام منوا نسهم بليلة شجية معه ومع الحانه اطرق طويلا ونظر الى الارض طويلاً يومها

    وبعد شهرين استغل مصطفى مناسبة عندنا فى المنزل فجاء هو والفرقة وغنى وتالق مصطفى حينها (حتى الديك) حينها عرفت لماذا اطرق طويلاً يومها





    ..... مصطفى والعازفين ومن هم اعضاء فرقته وكيف يتعامل معهم ؟.....



    ……………….…………….

    ……………..………..……..


    تعامل مصطفى فى بداياته مع عارفين كثر لكنهم تركوه لانه يكما يقولون لا يجارى السوق وان اغنياته التى يرددها لا تاكل عيش فانفضوا من حوله , فكون فرقته من صغار العازفين ورغم انهم لم يكونوا على مقدرة وتاهيل جيد ومناسب الا ان مصطفى تمسك بهم لانهم وقفوا معه يوم ان تركه الجميع وساندوه , وكان على راسهم عم جمعة (ساكسفون) وجمال (الجيتار الايقاعى )وعبد الرحمن حضرة(الاكورديون) والصاوى وعشيرى واسامة عثمان وجراهام عبد القادر (كمنجات)وعبد الله ود السجانة(فلوت) واخرين لا استحضر اسماءهم الان , ونشأ بين عم جمعة وجمال بيز ومصطفى توادد تنسانى حميم وكانوا يتبادلون مافى جيوبهم حسب حاجة الاخر , وكان اول من يستمع للالحان هوعم جمعة وقد اعتمد عليه مصطفى بالذات فى توصيل الالحان وسلامتها وساعده فى ذلك معرفة عم جمعة العميقة بالنوتة الموسيقية من خلال تجربته السابقة كجندى فى سلاح الموسيقى .


    ..... مصطفى وحياته داخل المنزل فى غير اواقات الغناء ………



    بين لحن واخر كان مصطفى يقوم بواجب منزلى كحمام اطفاله او اكلهم وكان يجلس ليرسم ويلون احياناً وتارة يمسك بادوات نجارة دقيقة ليصلح الة شيلو مشقوقة او كمان مكسور او عود مطرطر وغالباً ما يستعير بعض الكتب يقرأ فى السياسة والاقتصاد والروايات والمجلات الدورية وتاريخ البلدان لا يناقش امرا الا بعد العلم به , مهذب عفيف اللسان حريص على انتقاء كلماته حتى لو كان غاضباً.


    بموت مصطفى فقد السودان فناناً حقيقياً وفقدت قوى الخير والديمقراطية نذيراً ومناصراً بارعاً وفقد اصدقاؤه اخ كريم
    لكنه غافلنا جميعا ورحل.

    ...وداعا مصطفى سيد احمد.. وداعاً يا اخى...



    .......................................

    ................................................

    (عدل بواسطة sheba on 05-09-2003, 06:05 PM)
    (عدل بواسطة sheba on 05-09-2003, 06:21 PM)

                   |Articles |News |مقالات |بيانات

05-09-2003, 07:11 PM

almohndis
<aalmohndis
تاريخ التسجيل: 05-05-2002
مجموع المشاركات: 2646

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    سجل زيارة قصيرة
    الى السودان الا انا
    اسجل صوت لوم لم يزورنا
    اهلا وجاور
                   |Articles |News |مقالات |بيانات

05-09-2003, 08:30 PM

Modic

تاريخ التسجيل: 19-12-2002
مجموع المشاركات: 872

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)
                   |Articles |News |مقالات |بيانات

05-09-2003, 09:52 PM

cantona_1
<acantona_1
تاريخ التسجيل: 04-01-2003
مجموع المشاركات: 6837

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: Modic)


    الأخ مودك واتمنى ان اكون قد كتبت الأسم صحيحا
    الأستاذ محمد المهدي عبدالوهاب رجل ولا ككل الرجال وهو زميل دراسة منذ المدرسة الاهلية الثانوية بامدرمان وصديق بكل ما تحمل الكلمة من معنى.. لا يمكنني ان اعدد حميد صفاته وسماحة روحه مهما اوتيت من البلاغة وحسن الكلم.. وهو حساس من النوع الذي لا يحب الشكر ولو كان للمثقفين ثيرموميتر لقياس درجة ثقافتهم لكان ود المهدي - وهو الأسم المحبب له- لكان هو ذلك المقياس

    سمعته في ندوة للتجمع قدم فيها السيد الصادق المهدي تقديما لايمكنني مضاهاته او مجاراته مهما حاولت وانا الأنصاري حتى النخاع.. اعجب كلامه المنمق احد جيراني في الندوة فعلق قائلا: ناس المهدي ديل ما صنعتهم الكلام.. الرجل كان يظن ان محمد المهدي عبدالوهاب من آل المهدي.. اوضحت له ان ود المهدي من ناس أم درمان ولكنه ليس من آل المهدي وهو ديمقراطي .. ولكني اعرفه رجلا امينا وهو الأمانة تمشي على رجلين.. فمع اختلافه مع السيد الصادق ايدولوجيا إلا انه مدح الرجل بكل صفة حسنة وكل قول جميل ولا أظنه طامعا في شئ... إلا إذا جاء معنا في الأنصارية

    وسؤالي هنا لشيبة هل استهلكت المرحوم مصطفى سيد احمد وتريد أن تستهلك شخصا حيا بين ظهرانينا؟ اتق الله يا رجل ولا تحاول ان تفرض اهمية لنفسك لا تمتلكها وشوف ليك واحد تاني قل عنه وفيه ما تريد .. فود المهدي ليس من الرجال الذين تعرف وتحريفك لكلامه ذنب اغترفته فاعترف واعتذر ولك اجران

    كباشي الصافي
                   |Articles |News |مقالات |بيانات

05-09-2003, 11:18 PM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    كانتونا-1

    اطلع منها انت ووفر نصايحك لى روحك

    وخليك بعيد من مصطفى الانت اسئت الى تاريخه

    ذكر فان الذكرى تنفع المؤمنين

    البوست ده انا حافظو وكنت عارف انو بيجى يومو واهو جاء

    عارف الكاتبو منو ولا نذكرك



                   |Articles |News |مقالات |بيانات

05-09-2003, 11:20 PM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    الحبيب محمد

    ارجو ان يكون ردى شافيافى البوست الاخر


    لك حبى واحترامى ولخالك ايضا



    اخوك خالد
                   |Articles |News |مقالات |بيانات

05-09-2003, 11:37 PM

cantona_1
<acantona_1
تاريخ التسجيل: 04-01-2003
مجموع المشاركات: 6837

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    يا شيبة انا كتبت كلامي وعارفك حتنزل البوست دا واليوم دا وقت الكلام
    انت وامثالك مالكم ما لميتوا الأربعين الف دولار لمصطفى عشان يتعالج بيهم
    ولو صحي كنت معجبين بيهو ممكن تورينا ليه خليتو اولاده يسافروا لآخر الدنيامالكم ما وقفتوا مع الوليه المسكينة والأطفال الصغار ومحتاجين
    خليتوا بت الناس تتشلهت في اطراف الكون وتدعون حب مصطفى... يازول اختشي على عرضك

    مالك ماشفت المعجبين بمحمد وردي تبرعوا ليه بعشرات الكلى حتى انقذه الله والاعمار بيده سبحانه وتعالى

    انت حدّاث وما سواي زي البرميل او الطبل الفارغ يحدث صوتا دون فائدة
    ماذا قدمت انت لمصطفي حتى تحتكره وكأنه ماركة تجارية مسجلة باسمك وامثالك من المتنطعين المكثيرين من الكلام قليلوا الأعمال

    اها ود المهدى كذّب كل ادعاءاتك الفارغة تاني عندك شنو عاوز تقولوا

    ومازلت اكرر سؤالي الذي أزعجك لأنه حقيقة مرّة: لماذا فشلتم في جمع أربعين الف دولار لمصطفي ولا الكلامك ساهل وما عليه جمرك ولكن طق الجيوب حار؟؟؟؟

    أعد هذا البوست ما بدا لك وستجدني جاهز لك دوما
                   |Articles |News |مقالات |بيانات

05-09-2003, 11:46 PM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    كنتونا -1

    احمدك يا رب

    انا هسة قربت اتم سنة فى البورد وما قاعد اخش معارك اهى جاتنى لحدى عندى

    وبعدين انا بنزل بكرة صورة بالاسكانر من الجريدة وفيها الكلام ده بالنص

    يا فرحة ما تمت ..نشوفك حا تشمت على منو تانى


    احسن ليك ابعد منى ان ما كلمتك يا حبيبنا قبل شوية
    وقلت ليك اختانى


    واطلع انت منها كد بى اخوى واخوك

    واليومين ديل انا اصلى فاضى ومستعد

    ومصطفى ده اصلو ما بنخليهو وعارفين انو نحنا قصرنا فى حقو والله يرحمو


    واحب اطمئنك انو كل يوم فى جديد عن الراحل المقيم

    واصلو ما بنقيف

    يديك العافية
    ويخليك
                   |Articles |News |مقالات |بيانات

06-09-2003, 00:04 AM

الليندي
<aالليندي
تاريخ التسجيل: 27-05-2002
مجموع المشاركات: 1188

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    العزيز شيبا
    ما اتعودنا منك الانفعال ياخي واصل في اشياؤك الجميلة التى نقدرها ونعتز بهانعم انا معك هناك تعدي شخصي حدث لك من قبل الاخ كنتوناوما عارف السبب شنو لكن ارى أن هناك عدم موضوعية من كنتونا يعني ود اخت محمد المهدي ما انفعل قدر انفعالو وما بديهو اانو يصعّد هذا الهجوم ويا اخ كنتونا في اكتر من شخص اتبرع لمصطفي لكن مصطفى كان برفض لانو ما عايز يستشفى على حساب الام انسان اخر وبعدين منو القال ليك بثينة مشهلته ده تعبيير غريب يا اخوى بثينة اخوها في كندا وهي الاختارت أنها تمشى كندا زيها وزي السودانيين المشتتين في انحاء العالم بحثاً عن واقع أفضل وفي اكتر من شخص اتكفل أن يعلم ابناء مصطفى لكن يا عزيزي مصطفى هو الاختار الطريق ده يعني مصطفى لو كان عايز يسويها عمارات وقروش كان سواهالكن ده ما كان مبدئو في الحياة كان عايز يكون زي وزي اي سوداني بسيط وده سر حب الناس ليهو

    ولكم خالص ودي
                   |Articles |News |مقالات |بيانات

05-09-2003, 11:50 PM

cantona_1
<acantona_1
تاريخ التسجيل: 04-01-2003
مجموع المشاركات: 6837

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    Quote: وخليك بعيد من مصطفى الانت اسئت الى تاريخه


    وين الإساءة لتاريخ مصطفى في الكلام الموجود في البوست العامل لينا بيهو خوته دا يا شيبة؟

    وأنت وامثالك من مدعي حب مصطفى اسأتم له اكثر مني.. فأنا لا تربطني به صلة ولا حتى معرفة حتى اسئ له ولكنكم اسأتم إليه بالبارد حيث خذلتموه عندما احتاج لكم وكنتم ملتصقين به خلال حياته الفنيه وجنيتم من صداقتكم وعلاقتكم به الكثير وانت ادرى

    وفي حياته كانت الفائدة لكم والتعب له وعندما اختاره الله انسحبتم من مساعدة اولاده وهم في امس الحاجة للمساعدة وصرتم تذرفون دموع التماسيح عليه

    بالله عليك من الذي اساء لتاريخ مصطفى انا أم انتم؟؟؟؟ فعلا الإختشوا ماتوا

    وإن عدتم عدنا

    كباشي الصافي
                   |Articles |News |مقالات |بيانات

06-09-2003, 00:03 AM

cantona_1
<acantona_1
تاريخ التسجيل: 04-01-2003
مجموع المشاركات: 6837

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: cantona_1)


    Quote:
    احسن ليك ابعد منى ان ما كلمتك يا حبيبنا قبل شوية
    وقلت ليك اختانى


    يا شيبة دا تهديد ولا شنو وانا من متين بهددوني عشان اخاف؟؟؟
    بالله الكلام دا ما تنشره في الجريدة انشره في الغازيته كمان

    بس وريني لمن انت عارف نفسك مقصر وقصرت في حق مصطفي الفصاحة العليك شنو؟

    انا جيتك في محلك .. هو محلك دا وين؟ انا سألتك ومن معك من زمرة المعجبين بمصطفي لماذا لم تجمعوا الاربعين الف دولار لعلاجه؟؟؟

    حرقك السؤال وما عندك ليه إجابة وعشان كدا بقيت على التهديد والوعيد...مادام دا كلامك احسن ترعى بقيدك

    إنت كان فاضي شغل انا لا...ولكن وقت ما القاك كتبت عني شئ كان بالصاح ولا بالغلط تلقى الرد البعجبك والما بعجبك واعلى ما في خيلك اركبه... والبدور الدواس ما بيابا الطعن.. كان فهمتها دي

    كباشي الصافي
                   |Articles |News |مقالات |بيانات

06-09-2003, 05:39 AM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    كنتونا-1
    بالله انت رقم واحد ..قال كباشى قال ..ويمكن يكون فى كبابيش غيرك كمان
    وانا بقول العالم مالو ماشى لى وراء ما دام فيهو رجعيين زيك

    الزول صحاب الاستفسار ما زعلان زيك
    ان حشرى والله شنو
    نوعك دة علاجو ساهل وبنعالجك انشاء الله

    وبعدين انت عملت شنو مع عبد الرحمن عبد الله
    خلاص غلبتك وقت الروب
    حصل الراجل قبل ما يحصل مصطفى هو التانى

    واعدك انى لن اترك التوثيق لمصطفى ما حييت
    انت نوم قفا وارتاح

    بعدين انت زعلت مالك انا يا دوب بفتح خشمى واقولك كلمتين انا هسة لسة ما بديت

    فما تزعل كدة من بدرى نحن لسة فى اول الفلم

    وبجيك راجع
                   |Articles |News |مقالات |بيانات

06-09-2003, 05:39 AM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    كنتونا-1
    بالله انت رقم واحد ..قال كباشى قال ..ويمكن يكون فى كبابيش غيرك كمان
    وانا بقول العالم مالو ماشى لى وراء ما دام فيهو رجعيين زيك

    الزول صحاب الاستفسار ما زعلان زيك
    ان حشرى والله شنو
    نوعك دة علاجو ساهل وبنعالجك انشاء الله

    وبعدين انت عملت شنو مع عبد الرحمن عبد الله
    خلاص غلبتك وقت الروب
    حصل الراجل قبل ما يحصل مصطفى هو التانى

    واعدك انى لن اترك التوثيق لمصطفى ما حييت
    انت نوم قفا وارتاح

    بعدين انت زعلت مالك انا يا دوب بفتح خشمى واقولك كلمتين انا هسة لسة ما بديت

    فما تزعل كدة من بدرى نحن لسة فى اول الفلم

    وبجيك راجع
    قال كباشى قال
                   |Articles |News |مقالات |بيانات

06-09-2003, 07:15 AM

Kostawi
<aKostawi
تاريخ التسجيل: 04-02-2002
مجموع المشاركات: 37332

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    Hi every body.....
    I don't know any body in this post....However, I want to say one thing about what is written under Wad Almahadi.....

    Sheba is correct 100%. Mr. Wad Almahadi said the exact thing in USA 2002 when he attended our celebration of Mustafa's life. Among the attendee were Mustafa's wife, his 2 sons, his relatives--Anwar and Ibrahim Alhag, friends and more than 300 persons who attended that celebration......END.
    Wa Alsalam
    Kostawi

                   |Articles |News |مقالات |بيانات

06-09-2003, 01:10 PM

Elmosley
<aElmosley
تاريخ التسجيل: 14-03-2002
مجموع المشاركات: 34432

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    الشخص المجاور لمصطفي علي يمين الصوره هو نجدي عتيق عازف الايقاع (بنقز) وهو يشكل مع هندي ثنائي جميل
    والاتنين عزفوا معاي مبكرا قبل الراحل
                   |Articles |News |مقالات |بيانات

06-09-2003, 03:10 PM

sheba
<asheba
تاريخ التسجيل: 15-12-2002
مجموع المشاركات: 1874

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)


    العزيز موديك - صورة بالاسكانر لحوار محمد المهدى بالصحافة قبل ثلاث اعوام

    الاخ الحبيب محمد
    تحياتى واحترامى
    فجاة وجدت نفسى الان فى موقف لا يحسد عليه واصبحت سخرية من بعض اللذين اعمى الله قلوبهم واغتصبوا شرف الكلام باقلام صدئة ومداد متسلق مما جعلنى انحدر الى مستوى متدنى فى لغة الحوار ما كنت اريد ان اصل لها ولكن..

    مما اطرنى البحث طوال اليوم فى ارشيفى الخاص عن ذلك العدد من صحيفة الصحافة حتى تكللت مجهوداتى بالنجاح والحمد لله واقوم بنشر صورة بالاسكانر للحوار الذى تم مع خالك وهو لا يختلف عما تم نشره ولم اقم بتبديل اى حرف فيه
    وان كانت الصحيفة هى التى بدلت لغة الحوار فهى مسئولية الصحيفة ويمكن مقاضاتها لو كان الامر يستحق او دعى الامر

    ومع حبى وتقديرى واحتلرامى وما بيننا من ثقة ستنمو انشاء الله .. كان يمكن سؤالى مباشرة عبر الماسنجر او الايميل او حتى داخل البوست نفسه عن كل الحكاية والحوار وكنت سارويها لك بكل صدق بدلا من افراد بوست بعنوان مثل الذى قمت بانزاله مما يقلل من مصداقيتى كفرد فى هذا المنتدى كنت وما زلت وساظل احد اللذين سيوثقون للراحل المقيم مصطفى سيد احمد ما كان فى العمر بقية

    الحوار كما هو مرفق منشور بصحيفة الصحافة السودانية بتاريخ الثلاثاء 22 ذو الحجة 1420هـ الموافق 28 مارس 2000 م
    ولدى ثمة سؤال ماذا سيحدث لو كنت لا اذكر مصدر الحديث اوفقدت تلك النسخة من الصحيفة ؟؟ هل معنى هذا اننى كاذب او ملفق والعياذ بالله ؟؟

    اتمنى لك ولخالك التوفيق والسداد

    مع حبى
    خالد
    صحيفة الصحافة التى تم نشر الحوار بها ويلاحظ التاريخ 28 مارس 2000





                   |Articles |News |مقالات |بيانات

06-09-2003, 05:54 PM

Modic

تاريخ التسجيل: 19-12-2002
مجموع المشاركات: 872

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    يا شيبا ... مساء الخير ...
    أولا لما وصل الموضوع لمحمد المهدي ... هو ما كان عارف منو الكتبو .. لأنو وصلو من ساري الليل .. فهو ظن أن ساري الليل هو اللي كتبو .. لكن بعداك أنا كلمتو انو ما كتبو ساري الليل ..
    و الكلام ده في المره الأولي اللي اتنشر فيها الموضوع ... و لثقتي فيك .. في المره الأولي كنت بس طلبت منك ذكر المصدر عشان أخلص من الحكاية دي و أذكر خالي لو كان ناسي ..
    لكن انت اتجاهلتني و ما ذكرت لي المصدر ... و أنا سكت تماما و ما عقبت مره تانية ..لحدي ما اتعرض الموضوع مره تانية ..
    فحاولت ألفت انتباهك لي و ما تتجلهاني زي المره الأولي ...
    بعدين العنوان ده ما فيهو أي اساءة ليك ... يعني أنا ما قلت انو كذب كلامك أو انو كلامك ما صادق أو كده ..
    أنا بس قلت انو اعترض علي مقالك حولو ... و ده فعلا اللي حصل .. وصلني ايميل اعتراض طالبني بايصالو ليك ..
    لأنو الرجل كان عاوز المقال يتنشر كامل لأنو كل كلمة تتحذف .. بتعتبر تغيير لكلامو ... لأنو لو رجعنا للمقال في الجريدة و الموضوع .. حنلاقي في اختلاف في الترتيب و بعض الأشياء حذفتها بحسن نيه ..
    فما تيقي حساس ... و طلب المصدر ليس تشكيك في المصداقية ... و الاعتراض علي طريقة الترتيب أو الحذف من حق ود المهدي ..

    مــــودك
                   |Articles |News |مقالات |بيانات

29-11-2003, 10:57 AM

ahmed saeed
<aahmed saeed
تاريخ التسجيل: 24-11-2003
مجموع المشاركات: 662

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: Modic)

    الاخ شيبا

    كل الازمان متمننها

    لك التحية والود

    ولل......... الرماد
                   |Articles |News |مقالات |بيانات

29-11-2003, 06:10 PM

osama elkhawad
<aosama elkhawad
تاريخ التسجيل: 31-12-2002
مجموع المشاركات: 12675

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    Quote: كان الوحيد الذي نبه في مداخلته الى ان مصطفى عاش مدافعا عن الفرح لذا علينا ان نستعيد ذكراه الطيبة بمزيد من الفرح لا الدموع


    الاخوة البورداب
    كل عام وانتم بخير

    اؤكد ما قاله كوستاوي حول صحة شهادة الشاعر الصديق محمد المهدي عبدالوهاب في اول احتفال اقيم في فيرجينيا في الولايات المتحدة الامريكية

    وقد شاركت بمداخلة في ذلك الاحتفال المهيب حقا
    وكان اخر المتداخلين محمد المهدي عبدالوهاب الذي وصل متاخرا من انجلترا
    وفور دخوله بكى مع بثينة

    لكنه كان الوحيد الذي نبه في مداخلته الى ان مصطفى عاش مدافعا عن الفرح لذا علينا ان نستعيد ذكراه الطيبة بمزيد من الفرح لا الدموع
    ارقدوا عافية
    ويا شيبة واصل يا اصيل
    المشاء
                   |Articles |News |مقالات |بيانات

01-12-2003, 10:40 PM

wadsolfab
<awadsolfab
تاريخ التسجيل: 07-02-2002
مجموع المشاركات: 300

للتواصل معنا

FaceBook
تويتر Twitter
YouTube


Re: محمدالمهدىعبدالوهاب يروى سرالفتاتين الاثيوبيتين اللتين سكنتامع مصطفىسيد (Re: sheba)

    up
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de