دعواتكم لزميلنا المفكر د.الباقر العفيف بالشفاء العاجل
|
|
 تعالوا نضع "زهرة" على قبر مصطفى سيدأحمد
|
تبقت أيام قليلة على موعد الذكرى السنوية لرحيل الأستاذ المرحوم بإذن الله مصطفى سيدأحمد. فلتكن هذه مناسبة لكي يكتب كل منا سطور مختصرة بما تجود به القريحة عن هذا الراحل الكبير، وليكن هذا البوست عاليا ومؤذنا بذكراه التي تدق أبوابنا وهي بالتأكيد ذكرى متجددة دائما وأبدا فمصطفى يظل في قلوبنا.
أقول:
إن رحيل مصطفى سيدأحمد يبقى علامة فارقة في "تاريخ السودان" الحديث، فهذا الفنان الذي فجر "ثورة فنية وانسانية وفكرية" قدر لها أن تنمو تدريجيا في عقل ووجدان السودانيين الجمعي مخلفة رغبة عارمة لدى مجايليه والأجيال التالية لسبر أغوار تجربة سيظل بنظر إليها في السودان على أنها واحدة من أشمل وأعمق التجارب الفنية التي تؤرخ لفن تقدمي لا ينفصل عن الانسان والجمال.
|
|
 
|
|
|
|
|
|
|
|
|
Re: تعالوا نضع "زهرة" على قبر مصطفى سيدأحمد (Re: خالد عويس)
|
خالد
هذه زهرة على قبر الزهرة التي خطفها القدر عجلاً قبل أن تتدثر بدفء الصباح!! فالاشياء الجميلة تذهب دوما في هدوء زدون استئذان!! لقد تركنا مصطفى ونحن في ذورة نشوتنا بإبداعه الرائع الذي ينتظر محبوه مبدعاً في قامته!!! سنظل أسيري دهشةمولده وصدمة دهابه.
خالد
| |
|
|
|
|
|
|
|
|
 Re: تعالوا نضع "زهرة" على قبر مصطفى سيدأحمد (Re: خالد عويس)
|
الرائع ابــدا خالد عـويس،،،،
تحياتي ،،
وهــل تكــفي زهــرة واحـــده لرجل بقامة الراحل المقيم مصطفي سيد احمد،،
لــروحه الطـاهـرة بساتين من الازهار ،،فل وورد ويـاسمــين ،،
الغــالي خـالد،،،
لتكن كلماتك بمثابة حشد لجهود بورداب الامارات للاعداد للحفل السنوي لتأبين الراحل بمدينة الشارقة كماجرت العادة ،، هي دعــوة لمحبي الراحل المقيم للمشاركة في إحياء الامسية و سنفرد حيزا لمناقشة ترتيبات الحفل في اللقاء الشهري للبورداب بتاريخ 5/1/2005 ، ولك الوعــد منى باحتفال يليق وعـظمة الفقيد ...
ودمـتم،،،
| |
|
|
|
|
|
|
|
|
|
Re: تعالوا نضع "زهرة" على قبر مصطفى سيدأحمد (Re: خالد عويس)
|
العزيز خالد ..اظن وذي ما قال الجميع لا زهرة ولا مليون ولا البستان بحالو بيكفي في حق سيد غنانا مصطفي ويكفي ان:
سكت المغني سكت سكت
بكت الكمنجات اتكت
ما بين دموعا ودهشتا وبكت الاصابع رعشتا
وكل العصافير التي تعرف تماما مصطفي
تعزف سلاما يا بلد ذاك اللي حباك اختفي ....
حتحت فينا غناهو الطاااااااااااااااعم
وفات قنعان من خيرا فينا
شكرا خالد علي البوست وفي وقت مناسب كمان يديك العافية
غادة
| |
|
|
|
|
|
|
|
|
|
Re: تعالوا نضع "زهرة" على قبر مصطفى سيدأحمد (Re: خالد عويس)
|
العزيز أستاذ خالد
لك التحيّة وانت تكلل جبين الراحل المقيم بأكاليل الورد ..
أشارك برسالتى والتى كتبتها لشقيقتى عند رحيل مصطفى..
لمياء ..
(سلامات..عشرات حبابك..يسلم شبابك..سلامات)
إرتحل عنّى مصطفى (فتغطّت الأرض بالتعب..والبحار إتّخذت شكل الفراغ) (الحزن النبيل)(الفينا من آهات أليمة)
(وجرح الألم)
(لابيرحل عن عيونّا)(لابتنسى.. لابنمحى)
رحل مصطفى (زى ما بموت وهج الشعاع) (فاحترقت بويتات الفريق) (والنيل فاض وانحنى) (غَيَّر النيل إنحدارو) (وسكت المركب) (وانتحر النهار).
رحل (قمر الزمان) (فرُسِمت أحزان وسؤال حيران فى عيون أيتام) و (مطارات الوداع ضجّت) و (دموع الحاضرين فجّت) (والدنيا تنوح على قمراً مات فى مطر الليل..يتّم نجمات بكّاها السيل) (والليل مشتاق لى دفقة نور) (والموجة تعاند فى التيّار) وأنا (بلحن حزين ووتر موجوع يحكى احساسى) ( حمَلْت روحى فى فوادٍ نازفٍ) (أغالط فى الزمن القاسى) (أنا الآن الترقُّب وانتظار المستحيل) (احتوانى البحر والمد يقاوم والشراع) (والهم عصف) (وانفتح شرفة وجع) (فانصبّ فى عيْنىّ شيئاً من تراجيديا الصراع) (وشقاء وحُرقة وجفاء).
لم أصدق (فتّشتَ عليك بقليب نزّاف) (بقيت أعاين فى الوجود واسأل عليك وسط الزحام) (بسأل عليك مدن..مدن . بسأل عليك فى المنفى فى مرفأ السُفُن) (فتّشتَ عليك) فى (المدينة والبلودات الحزينة) (عانيت قساوة الإنـتـظار) (مالقيتك) (حسّيت عجائب الدنيا إتلمّت بقت جايانى من عصراً سحيق) (أيامى من كُتر الأسى و كُتر العزوف والإغتراب صارت حروف مترهلة ولحظات أسيفة ومهملة) (والزمن زادنى أسيّة) (فعاد فرح الرجوع مُنيا) (والفرح الفيك خلانا وراح) (مابِشبِع روحنا فرح زائف لو كان نتناسَى).
رحَلْتَ عنّى (يافجر المشارق) فكبرتْ (مساحات الأسَى الفى عيونّا). وكنت قد (شيّدتَ فى جواى شوارع للفرح وفتَحتَ فى دنياى مسارح للمرح وبقيت لى سكة وعيون) (هواك إتخَتّ جوّة الجوف ) (مداك إتعدّى حد الشوق) (دخلتَ على الشِعر إنسان) (مشتهيك) (وارث خيالك يسوقنى ويودّى) فى (سِكّة عدم) (مسافر فاقد دليل) (ندمان انا).
يامصطفى تبكيك (الحبيبة) و (البت الحديقة) و (الرواكيب الصغيرة) و (مريم الأُخرَى) و (غابة الأبنوس) و (الطيور) و (الرياحين والمطر) و (السمحة). (ياحُزن الغُنا) يبكيك (الشتاء الدافئ) (وعم عبد الرحيم) و (الممشَى العريض).
أنسى رحيلك كيف؟ (بحاول) (بتتفتّح الأحزان غريبة ومذهلة) (واشتاق أفتّش نسمة فى الزمن العذاب).
عذراً لهذه المحزنة فقد مات (نجم الليل السال شبّال) الذى (غنّى غناوى الحسرة والأسف الطويل) مات ذلك الذى (إمتدَّ فى دنياى سهلاً وربوعاً وبقاع) الذى (حفظ الوداد زمناً صعب) الذى (أرضعته مريم الأُخرَى القوافى ثم أهدته المنافى) الذى (اختار لنا أجمل حروف ووصلة فواصل نادرة من لغة الكلام) الذى (جاء من زمن الشقاء المرسوم على وجه السواقى مظللها) الذى (غنى للحرية) (وتكلم عن الارض وسلام العالم) الذى (نشر الافراح دُرر) (كان الكلمة لصمت الليل وكان النجمة فى الدرب الطويل).
مات (عبّاد الشمس) مات (ضى المصابيح) (مات غريب الوجه مُعذّب) (كان براهو وجاهو حنين الكون إتكوم وغوّر جوّه فى صدرو) (فشال الهم بالجملة) وهذا (عذاب المُغنّى) (وهموم الرحيل).
أغانيك (معانا فى عمق الخاطر) (لابتموت فينا الاغانى) (لابتتنسى لابتنمحى) وحتى احاول (أنسَى الحزن الطال لىّ) أقول (العمر مرسوم فى كف أقدار).
| |
|
|
|
|
|
|
|
|
|
Re: تعالوا نضع "زهرة" على قبر مصطفى سيدأحمد (Re: خالد عويس)
|
وزهرة منى.....
ياسر مكتوم فى جـوف أصداف
فـتـشـت عليك بقـليب نزّاف
لا خـبـيـر يـهـدى ...
لا دليل وصّاف
***********
ياسر مكتوم فى جوف أصداف
راجـياها الريح ...
وكتين ما تطــل
على موجة تمرجح زهرة فـل
وتشيلا تروح ... والدنيا تنوح
على قمراً مات فى مطر الليل
يتّم نجمات بكاها السيل
*************
يا سر مكتوم فى جوف أصداف
الريح القاسية عنيدة .. تمام
طـفــت الـقـنديل .. الكان مـقـدوح من دمع الليل
رمت القُـنديل الكان نديان
فى جــرف النيل
رسمت أحزان .. وسؤال حيران .. فى عيون أيتام
***************
يا عمر مرسوم فى كف أقدار
يا خطايا الطال بيها .. المشوار
ياليل مشتاق لى دفقة نور
ياظلمة تبكى .. حتى البلور
ياموجة تعاند فى التيار ...
يا خطايا الطال بيها المشوار....
| |
|
|
|
|
|
|
|
|
|
Re: تعالوا نضع "زهرة" على قبر مصطفى سيدأحمد (Re: خالد عويس)
|
وأضع له كل زهور الأرض
وهذا العمل الخاص الذي أتمنى أن أكون عبرت من خلاله بعض ماأحس به من فجيعتنا فيه (مصطفى سيد أحمد المقبول)
كفر الخبر...
يوم جانا دوّى مع الظلام
زلزل معاني اللهفه زي نور إنتحر
كبّل شهيقنا المن زمن حالف يطل
راميلو ضل
يعزف نشيد الفرحه ... مسكوب في وتر
كايسلو لي زولا دليل ....
من تب ّ هبّ علي الفقر
ومن ما هبّ شبّ علي النضال ...
ومن شبّ سبّ مدى الجبر
هزّانا من جوانا أوتار للصدق ...
شدّاها تصدح ملحمه
ودّاها زي ماتقول هناك ....
ختاها في نص السما
جوّاها يصرخ في الزحام ....
منعول ابوها الهمهمه
لو ما حاتطلع يوم تكون ....
سناده لي زول إترمى
سدّاده للخطوه التميل
سكّاته للقول الكعب
وكتين يفوت الحد خلاص
وكتين يعم الجو رصاص
كان ديمه صوتك حي بقول ...
جاييك يا نوره الخلاص
جاييك يا أم البنات
جاييك في الحيا والممات
جاييك رغما للظروف
خاتيك في قلبي البشوف
وترين وأصبع وكيف غنا
شاهدين وفوقهم كوم تراب
إتنين وبينهم أزمنه
رغم الخرافات والسكوت .... رغم العزابات والضنى
لافيهم اللهــــفه بتمــــوت .... لالحظه شــــوقهم إنتنى
قومي يا اللحن النزف
جوّانا في لحظة شرود ...
حومي في زمن الترف
دومي في الغرف الفسيحه ...
والبراحات والشرف
صومي عن زمن الهزيمه ...
والجراحات الأليمه ...
والمناحات والخرف
أحكي عن حالنا القبيل
وعن عزابات النخيل
المرّه جافاه السعف
جوّانا يصرخ في الزحام
منعول أبوها الهمهمه
لو ماحتطلع يوم تكون
سنّاده لي زول إترمى
منعول ابوها الهمهمه
منعول ابوها الهمهمه
| |
|
|
|
|
|
|
|
|
|
Re: تعالوا نضع "زهرة" على قبر مصطفى سيدأحمد (Re: كمال حسن)
|
شكرا عزيزي خالدو فقد وهبتنا حياة لا نزال نستمدها من حبيبنا مصطفى
وزهرتي تجئ من حياته فينا الهاما لا ينتهي
لك يا مصطفى
عشت حضورك..
ما بين صاحي وبين حلمان
شفتك ...
شايل بسمة حزنك ..
وماشي توزع وهجك ...
فرحة بكرة ...
وآفق الأمل الهاجي على الألحان
شفتك
متعمم بي حلمك ..
بي خير الدنيا على هيئة عنوان ممدزد في كف ..
وعليه طيور الدنيا ترك
ومدار الناس موزون على بابك في الأزمان
شفتك ...
متجلبب بي علمك ... انو الأيام أقصر باعا من زمنك
وانو الألام .. أعلام على دربك لي فننك
وعلى مهلك جيت ماسك رسنك .. على صهوة تابوت
تعزف ميلوديا شموخ الفكرة ...
توري تعالي جمال الحس على صوت الموت
ويضج صمت التابوت ..
بي صوتك وانت تلبي نداء الوطن الثاكل ... على كيفك
وبطريقتك ذاتا تغني حياة الأمل المارق من تابوت
تسلم
وارقد عافية
ما شفتك .. ودعتك
أرقد عافية ومتهني .... وغني حياتك في موتنا اليوماتي وحافل يوت
بشير اسماعيل
| |
|
|
|
|
|
|
|
|
|
Re: تعالوا نضع "زهرة" على قبر مصطفى سيدأحمد (Re: خالد عويس)
|
هاهي زهرتي أضعها بين سبابتة و إبهامة ليمسك بها و يضعها أينما يشاء وفي نفس مكان الريشة التي داعب بها اوتارة و هيج فينا براكين الحب و الثورة و السلام..
فالتغشاك كل حدائق الدنيا بزهورها و رياضها أيها الجميل..
لم نبكيك .. و لن نبكي غير الراحلين
الصاوي
| |
|
|
|
|
|
|
|
|
|
Re: تعالوا نضع "زهرة" على قبر مصطفى سيدأحمد (Re: خالد عويس)
|
يا مشرع الحلم الفسيح
يومنا النـّهِـبْ .. أسلِبنا خوفنا
كبـِّرنا قدرك .. مرتين
وطـِّول قدر كتفك .. كتوفنا
يا غضبة الرعد البيسكن .. فى غناوينا وحروفنا
ضوِّى الدساكر والضفاف
عبِّى الحناجر بالهتاف
سدِّد مسامات الرِّعاف
نوِّر مغاراتنا وكهوفنا
يا مشرع الحلم الفسيح
| |
|
|
|
|
|
|
|
|
|
Re: تعالوا نضع "زهرة" على قبر مصطفى سيدأحمد (Re: خالد عويس)
|
اخوان الانسانية
مابين زمناً متمنيهو
وزمناً منك زادنى أسيـّة
طفت الدنيا عشان أنساكِ
وأنسى الحزن الطارد .. ليـّا
كان البحر الما خـلاّنى . .
أعيش برانى..
كانوا أخوان فى الإنسانية
قعدت معاهم .. وإتفاكرنا
كم لفـّينا .. وكم ساهرنا
وكم مازحنا ليالى الصيف
وكم غنينا لى الحرية
وكم دارينا الحزن الأكبر
بين الصيف .. وجمال المنظر
**********************
كنتِ بتطلعى من عينيهم
وكتين يفرحوا .. أو يندهشوا
أو يفترشوا سواعد بعض
أو يتكلموا عن الأرض ..
وسلام العالم..
وكنت غريب الوجهِ .. معذب
*************************
ما أحلاهم ..
شالوا معاى الهم بى الجملة
وهتفوا .. البحر .. البحر
جوة المركب .. فِضلوا
يغنوا .. يغنوا
شوية .. شوية ..
وسكتْ المركب
كل الناس إتنين .. إتنين
فرح إتكلم بى لغتين
كنت برايا...
وجانى حنين الكون .. إتكوّم
غوّر .. غوّر .. جوة فى صدرى
وإتمنيت لو كنتى .. معايا
| |
|
|
|
|
|
|
|
|
|
Re: تعالوا نضع "زهرة" على قبر مصطفى سيدأحمد (Re: كمال حسن)
|
العزيز خالد عويس
سلامات
آعتقد ان اجمل زهرة يمكن أن نقدمها ، هي محاولة كشف أغوار تجربته العظيمة ومنهجتها بشكل يضعها في متناول الاجيال لكي تضيف اليها عبر سيرورة الابداع السوداني0
لماذا لا نستثمر ذكراه القادمة في تدشين أول مشروع نقدي حقيقي لأعظم تجريبي سوداني؟؟
وكما قال الصاوي لن نبكي سوى الراحلين0 فهو لا يزال بيننا تجربة شامخة تتطاول على النسيان والنواح ايضا0 فقط تنتظر من الآخرين اشراع الاقلام لسبرها كما اشرت0
سلام ايها المقيم ابدا في الذاكرة
ولكم الود
عبد الخالق السر
| |
|
|
|
|
|
|
|
| |
Adil Osman
Elmosley
Tumadir
osama elkhawad
خضر عطا المنان
معتصم دفع الله
فارس موسى
فتحي الصديق
خالد فضل
Inaam Saad
منذر نقدالله
aboalkonfod
لؤى
محمد عبدالرحمن
كمال حسن
مريم بنت الحسين
elsawi
Amjed
atbarawi
فيس بوك
تويتر
انستقرام
يوتيوب
بنتيريست