بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 08:14 PM الصفحة الرئيسية

مكتبة الفنان الراحل مصطفى سيد احمد
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

اهداء الى( شيبه) وكل محبى مصطفى سيد احمد

03-15-2003, 05:28 PM

alhabeb

تاريخ التسجيل: 07-25-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

اهداء الى( شيبه) وكل محبى مصطفى سيد احمد

    سلامات

    إلى إنبثاق نفسى على ـ داخلى


    إلى مصطفى سيدأحمد


    أزهرى محمد على



    مدخل أول

    لمتين متيمم شطر النيل

    متوقـّى اليابسة .. وواردْ

    متوكـّى الغنية .. عصا موسى ...

    بتـْهـش فى غيم الإلفة .. الشارد

    مهدودة القُدرة وفترانة

    حردان الضل البارد ...

    بتـْوجـّل لى يوسف فى البير

    يطلع من بطن البير .. المارد!

    مدخل ثانى

    فات الكان بدّينا إحساس بالإلفة

    .... وكان راوينا

    فات الباكى جرحنا .. وناسى جروحو

    ولافـّى ورانا مدينة .. مدينة

    فات الصاحى

    ونحنّ نغط .. فى النومة السابعة

    طالق حســّو .. ولا حسـّينا

    حتـْحـتْ فينا غناهو الطاعم ..

    وفات قنعان من خيراً فينا

    سلامات يازول يا رائع

    سلامات .. عوّافى

    سلامات يا خلاصة الخير الفى الناس

    وترياق الزمن المتعافى

    سلامات يازول يارائع

    سلامات عوّافى

    ..............

    محاصر فيك

    بسأل عن سكـّة تطلّع منك ...

    أو سكـّة تودّى عليك

    بسأل عن مخرج منك .. وليك

    زى نهر بينبع .. وما لاقى مصب

    بتمدد عشقك فى أقصى ضواحى الروح

    ... لى أقصى نواحى القلبْ

    يتكثـّف بسعة إطلاق الرّب

    .. وأنا كنت بفلـّى القلب .. بسيرتك

    سميتك حلاّب الغيم

    .. من ضرع الجدبْ

    وظنيتك مارست الفعل .. السرّى

    وحفـّظت فحولة النيل ... أيام الخصبْ

    ولمحتك وإنت بتتمشـّى وترقـّص فى حمامـكْ

    على حُمــّة إيقاع الحرب

    وتكلكل جلد الكلمة .. الحافـّة

    لحبيبة بتفتح مجـرى الغنا .. فى الدم

    وتفلّس باب القلب

    فيا بنوت الشارع الطاعم .. قومنْ .. كبْ

    قومن لى الما قصـّر فى غناكن .. ضُمـّة

    ولا إتلوّم بى وراكنْ .. تبْ

    ولو تبقى السكّة الجايّة .. ضهبْ

    وسلامات يازول يارائع

    ...........

    البارح عصفورتك .. ركـّتْ فى البال

    رقـصتْ

    وأدتْ عصفور الريد .. شبـّال

    وطارت من قولة .. كرْ

    ما الزول النهر العصفورة ..

    بحرّض فى كلاب الحرْ

    .. لابسنى وداخل فى اللحم .. الحى

    راصد كل البسأل عن حالى

    حرّش ضُلـّى علىّ

    ونتـّف زغب الخاطرة .. التخطر على بالى

    ومنع العصفورة تحومْ

    إستجوب كل الناس التجى فى النوم

    .. ما تقومْ !

    يازول يارائع .. ومهموم

    يا مضـيـّع ضى عينيّى .. وراك

    واقف .. حاحاى لى النوم

    يا مستـّف رئة الدنيا .. شهيق

    ومشحتف روح الخرطوم

    كيف حال يا أبوى

    كيف حال يا خال

    ... وتعالْ !

    إتفضّل على باحة بيتنا .. الطـّيب

    ماعون الأطفال

    ضمـّد جراحاتك .. تعال ...

    من ضلاماتك .. تعالْ

    أدّينا هينين من صبُرْ

    السكّة أبعد من مشيك

    والجرح أعمق من حدود الإحتمال

    السابلة والأطفال هناك

    قدّامك المشوار .. طويل

    والريح .. وراك

    كل البيوت

    إتشرّفتْ .. لى طلعتكْ

    والونسة ما كملتْ .. معاك

    القرقراب .. والقهقهة

    مين سمـّى ترحالك .. غياب!؟

    والغيبة بتزيدك .. بها

    لو يرتق الحزن .. المصاب

    كان بعدك الموت إنتهى

    يا أقصى حالات الحضور المشتهى

    يا منـْتهى

    تعال .. قـرّّحنـا بى دهشة غناك الحى

    وحـّىْ من جرحك .. الدامى

    وفترْ حيلك

    وحـّى من ضُلـّك الرامى

    وحملْ شيلك

    .. تموت متل الشدر .. واقف

    تموت واقف على حيلك

    فيا حليلكْ

    .. يا حليلك بنستنـّاك

    على صهوة جياد الريح

    بنستنـّاكْ

    فى الزمن اللّديح .. القيحْ

    بنستنـّاك

    على باب الحلم فى غناكْ

    بنستنـّاك

    رحيلك .. شلهتْ الدنيا ..

    ورتـّب العالم البى هناك

    ... بنستنـّاك

    وأنا تانى وراك .. شنْ لاحــقْ ؟

    دهستنى فى بعـْدك .. حدو الخوف

    الدّاخلة علىْ .. بالسـّاحق

    أدّينى القدرة التمنحنى

    بحجمـْبكْ سعة الشوف

    لو أقدر أطل من شاهق

    لو أقدر ألوّح لى عيونك

    تلمحـْنى

    وأنا ضعفى أمامك .. فاضحنى

    ... سامحْنى

    ما قدرت أطولكْ .. سامحنى

    .......................

    شفتك من وجع طالع

    من برزخ ملتقى النيلين

    كنت هناك .. وحيـْدك

    وكل الناس .. إتنين .. إتنين..

    براك واقف فى حد السيف

    براك .. الما وقفْ بينْ .. بينْ

    تغازل حلمك الفارع

    فتح بابين على الملكوتْ

    تسلـّمْ على حضرة جلال الموتْ

    وتفتح فى الأرض نفـّاج

    إذا إمتلأ الفراغ ... بالصوتْ

    فيا باطن الأديم .. أفتح

    ... براحات الحنين .. مشرعْ

    وأندهْ لى مدن شاختْ

    أنده لأطلال القرى .. الرّاحت

    بيوت فى بيوت

    تمرق من شبر ... مسرح

    ... مدنْ فاضلة

    وعالم بى إتساع الحلم

    بقامة يشتهى التابوت

    فما لفظ البحر .. يونس

    ولا إنسدّت شهية الحوتْ !

    ... ويا زول .. يا رائع

    تمشى بى الحسرة ... وتموت؟

    سلامات ..

    يازول .. يارائع

                   |Articles |News |مقالات |بيانات

03-15-2003, 06:04 PM

sheba
<asheba
تاريخ التسجيل: 12-15-2002
مجموع المشاركات: 1874

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: اهداء الى( شيبه) وكل محبى مصطفى سيد احمد (Re: alhabeb)

    الحبيب

    انت الزول الرائع زاتو

    سلامات ليك يا زول يا رائع

    وشكرا على الهدية

    اجمل هدية

    لك الود
                   |Articles |News |مقالات |بيانات

03-15-2003, 06:09 PM

alhabeb

تاريخ التسجيل: 07-25-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: اهداء الى( شيبه) وكل محبى مصطفى سيد احمد (Re: sheba)

    تسلم عزيزى شينه لك منى كل التحيه والتجله
    بس بصراحه كده انا الاغانى النت القاعد تنزله فى البورد لمصطفى سيد احمد انا ما قاعد اسمعه ما عارف المشكله وين فى جهازى وله تنزيلك ليها نت
    وقاعد اعانى من المشكله شديد
    يا ريت تساعدنى وتورينى اعمل شنو
    حبيبك الحبيب
                   |Articles |News |مقالات |بيانات

03-15-2003, 06:53 PM

sheba
<asheba
تاريخ التسجيل: 12-15-2002
مجموع المشاركات: 1874

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: اهداء الى( شيبه) وكل محبى مصطفى سيد احمد (Re: alhabeb)

    العزيز الحبيب


    ما اعتقد انو المشلكة منى

    لانو مافى زول اشتكى قبل كدة من عدم سماع هذه الاغانى


    ولازم انت يكون عندك برنامج ريل بلير لانها كلها بتشتغل مع البرنامج دة

    ولك الشكر

    ثانية
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de