|
|
 ود أختي عرّس وفكاني في الهواء
|
عندما قررت الإغتراب والعذاب
كان هذا العوير يلحس نصف المخاته التي تسيل من انفه
وحتى لاتسألوني اين يذهب النصف الآخر
فقد كان يمسح به جضومه
وعندما سافرت في اجازتي الماضية
شاءت الأقدار أن اتـوجه لمحامية غاية في الروعة والجمال
قمت بتسجيل قطعة ارض عندها
وانتهى التسجيل
ولكن لم تنقطع رجلاي عنها
وعندما ارتاحت لي
قالت لي اريد أحد اقربائك ليحمل لي شنطة القضايا
اها مشيت لأبو مخاته سايله وكان عاطل
طبعاً ماصدق
وانقلبت حياته رأسا على عقب
وملص العراقي وملص كل شيء
ولبس البدلة واصبح نازل طالع مع الأستاذة
اها ماقلت ليكم
قبل اسبوع اتصل من السودان
كيف حالك ياخال
عاوزين الرييييييييييييحة
قلت ليهو ريحة شنو
قال ريحة العرس
يعني عاوز تعرس
قال ايوة وثالث ايام العيد
اها العروس مين ؟؟
لمن جاوبني والله السماعة وقعت من يدي
تصدقوا العروس مين ؟؟
قال الأستاذة قال
غايتو لاتعليق
لكن ليه انا ما كان اشيل ليها الشنطة دي ؟؟؟
قال مخاته قال
|
|
 
|
|
|
|
|
|
|
|
Re: ود أختي عرّس وفكاني في الهواء (Re: ابوحراز)
|
| Quote: قمت بتسجيل قطعة ارض عندها |
ما كفاك القطعة يا مفتري
انت عارف يكون هسع حولوها في اسمائهم
بعدين حول الموضوع دا من مكانو دا لا يرفدوك
تمرق لا قطعة لا عروس لا منبر
ام السياسة عندكم ياها العرس
| |
|
|
|
|
|
|
|
|
 Re: ود أختي عرّس وفكاني في الهواء (Re: ابوحراز)
|
الأستاذ الكريم أبو حراز
من مقالاتك أخي يتضح للعيان أنك مصاب بمرض خطير جداً ألا وهو مرض حامد ولا تسألني هل هو حامد بريمه أم حامد وبس
هناك ربما قانون جديد في الأحوال الشخصية منتظر صدوره قريباً يقضي بمنع إبرام عقود زواج إذا كان فارق السن بين الزوج والزوجة يصل إلى ستة سنوات وبي كده يا أبو حراز يا أخوي إلا تشرك لي ناس ستة وثلاثين وما فوق – أها قصرت معاك يا أبو حراز – قدمت ليك تخفيضات ولا في الأحلام. وطبعاً في بعض المعارضين للقرار يقولون أنه إذا صدر قرار بهذا الشكل سوف تكون سابقة خطيرة وتدخل سافر في أحوال المواطنين.
بس الشئ الأخطر من كده يا أبا حراز يا أخوي أن الجكس السوداني بقى مفتح شديد وبعرف كمان إنو المغتربين أصبحوا كالمستجير من الرمضاء بالنار ولم تعد الإقامة في دول الإغتراب وبخاصة العربية منها ميزة إضافية للرجل حتى يظفر بقلب حسناء من حسان بلدي لا بل أن إحصائية غير رسمية أشارت إلى أن الزواج وسط الشباب المقيمين بالبلد يفوق زواج المغتربين ، لأنو الموضوع يا أبو حراز بقي موضوع حب مش موضوع شيلة وشنطه وريحة والحب يا أخي بقى يأكل عيش وحلاوة ويدفع الكهرباء كمان.
قلت لي ود أختك العوير عرس وأنت لسه لا وعرس القانون يعني شبك الحكومة عديل كده ، والله يا أبا حراز بقي عليك من يضحك أخيراً يضحك كثيراً ، وقلت لي رسلت ليهو الشيله ، أها شيل شيلتك.
| |
|
|
|
|
|
|
|
|
|
Re: ود أختي عرّس وفكاني في الهواء (Re: almulaomar)
|
تعرف بالجد يا الملا عمر
نحن طلعنا العوارة ذاتها
يعني الناس كلها شايفة مصالحها في السودان
ونحن اغتراب في اغتراب
يعني انا من هول الصدمة لم افيق حتى اللحظة
افيق دي يخيل لي مافيها ياء عندما تسبقها لم
ماعارف غايتو جلدونا فيها قبل كدا
المهم حاول اقراها بدون ياء او بي ياء مايفرق
البيفرق معاي
انو واحد توديهو من اهل العوض للخرطوم
وفجاة حياتو تتغير
ويتزوج المحامية الظريفة دي
ونحن من المغتربين لي شارع واحد وستين
ومن الطائف لي شارع الذهب
| |
|
|
|
|
|
|
|
|
|
Re: ود أختي عرّس وفكاني في الهواء (Re: ابوحراز)
|
الأخ أبو حراز
هناك حكمة قديمها شوارعية - نسبة إلى شارع - لكن أحسب أنها حكمة جميلة وصادقة:
الحظ لما يآتي بخلي الأعمي ساعاتي والمكسح عجلاتي
ويبدو لي أن ود أختك ده جاهو الحظ والحب مع بعض وبي كده ما بنقدر
| |
|
|
|
|
|
|
|
|
 Re: ود أختي عرّس وفكاني في الهواء (Re: ابوحراز)
|
ابو حراز اخوي
مبرووووووووووووووووووك علي ود اختك العرس المحامية
بس وريني المحاميه دي بتستحمل اهل العوض البجو راكبين اللواري في نص الليل ولا لا لو بتستحمل ود اختك بعيش معاها لو لا الطلاق قرييييييييييب
| |
|
|
|
|
|
|
|
|
|
Re: ود أختي عرّس وفكاني في الهواء (Re: abas)
|
الحظ لما يآتي بخلي الأعمي ساعاتي والمكسح عجلاتي
طيب يا الملا عمر صاحبنا دا ماتقول لي عجلاتي بس
والله اتصلت قبل يومين لقيت الجماعة جاهزين
والحفلة قالوا في نادي المحامين
شيء عجيب
الزمن دا تعيش وتشوف
عباس
اول شيء السيرة قالوا بي لوري ود الحاج
ودالحاج دا عندو لوري قبل مايلدونا
لازم تشيل شيلتها
الوداها تحب ليها واحد زي دا شنو
غايتو نحن ماخسرانين
زولنا دا أكيد هزم الجماعة ديل 8 / 0
| |
|
|
|
|
|
|
|
|
|
Re: ود أختي عرّس وفكاني في الهواء (Re: ابوحراز)
|
عزيزنا / ابو حراز
تحياتي
عارف الموضوع ده كله كوم وقطعة الارض التي اشتريتها
وسجلتها دي كوم تاني؟
وزكرتنا مغتربين زمان الكان بيشتروا الاراضي
اه الارض عرفناها
البناء كيف ياخوي؟
عندما تجد الرد
نرجو الافاده
وتحياتي ومبروك لود اختك الشاطر
| |
|
|
|
|
|
|
|
|
|
Re: ود أختي عرّس وفكاني في الهواء (Re: ابوحراز)
|
يا ابو حراز ... بس وريني اشتريت قطعة الارض دي كيف؟ و الله انا قضية عرش اهل العوض بتاعك ده اصلو ما لفتت نظري .. بس قطعة الارض دي وقعت لي فوق نافوخي. ياخي انا لي قريب عشرة سنوات متغرب (مش مغترب) .. و ما اتوقفت عن العمل (الله يكفينا شر العمل) و لا يوم واحد .. و حتى الان .. سمين و عريان . أو كما قال ابو دلامة
و ين قريبي يوسف يا ابو حراز؟
| |
|
|
|
|
|
|
|
|
|
Re: ود أختي عرّس وفكاني في الهواء (Re: Shinteer)
|
ابوعثمان
البناء ساهل
جايز الواحد يلم ليهو في واحدة من ناس ياااااااااااااي
والله دي مش تبني ليك ارض
تبني ليك المريخ كلو
شنتير
ياخوي قطعة الأرض مفتكرها في الصحافة وللا الرياض وللا المنشية
القطعة في صالحة وكلها بي 500 الف جنيه
طبعا لو عاوز تجي تشتري منها الا تتوضأوتجي
لأنها كلها أنصار سنة رجال على نسوان
بعدين قريبك دا كل يوم تسأل منو
هواصلو توم كروز وللا مايكل دوغلاس
عملت شنو في البطانية شايفك قلت لي بردان
في نوع بتاع صووووووووووف جميل جداً أشتري ليك واحدة
| |
|
|
|
|
|
|
|
|
|
Re: ود أختي عرّس وفكاني في الهواء (Re: ابوحراز)
|
طـــيــــب يا أبو حــــراز إنـــت مـــســـتـــنــــي شـــنـــو ؟؟؟؟
خـــلــــي مـــخــــــاتــــك تـــســــيــــل زي ود أخـــتـــك
و أمــشــــي لـــف عـلــي مـكـاتـب المحــامــيـــات
مــش أحــــســــــن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: ود أختي عرّس وفكاني في الهواء (Re: nasmah1981)
|
nasmah1981
الله يجننك
جننتيني وفقعتيني بالضحك
لكن ماممكن يعملوها كدا طوالي
يعني مفروض بعد يكمل ليهو سنة على الأقل بعدين تنشف المخاته بتاعتو دي ويعرس
انشاء الله يعرس ديوان النائب العام كلو
بس الواحد ماصدق
شال الشنطة
وبعدين شال ست الشنطة
| |
|
|
|
|
|
|
|
|
|
Re: ود أختي عرّس وفكاني في الهواء (Re: ابوحراز)
|
الأستاذ الكريم أبو حراز
ما تنسي يا أخي برضو هناك حاجات كتيرة حا يشيلها منها الشفع وهي جمع شافع أو الأطفال بلغة أهل العوض البزة أو البزازة وبرضو دي بي لغة العوض أى الرضاعة وإنت يا أخوي شيل شيلتك
| |
|
|
|
|
|
|
|
|
|
Re: ود أختي عرّس وفكاني في الهواء (Re: ابوحراز)
|
اخونا ابو حراز ، سلام ــ
ياخي بما انه لا مفر من العرس فيستحسن تغمض وتخش مع السبقوك ـ قبل ما الزمن يسرقك والقطر يفوتك اصلو الزمن جراي ــ احسن تقيف شوية وتفكر الغربة دي حدها وين ـ انا شايف المستفيدين من غربتك وتعبك هم ناس غيرك ـ طبعآ مبروك ، دا اجر ـ لكين لازم تلحق نفسك قبل ما الموية تقطع وبعداك العرس يبقي غصبآ عنك ويبقي ليك تحصيل حاصل ــ وبعد داك يوم عرسك تبقي في غمز بنات السودان العارفهم براك ـ يعني بدل يقولو العريس وجيه، بعد الحفلة حيقولوا العريس عجوز ـ  ــ
غايتو اذا ما فعلآ مرتبط بالسودان كدي شوف ليك لينك مع البوردابيات ديل بالمعروف وربنا يتمم علي خير ــ اها قلت شنو ؟؟
في رأئي ما في احسن من كده ـ
| |
|
|
|
|
|
|
|
|
|
Re: ود أختي عرّس وفكاني في الهواء (Re: ود شاموق)
|
الأستاذ الكريم ود شاموق
بكل أسف إنتهت الفرصة الأخيرة لأخينا العزيز أبو حراز ويعتبر بذلك خارج المنافسة وإلى غير رجعه لأنه وبمنتهى الرمحي - عفواً البساطة - سوف يحتفل بعيد ميلاده الخامس والأربعون بحول شهر محرم من العام القادم وما تمشوا بعيد يعني بعد الحج مباشرة وأكيد الإحتفال حا يكون سرا بين أب حراز وبين نفسه وبس. ويا ليتنا عدنا أو عادت الأيام
| |
|
|
|
|
|
|
| |
ابوحراز
yasiko
almulaomar
abas
ابو عثمان
Shinteer
بدرالدين شنا
ABUHUSSEIN
falcon
Munir
ود شاموق
فيس بوك
تويتر
انستقرام
يوتيوب
بنتيريست