عام أمضيتـه معكم ما عرستوا لأبوحراز وماعملتوا ليهو كشف ؟؟؟

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-12-2018, 02:27 PM الصفحة الرئيسية

مكتبة عثمان ابو حراز(ابوحراز)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-06-2003, 07:39 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


عام أمضيتـه معكم ما عرستوا لأبوحراز وماعملتوا ليهو كشف ؟؟؟

    بعضكم وصفني بأبوالقدح 00
    اها ابوالقدح بيعرف محل يعضي ابوالقدح
    والبعض الآخر بالجضوم المنفوخة
    وآخرون قالوا لقيمات الصدقة
    وشريحة منكم اكتـفـت بأن وجهي شين حد الخوف
    يعني بشتـنة مابعدها بشتـنه 00 خٌمي ياست النفر
    اما جمعية جكس بلا حدود
    فهؤلاء لم يتركوا لي صفحة لأنام عليها
    لا أدري كيف استحملـتـموني لمدة عام كامل
    اعرف جيداً أنني لم أمنحكم سوى كلمات في غاية البساطة
    ولكن ما اعرفه عنكم خلال هذا العام
    أنني دخلت عليكم على هيئة رجل
    وخرجت على هيئة كتاب
    دخلت على بوستاتكم جميعها
    صدقوني قرأت الطاعم والمسيخ منها 00
    ولا أدري ماذا وضعتم فيها حتى انسطلت بحبها
    ولا أدري كيف تفاعلت بوستاتكم في اعماقي وفي دمي حتى غيّرت من فصيلة دمي
    أما من ناحية الجكس
    فـقد خرجت من المولد بلا حمص
    ولم تجدي كلمات يارائعة ويامبدعة وياظريفة في تليين بعض الرؤوس
    فبعضهن عندما تسألها مارايك في الحب
    تـقـول لك : هل قرات بوست ديك الجن الأخير ؟؟؟
    وعندما تفتح البوست تجده يتحدث عن الشية في سوق الناقة
    واحدة أخرى قلت لها لو بادلتيني الحب فإنني سأطير اليك حالا
    صمتت لحظة ثم قالت لي : جدك الكان رايح في الحج يا ابوحراز لـقـيتوووووووووه ؟؟؟
    واحدة فقط من خارج البورد استجابت لعواطفي
    ورغبة في المزيد من التعارف طلبت منها ارسال صورتها
    وياليتها لم ترسلها
    شفتوا البقر الفريزيان 00 كل شيء فيها فريزيان
    وكمان شنو قالت 00 بتسأل 00 الصورة وصلتك ؟؟
    قلت ليها وصلت 00 لكن انـتـظري حظر الأمم المتحدة
    قال صورة قال
    بعدين تعالوا هنا والله الواحد يلم فيكم يعضضكم كلكم رجال على نسوان
    كل يوم أقرا في البورد مبرووووووووك
    يعني واحد من البورد يكون ارتبط مع واحدة في البورد
    بس عاوز اعرف 00 انتو قدرتوا تـقـنعوهن كيف ؟؟
    كتبت اليكم هذا البوست لتـقوموني
    ولتصححوا لي أخطائي
    فقد أكملت معكم العام الأول
    ولا أدري هل توافقون على انتقالي للصف الثاني
    ام سأعود الفصل الأول مرة أخرى
    ولو تركتموني في أي فصل
    فإنني سأهديكم جميعاً زهرة هذا العام
    ساهدي وردة لكل من قرا لي
    ووردة أخرى لكل من اختلف معي
    ووردة معطرة لكل من قال لي أخطات ودلني على الطريق الصحيح
    ووردة بخلاصة الرحيق لكل من اغضبته كلماتي ولكل من سأل عني ولكل من راسلني
    بل وردة لكل من شتـت من بوستاتي ولكل من شتـتت مني بلا رجعة { أول مرة اشوف لي كلمة فيها تلاتة تاءات مع بعض }
    ووردة لكل من منحني الحب والأمل
    فلولاكم لما كان ابوحراز
    وقبل هذا وذاك اسمحوا لي بان أهدي باسمكم جميعاً زهرة معطرة
    تعرفوا لمن
    للرجل الذي فتح لنا ابواب هذا البورد وتركها لنا مشرعة ندخل فيها كيفما نشاء ونتـنـفس فيها بالطريقة التي تريحنا
    وزهرة عملاقة بحجم الأرض لست النفر
    قال شـتـتـت قال { الواحد بعد يكتب الكلمة دي الا يشرب وراها موية }

    (عدل بواسطة ابوحراز on 09-06-2003, 07:45 AM)

                   |Articles |News |مقالات |بيانات

09-06-2003, 07:46 AM

HOPELESS

تاريخ التسجيل: 22-04-2003
مجموع المشاركات: 2465

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    يا زول الجكس تحت امرك اختار بس



    ومبرووووك مقدما

    قال لقيمات صدقه قال
                   |Articles |News |مقالات |بيانات

09-06-2003, 07:51 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: HOPELESS)

    تاني ياهوبليس
    دي عاوزة واحد يتابعها زي التلفزيون
    اول شيء تطلع ليها العنقريب المغرب
    وبعد البرد ينزل الساعة حداشر تدخلها جوة البيت
    وكمان لازم تديها اللبن بعد المغرب
    لأنها أكيد حاتروح في سابع نومة بعد ماتشرب اللبن

    كان عندي جدتي بتشبه المصيبة دي
    المغرب امي بتوديني ليها
    تعرف عشان شنو
    عشان تحكي لينا القصص وننوم
    عندها قصة واحدة
    بتاعت الخروف والعلف والمرفعين
    اها كل يوم ونحن في القصة دي
    المشكلة قبل ماتكمل القصة بتنوم هي ونحن بنكون صاحيين
    قال مرفعين قال
                   |Articles |News |مقالات |بيانات

09-06-2003, 07:56 AM

HOPELESS

تاريخ التسجيل: 22-04-2003
مجموع المشاركات: 2465

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    ابو حراز

    عليك الله إتامل في القاعده يمين دي

    مش حاااااالمه

    يااخي دي انسب حاجه معاك صدقني

    اني لك من الناصحين
    وبعدين زي دي بتكون حافظه جنس حكاوي
    تحير ليك شهر زاد
    خبره ساااااااي تغلبه



    قال حبوبه قال
                   |Articles |News |مقالات |بيانات

09-06-2003, 08:03 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20346

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: HOPELESS)

    أخي الكريم أبو حراز : لك تحياتي و تقديري

    حديثك مليء بأكثر من موضوع ، و لكنه حديث صادق تغلفه مسحة من السخرية المحببة و العتاب الرقيق.
    رغم ولوجي لهذا المنتدى الوطن قبل أيام معدودة ، إلا أنني كنت أتابع كل ما تكتب.

    و كما قلت أنت ، فإن سنة واحدة لا تكفي ، إعتبر نفسك في أولى جامعة و كرر المحاولة في سنة تانية ، يمكن ربك يوقف في طريقك ( غزالة ) بدل الفريزيان ، أو تلم ليك في واحدة حسب مواصفاتك المطلوبة.

    لك مودتي.
                   |Articles |News |مقالات |بيانات

09-06-2003, 08:26 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابو جهينة)

    ولك اشواقي وتقديري يا ابوجهينة
    نحن اصحاب طبعاً
    ابوحراز وابوجهينة وابومركوب وابوالزفت وابوتالولة
    انتم من منحني هذا القلم الذي اكتب به الان
    ولا شيء عندي
    فهي انفاسكم
    قد قرأتها وحولتها الى كلمات
    معكم تعلمت اشياء كثيرة
    وتعلمت كيف اكتب ومتى ارد ومتى أعتكف عن الكتابة
    تركتموني فعلاً على هيئة كتاب
    فهو يحوي كلماتكم وحروفكم من الغلاف الى الغلاف
    ويحمل الرحيق والحب من القلب الى القلب
    ويزيل الظمأ من الماء الى الماء

    جهينة أخبارها شنو ؟؟؟
                   |Articles |News |مقالات |بيانات

09-06-2003, 08:46 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20346

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    تسلم ابو حراز

    جهينة بتسلم عليك ، و مشتاقة ليك و بتقدم ليك دعوة لزيارتها .

    ( بالمناسبة جهينة قرية صغيرة حالمة تقبع على ضفة النيل بالبر الغربي ) و أنا أبوها بالتبني.

    لك تقديري
                   |Articles |News |مقالات |بيانات

09-06-2003, 09:22 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابو جهينة)

    تعجبني ياجهينة كل القرى التي تنام على احضان النيل
    اشعر لحظتها بان هناك قصة حب عظيمة
    قصة لن تـنـته
    مابين القرية ومابين النهر
    وأكثر مايحيرني
    انفاس هذه القرية
    فهي خلاصة لأنفاس النهر
    مدينتنا تكاد في كل يوم ان تسقط على النهر
    لاادري هل هي تريد ان تغتسل
    ام تريد ان تشفي ظمأها
    وكلما رأيت نهراً يلتف حول خصر قرية
    كلما تحول هذا المنظر أمامي الى قصيدة رائعة
    والى لوحة ليس باستطاعة فان خوخ ولارينوار ولادافنشي ان يرسموا مثلها
    جميل جدا هذا الحب الذي جمع مابين جهينة والنهر
    اتمنى ان ازورها
    لأنني فعلاً اغار من الأنهار التي تحتضن القرى البريئة

    (عدل بواسطة ابوحراز on 09-06-2003, 09:23 AM)

                   |Articles |News |مقالات |بيانات

09-06-2003, 08:19 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: HOPELESS)

    هوبليس
    اي حلم هذا الذي تعنيه ؟؟
    لاحلم مع الوجوه المكرفسة
    قال خبرة قال
    خبرة الونسة دي اي واحد بيعرفها
                   |Articles |News |مقالات |بيانات

09-06-2003, 08:09 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10205

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    يا ابوحراز

    القالو ليك ابجضوم ليش ما اهديتهم/ن
    وردة
    واللا وردك كمل

    عدي البحر ده وتعال لينا بي جاي
    والله الجكس بالهبل
    ويعزموك كترة عوازيم
    لما يعرفو انك اعزب نوتردام

    واكيد حا تطلع ليك بي عروسة حلوة
    مع بعض التنازلات منك
    لانها اكيد لا تجيد
    الاعمال المنزلية

    ولا تجيد قطعا ملاح الفرك
    الذي تجيده امهاتنا

    وانا احساسي انك بتموت في المفروكة
    ما عارف ليش

    والله يا ابوحراز بالجد بالجد انت
    فعلا فاكهة ونكهة هذا البورد
    وطلتك تضيف
    الينا فرحا لا يضاهي
    امنياتنا لك باعوام مديدة
    حافلة بالعطاء

    وربنا يفك عزوبيتك
    و
    .....
                   |Articles |News |مقالات |بيانات

09-06-2003, 08:31 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: nazar hussien)

    يانزار ياحسين
    جضومي ذاتها على هيئة وردة
    لكن العمى كاتلكم
    ماقادرين تكتشفوا الجمال الأخاذ والنائم على الخدود
    اشكرك بحرارة
    فإن كنت انا فاكهة البورد
    فأنتم التربة التي نمت عليها هذه الفاكهة
    وأنتم الماء الذي اروى شفاه هذه الفاكهة لتعطي بلا حدود
    انتم كل شيء
    فلولاكم لما كنت
    واتمنى ان اوفق في الكتابة الساخرة التي قربتني منكم
    واصبحت مسافة الود بيننا الآن
    لاتسمح حتى بمرور الضوء والصوت
    رغم بعد المسافة الجغرافية بيننا
    التحية لك ولكل ابناء الوطن الضخم
                   |Articles |News |مقالات |بيانات

09-06-2003, 08:09 AM

كوليل

تاريخ التسجيل: 26-11-2002
مجموع المشاركات: 0

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    والله كلنا عاوزين العرس لاكن إنتا الكبير

    إختار من الحلوات ديل وخلى لينا الباقى


    شكلهم ديل بينفعو معانا

    ومع سنك الف
                   |Articles |News |مقالات |بيانات

09-06-2003, 08:35 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: كوليل)

    كوليل
    يازول انا صغير لسه وماكملت قرايتي
    موضوع العرس دا هلوسة بس
    لكن انشاء الله بعد مانشتري الشيلة
    ونبني البيت
    واشتري لي سيارة
    واعمل لي محل في السوق العربي وللا سوق ابوعشر
    انشاء الله بعد كدا العرس جاك زوووووول
                   |Articles |News |مقالات |بيانات

09-06-2003, 08:10 AM

Ahlalawad
<aAhlalawad
تاريخ التسجيل: 05-02-2002
مجموع المشاركات: 2816

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    أبو حراز
    أوع نكون قهمناك
    والله من قبيل أرازي . أقول أكتب تاني أقول خلي واحدة من البنيات تعمل فاصل . أها ابن
    على كل . سنة حلوة يا جميل . نقلناك سنة سادسة مرة واحدة
    ما عايزين نكب عربي كتير . لكن البورطي بلاك بيكون ناقص ركن - الركن اليماني ، يا تميس البورد
                   |Articles |News |مقالات |بيانات

09-06-2003, 09:09 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: Ahlalawad)

    اهل العوض
    الله يجازيكم
    شنو بيت البكاء دا
    هوبليس
    ابوجهينة
    الخاتم
    اهل العوض
    كمان ادروب قال
    ساكسفون
    نزار حسين
    كوليل
    ديل نايمات وللا شنو
    الفاتحة

    (عدل بواسطة ابوحراز on 09-06-2003, 09:10 AM)

                   |Articles |News |مقالات |بيانات

09-06-2003, 08:41 AM

اسامة الخاتم
<aاسامة الخاتم
تاريخ التسجيل: 28-09-2002
مجموع المشاركات: 2340

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    اب حراز
    عقبال السنة المئة هنا
    عليك الله انت العرس داير بيه شنو
    ما كدا انت تمام و لا درت السلف
    يا عزيزى امتعتنا و ستمتعنا يا زول يا ظريف
                   |Articles |News |مقالات |بيانات

09-06-2003, 08:56 AM

HAMZA SULIMAN
<aHAMZA SULIMAN
تاريخ التسجيل: 20-04-2002
مجموع المشاركات: 3278

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: اسامة الخاتم)

    قال عرس قال
    وانت فى العام الاول بعد الخمسبن
    يا دااااااااااااااااب
    فكرت فى العرس
    هس البنوم بعد اللبن منو
    هاك السكسفون ده
    واحلام سعيده
                   |Articles |News |مقالات |بيانات

09-06-2003, 09:34 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: HAMZA SULIMAN)

    الموسيقار الرائع
    قال خمسين سنة قال
    تعرف انا اي واحد وصل من العمر خمسين سنة
    دا أنا مازولي وما بباريه
    لأنو بيكون باقي ليهو سنتين ويتلحس

    طبعاً عندنا اصحابنا في السودان
    ديل اقل واحد مات وبكوا عليه بحرارة شديدة كان مائة وعشرة سنة
    هسي قبل اسبوع عندنا واحد منهم مات على مائة واربعة
    واحد قال أكيد طبقة الأوزون نزلت شوية
    لأنو فعلاً بدأ يحدث تغيير في الأسرة
    طبعاً نحن مع الجماعة ديل صحبة شديدة

    لكن ماتقول لي واحد صاحبي
    كل اهلوا بس اربعين سنة والقبر
    دا شتتت منو
    وفكيتو في الهواء

    قال صديق قال
                   |Articles |News |مقالات |بيانات

09-06-2003, 08:59 AM

Adrob wad Elkhatib
<aAdrob wad Elkhatib
تاريخ التسجيل: 05-05-2003
مجموع المشاركات: 612

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: اسامة الخاتم)

    عزيزى ابوحراز سلام حارا يغيك شر العرس
    بمناسبة الجضوم ،المنفوخه ديه ده عمى منهم ،
    جضومك ذى لقيمات شاى الصباح فى السودان....عينى بارده.بالمناسبه لميت فى الزول الاكل منك القروش فى بورتسودان
                   |Articles |News |مقالات |بيانات

09-06-2003, 09:40 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: Adrob wad Elkhatib)

    Adrob wad Elkhatib
    قال لميت فيهو قال
    والله لو شركت ليهو بي فنجان جبنة تاني مايجي
                   |Articles |News |مقالات |بيانات

09-06-2003, 09:15 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: اسامة الخاتم)

    اسامة الخاتم الظريف
    شكلك كدا خنقت ليك واحد وبعدين جيت الأستديو للصورة
                   |Articles |News |مقالات |بيانات

09-06-2003, 09:35 AM

شرير والبرتقاله

تاريخ التسجيل: 18-03-2002
مجموع المشاركات: 0

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    ظهيرتكم بشكل جضوم
    ابوحراز

    غايتو (زهرتي) الاديتني ليها
    انا ممكن اتطوع واهديها لاي وحدة
    تقبل تقترن بيك
    بس كلو عشان نريح راسنا دا
    من بكاك دا
                   |Articles |News |مقالات |بيانات

09-06-2003, 09:37 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: شرير والبرتقاله)

    ياشرير
    زهرتك خليها معاك
    عندي تاني قـفـة مليانة
                   |Articles |News |مقالات |بيانات

09-06-2003, 10:13 AM

سولارا


للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    ابو حراز
    بالغت عدييييييل طرح واضح وصريح دئما روح الفكاها غالباك لكن انت ذاتك مابتبالغ في كل بوستاتك لازم امضتك الشهيرة
    ***ست النفر ***
    البخلي البنات ينافسه ست النفر شنو على العموم حاول مره تانيه او استنى بتي بس ماعارفه حتكون وصلت سنه كم... ولاحتكون لسه سنه أولى اعاده وعلى العموم مبرووووووووووووك مقدما
    بقوله فالكم في لسانكم
                   |Articles |News |مقالات |بيانات

09-06-2003, 10:26 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: سولارا)

    سولارا
    يارائعة
    يامبدعة
    ياظريفة
    هوووووووووي براها قالت عاوزة كدا
    انتي غتستي وين
    ليك مدة ماباينة في البورد
    امتحانات برضو وللا شنو

    توقيعك أكثر من رائع
    وهذه الزهرة المتفتحة تعطي الكثير من الأمل في الحياة
    أجمل شيء أن الأزهار لاتنام
    ومايزيدها روعة
    أنها عندما تتنفس
    تضخ فينا مزيداً من الحياة
                   |Articles |News |مقالات |بيانات

09-06-2003, 04:43 PM

سولارا


للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    ابو حراز
    شكرا ليك الورده دي بهديها ليك ولايهمك. غطسانه وين انا قاعده انت المختفي الايام دي ولو على الامتحانات فعلا امتحانات بس ما ممتحنه بمتحن الناس
    تحياتي ليك مره تانيه
                   |Articles |News |مقالات |بيانات

09-06-2003, 09:59 AM

بدرالدين شنا
<aبدرالدين شنا
تاريخ التسجيل: 30-07-2002
مجموع المشاركات: 3514

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    بسم الله الرحمن الرحيم

    المحبوب/ أبو حراز
    سلام وإكرام

    كل سنة وإنت طيب
    كل سنة وإنت مبدع
    كل سنة وإنت أروع

    أنا قلت أحسن ما أدخل في كلام الجضوم والشنا والعمر والفينا مكفينا
                   |Articles |News |مقالات |بيانات

09-06-2003, 10:09 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: بدرالدين شنا)

    بدرالدين
    كلما اشوف شناتك بطمئن
    بقول في واحد أشنا مني في البورد
    اول شيء عملت لينا شنو في السوق
    محلاتي مايكون في واحد اجرها منك
    محل اللبن وتصليح السراير
    تعرف الواحد بأخوي وأخوك مابيعمل اي شيء
    لازم من وراء حجاب

    اها والبنشر الإسلامي كيف
    خليت لينا محل فيهو

    شيء عجيب ودنيا عجيبة
    قال محل اتصالات وتركيب عطور
    والأمر لحد هنا عادي جداً
    لكن أمشي سواكن
    محل اتصالات وبيض

    انا دخلت المحل وشفت البيض بعيوني الأتنين
    وقلت ليهو لو جبت ليك طوة تكون تميت الناقصة

    مايا
    توقيعك ظريف ومعبر
    وكلماتك تحمل نكهة توقعيك
    اشكرك على نقلي للسنة الدراسية التانية
    اها عقبال ناس اساسي وبلير

    ست النفر قاعدة تقرا في الجامعة
    وقالت ماعاوزة تدخل البورد قبل ماتدخل القفص الذهبي

    (عدل بواسطة ابوحراز on 09-06-2003, 10:10 AM)

                   |Articles |News |مقالات |بيانات

09-06-2003, 10:01 AM

maia

تاريخ التسجيل: 05-03-2002
مجموع المشاركات: 2599

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    ابوحراز اكيد جدير بالانتقال الى الصف الثاني بنجاح بالغ
    ودعواتي ان يجمعك وست النفر في بيت واحد ونجي نحضر عرسكم
    والكشف ما عندك فيهو مشكلة
    وست النفر ما بتدخل البورد ليه؟
                   |Articles |News |مقالات |بيانات

09-06-2003, 10:13 AM

مهيرة
<aمهيرة
تاريخ التسجيل: 28-04-2002
مجموع المشاركات: 464

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: maia)

    ابو حراز البوردابى

    ناجح بامتياز فى الدور الاول
    ينقل للسنة الثانية

    الدور الاول:-يعنى بدون ملاحق

    اما مسألة العرس دى انت شد حيلك،وما بنقصر فى الكشف

    تحياتى
                   |Articles |News |مقالات |بيانات

09-06-2003, 10:51 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: مهيرة)

    مهيرة
    جميل أن أنتهي من الصف الأول
    يعني كدا الواحد يقول قاعد قدام في المدرجات في الصف التاني
    كيف أخبارك مع الشرق الأوسط
    أنا كنت أكتب فيها وقرأها بشراهة
    لكن بعد المسابقة وقفت منها
    قلت خلاص ما حا اشتريها
    يعني زمان الواحد كان بيصطاد عصفورتين بحجر
    وياريت ناس الشرق الأوسط يعيدوا النظر في ذلك

    بمناسبة المدرجات دي
    واحد عمك محاضر ومرتو مكرفسة
    يعني شناة تجيب المرض
    أها مرة قالوا كان بيقدم في محاضرة
    وبيقول هناك اشياء كثيرة تشرح النفس
    ابتسامتك في وجه أخيك
    قول كلمة رائعة لمن يقابلك
    اهداء زهرة لطيفة
    اها بيتكلم كدا جات واحدة جميلة جداً من ناس العمارات داخلة
    ولابسة الكعب العالي واسكيرت وبلوزة من اروع مايكون
    قام عاين فيها وقال
    والجمال برضو ياناس بيشرح النفس
                   |Articles |News |مقالات |بيانات

09-06-2003, 02:10 PM

مهيرة
<aمهيرة
تاريخ التسجيل: 28-04-2002
مجموع المشاركات: 464

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    اب حراز اخوى
    انا زاتى الشرق الاوسط خليتهابعد وقفت المسابقة،لكن عليك امان الله اكان عندهم دم يدونا جائزة على المواظبة على حل المسابقة لمدة 3 او 4 سنين ما كدى؟عندى ليك فكرة،ليه ما نعمل لى رسائلنا للشرق الاوسط اخراج جميل كدة،وننزلها فى كتاب؟ فكر فى الموضوع وادينى خبر
    بمناسبة الشناة
    قالوا الجبهجية ايام الجامعة بوزعوا الجبهجيات على الجبهجية للعرس(يعنى عشان يغتوا مواعينهم)بعدين فى واحدة وقع ليها واحد وهى رامية عينها على واحد تانى قيافة،بعدين لمابقروا فى الاسماء-فلانة وفلان- نطت من وراء وقالت ليهم:-وتاج دة مالو؟
    طبعا تاج دة الكانت منشنة عليه،لكن القرعة جلت.
    اها انا عندى اقتراح لبكرى نعمل قرعة للعزابة والعزابيات فى البورد،بس لكن غير الصورة،انت من الاول الشلاقة ليك شنو؟ما كنت تخت ليك صورة وردة، ياسمينة ولا ان شاء الله زهرة جهنمية حتى!!
    لووووووووووووول

                   |Articles |News |مقالات |بيانات

09-06-2003, 02:10 PM

مهيرة
<aمهيرة
تاريخ التسجيل: 28-04-2002
مجموع المشاركات: 464

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    اب حراز اخوى
    انا زاتى الشرق الاوسط خليتهابعد وقفت المسابقة،لكن عليك امان الله اكان عندهم دم يدونا جائزة على المواظبة على حل المسابقة لمدة 3 او 4 سنين ما كدى؟عندى ليك فكرة،ليه ما نعمل لى رسائلنا للشرق الاوسط اخراج جميل كدة،وننزلها فى كتاب؟ فكر فى الموضوع وادينى خبر
    بمناسبة الشناة
    قالوا الجبهجية ايام الجامعة بوزعوا الجبهجيات على الجبهجية للعرس(يعنى عشان يغتوا مواعينهم)بعدين فى واحدة وقع ليها واحد وهى رامية عينها على واحد تانى قيافة،بعدين لمابقروا فى الاسماء-فلانة وفلان- نطت من وراء وقالت ليهم:-وتاج دة مالو؟
    طبعا تاج دة الكانت منشنة عليه،لكن القرعة جلت.
    اها انا عندى اقتراح لبكرى نعمل قرعة للعزابة والعزابيات فى البورد،بس لكن غير الصورة،انت من الاول الشلاقة ليك شنو؟ما كنت تخت ليك صورة وردة، ياسمينة ولا ان شاء الله زهرة جهنمية حتى!!
    لووووووووووووول

                   |Articles |News |مقالات |بيانات

10-06-2003, 07:53 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: مهيرة)

    مهيرة
    ظريفة حكاية التاج القيافة دي
    طبعا انا لأني انسان صريح وواضح جداً عشان كدا وضعت صورتي المهببة دي
    قبل كدا طبعا الصورة دي عملت لي مشاكل كتيرة جداً
    وكان مفروض الواحد يتوووووووب توبة نهائية
    لأنو في واحدة رسلتها ليها
    قامت قددت عيوني في الصورة ورجعتها
    بالنسبة للشرق الأوسط
    انا مقالاتي فيها لاتتعدي عشرين مقال
    لكن فكرة حلوة نكون دويتو مع بعض
    ونعمل الكتاب دا
    بس انا ماعندي قرووووووش
    شايفك انتي غنيانة لي حلقك
    قالت جهنمية قالت
    *****************
    ولياب
    والله انا افكر كثيرا في الانتقال للرياض
    بس يكفي صيوانات واستراحات العرس دي
    يا أخي في الطايف
    الا بس تمشي ترفع يديك وتقرا الفاتحة
    بعدين شوف بورداب الطائف
    ولا واحد منهم ماشاركني في الإحتفال السنوي دا
    خايفين من الحكاية
    مفتكرين فيها كشف
    كمان بورداب جدة برضو ماشاركوا لسه
    والله اسمعوا هنا لابعرف ليكم عميد ولا أهلي
    اذا ماشاركتوا هسي بكشف الأوراق
    انت عارف ياقرشو وياقرجة ويا اساسي
    ويافالكون والجعلي 00 قال سمينة قال
    عارفين حا اتكلم بالكلام القاعدين تقولوه في المسنجر
    غايتو على كيفكم أديتكم فرصة لحد نهاية اليوم
    *******************
    حبيب الكل
    انت من عرست غتست غتسة عجيبة جداً
    قلت سمعت حاجات خطيرة
    اها ورووووووونا معاكم
    قال خطيرة قال
    ياحبيب مافي أخطر من العزوبية
    انا على وشك الحضور للسودان
    عاوز اقابلك
    لكن لو المكتب بتاعك كلو زي ناس عمو قرجة وفالكون
    اقول ليك من هسي ودعتك الله
                   |Articles |News |مقالات |بيانات

09-06-2003, 10:14 AM

ولياب
<aولياب
تاريخ التسجيل: 14-02-2002
مجموع المشاركات: 3562

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    يا أبو حراز

    ما عرسنا ليك لآنك من قولة تيت ،،، شبكتنا خطيبتي وحب بي تي ،،، وما عارف شنو .... وما عملنا ليك كشف لأنك دايما بتجينا نص الشهر ...

    شوف يا خوي ،،، طبعا الجالية في الطائف قليلة شوية

    لكن هنا في الرياض ،،، الجالية كبيرة وطويلة وعريضة

    أوائل المغتربين بي أسرهم ،،، خلاص بدو يعرسو لبناتهم

    لينا كام صيف ،،، مهيصين في إستراحات الرياض

    الخطوة المهمة للعرس وعمل الكشف

    نقل خدماتك للرياض

    أو نقل الكفالة لكفيل رياضي

    وهاك الورد الطائفي
                   |Articles |News |مقالات |بيانات

09-06-2003, 10:29 AM

7abib_alkul
<a7abib_alkul
تاريخ التسجيل: 05-02-2002
مجموع المشاركات: 3757

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ولياب)

    الغالي ابو حراز
    يا مقنع الكاشفات يا عشي البايتات
    ليكم وحشه والله يا غالين
    لكن يا ود امي انا اغيب واجي والقاك لسع مهضرب بالعرس
    ولو انه تحت جانا كلام كدا خطيييييييييييييييييير
    بس ما بنقولوا هنا
    هههههههههههههههههه يكه ولا ههههههه يكه دي منعوها في غيابنا دا؟
                   |Articles |News |مقالات |بيانات

09-06-2003, 10:38 AM

alsngaq
<aalsngaq
تاريخ التسجيل: 27-04-2002
مجموع المشاركات: 2387

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)



    ابوحراز كيفك

    اسمعني كويس وخليني من
    صورتك العسل دي
    انت احسن حاجة تعملها
    خلى البري الشديد للبنات
    و حاول اسمعهم وخليهم يبرووك كويس
    انت اصلو ما تكرفس وشك
    ابتسم ليهم بس
    وبعدين شوف النتيجه يا مان




    [b
                   |Articles |News |مقالات |بيانات

09-06-2003, 11:31 AM

almohndis
<aalmohndis
تاريخ التسجيل: 05-05-2002
مجموع المشاركات: 2646

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: alsngaq)

    ابو حراز
    اخوى انت ماكلنا
    فى 17 يوم الليله يوم10
    لسع سنتك باقى 17 يوم
    يعنى النتيجة بتاعتك
    لسعه مر علينا يوم
    27
                   |Articles |News |مقالات |بيانات

09-06-2003, 01:21 PM

Abdalla Gaafar

تاريخ التسجيل: 10-02-2003
مجموع المشاركات: 1462

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    العزيز ابو حراز

    ياخوي كان علي العرس ساهلة
    بالله رسل لينا المعلومات كاملة ومعاها صورة حديثة وما تخاف لانو الخواجيات هنا ماعندهن شغلة بي جمال الراجل وسنقوم بنشر طلبك وشوف البحصل شنو والله لمن تستغرب وطبعا اليومين ديل هنا في رغبة مبالغ فيها للزواج من الافارقة بس الحقنا سريع بالمعلومات والصورة والباقي خليهو علي الله وياخوي بدون قروش بس تكون في كامل صحتك


    دا كان داير تفرس الناس كلهم


    عبدالله جعفر
                   |Articles |News |مقالات |بيانات

10-06-2003, 07:58 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: Abdalla Gaafar)

    السنجك
    اول شيء انا لو ماقلت بسم الله ما اقدر أدخل البوست حقك
    الصورة دي جبتها من ووووووووين ؟؟
    بعدين عاوزني ابتسم أكتر من كدا
    والله مرات النسوان ديل راسهن قووووووي جداً
    لو شتتن منك تاني ما أظنك لحقتهن
    *************
    المهندس
    عاوزون تاكلونا حنك سااااااااكت
    نحن هنا شغالين بالهجري
    تميت السنة زمان
    ماقلت لينا رايك في الكشف
    *******************
    عبدالله جعفر
    انتو ياتو خواجات
    بالنسبة للقروش مافي
    لكن بالنسبة للصحة ماعندك مشكلة
    والله بس عاوزين نجيكم أهم شيء
    اديني عنوانك
    خلينا الواحد بعد كدا يكتب انطباعاته على الهواء مباشرة
    طبعاً نحن ناس اهل العوض الواحد لو جاء العمارات بيكون مندهش اليوم كلو
    فكيف لو جاء المانيا
    او السويد
    او امريكا
    حاتبقى عليهو حكاية العربي لمن جاء الخرطوم لأول مرة
    أكثر شيء استغرب فيهو اشارات المرور
    وقعد جمب الإشارة
    وبقى يقول : أمك 00 ولعت
    أمك 00ماتت
    أمك 00 ولعت
    أمك 00 ماتت
    أمك ولعت
    هييييي 00 ماتت
    أمك 00 سرقوني 00 طبعا اتلفت لقى الحقيبة سرقوها
    قال أٌمك قال
    لكن انا لو جيت ما أظني زول اشارات
    مشكلتنا حاتكون مع البقر الفريزيان
                   |Articles |News |مقالات |بيانات

09-06-2003, 01:36 PM

elsharief
<aelsharief
تاريخ التسجيل: 05-02-2003
مجموع المشاركات: 6244

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)


    العزيز ابو حراز

    كل عام وانت بخير ونتمنى لك الخير والعرس بس خايفين بعد العرس تختفى من حوش بكرى

                   |Articles |News |مقالات |بيانات

09-06-2003, 02:51 PM

abuguta
<aabuguta
تاريخ التسجيل: 20-04-2003
مجموع المشاركات: 8275

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: elsharief)

    الاخ اب حراز
    صاحب الجزمة القزاز
    والقميص الهزاز
    طرينا المطر اب رزاز
    ايام كنا صغار
    نطلع فوق الحراز

    تحياتى
    ياخوى البنات كتار
    زواج من حساب لحساب
    زواج طرد
    وفى زواج النت
    وفى زواج البورد
    وفى زواج الزمالة
    انت تختار وانا على الكشف
                   |Articles |News |مقالات |بيانات

09-06-2003, 02:56 PM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    العزيز أبو حراز
    كل عام وانت بخير
    كلنا في الهم سواء .. مر علينا عام أيضا ولم نر أي كشف أو عريس من حوش العزيز بكري، لكننا وجدنا حاجات تانية تختلف من واحد لي التاني.. ولكننا جميعا نقر بأنها حاجات جميلة
    وعقبال مليون عام
                   |Articles |News |مقالات |بيانات

10-06-2003, 08:01 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: Raja)

    الشريف
    جد انك صادق
    كتير من ناس البورد الواحد بعد مايعرس بيختفي
    ربما مسئوليات الزواج
    لكن كلهم السنة الأولى بس
    بعد كدا لو فتحت في أي وقت تلقى الراجل يتلصص ويكتب
    وكذلك المدام 00
    **************
    ابوقوتة
    لك تحياتي
    كيف حالك
    قلت لي في زواج بالنت
    وزواج بالبورد
    وزواج بالطرد
    كلو دا مامشكلة
    كدي انت ظبت موضوع الكشف والباقي ساهل
    ***************
    رجاء
    قلت لي برضو طلعتي من المولد بدون حمص
    يعني سنة ناشفة
    ولايهمك انا وانتي نشوف السنة دي
    وكان ما اتوفقنا نجي مع بعض ونعمل نقابة
    ولكن كما قلتي خرجنا بأشياء رائعة وجميلة
    يكفي أننا اصبحنا مع عمالقة
    نكتب لهم
    ونقرأ لهم
    ونضحك معهم
    ونتشاكس معهم
    ونصل احيانا حد التطاول عليهم
    يكفي اننا اصبحنا قبيلة واحدة
    وحب واحد
    وفصيلة دم واحدة
    تعلمنا هنا الكثير
    وخرجنا بالكثير من الصداقات والود
    دخلنا على هيئة بذرة ضعيفة واهنة
    وخرجنا ونحن الآن أزهار متفتحة
                   |Articles |News |مقالات |بيانات

09-06-2003, 03:07 PM

oudenoord
<aoudenoord
تاريخ التسجيل: 19-12-2002
مجموع المشاركات: 326

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    خالي العزيز ابو حراز
    سلام ياطيب اناغايتو لا وصفتك بأبوالقدح لا بأبو جضوم ولا انك شين لانو سمعته.. سمعته انو الشتيمه بتلف وبتلف وترجع لصاحبه ماعارف الكلام جد ولا كلام "مصرين" ولا يمكن عشان الحال محصل بعضو,عموما انا غايتو عايز كل الورود العندك ومتخاف برجعه ليك (دبول).
    ____________________
    بهديك كل الحب والاحترام
                   |Articles |News |مقالات |بيانات

09-06-2003, 03:18 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: oudenoord)

    عرديبة البورد

    اب حراز

    اذكر اننى حين دخلت البورد كنت ، اقنقش بالضحك

    ليل نهار

    من كثرة حكاويك عن خطيبتك الزرافة ذات الدوكة والبتنوم من المغرب وجدودك الرايحين

    واب تلولة الذى نوى يزورك فتنازل عن كرامة تلولته من اجل التساهيل

    اين ذهبت هذه الزرافة

    وماعرستها مالك؟؟؟

    حتى هى بى كرعينها المشققات ابتك؟؟؟

    معناها انت مشكلتك مزمنة


    المهم لك وردة من القلب بقدر ما ساهمت

    باريحيتك وفكاهتك اللاذعة

    وكذلك مساهماتك الجادة تنم عن عقل وقلب كبيرين

    لك السلام

    والف مبروك
    بمرور عام

    لكن انا جيت بعدك كيف عيد ميلادك يبقى بعدى

    حساب ولا كوار؟؟
                   |Articles |News |مقالات |بيانات

09-06-2003, 05:05 PM

hala guta

تاريخ التسجيل: 13-04-2003
مجموع المشاركات: 1569

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    ابو حراز كل سنة وانت طيب
    عاد انا جديدة لكن مما جيت اسمع بست النفر
    هى طلعت دعاية ولا شنو؟
    ولا نظام حرير سوق
                   |Articles |News |مقالات |بيانات

10-06-2003, 08:05 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: hala guta)

    oudenoord
    لن اهديك كل الورود التي عندي
    بل سأهديك وردة واحدة
    فهذه الوردة عبارة عن قنبلة
    لو قدحتها بأنفاسك
    فإنها ستنفجر وستتحول الى ملائيين الورود
    لك حبي وتقديري
    ***************
    العزيزة تماضر
    وردتك المرسلة من القلب وصلتني بكامل رحيقها
    فأنا عندما دخلت البورد دخلت بعدك
    فقد كنت اتلصص على ماتكتبين
    كانت كلماتك في غاية الروعة
    ترددت الف مرة 00 كيف أدخل بورداً بهذه الضخامة
    ولكنني حملت حقيبتي الساخرة وقررت الولوج معكم
    فكانت ردودك هي من تمنحني القوة لأكتب مرة أخرى
    حتى شعرت أن قدماي فعلاً قد بدات تثبت
    اشياء كثيرة قرأتها لك 00 كانت أكثر من رائعة
    مازلت احكي لإخواني وأصحابي الكسرة بالشاي بي لبن
    واشياء كثيرة مازالت في الذاكرة
    رقصنا معكم رقصة العروس
    وتعمقنا في بوستاتك حد الجنون
    ست النفر 00 لا ادري هل هي اسطورة أم حقيقة
    ولكن ان كانت حقيقة حتماً ستتعرف عليكم يوماً ما
    ستأتيكم 00 وسوف تمنحكم الكثير
    ***************
    hala guta
    طبعاً في البداية قلنا ست النفر دي حرير سوق سااااااااكت
    لكن واحدات مما يعرفن انك خاطب وللا مرتبط ب ش ت ت ن طوالي
    والحكاية دي حولتني الى سلعة بايرة ومنتهية الصلاحية
    الواحد تاني لو دخل بورد جديد لابد يدخل بتصور جديد
    يعني حكاية الخطيبة دي يعمل فيها ماعارفها نهائي
                   |Articles |News |مقالات |بيانات

09-06-2003, 08:05 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31156

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)


    الأخ أبـو حـــراز ســـــلام كـتـيـر

    علشان الناس ديل إعرفوا طبعا أنا اللي قلت ليك جضومك زي لقيمات الصدقة

    بعدين العرس اللي إنت بتهاتي بيهو دا يا خوي أهلنا قالو الحداث ما سواي

    و يا خـوي بي صـراحـة كـدا لـو كنت جادي فعلا في موضوع العرس أول حاجة

    شـيـل صـورتك دي و جيب ليك حاجة رومانسية خالص وردة صفراء أو حمراء

    عصفور جميل لكن خاتي ليك صورة ......... أجكسوك كيف و إجكسوك لي شنو ؟؟.

    أنسى أهل العوض و في بوستاتك إتكلم عن حكايات أهل الرياض و المنشية و المعمورة

    شيل ست النفر من بوستاتك و خت بدلها هيام و مرام.

    إتلحلح شوية و أحفظ ليك كلمات برتاح ليها الجكس مش كلام الحبوبات دا


    و زي ما قلت ليك شيل صورتك دي و حاول الجكس و لو واحدة قالت ليك رسل لي

    صورة قول ليها إلا دي قول ليها خائف من العين علشان كدا ما برسل صورتي

    و بي كدا إمكن تصل لي شى.

    مع أمنياتي ليك بالتوفيق .


                   |Articles |News |مقالات |بيانات

09-06-2003, 10:18 PM

فيصل النعيمه

تاريخ التسجيل: 22-05-2003
مجموع المشاركات: 445

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ABUHUSSEIN)

    الأخ أبوحراز ..
    صاحب الطرفة الظريفة
    طبت وكل سنة وانت طيب والسنة الجاية نحتفل معاك بالشمعة الواحد وخمسين على حد قول فنانا حمزة وصلت السنة دي الخمسين
    يا أخوي أهل العوض ديل خافوا من سعرك ونقلوك طوالي لسنة سادس ..الله يستر عليهم ناس سادس
    وإنت بتخطب كم مرة ..
                   |Articles |News |مقالات |بيانات

10-06-2003, 08:10 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: فيصل النعيمه)

    ابوحسين
    والله وصفة طبية جميلة جداً
    يعني الوردة الحمراء دي بتليّن الرؤوووووووس ونحن ماعارفين
    اما حكاية هيام ومرام وياسمين دي عندي معاها عقدة بطالة جداً
    لأني مشيت أتطاول وصاحبت واحد في المنشية
    المشكلة بيتو قريب من بيت الترابي
    وكنت لمن اركب تاكسي
    بسألني البيت وين
    بقول ليهو جمب بيت الترابي
    تصدق طوالي يوصلني 00 طبعاً ملح
    اها صادقت واحد هناك
    ودا كمان عندو اصحاب في المعمورة والرياض
    يوم نشلوني في الخرطوم
    لأنك عارف اهل العوض الواحد لمن يجي الخرطوم
    اقل شيء بيتنشل
    قام الأصحاب في المنشية والمعمورة والرياض عملوا لي كشف
    وأدوني الورقة
    حاجة ظريفة جداً
    سوزان مائة الف
    هيام خمسين الف
    جوليا خمسة وسبعين
    مرام خمسين
    سوسن خمسة وسبعين
    جوليتا خمسة وتمانين
    بالله الكشف عندنا هناك في أهل العوض
    لمن تقرأ الأسماء لازم تعطس
    بس زي الشطة
    حاج التوم عشرة جنيه
    الفكي الزاكي خمسة جنيه
    شيخ العوض الف جنيه
    حاج قسم السيد خمسمائة جنيه
    فرج الله الف جنيه

    قال جوليتا قال
    طبعاً ورقة المنشية دي لو طلعتها واديتها جدي
    كان العكاز المضبب حايكسر راسي
    ********************
    انت الأظرف يافيصل
    لكن برضو جضومك أكبر مني ومنفخات زي لقيمات الصدقة
    بس ماقاعدين يقولوا ليك لييييييييييه ؟؟
    يا أخوي فيصل في قرية اسمها نعيمة 00 انت منها
    منها واحد عربي نسيت اسمو درس معانا الثانوي
    زول نضام نضمي شديد
    وكنا مرتاحين معاه
    دا تعرف كان بيدخل في المخزن بتاع الداخلية
    وبجيب لينا المربى والطحنية
    يعني نحن السنة كلها ماقاعدين نشتري أي شيء
    أكل ملح ساااااااااااكت
                   |Articles |News |مقالات |بيانات

09-06-2003, 10:45 PM

ايهاب
<aايهاب
تاريخ التسجيل: 06-05-2002
مجموع المشاركات: 2877

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ABUHUSSEIN)

                   |Articles |News |مقالات |بيانات

09-06-2003, 10:51 PM

HOPELESS

تاريخ التسجيل: 22-04-2003
مجموع المشاركات: 2465

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ايهاب)

    والماشاف خطيبه اب حراز يشوفه سرقت ليكم صورته من بهنااااك

    اها وعين الحسود فيها عود

    قلت لي اهل العوض قال ليك وشك تميسه..؟
    انتهي منك لكن .. قال أفغاني قال
                   |Articles |News |مقالات |بيانات

09-06-2003, 10:54 PM

HOPELESS

تاريخ التسجيل: 22-04-2003
مجموع المشاركات: 2465

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ايهاب)

    مكرر

    (عدل بواسطة HOPELESS on 09-06-2003, 10:55 PM)

                   |Articles |News |مقالات |بيانات

10-06-2003, 08:12 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: HOPELESS)

    ياسلام عليك يا ايهاب على هذه الروعة
    بس لو كانت من بنت كان حاتكون أجمل
    جميلة الشموع في كل حالاتها
    عندما تنضيء وعندما تنطفيء
    وهي فعلاً تسافر بنا الى عوالم نحبها ونعشقها ونهيم بها
    لوحة معبرة جداً
    سأحملها وأنا حافي الأقدام
    لأضيء بها لكل الفقراء في العالم
    لكل المضطهدين
    لكل المعذبين
    لكل العاشقين
    ************
    هوبليس
    والله بالجد زولتك ظريفوووووووووووونة
    لكن اعتقد انها سكند هاند
    أنا الطازجات عندي فيهن راي
    تقوم تجيب لي تشليح !!!
                   |Articles |News |مقالات |بيانات

10-06-2003, 08:35 AM

المسافر
<aالمسافر
تاريخ التسجيل: 10-06-2002
مجموع المشاركات: 4982

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)



    ازيك يا ابحراز
    مسألة جضيماتك ديل بدون زول يقرصهن ليك صباح وعشية بالتأكيد حاجة غريبة
    على الأقل تاخد ليك خبطات على دنقوسك وانت سايق في طريق من خمسة مسارات عشان تشوف السيارة عندها توازن ولا لا

    أوصيك بالإستماع لأغنية الجابري
    ناس تحاول ليها مدة وناس بتهنأ بالوداد

    الوداد مش التبليج
    أو بالإنجليزي الدايفنج
    بعدين الأوزان الثقيلة دي تجيك طائرة مثل الريشة
    الأثاث لازم يكون من الزواية عشرة لينيا المدعوم بالخشب
    تأكد انك تقوم بتصنيعه من ورشة صناديق اللواري البدفورد

    بعد عمرك ده لازم تراجع مركز استشارات متخصص في عدم انكسار القلوب الهشة عشان ما تقصمك قشة
    أو تعاقد مع مدرب الألعاب البهلوانية وخاصة لو طبت يدين حول زمارة رقبتك القول مو قولك والحال موهولك
    انت قلت شي
    حد سمع حاجة ياناس
    ياناس ياشر كفاية قر
                   |Articles |News |مقالات |بيانات

10-06-2003, 12:01 PM

bushramk
<abushramk
تاريخ التسجيل: 22-01-2003
مجموع المشاركات: 257

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)



    ياابو حراز

    مبروك ومليون شمعة

    انت بتهـاتى بالعرس مالك ماك صغير وجاهـل لاحق شنو؟ وجضيماتك ديل كان صبرت عليهن شوية بفتقن سممممممممممح وهن مسنودات بالشنب على جنب

    يازول ما تشـيل هم براهن بجنك (بفتح الجيم) وكمان يوسطن ليك

    أصلــو كضيماتك لقيماتك
                   |Articles |News |مقالات |بيانات

11-06-2003, 12:20 PM

sari_alail
<asari_alail
تاريخ التسجيل: 19-10-2002
مجموع المشاركات: 1507

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    يا أبو حراز
    استعجل في الصيف و أمشي هناك شوف ليك
    عروس

                   |Articles |News |مقالات |بيانات

11-06-2003, 01:04 PM

Ahlalawad
<aAhlalawad
تاريخ التسجيل: 05-02-2002
مجموع المشاركات: 2816

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    أب حراز
    نرجع للنصف التاني من السؤال
    اللي هو موضوع الكشف
    في واحد قال لي قول لاب حراز
    أولا اعمل عرض حال
    عشان نحن نعمل ليك كشف حال
                   |Articles |News |مقالات |بيانات

11-06-2003, 02:12 PM

almulaomar
<aalmulaomar
تاريخ التسجيل: 08-07-2002
مجموع المشاركات: 6465

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    الأخ العزيز أب حراز
    أشهد الله أنك أديب مبدع، عميق الثقافة وان معجمك الصوري يظهرك أديباً صاحب تجربة عميقة الجذور بالعصر والانسان والذكرى.. إن صورك الأدبية تدفعني إلى الاعتقاد بأنك ترى المقال كياناً فنياً متكاملاً وسامياً بلغتك الأدبية الرمزية العالية التي تسمو على اللغة الإشارية. ان قدرتك الفائقة في الجمع بين الوضوح والتجريد قد تبدو سمة فنية بارزة من سمات شاعريتك المتدفقة فكراً وإحساساً وهذا ما توضحه هذه المقالة الرائعة.
    وإن شاء الله كان ما عرست ست النفر في حرينا ما تعرس وتبور بورة بت المنى خير السيد
                   |Articles |News |مقالات |بيانات

11-06-2003, 05:46 PM

بنت الاحفاد 2001
<aبنت الاحفاد 2001
تاريخ التسجيل: 21-04-2002
مجموع المشاركات: 693

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    ابو حراز اخبارك شنو

    جديدك شنو

    مبروووووووك قالو نازل السنة دي للعرس

    حضرنا ليهو كويس ما تعمل الخيانات

    وما تعزمنا سامع

    سلامي لالكل بدون فرز
                   |Articles |News |مقالات |بيانات

11-06-2003, 09:29 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: بنت الاحفاد 2001)

    اليكم جميعاً
    والى كل المشاركين
    جد 00 أخجلتمتواضعي
    وشعرت الآن فعلاً أن العام الذي أمضيته معكم قد أتى أكله وثماره
    سأرد عليكم جميعاً باذن الله واحداًتلو الآخر وواحدة بعد أخرى
    اني اعجزفعلاً أن أحكي لكم كم أنا مشتاق اليكم
    وكم انا مفتون بكم
    وكم انا مهووووووووس بكم
    وكم أنا مجنون مجنون مجنون
                   |Articles |News |مقالات |بيانات

11-06-2003, 09:34 PM

Hozy

تاريخ التسجيل: 13-01-2003
مجموع المشاركات: 0

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    أبو حراز

    مائة عام انشاء الله في البورد
    يعني لما تعمل 120 سنة ذي ناسكم ديل ! لووول

    لوووووووووول @ جدك الراح في الحج ليقيتوه

    والله ماليهم حق

    لا والله ماشاء الله عليك
    انت محبوب في البورد من كل الناس وده شي واضح شديد
    ده كله ما شايفه كفاية ؟

    بس كدي روق المنقة ، وشيل الصبر
    الباقي كله بيجيك لحدي عندك

    نصيبك لازم يصيبك

    في وردة فوق
    تحياتي
                   |Articles |News |مقالات |بيانات

11-06-2003, 09:49 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: Hozy)

    هوزي
    لك التحايا والود
    واشكرك على مشاعرك الطيبة
    لكن الوردة وين
    مش انتي قلتي في وردة

    بعدين جدي مات وشبع موووووت
    طبعاًكان مشهور جداً
    لأنو اتزوج ثمانيةنسوان
    وبتمنى قال أحفاده يسيرواعلىخطاه
                   |Articles |News |مقالات |بيانات

11-06-2003, 10:51 PM

فيصل النعيمه

تاريخ التسجيل: 22-05-2003
مجموع المشاركات: 445

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    الظريف أبوحراز ...
    والله نعيمه دي كلوا اليشوف اسمي يسألني عنها .. طبعاً اشتقت أني أزورها.. نعيمه في النيل الأبيض منهاد/ عمر نورالدائم .. لكن أنا النعيمه لقب لجدي السادس .. انا من مطقة بربر ..
    بالله انت ما عرفت أنا ما بسألوني ليه .. أنا عايزين مني شوا عشان يش؟أوني متزوج من زمان .. هم بقعدوا عاينا في غير المتزوجين ..
    بنتي في أولى ثانوي لكن برضي اصغر منك يا ابوحراز..
    مع تحياتي وتقديري لك ولجميع الاخوان والأخوات
                   |Articles |News |مقالات |بيانات

12-06-2003, 06:24 PM

sign

تاريخ التسجيل: 04-06-2003
مجموع المشاركات: 0

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: فيصل النعيمه)

    ثمانية يا مفتري ? كفاك ستونا..هاك الهدية دي..

    أبو حراز ..في القفص الذهبي..و الكشف مفتوح )..

    أخيرا ..قرر أخونا أبو حراز دخول القفص الذهبي..و الشغلانة حتبقي قفص حديدي و قفص صدري و قفص جداد(باعتبار ما سيكون)..لانو العروس (ست النفر) أنا شفتها..من النوع ابو كديس..و الله يا ابو حراز جد لي أمك..لكن (المرة) ما عندك!.
    .
    الحكاية كالآتي: بالأمس حضر أبو حراز عرس فرفور(في بوست أوضة العرسان)..و شاف العروس..و بقي يبلّع في ريقو..و انتهزت أنا الفرصة التي لا تعوض..و مسّكت الباب لي السنجك و جّريت نفسي شوية كدة جنب أبو حراز و بعد داك بديت معاهو في الدردقة..قلت ليهو شايف العرس سمح كيف؟قال لي آى والله سمح تب..قلت ليهو طيب مالك مضيع زمنك؟ البنت منتظرة منك اشارة! قال لي وينا هي؟أنا لقيتها و أبيتها؟..و هنا كان المقلب..لاني قدّمت دعوة سرية لي ست النفر..و قلت ليها تعالي لابسة كحلي لانو أبوحراز هلالابي..البنت طقّمت أزرق مع أبيض بقت جاهزة لحل مشكلة حراسة مرمي الهلال..خاتة ليها وردة بيضاء فوق قلبها بقت زي الفنار..طويلة طول!!..ما علينا..دة موضوع العريس..المهم انا فاجئتو و قلت ليهو ست (النفر قدامك..ادها نظرة)..و قدّمتها ليهو..زولكم العامل لينا فيها مكمّل الفصاحة بقي زي اذاعة قرنق..نفتش لي حسّو فتيش..قلت ليهو أثبت يا راجل..الموضوع ابسط من كدة..و خليتهم مع بعض و رجعت أمسك الباب..زولكم عشرة دقايق ما تمّاها..جاني يزح زحيح..و قال لي خلاص اتفقنا!!..و يبدو انهم حددوا كل المسائل المتعلقة بالعرس..و يبدو انوالعروس قالت الحفلة بي زيدان ولاّ ما دايرين!

    عليه قررنا فتح (كشف) للعريس..انا ختيت ليهو الفيها النصيب..رجّعها لي و قال (بالريال)! و قال كمان الما بخت ليهو الليلة تانى ما زولو !!
                   |Articles |News |مقالات |بيانات

12-06-2003, 07:40 PM

Abdalla Gaafar

تاريخ التسجيل: 10-02-2003
مجموع المشاركات: 1462

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: ابوحراز)

    ابوحراز
    السلام

    ياخوي مارسلت لا الصورة لا المعلومات والله دخلتك خوفة من حكاية الصحة دى غايتو وديل كمان معاهن جنسية فلندية .والله انا خايف بعد اللمة دي تمرق لا عرس لا كشف وتبقي قبال الكشك وتوزيع اللبن بالنهار لامن تلحق الصح من كترة التوزيع
    يديك العافية

    عبدالله جعفر
                   |Articles |News |مقالات |بيانات

14-06-2003, 11:19 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: عام أمضيتـه معكم ما عرستوا لأبوحراز وماعملتوا ليهو كشف ؟؟؟ (Re: Abdalla Gaafar)

    المسافر
    اولاً أكرر اسفي واعتذاري عن التأخير لأنني لم أكن متواجد خلال الفترة الماضية 00 لك التحية على المشاركة المعنوية
    اما المشاركة المادية فلم نرى أي شيء حتى الآن
    تعرف انتو باخوي وأخوك مافي أي طريقة نقلع منكم
    بس لو عملوا لينا عرس جماعي بالبورد تكون المشكلة انتهت
    قلت لي حاتجيك طايرة
    الله يستر من الطيران
    دا عرس دا وللا جمباز
    ست النفر بالمناسبة وزنها 54 كيلو
    عشان كدة حاتكون خفيفة
    يعني حتى لو طارت بترك بسهولة

    bushramk
    شكراً على المشاركة
    ونحن في انتظار المواعيد
    مش قلت حايجنك براهن
    نحيا ونشوووووووووف

    ساري الليل
    بالغت
    والله الصورة رائعة جدا
    بالله دي سودانية
    بالله ست النفر رقبتها غاتسة غتسة بطالة جداً
    ولاعفريتة بنشر ما حاترفعها فوق
    من زمان اقول ساري الليل دا منو
    تارك كاتل الجدادة و0000000

    أهل العوض
    واحد اتزوج في الشرقية
    ارسلنا ليهو الكشف من هنا
    والله انا محروووووق على الميتين ريال الدفعتهن ليهو
    اول شيء لأنو اتزوج واحدة جميلة جداً
    وتاني شيء بهيمة بهامة عدووووووك
    ورابع شيء كان نام وقعد يشخر المراة دي لو شالها منو كلب مابتلفت عليها
    وخامس شيء طلقها
    قال ميتين ريال قال

    اخي الملا عمر
    اشكرك يا أخي بحرارة وأنت تخلق مني اديباً مبدعا
    رغم أنني مازلت اتلمس الخطوات الأولى عبر نفق كبير يقودني الى حيث الدرجات الأولى في عالم الكتابة
    وبعدها ستكون أمامي ملائيين الخطوات
    وكما قلت فإنني عندما أكتب أي مقال أحاول أن اخرج عن النص لأضيف اليه نكهة خاصة
    كان اصدقائي يستغربون عندما يراسلونني
    فقد كنت عندما ارد عليهم ادخل مباشرة فيهم
    وربما لا أكتب أسماءهم حتى نهاية الرسالة
    أحياناً أبدأ رسالتي بوصف لوحة لسيزار
    واتحدث بعد ذلك في كل شيء
    حتى طريقة تحضير ملاح الويكة
    أكره المواضيع الصامتة والجامدة
    وأحاول قدر الإمكان ان أبث الروح فيما أكتب
    لهذا احاول أن تكون مواضيعي ومقالات متنوعة قدر الإمكان
    وأسعى لكي أنقل القاريء
    من مرحلة الى أخرى
    ومن رذاذ الى مطر
    ومن سحب الى غيوم
    ومن حالة الحزن الى حالة الفرح
    وربما تجدني وسط كل ذلك أتسلل وأكون اوف سايد

    بت الأحفاد 2003
    عرفتك منذ 2001
    كاتبة مبدعة بكل المقاييس
    وتتطورت كتاباتك عندي فلماذا لاتكوني 2003 الآن
    لك التحية
    وانا ناوي ان انزل السودان عما قريب
    واذا كان هناك زواج
    فحتماً سننقله لكم بالأقمار الصناعية
    عارفة عاوزين الملح
    دي فرصة يغني لينا الموصلي وحمزة سليمان وسيف الجامعة
    ونطرب مع رقصة العروس
    لأنو المشاهير ديل لو انتظرناهم لحدت مايرجعوا السودان
    فالرماد كال حماد
    حايعملوا لينا فيها لازم تقابل مدير الأعمال وتتفق معاه
    عاوزين نستفيد في وجودنا معاهم بالبورد ووجودنا معاهم

    الباقين برد ليكم
    ماشي اتغدى
    لأنو العزابة عندهم معاي حساسية
    كان اتأخرت بياكلوا الغداء
    عشان يقعدوا يضحكوا بعدين
    كتير عملوا معاي
    وانا بيني وبينكم 00 الغنماية تاكل غداي
    قال غنماية قال
    والله انا آكلها وآكل التيس ذاتوووووو
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de