دعواتكم لزميلنا المفكر د.الباقر العفيف بالشفاء العاجل
|
|
 قال عاوز يتزوج المراة الثانية لكن كرطع العصير
|
وحدها الصدفة قد تجمعك بالزوجة الثانية
فقد أخذ صديقي وصية عبارة عن ملابس وأشياء أخرى ليوصلها لضابطة جمارك بالسودان
المصيبة مما شاف الضابطة الجميلة النار قامت فوقو
طبعاً أهل العوض معروف عنهم كلام دقاق ماعندهم
والواحد فجأة يرمي ليك الدرابة بدون أي تفكير
اها سألها طوالي تتزوجيني ياجنابو ؟؟؟
الضابطة قالت ليهو
الشغلانية عاوزة تفكير شوية تعال بكرة
صاحبنا ما نام اليوم كلو ولحقو سجم ناس اب حراز
قال وقع من السرير مرتين بالليل
قلت ليهو : قديمة ياشيخ
نحن بنقع بي مخدتنا
طبعاً قابلها اليوم التاني
والعفش طلع 00 والشنط طلعت 00 والتلفزيونات طلعت
بس الراجل دفع حق ناس أدرووووووووووب ولوووووووووف وروحو برضها طلعت في انتظار النتيجة
اها قالت ليهو طبعاً عرفت إنك متزوج وأنا موافقة بشرط موافقة الزوجة الأم 00 يعني بالعربي الزوجة اليابانية الأصلية
قال ليها خلاص برجع ليك بالنتيجة
وسافر لأهل العوض
طبعاً قريتهم كنت كلمتكم عنها قبل كدا
دي الحلة الفيها الدبلوسيهات قصار جداً
بيعملوا الحيطة نص متر بس
يعني لو قعدت الناس كلها بتشوفك
والغريبة من عوارتهم الشديدة
يسلموا عليك 00 كيف حالك الضيف
غايتو العروس المسكينة لو سمعت بالقرية دي أكيد حاترمي نفسها في البحر الأحمر وترتاح من الدنيا وتاني لاجمارك لاحرس صيد
للقصة بقية
|
|
 
|
|
|
|
|
|
|
|
Re: قال عاوز يتزوج المراة الثانية لكن كرطع العصير (Re: maia)
|
المسلسل حبلو قصير ماتخاف
ياعمو بشرى
بالمناسبة دي
امس شاهدت مسلسل في الفضائية السودانية
طبعاً انا في وقت المسلسل بجي دايخ من الشغل وشكلي بيكون زي الجدادة الماسكها سمير
اها بحضر شوية
لكن ماعارف والله امبارح أنا داقس وللا المخرج داقس
لأنو في واحدة من فقرات المسلسل والتي كانت تتحدث عن حقبة تاريخية معينة هي فترة حكم جعفر النميري
شايف لي في واحدة من اللقطات البتتحدث عن الفترة دي
شايف سيارات موديل 2002
وبعديها علي التسجمها علينا
شايف صاحبتك الرقشة حاااااااايمة في الشارع
قلت ياربي يكون اب عاج نط فيها تاني وللا شنو
مايا
شيلي الصبر
تلقاك ماعاوزاه يعرسها
| |
|
|
|
|
|
|
|
|
|
Re: قال عاوز يتزوج المراة الثانية لكن كرطع العصير (Re: Ahlalawad)
|
مايا
المهندس
أهل العوض
اشكركم بحرارة وآسف على الفاصل الإعلاني الطويل وذلك لظروف سفري الى جدة للتجهيز للسفر للسودان إنشاء الله 00 أخذت معظم الهدايا وعندنا واحد عاوز ليهو بنطلون وقميص 00 تصدقوا لفيت اكثر من عشرة ساعات في السوق عشان مقاس المصيبة دا وما لاقي اي شي، 00 بالله انقذونا لأنو مقاس البنطلون 44 وآخر مقاس في السوق 40 المشكلة القميص قال تلاتة إكسات 00 بالله دي سمعتوا بيها قبل كدا يعني XXXL سوف أكمل ليكم قصة الراجل الكرطع العصير
| |
|
|
|
|
|
|
|
|
|
Re: قال عاوز يتزوج المراة الثانية لكن كرطع العصير (Re: ghurba)
|
ونحن حننتظر لمن ترجع من السودان؟؟؟؟ لا بالله
والله تتاخر نتمها برانا
اسال الرحمابى من قصتهالتميناها ليه
يللا يا اهل العوض والجندرية وهالة قوتة وغربة وبدر الدين شناة ( ياحليل بدر الدين شناة)
ولعوا الحطب وجيبوا الصيجان وحلل القيزان ...فى قصة هنا دايرين نعوسها......
| |
|
|
|
|
|
|
|
|
|
Re: قال عاوز يتزوج المراة الثانية لكن كرطع العصير (Re: ابوحراز)
|
مايا
المهندس
اهل العوض
بشرى سليمان
غربة
تماضر
بلدي
أم در
صفوان
shao Dorshed
الراجل مشى لزوجته وبطنه من الطمام من زوجته الأصلية ليمون السوق العربي كلو لو شربو مابيجيب فيهو خبر
المهم أقل شيء يثور ويجوط فيها
عاوز ليهو شكلة بأي طريقة
لكن نسوانا طبعاً نسوان آخرة وجنة ساكت
المرة ولاخشمها مافتحتو
ولاقالت ليهو بتقول في شنو
والراجل المسكين مالاقي ليهو أي مدخل عشان يقول ليها انا عاوز اتزوج
المهم يوم بالليل كدا وفي رواقة شديدة
وبعد ما نهم شيوخ اب حراز والشكينيبة والزريبة
اها رمى ليها القنبلة
طوالي ردت عليهو : الله يعدلها عليك
صاحبنا جاء مبسوط
وقابل ناس الجمارك وقال ليهم أم شلوخ خلاص وافقت
وكان الراجل سعيد بهذا التجديد
إمراة في غاية الجمال
رشاقة
قوام
منصب 00 ألق وروعة وابتسامة تفتقر اليها حاجة كلتوم
وعند وصوله السعودية أخبر شقيقه الأكبر
فكانت المفاجأة
رفض ذلك الموضوع جملة وتفصيلاً
وقال له بالحرف الواحد
إما أنا وإما الضابطة
فإختار الضابطة دون تردد
وسافر شقيقه المختلف معه للسودان
ومر على نفس الجمارك 00 وقابل نفس الضابطة التي حدثوها عنه
فإحترمته غاية الإحترام
وأخرجوا له عفشه
وأخذته معها الى منزلها الجاهز والمكتمل من كل شيء
وهناك راى ما لم يره في حياته
الذوق والأدب والإحترام والكرم والجمال وكل ماهو رائع
فأصابته الدهشة
وخرج فوراً لكابينة الإتصالات ليزف خبر الموافقة لشقيقه
بل وإعتذر اليه
وقال له : يازول مبروووووووووووووك
قال حاجة كلتوم قال
أكمل صاحبنا عام كامل ورجع زول عرس سااااااااااكت
وقابل محبوبته وقال لها أريد أن أعقد
فقالت له لن يتم ذلك إلا بإحضار كل أهلك إلى أهلي هنا
وبعد ذلك سينتهي كل شيء
وذهب لإحضار أهله
وهناك قابلته حاجة كلتوم بالأحضان
واعطته عصير بنكهة مامون البرير
وكرطع العصير
وماهي لحظات
حتى قام هذا المهبول وهو يبكي بأعلى صوته بإحتضان زوجته
وعانقها حتى كادت أنفاسها أن تتقطع
وإعتذر اليها بانه كان مسحوراً
ولم يفكر ابداً في الزواج بإمراة أخرى
قلت له :
صدقني : إنك حيوان يمشي على رجلين
فأنا لو كنت مكانك ولدي مشروع مثل هذا
فإنني طيلة إجازتي سأشرب من الماسورة
ولم يستطع صاحبنا إكمال إجازته بالسودان
فقد حضر للخطوط الجوية السودانية
وذلك ليؤكد حجز عودته للسعودية
فأعطى الموظف التذكرة
فنظر اليها وقال له : يازول إنت مجنون وللا شنو
دي تذكرة باخرة
قال الجودي قال
| |
|
|
|
|
|
|
|
|
|
Re: قال عاوز يتزوج المراة الثانية لكن كرطع العصير (Re: JAD)
|
JAD
لك التحية والتقدير
طبعاً موضوع البخرات والكتابة في السودان موضوع شائك جداً
ولو وقفت برهة بجوار الجامع الكبير
سترى أنواعاً شتى من البدع والمصائب
أغرب شيء في إجازتي الماضية
كانت هناك سيارة هايلكس موديل 82 في مدني
وهذه تقف بجوار عيادات الأطباء
حيث أن هناك مجمع كبير للأطباء
والراجل صاحب السيارة معاه مايكرفون كبير
وشغال يلعلع
عندنا ياجماعة علاج للضغط والسكري والبروستاتا والسرطان والضعف وكل شيء
والمشكلة الناس كلها اتلمت حول الراجل دا
وبدل ماتمشي لطبيب العيون وتكشف بخمسين الف
دا بيديك الوصفة طوالي
وبيقول ليك ماتمشي الصيدلية
ديل أدويتهم كلها مغشوشة
أنا طبعاً جيتو زول عرس ساااااااكت
قلت ليهو الحمد لله لاضغط لاسكري ماعندي
لكن عاوز لي دواء يستعجل لي العرس شوية
طبعاً طوالي وعدني
قال لي بكرة تجينا في الموقع دا وبنديك الخلطة
قومي ياحبوبتي ماتموتي الا في اليوم الواعد فيهو ابن سيناء دا
الله يرحمها
| |
|
|
|
|
|
|
|
|
|
Re: قال عاوز يتزوج المراة الثانية لكن كرطع العصير (Re: bushra suleiman)
|
بشرى سليمان
لك التحية وآسف على التأخير على الرد فقد بحثت عن هذا البوست ايام وليالي والليلة براهو طفح الى السطح
الظاهر مرات في ناس بيدوا البوستات دي عصير مركز من بتاع الراجل أخونا دا
صاحبنا طبعاً ولاعرس ولايحزنون والآن معانا هنا
بس لو جبت ليهو سيرة الزواج التاني دا يشب ليك في حلقك
واتغير 180 درجة
سبحان الله 00 نسوان اهل العوض تقول الواحدة منهن مسكينة
لكن شوف دي هسي
خلت صاحبنا دا لاف في الهواء
قال جمارك قال
| |
|
|
|
|
|
|
|
|
|
Re: قال عاوز يتزوج المراة الثانية لكن كرطع العصير (Re: قرشـــو)
|
ياعمو قرشو
آسفين للتأخير
انت لمن شفت الضابطة دي كانت معاك المدام وللا كنت لوحدك
أكيد لو كانت معاك المدام مافي ليك طريقة تشوفها
بالله ماعارف السودانيات المتزوجات ديل عجيبات جداً
يعني لمن تكون ماشية معاك تقول رابطه في راسها قمر صناعي
بالله اي حركة تعملها تكون حفظتها ليك
وياويلك لمن تجي البيت
تنسى ليك الشطة والقرع
وبس النقة في فلانة شفتها وفلانة اتكلمت معاها
عملت لي شنو في الأرض
قالوا الأسعار زادت
ترا الإتفاق الأول انا نطيت منو
| |
|
|
|
|
|
|
|
|
|
Re: قال عاوز يتزوج المراة الثانية لكن كرطع العصير (Re: ابوحراز)
|
العزيز
ابوحراز
ليك وحشة يازول
ياخوي انت حكاية ناسكم ديل مع الفقرا شنو مافي حلة مافيها قبة اكان تحتها فكي والله ماتحتها والعجب الحليفة وياخوى زولك اظنو داير يخارج عفشو ساكت وبعدين ياخوي اسع انتو ممكن توفروا قروش لي عرس والله جخ ساكت..قال الجودي انا سافرت السعودية مرة واحدة وكانت بالجودي والله قربت احردها في الرجعة
شكرا ليك يازول ياجميل
عبدالله جعفر
| |
|
|
|
|
|
|
|
|
|
Re: قال عاوز يتزوج المراة الثانية لكن كرطع العصير (Re: Abdalla Gaafar)
|
عشان كدا ياعبدالله جعفر لمن تزورنا أعمل حسابك
يعني نحن عصيرنا كارب جداً
والمشكلة ياخوي في واحد شيخ دا بس مشاكل زوجية
شايل قلمو وحايم
بالله تلقى النسوان ديل بالكوم عندو
والراجل دا بالله ياكافي البلا الصحن بتاعو يوميا مليان قروش
ولمن تطرا ليهو الإغتراب يضحك عليك
تصدق عندو شاحنتين وجيب لاندكروزر وحاصدة قمح
ودا كلو حصدو من النسوان المسكينات ديل
دا يوم انا مشيت ليهو بالغلط قبل الإغتراب
وقلت ليهو شوف لي مستقبلي حايكون في السودان وللا في الخارج
قام قرا شوية وبعديها قال
انت اقعد قبلك هنا لأنو جاياك عربية
قلت ليهو الله يستر علينا
الا تكون جاية تصدمني
| |
|
|
|
|
|
|
|
|
|
Re: قال عاوز يتزوج المراة الثانية لكن كرطع العصير (Re: ابوحراز)
|
اولا يا يا ابحراز رمضان كريم، وتصوم وتفطر على خير
ثانياً اخو البطل فوت فرصة جهنمية، ما دام عجبتو وبهرتو، ليه ما عرسها هو بدل اخوه الشرب العصير بنكهة مامون البرير؟ وأهم شئ انو ما يشرب الأخو اي عصير في السودان
الشئ التاني بنات الجمارك ديل صعبات شديد، وفي تعاملن مع المغتربات تقول بينا وبينن تار، ومع المغتربين شغل انتقام سااااااكت، واسأل مجرب، غايتو انا لما اصل الحبل البيفتحو ويقولو ليك امشي لديك او لي داك ، اقعد انده ساكت انو ما يكون نصيبي مع ضابطة جمارك، ويكون مع ضابط جمارك، وما انا براي البخاف من الضابطات، كل زول واقف بيقول الله يستر من البنات، حتى لو ما معاك حاجة تتجمرك، يا ابحراز، اختا البنات بتاعات الجمارك، والبنات بتاعات الضرائب، والبنات بتاعات اي حاجة، التعامل مع الرجال مضمون ومأمون،
قال ضابطة جمارك قال
| |
|
|
|
|
|
|
|
|
|
Re: قال عاوز يتزوج المراة الثانية لكن كرطع العصير (Re: Mandingoo)
|
Mandingoo
لا والله بالعكس
بنات الجمارك عندنا ظريفات جداً
اقل شيء الواحدة بتفتح ليك نفسك قبل ماتفتح الشنطة
وكمان بتدي وبتاخد معاها
أما بنات مجمع المغتربين
فهم خارج العمل حاجة تانية خالص
منتهى الرقة والذوق
ماحصل وصلت ليك واحدة البيت
تصدق نهائي لو تعاملت مع واحدة فيهن خارج المجمع
ما حاتصدق انو دي البت الكانت قبيل منفوخة
| |
|
|
|
|
|
|
| |
ابوحراز
bushra suleiman
almohndis
Ahlalawad
Tumadir
بلدى يا حبوب
JAD
..
قرشـــو
Mandingoo
فيس بوك
تويتر
انستقرام
يوتيوب
بنتيريست