الله أكبر 000 الـقـدييييييييييييييييييييييييييمة

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-12-2018, 09:28 AM الصفحة الرئيسية

مكتبة عثمان ابو حراز(ابوحراز)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
26-06-2004, 08:53 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


الله أكبر 000 الـقـدييييييييييييييييييييييييييمة

    توجد ثقافة غريبة جداً في السودان وظاهرة لم أجدها في الكثير من الدول التي زرتها وهي الكتابة على العربات والباصات والرقشات وحتى عربات الكارو التي تجرها الحصين والحمير
    تثيرني هذه العبارات واتوقف بجوارها كثيراً
    ولا أنكر ايضاً أنني عندما أدخل أي حمام عام هنا في السعودية أمكث فيه قرابة الساعة لا لشيء الا لأنني أحب أن أقرا ماتسطره اقلام الأدباء العمالقة على هذه الأبواب واضحك بعمق داخل هذه الحمامات 00
    أذكر مرة دخلت ووجدت عبارة بقلم شيني تقول {{ السودانيين حمقاء }} طبعاً لحظتها نسيت ما دخلت الحمام من أجله وبسرعة خرجت ولم أجد قلم كبير في البقالة فاشتريت منه كيس فحم ودخلت به الحمام مرة : وعلى طول الحيطة كتبت له : {{ لأنك حيوان وحمار فإنك ترى أن السودانيين حمقاء }} وبعديها خرجت عن طوري وعن النص وسقيته من نفس الكأس 0 قال حمقاء قال !!!
    لنرجع لموضوع الثقافة وهي كتابة عبارات على شتى أنواع المواصلات ولم تسلم منها حتى مقاعد الطائرات وبعضها مفرح والآخر مؤلم ويتوقف الانسان عندها كثيراً
    اديني رضاك قدامي سفر
    الفين سلالالالالالالالالالالام
    بريدك
    بخاف أسأل عليك الناس
    نور العين
    وغيرها الكثير من العبارات
    والملاحظ كل تلك العبارات عندما تكون العربة في حالة الصبا
    ولكن بمجرد أن تشيخ وتترهل وتصاب بالسل
    فإنهم يكتبون عليها عبارات أخرى
    يا الشيخ عوض الجيد
    يا سيدي الحسن
    يا المكاشفي
    سترك يارب
    يا لحاق بعيد
    لكن أكثر ما اثار فضولي حقاً في طريق مدني الخرطوم لوري مكتوب عليه { الله أكبر00000القدييييييييييمة } ترى لماذا نحن مهووسون بهذا النوع من الفنون إن جاز لنا ان نسميه فن ؟؟

    (عدل بواسطة ابوحراز on 26-06-2004, 08:56 AM)

                   |Articles |News |مقالات |بيانات

26-06-2004, 09:01 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20346

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    أخي أبو حراز
    تحية و تقدير

    موضوع جميل جدا

    كلو دة كوم .. و لما تضرب بيتكم جير من برة و يجوك ناس التذكارات كوم تاني. بالله قبال ما تتهنى بالجير الجديد تلقى الحيطة إتملت تذكار من فلان .. و المكسر فلان ..

    أكتر حاجة ضحكتني مرة شفت لوري قديم مكتوب فيهو ( في الليلة ...... ) و بعدين راسم ليهو ديك كبير ملون .. طبعا ممكن تفسر الجملة بعدة معاني
    تسلم أبو حراز
                   |Articles |News |مقالات |بيانات

26-06-2004, 09:54 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابو جهينة)

    ابوجهينة تحياتي
    والله دا مسطول عديل
    اها دا مش نوع من الفنون ؟؟
    قبل اربعة اشهر كنت في طريق مدني الخرطوم
    كان معاي طفل عمره 10 سنوات
    وكان بيحكي لي عن ديانا حداد ونانسي عجرم وهيفا وهبي
    المصيبة ابن اللذين دا حافظ اي شيء عن الفنانات اللبنانيات بالذات
    فجأة وصلنا لوري وكان مكتوب عليهو من الخلف {{ القصواء }}
    صاحبك بعد صعوبة قراها
    اها قلت ليهو القصواء دي معناها شنو
    قال نهائي ما سمع بيها
    اذكر أن والدي البسيط جداكان يحدثنا عن القصواء وعن البراق
    ولك أن تعرف مقدار ثقافة بعض أطفالنا اليوم
    قال نانسي عجرم قال
                   |Articles |News |مقالات |بيانات

26-06-2004, 10:12 AM

abuguta
<aabuguta
تاريخ التسجيل: 20-04-2003
مجموع المشاركات: 8275

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    ابحراز
    تحياتى
    الله الكبر..القديمة...الزول دا اظاهر ضد الكيزان..وكان هذا الشعار لحزب الامة
    لكن الكيزان ركبو ليه سرعة ومرادفات كتيرة.....

    عند زول من غرب البحر عنده بص كاتب عليه

    ســــــــــاعة الضيق قول يالصديق...الصديق ودبساطى شيخ مشهور من شيوخ المسحورة..زى ناس ابحراز حقنكم بس انتم ماسكنها من الشرق وناسنا ديل من الغرب....

    اها واحد كان فى السعدوية...ولما رجع عاوز يغير العبراة دى
    قام اشترى بص وكت عليه نفس العبارة

    ساعة الضيق قول يالله....بس يابحراز البص سموه بص الوهابى
    ولك ودى
                   |Articles |News |مقالات |بيانات

26-06-2004, 03:46 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: abuguta)

    ابوقوتة
    جد ضحكت من أعماقي على البص الوهابي دا
    وتخيلت منظره والدجاج معلق عليه
    كان عندنا بص اسمو الدهباية
    طبعاً مش عندنا كان في قرية قريبة من قريتنا
    البص مشهور جداً
    لو سافرت الحلة دي لازم تقوم الساعة 3 صباحاً
    تصدق البص دا مافيهو اي فرامل
    ويمكن اشتغل اكتر من عشرين سنة دون ان يتسبب في حوادث
    الظاهر دي بركة الدهباية
                   |Articles |News |مقالات |بيانات

26-06-2004, 10:25 AM

haleem

تاريخ التسجيل: 10-09-2002
مجموع المشاركات: 0

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    تصدق
    لاقيت لي عربية بوكس (وانيت) في أحد شوارع الرياض
    قبل اسبوع ..مكتوب عليها بورا
    (نيفاشا)
    عاينت للسائق..ما كان سوداني
                   |Articles |News |مقالات |بيانات

26-06-2004, 03:50 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: haleem)

    حليم يارايع
    السودانيين بينقلوا اي شيء معاهم
    وبامكانك ان تلاحظ للدينات التي يقودها سودانيون
    طوالي تلقى عليها العبارات السودانية
    قابلتني واحدة امس في طريق الرياض الطائف
    والعبارة كانت { ندمان أنا }
    طبعاً ضربت ليهو بوري طوالي
    وكان بالطبع سوداني
    واذا أتيت للكرنتينة في جدة حتى اسماء المحلات كلها سودانية
    نحن شعب غريب جداً
    يعني زي ماقال واحد أخونا قال لقى واحدة بتبيع كسرة في المانيا
                   |Articles |News |مقالات |بيانات

26-06-2004, 10:25 AM

Salah Yousif
<aSalah Yousif
تاريخ التسجيل: 24-01-2004
مجموع المشاركات: 176

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    الأخ أبو حراز

    تحياتي وشكرا على هذا الطرح الشيق

    أنا مثلك لفتنت نظري هذه العبارة التي قرأتها بأم عيني0 وحين سألت عنها أجابني أحد العارفين ببواطن الأمور بأن الإنقاذيين استخدموا عبارة الله أكبر معززة برفع الأصبع الواحد لدرجة جعلتها ممجوجة مقارنة بحقيقة الفعل0 لذلك فإن الذي كتب ( الله أكبر القديمة) يقصد النداء المعافى من الغرض والخالص لوجه الله0 ومعذرة لعدم الإحاطة بأكثر من هذا والله أعلم0

    صلاح يوسف
                   |Articles |News |مقالات |بيانات

26-06-2004, 03:53 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: Salah Yousif)

    المخضرم صلاح يوسف
    اشكرك على المشاركة
    فعلاً الراجل زهجان وحاول يكتب العبارة بطريقة لذيذة
    والملاحظ أننا عندما كنا صغاراً كنا نسمع هذه العبارة في المسجد واثناء تادية صلاة العيد
    وأحياناً عندما يتعثر الشخص تقال له
    لكن اليوم بعضهم حتى لو جاء يدخل صالون الحلاقة
    طوالي 00 الله أكبر
    لو شاف واحدة جميلة 000 الله أكبر
                   |Articles |News |مقالات |بيانات

26-06-2004, 11:05 AM

zola123
<azola123
تاريخ التسجيل: 22-08-2002
مجموع المشاركات: 5

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    أبو حراز سلامات

    شكرا على الضحكات الصباحية
    طبعا الكتابة على الجدرن او على وسائل النقل العامة مظهر غير حضاري بتاتا
    الغريبة لمن يكون صاحب العربية نفسه كاتب هذه العبارات المشوهة
    لا استطيع استيعاب الامر جيدا
    يمكن في نظره هو بيكون بيضفي عليها خصوصيةأ وبيستمتع بفعل ما يريد في ملكه؟
    ذكرني موضوعك بموقف لن انساه
    كنت في مصر
    وكان جدي سايق العربية بيفسحنا انا والوالدة
    وفي احدى اشارات المرور لفت انتباهي التاكسي الواقف امامنا
    كان فيه ( لا مؤاخذة) فردة جزمة ظاهر انها مستعملة من اهترائها
    معلقة في الهوك فوق لوحة الارقام مباشرة, فلا تستطيع عين تخطيها
    قمت انا ببرائة علقت:
    عاينوا المسكين, بكون ولدوا الصغير عمل فيه مقلب وعلقا ليه وهو ما عارف
    ولك ان تتخيل التريقة اللي تلقيتها
    ولحد حسي بيحكوا للناس الحكاية مرفقة بتعليقي

    ملاحظة( الكلام ده قلته وانا كبييييييرة, وفهموني بعدين انها حركة عادية في مصر عشان تكفي العين)

    تحياتي
    زولة123
                   |Articles |News |مقالات |بيانات

26-06-2004, 03:58 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: zola123)

    الزولة 123
    قصة طريفة وفي منتهى البراءة
    واشكرك على المرور من هنا
    طبعاً برضو في واحد بتاع تاكسي كان بيوقف جوار قاعة الصداقة
    اها كل يوم العسكري عامل ليهو مخالفة
    الراجل طبعاً الموقف دا كويس معاهو وبلاقي ركاب بيدفعوا كويس
    قام اشتكي لصديقه
    وصديقه نصحه بأن يمشي الدمازين حيث يوجد فكي يعمل اوراق وحجاب
    قام سواق التاكسي مشى الدمازين ولاقى الفكي
    والشيخ اداه ورقة قال ليهو لمن تقيف تختها في الطبلون وتخلف كرعيك
    والورقة ميزتها انو العساكر مابشوفوك
    لكن الركاب بشوفوك
    وصاحبنا جاء اليوم التاني مبسوط وخلف رجل على رجل
    طوالي العسكري جاء ماشي عليهو
    وقام قال ليهو : يازول انا مش قلت ليك ماتقيف في الحتة دي ؟؟
    قام سواق التاكسي قال ليهو : عليك الله إنت هسي شايفني ؟؟
                   |Articles |News |مقالات |بيانات

26-06-2004, 12:08 PM

حمزاوي
<aحمزاوي
تاريخ التسجيل: 10-10-2002
مجموع المشاركات: 11593

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    أبوحراز
    سيد الأسم
    بركاتك يا سيدنا
    طبعا كما عودتنا مواضيعك دايماً رهيبة ومفيدة
    طبعا المصطلحات والتعابير المكتوبة في العربات لمن تكون جديدة تختلف عن القديمة المتهالكة
    لمن تكون جديدة تكون ذي [ حلوين ذي دول ]
    لمن تكون قديمة [ نظرة يا ابوهاشم ]
    . . . . . . . .
    ونحن بنقول يا اخوي عاش ابوهاشم بحر العاشم
                   |Articles |News |مقالات |بيانات

27-06-2004, 09:33 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: حمزاوي)

    حمزاوي
    يا اخوي مسئول من الخير
    في عبارة كنت أقراها دائماً عندما كانت الباصات هكر
    طبعاً نحن الله يكرمك من زمن الكومر
    العبارة بتقول : العفش داخل البص على مسئولية صاحبه
    يمكن لي أكثر من 10 سنوات لم اركب بص نهائي
    رغم انني اشتاق لذلك كثيراً
    لكنني اكره بشدة الباصات التي تذهب للفاو
    يا أخي دي انا بطلق عليها الباصات العاقر
    البص من المساعدي الى آخر راكب كلهم رجال
    ماعارف النسوان مابيسافرن عندهم وللا شنو
                   |Articles |News |مقالات |بيانات

26-06-2004, 06:09 PM

sama7-au
<asama7-au
تاريخ التسجيل: 10-06-2002
مجموع المشاركات: 674

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    الاخ الفاضل ابوحراز

    سلام كتير وفعلا الموضوع راِئع
    كان عندنا برينسا ِشغالة في الخط بتاع سنكات جبرونا كل ِِشوية تلقى السواق كاتب فيها تنويع

    اذكر منها

    الغزال الِشارد
    دمعة قطرة ودمة مس
    عذاب بس

    ما تنسينا

    اه لو تنفع المجروح

    وهلم جر

    اخر ِِِشيء واحد من السواقين كتب فيها

    امسك ما تقع ِ...



    مع تحياتي

    سماح
                   |Articles |News |مقالات |بيانات

26-06-2004, 06:27 PM

حبيب نورة
<aحبيب نورة
تاريخ التسجيل: 02-03-2004
مجموع المشاركات: 18579

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: sama7-au)

    يا زول بكرة تلقي عربية كارو كاتبين فوقا
    أشهدُ ان لا أله الا الله
    من زمن الحقيبة!!!!!!!!!!!!!!!!!!!!!!
                   |Articles |News |مقالات |بيانات

27-06-2004, 09:43 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: حبيب نورة)

    حبيب نورة
    لاحظت أن العربات التي بها عبارات عن الحقيبة يقودها رجال كبار في السن وهم بالطبع مغرمون بالحقيبة في حين أن العبارات السائدة وسط الشباب هي جميعها من الأغاني الحديثة هذا بالنسبة للسيارات التي لم تصدأ بعد
    وقد لاحظت في سوق الناقة مجموعة كبيرة من عربات الكارو وهي مفروشة بالموكيت ومركب عليها مسجلات ويحمل السائق موبايل سامسونغ 00 ومن منطلق الفضول حاولت ان اركب ومعي واحدة كان برستيجها عالي جداً رفضت أن نترك السيارة الخاصة بنا وتركب الكارو 00 لكن صاحبك ابوحراز عنيد وكنت اريد ان أكتشف اشياء جديدة مع سائق الكارو 00 أخيرا ركبت صاحبتنا لكن للأسف كان الشبشب كل مرة بيقع ونوقف بتاع الكارو ونرفعو ليها
    قال برستيج قال
                   |Articles |News |مقالات |بيانات

11-08-2004, 03:35 PM

saif massad ali
<asaif massad ali
تاريخ التسجيل: 10-08-2004
مجموع المشاركات: 19127

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    ابو حراز صدق وجدت في ام درمان بتاع كارو كاتب معفي من الضرائب والاغرب بتكلم بي موبايل ونحن خلو منظرين سعادة صاحب الكارو يفتح الطريق عشرة عربات والكارو مكتوب عليها معفي من الضرائب
    امرنا لله
    ود عوج الدرب
                   |Articles |News |مقالات |بيانات

22-08-2004, 01:52 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: saif massad ali)

    تعرف يا عوج الدرب
    الراجل دا لو عفوه من الخدمة الإلزامية
    ما أظن يعفوه من الضرائب

    انا سمعت اننو واحد قال الكارو دي أحسن من الحافلة
    عشان كدا باع الحافلة واشتري ليهو 100 كارو
    وأجر كل واحدة ب خمسة آلاف
    الراجل قالوا يومياً ينتظر الحمير تجي وتجيب ليهو 500 الف في اليوم
    عالم عايشة بشكل عجيب
    هنا تغترب طول عمرك وبرضو الحال في حالها
                   |Articles |News |مقالات |بيانات

27-06-2004, 09:39 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: sama7-au)

    الرائعة سماح
    أين انتي يا مبدعة ؟؟؟؟
    اين خواطرك التي تعيد الينا انفاسنا وتجعلنا نشهق
    اين قصائدك النثرية التي كانت زادنا في كل لحظات الألم وأوجاع الزمن
    اشتقنا كثيراً لكلماتك
    ولو كنت اعرف أن هذا البوست سيأتي بك لكنت قد دفعت به قبل عام من الآن
    جميل هذه العبارات وهي ثقافة نتميز بها
    أذكر أن أخي كان يقود أمجاد مخصصة لسياح سعوديين
    كان أكثر ما يلفت انتباههم هذه العبارات
    ويطلبون دائمامنه أن يتوقف لكي يقرأوا العبارة
    وكانوا يضحكون كثيرا
    علما بأن أخي عمل مترجماً لهم
    فبض العبارات ليس من السهل فهمها على السياح
                   |Articles |News |مقالات |بيانات

27-06-2004, 04:45 AM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    ابو حرازززززززززززززززززززززز.....
    ياخى يديك العافية يا خى......
    والله بتاعت الفحم والحمام دى ....لا لا...صعبة شديد....
    فى الأكاديمية العربية الاسكندرية... وهى مؤسسة متعددة الجنسيات التى تحب بعضها لدرجة رهيبة- فى أشهر حمامات فى التاريخ...غايتو فيها حروب من نوع عجيب....

    ياخى مرة حضرت لى واحدة منها... دخل واحد كويتى "مصلح" يحاجز بين مصرى وفلسطينى...هجمو ليك عليه..لمّا قال يا صدام....

    الصعب فى الموضوع هناك انو تمسك طرف الخيط البدت بيه المشكلة وين؟؟؟ لكن لما تلقا التسلسل... تكون دكيت ليك محاضرتين بالميت كدا....

    وفى ناس الحرب معاهم ما نضيفة... فيها ضرب من تحت "المقعد"... يخلوا الحمام بطريقة فظيعة حتى يصل بيته وهو مطمئن انو "العدو" ما حيقدر يدخل من وراه...

    غايتو من أجمل التعليقات المألوفة لدى:-
    يا ناس يا شر كفاية أر....

    العين صابتنى ورب العرش نجانى...

    ابتسم من فضلك " وتلقا السواق صارّى وشه"

    وفى الحيط:-
    ممنوع البول يا حمار

    أنوررررررررررررررر
                   |Articles |News |مقالات |بيانات

27-06-2004, 09:49 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: AnwarKing)

    أنور
    لك التحية على التعليق الظريف
    لكن بالله اريد ان اسأل { كفاية أر 000 معناها شنو
    هل تعني كلام كتيييييير بالسوداني
                   |Articles |News |مقالات |بيانات

27-06-2004, 10:51 AM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    salamat again....
    أظنها مصرية...مستوردة.... يعنى كفاية قر بس باللهجة المصرية تصبح أر

    وتسلم يا أبو حراز

    أنور
                   |Articles |News |مقالات |بيانات

28-06-2004, 04:56 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: AnwarKing)

    انور
    شكراً على التوضيح الرائع
    وبمناسبة الكتابة على السيارات
    هناك ايضاص مجال آخر وهو الكتابة على السبورة
    وهذه حادثة لن انساها
    فعندما كنا بالثانوي كانت مدرستنا جميلة جداً وعريقة
    وقيل لنا يومها أن هناك مدرسة ثانوية بنات ستزور المدرسة
    طبعاً قبل اسبوع بدأنا نغسل في البناطلين ونكوي فيها
    هذا بخلاف أنو كل واحد فينا اشترى مرايا من النوع الجميل
    وانتظرنا حضورهن بلهفة
    فجأة يجي المدير ابن اللذين ويقول تمشوا كلكم الداخلية
    وصار صاحبك مع مجموعة من المدرسين هم الذين يشرحون للطالبات
    وكنا نتلصص عليهن
    بينما الصول المبسوط كان في قمة مجده آنذاك
    المهم بعد ثلاث ساعات انتهت الزيارة
    ودخلنا فصولنا لنجد الكثير من عبارات الحب والغزل مكتوبة بالسبورة
    احداهن قالت : الزيارة ليس لها طعم لأنها فقدت أهم عنصر
    طبعاً عرفنا انو اهم عنصر دا نحن الطلبة
                   |Articles |News |مقالات |بيانات

28-06-2004, 05:43 AM

Saifeldin Gibreel
<aSaifeldin Gibreel
تاريخ التسجيل: 25-03-2004
مجموع المشاركات: 4079

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    الأخ الرائع أبو حراز لغد هيجنى هذا البوسط الى زكريات جميلة خلت فى شأن الكتابة فى دور الموأصلأت وعلى الذكر فقد قيل الكثير وكتب عن بص الجريف من طرائف وكاريكاتيرات ,اما فى الشأن الأخر أزكر أن الأديب الراحل أدريس جماع على آخر ايامه فى مستشفى التجانى الماحى كان كثير ما يكتب الشعر على جدران وأعمدة المستشفى ولأ أدرى أن تم الحفاظ على هذا التراث وحفظه او تمت أزالته.وهنالك الكثير من البحوث والرسائل العلمية التى ناقشت مسألة الكتابة على جدرأن الحيطان وبالتحديد الحمامات العامة والداخليات على العموم موضوع شيق ودسم ولي قدام.بعدين صورتك دى ما غريبة علي يخيل لى أنو أنا بعرفك.

    (عدل بواسطة Saifeldin Gibreel on 29-06-2004, 05:54 AM)

                   |Articles |News |مقالات |بيانات

28-06-2004, 03:50 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: Saifeldin Gibreel)

    Saifeldin Gibreel
    لك التحية على هذا التحليل القيم والرائع
    قلت لي شفتني
    الظاهر تكون لاقيتني بشخبط في حيطة
    ربما نكون بنتعارف ويسعدني ذلك
    الظاهرة كما قلت ظاهرة مهمة وتحتاج للدراسة المستفيضة
    وكذلك لابد من تحليل عقلية مايكتبون على الحائط
    أذكر ان مديري هنا في السعودية أخذني معه في جولة ميدانية
    وكانت تتعلق بنفس الموضوع
    طبعاً العبارات هنا صعبة جداً
    وأغلبها يتعلق بالحب
    مثلاً : زعلان يموت في نورا
    والغريبة برضو واحد فرحان كاتب بجواره 00 حبيتك يا أمعيوناً سووووود
    والمشكلة ليست في العبارات بل في الخط حيث كان من الخطوط الممتازة جداً 00 وعملنا المستحيل من أجل الوصول لحبيب نورة
    وبعد متابعة مستمرة استطعنا القبض عليه
    لا لشيء الا لأجل أن نوظفه في قسم خاص بتصميم اللوحات الترحيبية
    وقد تم ذلك بالفعل وأبدع هذا الشخص في رسم لوحات رائعة جداً
                   |Articles |News |مقالات |بيانات

28-06-2004, 04:08 PM

Adrob wad Elkhatib
<aAdrob wad Elkhatib
تاريخ التسجيل: 05-05-2003
مجموع المشاركات: 612

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    سلام ابوحراز

    موضوع ظريف شديد بس مافى داعى للزعل الشديد ،وابقى زى اخوانا عادل عبدالعاطى كان بقول فىكل

    ماساه فيها FUN
    ولا تبقى ما ابوحراز...لكن ابوالدقيق.
    بالمناسبة كان عندنا بوكس قديم مافيه فرامل كتبنا فيه:سارحه وعين الرب ترعاه
    ده يكون بوكس شيعى
                   |Articles |News |مقالات |بيانات

29-06-2004, 04:06 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: Adrob wad Elkhatib)

    أدروب
    كيفنك
    ياخي زعل بتاع شنو 00 هو نحن لو زعلنا الا يكون من عدم العرس
    لأنو حاجة تغيظ
    ود أختي لسه المخاتة بتاعتو سايلة أمس اتصل علينا قال خطب
    ونحن بس نتحاوم في البورد يمين وشمال
    اها قعدنا معاكم سنتين وطلعتونا من المولد بدون حمص
    قال زواج مبكر قال
    وكمان قال شنو أخونا بكري : البورد اصبح وطن
    لكن وطن عانس ماشفنا فيهو اي حاجة طاعمة
    يعني قلنا على الأقل الواحد يطلع ليهو بعروس
    لكن ماشاء الله شواكيش بالجملة

    قلت لي البوكسي كاتبين فيهو سارحة
    لأنو مافيه فرامل عشان كدا سألوا الله انو يحرسو
    وحكاية الفرامل دي عندنا في السودان براها تحتاج ليها لبوست
                   |Articles |News |مقالات |بيانات

28-06-2004, 04:08 PM

Abdalla Gaafar

تاريخ التسجيل: 10-02-2003
مجموع المشاركات: 1462

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    ابوحراز
    يديك العافية وشكرا علي الحديث الساخر والضاحك
    وكدا اسالك انت ياخوي قريت في زمن البناطلين والله انا كنت قايلك من زمن جلاليب الدمورية والشدة...والزمن داك الكلام الكان بيكتبوهو في المدارس مابتقال هناولا بتكتب..وياخوي انا اخر مرة شفت حكاية الكاروهات البي فرش ومسجل في سوباوحكمة الله يالله تلقي ليك واحدة من الزحمة...اخر تعليق قريتو كان مكتوب في لوري فحم ..الماعاجبو يقع البحر..ونفسي كان اعرف الزول دا قاصد شنو

    سلام

    عبد الله جعفر
                   |Articles |News |مقالات |بيانات

29-06-2004, 04:11 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: Abdalla Gaafar)

    الأديب عبد الله جعفر
    الظاهر العبارة { الماعاجبو يقع البحر } يقصد الماعاجبو الفحم
    بتاعين اللواري ديل ظاهرة فريدة في السودان
    يا خي ديل من مدني للخرطوم يمشوا في 8 ساعات
    كل ما يلقى قهوة ينزل يقعد فيها
    والمشكلة شنو معاه ابريق ومرتبه وعنقريب
    عندهم طولة بال ماقابلتني في بشر
    وأكثر شيء بغيظني فيهم النور الطويل
    من بورتسودان يعمل نور طويل لحد مدني
    ومهما تحاول تتحاور معاه لاحياة لمن تنادي

    بعدين شقيقي الأكبر هو من قرأ بالدمورية
    دا تصدق الابتدائي داخلية والمتوزسطة داخلية والثانوي داخلية
    بعدين لمن كان في الثانوي أنا كنت أول واحد بستقبلو
    تعرف ليه ؟؟
    لأنو كل خميس كان بجيب معاه بسكويت وساردين
    طبعاً أنا لمن آكل بسكويت تلاتة يوم تاني ماباكل كسرة
    تصدق يوم اتخرج من الثانوي أنا أكتر واحد كنت زعلان
                   |Articles |News |مقالات |بيانات

29-06-2004, 01:17 AM

Ehab Eltayeb
<aEhab Eltayeb
تاريخ التسجيل: 25-11-2003
مجموع المشاركات: 2850

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    ابو حراز :
    الموضوع جميل و ممتع وهي ثقافه (اي ثقافة الحمامات ) منتشره وتنمو في ظروف قهر الانظمه ..او للتعبير عن اشياء ممنوعه او لا يمكن المجاهره بها..
    و انا كذلك من القراء المستمتعين بصحافه الحمامات..

    في وسائل المواصلات هناك ثقافه جديده وهي مصاحبه بعض الرسوم كأن يكتب احدهم في الليله ثم تري رسمه للديك..

    لك الشكر علي هذا الموضوع الشيق...
                   |Articles |News |مقالات |بيانات

30-06-2004, 06:01 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: Ehab Eltayeb)

    ايهاب الطيب
    اشكرك على المشاركة القيمة وبالفعل ثقافة الحمامات ثقاتفة غريبة جداً
    ولولا الكبت لما حدث ذلك
    لكنها تأتي بأدب جميل وشيق
    رغم أنه يكتب على صفحات غير مخصصة له
    كما أنه من الصعب أن تتجرا دار نشر على نشر مثل هذه الأعمال
    وقد حرمتنا الظروف من هذه الثقافة في السودان
    وهذا بالطبع بسبب عدم وجود حمامات
    إلا أن بعض المسئولين جزاهم الله خيراً قاموا بالواجب وزيادة
    فقد ارتفع ضغطي عند مروري بالسوق العربي وتحديداً عند الجامع الكبير
    فلقد قرات لوحة قماش وبخط جميل وبطول أكثر من عشرين متراً
    مكتوب عليها { الدخول للحمامات ب 500 جنيه بتسعيرة من الولاية }
    ويجلس محاسب طول وعرض ويلف عليه عمة ضخمة جداً
    لا اعتقد ان هناك داع لمثل هذه اللوحات
    فطالما قضاء الحاجة اصبح بقروش بلاش وسائل دعائية وتشويه لسمعة 30 مليون نسمة
    الغريب أتيت للمحاسب وسألته وقلت له ال 500 دي ممكن أقعد بيها كم ؟؟ لأنني خفت أن أدخل ويتطلب الموقف قضاء ساعة مثلاً !!
    قال سياحة داخلية قال !!!
    والله أهل العوض في النواحي دي أحسن من الجماعة ديل مليون مرة يعني يعملوا حيطة الدبليوسي قصيرة جداً وكالعادة سقف مافيها والغاشي والماشي يشوفك لكن برضو بالمجان وتقعد أطول فترة ممكنة
                   |Articles |News |مقالات |بيانات

29-06-2004, 10:15 AM

serenader

تاريخ التسجيل: 14-01-2003
مجموع المشاركات: 0

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    أخونا أبو حراز
    يؤسفني أن أؤكد لك أن ثقافة الكتابة على اللواري ليست حكراً على البشر السوداني.. فقبل أيام بعث لنا مراسل باكستان بتقرير عن ظاهرة الكتابة على اللواري السفرية (تخيل!) وتزيينهاعند الباكستانيين، أهل الريف بالتحديد. والتقرير ممتع وشيق، يأخذك خطوة بخطوة عبر مراحل اختيار الألوان وخلطها والرسم على جسم اللوري.. وهناك حقائق لطيفة في الموضوع:
    * قيمة اللوري تحدد بتنوع ألوانه وكثرتها
    * هناك مسميات للرسم والزينة، يعني زي البلح عندنا فيه البركاوي والقنديلة
    * هناك حرب حقيقية تدور بين أصحاب اللواري تنافساً على كمية ونوع الألوان
    * الفنانون الذين يتولون عملية الرسم والتلوين لهم عادات وقبايل وعُمَد (جمع عمدة)، وطرائق قدداً..
    * طريقة التلوين أو الرسم ونوع الزينة غالباً ما تحدد المنطقة التي ينتمي إليها صاحب اللوري أو الخط السفري الذي يستخدمه
    * بقي أن تعرف أن اغلب اللواري إما بدفورد سفنجة، أو نيسانات!!
    أها شنو ليك؟
    - حاشية:
    في صدد العبارات المكتوبة، أتأسف لعدم قدرتي على ترجمتها، لضآلة معرفتي بالأوردو..
                   |Articles |News |مقالات |بيانات

29-06-2004, 01:08 PM

KANDAKE
<aKANDAKE
تاريخ التسجيل: 02-03-2003
مجموع المشاركات: 192

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: serenader)

    I heard this joke some years ago. al Ingadh wanted people to write religious words only on their vehicles so a bus driver wrote on the side of the bus

    يا بنى اركب معنا ولا تكن مع الكافرين
                   |Articles |News |مقالات |بيانات

03-07-2004, 05:53 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: KANDAKE)

    كانداك طبعاً الراجل ما ركب وعامل فيها عنيد
    وأخيراً لحسو الطوفان
    سيدنا نوح يعلم تماماً ان في ذلك حكمة كبيرة
    والحكاية لو حدثت عند أهلي الجعليين
    كان واحد منهم ملص ملابسو وعام لحدت مايحنس الراجل العاوز يغرق دا
                   |Articles |News |مقالات |بيانات

30-06-2004, 06:03 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: serenader)

    serenader
    لك التحية على هذا الطرح الشيق
    بالمناسبة فعلاً لاحظت في السعودية أن الباكستانيين يكتبون على الترلات
    لكن طبعاً كتابة ملولوة وزي سلك الهيتر ماتعرف معناها شنو
    حتى أنني حضرت ريبورتاج تلفزيوني كان يحكي عن هذه الظاهرة
    أذكر مرة أن وزارتنا قد فرضت على سائقي وايتات الماء أن يكتوبا عليها هذه العبارة { مياه آبار صالحة للشرب }
    وكان هناك مجموعة من الباكستانيين يعملون في وايتات الماء { تناكر }
    الجماعة ديل مشوا للخطاط عشان يكتب ليهم العبارات دي وكانوا أكثر من 15 واحد فاتفق معاهم بمبلغ 100 ريال للوايت الواحد
    طبعا اختلفوا في السعر وأحدهم كان ذكي جداً وجاءته فكرة جهنمية
    قال : نحن نطلب من الخطاط يكتب لينا العبارات الأربع على ورق مقوي وبعد كدا كل واحد يقوم بالصاقها على الوايت ومن ثم رشها بالبوهية
    ذهبوا للخطاط مرة ثانية وأخذ مائة ريال بس مقابل الاربع ورقات
    قاموا اشتروا البوهية وكانت العبارات الاربع كالتالي : مياه 00 آبار 00 صالحة 00 للشرب
    والجماعة مابيعرفوا عربي
    اها قاموا وضعوا الورق في الوايت بدون ترتيب
    اها الأول بعد ما خلص كانت العبارة { للشرب 00 مياه 00 صالحة 00 آبار}
    والتاني { صالحة 00 آبار 00 مياه 00 للشرب }
    طبعاً كل الناس في ذلك اليوم ضحكوا بعمق
                   |Articles |News |مقالات |بيانات

30-06-2004, 10:44 AM

serenader

تاريخ التسجيل: 14-01-2003
مجموع المشاركات: 0

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    أخونا أبو حراز
    هي طبعاً ظاهرة تختلف باختلاف الثقافات، واحياناً الحالة المادية. كما أن عنصر اللئامة وسلاطة اللسان يدخل أحياناً كعامل مؤثر..
    أذكر في خرطوم التسعينات أيام القصة ضايقة على الحكومة والناس، رأيت سيارة فيات لا تنتمي لأي فئة معروفة.. ومصابة بحساسية عنيفة، ولها نصيب وافر من الصدمات والكدمات والعوارات.. واحسب أن صاحبها رما كان يعالجها بالقطران.. ألطف ما في الأمر أنه كتب على مؤخرتها، وبخط انيق، العبارة التالية: "كعب العدم" .. ثم اتبعها بعبارة اخرى على الزجاج الخلفي وبخط أكثر أناقة: القحة ولا صمة الخشم..
                   |Articles |News |مقالات |بيانات

03-07-2004, 05:55 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: serenader)

    سرندر

    جايز تكون السيارة بتقح من القطران دا
    العربات القديمة مشكلة كبيرة في السودان
    لو أن هنالك مساحة فارغة في متحف السودان اتمنى أن تخصص لها
                   |Articles |News |مقالات |بيانات

30-06-2004, 11:11 AM

الطيب برير يوسف
<aالطيب برير يوسف
تاريخ التسجيل: 22-02-2004
مجموع المشاركات: 456

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    الأخ أبو حراز
    سلامات
    من طريف ما قرأت في هذا السياق
    ما كتبه أحدهم على ظهر لوري تراب .. (الدكشنري)
    يبدو أن هذا اللوري كان (دكشنري) لكل أنواع النقل وصولاً للتراب
    وفي لوري تراب آخر كتب أحدهم (الدكتورة) و (خلوها يا حساد)
    وكل هذه الأنواع تدار بالمنفلة
    وبتمشي بالبركة وموية أباريق الشيوخ

    وأرى صديقي serenader يتحدث هنا عن سيارة (ما)
    كان سيكون أمراً ماتعاً لو حدثنا عن (عربتو)
    تلك التي تنازلت عن قفلها الياباني واتخذت لها(ترباساً)
    كان serenader يفتح عربيته من باب ويعتليها من الآخر
    ويتزند في تحريكها وهي تعرف مسالكنا بالتعود لا لجودة الدركسون
    أو صفاء البنزين ونقاء الكربريتر ولكن على مبدأ (وجعلنا بينهم مودة ورحمة)
    حدثهم يا صاحبي serenader عن ذلك.
                   |Articles |News |مقالات |بيانات

30-06-2004, 06:10 PM

serenader

تاريخ التسجيل: 14-01-2003
مجموع المشاركات: 0

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: الطيب برير يوسف)

    أخونا ودبرير،
    كلما خطر ببالي بيت المتنبي:
    وعداوة الشعراء بئس المقتنى وشر ما يكسب الإنسان ما يصم

    تذكرت سلاطة لسانك المعجونة بمساخة أهل السافل.. لماذا تقليب المواجع؟ أهل هذا البورد لا يدرون شيئاً عن مغامراتي القديمة مع البوكس العزيز الذي هجوته هجواً لا يليق والخدمات الجليلة التي أسبغها عليك..
    أنسيت أنك كنت حافياً، تستلف شبط الخليفة "مالك" لكل مشوار ذي حيثية؟ أذكر هنا بيت المتنبي أيضاً:
    وتعجِبُني رِجلاكَ في النَعلِ إنني رَأيتُكَ ذا نَعلٍ إذا كُنتَ حافِيا


    هيييه.. تلك أيام خلت.. وأحسبني مستميت على الصحبة متغاضياً عن سلاطة اللسان ولؤم الجنان.. (دي قوية!!)
    وفي ذات المعنى يقول المتنبي:
    يُحبُّ العاقلونَ على التَصافِي وحُبُّ الجاهلِينَ على الوسام

    لكنني اتفق معك في أن لتلك العربة، أو العربانة عند أهلنا العراقيين، خصائص وميزات ربما نفرد لها بوستاً منفصلاً..
    أها، انشاء الله انبسطت؟

    (عدل بواسطة serenader on 30-06-2004, 06:12 PM)
    (عدل بواسطة serenader on 30-06-2004, 06:21 PM)
    (عدل بواسطة serenader on 30-06-2004, 06:22 PM)

                   |Articles |News |مقالات |بيانات

03-07-2004, 05:56 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: serenader)

    الأستاذ الطيب برير
    بالمناسبة كنت مرة ضيفاً في واحدة من قرى الدويم
    وكنت بمفردي بالديون وأحتجت لماء
    وكان هناك صبية يلعبون كرة القدم فناديت على اسم { برير }
    تصدق الفريق كلو جاءني بما فيهم حارس المرمى والحكم والمتفرجين
    الحلة كلها برير 00 اها انشاء الله بعد دا كلو مامون البرير يكون منكم
    قلت لي موية الابريق دي شغالة بنزين لحد الآن
    بس شيوخنا شاطرين لينا في الموية دي
    الواحد لمن يتبين طوالي يطلع ليهو موية
    نحن ناقصين 00 عاوزين معادن 00 ذهب 00 ماس 00 لؤلؤ
    وياليت يطلعوا لينا واحدة من حور الجنة
    بدل الموية الكتيرة ومسيخة دي
    واحد مرة اتشاكلت معاه
    قام قال لي يازول أعمل حسابك والله أنا بنفخك
    قلت ليهو انشاء الله تقلبني منطاد
    قال بنفخك قال
                   |Articles |News |مقالات |بيانات

30-06-2004, 07:03 PM

Abd-Elrhman sorkati
<aAbd-Elrhman sorkati
تاريخ التسجيل: 21-02-2003
مجموع المشاركات: 1576

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    العزيز ابو حراز

    تحدث الاخوة المتداخلون عن فلسفة هذه الظاهرة ولم يتركوا لي شيء

    فقط اود الاشارة الي ان هذه الظاهرة لا توجد الافي البلدان الاقل

    تقدما ولا توجد في البلدان المتقدمة لاعتبارات عديدة بدأ من ثقافة

    الفرد والي احترام الذوق العام0000

    المهم في الموضوع من اطرف العبارات التي قابلتني تلك التي كانت

    مكتوبة علي ظهر تريلا مقطورة وهي ( بس تشيل فيني وتودي)000

    وهناك لوري كتب علي ظهره حنان عشراوي000 اي والله 0
                   |Articles |News |مقالات |بيانات

03-07-2004, 04:09 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: Abd-Elrhman sorkati)

    الأخوة الأعزاء شكراً على المداخلات القيمة
    سأعود بعد قليل انشاء الله للرد عليكم
    والموضوع اصبح طاعماً بفضل هذه المداخلات الجميلة
                   |Articles |News |مقالات |بيانات

03-07-2004, 05:58 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: Abd-Elrhman sorkati)

    سوركتي
    وينك مسجل غياب
    العبارة حلوة جداً { بس تشيل فيني وتودي }
    وهي لسان حال العربية المغلوبة على أمرها واحتجاج واضح
    لكن حنان عشراوي دي الجابها هنا شنو
    مش كان مفروض يكتب سهى عرفات
                   |Articles |News |مقالات |بيانات

04-07-2004, 06:22 PM

motaz
<amotaz
تاريخ التسجيل: 26-04-2002
مجموع المشاركات: 1412

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    حروزة يا اهم عنصر
    اتذكر مرة ونحن في الابتدائية حصل موقف لا انساه بسبب الشخبطة .. لوكن الشخبطة هذه المرة كانت على السبورة حيث كتب احد الزملاء على السبورة (احب ....) طبعا النقاط دي اسم الاستاذة .. تخيل ونحن في الابتدائي طالب يكتب كلام زي ده
    المهم في الحصة الثالثة بعد الفطور دخلت الاستاذه اياها وكتبت التاريخ اعلى السبورة وعندما ارادت ان تكتب اسم الدرس لمحت الكلمة .. وبالرغم من ان السبورة كانت ممسوحة جيدا ولكن العبارة كانت مكتوبة (بلون شمع) لذلك يصعب مسحها بالكامل
    طبعا طلعت الاستاذه من الفصل وكلمت المدير وهو بدورة طلب حضور كل الاساتذة وخرجت كل الفصول الى بيوتهم وبقينا نحن في المدرسة .. ادونا حصة انشاء عشان يعرفو ده خط منو ما نفعت قالو لينا العمل كدا يعترف برضو ما نفع لحدي ما جات الساعة اثنين
    بعد دا صدر حكم علينا بالجلد خمسة جلدات وانت على الوضع النايم في الكنبة وعندما تطلع من الفصل يقابلك استاذ اخر ويصرف لك اتنين على يدك وفي باب المدرسة واحد مصلح على ظهرك
    ذلك اليوم لا انساه ابدا وخاصة الصوت الاخير حق الظهر ده لانو ما جربتو قبل كدا واتخيلت اني في عرس والبنات قاعدات يزغردن .. وكان ما الجلد كتر علينا كنت اخدت لي واحد تاني
    لك كل ودي
                   |Articles |News |مقالات |بيانات

04-07-2004, 08:23 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: motaz)

    الأخ معتز
    مشيت تعرس وللا شنو
    ليك مدة ماباين
    بصراحة المدرسة بالغت عديل كدا
    هسي لو دي واحدة من مدرسات اليوم دا كانت عملت ليكم عمايل في السبورة دي
    يعني لو جات لقت العبارة { أحب 00000 }
    كان طوالي مسحت النقاط ووضعت في محلها { الناظر }
    تاني ماتشخبطوا في السبورة
    تصدق أنا كنت لمدة 6 سنوات بمسح السبورة
    دا كلو كان عقاب عشان قرصت ولد الناظر !!!
                   |Articles |News |مقالات |بيانات

11-08-2004, 03:08 PM

zola123
<azola123
تاريخ التسجيل: 22-08-2002
مجموع المشاركات: 5

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    up
                   |Articles |News |مقالات |بيانات

11-08-2004, 10:38 PM

Ahmed Daoud
<aAhmed Daoud
تاريخ التسجيل: 30-01-2004
مجموع المشاركات: 755

للتواصل معنا

FaceBook
تويتر Twitter
YouTube


الله أكبر ... القديييييييييييييييييمة (Re: ابوحراز)

    العزيز الرائع ابوحراز

    عادت بى الذاكرة الى ايام الدراسة ... كنا فى انتظار
    رحلة علمية الى نيروبى .. ولبعض الترتيبات اسكنونا فى
    داخلية الطب ... كان لاهم لنا غير ان نجلس على البلكونات
    ونتابع السيارات وما هو مكتوب عليها من عبارات... حفظنا
    عبارات كثيرة جدا ...كانت هناك عبارات غاية فى الغرابة ..
    ولكنى مازلت احفظ عبارة ( عيون فى الغربة بكاية )....
    الان فقط عرفت ان هناك عيون كثيرة تبكى فى الغربة .

    اذكر ان احدى الزميلات عملت بحث فى هذا الموضوع .. فالعبارات المكتوبة هى تنفيس لرغبات مكبوتة لاصحابها
    وتعرف بوضع صاحبها النفسى والمزاجى .

    الموضوع شيق ورائع وجميل ...كعادتك دائما تطرح اشياء
    جميلة وسلسة..شكرا لك ظريف البورد ابوحراز

    لك ودى واحترامى

    احمد داود
                   |Articles |News |مقالات |بيانات

17-08-2004, 11:46 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر ... القديييييييييييييييييمة (Re: Ahmed Daoud)

    الزولة
    شكراً على ضخ دماء جديدة بالبوست

    أحمد داود
    كثيراً ماتبكي العيون حتى وهي على العربات المتهالكة
    ويبدو لي أنه مع تطور الزمن والعولمة والفضائيات والأنترنت
    سوف تموت هذه العبارات الجميلة
    لتحل محلها عبارات غريبة جداً
    مثل البرتقالة
    آآآآآآآآآآه ونص
    حط النقط فوق الحروف !!!!
    يقال أن ابو الأسود الدؤلي جلس ثمانية وعشرين عاماً من أجل وضع النقاط على الحروف
    اليوم تطل علينا راقصة عارية تسمى بوسي سمير لتضع النقط على الحروف في لمحة بصر
                   |Articles |News |مقالات |بيانات

11-08-2004, 10:59 PM

هشام مدنى

تاريخ التسجيل: 08-08-2004
مجموع المشاركات: 6667

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    اخى الكريم
    تحيه طيبه
    طرح جميل ما فى شك.
    ملاحظه ان الكتابة فى العربات موجودة فى كثير من الدول
    المتقدمة لكن الفرق كبير فى طريقة الكتابة دائما تكون
    فى شكل اعلان او دعاية لمنتج او شركة مدفوع القيمة طبعا
    خاصة عربات التاكسى فى معظم اوربا.لانها اقل تكلفة من
    الاعلان فى التلفزيون مع الفرق الكبير فى الناس للتعرف
    على المنتج الجديد.

    مع تحياتى
                   |Articles |News |مقالات |بيانات

16-08-2004, 11:31 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: هشام مدنى)

    هوووووي ياناس البوست دا بعد مشى صفحة الوفيات رجعتوه تاني
    اشكركم وسوف ارد عليكم انشاء الله بعد قليل
    امس واحد من العزابة اشترى ليهو مرتبة جديدة
    طبعاً خمس سنوات الراجل بينوم ملح ساكت
    واحد سافر ينوم مكانه
    واحد غائب ينوم في سريره
    والحمد لله امس انتهت هذه المأساة واشترى المرتبة
    طبعاً فرشوها الجماعة في السرير
    وقالوا ليهو تعال عشان الافتتاح
    وكالعادة جو الجماعة { الله أكبر 00 الله أكبر 00 المشكلة معاها رفعت اصبع }
    بعدها لم ينم هو قرير العين بل نمنا نحن { قرير العين }
    فوضى بالتمام والكمال 00 خمسة سنوات بدون مرتبة وملاية ومخدة وسرير
    يا الله على هذا البرووووووووووود
                   |Articles |News |مقالات |بيانات

17-08-2004, 03:28 AM

عوض الله الفولانى
<aعوض الله الفولانى
تاريخ التسجيل: 04-09-2003
مجموع المشاركات: 850

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)



    أبو خراز ألبايركس


    ألزول ألظريف ســـــــــــــلامات

    شكرا على هذا البوست الجميل و حقا انت عكست لنا
    ثقافة قل أن تجدها الا فى قليل من دول العالم
    أظرف تعليق مكتوبة على أحد باصات أمدرمان ألثورة
    هو ( بكــره ألركــوب ملــح )

    الفولانى
                   |Articles |News |مقالات |بيانات

20-08-2004, 11:12 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: عوض الله الفولانى)

    تعرف ياوليد طه كعب العدم
    وزي ماقالوا ناس الحكومة " من يملك قوته يملك قراره "
    وفي السودان من يملك بكسي فقد ملك الكثير جداً
    أذكر أن طموحاتي كانت كبيرة جداً عند حضوري للمملكة
    فقد سمعت قبل حضوري أن القروش هنا " خم " و " غرف "
    وفعلاً أول مانزلت المطار وذهبت لأركب التاكسي لقيت ريال واقع
    أها طوالي ؟ ضميت يداي وخميت ليك الريال " وقلت اها انشاء الله بدينا
    جيت ركبت باصات النقل الجماعي الفارهة وقلت بس خلاص أنا اشيل واحد زي دا وارجع السودان
    لكن هل تحققت الأمنية ؟؟ 11 سنة وانا فقط اتمنى الآن ان اركب عليه 0
    قال " خم " قال
    الفولاني
    قلت لي بكرة الركوب ملح
    كان معا عمي جاء الخرطوم والراجل طبعاً من أهل العوض الأصليين
    زولك بالله ركب حافلة ماشة الصحافة
    العوير دا دفع لي ناس الحافلة كلهم
    قلت ليهو يازول انت عاوز تفلس بينا وللا شنو
    جيب قروشك دي هنا
    اظرف شاي بتاعين الشاحنات بيكتبوا عبارة { كن قوي } القاف دي طبعاً عليها ثلاثة نقط
    اها واحد زميل معانا في الدراسة ومتعقد جداً كنا مرة بنتحدث عن العبارات دي
    فقال هو مستغرب في شي واحد { كن قوي } أي هو نطقها كون قوي من قوة
    وطبعاً ضحكنا كتير منه
    الراجل بعد شوية طوالي عندو مطوة
    قال اها والله البيكشر بس حا أطعنوا بالمطوة دي
                   |Articles |News |مقالات |بيانات

17-08-2004, 11:48 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    هشام مدني
    اشكرك على المشاركة والفكرة طيبة ورائعة أن يستفاد من العربات للدعاية
    ولكن اسلوب الدعاية والإعلان عندنا متخلف جداً
    ولاتتم الاستفادة من التقنيات والمساحات الاعلانية المتوفرة الكثيرة بالسودان
    حتى أن هناك مواقع اعلانية كبيرة يمكن ان تستثمر بالعاصمة وهي سوف تدر دخلاً يساعد
    في تجميل العاصمة ولها فوائد جمالية أخرى بالطبع غير الجانب المادي
    لكن لاحظت أن بعض السائقين لايود أن يتم تغيير سيارته لأنه اذا اراد بيعها
    ووجد فيها المشتري أي عبارة فإن هذه العبارة سوف تقلل من سعر العربية
    عندما كنت بالسودان طلعت يومً ما لأفاجأ بعربيتي المتهالكة وقد كتب عليها أحدهم بمسمار طبعا
    كتب عليها { الحصاحيصا – الشيخ البصير }
    يعني انا عشان امسح الحصاحيصا والشيخ البصير دفعت مائة الف بالمنطقة الصناعية مع التأخير
    طبعا ليوم كامل ولكن كان عزاؤنا الوحيد واحدة بتاعت اتصالات بالمنطقة الصناعية
    ياخي دي مصاحبة النجار والحداد والميكانيكي والسمكرجي والكهربائي وبتاع اللديترات
    وبتاع الشكمانات وبتاعين الاسبيرات والعتالة
    بالله اليوم داك كنت كارثة بالنسبة لهم
    كل مايدخل واحد يعلق ويضحك معاها
    دا شنو الزول النضيف دا ولابس آخر صيحة وقاعد مع زولتنا دي
    قلت ليها عليك الله : بتحبي ديل كلهم ؟؟
    قالت : والله كل واحد بمشي معاهو على مويتو
    أها طبعاً قلنا خلاص الجماعة كلهم دخلوا عليها وعرفوا انو مافي طريقة اليوم تتونس معاهم
    كان بعد شوية جاء داخل بتاع الرقشة وشايل صحنين شية !!!!
    المشكلة مافيها أي مسحة جمال 00 لكن الطشاش في بلد العمي شوووووووف !!
    لأنو المنطقة كلها جافة مسامير وأصوات حدادة ونجارة وشبابيك وابواب وهلمجرا
    قال سوداتل قال
                   |Articles |News |مقالات |بيانات

17-08-2004, 04:41 AM

walid taha
<awalid taha
تاريخ التسجيل: 28-01-2004
مجموع المشاركات: 3505

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    ابوحراز..أزيك

    Quote: تشيخ وتترهل

    على كلامك

    واحد سايق ليهو بوكس قدييييييم نور واحد قدام وكل الاشارات مكسرة وراء وقدام عارف كاتب عليهو شنو؟











    ( كعــــــب العـــدم)

    شكراً ابو حراز

                   |Articles |News |مقالات |بيانات

17-08-2004, 08:10 PM

خضر عطا المنان
<aخضر عطا المنان
تاريخ التسجيل: 13-06-2004
مجموع المشاركات: 5191

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: walid taha)

    الكريم : أبو حراز

    تشكر كثيراعلى البوست المميز

    طبعا انا كمان لفت نظري ـ عبر شاشة التلفاز ـ لوري مشحون بشلة
    من ( المجاهدين !!!! )كان في طريقو الى ( مناطق العمليات !!!! ) ملفوف كله بالعلم السوداني وتزينه عبارة مكتوبة بامتداد اللوري دا ( الى جنات الخلد... الى الحور العين !!! ) طبعا كانت دي أيام الجاهلية الاولى للانقاذ !!! رغم أني أخالهم الا انهم فيها يعمهون حتى اليوم ..
    ولا احد بالطبع يدري ان كان أولئك ( المجاهدون !! ) هم اليوم
    في صحبة الحور العين أم أنهم فطايس بأحدى غابات الجنوب !!! .
                   |Articles |News |مقالات |بيانات

22-08-2004, 10:46 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: خضر عطا المنان)

    خضر عطا المنان
    لأول مرة أعرف أن هناك محطات للواري تسمى الحور العين وجنان الخلد
    أصحاب اللواري عموماً في السودان يحتاجون لبوست خاص
    لا ادري حتى اللحظة ما سر الكراهية بين اصحاب اللواري والعساكر بالطريق
    فمن المستحيل أن يأتي لوري ويمرره العسكري
    وحتى لو العسكري شاف لوري من بعيد خلاص - الرمادكال حماد
    عندنا واحد كان سائق بص
    وجاء في نقطة تفتيش قبل ماتتبع شركة الهدف
    أها بتاع التفتيش قال ليهو لازم تدفع عبور 20 الف
    وفي لحظة التفاوض قام العسكري شاف ليهو 3 لواري جاية ماشة في الطريق مليانة فحم كالعادة
    اها نسى أخونا بتاع البص
    وقال ليهو أمشي المكتب هناك خت قروشك في التربيزة
    ولو جيت راجع من هنا نعمل ليك الايصال
    قام سواق البص لمن دخل في المكتب الفاضي لقى شوال مليان قروش
    قام المصيبة دا خت ليهو ال 20 الف وشال الشوال المليان
                   |Articles |News |مقالات |بيانات

18-08-2004, 02:12 AM

zola123
<azola123
تاريخ التسجيل: 22-08-2002
مجموع المشاركات: 5

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)

    أبو حراز ازيك
    هذا الصباح تذكرت قصة طريفة, لم استطع مقاومة حكيها
    وكنت محتارة بين بوستك هذا وبوست ناجي بتاع النكت عشان اكتبها فيه
    لاكن بما انه بوستك عن السيارات فهو مناسب اكثر
    استحملها شوية لو طويلة:
    ------------------------------------------------
    اخي الاكبر أحمد شقي وبيحب الحاجات الغريبة
    وهو اكثر واحد فينا عاش في السودان, فدائما ما نتحلق حوله ونسمع في قصصه الطريفة عن السودان
    اذكر انه كان يقود موتوسيكل هناك ولا ادري ما سر اعجابه بقيادته, بس مزاجات
    وعمل مرة حادث واتكسر ولزم الفراش شهورا
    بعدها بفترة سالته: انت عملت الحادث ده كيف
    قعد يحكي عن سوء حالة السيارات في السودان وعدم مراعاة السلامة ....
    واكثر شي انه العربات بتمشي من غير لمبات
    والشوارع ضلام والحكاية دي خطر
    يعني ممكن عربية شغالة باللمبة الشمال , افتكرها موتر واجي خاشي بي يمينها
    ولا تكون شغالة باللمبة اليمين واخش فيها بالجنبة الشمال
    طبعا نحن استوعبنا النقطة دي , وتوقعت ان الحادث كان بالصورة دي
    قال لي : ابدا والله. يوم الحادث العربية القدامي الغريبة كانت انوارها كلها شغالة
    سالته: وضربت فيها كيف كان كده
    قال: افتكرتها موترين ماشين جنب بعض قلت اخش وسطهم


    طبعا انا متاكدة انه مستهبل ساي , يس عجبتني القصة


    تحياتي
    زولة123
                   |Articles |News |مقالات |بيانات

22-08-2004, 02:30 AM

محمد حسن العمدة

تاريخ التسجيل: 31-03-2004
مجموع المشاركات: 14078

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: zola123)

    ابو حراز سلامات
    اول حاجة سلامات في بيتك
    تاني حاجة والله عاوزين نشوفك اصلو كلمنا عنك عمنا هشام
    تالت حاجة قال انت من الطائف
    يا ريت لو اتصلت علينا واتعرفنا عليك
    على الاقل مافيها صفر بيخسر

    اما موضوع البوست ساعود اليه انشاء الله فعذرا

    اتمنى اتصالك قريبا
    ولك الود
                   |Articles |News |مقالات |بيانات

22-08-2004, 11:00 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: محمد حسن العمدة)

    تحياتي ود العمدة
    سنعت أنك بالبنك الأهلي
    لكن لا اعرف في اي فرع أنت بالطائف
    اشكرك على الاهتمام ويسعدني التعرف عليك
    بس انت ماكتبت رقم التلفون
    سأعطيك الموبايل
    واتمنى أن نتعارف ونلتقي
    لدي اصدقاء كثيرين من بنك الراجحي الذي تعتبرونه ضرتكم ياناس الأهلي
    ولدي اصدقاء كثيرين ايضاً بالأهلي ولكن خارج الطائف زي هاشم مدير الأهلي رنيه ورابح حسن رابح الذي كان مديراً للأهلي الخرمة
    على كل حال دا التلفون 0507063205
                   |Articles |News |مقالات |بيانات

22-08-2004, 10:56 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: zola123)

    الزولة 123
    الحركة بالسودان تحتاج للكثير من التشخيص
    وينعدم الوعي المروري في عند الكثيرين منا
    سواء المشاة أو السائقين أو حتى بعض عساكر المرور
    وفي رأيي أن هناك بعض المواد الدراسية الغير مهمة وهي حشو أكثر من اللازم وياليت لو وضعت مواد دراسية منذ المرحلة الابتدائية تتحدث عن وسائل السلامة
    ومادة أخرى خاصة بالاسعافات الأولية
    وأخرى عن علم النفس
    لو الله جابك كبري الفتيحاب ستري العجب
    العربات المتهالكة والتي تسير بسرعة 10 كلم في الساعة تجديها تأخذ المسار الأيسر في الكبري
    ومن المفترض أن تسير السيارات البطيئة على اقصى اليمين
    واللوحات المرورية الارشادية قليلة جداً
    أما العربات التي بدون نور فهذه حدث ولا حرج
    وحتى السطبات الخلفية لايستعملونها نهائياً
    كما أن أكثر حركة تغيظني هي أن يخرج السائق يده في حالة أنه يريد أن يلف لليمين أو الشمال
    أنا ماعارف الاشارات داخل السيارة عملوها لشنو ؟؟
                   |Articles |News |مقالات |بيانات

24-09-2004, 08:22 AM

zola123
<azola123
تاريخ التسجيل: 22-08-2002
مجموع المشاركات: 5

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: ابوحراز)


    انتى تبرى من الالم


    في سخانة

    والله يا ابو حراز اكثر حاجة كانت بتسليني في طوابير انتظار السيارات امام الكباري في السودان التقاط عبارة هنا او هناك لبوستك ...
    هذا ما ظهر بوضوح من الصور

    (عدل بواسطة zola123 on 28-09-2004, 08:49 AM)

                   |Articles |News |مقالات |بيانات

25-09-2004, 08:20 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الله أكبر 000 الـقـدييييييييييييييييييييييييييمة (Re: zola123)

    الزولة المعطرة بروعة السودان
    ما صورته اناملك عبر الكاميرا يفوق ماخطاه يراعي مائة مرة او يزيد
    لقد وضحتي الفكرة بمجهود كبير
    ونقلتي لنا انفاس السودان
    اصبح الآن للبوست روح وحركة وكوميديا خاصة به
    اشكرك كثيراً على اهتمامك
    وكم نحن سعداء وقد جمعنا هذا البورد في كل اللحظات
    انها تعابير أكثر من رائعة
    لك التوفيق
    واتمنى أن تحكي لنا انطباعاتك عن الزيارة للأهل
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de