الشاحنات تلزم المسار الأيمن 00 ممنوع دخول عجائز البورد

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-12-2018, 10:20 AM الصفحة الرئيسية

مكتبة عثمان ابو حراز(ابوحراز)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
20-11-2004, 00:30 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


الشاحنات تلزم المسار الأيمن 00 ممنوع دخول عجائز البورد

    إنً حبي اليك ليس منه شفاء
    لكنني مقهورة الحظ كملائيين النساء
    ومشدوة الأعصاب
    إن تنفخ الآن في أذني لتطايرت’ دخاناً في الهواء
    فانا بدونك ضائعة
    ضائعة ضائعة ضائعة كالسمك الضائع في عرض البحار
    وأنا بدونك نصف إمراة
    ونصف رحيق
    ونصف زهرة
    ونصف لوحة وحفنة براءة
    بل نصف جسد !!!!!!
    إنها بضع كلمات من المراة التي اعشق أنفاسها حتى الجنون
    أهدتنا لها في يوم العيد 00 اسكرتني بها في وقت حرم الله فيه السكر
    جعلتني اترنح لدرجة أنني لم اعرف اين يوجد باب الصالون
    تركتني في قمة النشوة
    وذهبت كلماتها لكن انفاسها مازالت باقية
    كم يسعدني أن أهنئكم جميعاً بعيد الفطر المبارك وأن أهديكم هذه القارورة الرائعة 00 وهل يابى الإنسان أن تهديه إمراة قارورة من أنفاسها ؟؟؟؟
    قال تفكيك جاك دريدا قال !!! فككتوه وللا لسه ؟؟؟؟
                   |Articles |News |مقالات |بيانات

20-11-2004, 00:36 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    لسه.
                   |Articles |News |مقالات |بيانات

20-11-2004, 00:51 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Hussein Mallasi)

    تصحيح:

    ارغب في تعديل تعليقي الوارد اعلاه
    Quote: لسه

    ليقرأ كالاتي:

    أظنو لسه.
                   |Articles |News |مقالات |بيانات

20-11-2004, 01:06 AM

AnwarKing
<aAnwarKing
تاريخ التسجيل: 04-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Hussein Mallasi)

    [email protected] Mallasi

    سلامات وأشواق كتيرة يا أبو حراز...وكل سنة وانت طيب, انت والمدام والشفع الصغر...ان شاء الله...

    بركة فى الشوفة يا قريبي

    أنور
                   |Articles |News |مقالات |بيانات

20-11-2004, 01:10 AM

على اسماعيل
<aعلى اسماعيل
تاريخ التسجيل: 25-03-2004
مجموع المشاركات: 1777

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: AnwarKing)

    الاخ / ابو حراز - التحية والاحترام

    اعادة اللة لنا ولكم باليمن والبركات - وتتحقق الامانى
                   |Articles |News |مقالات |بيانات

20-11-2004, 01:53 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: على اسماعيل)

    علي اسماعيل 00 تحياتي وكل عام وأنت بخير
    اها العيد وين انشاء الله
    طبعاً للأسف أنا عيدت بالجلابية القديمة
                   |Articles |News |مقالات |بيانات

20-11-2004, 01:50 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: AnwarKing)

    أنور كنج
    قال الشفع قال
    كدي اول شيء نلم في الراس
    بعدين الشاحنة ما مشكلة
                   |Articles |News |مقالات |بيانات

20-11-2004, 01:20 AM

نزار محمد عثمان
<aنزار محمد عثمان
تاريخ التسجيل: 19-02-2003
مجموع المشاركات: 1692

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Hussein Mallasi)

    معليش با أبو حزاز
    ابحث عن بريد لجاري الأخ ملاسي
    وأرجوه أن يرسله لي على [email protected]
    هل لاحظت إنو كلامي كله معاك إنت يا "أبا حراز"، وهذه محاولة غير مقصودة لتفكيك "بوست أنت"
    طبعاً أكيد في سبب خلاني أكتب ليك "بوست إنت"، عرفتو؟ّّ!!
                   |Articles |News |مقالات |بيانات

20-11-2004, 01:55 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: نزار محمد عثمان)

    كيف يانزار
    كل سنة وانت طيب
    البركة في بوستي دا الخلاك تتواصل مع ملاسي
    أخبارك شنو
    قال إنت قال
                   |Articles |News |مقالات |بيانات

20-11-2004, 01:48 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Hussein Mallasi)

    كيفنك يا ملاسي
    مش قلنا ممنوع دخول الشاحنات ؟؟
                   |Articles |News |مقالات |بيانات

20-11-2004, 01:40 AM

falcon
<afalcon
تاريخ التسجيل: 12-03-2002
مجموع المشاركات: 282

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    ابو حراز كل عام و انت بخير
    وووووين الحي بيك؟؟
                   |Articles |News |مقالات |بيانات

20-11-2004, 01:57 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: falcon)

    فالكون
    شنو ياخي إنت داخل بشهادة التسنين وللا شنو ؟؟
    أخبارك
    كل عام وأنت بخير
    وتحياتي لبورداب جدة جميعاً
    جلاليبي عند الترزي في الكرنتينة
    الظاهر حا نعيد بيها عيد الأضحى
                   |Articles |News |مقالات |بيانات

20-11-2004, 02:04 AM

waleedi399
<awaleedi399
تاريخ التسجيل: 20-08-2003
مجموع المشاركات: 2766

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: falcon)

    بسم الله ...
    ابو حراز كل سنة وانت طيب اول شئ ... والسنة الجاية لازم المسار اليسار...
    تانياً العربات الصغييرة تلزم اليسار بس ... ثالثاً دخلنا رغم التحذيرات المتكررة
    بس الشمار كتلنا ... عارفين سلاطة اللسان ... لووووووووووووووول

    قبل ما امشي يا أخوي عندي مجرد سؤال صغيرررررررررر
    - وين انت في شهر رمضان مشيت ما شايفك اونلاين يا أخوي؟! عسى الداعي خير

    وكل سنة وانت بالف خير ... قال عجائز البورد قال

    (عدل بواسطة waleedi399 on 20-11-2004, 02:07 AM)

                   |Articles |News |مقالات |بيانات

20-11-2004, 02:10 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: waleedi399)

    وليد
    اذا كان نحن في السعودية هنا على وضوء 24 ساعة في الأيام العادية
    فما بالك في رمضان
    طبعاً اعتكاف باستمرار
    والواحد اصبح خايف يصحى يوم من النوم ويلقى نفسه ارتدى الحجاب
    الجماعة ماشاء الله جونا عمرة بالكوم
    كل خمس دقائق يتصل عليك واحد من الميناء
    شوف 00 الوكالات ملتزمة بالسكن والترحيل وكل شيء
    والجماعة ديل دافعين الرسوم كاملة بالسودان
    أول مايصلوا هنا يسيبو الوكالة
    ويترحلوا بطريقتهم الخاصة ويسكنوا كذلك
    ذكر لي واحد بتاع وكالة وقال لي والله فنادقنا فاضية
    السودانيين محل مشو ما عارفنهم
                   |Articles |News |مقالات |بيانات

20-11-2004, 02:19 AM

نزار محمد عثمان
<aنزار محمد عثمان
تاريخ التسجيل: 19-02-2003
مجموع المشاركات: 1692

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: waleedi399)

    وأنت بخير يا أبو حراز
    يعني ما علقت على "بوست أنت"
    بصراحة أسباب عديدة ممكت تكون السبب في ترجيح "بوست إنت"
    أولها: أني ربما فكرت أن أكتب "بوستيك" بعدين اتذكرت أن البوستيك بلصق والموضوع تفكيك فشعرت إنها ما مناسبة.
    ثانيها: بوستيك كلمة واحدة، و"بوست إنت" مفككة يعني مناسبة.
    ثالثها: الكاف ضمير متصل، و"أنت" ضمير منفصل، والانفصال (بمعناه اللغوي) من نتائح التفكيك.
    رابعاً: عندي إحساس أنك محاط في العمل والسكن بعدد من الهنود والباكستانيين مما يجعل "بوست إنت" لا تفكك عن بيئتك.
    شفت ممكن أفكك ليك أسباب كثيرة، وبصراحة ما في واحد فيها هو السبب الحقيقي ... مش فلسفة برضو.
                   |Articles |News |مقالات |بيانات

20-11-2004, 05:08 AM

كرماوي


للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: نزار محمد عثمان)

    العزيز / ابوحراز
    كل عام وانت بخير والقابلة علي امانيك
    طبعاً الدنيا العيد والواحد بلم لسانه بس انا السمعتوا
    انك بتلم في حق الخروف من عيد الفطر قال جلابية قديمة قال
    وبعدين انا رخصت الرخصة الصغيرة دي متينة ( ياسايق الفيت )

    لووووووووووووووووول
    كرماوي
    اصلي لمن أدور اجيك بجيك لا بتعجزني المسافة لا الظروف تمسك بأيدي
                   |Articles |News |مقالات |بيانات

20-11-2004, 05:32 AM

garjah
<agarjah
تاريخ التسجيل: 04-05-2002
مجموع المشاركات: 4702

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: كرماوي)

    كل زول بزوجة بتاعو

    الا ده

    ما عندو مره

    لييييه بس


    كدة بس

    كدة بس

    كده بس




    حرووووزة

    ابيب البي انت ياخ


    ويييييينك ؟


    يا ملجن انت

    قلت لي قالت ليك كلام حلو ما لقيت باب الصالون

    مسكينة بت الناس ؟

    طلعت اي كلام يا صديقي

    (عدل بواسطة garjah on 20-11-2004, 07:08 AM)
    (عدل بواسطة garjah on 20-11-2004, 08:55 PM)

                   |Articles |News |مقالات |بيانات

20-11-2004, 08:39 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: garjah)

    قرجة 00 كل عام وأنت بخير
    يعني لازم تخالفوا قواعد السلامة
    مش قلنا ليكم الزموا المسار الأيمن
    تعرف قلت حا أملأ الجوال ب 200 ريال
    دا كلو أجر وعافية عشان نكلم ناس البيت كلهم
    وكالعادة البداية بالوالدة
    أها العيد مبارك عليكم
    وهاك يانضمي طبعاً في مصاريف العيد قالوا شوية
    أها قالت ليك آسيا دي عاوزة تبارك ليك العيد
    بعديها قالوا حاجة عشة عاوزة تسلم علي لأنها طولت مني
    أها هاك سلم على اليسا
    وسلم على روبي
    وبارك العيد لي هيفاء وهبي
    أها جات فيفي عبدو عاوزاك
    والله لمن عاينت للرصيد لقيتو ليك 11 ريال
    قال سوداتل قال
                   |Articles |News |مقالات |بيانات

20-11-2004, 08:34 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: كرماوي)

    كرماوي
    كل عام وانت بخير
    الخروف طبعاً حقو جاهز
    العيد الفات ياكافي البلاء ما استمتعنا بيهو
    ماتت لينا واحدة يوم العيد
    وأهل العوض عاد يعجبوك
    والله جونا الجماعة شالوه كلو 00 قال شنو
    احسن تودوه ناس البكاء
    الغريب انها عيانة سنة كاملة
    ما ماتت الا يوم العيد
                   |Articles |News |مقالات |بيانات

20-11-2004, 08:29 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: نزار محمد عثمان)

    تعرف يانزار صاحبك أظن بدأ يخرف
    لأني ما فهمت اي شيء
    قال تفكيك قال
    الغريب تشبه ليك واحد معانا هنا اسمو نزار
    لكن الراجل ماشيطان زيك كدا
    يعني الغنماية تاكل عشاهو
    يكون دا مقلب وللا شنو
                   |Articles |News |مقالات |بيانات

20-11-2004, 09:58 PM

sharnobi
<asharnobi
تاريخ التسجيل: 04-02-2002
مجموع المشاركات: 4210

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    خفيف الروح

    ميزان الدهب

    طلتك.. تعيد توازن هذه الساحة


    كل عام وانت بخير



    صديقك القديم
    شرنوبى
                   |Articles |News |مقالات |بيانات

21-11-2004, 00:01 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: sharnobi)

    وأنت ياشرنوبي
    طلتك تعيد توازن كل العالم
    وتوازن كل العاشقين أمثالي
    اتذكرك كثيراً
    وكلما جاء ذكر مؤسسة الرهد الزراعية اشتاق اليك
    واشتاق الى خضرتها ومائها
    وأنديتها
    مدينة الفاو كانت بلا نساء
    ومن النادر أن ترى إمراة
    لكنها كانت جميلة جداً
    أذكر أنني كنت سكرتيراً ثقافياً لنادي موظفي مؤسسة الرهد الزراعية
    وكنت اقول لهم أن الثقافة بلا إمراة تبدو كأرض جرداء
    طعموا لنا النادي بالأنوثة
    ولم أكن اتوقع أن الفاو تحمل كل هذا الجمال
    فاتت الينا شابات يانعات جميلات يشبهن النسوة اللائي قطعن ايديهن
    وبدأنا برنامج ثقافي رائع وحافل
    كان صديقك كامل عبد الماجد يعطر هذا النادي
    وكان ابوشورة صاحب القصائد الجميلة والأغاني الرائعة يزيده عطراً
    وكان وكان وكان وكان وكان وكان !!!!
    انها ايام جميلة ياشرنوبي وذكريات رائعة
    من يريد ان يرسم لوحة فليأتي الى هذا المكان
    وسينظر الناس الى لوحاته وكأنها تتحرك وتتنفس
    لقد عرفت الحب الحقيقي في هذا الموقع
    وياليتني ما أحببت
    فقد طارت كالبنت التي طارت عصافيرها
    وياليت بشرى الفاضل يأتي بها اليّ
    باي
                   |Articles |News |مقالات |بيانات

21-11-2004, 00:11 AM

abas
<aabas
تاريخ التسجيل: 26-07-2002
مجموع المشاركات: 6211

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    ابو حراز كل عام وانت طيب ويخلي ليك وليداتك

    انت يا اخوي من زمن اناس ابوشورة في الرهد

    والقريه 11 والمشتل الجميل

    تعرف انت كومر انجليزي مش شاحنه والصورة دي غيره لينا اسي دي وما تخليني افتو ليك وشرنوبي طلع عارفك وبيصدق كلامي

    لو ما غيرت الصورة بفتك فت
                   |Articles |News |مقالات |بيانات

21-11-2004, 00:17 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: abas)

    عباس
    كل عام وانت بخير
    طبعاً ما حاتصدق انو انا كنت اصغر واحد في المؤسسة
    وكان الجماعة بيضحكوا دايما وما يرسلوا الا ابوحراز
    المشتل في القرية 10 لمعلوماتك
    وقام به زميلنات المهندس عبد العظيم
    وهو من روائع مدينة الفاو
    في القرية عشرة اغلب الناس قادمون من منطقة المفازة
    وجمالهم طبيعي وأصيل
    انت بتعرف ابوشورة انشاء الله
    هو الآن في جهاز العاملين بالخارج مسئول قسم الإعلام
    وانا طبعاً عملت معه سنة واحدة
    صاحبك عشان وسيم { نرجسية } خلونا معاهم في العلاقات العامة
    ومكتبنا هو المكتب الوحيد الذي كان مليئاً بالجمال
    أكيد الشمار كاتلك
    يعني جابوا لينا بنات بالمكتب
    قال كومر انجليزي قال
    يازول نحن يادوب في مرحلة الرقشة

    (عدل بواسطة ابوحراز on 21-11-2004, 00:18 AM)

                   |Articles |News |مقالات |بيانات

21-11-2004, 01:58 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    ملاسي
    أنور
    علي اسماعيل
    فالكون
    نزار
    وليد
    كرماوي
    قرجة
    شرنوبي
    عباس

    بصراحة 00 أقول ليكم 00 الفااااااااااااتحة
    دا بيت بكاء عديل كدا
    النسوان مشن وووووووووووين ؟؟؟؟
                   |Articles |News |مقالات |بيانات

21-11-2004, 03:21 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14412

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    أبو حراز


    العيد مبارك عليك

    كدا في المجان بدون بطاقات (ســوا)


    دي عملتها كيف؟؟؟

    (((((أذكر أنني كنت سكرتيراً ثقافياً لنادي موظفي مؤسسة الرهد الزراعية
    وكنت اقول لهم أن الثقافة بلا إمراة تبدو كأرض جرداء
    طعموا لنا النادي بالأنوثة
    ولم أكن اتوقع أن الفاو تحمل كل هذا الجمال
    فاتت الينا شابات يانعات جميلات يشبهن النسوة اللائي قطعن ايديهن))))


    ديل شبهن كيفنو

    يلا وصف (الشــفتــو)

    تحياتي
                   |Articles |News |مقالات |بيانات

21-11-2004, 11:37 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: أحمد الشايقي)

    أحمد الشايقي
    وأنت بخير وانشاء الله قبل السنة الجاية تتحقق أمانيك
    شايفك معلق تعليقة بطالة جداً في النسوة اللائي قطعن ايديهن
    بس ماتشوفوا ليكم { نسوان } حايمات هنا الا تكونوا عاوزين تعرفوا عنهن أي شيء
    يقال أن زليخا أتت بصفوة نساء المدينة
    يعني بلغة العولمة الآن { ملكات الجمال آنذاك }
    بالله عندنا في أهل العوض تلقاهن قاعدات في المناسبات يحشن في البصل وتجي ماشي بجوارهن وتحاول تعمل ليك مية حركة عشان تلفت انتباهن ولكن لاحياة لمن تنادي كأنو مافي زول ماشي من هنا 0
                   |Articles |News |مقالات |بيانات

21-11-2004, 03:55 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6465

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    كل عام والجميع بخير
    كل عام والسودان بخير
    كل عام وأهلنا في الغرب والجنوب والشمال والشرق بخير
    كل عام والمنتدي الحر يزداد قوة ومنعة وتوهجا
    عاد أخونا أب حراز والعود أحمد وهو أحمد ، عاد والأيام قبايل عيد كما يقول أخونا أهل العوض وهو أحمد كذلك ، عاد وكالعهد به أبي إلا أن يعود من أبواب الطوارئ ، فأدخلنا في حيص بيص ، إلا أنه لم نتأثر بذلك لأننا أصلاً في حيص وبيص من زمان.
    إفتقد البورد للكثير من الإبداع والإمتاع مؤخراً وهاهو أخونا أب حراز يعود ويعيد بعضاً من الوهج المفقود. العناوين المثيرة هي إحدى تلك السمات الحرازية – نسبة إلى أبو حراز أو أبي حراز وقيل أبا حراز – والجميل في موضوع و مواضيع أب حراز قاطبة أنها مزيج بين الهزل والجد ، فهاهو يتحفنا بتلك الكلمات الرقيقة الرائعة التي صاغتها ست النفر في محبوبها أب حراز بعد أن طال إنتظارها ليلة العمر وهي كلمات أحسب أنها مموسقة ومنسقة وصادقة حتى وإن لم تقلها ست النفر ، وأجد أن أب حراز قد حباه الله بفتاة أحلام تحبه حباً جماً صادقاً ويقيني بأن أب حراز يبادلها هذا الحب العظيم ، وتبقى هناك مساحة نحتاج تفكير ومساعدة الجميع فيها ، فأب حراز مغترب وهو بلغة أهلنا الغبش جذاب أو عريس لقطه بلغة مسلسلات أخوتنا في شمال الوادي والحب متوفر وبعضاً من اليسر متوفر إذن لماذا التأخير والعمر لا ينتظر والرب لا يعذر وخير البر عاجله والغربه مررررررررررررررررره
    وأخشي ما أخشاه أخي اب حراز أن لا تلتزم الشاحنات بالمسار الأيمن بل تسير في الإتجاه المعاكس تماماً
    ------
    وبعد أن تفيق أخي أب حراز من نشوتك أو سكرتك تلك أقول لك أصحي للون يا أب حراز
                   |Articles |News |مقالات |بيانات

21-11-2004, 07:34 AM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: almulaomar)

    أمانة ما وقع قندراني الليلة. تاريك يا ابو حراز من جماعة ناس أبو شورى وكامل عبد الماجد؟ وأنا بقول الصورة دي شفت سيدها وين با ربي!!! أها أياك الزول الأنا لاقيتو في ماكي دُنيا. نحن الزمن داك كنا في سادسة إبتدائي وحصل جينا من أب رخم للقرية عشرة (المفازة الجديدة) ومنها مشينا الفاو الرئاسة .. وشفناك هناك في ناديكم الكلّو دقِن باشا داك. يازول خلاص أنا عرفتك تب. أها أنا من أهلك ناس قِدّام .. من القلعة وبوووووووشّك صبّح بس بتلقى عقابي هناك.

    قال أبو شورى قال. أما إنك قندراني طلياني شارك في حروب كرن ويجوا عايدين.

    ياخي ما جبت لي خبر شنتير المعاك بيهناك في السعودية. أنا في انتظارك لأنك لو اتأخرت حاقوم أجيب أخبارو من اخوان تانيين وبحرّشو عليك يمعط شنبك. هيييع
                   |Articles |News |مقالات |بيانات

21-11-2004, 11:41 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Shinteer)

    شنتير الله يجازيك جعلتني اضحك من القندراني الطائر دا
    قال ماكي دنيا قال
    اول شيء ببدأ ليك بشنتير صاحبك
    تعرف دا شغال تاجر بتاع غنم يجي يبيع ليهو 10 غنمايات ويرجع السودان
    عليك أمان الله مليان فلوس لي حلقه
    ونحن عاملين فيها متعلمين قال 00
    والله الواحد لو ضربتوا بالحيطة ما يطلع منه ريال
    كمان شنو عرس اتنين صاحبك بالله مش راجل
    هسي انت تلقاك لسه لاشفت أخضر ولا أحمر لايابس 00 قبلك وقبالك
    أها الأخضر دا طبعاً الحب والأحمر دا العرس واليابس دا انت عارفو براك دي مرحلة النقة بعد العرس 0
    بعدين ماكي دنيا دي قبل سنتين كنت فيها لأني زرت المؤسسة وكان الناس الذين استضافوني لديهم عروس جديدة
    طبعاً المصيبة دي كل خمس دقائق تكورك
    اها أمها قالت لينا البت دي مسحورة لأنو زوجها كان متزوج وتكون دي المدام الكبيرة عملت فيها العملية دي
    طبعاً قالوا في فكي في ماكي دنيا لازم نمشي ليهو
    قبل ما نمشي الفكي سألتها وقلت ليها شاعرة بشنو يا بت الحلال
    تصور قالت بتشوف ديناصور هاجم عليها في كل لحظة
    قلت ليها والله انتي محظوظة جداً
    ملائيين الناس يتمنوا يشوفوا الديناصور حتى لو كان في الحديقة الجوارسية
    قال يمعط شنبك قال 00
    بتعرف قرية { راما } يا شنتير هم اصدقائي وأهلي
    نحن طبعاً ناس الخرطوم بيقولوا لينا " أهل العوض " لكن ديل أهل العوض حقننا نحن 00 طوالي لمن يجونا بنتفسح فيهم 00 زرتهم مرة وكان عندهم حفلة قام واحد فصيح عاوز يستعرض عضلاته بدأ يتكلم بالانجليزي عن السيدات لاتكون دا إنت بس ؟؟ طبعاً العشاء بي لبن والفطور بكرة بي لبن والشاي بي لبن وركبونا بكسي اللبن !!! والله الملايات ريحتها لبن !!
                   |Articles |News |مقالات |بيانات

21-11-2004, 11:39 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: almulaomar)

    الملا عمر
    قال جذاب قال
    ست النفر إمراة تحمل الكثير من الروعة والألق ولقد تحملتني كثيراً مثلما تحملتك {!} كنت أجلس بجوارها في الإجازة الماضية وذكرت لي أنني شخص متمرد 00 يعني ناس غابة ساكت على قولك 00 وقلت لها : انت تعرفين أننا من أسرة مزواجة جداً 00 فوالدي تزوج ثلاثة ومثله عمي هذا غير المامعروف 00 وجدي تزوج اربعة وأخوالي جميعاً تزوجوا أكثر من اثنين ولكن لدينا ظاهرة غريبة جداً في عائلتنا فكل الرجال عندنا قد ماتوا قبل زوجاتهم 00 حتى أنه أذكر أتانا واحد ليتزوج من العائلة وبيني وبينك ماعاوزين نديه نهائي وعندما الح ذكرنا له هذه الظاهرة فالرجل كان ايمانه قوي وتزوج 00 عليك أمان الله شهرين ماقعد خنقتوا شعيرية بس وجابت أجله 0بالمناسبة لو زرتنا في الجزيرة وجابو ليك شعيرية في العشاء والناس بدأت تضحك وهي تأكل الشعيرية ارجوك لاتتعقد { فنحن نسميها شعيرية ود الجاك } ودالجاك دا صاحبنا طبعاً المذكور آنفاً عليه رحمة الله 0 اعود لست النفر 00 فقد كنا نشاهد الفضائية السودانية وهي تعرض برنامجاً عن الشلك في الجنوب واحتد نقاشنا في الزواج بأخرى بعد الزواج منها طبعاً 00 فقالت لي : هذا غير معقول كيف يستطيع الرجل في زمننا هذا أن يعيش أكثر من إمراة ؟؟ ونحن في ذروة نقاشنا إذ سأل المذيع رث الشلك هل أنت متزوج ؟؟؟ فقام رث الشلك بوضع قرن في فمه ونفخ عليه محدثاً صافرة عالية
    أها عييييييييييييييييييييييك طلعن ليك نسوانه من القطاطي
    تعرف كانن كم ؟؟ { 45 } التفاحة تفاحة والبرتقالة برتقالة والبخسة بخسة
    ست النفر قفلت التلفزيون وتووووووووشك على المطبخ 0
    هسي دا يسموه زواج جماعي وللا نقل جماعي وللا سكوت جماعي ؟؟
                   |Articles |News |مقالات |بيانات

22-11-2004, 06:17 AM

ebrahim_ali
<aebrahim_ali
تاريخ التسجيل: 05-02-2002
مجموع المشاركات: 2968

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    الحبيب الغالي تفاحة البورد ذو النكهة المميزة والطعم الفريد ابو حراز حلال العقد فكاك الكرب سلام وعيد مبارك وعقبال انشا الله السنة الجاية تكون في الكوشة مع ست النفر (ما تفهم الكوشة دي غلط) قصدي يعني القفص الذهبي بلغة المدينة وبلغة القرية تكونوا في البرش ومغطيين بالقرمصيص .
    فتشت عليك في جدة ومكة والمدينة وباب السلام وما وجدك بس دائماً في خاطري وبالي والشاحنات تلزم المسار اليمين دي في كل تفتيش في السعودية ومعبر البطحاء للامارات وسلوي لقطر هذه العبارة تجعلني اقراءها وانا استغرب لماذا اليمين والعربات الصغيرة تمر من الوسط دون كثير تدقيق هل لان من بداخلها اناس محترمون وتلك بداخلها هنود او باكستانين وجنسيات اخرى حامياني على قول البوني
    على كل حال كل سنة وانت طيب
                   |Articles |News |مقالات |بيانات

22-11-2004, 11:54 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ebrahim_ali)

    الصديق ابراهيم علي
    كل عام وأنت بخير 00 طبعاً مش ممكن تكون أتيت للسعودية ولم تزرنا
    لو اتيت بالسيارة فنحن بالطائف وفي الطريق الذي يوصلك الى مكة وجدة وللمرة الثانية هذا هو رقم الموبايل 0507063205
    مدينة سلوى كنت قد أمضيت فيها بضعة ايام في أحد الأعياد لزيارة بعض الأصدقاء الذين يعملون بالجمارك والهلال الأحمر وعندما هممت بالمغادرة توقعت أنني لن اصل الطائف فقد كان مكتوب على اللوحة 00 الدوحة 65 كلم مكة 1660كم 00 بالله هناك في السودان تسافر ليك 20كم تجي يومين تاني ماتقدر تقوم من السرير 0
    كيف أخبار ناس كوستي
    أتمنى أن ازور هذه المدينة التي أدخلتها اشراقة مصطفى في قلوبنا وسقانا منوت من ليمونها العذب ومثلها كردفان هذه البقعة الطاهرة من السودان حيث أنني أحببتها من خلال أصدقاء هنا في السعودية تتجسد فيهم كل معاني الأصالة والبراءة والبساطة 0
    مختفي وين انت ؟؟ كما قالت أختنا رجاء او لاحظت أن اغلب الذين تزوجوا بالبورد قد اختفوا بعد الزواج 00 الله يستر علينا 00 والله ناسنا نحن بجضمو عديل والظاهر بعدين الواحد الا يترك المواضيع الإجتماعية ويكتب عن قطع الغيار وارتفاع اسعار الأراضي 00 كدي نسألكم 00 ليه الأراضي مرتفعة ؟؟ عندي فطعة ياكافي البلاء اشتريتها من سنة 1990 في مدني ولحد الآن ما رفعت راسا فوق ؟؟ كل ما أمشي يقولوا لي مليون و200 الف أها من الزعل قلت ليهم ابنوها جامع 0
                   |Articles |News |مقالات |بيانات

24-11-2004, 00:20 AM

ebrahim_ali
<aebrahim_ali
تاريخ التسجيل: 05-02-2002
مجموع المشاركات: 2968

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    الحبيب الغالي تفاحة البورد دائماً طازجة تحياتي وكثيف احترامي
    بالطبع جيت السعودية ولكن جيت معتمراً ومررت بالطائف وأنا في الطريق إلى مكة والارتفاع الشاهق الذي يصم الآذان ويرعب القلوب ويجعلك تتشهد مرات ومرات من العلو المخيف والتوقع للوقع في أية لحظة ولكن الحمد لله ربك ستر وممرنا بسلام .

    ناس كوستي كويسييييييييييييييين بس نحن الماكويسين ربنا يقرب البعيد وأخبارك أنتو شنو مع ست النفر ؟؟؟
    مرحباً بك مقدماً في دوحة الجميع في اية وقت وزمان تختار وتجد في استقبالك عند الحدود بس قوي قلبك وتعال فركة عجل بس

    قطعة أرضك لكن رهيبة اللسع المازادت دي ياخي كلة حاجة في السودان بتزيد أصلاً ما في شيء سعروا بنقص إلا الإنسان ولو لسع ما بقت مسجد انا مستعد لشراءها الآن منك وبالسعر الواقفة فيهو رائك شنو وقلت شنو .

    وبرضو كمان حبيت اسلم على صاحب الكرسي الساخن شجون وأيضاً كذلك على الدكتورة نهي
                   |Articles |News |مقالات |بيانات

28-11-2004, 05:30 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ebrahim_ali)

    صديقي ابراهيم علي
    اتمنى أن تكون تحياتك قد وصلت لللدكتورة نهى والتي افتقدنا قلمها المعطر كثيراً فهي عندما تكتب مجموعة من الخواطر تنقلك الى عالم آخر
    عالم تتمني ان تمنح فيه حقو اللجوء وتعيش فيه مدى الحياة

    كما اتمنى أن تكون صاحبة الكرسي الساخن شجون
    قد وصلت تحياتها اليك
    لقد افتقدنا هذا الكرسي والذي قرب اعضاء البورد كثيراً
    عندما تذكر كوستي تجد الجمال يتجسد في كل الحروف التي قيلت عنها
    يبدو لي أن أهلها يحملون الكثير من الجمال
    والكثير من الألق
    ارضي الله يرحمها
    ارجو أن تقرأ عليها الفاتحة والمعوذتين
    قال بالسعر الواقفة عليهو قال
    بنبيع ليمون نحن يعني
                   |Articles |News |مقالات |بيانات

22-11-2004, 07:39 AM

Agab Alfaya
<aAgab Alfaya
تاريخ التسجيل: 11-02-2003
مجموع المشاركات: 5015

للتواصل معنا

FaceBook
تويتر Twitter
YouTube


Re: لا لسع ! (Re: ابوحراز)

    Quote: قال تفكيك جاك دريدا قال !!! فككتوه وللا لسه ؟؟؟؟

    لسه ،
                   |Articles |News |مقالات |بيانات

22-11-2004, 08:27 AM

كرماوي


للتواصل معنا

FaceBook
تويتر Twitter
YouTube


Re: لا لسع ! (Re: Agab Alfaya)

    ياتفاحة .... اقصد البرتقالة ( البرتقالة ) على وزن قناة النجوم لوووول
    ابوحراز اسمع انت عاوز تصغر نفسك ولا قايلنا صدقنا الصورة والله بعد الحكيتوا عن الرهد
    انا قايل نفس في برنامج أيام لها إيقاع بعدين انا سمعت انك من مواليد دو (2) تريس هههههههههه
    الهم لا شماته
    طلب خاص : نزل لينا صورة حديثة ياابوحراز عشان الناس تتأكد من برأءتك
    قال صغير قال لووووووووووووووووول

    كرماوي
    (اصلي لمن أدور أجيك بجيك لا بتعجزني المسافة لا الظروف تمسك بأيدي )
                   |Articles |News |مقالات |بيانات

23-11-2004, 00:08 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: لا لسع ! (Re: كرماوي)

    كرماوي
    طبعاً من مدة عاوز أغير الصورة لكن ماعرفت الطريقة كيف 00 خلاص برسل ليك صورة حديثة كان ماتقوم جاري منها 0
    قال ايام لها ايقاع قال
    هو صاحبنا دا وين { حسين خوجلي } لايكون بس مع الجماعة ؟؟
                   |Articles |News |مقالات |بيانات

22-11-2004, 08:31 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: لا لسع ! (Re: Agab Alfaya)

    لرائع عجب
    يعني ماتجي الا بالدفر والقلع
    حاولنا كثيراً أن نوقع بك لتعطي البوست طعماً ونكهة خاصة ولكنك لم تقع في الشراك 00 وأخيراً أخيراً اضفت نجمة على البوست ونكهة مميزة
    تواجدك معنا يعني الكثير
    مثلما هي كتاباتك تعني الكثير ايضاً
    لك التحية والتقدير على المشاركة
    لقد قرات جاك دريدا بإمعان 00 كما قرات تفكيكه ايضا
    كل عام وانت بخير ودريدا بخير
                   |Articles |News |مقالات |بيانات

22-11-2004, 08:46 PM

sharnobi
<asharnobi
تاريخ التسجيل: 04-02-2002
مجموع المشاركات: 4210

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    ابو حراز

    تيرنبايك 76

    فى ولاية بنسلفينا

    طريق يربط ما بين ولاية بنسلفينا و اوهايو تلك الولاية التى حددت نتيجة انتخابات هذا العام..

    هذا الطريق... معرف.. وحتى لدى الجهات الرسمية.. انه طريق الشاحنات.. التجارية.. الكبيرة.. ومعظم.. الشاحانت هى قارية.. بها كابنت.. مجهز.. بخدمات الراحة.. من سرير.. وتلفزيون..

    ومشكلة الطريق انه.. خطان .. وفى معظم الولايات وخطوط السير السريع معروف ان الخط اليسار.. للعربات الصغيرة وممنوع للشاحانت ان تكون ف الخط اليسار.. الا فى تلك الولاية.. التى تعلن بصراحة.. بانك لابد ان تكون فى الخط اليمين.. الا بدافع التخطى..

    ومعلوم ان الشاحنات التجارية تسير فى اسطول.. وكل محمل.. بجهاز اتصال.. وشكل وحجم السواقين.. شئ مخيف.. اجارك الله.. بالغلط.. لو حاولت ان تتخطى.. احدهم...


    تجد مضايقة.. وخطوط الاتصال.. تتصاقع.. وشوف المضايقة..
    وانت سايق عربية صغيرة.. ممكن بسهولة.. تكون تحت.. ال 63 لستك لشاحنة..


    واتخيل...
    وهكذا حالنا يا ابو حراز لازم نحن العجائز نلزم المسار اليمين
                   |Articles |News |مقالات |بيانات

23-11-2004, 00:02 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: sharnobi)

    ماشاء الله ياشرنوبي
    اصبحتو عاقلين طالما أنكم تلتزمون بالمسار الأيمن
    لك التحية على المعلومات الرائعة
    وياريت ياخي تسوقونا معاكم بنسلفانيا دي
    انشاء الله بس بدون نشغل انا بعاين ليك في المرايات وبنصحك كيف تمشي في الشارع
    لو أتيت لكبري الفتيحاب لرأيت العجب
    الشاحنات توجد في اقصى اليسار
    وكذلك العربات المتهالكة والمصاابة بالرشح والسل موديل 56 كل ذلك في اقصى اليسار
    ومرات تجد تاكسي حدث ولاحرج التاكسي قديم والسواق من زمن المهدية وتلقاه عامل كركاسات وينطط زي الكنغر في الكبري
    والمصيبة شنو يقول ليك اربط الحزام
    الحزام دا هو الحبل بتاع الباب حقك
    اتمنى أن يتم توعية السائقين في بلادي والمشاة وعساكر الحركة
    اصحاب اللواري ليس لديهم نور قصير
    يشلع فيك من بورتسودان حتى الخرطوم
    وقدر ماتتحاور معه لافائدة
    والقندراني تلقاه متشبح ومبهول وسط الشارع
    لاعلامات ارشادية ولاتحذير
    وبكل برود يمرق عنقريبو وحلة الملاح وياكل بمزاج
                   |Articles |News |مقالات |بيانات

23-11-2004, 03:13 AM

نور الهدى
<aنور الهدى
تاريخ التسجيل: 02-10-2002
مجموع المشاركات: 248

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    الرائع

    وبدون منافس

    ابو حراز

    اسألك اتذكرني ايها الرائع دوما

    دخلت البورد بعد فترة غياب طويله جدا

    من وين يا ناس القى زول من ناس زمان بعرفه بس لقيت ابو حراز

    قلت خلاص ارسل ليك ماسج ما عرفت من وين

    وما لقيت ليك ايميل

    قلت اكتب هنا وما مشكله

    الرائع ورائعة كلماتها

    وان كنت من العجائز الممنوع دخلوهم

    لك كل التحيه وكل سنه وانت طيب

    والناس كلها طيبه

    ولا تسألني عن غيابي

    نور الهدى
    شجون سابقاً
                   |Articles |News |مقالات |بيانات

24-11-2004, 01:20 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: نور الهدى)

    بالغتي عديل ياشجون
    وين إنتي مختفية ليك مدة طويلة
    بالجد سألت عنك كتير
    تحياتي ليك وللوالد والوالدة وكل الأهل
    اها انشاء الله رجعتو السودان
    اشكرك يا رائعة على كلماتك الجميلة
    ونحن ما زلنا نجاهد بالبورد
    ولكن على طريقتنا الخاصة
    وليس على طريقة هي لله هي لله
    كيف أخبارك
    وأخبار صديقتك التي اتوقع أنني رايتها في مستشفى أم درمان
    تحياتي ليها وليك ولكل الجندريات
    ايملي هو [email protected]
                   |Articles |News |مقالات |بيانات

23-11-2004, 02:59 PM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    العزيز عثمان أبو حراز..

    ســـلامات كتارات..

    من امبارح اعاين للبوست ده قلتا أكيد في زول مشى رفعو عشان يسأل عنك.. وقلت حأجي أنضم ليهو..

    اها لما فتحتو لقيتك انتا زاااتك منوًرو.. والتاريخ ياهو التاريخ.. جديييد ما قديم..


    فرحانة بمقدمك الجميل.. وباحرفك الخطييييرة.. التي تشعرنا بنسمات الصيف.. ونحنا في عز الشتا..

    مرحبا..
                   |Articles |News |مقالات |بيانات

24-11-2004, 01:31 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Raja)

    العزيزة رجاء
    وانا أكثر فرحة بقدومك
    وبكلماتك الرقيقة
    وبطلتك المتوهجة بالكاريزما
    اشكر مرورك من هنا
    وكل عام وأنتي بخير
    والتهنئة لراوية وكل الأسرة
                   |Articles |News |مقالات |بيانات

23-11-2004, 05:39 PM

Ehab Eltayeb
<aEhab Eltayeb
تاريخ التسجيل: 25-11-2003
مجموع المشاركات: 2850

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    ابوحراز:
    كل عام.. وانت ..والاولاد.. وامهم بالف خير..

    وشكرا علي هذا النص(اوالنص.. بضم النون)الجميل..

    وبقي عليك رمضان ولي هاتها يا.......

    تحياتي,,,
                   |Articles |News |مقالات |بيانات

23-11-2004, 11:55 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Ehab Eltayeb)

    من أمس وانا زعلان جداً من هذا البوست
    كل ما افتحه يقابلني مركوب طائر
    وكل ما اقول ارد على بعض المداخلات اقابلني شارب
    يعني اخيراً وبعد نشاف روح تعطر البورد بالجنس اللطيف
    وهذه لأول مرة تحدث معي منذ اشتراكي بالبورد قبل ثلاث سنوات تقريباً
    لك التحية ياشجون ولك التحية يارجاء
    والله الله ستر كان يا ايهاب الطيب ولا رديت عليك
    يعني حالف الليلة لو لقيت برضو المداخلات رجالية كان الرماد كال حماد
                   |Articles |News |مقالات |بيانات

24-11-2004, 00:19 AM

newbie

تاريخ التسجيل: 04-02-2002
مجموع المشاركات: 797

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    ابو حراز
    متوقع القا امجاد
    اتاريك انت زاتك كومر اقصد داف اقصد تيبر
    انت لو فاتح البوست ده للجندرة ما تقول عديل وتجي بالدرب
                   |Articles |News |مقالات |بيانات

27-11-2004, 00:25 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: newbie)

    : newbie
    اول شيء اسمك مالو كدا زي الاسبيرات
    تاني شيء كل عام وانت بخير
    تالت شيء بمناسبة الأمجاد دي
    طبعاً صاحبك عاوز يشتري واحدة
    وناس السودان عارفهم كيف يعجبوك في التنظير
    كل ما يشوفوك شايل ليك قريشات كان ما لحسوها منك ما يرتاحو
    اها الجماعة كلهم لازم تشتري ليك أمجاد
    قلت ليهم كدي نفكر شوية
    اها نفكر ونفكر لحدت نص القروش كملن ويكة وسليقة
    اها خليت الباقي عند واحد صاحبنا وقلت ليهو حا اتم ليك بعد ارجع السعوديوة
    اها اشيل وأجدع ليهو في القروش
    ورجعت بعد سنة
    تعرف لقيتو عمل شنو
    قروشي عمل بيها شبابيك بيتو
    والله العظيم لمن أعاين في الشبابيك ضغطي يرتفع ويبقى زي رقم الموبايل حقي
    يعني مرض
    وآمنت إنو اي مغترب يرسل قروشو بس حماااااااااااااار
    قال أمجاد قال
                   |Articles |News |مقالات |بيانات

26-11-2004, 08:20 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Ehab Eltayeb)

    يهاب
    مالك صاري لي وشك من يوم قلت ليك عاوز أجيكم في أمريكا ؟؟
    أخبارك شنو
    وكل عام وأنت بخير
    وانشاء الله بس تكون دخلت القفص الذهبي
    قال امهم قال
                   |Articles |News |مقالات |بيانات

27-11-2004, 00:41 AM

زول ساكت
<aزول ساكت
تاريخ التسجيل: 26-11-2004
مجموع المشاركات: 2916

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    ابوحراز

    الشاحنات مالك عليها
    شيالت التقيله
    بعدين ناس امجاد والركشه واخواتها اول زره بتروح فيها
    ماسمعت
    البشيل فوق الدبر مابمل
    ياخوي
    شاحنه في كف ولا الف عايره
                   |Articles |News |مقالات |بيانات

27-11-2004, 01:04 AM

newbie

تاريخ التسجيل: 04-02-2002
مجموع المشاركات: 797

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: زول ساكت)

    ابو هراززز
    اسمي مالو عاد ؟
    Quote: قروشي عمل بيها شبابيك بيتو

    ان شاء الله يكون ضربن بوهية خدرة عشان اعفي منو ,,, غير كده حقو ترجع امجادك
    وبي طريقتك دي المطرة تلاقي في المطرة لحدي ما يأممو السعودية ما تعمل ليك ركشة
                   |Articles |News |مقالات |بيانات

27-11-2004, 08:23 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: newbie)

    تصدق يانويبي
    الجماعة في السودان يعجبوك
    يعني بيعتبروا المغترب دا بهيمة عديل كدا
    شوف واحد أخونا مغترب معانا هنا
    الراجل لمن يرجع عنده أخوانه اتنين شغالين تجارة عملة
    أها يقولوا ليهو بدل ما تتعب وتحول قروشك أدينا كل مرة 500 ريال نبدلها ليك
    أها يديهم ال 500 وياكلوها معاه
    لمن تنتهي يقولوا ليهو جيب أختها
    يعني يلحسوا العندك ويلمو قروشهم
                   |Articles |News |مقالات |بيانات

27-11-2004, 08:21 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: زول ساكت)

    زول ساكت
    ياخي شاحنات شنو
    تعرف النسوان في السودان اي واحد كبير في السن مابدورنو
    والعجب لو عرفتك الواحدة إنك في السعودية
    تكرهك لي يوم الدين
    طبعاً عندهم انطباع سيء جداً عن المغتربين في السعودية
    قالوا الراجل بيجي كضاب
    والأولاد غير مهذبين
    والمدام بتجي سمينة وعويرة
                   |Articles |News |مقالات |بيانات

28-11-2004, 08:38 AM

ود المايقوما

تاريخ التسجيل: 28-04-2002
مجموع المشاركات: 1314

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    العزيز / ابو حراز

    ليك مدة مابنت .

    مالك مختفي

    ود المايقوما . صديق جديد
                   |Articles |News |مقالات |بيانات

30-11-2004, 10:17 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ود المايقوما)

    مرحب ود المايقوما
    وأهلاً بيك في بيتك الجديد
    اتمنى أن يكون البوست قد اعجبك
    ونتمنى أن يكون كل من انضم للبورد أن يكون اضافة حقيقية له
    المايقوما دي وين
    اعرف حي بالحصاحيصا يحمل نفس الاسم
    مرات في السودان كل ناس مدينة بتكون عندهم مايقوما
                   |Articles |News |مقالات |بيانات

30-11-2004, 11:08 PM

almulaomar
<aalmulaomar
تاريخ التسجيل: 08-07-2002
مجموع المشاركات: 6465

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    أخي أب حراز
    العيد مبارك عليك
    الكلام ده بي عضمة كيبوردك ولسانك زاتو رغم إنو لسانك بلا عضم شأنه في ذلك شأن فشفاشك ومصرانك الأعور - تخيل لو أن الواحد قلبو فيها عظام أو كبدته - أظن الواحد حا يتكسر من أول شاحنة لا تلتزم المسار الإيمن وتكون في حاجة شديدة إلى عمل جبس للقلب وناس نحنا نكتفي بالجبيرة والبصيرة أم حمد لأنها أهل عوض وعلينا العوض. نرجع لي موضوعنا تقول في أحد ردودك لا فض فوك
    تعرف النسوان في السودان اي واحد كبير في السن مابدورنو
    والعجب لو عرفتك الواحدة إنك في السعودية
    تكرهك لي يوم الدين
    طبعاً عندهم انطباع سيء جداً عن المغتربين في السعودية
    قالوا الراجل بيجي كضاب
    والأولاد غير مهذبين
    والمدام بتجي سمينة وعويرة


    ---- إنتهي -----
    طبعاً لا يفتأ وأب حراز في جبال السروات ، ولكن برغم فإن كلماتك هذه تلامس الحقيقة فن لم أغترب في تلك البلاد وإن كنت قد زرتها مرارا ، ووجدت أن في كلامك هذا شئ من المنطق إضافة إلى النقل الحي والمباشر من أخوة لنا فنوا شبابهم في تلك الديار.
    السؤال الذي يطرح نفسه أو يطرح وجهه أو حتى جلابيته هو:
    هل عزوف أب حراز عن الزواج هو خوفاً من أن يأتي من ذريته إبن أشد عقوقاً من إبن سيدنا نوح عليه السلام أو بنت تفتقر إلى التهذيب ، وهل يخشي على ست النفر من الشحم ده والورم ده وما إلى ذلك من كده كده يا التريلا. والأهم من كل هذا هل بلغ أخونا أب حراز مرحلة تحري الكذب بدلاً من تحري رؤية هلال شوال. مبروك لأنصار الهلال الذي أنتصر على فرقة المريخ في مبارة كان لابد فيها من خروج فريق منتصر وآخر مهزوم وحظ أوفر لفتية المريخ الذين أجادوا ووقف سؤ الحظ بينهم وبين تحقيق البطولة والتي ذهبت لفريق يستحقها دون شك
                   |Articles |News |مقالات |بيانات

01-12-2004, 06:56 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: almulaomar)

    الملا عمر
    تقول الحكمة : كلما تقدم الإنسان في العمر كلما ضاقت خياراته
    يعني يصبح القرار ليس في يدك
    وخياراته هذه يعنينا منها الخيارات العاطفية
    الآن بامكانك أن تختار ماتريد
    وبالطريقة التي تريد
    يعني السوق حار كما يقول المثل
    ولكن الله يستر بعد أن يتكرمش الوجه
    بعدين الذرية دي اصبحت حاجة عجيبة جداً
    زمان اول مولود دا بيطلع بعد حراق روح
    الآن الزواج ثم الفندق وقبل ان تتم السبعة اشهر
    ينزل صاحبنا الى الحياة ويكمل استواءه على الهواء مباشرة
    سوف نعاني مع ابنائنا وهذا شيء أكيد
    فالأبناء اصبحوا من الآن يهمشون الآباء
    وبعد صعوبة يقول الإبن لأبيه 00 بابا
    يحكي لي أحد اصدقائي أنه ذهب للسودان
    وهو جالس يحتسي فنجان قهوة اذ يدخل ابنه ذو العشرة أعوام ويقول لأمه
    ماما عاوز لي عشرة الف جنيه
    وبكل بساطة طلبت الأم من الأب أن يعطيه عشرة آلاف
    ثم دخل الإبن الأصغر وطلب نفس ما طلب شقيقه الأكبر
    وقامت الأم كالعادة بأمر الأب بأن يعطي الصغير عشرة آلاف
    ما استغرب له لماذا لاتقول الأم لأبنائها أن ابيكم طالما هو موجود فيجب أن تطلبوا منه مباشرة ماتريدون ؟؟
    قال زواج قال !!
                   |Articles |News |مقالات |بيانات

01-12-2004, 10:58 PM

almulaomar
<aalmulaomar
تاريخ التسجيل: 08-07-2002
مجموع المشاركات: 6465

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    أخي العزيز أب حراز
    قرأت ردك الضافي هذا مرارا وتكرار فضحكت كما لم أضحك من قبل ولا أملك إلا ن أقول شر البلية ما يضحك
                   |Articles |News |مقالات |بيانات

04-12-2004, 12:38 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: almulaomar)

    أخي الملا عمر
    اتمنى ان لاتكون قد اضحكتك الحكمة التي تقول أن الرجل كلما تقدم في العمر تصبح خياراته ضيقة أو ربما شبه معدومة
    وجدي لوالدتي كانت تنطبق عليه الحكمة
    فقد توفت زوجته التي هي حبوبته
    وياليتها لم تمت
    فقد عاش فراغاً لم يعشه توم كروز بعد طلاقه من نيكول كيدمان
    واصبح كثير النسيان وكثير الزعل وكثير المطالب وكثير التلصص
    وحيث لايمكن بأي حال من الأحوال مساعدته في الزواج لسببين
    أولهما أننا لانريد أن نؤذي إمرأة اخرى
    وثانيهما والأهم أنه منتهي الصلاحية من جميع النواحي
    فيكفي انه بدون اسنان
    وبدون اشياء اخرى كثيرة !!!
    لكنه ورغم أنه ضيق الخيارات
    فقد ارتأ أن يخيرنا ما بين أن نزوجه أو يغرق
    وياليته لو اختار الأخيرة !!
    وزوجوه من إمراة تسمى حاجة ستنا ترملت 3 مرات
    وأذكر أن ابن خالتي المشاغب قال لي
    لقد سمعت حاجة ستنا ليلة البارحة وهي تضحك بأعلى صوتها ومبسوطة 24 قيراط من جدي
    فقلت له سبحان الله
    ربما كانت في حلم
    أو ربما كان جدنا يكلكل فيها
                   |Articles |News |مقالات |بيانات

30-11-2004, 10:35 PM

ود المايقوما

تاريخ التسجيل: 28-04-2002
مجموع المشاركات: 1314

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    العزيز / ابو حراز

    لك التحية

    المايقوما دي في الخرطوم بحري

    انا ماجديد في البورد انا قصدي صديق جديد لك

    وتسلم ياغالي
                   |Articles |News |مقالات |بيانات

01-12-2004, 01:14 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ود المايقوما)

    ود المايقوما سلالالالالالالالام
    أهلاً بصداقتك وإن كنت دائماً اركز على الصداقة الثانية
    صداقة الجنس الناعم
    صداقة زي صداقتك دي مليانين فيها لي حلقنا
    قال صداقة قال
    يا زول أنا بمزح ماتقوم تصر لي وشك
    بعدين دي نحن في أهل العوض بنسميها صداقة غييييييير
    زي جدة غير يعني
    لأنو لمن تلقى واحد في الخرطوم بحري على الأقل بتضمن انك تبيت معاه بعد الحوامة في الخرطوم
    لك التحية ايها الرائع ومزيداً من الصداقات البريئة
                   |Articles |News |مقالات |بيانات

01-12-2004, 04:30 AM

ود المايقوما

تاريخ التسجيل: 28-04-2002
مجموع المشاركات: 1314

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    العزيز / ابو حراز

    كده انت الاول تعال لينا في المنطقة الشرقية / الخبر

    ولك خالص تحياتي
                   |Articles |News |مقالات |بيانات

01-12-2004, 10:45 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ود المايقوما)

    ود المايقوما
    قبل شهر واحد كنت بالدمام ولكن لم تسعفني الظروف بالمكوث قليلاً هناك
    كم أتمنى أن التقي بورداب الشرقية
    فلقد كانت لنا صولات وجولات ومداخلات رائعة
    عندما اتينا للمملكة كنا نزور الكثير من المناطق
    ولكن الظروف الآن تغيرت والمشاكل تزداد يوماً بعد يوم
    لهذا اصبحت الإجازة محدودة وبالكاد نمضيها مع الأهل بالسودان
    ولولا هذا البورد والناس الجميلين به لأنفجرنا من الزهج والغربة التي طال أمدها
                   |Articles |News |مقالات |بيانات

02-12-2004, 02:49 AM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    طبعاً يا أبا حراز من حيث أنك قندراني شارك في الحرب العالمية الثانية فلا
    يأخذني شك البتة .. ودليل إثباتي على ذلك هو ذكرك للفاو وجبال المِقْرِح،
    وقرب تلك الأمكنة من ساحة المعارك التي دارت بين الطليان والاحباش .. ولعب
    فيها القندراني ماركة "فِيات" الدور الحاسم لصالح بوب مارلي وقِرْماي تِسْفاي.

    يازول قلت لي زولي بتاع السعودية ده بالجد مليان فلوس؟ وتاجر غنم؟
    يعني ما تاجر حمير؟. غايتو لو قلت لي تاجر حمير أكان دخلتني في حيص بيص.
    طيب ياخي ليه ما بتلمّني فيه ما دام عندو قروش؟. الحسادة ليك شنو ياخي لمّني في الزول.

    ياخوي انتو ناس عاملين فيها متعلمين .. والتِعليم ده نحن بيننا وبينه العود اليابس
    .. مانا دايرنو تب .. بس لمّني في تاجر الغنم ده.


    عليك الله كلامك جد أنه عرّس اتنين؟. إن بقى كلامك صاح .. الزول ده مو راجل وبس
    .. ده راجلين. عفيت منّو.


    ياخوي هييي .. أنا لا داير أشوف اخضر ولا أحمر ولا يابس .. وفعلاً قَبْلي وقبالي
    وتبرا من حالي. نحن راجينّها قدام ناخذ نصيبنا في الجنة. قال الأخضر ده الحب!!! بالله؟
    انا ما بعرف شيء أخضر غير العَدار. وكمان الأحمر العرس؟ عرس شنو الأحمر ده؟ نسعل الله
    السلامة؛ إنت قاصد البِرِش؟. إنت كيف عرفت لون شيء قبل ما تشوفه؟ انا كنت قايل
    العرس أبيض. اما العود اليابس فهذا ما لا بمكن الوصول إليه. حاجة فيها نقة دي
    الله بيننا وبينها. يازول خلينا في تولا دي النقدر عليها.

    الودّاك ماكي دنيا شنو تاني بعد الله رفعك من الرمرمة؟. يا أب حراز هيييييي
    .. إنت بتبيع عروق؟.
    يا زول الله وأكبر إت زول مُعْراقي .. لانه ما في أي سبب بيرجّعك لماكي دنيا بعد سويت ليك
    كضيمات. أها أكان عندك عروق ألحقني بيهن بيجاي.


    أجيك لقرية رامـا. فعلاً بعرفها لأني بعرف كل الحلال الشرق العاديك ديل لا عند البحر المالح.
    وعندي اصدقاء اتنين درسوا معاي هم من نفس القرية دي (فيهم واحد هسع في السعودية مهووس
    لغة انقليزية ومفصوم برضو، احتمال يكون ياهو زولك القلت اتكلم بالانقليزي مع النسوان).
    والقرية دي أهلها خوالدة وليهم علاقة رحم مع ناس أتبرة/حلفا (نهر عطبرة وحلفا الجديدة) أهل
    والدتي. أها شفت الدنيا دي ضيقة كيف يا حبيبنا القندراني .. السايقو الأسمراني ..
    سايقو لشنو.


    إنت من وين يا زميل كامل عبد الماجد؟. أوعى تكون من الخوالدة بس؟. غايتو لو بقيت خالدي أنا
    حيكون عندي كلام مع أخوالي .. وليك علي اقلبها كوريا الشمالية مع ناس سَلَمة سَروبة والسبعات
    .. وكل خوالدة أتبرا. اب حراز شنو البيقرب لناس ود رانفيْ وأبو القريش وود الفَرْنَب؟ إت
    قايلها هملة ساكت آ سيد ابوك؟. خليك في ماكي دنيا وبيع الحجبات والعروق لتلميذات الشيخة
    شكريّة الله يطراها بالخير؟. عليك الله بتتذكّر ايام قوانين سبتمبر والجلد في نص سوق الفاو؟ مأساة ما
    زلت أتذكرها وبالذات اليوم الذي تم فيه جلد شكريّة. لو كنت إنت في الفاو في الفترة ديك أكيد
    بتكون عارف البلاوي دي.

    وشكراً ليك على اتاحة الفرصة لي للهضربة والهترشة. بس شوف لي زولي شنتير ده وين لأني داير
    لي قرض حسن
                   |Articles |News |مقالات |بيانات

04-12-2004, 12:53 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Shinteer)

    شنتير
    شكراً على ردك الضافي والجميل جداً
    سأبدأ لك من الحمير
    طبعاً ياليت صاحبك لو كان تاجر حمير
    فتجارة الحمير في عصرنا هذا مربحة أكثر من تجارة السيارات
    ولدينا واحد يسمى جابر حمير وهو متخصص في بيع الحمير
    ومعه الآن ثلاة من ابنائه يعملون معه في نفس المهنة
    أكبرهم تخرج من اسلام اباد وآخر تخرج من اقتصاد الخرطوم والأخير زراعة الجزيرة
    وهم يجنون ارباحاً طائلة جداً
    كثيراً ما اذهب لسوق المدينة عرب - سوق ام دفسو طبعاً فهنا تجد كل شيء
    واذهب لسوق الحمير والذي يتوسط السوق
    وعندما يأتي جابر حمير يحدث موقف غريب جداً
    فكل الحمير بمجرد أن تراه تفتح خشومها
    لأنه يبدأ بفحص سنها ويعرف إن كان هذا الحمار شاب أو عجوز
    ولدي صديق يعمل في هذا السوق
    وهو يحمل كل عوارة العالم
    لكنه متزوج بإمرأة كأنها قادمة لتوها من الجنة
    إمرأة في غاية الجمال واللطف
    حاتقول لي صديقك دا الجابو هنا شنو
    طبعاً برضو بيفتح خشمو عندما يمر جابر حمير بجواره
    وعندما سألنها : قال : بحاكي فيهو
    قال حصبيص قال

    (عدل بواسطة ابوحراز on 04-12-2004, 12:54 PM)

                   |Articles |News |مقالات |بيانات

04-12-2004, 01:14 PM

Rawia

تاريخ التسجيل: 23-11-2002
مجموع المشاركات: 8396

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    انا التزمت الزمن دا كله من يوم نزول البوست
    لكن ماقدرت بعد دا
    بس عاوزه اقول سلام واطلع
    ازيك وليك وحشه


                   |Articles |News |مقالات |بيانات

05-12-2004, 02:21 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Rawia)

    الرائعة راوية
    أنتي ومن مثلك نقول لهم أدخلوها بسلام آمنين
    فالشاحنات التي اعنيها معروفة جداً
    يكفي أنكي تعطرين البوست وتمنحينه نفساً جديداً وروحاً جديدة
    الآن يمكن أن نقول أن البوست قد بدأ ينتفض من جديد باضافة قلمك اليه
    لك التحية
                   |Articles |News |مقالات |بيانات

05-12-2004, 08:53 PM

almulaomar
<aalmulaomar
تاريخ التسجيل: 08-07-2002
مجموع المشاركات: 6465

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    أخي الرائع أب حراز
    يقول العلم والعلماء في شأن جدكم هذا له الرحمة حياً أو ميتاً – على طريقة أفلام الكاوبوي – وفلسفة عم كردي بياع القش أن الرحمة تجوز على الحي والميت.
    تصنيف العلم لحالة جدكم هو ما يعرف بسن اليأس وهي مرحلة تحدث فيها تغييرات بدنية وعاطفية كبيرة ، ويهبط فيها معدل الهورومونات وبخاصة هرمومون التستوستيرون testosterone لكن مع ذلك يبقى جدكم قادر على الإنجاب بإذن الله.

    ومن الرجال من يسلك في تلك السن مسلكاً غريباً فيتصابى من جديد ، ويهرب من واقعه إلى عوالم خيالية كاذبة ، رغم أن معيار صحتة النفسية هو امتلاكه الدافع الباطني لإنجاز ما يريده وخاصة أن المجتمع ينظر إليه كرجل مكتمل الخبرة والنضوج
                   |Articles |News |مقالات |بيانات

06-12-2004, 00:34 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: almulaomar)

    الملا عمر
    لقد كانت صبينة جدنا للأسف هي خاتمة حياته
    الم اقل لك أن المراة التي تزوجها قد ترملت ثلاث مرات ؟؟
    اذن هو حا يكون أحسن منهم وللا حا يكون أحسن منهم
    الله يرحمه
    جلس معها ثلاثة اشهر فقط
    بعد ذلك أسلم الروح الى بارئها
    وعندا أتت الزوجة المغلوبة على أمرها لتخبرنا بالنبأ الفاجعة
    قلنا لها استهدي بالله فربما تكون حالة غيبوبة
    فهو قد عملها أكثر من مرة وبكينا عليه وسرعان ما ينتفض
    لكن للأسف يبدو أن هذه المرة كانت " مسكة مخلبية "
    وقد فارق الحياة
    وأخذناه بسرعة للمقابر غير مصدقين
    فقد قيل لنا أنه متزوج سراً في قرية تسمى العقدة بجنوب الجزيرة
    ويحكى لنا ايضاً أن الشريف الحسين قد منحه مزرعة هناك
    ويحكى أن بيته ذاك كثير الثراء
    لهذا سنستفيد لامحالة من الورثة
    وعندما ذهبنا هناك
    عرفنا أنه متزوج
    ولكن ماااااااااااااااااااااااااذا ترك ؟؟؟
    لقد كانت له شجرة " قرض " تسمى شجرة ود النور
    وهي الشيء الوحيد الذي خلفه من ورائه
    لدي أيضاً أكثر من عم وجد بالفتيحاب
    ماتوا جميعا دون ان يتركوا لنا حتى شبر ارض في القيعة وصالحة
    ناهيك عن أم درمان !!!
                   |Articles |News |مقالات |بيانات

06-12-2004, 01:23 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6465

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    أخي أب حراز
    دع جدك يرقد بسلام
                   |Articles |News |مقالات |بيانات

07-12-2004, 09:43 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: almulaomar)

    الملا عمر
    جزاك الله خيراً وأكثر من أمثالك على قول أنصار السنة
    تصدق جاءتنا فكرة جهنمية جداً أنا وابن خالتي
    وحيث لم يترك لنا جدنا سوى شجرة وسمعة طيبة ومجموعة من الأحفاد والبناء لو اقاموا احتفالاً لما احتاجوا لضيف واحد
    هذه الفكرة هي أن نشترك معناً لنبني له قبة
    ففي هذا الزمن هذه القباب استثمارها ناجح ومضمون
    وهي تدر دخلاً في اليوم أكثر مما يدره فندقي الهيلتون وقصر الصداقة في شهر
    وفيها ترى العجائب
    حيث يتم علاج حتى الهباتايتز
    وبمبلغ 250 الف فقط
    قال معمل استاك قال
                   |Articles |News |مقالات |بيانات

06-12-2004, 04:21 AM

manubia
<amanubia
تاريخ التسجيل: 21-04-2002
مجموع المشاركات: 1284

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    العزيز عثمان ابو حراز؛بالله اسمك عثمان انا كنت قايل اسمك هاني ؛صدقني لي زمن من البورد دا لكنني من السعداء لكي اجد لك موضوع جديد لنج فلقد ضحكت ملئ شدقي

    قال ملئ شدقي قال
                   |Articles |News |مقالات |بيانات

06-12-2004, 06:59 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: manubia)

    قال هاني قال
    لا أحسن أكون هيثم
    تعرف مرة واحد سوداني من عرب الشرق بيشتغل في سوبرماركت
    والراجل ساخر جداً
    اتصلنا عليهو يجيب لينا شوال سكر في بيت العزابة هنا في السعودية
    اها جاب السكر وقعد يكورك من بعيد
    يانااااااااااااااااااااس هوووووووووووووي تعالوا شيلوا السكر بتاعكم دا
    اها في عمك كبير في البيت حاول ينادي على بعض الشباب الموجودين في البيت
    وصاحبك بتاع السكر واقف بره الباب بيسمع
    اها عمك يقول 00 ياهيثم
    ياهاني
    ياسامي
    يااسامة
    يالؤي
    بالله نسمع ليك العربي يقول : مادام الحكاية لؤي وهيثم أحسن اشيل السكر براااااااااي
    عارف جماعتك طبعاً ما حايقدروا يشيلوا السكر
                   |Articles |News |مقالات |بيانات

07-12-2004, 01:06 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    وينك ياشنتير
    أعود اليك مرة أخرى لأكمل معك موضوع الحمير الغريبة والعجيبة جدا
    أحد اصدقائي اتصل عليه والده بانه قد اشترى حمار سكند هاند
    تصدق بمبلغ 2 مليون جنيه
    والمشكلة أنه يريد ان يرسلو له المبلغ
    فقال له ابنه
    جميل يا بوووووووووووووووي
    ولكن سوف ارسل لك معه موبايل بالمرة
    فكيف تركب حماراً بأكثر من مليونين دون أن يكون معك جهاز نقال
    واحد دنقلاوي رجل طيب جداً كان معنا بالقرية
    والراجل طبعاً ماشاء الله عنده دكان وحالته ثرية جداً
    تعرف ابن اللذين دا عنو حمار
    والغريب الحمار دا مازي حمير الحلة
    دا في الصباح بيدوه نصف كيلة بتاعت تمر
    وطبعاً مامعروف يمكن بيتعشى بشاورما
    انا يومياً عندما كنت بالابتدائي كنت أمر على هذا الحمار لأخطف منه شوية تمر
    الحمار تاريهو فاهم
    بقى كل مايشوفني ماري عليهو يقوم يكورك
                   |Articles |News |مقالات |بيانات

07-12-2004, 03:54 AM

zola123
<azola123
تاريخ التسجيل: 22-08-2002
مجموع المشاركات: 5

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    Quote: اها عمك يقول 00 ياهيثم
    ياهاني
    ياسامي
    يااسامة
    يالؤي
    بالله نسمع ليك العربي يقول : مادام الحكاية لؤي وهيثم أحسن اشيل السكر براااااااااي
    عارف جماعتك طبعاً ما حايقدروا يشيلوا السكر



    يديك العافية يا أبو حراز
    والله انت الي فيهم
                   |Articles |News |مقالات |بيانات

07-12-2004, 06:51 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: zola123)

    الزولة 123
    لك التحية
    وبشعارك الجميل ارجعتي لنا انفاس البورد السابقة
    فقد كانت هذه القطة أكثر من مشاغبة
    وجميلة وهي تعضي الفارة
    كيفك من تعب السفر
    اتمنى أن تكوني قد استعدتي عافيتك
    بوستك الجميل والرائع عن السودان هو تذكرة سفر مجانية
    وقد اعطيى البورد نفساً حاراً جداً
    والآن كثيراً ما اعود اليه
    لأنه يحملني الى الوطن
                   |Articles |News |مقالات |بيانات

07-12-2004, 10:26 PM

زول ساكت
<aزول ساكت
تاريخ التسجيل: 26-11-2004
مجموع المشاركات: 2916

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    قال شنتير
    Quote: أجيك لقرية رامـا. فعلاً بعرفها لأني بعرف كل الحلال الشرق العاديك ديل لا عند البحر المالح.
    وعندي اصدقاء اتنين درسوا معاي هم من نفس القرية دي (فيهم واحد هسع في السعودية مهووس
    لغة انقليزية ومفصوم برضو، احتمال يكون ياهو زولك القلت اتكلم بالانقليزي مع النسوان).

    ياربي دا يكون ود يوسف عبدوت

    ابوحراز انت خليت الشاحنات وقبلت علي الحمير وسوق ام دفسو
    اها كان الله هون انا العيد هناك بس حنشتري كباشه مش حمير
    وخليكم انتو مع نعيميكن

    (عدل بواسطة زول ساكت on 07-12-2004, 10:48 PM)

                   |Articles |News |مقالات |بيانات

08-12-2004, 02:14 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: زول ساكت)

    زول ساكت
    ما أجمل سوق أم دفسو
    وما أجمله سوق المدينة عرب
    لقد حلقت شعر رأسي على الهواء مباشرة في هذا السوق
    في بث حي
    انها لوحة جميلة ورائعة
    أن تجلس على الكرسي وتمسك المراية بيدك
    وتعاين لست الشاي
    والبقر والخيل المسومة والبقر الذي يتشابه عليك
    وأشياء أخرى جميلة ورائعة
    ومن ثم يجري الحلاق ويهرب ويتركك نصف حالق
    حيث لم تأتي الخدمة الإلزامية الا في ذلك اليوم الذي ذهبت لأحلق فيه
    وماهي لحظات حتى هرب الحلاق وترك كل شيء
    جلس العسكري معي وهو يضحك
    وقلت له كيف أكمل رأسي الآن وقد شرد كل الحلاقون
    ومن الزعل تركته في ذلك اليوم على ما هو عليه
    وكان منظراً رائعاً 00 انها موضة حلاقة جديدة
    لم يطلق عليها أهلي " كابوريا " كما كنت اتوقع
    بل اطلقوا عليها " الكشة "
                   |Articles |News |مقالات |بيانات

08-12-2004, 05:49 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6465

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    أخي أب حراز
    أعلم هداك الله أن أصل موضوعك هذا هو التجاوز الخاطئ أو قل القيادة دون ترخيص من الجهات المختصة وأنك بمساعدة المتداخلين في مقالكم هذا قد جنحت جنوحاً بيناً محاكياً في ذلك الفلك العظيم تايتنك في تلك القصة الممؤثرة التي أبكت أهل قريتنا أجمعين بعد أن عرضت عليهم من خلال فيديو الحاج أحمد ود النصيح وما أنفكوا يتقبلون العزاء فلي ضحايا الحادث إلى يومنا هذا، غير أن جنوحك هنا لم يفسد المعنى أو يخرج بالموضوع – بكلياته – دي طبعاً بسمعها من المعلقين الرياضيين الواحد فيهم يقول ليك الفريق بهاجم بكلياته ولمن تسمع الكلام تعش رجباً لترى عجباً ، ما علينا فقد أوصلك كيبوردك بمساعدة كيبوردات المتداخلين إلى حيث وصلت وتفتق ذهنك عن ذلك المشروع العظيم بأن تستعين بإبن خالتك ونفر من الإنس والجن لبناء قبة أو ضريح أو مسيد أو مزار شريف حتى لجدكم عليه الرحمة بعد أن أورثكم شجرة واحدة كانت تدرس في زمان غابر في كتب المطالعة وشهرتها النخلة الحمقاء إضافة إلى تلك التركة ورثكم عليه الرحمة الكثير من مكارم الأخلاق – والأخيرة لا تغني من جوع بحسب لغة عصرنا هذا – وأجد أخي أنه من الضروري والجائز أن تستعينوا أثناء تشييدكم لتلك القبة بأغنية نادوا لينا البنا ، وهو في هذه الحالة سوف يأتي مهرولاً لا لبناء الجنة بالطبع إنما لتشييد قبة الشيخ جدكم طيب الله ثراه ، ونصيحتي لك أن لا تدفع لذلكم البنا أى قروش مقدمة لأنه لن يعمل إلا وهو خالي الوفاض معوز معدوم لأن جميع الأسطوات عندنا أو قل سوادهم الأعظم يؤمنون إيماناً لا يخالطه شك بالمثل القائل "جوع كلبك يتبعك" وما أن يجد بعض الدنانير إلا و يغادرك إلى الكمبو السوداني ، وهو قطعاً ليس شقيق المامبو السوداني بالرغم من إشتراكهما معاً في السودنة والإنتماء.
    أهم جانب في مشروعكم هذا أخي أب حراز هو الجانب التسويقي ، ويجب أن تختار وبعناية فائقة بعض الحواريون في حالة الرفع أو الحواريين في حالة النصب وهي الأبلغ أو الحيران لذلك على أن يجيد الحوار المتقدم لشغل الوظيفة الكذب حتى يصدق نفسه هو قبل غيره وأن يكون ذا خيال خصب يفوق خصوبة الهلال الخصيب أيام أن كان الهلال بدراً ، ومخاطر إستثماركم هذا أنه إستثمار قصير الأجل يعني ما تفكر تستقيل من عملك وتفارق طويل العمر وترجع بصفة نهائية للوطن عشان تحرس هذا الإستثمار لأنه بعد فترة الناس بتمل الموضوع وبتشوف ليها نيو جنريشين أوف شيوخ ووقتها يا أب حراز الحلا بله ما يحلك.
                   |Articles |News |مقالات |بيانات

09-12-2004, 12:00 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: almulaomar)

    الملا عمر
    سأعود للرد عليك
    وقد دخلت المنبر يومأمس في منتصف الليل وقررت أن ارد ولكن عنصر المفاجأة حاد دون إكمال الرد
    ساقص القصة عليك
    يقول أحد أقاربي : إذا أردت أن تنام فقبل أن تخلع نعليك
    عليك أن تخلع همومك وآلامك واحزانك ومن ثم تنام !!
    لكن في الغربة لو خلعت هذه الأحزان وقفلتها في شنطة ووضعت الشنطة في دولاب
    فإنها سرعان ما تتسلل وتتلصص اليك ليلاً
    صحوت على حلم مزعج وكل أحلامي منذ ان اغتربت وأنا طائر في الفضاء
    واتمنى ان احلم ذات يوم وأنا على كوكب الأرض
    المهم صحيت وطار النوم كما طارت أشياء كثيرة من أحلامنا
    قلت يازول افتح البورد وشوف الناس عملت شنو في بوستك
    كان ذلك الرابعة صباحاً بتوقيت السعودية
    تفاجأت بأن المتواجدين 39 وعدد الزوار 123
    وكلهم من المحاربين القدامى بالبورد
    طبعاً النسوان 8 والرجال 31
    لم أصدق أن هناك أعضاء بالمنبر مستيقظين حتى هذه الساعة
    مع العلم أن معظمهم من الدول العربية
    قلت ياربي الناس دي جاها كابوس برضو
    أها مع الزهجة دي قلت أعمل بحث وأشوف الناس دي صاحية لشنو
    دخلت على بروفايل كل واحد منهم
    وتفاجات عندما وجدتهم جميعاً يحملون هماً مشتركاً ويربطهم رابط واحد
    سبحان الله
    فلقد قرأت الحالة الإجتماعية لكل هؤلاء
    وكانت المفاجأة أن كل واحد مكتوب أمامه "single "
    طوالي قفلت الجهاز والباب والنور والموبايل
    ومشيت على السرير والبطانية وهاك يانومة
    يعني كل الناس الحايمة بالليل دي " single "
    والله يابكري الناس دي تعرس كلها موقعك دا الا تأجرو محل بيع موبايلات
                   |Articles |News |مقالات |بيانات

18-12-2004, 08:56 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    طبعاً تغيب يوم واحد تجي تلقى البوست في آخر الدنيا
    ولابتسألوا نهائي مافيكم اي خير
    يعني زمان الواحد لمن يحرد البورد الواسطات تقوم وتقع
    لكن هسي مع الركشات الكتيرة الفكوا ليها التسجيل 00 بس الله يكون في العون
    يعني لو حردت زول يجيب خبرك مافي
    جيت افتش على الشاحنات
    لا لقيت أيمن ولا لقيت ايسر
    بعد صعوبة وجدتها في الصفحة العاشرة
    اها قمت فرجتها برااااااااااااااااااي ورفعت البوست
    قال تلزم المسار الأيسر قال
                   |Articles |News |مقالات |بيانات

19-12-2004, 01:02 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6465

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    أخي أب حراز
    شكراً لهذا اللطف وهذه الروح المرحة الرياضية التي تتمتع بها ، وقلت لي لمن ما لقيت واحد يرفع ليك الكورنر رفعتها براك وجريت خط الثمانية عشر عشان تدقها هيد وتحرز هدف برأسك لا برأس رونالدو ، أما مشكلة الركشات زي ما إنت بتقول والناس الجداد هنا كلهم إضافة حقيقة والكثير من الأعضاء الجدد وضع بصمته ولمسته بكل إقتدار وأضفى الكثير من الجمال لهذا المكان الجميل ، عشان كده أعمل حسابك وما تطول الغيبة لأنو الغائب بقي في هذه الحالة لا عذر له أو قل في ذمة الحاضر ، والحضور في حضرة الجمال يذهب العقول ويجعل الذمة مقدوده وفي راوية أخرى خربه ، ألم تسمع بالمثل القائل ذمتك تتقده ما تتسده وتبقي ذمتك زيها وزي الوضع الصحي والإقتصادي والإجتماعي والسياسي والرياضي في السودان .
    والمنبر كما أسلفت إمتلأ جمالاً ونضارة حتى أن أشخاص بقامة الدكتور سجيمان أصبح يقضي معظم يومه أمام شاشة الكمبيوتر متنقلاً بين المكتب والبيت والإنترنت كافيه وحتى الوقت المستقطع لأم الخير أصبح غير معترف به من قبل دكتورنا سجيمان تشجيعاً للعبة الحلوة كما جاء في تبريره ، وأصبح حال الغائب عن المنتدي لفترات يشبه من تأبط جك الفول لشراء فول العشاء بعد إنتهاء المسلسل بنصف ساعة ، فالأول يدخل البورد وهو لا يدري والثاني يصل الدكان ولا يجد أى فول والعم على في الحالتين غير مسئول إذا خلص الفول أو تردي المقال وهوي إلى قعر الأرشيف.
    ولنا عودة بشأن الأرق والقلق عند العزابه والمتزوجون.
                   |Articles |News |مقالات |بيانات

19-12-2004, 01:19 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: almulaomar)

    أخي الملا عمر
    أشكرك على طرحك الجميل
    وبالفعل فك التسجيلات أضاف للبورد نكهة مميزة
    ونتمنى أن نستفيد منهم
    وننهل من أنهار كلماتهم العذبة
    وموضوع المتزوجون والأرق دا بوست مهم جداً
    وكذلك المتزوجات والأرق
    لكن أرق العزابة دا يطلع شنو
    لن تصدق أننا كنا نلعب كوتشينة من العاشرة صباحاً حتى الحادية عشر ليلاً
    معانا عمك بيلعب مما صبحت
    فجأة جرس الباب يدق لأننا كنا مع أحد العزابة
    وعلى التسودها علينا قام صاحبك فتح الباب
    لقيت لك زوجة عمنا دا وهي تشتاط غضباً وقد وقف سائق الليموزين بجوارها
    طبعا المراة قاهرة والأنوثة ماشاء الله كملت نهائي
    قامت سألتني " طبعاً بنهرة حارة جداً " أبونا معاكم ؟؟
    يازول ولا شهدتني طوالي قالت لي " زح من الباب دا "
    ودخلت جوة وبدون اي حياء
    تمسك ليك عمك من لياقة الجلابية " وتقبقبو " وتسوقو قدامها وهي تشتم
    من الصباح ياحيوان ماعارف أولادك أكلوا شنو
    جاي هامل هنا في الكوتشينة
    طبعاً وكعادة السودانيات مفروض الراجل يركب قدام مع سواق الليموزين
    عليك أمان الله ختوه ليك في المقعد الوراء
    وصاحبتنا اتوهطت قدام
    برضو تقول لي أرق
    قال استقدام قال
                   |Articles |News |مقالات |بيانات

19-12-2004, 01:52 AM

زول ساكت
<aزول ساكت
تاريخ التسجيل: 26-11-2004
مجموع المشاركات: 2916

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    ابوحراز كفيلي
    وخالي برضو
    مش البرامله عندهم خيلان
    انا نصبتك طائعاً مختاراً خالاً لي
    من يوم الليله امتشق عكازك المضبب
    كل يوم ممكن تلقى ليك ديه

    اها
    والله غيبتك حاره خالس خالس
    وفكرت اعمل ليك بوست للسؤال
    عنك بس كدي ياولد ادي فرصه
    للجنس النااااااعم امكن يسبقك
    ويرفع معنويات الخال
    تجي انت تسبقني
    جزم تاني تغيب انا لابنتظر ناعم ولا كعك
                   |Articles |News |مقالات |بيانات

19-12-2004, 03:16 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6465

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: زول ساكت)

    كل الناس يصابون بالأرق يعني المتزوج والعزابي – والعزابي لابد أن نقوم بتعريفه التعريف الصحيح ، فهناك العزابي الذي لم يركب أم كركابه ولم ينزل في أم روابه أو غيرها وهو عازب بفعل عامل السن و كما قال المطرب الكبير محمد وردي متعه الله بالصحة والعافية الصغيرون الما كبير ، وهناك العزابي العانس الذي فاته قطار الزواج وهو كل إنسان يتمثل بالمدعو حشاش بي دقينتو الذي أفتي بجواز التأجيل وبكره من هناك لي هناك ، وبكره كما يقول الخواجات never comes ، وسبب الإصابة بالأرق بحسب العلم أن الإنسان يفكر ، وكل من يكدح ذهنه وتضطره ظروف عمله خلال اليوم ومتطلبات الحياة إلي التفكير لابد أن يتعرض للأرق. فتصور أخي مواطن مسكين غلبان حاصل على درجة الماجستير أو خلينا ننزل شوية بكالوريوس أى حاجة من أى جامعة ويعمل موظف وعنده ثلاثة أطفال وزوجته هي الأخرى تعمل وعليهما مجتمعين أو منفردين توفير سبل العيش الكريم لهذه الأسرة متوسطة الحال من فواتير خدمات وطعام وكساء ومواصلات وتعليم وعلاج أى ضروريات الحياة ، لا ترفيه ولا غيره.
    بعض العظماء لم يكونوا يعرفون الأرق ، كنابليون مثلا ، فيقال أنه كان ينام متى شاء ويستيقظ متى أراد يعني لا محتاج ليهو لي منبه ولا صلاة الصبح فاتتني ، ولكن هذه الظواهر في عالم الإنسان لا تشكل قانونا ثابتا ، ولا نظرية مقررة ولهذا فالقول بأن الأرق عارض يعرض لكل الناس أمر لا سبيل إلى الشك فيه ولا إلى نكرانه والأرق الكامل الذي ينتاب المرء أياما نادر إلا في بعض الحالات الشاذة ثم لا يلبث هذا الشخص الذي تولاه الأرق أن ينام ويغط في نومه ، متى زالت الأسباب كالألم الشديد المتتابع وبعض الحالات العصبية المستعصية.
    و يكون والدين ليك شافع بكاي والدنيا برد يقطع النخره والبيت كلو زي ما قال برعي لعادل إمام في مسرحية شاهد ما شافش حاجه أها تنوم كيف بس قول لي؟
    أما العزابه الشباب فلا يصابون بالأرق إلا في ما ندر ، لكن العزابه العوانس الذين بدأ البساط بنسحب من تحت أرجلهم ، أو كما قال أحد الأصدقاء الذي أصبحوا في صورة أو واقع حال أو زمان تجري البنات منهن بعد أن كن يجرين وراءهن ، وهي المرحلة التي أشار إليها الدكتور سجيمان في أحد مقالاته ، ففي هذه المرحلة يكون الأرق على أشده والقلق هو طابع الحياة. فالواحد عجز وبلغ من الكبر عتيا ، ولبند بهيئة فإما أصيب بصلع أو غزا الشيب رأسه أو العقوبتين معا ، وتظهر التجاعيد على الوجه حتى يصبح الوش زي وش الملاح ويحدودب الظهر أو تنتفحخ الكرش إذا كان في دول الخليج وتتكعوج الكرعين بالقدر الذي تلتف فيه الساق بالساق ناهيك عن إنحسار الشعر عن مقدمة الرأس ونموه بالخطأ في الأذنين والأنف ، وأصبح أنها صورة رهيبة مهيبة تجعل الولدان شيبا وأرجل راجل يدفن دقن فما بالك والأمر يتعلق بالحسان ، وهي المرحلة التي تتغني فيها البنات بالإبره تطير وتقد ود عينو أى يبقن عليك أثنين عانس وأعور
                   |Articles |News |مقالات |بيانات

20-12-2004, 08:26 PM

زول ساكت
<aزول ساكت
تاريخ التسجيل: 26-11-2004
مجموع المشاركات: 2916

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: almulaomar)

    ياابوحراز

    تلحقنا

    وتفزعنا
                   |Articles |News |مقالات |بيانات

20-12-2004, 09:14 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: زول ساكت)

    فعلا البورد ده بقى زحمة

    اب حراز وانا بقينا نتشاوف من مولد لى مولد..

    لك السلام يادفعة

    سلام البورد "الزمان"

    مع انه كلمة الشاحنات دى بتقوم لى شعرة جلدى ..
                   |Articles |News |مقالات |بيانات

21-12-2004, 00:39 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Tumadir)

    مرحب تماضر بعد الغياب الطويل
    وأول شيء بعضيك لو عملتي لي حظر
    لأني كل مرة أدخل وماقاعد اقابلك
    ماعارف الحصل شنو
    تكوني مفتكرانا شاحنات بتنوم من بدري وللا شنو ؟
    كيف أخبارك
    اقرأ لك ياسيدتي باستمرار
    فكلماتك تمنح الق الحياة وبهجتها
    وبوستاتك طااااااااااااااعمة جداً
    وقلمك عندما يعرج على بوستاتنا المتواضعة يضخ فينا الكثير من الدماء
    ويجعلنا نقف على اقدامنا
    لك التحية بقدر ماقدمتي للإنسانية
                   |Articles |News |مقالات |بيانات

21-12-2004, 08:40 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: زول ساكت)

    زول ساكت
    قال لاناعم لا كعك قال
    طبعاً لدي قصة طريفة جداً مع الوالد بخصوص الكعك دا
    فلقد كانت عندنا عيزومة زواج كما يقولون لأحد الجيران وهو بالمناسبة أهله من ابراهيم عبد الله ويبدو لي ان زوجته من الحجاجاب
    هذا الرجل يسمى " ود الجاك "
    طبعاً كان زواج ولده
    وبعد انتهت العيزومة والتي كانت مرطبات
    أها كان باقي كيس بتاع كعك
    وقام قال للوالد يمكن بعد يومين او الاتة ايام يجونا ناس من ود جليد
    أها " دس " الكعك دا عندك
    قام الوالد في المخزن وضع هذا الكيس بحذر
    وصاحبك كان صغير وقصير جداً ياكافي البلاء
    أها الوالد مرات يقول : امشي جيب سكر أو شاي
    وطبعاً كل شيء في المخزن هناك
    تعرف أول شيء فكرت فيه هو أكل الكعك
    والله عملت فيهو عملية فئران العالم كلها ماتعملها
    كنت " بقرم " حتة صغيرة من الكعكة وبرجعها محلها
    وبمرور الوقت أكلت كل الكعك رغم أنه في مكان عال
    ولكن يقال أن الحاجة هي أم الإختراع
    فقد كنت أضع مجموعة من الصفائح واتسلق عليها حتى الوصول للهدف
    وكانت الطامة الكبرى
    فقد حضر " ناس ودجليد " للعيزومة بعد أكثر من 10 ايام
    وأول شيء طلب من الوالد إحضار كيس الكعك
    وعندما ذهبت كانت المفاجأة
    واشتاط الوالد غضباً وهو مقتنع تماماً أنني لم آكل الكعك لأنني من المستحيل أن اصل اليه
    وكان الضحية أخي الأكبر
    فقد اتهموه زوراً بأنه من أكل " كعك ود الجاك "
    وكان هذا سبباً في ترك أخي المنزل وذهابه للعمل في الخرطوم
    ولو كنا نعلم أن عمله في الخرطوم سيفيد الأسرة
    لكنا قد أكلنا كل كعك الحلة !!!
    لا أدري لماذا مازال أهل العوض متمسكون بالكعك
    فقد طلع الجاتوه وأشياء أخرى
    ونحن مازلنا" ن ق رش "
                   |Articles |News |مقالات |بيانات

21-12-2004, 01:00 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: almulaomar)

    00 كدي نسألكم 00 ليه الأراضي مرتفعة ؟؟ عندي فطعة ياكافي البلاء اشتريتها من سنة 1990 في مدني ولحد الآن ما رفعت راسا فوق ؟؟ كل ما أمشي يقولوا لي مليون و200 الف أها
    من الزعل قلت ليهم ابنوها جامع 0

    طبعاً اعتكاف باستمرار
    والواحد اصبح خايف يصحى يوم من النوم ويلقى نفسه ارتدى الحجاب

    ؟؟ { 45 } التفاحة تفاحة والبرتقالة برتقالة والبخسة بخسة
    قفلت التلفزيون وتووووووووشك على المطبخ 0 النفر ست
    و هسي دا يس نقول زواج جماعي وللا سكوت جماعي ؟؟ وللا مه جماعي


    ولدي صديق يعمل في هذا السوق
    وهو يحمل كل عوارة العالم
    كأنه متزوج بإمرأة قادمة لتوها من الجنة إمرأة
    في غاية الجمال واللطف

    Dear Ustaz Abu Haraz,
    I quoting the most beautiful writings in this particular post to show my admiration to your writings,
    Muna Khugali
                   |Articles |News |مقالات |بيانات

21-12-2004, 03:13 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6465

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Muna Khugali)

    مني خوجلي
    يقولون أن مساحة السودان حوالي إثنين ونص مليون كيلومتر مربع تقريباً يعني أقل أو أكتر قليلاً لأنو ناس نحن ما دقيقين في أى حاجه الواحد يقول ليك جاي يتعشي معاك يجيك الساعة حداشر بالليل أو يقول ليك نتقابل بكره الساعه خمسه المساء وتفضل ملطوع لغاية ما تزهج أو تزهج لأنك صاحب حاجه ومجبور تنتظر ، أها يعني بس دي الحاجة الوحيدة النكون فيها دقيقين – ما علينا أسعار الأراضي إرتفعت لأننا وبحسب بعض ناس قلنا وقالو أن هناك عمليات غسيل أموال تقيله جداً تتم في السودان لغاية ما شوارعنا إتحفرت وأزدادت حفراً على حفرها وبلاعتنا بقبقت ودفقت ولوثت مجري النيل بسبب كثرة الغسيل ، واحدين تانيين بقولو لا والله دي الطفرة الإقتصادية يعني أول ما شطح طفر عديل كده وأن هناك جماعه أصحاب كروش وقروش من الداخل ودول الجوار بشتروا في الأرضي نظراً لما تتميز به البلاد من موقع جغرافي ومستقبل واعد ، أها تقوم شوارعنا تمتلئ عن بكرة أبيها وأمها كمان بمكاتب عقار ومحاميين شغلتهم توثيق عقود الإيجار والبيع للعقار والعربات وبس ، يعني لو الواحد عايز يطلق مرتو إلا يهج من البلد ويطنشها وتكون طالق بالتقادم ، نرجع لأرضك يا مني ، ويبدو لي أنها في منطقة عشوائية الأمر الذي يفسر ثبات سعرها ، عشان كده حاولي أن تعملي دعاية للمنطقة الموجود فيها أرضكم ، بس الأمر غير مضمون النتائج ، يعني ذنبك على جنبك ، ولتكن الدعاية تلفزيونية وبين شوطي مبارة هلال مريخ أو ثناء المسلسل اليومي وقولي فيها إنو بدأ البيع في مخطط ... الجديد خدمات وحدائق وكلو مجانا ، وأوعك تبني الأرض جامع لأنو لو عملتي كده حا يدفوعك حق الكهرباء والموية والخدمات وضريبة عقار ولو حاولتي تخلصي القروش من المصلين بإعتبار أنك صاحبة الحافلة – عفواً الجامع – حا يفرتقو ويبورو ليك جامعك ويصلو في جوامع تانيه.
                   |Articles |News |مقالات |بيانات

21-12-2004, 05:38 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: almulaomar)

    ,
    Dear almulaomar,
    It is very funny to see the price of any plot of land increasing everyday to such crazy figure, and so the prices of houses.
    Sometimes you sit hours thinking what is there in Khartoum that forces people to pay such big money especially when you remember al habub wa al har, and other things. Instead, some people decided to buy beautiful flats in Cairo, they are cheaper, others prefer to use the money in something different. for me, I will try to build my own house fi al akhira, because there is no way that I have such amount of money.
    But tell me about the law for land tenur, I know that a woman working in the civil service, cannot get the land if her husbdand has obtained one, of course they tried to say they were fair people (those who made the law) they decided to put restrictions on the married man, he cannot sell the land if his wife does not agree to that. since I heard that, I became more confused, because I tried to work it out in my head but failed, what happens if the husband is married to two or more women, which one is going to sign and how is the law going to deal with that? of course I am not discussing here women's rights. Then let us come to the mosques' problem, this is very embarrising issue, cannot even know how to put it or to start discussing it, but one of my friends said, she used to dream all her life of having her wedding party at home, she wanted to dance and be happy with all of those beautiful Sudanese friends and relatives surrounding her, but now she cannot, because a new mosque was built and it is facing their house, of course she always knew that there is the public order code that would stop her from dancing with others, but she was always hoping to find away to deal with it, but with the mosque, NO WAY.
    My other friend said she refused to pray al fajr for some considerable time, although she is a very committed Muslim,I was stunned to hear that, I asked her why? she said first because there are five of them in a very small space, they all call for the prayer in very ugly voices which upset her, by the way, why can't they bring people with nice voices? she also said, I do not like their du'a for the same reason and also because I do not trust them,she added, I feel they are targeting me and do not want me to sleep, beside, she concluded, I prefer to read my own dua because I know from which heart it comes,, !!
    You are right my friend, Sudanese do not like to remember the exact time of anything, In London people invented a way to deal with Sudanese and their irresponsible feeling towards time, so if they have a meeting at 6 they tell people that the meeting will take place at 4.00 but still people arrive late!
    Muna

    Muna

    ? ,
                   |Articles |News |مقالات |بيانات

24-12-2004, 08:38 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Muna Khugali)

    منى خوجلي
    التحية اليك وشكراً على الإعجاب رغم أن البوست متواضع جداً وبسيط
    وشكرا على الاقتباس
    واتمنى أن يكون فيما نقدمه راحة نفسية للكل
    مرة أخرى أشكر لك اهتمامك
    وأأسف للتأخير في الرد
    فقد كنت على سفر في الأيام الماضية
    وكان هذا البوست في قلبي
    حيث أنه لم يفارقني طوال الرحلة
    ليس بسبب أنه يناقش قضية معينة
    ولكن كانت تقابلني شاحنات كثيرة في الطريق
    وكذلك اللوحة الارشادية المكتوب عليها " جميع الشاحنات تلزم المسار الأيمن "
    حتى اللحظة لم تقابلني إمراة وهي تقود شاحنة !!!!
    ولكن ما يحيرني أن هذه المراة تقود الرجل الذي يقود الشاحنة !!!
    وبرضو الجماعة يقولوا ليك لازم " تعرس "
                   |Articles |News |مقالات |بيانات

21-12-2004, 05:44 AM

قرشـــو
<aقرشـــو
تاريخ التسجيل: 05-02-2002
مجموع المشاركات: 11371

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: ابوحراز)

    حبيبنا ابوحراز

    كيفك يا سيدى ؟؟؟

    بى طريقتك دى انت ما بتعرس ياخوى

    والله قايلك عرست وبكرت كمان

    انت اتاريك لى هسع جارى لى وراء الـ ....

    الله يكون فى عونك ياخوى بس

    طيرت واطاتى وقعدت
                   |Articles |News |مقالات |بيانات

21-12-2004, 05:52 AM

حبيب نورة
<aحبيب نورة
تاريخ التسجيل: 02-03-2004
مجموع المشاركات: 18579

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: قرشـــو)

    ههههههههههههههههههه
    معقولة ديل يسمعوك!!
    والله لكن بالغت يا
    أبو حراز... تحايا
                   |Articles |News |مقالات |بيانات

22-12-2004, 04:34 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: حبيب نورة)

    Good afternoon
                   |Articles |News |مقالات |بيانات

23-12-2004, 06:08 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: Muna Khugali)

    يحكي لي أحد اصدقائي أنه ذهب للسودان
    وهو جالس يحتسي فنجان قهوة اذ يدخل ابنه ذو العشرة أعوام ويقول لأمه
    ماما عاوز لي عشرة الف جنيه
    وبكل بساطة طلبت الأم من الأب أن يعطيه عشرة آلاف
    ثم دخل الإبن الأصغر وطلب نفس ما طلب شقيقه الأكبر
    وقامت الأم كالعادة بأمر الأب بأن يعطي الصغير عشرة آلاف
    ما استغرب له لماذا لاتقول الأم لأبنائها أن ابيكم طالما هو موجود فيجب أن تطلبوا منه مباشرة ماتريدون ؟؟
    قال زواج قال !!
    .I like this post, another aim of writing is to bring it on top of some other posts,
    Muna
                   |Articles |News |مقالات |بيانات

27-12-2004, 09:48 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: حبيب نورة)

    حبيب نورة
    مسئول من الخير يا أخوي
    نعلاتك وديتها ووووووين
    قال حبيب نورة قال
    بعيداً عن المزح فإن كتاباتك رائعة وتحمل معاني جميلة
    لكنها تحتاج لإنسان قوي الرئيتين وقوي التنفس وقوي القلب
    فهي تضخ الحيوية في الإنسان وتجعله بانه مازال طفلاً مدللاً
    التحية لنورة التي منحتك هذا الألق
    هناك فرق كبير بين نورة ونورة
    فلدينا نورة قد جعلت عشيقها يمشي حافياً
    وتسكع كثيراً مابين التجاني الماحي وابوحراز والشكينيبة
    لكن كل هؤلاء لم يستطيعوا ان يلبسوه حتى حذائه
    وقد كان كثيراً ما يخلع اشياء أخرى
    لكن المجتمع قد تفهمه كثيراً
    ولو عملها غيره لحمل فوراً الى شرطة أمن المجتمع
    لا أدري 00 ولكن 00 لدي تصور غريب في الحياة
    فكلما كنت مجنوناً كلما عشت كامل حريتك
    وربما تذكر قصة مجنوننا اب ملاية
    هذا فريد وعجيب وغريب
    وتمنيت كثيراً أن يصيبني الله بجنونه
    فهذا يحمل ملاءته في منتصف الليل
    ومن ثم يذهب للبنات الشابات اليانعات الجميلات جداً
    فيكشف للواحدة وجهها وينظر لها في منتصف الليل
    ثم يتركها كما هي
    وأذكر مرة أن ذهب لأقاربي
    وتشاء الصدف أن يفتح بطريق الخطأ وجه حبوبتنا الصديء والمكرمش
    تصور غطاه في مكانه وهرب !!!
                   |Articles |News |مقالات |بيانات

24-12-2004, 08:46 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: الشاحنات تلزم المسار الأيمن 00 ممنوع دخول عجائز البورد (Re: قرشـــو)

    قرشو
    ما أروعك
    كلما أأتتي بحنتوب أتذكرك جيدا
    فهذه القرية الساحرة أغار منها كثيرا
    لأنها تاخذ الكثير من أنفاس النيل
    ويأخذ النيل الكثير من أنفاسها
    مثلما لايمكن للإنسان أن يتخيل السماء بلا قمر وبلا نجوم
    فلايمكن أن يتصور حنتوب بدون حنتوب الثانوية
    مدرسة كانت لها نكهة وهيبة كبيرة
    تحولت الآن الى جامعة
    وذهبت لإيصال ابنة أختي الى هناك
    وجدت زميلاتها لديهن عربية { لعبة } بسعر ريالين سعودي
    وهذه العربية عندما تملأها بزناد مركب عليها بتقوم جارية
    وكن يجرين وراءها حتى تقف ومن ثم تأخذها أخرى
    سبحان الله لم أصدق أنني في حنتوب الثانوية
    طبعا الأرض الله يرحمها ويحسن اليها
    ونسألك بالدعاء والصلاة فيها

    000
    تخريمة
    يا أخوي مسئول من الخير
    الجعلي من يوم عرس تاني ماقامت ليهو قايمة
    عليكم الله بخوووووووووووووووه بموية عشان يقوم
    حتى تهنئة الزواج مارد عليها في البوست
    قال جعلي قال !!!!
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de