صديقاتي و اصدقائي من جامعة جوبا..سلام تا اتو ياأأأخ.. كل المحبة و الصفاء..,! من كان منا يتصور..مجرد تصور.. انو جوبا ح نصبج الصباح و نلقاها بقت بلد تانية.. جواز و تأشيرة..و حاجات تانية؟.. عبركم.. عرفنا جوبا.. مدينة الخاطر التي كثيرا ما نحلم بي شوفتها..!
ولازالت تطن بالذاكرة عيونها الواسعة..كوثر.. تلك التي غالبت ليل العسس في مدينة صغيرة نائية (الدلنج مثلا)..و اطلقت صوت عقد الجلاد (يا يللا يا اولاد المدارس..) و هي تتحدى عسكر الأمن و المخابرات..و ما شاكلها من افات تطوف و هي تظن عبثا انها ملكة الليل (كما حثنا الياس فتح الرحمن في ديوانه: صوت الطائف في اخر الليل)..!!!
و هي مرائر لا اريد لكم ان تتوغلوا فيها رجالا و نساءا..و لكن؟؟!!! عبر بعض الصديقات و الأصدقاء من جامعة جوبا..عرفت ملامح مدينة جوبا..و التي اريد ان اراها قبال اموت.. جاز الرجاف..!!! و محدقات اخرى كثيرة..! هي مختارت خجولة.. نحتفى بها و نحن نحتفى بالمزيكا الأفريقية.. معادل الروح الذي اعاد فينا اكتشاف الذات..! و التحية للمدعو (عربي حوبا)..! لكم جميعا .. Dismajos Jazz Band
بلاش نفاق ودجل معاك في الفارغة. أمثالك يكرهون أي شئ جنوبي. لقد جربناك وناقشناك في هذا البورد. وأنت ليس سوى أحدا الجاريين من أفريقيتهم. تقسم السودان لأن العقلية التي يحملها أمثالك هي سبب كل بلاوي السودان.
09-01-2012, 12:21 PM
Kabar Kabar
تاريخ التسجيل: 11-26-2002
مجموع المشاركات: 18547
دينق.. زمان بمظنة الأخوة الحقة كنا نقول ليك (جيباك).... و لكن بعد ان صرت دينق اخوان.. فانت لا عتب عليك ..و لن نمنحك شرف ان نتفضل عليك بالسلام..! لن تستطيع ان تملى علينا ما نرى و نفهم..ولا نحس و نشعر..,,! انت شبح النفاق هنا.. وصيتي لك ان تتصالج مع ذاتك اولا.. ثم تعال للحديث عن كبر..! و صدقني هذا شأن لن تستطيع عليه مدخل.. لأنك منافق ..و المنافق لا يعرف عن اصالة الأشياء شيئأ.. بالعربي البسيط.. ادينا عرض اكتافك يا حبيب..!
رغم انفك يا دينق أو دينق اخوان.. سنفرح بمجموعة جوز جاز (و التي لم تخطر ببالك الإ بعد ان سكبناها هنا..في حنكوش بيعرف عن فرقة جاز الرجاف؟..يا راااااجل..!!!)..و سنفرح بفرقة جاز أبيي..غصبا عنك..!!! امشى اصطف مع المعتوه عادل امين..و دعونا و افراحنا الخاصة.. فانتم لا تعرفون عنها شئ..و لن تعرفون..!!!
محزن ان تكون انت اول العابرين هنا..و لكم تمنيت ان يكون زكريا جوزيف..البينو.. .. ليلى اكوي....قير تور.. اشول اشوانق..لوشيا نون.. ميري نون.. دكتورة سكينة ابراهيم.. عبد اللطيف حسن على.. اوبنات جامعة جوبا اللآئي جعلنا الخيال مصطخبا بقدر المستطاع..!!! اما ان تأتي انت.. فهذه و الله ام العوجات طرا..! اذهب الى الجحيم.. يا خيال بو تطيف به عجول.. (لو ما عارف عربي صح.. اسأل اقرب زول جنبك عن شاعرة اسمها الخنساء..!!)..
لا شكر على المرور.. فزمن المجاملات ولى..و ما تبقى ندخره للأصفياء و الصفيات,...و انت كنت منهم.. و لكنك لم تعد (عليك الله امشي انبش بشاشا من قبرو عشان يجي يدافع ليك..!!).. لك الجحيم و كل ما تستطيعه مرامي القمامة من احتمال..!!! تبقى دينق.. أو دينق اخوان.. مش مهم.. مرة واحدة كن نفسك.. حتى نستطيع ان نتحدث معك.. اما بشكلك الحالي.. فاذهب الى الجحيم.. ما ناقصنك يا عم..!!!
كبر
09-01-2012, 12:37 PM
عبدالوهاب علي الحاج عبدالوهاب علي الحاج
تاريخ التسجيل: 07-03-2008
مجموع المشاركات: 10548
Quote: دينق.. زمان بمظنة الأخوة الحقة كنا نقول ليك (جيباك).... و لكن بعد ان صرت دينق اخوان.. فانت لا عتب عليك ..و لن نمنحك شرف ان نتفضل عليك بالسلام..!
هههههههههههههههههههههههههههههههههههههههه ول ابا كبر غايتو إن بقى جورج بوك صاحب اليوزر، ما أظنو يفهم لغتك العالية هسي بجري بجيب ليك الفرد ويبوظ ليك البوست يديك العافية يا حبيب فقد صنعت يومي !!
___ غايتو البوست ده ح بكون عمل وجع قلب لـ ناس جوبا ... إبتداءً من د\ بوب ...وأنت ماشي .. مروراً يـ بعد اللطيف ومحمد حلا وأسعد البرير وأبو الجعافر ... ده غير الناس البره البورد ... ساره كليتو/أيزاك كليتو/ هاله الكارب ... وغيرهم كثيرين نعلمهم ويعلمون أنفسهم ...
___
الغريبة الأغنية دي زمااااان كنا بنسمعها في جوبا من فنان جوبا الشعبي الأشهر / جامبوكا كوين ... (وييين الحي بيهو هسع ؟) ....
تسلم ياكبر ..
..
09-01-2012, 01:58 PM
Kabar Kabar
تاريخ التسجيل: 11-26-2002
مجموع المشاركات: 18547
وهبة..حبابك يا صديقي الذي احب كما صديقي البروف الغائب,, امين ياسمين.. كتر خيرك على المرور من هنا يا حبيب,,و و بعد.. For the sake of the discussion, this is real business
اهو الفيديوهات هنا مبذولة.. و اتحدى دينق.. بشاشا.. عادل امين..و أي واحد ولا واحدة قادينا بحكاية الأفريقانية في البورد ده لسنين عددا.. يجوا يكتبوا النصوص في الفيديوهات المعللقة فوق (و يا هود اك عربي جوبا.. ناهيك عن اللغات الأفريقية الأخرى).. و هنا ح اضيف فيديو زيادة.. من النيجر..و أي او حد متنطع بالأفريقانية. (ما عدا زول اسمو احمد صالح حامد..و شهاب كرار)..خلي يجي يشرح للعالم دي الغنية دي بياتو لغة..ولا بتقول شنو بالضبط..؟.. Other wise
مافي زل يقدنا في السهلة ساكت..و الحكاية دي مافيها هظار يا دينق و بشاشا و المدعو عادل امين.. رص الكلام من الكتب لا يخلق مستقبل..و انما المستقبل.. يأتي من الواقع و بالواقع و للواقع.. معليش يا وهبة.. حضورك كان في لحظة اشراق نحس و كنا نتمنى الأ تطل في هذا البورد..!
و اهو يا دينق.. ده فيديو لا من الجزيرة العربية..ولا يحزنون.. فيديو من افريقيا عدييل..و اتحداك عدييل.. اقدر امرق منو بي حاجة (اديك هنت.. الحكامة في الفيديو ده قالت : شريعة لب لب..!)..!!! اها يا دينق اخوان .. انا و بكل فخر انتمى لهذا الغناء في هذا الفيديو كما انتمى لتجربة جوز جوز باند.....و في نفس الوكت مستعد انتسب ليك من هنا لغاية معد بن يكرب بن قضاعة..و هي نسبة يمكن ان ابدلها بسفة تمباك.. زي السلامو عليك..!!! و على بالطلاق.. لو على عثمان محمد طه.. شاف غنا الحكامة المبدذول هنا...يومين و يخلي ليكم السودان ده زي الماحاصل شي.. لأنو ما بستحق..!!! و ارجع اقول: معليش يا وهبة..و الله.. احلف صادقا..حضورك بالدنيا يا عم..و انا هلالابي من زمن الضب و شواطين لمن قطعها لي عمك بليا في راسو..!!!
المهم..
كبر
09-01-2012, 03:22 PM
Deng Deng
تاريخ التسجيل: 11-28-2002
مجموع المشاركات: 52687
Quote: محزن ان تكون انت اول العابرين هنا..و لكم تمنيت ان يكون زكريا جوزيف..البينو.. .. ليلى اكوي....قير تور.. اشول اشوانق..لوشيا نون.. ميري نون.. دكتورة سكينة ابراهيم.. عبد اللطيف حسن على.. اوبنات جامعة جوبا اللآئي جعلنا الخيال مصطخبا بقدر المستطاع..!!! اما ان تأتي انت.. فهذه و الله ام العوجات طرا..!
حتى أسماء الذين زكرتهم كتبتها خطأ، وذلك أكبر دليل على أستهبالك وتصنعك. مشكلتك هي أنك تريد أن تظهر على غير حقيقتك، وتريد أن تتصنع لك دور أنت غير مؤهل له أخلاقيا، ولا حتى لديك أحترام حقيقي للجنوبين.
أها قلت لي هجليج تابعة لي وين؟
09-01-2012, 10:58 PM
Kabar Kabar
تاريخ التسجيل: 11-26-2002
مجموع المشاركات: 18547
مافي مشكلة ممكن تصحح عادي و تمشي..و تستفيد من باقى الزمن تتعلم حاجة.. يعني مثل الفرق بين (ذ) ذنب..و (ز) زرافة..! اها فهمت حاجة من الفيديوهات الفوق دي ..ولا نفهمك؟..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
Deng
عبدالوهاب علي الحاج
فيس بوك
تويتر
انستقرام
يوتيوب
بنتيريست