الكرنق: عن الإنسان و الثقافة،الى جراهام و محمد مركز.. و البالمبو..!

نعى اليم ...... سودانيز اون لاين دوت كم تحتسب الزميل معاوية التوم محمد طه فى رحمه الله
الاستاذ معاوية التوم في ذمة الله
رابطة الاعلاميين بالسعودية تحتسب الاعلامي معاوية التوم محمد طه
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 11-12-2018, 09:42 AM الصفحة الرئيسية

مكتبة محمد النور كبر(Kabar)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
20-01-2012, 01:40 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


الكرنق: عن الإنسان و الثقافة،الى جراهام و محمد مركز.. و البالمبو..!

    محمد مركز الذي نعني هو الشاعر محمد مركز صاحب اغنية زينوبا..و يتخيل لي من ناس مدني...!!!..و ح نتكلم عنها لاحقا..
    فرقة البالمبو.. اكتر مجموعة سودانية اقنعتني و تقنعني بعالمية موسيقاها و اداؤها..!!!

    كبر
                   |Articles |News |مقالات |بيانات

20-01-2012, 01:49 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)

    مقطوعة الكرن.. اول مرة قدمت للمشهد الثقافي السوداني ، عن طريق فرقة السمندل..و هنا في هذا النموذج..تقدمها فرقة اوتار النيل..
    ما يهمني هنا..ان الذي تحدث عن المقطوعة..واحد جلابي..و هو يتحدث من دون حرج او قيود..و يعرف الجمهور بفكرة المقطوعة و ايقاع الكرن..!!!



    في هذ ا الفيديو..الشخص الذي يعزف على نقاقير الدنب.. هو الموسيقار و الباحث جرهام عبد القادر..و هو من ابناء مدينة الدلنج..وخريج معهد الموسيقى و المسرح..
    و هو المؤلف الرسمي لمقطوعة الكرن ، كما قدمتها فرقة السمندل ، و غيرها من الفرق الموسيقية لاحقا..!
    ما يهمنا.. ان الباحث جراهام هو اول من قدم الكرن (الكرنق كما نسميها نحن اهالي جنوب كردفان) الى المشهد الثقافي و الجمالي و السوداني..!!!

    كبر
                   |Articles |News |مقالات |بيانات

20-01-2012, 01:58 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)

    اهداء جانبي.. الى صديقتي و امي و خالتي .. الإنسانة السودانية القحة..زينب الفحل.. المشهورة في ألأسافير السودانية ب (دومه).. يعني زينوبا..!

    و الى المدعو دكين..و هو يمكن كان ان يكون..عفراء سند..سامية قسم..مرتضى جعفر.. اساسي.. عمر الفاروق..محمد عبد الماجد الصايم..محمد خضر البشرى..محمد حيدر المشرف...تمبس ..قيقراوي..قاسم المهداوي..عبد الرحمن عزاز.. او غيرهم من جيل بعينه..و كلهم يحترمون الى حد التقديس .زفنان سودانوي اسمو محمود عبد العزيز.. أو الشهير بالحوت..!!!!!

    و يا دومه الحوت.. ده القام نحت في الذاكرة السودانية اغنية السبعينات..و اعاد ليها الإعتبار.. اغنيات صاحباتك حكمت ياسين من شاكلة (صدقني ما بقدر اعيد)..و الكردفانية سمرقندية المحتسب من شاكلة ( غدر الزمن شغل القليب على زولا بيحن)..و ديل يا دومه ، البنات الكانن بيكتبن شعر صادق و نبيل و اصيل في منتصف سبيعنات القرن الماضي..!!!

    ياخي الحوت ده..لا خلا الشين عوض جبريل 0انتظرتو لما ما جا رحتو زرتو)..ولا الحلبي سماعين خورشيد..ولا محمد احمد عوض..كلهم مرقهم و نفض عنهم الغبار.. تصدقي ثنائي النغم (زينب خليفة و خديجة عمر) برضك ما قصر معاهم..و مرق غناهم و نفض عنو الغبار.. لغاية ما رجعوا في الألفية التالتة دي و رجعوا تاني يواجهو الجمهور..و املبينا السنوسي (نحنا حافظين لودادك).. و اكتر من كده اتجدع معانا في الدلنج دي و مرق غنا من حواري المدينة ناس الدلنج ذاتهم ما عارفين (غايتو صديقاتي و اصدقاي..و ابنائي و بناتي ناس معهد المزيكا و المسرح ، لو دايرين من باب تأريخ الغنية السودانية .ز ممكن يراسلونا عشان نوريهم الأغنيات الشالها الحوت من حواري مدينة الدلنج..)...!!!

    و الحوت بعد ما جال يمين و شمال ( يا دومه ، محمود عبد العزيز ده غني غنية انا قمت عليها في حواري الدلنج ..و الغنية اسمها ام كحيل..!!.. غايتو يكون جلابي ولا هامش علمي علمك..و دي نظريتنا في الدنيا دي؟.. أن الثقافي السوداني سابق السياسي السوداني بملايين السنوات الضوئية..!..و المكضبني يسأل الحوت الجلابي المولود في الختمية بحري..و من غير عقد ممكن يغني غنا البجا و النوبة و الفور و الشمالية..و ا الخرطوم كمان..!!!!)..قام ردد غنية من كلمات الشاعر السوداني (و هو من جبال النوبة) محمد مركز..وا سمها زينوبا..و هي الغنية التي رددها اهل الحبشة..و اهل اوربا..و غيرهم من اهل الثقافات و المجتمعات الحية.. و من عجب فيها ذكر لرقصة الكرنق التي نريد ان نتحدث عنها هنا..!!!!


    كبر
                   |Articles |News |مقالات |بيانات

20-01-2012, 02:04 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)

    فرقة البالمبو السودانية..و هي اول فرقة سودانية غنت و ادت اغنية (زينوبا) من كلمات و الحان الشعار السوداني محمد مركز..و من بعد ذلك غناها محمود عبد العزيز.زثم مغنية من اثيوبيا..و مجموعة اوربية..و سوف نرفق المواد المعنية..!
    ما يهمنا.ز بعد تجربة جرهام مع السمندل و مقطوعة الكرن ، اخذت الكرن افاق اخرى..و اصبحت فكرة انسانية يرددها انسا الكون دون تحفظ و حواجز..!!!



    كبر
                   |Articles |News |مقالات |بيانات

20-01-2012, 02:11 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)

    الكرنق هي رقصة من جبال النوبة..و تؤدي.. في المناسبة المختلفة.. الأفراح و الأتراح و مواسم الحصاد..!
    الرقصة تقوم على ريتم النقارة..و يشترك فيها الرجال و النساء..و تتم في فضاء مفتوح من غير عقد و تحفظات..!!
    و هي رقصة قديمة و معروفة في ثقافة انسان جبال النوبة..و نزعم ان الكرنق هي من الرقصات التي تحمل مدلولات انسانية و فلسفية و جمالية عميقة للغاية..!!!




    المادة في اليوتوب..و هي واحدة من الصور النادرة لرقصة الكرنق..الأصل في الكرنق انها تكون مصحوبة بايقاع النقارة..و هنا النقارة تشكل غياب.. و يستعاض عنها بالصفقة و الأداء الصوتي (غناء/فوكال)..ولكن يظل اساس الريتم ثاتب,,
    كبر
                   |Articles |News |مقالات |بيانات

20-01-2012, 02:19 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)

    الفيديو .ز اح صور الكرنق..و هي بصورة مدينية حديثة للغاية..




    في الثمانينات شهد المشهد الثقافي و الجمالي السوداني حضور فرقة السمندل..و هي فرقة موسيقية سودانية .. عمادها خريجي و خريجات معهد الموسيقى و المسرح في السودان..و من اعمدتها المشهورة الموسيقار.. دكتور الفاتح حسين ( طراهو الله بالخير اينما كان و كيفما كان)..و الأستاذ الباحث الموسيقي جرهام عبد القادر..و جرهام هذا قرات له شعوب السودان الكثير و شاهدته ( في عصر التكنولوجيا الرقمية..) في كثير من البرامج التراثية..و لكن..!
    قرأنا جراهام .. اول مرة في ثمانينات القرن الماضي و هو يكتب فزلكة موسيقية نقدية لأغنية (في عينك عشم باكر)..للراحل مصطفى سيد احمد..و حينما قرانا ، نحن يفع الثقافة في مدينة الدلنج و جنوب كردفان و هوامش السودان اياها.. تلك الفذلكة الجميلة المحكمة.. استغربنا كيف لا يوظف جراهام عبد القادر تلك الإمكانيات الهائلة.. للكتابة و البحث و الحديث عن تراث جنوب كردفان..تحديدا النوبة ، و نحن ناس جنوب كردفان ما فارقة معانا ، جراهام يكتب عن النوبة أو البقارة ، يكفى أن يكتب عن تراث المنطقة؟..
    ثم ظهرت على المشهد السوداني.. فرقة السمندل..و هي فرقة تؤدي الأغنيات السودانية باستصحاب الآت فقط..و قد ابتجهنا بها ايما بهجة.. لأن السمندل كنا نتوسم فيها التأصيل الموسيقي و الجمالي السوداني الصرف ( من طرائف الأشياء.. ان دكتور الفاتح حسين و الأستاذ عثمان النو.. كانا من ضمن لجنة اختبار صوت و اداءا لإختيار كورال كلية القانون في جامعة الخرطوم في سنة 1989..و كاتب هذه السطور ، و هو من جنوب كردفان ، كنا من ضمن المتنافسين و المتنافسات .. و اختار ان يقدم الى تلك اللجنة اغنية غزال البر يا راحل..و من عجب تمت اجازة صوته من قبل الفاتح حسين و عثمان النو و بعد الإختيار كان يغني ذلك الكورال اناشيد و قصائد محجوب شريف من شاكلة غني يا خرطوم غني ..و مريم و مي بنياتي اجرن تعالن لي...!!!!)..
    و كاتب هذه السطور..كان يفخر ايما فخر.. أنه اول فرد سوداني قدم فرقة السمندل ..لتقيم كونسيرت في جامعة الخرطوم و ذلك في صيف 1989 ..و لم تخذله الفرقة المعنية و جاءت بعدتها و عتادها..و صدحت في سموات جامعة الخرطوم..و صدف ذلك قدوم الأستاذ الموصلي و الذي صدح في تلك الأمسية..!!..و هي في الأسبوع الثالث من اغسطس 1989..من ضمن فعاليات اسبوع كلية القانون الثقافي ( و من عجب كان محمد النور كبر..كاتب هذه السطور .. هو السكرتير الثقافي لجمعية طلاب و طالبات القانون في ذلك الزمان الحزين العجيب..!!!.. ( عشان حقنا ما يضيع.. من ضمن فعاليات ذلك الأسبوع الثقافي .. احضرنا فرقة الجو الرطب..و هي بدايات الإنشاق و التكوين بين الجو الرطب و الهيلاهوب.. و من نجومها في ذلك الوقت.. ربيع طه و طارق الأمين..و بالحساب كده يا ناس الثقافة السودانية و مسرحها .. انا القدامكم ده ادعي باني اول من قدم طارق الأمين ، الواحد ده ، لعمل مفتوح في جامعة الخرطوم.. و ذلك في اغسطس 1989!!!)..!


    كبر
                   |Articles |News |مقالات |بيانات

20-01-2012, 02:24 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)




    حينما قدمت فرقة السمندل.. عرضها في ذلك الأسبوع الثقافي (1989).. و من ضمن المقطوعات التي قدمتها مقطوعة الكرن و اغنية ابراهيم موسى ابا ، ام روبة..من ضمن التعليقات التي خلدت بذاكرتي.. تعليق استاذي الجليل دكتور زكي عبد الرحمن ( و لناس السودان عامة ، زكي هذا كان استاذي و درسني الكثير بجامعة الخرطوم ، و هو الذي شاركه استاذه و استاذنا المرحوم زكي مصطفى ، النائب العام في منتصف سبعينات القرن الماضي ، و اللذين في عهدهما تم صياغة قوانين السودان التي نراها اليوم ، و المكضبني يسأل دكتور منصور خالد..زكي عبد الرحمن كان قاضي محكمة عليا في السودان ، و ثم فتح مكتب محاماة بالخرطوم..!!!)..حينما قدمت فرقة السمندل عرضها في ذلك الأسبوع الثقافي الغريب العجيب.. قال استاذنا زكي عبد الرحمن : اول مرة اعرف ان في السوداني فرقة ماسية بهذا المشهد و الأداء (معليش يا ناس السمندل ، لو قلنا ليكم قوالة استاذنا زكي تلك قبل تلائة و عشرين سنة.. كان ح تفيدكم كتير..لكن نسوي شنو..نحن سودانيين ياخي و ما بنفهم الإ بعد مرور تلاتين سنة..!!!!)..اما صديقتي و حبيتي ( ما ح اقول ليكم اسمها)..كانت مستغربة انو في فرقة سودانية بتؤدي اغنيات فنانة من الخليج اسمها رباب؟؟!!!..ياخي انا استغربت..و اندهشت (دهشة لن يعرف مداها الإ المدعو محسن خالد الواحد ده )..و قلت ليها غنا السمندل ده ، غنا فنان سوداني اسمو ابراهيم موسى ابا ( لم تعرف صديقتي و حبيبتي اياها ، بالمناسبة جعلية ، ابراهيم ابا.. لكنها كانت تعرف ربا و عتاب وعبد الله الرويشد و محمد عبده ذاتو.. لكن يطرشها كن سمعت بابراهيم موسى ابا..و الكلام ده سنة 1989..و ليكم تقيسوا فروق الوكت و الثقافة و الحضارة ذاتو..!!!!)
    و في ذلك الأسبوع الثقافي المسنوح..قدمت فرقة السمندل من ضمن اعمالها مقطوعة الكرن..و خلونا نركز في الكرن..!!!

    ما يهمني كثيرا.. جرهام عبد القادر ، كباحث و ناقد موسيقى ، هو اول من قدم الكرن كعمل موسيقي و ثقافي و جمالي عبر السمندل (لاحقا صلاح بن البادية في الأفية الثالثة، اشرف على انتاج شريط للفنان جساس كليوبو ، و جساس هذا لمن لا يعرفه هو الذي غني كثير من الأغنيات ، منها الليلة جمعة بكرة الأتنين ، و التي غنتها فرقة عقد الجلاد تحت عنوان يا منى.. في مهرجان موسيقى الجاز في مدينة مونتريال في تسعينات القرن الماضي ،) ، و ذلك عبر مقطوعة الكرن التي كانت تقدمها فرقة السمندل من ضمن اعمالها.. هل لأن الكرن حاجة مفارقة.؟.. هل لأن الكرن تحتوي ثقافة انسان غنية بالأسئلة و مداخل الحوار المشرعة؟..
    حينما قدم جرهام عبد القادر ، مقطوعة الكرن..لم يندهش المشهد الثقافي و الجمالي في الخرطوم..و لم يكلف نفسه مشقة السؤال (طبعا باستثاء اعضاء و عضوات فرقة السمندل رجال و نساء ، و هم الذين كانوا يشرحون و يشرحون للشعب السوداني ماذا تعني الكرن..و لهواة التصنيف العجيب اياه ، بتاع جلابة و ما ادراك ما جلابة ، ناس السمندل الجلابة اياهم هم الكانوا بيعلموا الشعب السوداني و يشرحوا ليهو الكرن..و جراهام كانت ساكت سكات السنين..و ياهو السودان كده ، و الماعاجبوا يشوف ليهو سودان تاني..!!!)

    كبر
                   |Articles |News |مقالات |بيانات

20-01-2012, 02:37 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)

    فييديو من منطقة الكواليب..و تظهر فيه التعبيرية القوية في رقصة الكرنق..




    بيد ان الكرن لم تقف في اجتهادات جرهام عبد القادر..ففي سنة 1997 ظهر شاعر من من مدينة مدني (و هو من جنوب كردفان) اسمه..محمد مركز..و كتب اغنية (زينوبا)..و اول من قام باداء تلك الأغنية هي فرقة البالمبو (ابحثوا عن اثر جرهام في تلك الأغنية و الفرقة كمان)..و هي الأغنية التي راجت بصورة لم يحلم مؤلفها برواجها..و لقد وصل بها الحد ان ترددها مغنية اثيوبيه,..و مغنية من اوربا..و الأهم غناها فنان السودان الأول محمود عبد العزيز(المغالطني يسأل ابو عركي البخيت..!!..و في بعض مقطعها يظهر كلام عن الكرنق ( يوم في عز الليل..صوت الكرنق جاني..!)..

    و في تلك المحطات.. تظل الكرن .. هي الكرن..بنفس ايقاعاتها الحميمة..و الحوار الإنساني و الجمالي فيها..و هنا نقدم تلك التطورات العجيبة.. الكرن التي قدمها الأكاديمي جراهام عبد القادر.. ثم التي تناولتها فرقة البالمبو.. ثم تناولها محمود عبد العزيز ( الحوت).. ثم فرقة نغم البلد..ثم الزمن الذي تيسر لنا أن نشهد الكرن في صيغتها الأصلية.. ادائها من قبل راقصيها و راقصاتها الذين و اللائي لا يعرفون عن رطين الثقافة و ازمنة ما بعد الحداثة اياها..!!!

    هنا هي الكرن..يمختلف السياقات الثقافية و الجمالية..و و ان كان لنا مطلب.. ان نطلب من اهل السودان ان يمنحونا فرصة أن نقول عن الكرن ما نفهم.. ثقافيا و جماليا و فلسفيأ..!!

    كبر
                   |Articles |News |مقالات |بيانات

20-01-2012, 02:41 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)

    اغنية زينوبا..فيرشن الكرنق المديني..و هي بصوت و اداء محمود عبد العزيز..و هو الفيرشن الثاني مباشرة بعد البالمبو..


    كبر
                   |Articles |News |مقالات |بيانات

20-01-2012, 02:46 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)

    هنا الكرنق ، و عن طريق غنية زينوبا..وصلت الحبشة..و هناك نماذج مختلفة.. من اثيوبيا سو فنرفقها لاحقا...
    و لكن يظل السؤال: لماذا ، زينوبا؟ لماذا الكرنق؟..هل نحن كشعب سوداني سو نتصالح ثقافيا ووجدانيا أن تكون الكرنق هي جسرنا الى الأخر الثقافي و الإجتماعي؟..ازعم ان اغنية زينوبا من تأليف محمد مركز ..هي واحدة من الأغنيات السودانية التي وجدت قبولا دوليا...و هي التي تقوم اساسا على فكرة ايقاع الكرنق السوداني,,,!!!!!



    نواصل..

    كبر
                   |Articles |News |مقالات |بيانات

20-01-2012, 02:51 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)

    الكرنق ، من عجب على ايقاع كلمات محمد مركز ، في مكان ما في اوربا..!!!!



    كبر
                   |Articles |News |مقالات |بيانات

20-01-2012, 02:56 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)

    هنا فرقة اسمها وسط البلد..و الله ما ادري هل هي مصرية.. جزائرية.. تونسية.. سوريا.. المهم.. عرفت زينوبا..و الكرنق..!!!
    ياخي الكرنق ده لو كنت املك على امر السودان ، لكنت قفلت سبع سفارات سودانية و ووضعت بدلهم زينوبا و الكرنق هذي..!!!!



    كبر
                   |Articles |News |مقالات |بيانات

20-01-2012, 03:03 PM

Kabar
<aKabar
تاريخ التسجيل: 26-11-2002
مجموع المشاركات: 16565

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)

    واحدة من النماذج الممودرنة..من مودرن ..و التي تأثرني كثيرا..و فيها ملامح من رقصة الكرنق كما شهدناها و عرفناها على الطبيعة.. هي نموذج الفرقة السودانية الشابة..
    نغم البلد..و الرقص فيهو كرنق بالباب العديل..بس المشكلة اعتمد على غنية زينوبا بتاعة اخونا مركز.. لكن برضك التعبيرية في النموذج واضحة جدا..



    كبر
                   |Articles |News |مقالات |بيانات

20-01-2012, 02:45 PM

منتصرمحمد زكى
<aمنتصرمحمد زكى
تاريخ التسجيل: 04-11-2009
مجموع المشاركات: 4042

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Kabar)

    Quote: محمد مركز الذي نعني هو الشاعر محمد مركز صاحب اغنية زينوبا..و يتخيل لي من ناس مدني...!!!..و ح نتكلم عنها لاحقا..


    سلامات كبر

    محمد مركز الشاعر والملحن والمغني والخطاط والرسام
    تنقل ما بين كوستي وعطبرة وأستقر به المقام في الخرطوم
    حاليا متواجد بالمملكة العربية السعودية ...
                   |Articles |News |مقالات |بيانات

20-01-2012, 06:04 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11663

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: منتصرمحمد زكى)

    بوست رائع .

    عندى صورة لمحمد مركز حاولت أنزلها فشلت .

    فرقة وسط البلد مصرية ، وشاركت فى الثورة .
                   |Articles |News |مقالات |بيانات

20-01-2012, 09:01 PM

صلاح شعيب
<aصلاح شعيب
تاريخ التسجيل: 24-04-2005
مجموع المشاركات: 2953

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: AMNA MUKHTAR)

    الزميل كبر
    سلام وتحيات
    شكرا للإهتمام بأمر ثقافة أهلنا النوبة وصديقنا الأستاذ جراهام، وهو أحد العقول الأدبية والموسيقية في سودان أمره لله. جراهام كاتب وباحث بدرجة ممتاز وتعلمنا منه العمق في الأسلوب والتناول. كان من الذين وقفوا مع مصطفى سيد أحمد في بداياته بالكمنجة ولاحقا كان من مقدمة المؤسسين للسمندل ولكن العمل الإداري في السياحة حرمنا من تفرغه للموسيقى والفن وهو واحد من أصحاب الرؤى المميزة في هذا المجال. ومرسل لك صورة السمندل ويقف جراهام الثاني من اليسار.
    Graham.JPG Hosting at Sudaneseonline.com


    Quote: في هذ ا الفيديو..الشخص الذي يعزف على نقاقير الدنب.. هو الموسيقار و الباحث جرهام عبد القادر..و هو من ابناء مدينة الدلنج..وخريج معهد الموسيقى و المسرح..


    Melegi.JPG Hosting at Sudaneseonline.com


    أما الشخص الذي أشرت إليه بالعزف على الدنب فهو الأستاذ فايز مليجي إمبراطور الإيقاع الذي عزف مع كل الفنانين وله إسهامات مع السمندل أيضا..وهو الآن يقيم معنا في ولاية فرجينيا حيث يضبط إيقاع فرقة أوتار النيل.. ويظهر في الصورة الاساتذة مجدي العاقب وميرغني الزين وماهر تاج السر وهم من أبدع العازفين الذين أنجبتهم تجربة الاوركسترا السودانية. وشكرا للإهتمام بإبداعات جراهام..وربما نعود لأمر جراهام المثقف الكبير واللماح..وتقبل سلامي ويا حليل أيام القاهرة ومركز الثقافات وطارق محمد عثمان واحمد البكري وومحمد عبد الخالق وبكري جابر وصلاح الزين والبقية.
                   |Articles |News |مقالات |بيانات

21-01-2012, 04:40 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: صلاح شعيب)

    ول أبا كبر
    سلام .. وألف شكر على المادة الثرة ..

    فى عام 1982م، الدنيا درت شاءت الأقدار أن تنزل طعينتا فى منطقة شرق الدلنج تسمى الورل .. والورل قريب من منطقة جبل "وطا" مسقط رأس أخونا شمس الدين السنوسى .. وشمال منطقة الودى، التى تغنى بها الفنان العظيم عبد القادر فى رائعته اللورى حلى بى دلانى فوق الودى .. أهل منطقة الورل هم الغلفان، هناك مسميات كتيرة للورل ... من تلك المسيمات منطقة ورل أم القديل .. بحكم أننا رعاة نعرف سكان كل تلك المناطق معرفة تامة .. يعنى العرس مينو والولدوا له طفل مينو وغيرها .. فى تلك السنة كانت هناك مناسبة زواج .. وذهبنا نحن أبناء البقارة وكلمنا بنات الغلفان فى مورد الماء أننا اليوم فى تحدى مع أبناء الغلفان فى رقص الكرنق .. وللعلم نحن لم نكلموا أولاد الغلفان بخطتنا .. ذهبنا ساحة الكرنق .. وذى ما قلت ليك الدنيا درت .. نحن شاربين لبن وطبعاً ناس القرى حالهم يغنى عن سؤالهم .. لكن الحسنة الموسم كان وفير الخير ..

    أنا كنت نجم الحفل .. وخالاتنا الغلفانيات زغردتن فينى لما صوتهم بح .. والبقت ما بقت واحدة من الحكامات قلعت شف دهب من رقبتها وربطته لى فى رقبتى .. رقصت بالشف حتى نهاية اليوم وذهبت به إلى فريقنا .. أنت عارف عشان نرجعوا الشف لصحابتة عملنا حاجة ذى الشيلة .. سقنا خروف وطباقة زلابية وحلويات .. يعنى خسارة خليها ساكت .. لكن الكلام دا كله لزوم النصر .. وهى عادة متبعة فى رد الجميل .. أنظر تلك الأفراح بمناظر اليوم، تلك المناطق الجميلة تم تهجير أهلها بسبب الحروب.

    والله يا ول أبا رجعتنا البلد ..
                   |Articles |News |مقالات |بيانات

21-01-2012, 04:48 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: بريمة محمد)

    أبو أسيل،
    سلامات ..
    Quote: أما الشخص الذي أشرت إليه بالعزف على الدنب فهو الأستاذ فايز مليجي إمبراطور الإيقاع الذي عزف مع كل الفنانين وله إسهامات مع السمندل أيضا..وهو الآن يقيم معنا في ولاية فرجينيا حيث يضبط إيقاع فرقة أوتار النيل..

    نعم، الذى فى الصورة هو المليجى .. وهو يسكن معنا فى فرجينيا هو وأسرته ..


    بريمة

    (عدل بواسطة بريمة محمد on 21-01-2012, 04:50 AM)

                   |Articles |News |مقالات |بيانات

28-01-2012, 11:52 AM

محمد عبد الماجد الصايم
<aمحمد عبد الماجد الصايم
تاريخ التسجيل: 16-10-2005
مجموع المشاركات: 34989

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: بريمة محمد)

    كبّر يا حبيب .. قاعدين (القرفصاء) عديل!!!!
                   |Articles |News |مقالات |بيانات

28-01-2012, 12:21 PM

amir jabir
<aamir jabir
تاريخ التسجيل: 12-01-2006
مجموع المشاركات: 5550

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: محمد عبد الماجد الصايم)

    Quote: ياخي الكرنق ده لو كنت املك على امر السودان ، لكنت قفلت سبع سفارات سودانية و ووضعت بدلهم زينوبا و الكرنق هذي..!!!!


    طبعا يا كبر الواحد مستمتع بالبوست وماعايز يتلب لكن جاى متلب فى التعبير الفوق دة ياراجل العنصرية فى السودان حاجة غريبة بشكل , اكبر الاشكال
    محاولة طمر ثقافة الشعوبة الاصيلة فى السودان لكن هيهات عموما شعب جبال النوبة ساهم بشكل كبير فى حركة الموسيقية فى السودان وخرج منهم ملحن السلام الواطنى السودانى
    لكن فى زول بذكر الكلام دة ولا بذكر عبد الفضيل الماظ زاتوا ؟ قاعيدن نسمع فى المحاضرة القيمة والكعادة مافى اى متداخل ياريت البوست الجاى يكون عن اهلنا البقارة والمردود ومقارنه
    تراث البقارة موسيقية بالشعوب العربية ( على حد زعم بريمة ) خالص التحايا



    الموسيقار المرحوم العقيد احمد مرجان ملحن النشيد الوطنى نحن جند الله جند الوطن {1905_1974} ولد بمدينة الكوه وانخرط فى صفوف الجنديه ف28_6_1914 مبتدئا حياته الفنيه {كولد} بموسيقى قوة دفاع السودان وتدرج فى الرتب الى ان وصل رتبة العقيد فى 11_10_1971.

    ---------------
    قريبك الماسورة شحتوا مر من هنا
                   |Articles |News |مقالات |بيانات

28-01-2012, 12:24 PM

صلاح هاشم السعيد
<aصلاح هاشم السعيد
تاريخ التسجيل: 03-07-2008
مجموع المشاركات: 987

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: محمد عبد الماجد الصايم)

    الاستاذ: كبر ..
    تهنئة
    (عمل رائع)
    أيضاً اعجبني "إنصافك" جراهام عبدالقادر ـ هذا الرجل قدم الكثير للفن السوداني ـ وكنت أظنه ـ هاجر ـ ولم يخطر ببالي أن الرجل يعمل بالسياحة ـ لا أدري كيف حدث ومؤسس (فرقة الأوتار السودانية) ثروة قومية في مجاله ـ التي كرست للغناء من كل (إتجاهات الهامش) ـ لا انسى إعادة توزيعه لأغنية صديق أحمد (أجمل الحلوين) ـ وكنت معجباً "حينها بالتوزيع الجديد: ولسبب ما كنت أرى فيه مقاربة ما بين الدليب والأذن السودانية والمستمع السوداني ـ وحدث أن سألت : المرحوم بروفسير: مكي سيدأحمد فأجاب : بأن جراهام ـ أحدث تغييراً في إيقاع الدليب.
    أخونا كبر :
    ففقط أردت الدخول ـ والتهنئة.
                   |Articles |News |مقالات |بيانات

01-02-2012, 04:58 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11663

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: صلاح هاشم السعيد)

    الأستاذ محمد مركز يرتدى خريطة ترمز لإنفصال الجنوب فى عزاء الشماسة فى بيت الأمير نقد الله :

                   |Articles |News |مقالات |بيانات

01-02-2012, 08:29 PM

منتصرمحمد زكى
<aمنتصرمحمد زكى
تاريخ التسجيل: 04-11-2009
مجموع المشاركات: 4042

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: AMNA MUKHTAR)

    عفوا أخت آمنة الشخص الفي الصورة أعلاه ليس محمد مركز ...
                   |Articles |News |مقالات |بيانات

01-02-2012, 08:48 PM

منتصرمحمد زكى
<aمنتصرمحمد زكى
تاريخ التسجيل: 04-11-2009
مجموع المشاركات: 4042

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: منتصرمحمد زكى)

    Quote:
    صفحة بعض الرحيق الفنية

    قصة أغنية

    زنوبة ..حكاية ظبية تمشي علي إيقاع الكرنق!!

    أغنية (زنوبة) من الأغاني العتيقة والمعتقة وذات طعم سوداني خاص ..وهي تؤكد علي عبقرية الفنان المتكامل (محمد مركز) هذا الفنان الذي لم يجد حظه من الإنتشار الذي يوازي إبداعه ..فهو شاب مبدع حتي النخاع لأنه يكتب الشعر ويلحنه وهو كذلك من أمهر العازفين علي ألة الأكورديون ..كما هو فنان تشكيلي خارق الموهبة وله أصابع ساحر تجسد الواقع في رسوماته والتي تكاد تنطق من شدة قدرته علي الرسم .
    في مرة من المرات سألت محمد مركز عن قصة أغنية (زنوبة) التي راجت وإنتشرت بصوت الفنان محمود عبدالعزيز ..فقال لي( أذكر أن أحد الأصدقاء قدم لنا دعوة لحضور مناسبة وكان برفقتنا الفنان عزالدين جلال وبعد أن تناولنا وجبة الغداء،كانت هناك حفلة في المنزل وهم من جبال النوبة أصلاً وحينما بدأ الغناء في الحفلة كان أيقاع(الكرنق)طاغياً واذكر أن تلك الأيقاعات أستفذتني ,اصريت أن تكون لدي أغنية علي هذا الأيقاع الجميل والساحر،وقمت بتأليف اللحن أولاً ومن ثم بدأت أبحث عن الكلمات المناسبة لذلك اللحن مع أنني كنت أريدها أن تكون بلغة أهل الجبال المحلية ولكن تعدد اللهجات جعلني أكتب كلماتها بالغة العربية ثم أدخل عليها بعض الكلمات من اللهجة النوبية مثل الكرنق والنوبة
    بعد ذلك بدأت كلمات الأغنية:
    بعد ما قلت خلاص من الغرام توبة...شوفو الزمن ساقني ومشيت جبال نوبة
    صادفت لي ظبية سموها زنوبة...شالت خلاص قلبي وحبيتا زينوبة..
    وأنا أعتبر نفسي قدمت جزء من تراث جبال النوبة ومشيت في نفس طريق الجهود الرامية لأنتاج ذلك التراث واخراجه للعالم وأنا الأن بصدد القيام بجولة عالمية للتعريف بأيقاع(الكرنق) وذلك لأدراجه من ضمن الأيقاعات العالمية.


    سراج الدين مصطفى
                   |Articles |News |مقالات |بيانات

01-02-2012, 09:41 PM

Magdi Is'hag

تاريخ التسجيل: 12-12-2004
مجموع المشاركات: 1986

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: منتصرمحمد زكى)

    العزيز كبر
    أنا محكر لي كم يوم بتابع فيك وبرجع لي زمن بعيد زمن جمييل
    الوالد كان ضابط صحه في ابوجبيهه دي بداية الستينات ومسئول من حملات التطعيم نحن ومعاهو في الكومر لافين بين خور ابوحبل لقاوه وام كرشوله وامبرمبيطه ورشاد وتلودي في كل مكان تتملي العربيه بالجوافه والمنقه والعسل والدليب تحن كل شجره كمبه من حلبات الغناء والصراع.....................الايقاعات السريعه وال‘بتساماتالودوده بتعيد كل الصور الحلوه والوجوه الحميمه....كل نغمه بترجع إحساس جميل بي زمن وديع و وطن رائع لم يعرف معنى الحرب والقثل والتشرذم
    لك الود
                   |Articles |News |مقالات |بيانات

01-02-2012, 11:00 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11663

للتواصل معنا

FaceBook
تويتر Twitter
YouTube


Re: الكرنق: عن الإنسان و الثقافة،الى جراهام و محمد مركز.. و البالمبو.. (Re: Magdi Is'hag)

    Quote: عفوا أخت آمنة الشخص الفي الصورة أعلاه ليس محمد مركز ...

    إذا عفوا يا جماعة ..يمكن إسم على إسم .

    ظننته نفس الشخص .
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de