الغزالات الحرة: نقارة ام بقو يا تــوما..!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-09-2018, 01:02 AM الصفحة الرئيسية

مكتبة محمد النور كبر(Kabar)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-08-2011, 10:47 AM

Kabar
<aKabar
تاريخ التسجيل: 26-11-2002
مجموع المشاركات: 16350

للتواصل معنا

FaceBook
تويتر Twitter
YouTube


الغزالات الحرة: نقارة ام بقو يا تــوما..!

    صديقتي توما,, حبابك
    رمضان كريم..
    لا ادري كيف اصف هذه اللحظة: الحرب اللعينة تقف في عتباب خشم بيتي..!
    و رغم ذلك اتذكر الأسئلة الذكية التي مرت بي في حياتي الفانية اللعينة...!
    هل تذكري حينما كتبت عن النقارة و استخداماتها في مجتمع المسيرية في هذا المنتدي و قبل سنوات؟
    انا اذكر عبارتك عن نقارة الفرح ( ام بقو)..
    اهديك هذا الرابط..و هو نقارة الفرح (ام بقو)..و من عجب يا صديقة..تم تصويرها في العاشر من مايو/ ايار 2011..و الأقسى ان التصوير تم في احد قرى جنوب كردفان ،
    و هي قرية ام عشوش في شمال غرب الدلنج..!
    فكرة الغزلات الحرة.. قال بها معلق في اليويتوب..و اظنه هو الفنان السوداني العالمي وليد عبد الحميد ( الشهير بوليد كوش)..فان كان هو .. له سلاما في الرايعين..و ان لم يكن هو فبرضك له سلاما..


    http://www.youtube.com/watch?v=SvsLgnIZ7EA&feature=related

    اتمنى ا يفتح معاك الرابط..و هي حقل نقة كنت ادخرها لأناغم بها زول اسمو محسن خالد..

    الفرجة على النقارة يا توما ، خلي بالك ما بتقطع الصيام..!!

    و دمت..

    كبر
                   |Articles |News |مقالات |بيانات

08-08-2011, 01:37 PM

توما
<aتوما
تاريخ التسجيل: 07-08-2003
مجموع المشاركات: 1466

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: Kabar)

    Quote: الفرجة على النقارة يا توما ، خلي بالك ما بتقطع الصيام..!!




    المشكلة ما في الفرجة

    المشكلة في العدوي التي تمتد بسرعة

    والطاقة المذهلة التي تلتقطها

    والإيقاع الذي ينقر في القلب مباشرة

    ويجعلني انقر أرضية المكتب

    الفرجة تقطع النفس عديل ما الصيام

    عليه..

    نفطر ثم نواصل..




    ___________________________


    إزيك يا كبر يا صديقي ...

    إزي الحال ؟
                   |Articles |News |مقالات |بيانات

09-08-2011, 07:18 AM

Kabar
<aKabar
تاريخ التسجيل: 26-11-2002
مجموع المشاركات: 16350

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: توما)

    كتر خيرك يا توما..
    الحال طبعا مايل.. لكن مش مهم..
    الفكرة في هذا الفيديو..انها طبيعية للغاية..
    يعني ياها دي النقارة زي ما الله خلقها وعلمنا ليها..
    و لمن نجي لنقة السيوسيولوجي و الأنثروبولجي.. عيييك...مفاتيح كتيرة خلاص..
    مثل النموذج ده.. نهائي ما عندو تمثيل في مستوى التخطيط الثقافي في السودان..
    و بالرغم من المجتمع هناك محافظ للغاية.. لكن في النقارة الزولة بتلقى كاملة حريتها في التعبير عن ذاتها..
    لمن الخواجات يقول الـ (fun ) ملح الحياة..فهنا اجد صدق هذه العبارة..
    الطبول سرها باتع يا صديقة..
    نشوف طيبة على طول..
    كبر
                   |Articles |News |مقالات |بيانات

09-08-2011, 07:55 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: Kabar)

    نجمة ام بقو الذهبية ... لمن جات امها ساقتا من وسط الهمباتا المطاليق ديل ... قلبي شحاني ظاطو ...

    انعل ابو الضراما ... لابو الجمال ظاطو ...

    (اقترح تلقيب توما رسمياً بلقب "نجمة امبقو الذهبية" ... الذي تستحقه عن جدارة!)











    ... المهم ....
                   |Articles |News |مقالات |بيانات

09-08-2011, 09:44 AM

توما
<aتوما
تاريخ التسجيل: 07-08-2003
مجموع المشاركات: 1466

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: تبارك شيخ الدين جبريل)

    Quote: الحال طبعا مايل..


    تعرف يا كبر قطعاً (إزي الحال؟) ما حيكون واحد من الأسئلة الذكية و التي ستتذكرها بعد حين رغم ميلانه و ربما إنكساره..

    أنا ذاتي إستغربت لسؤالي عن الحال وهو في تمام الميلان نحو الكعب و الكعب جداً

    طبعاً مايل ..

    ذكرني واحد بقولو ليهو شد حيلك.. يوم قال شديناهو لمن قرب يتقطع ذاتو..

    طيب

    كحركة تتوافق و الطبيعة الإنسانية التي تميل إلي الفرح

    نزوغ من الحال إليها

    أم بقو..

    وتلك الغزالات الحرة..

    إنت قايلني ما جيت بعد الفطور؟؟

    جيت.. لكن تخمة الطعام لا تتماشي و أم بقو علي الإطلاق..

    فأكتشفت أن الروح أخف مع الصيام

    واقرب..

    تعرف

    حرية الرقص دي طبعاً من الحاجات التي تحررها النقارة

    بالذات لينا نحن كنساء

    وأظن التحرر يتم من الصغر

    لما تقوم والنقر حواليك

    يدق في قلبك فتدق القدم و تنثره طرباً

    مثلاً أنا أدق القدم داخل مكتب مقفول وبتحفظ

    ما بالك و أنا محاطة بكمية من الراقصين

    وأغزل مشاعرهم بالنقر

    و(الشّبال) الغير متفق عليه ويتم في حينه بكل إتساق..

    والسر يكمن في الطبول..

    في الطبول يا كبر..

    وهي تعلن عن الفرح

    والحروب..




    ____________________

    صباح الخير يا صديقي..


                   |Articles |News |مقالات |بيانات

09-08-2011, 10:16 AM

توما
<aتوما
تاريخ التسجيل: 07-08-2003
مجموع المشاركات: 1466

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: توما)

    Quote: نجمة ام بقو الذهبية ... لمن جات امها ساقتا من وسط الهمباتا المطاليق ديل ...



    تعرف يا تبارك

    الأمهات ديل ربنا مديهم حاسة براهم

    أسا الأم دي جرتها ليه لمن فرتقت اللمة و الفرح الحاصل ده؟

    أنا عجبني رد فعل الوليدات الرقاصين ديل.. ولا هماهم شئ


    قد يفتينا كبر في الحصل أكتر..


    أنا غايتو أي كلام أمي قالتو لي بإحساس الأمهات ده طلع صاح.. ولو بعد حين
















    __________________________________________________________________

    بالنسبة لــ(اللقب) تصدق مافي اي جدارة تتعلق بـ( أم بقو) أو (الفرح)..
                   |Articles |News |مقالات |بيانات

10-08-2011, 09:58 AM

Kabar
<aKabar
تاريخ التسجيل: 26-11-2002
مجموع المشاركات: 16350

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: توما)

    ول ابا تبارك..حبابك يا صديقي
    كتر خيرك على المرور من هنا..
    الواحد مرات يا تبارك.. عندو احساس كده بيقوم يخليهو يخاف عدييل.. لأن الموضوع احتمال تكون فيه شبهة ولاية (بفهم اهلك الصوفيين)..!
    امبارح بعد ما كتبت ردي للصديق توما.. عرجت على خيطك (سلفيين..اصولييين..الخ)..و قريت الخيط..و جاني احساس اقوم اخط نقارتي دي في نص البوست..و لكني انشغلت عن الفكرة.. لأكتشف انك جيت ماري بي هنا..

    عليك الله يا تبارك ياخي.. اهلنا بيقولوا الوصاة بالمهلة.. ياخي اقري سلام و تحياتي الحارة للشاب الوافر شيخ الدين ( قاعد اسمع حاجاتو)..و هو من دون خلق الله في السودان ده ، بالطبع معه قلة قليلة ، دوما اتمنى أن تقع مثل هذه الأشياء علي عينه..و اعرف جيدا أنها ستكون منجم كنز بالنسبة له مثلما كانت لوليد عبد الحميد(وهو احد الأصدقاء الذين صدف انو قاعد ابراهم بمثل هذه الأمور)..و ربما ستكون بتعني حاجة لبت السودان العظيمة سنيورة رشا شيخ الدين (ياخي الزولة دي يكفي انها علمت اهل الدار في كندا ، الهنود الحمر ، انهم يسمعوا عذارى الحي و يتفاعلوا معاها زي الترتيب)..المهم..

    فتحت المادة يا تبارك في وسط زملائي و زميلاتي في محل الشغل..وكل واحد/ة (يا سبحان الله) عندو او عندها زاوية شوف عجيبة..بعضهم البيقول ليك شباب و شبات رياضيين..و رياضيات..بعضهم بعاين للأكسسوار..بعضهم بعاين للإيقاع..و بيحاول يفرز الرقص مع ياتو ايقاع بالظبط (مع النقارة ولا مع التمبل)..بعضهم بيسال يا ربي الناس ديل عملوا كم بروفة..!!
    طبعا الإستغراب كان لمن قلت ليهم التصوير هو تصوير زول هاوي..و انو الناس ديل ..ممكن واحد فيهم يكون سارح بالبقر..و جا راجع لقى النقارة و دخل فيها تووش..!
    واحدة قريبتي افريكان.. عجبتها فكرة السكسك..واحدة تانية سألت عن الكشكوش في ارجل الشبان..!
    و انا اشيل و انداح..و في نص الإندياح اتذكرت شيخ عبد الحي يوسف.. يا ربي الزول ده بيتكلم عن ياتو سودان بالضبط..؟..
    شفت يا قريبي كيف الحاجات بتكون اكتر حميمية لمن تكون طبيعية؟..طبعا المدهش عيال ابا و بنات ابا ديل (ناس النقارة ديل).. اول حليفة ليهم يقولوا ليك (وحاة سيدي المهدي و خليفتا)..!!
    كتر خيرك يا صاحب في الزمن الضيق..و بعد شوية ح نلحق المادة بمواد اخرى عن المردوم..و الدرملي..و نبسط المفاتيح عسى و لعل اهلنا في السودان يفهموا ليه ابينا حديث الدغمسة اياه..!

    الكلام يا تبارك بيجي بالسؤال..و ارجوك..تقعد معانا هنا..و تسأل عشان نقدر نقدم الإضاءات المفيدة..
    دراما ساكت.. ياخي منعول ابو الجمال ظاطو..!
    تخيل كيف يكون الحال لو ما كنت سوداني؟!!!
    و دمت..
    كبر
                   |Articles |News |مقالات |بيانات

10-08-2011, 10:30 AM

Kabar
<aKabar
تاريخ التسجيل: 26-11-2002
مجموع المشاركات: 16350

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: Kabar)

    صديقتي توما.. حبابك
    كتر خيرك ياخي..اهو الواحد يتونس معاك انتي و اخونا تبارك..و مافي مشكلة تب..

    التحرر ثيمة من الثميات التي خطرت ببالي.. خصوصا بعد مشاهدة هذا الفيديو..و معه فيديوهات اخرى عن المردوم و الدرملي..و في الدرملي.. يا توما ..الزولة بتشارك في الغناء ( ازعم أن الدرملي هو اصل الغناء الكورالي في السودان)..و بتعبر عن روحها.. بعكس المردوم.. الذي يكون الغناء فيه من نصيب المرأة فقط.. و هي التي تؤلف و تغني نصوص فيها رؤيتها تجاه الكون ( اي و الله زي ما بيقولوا ناس البنيوية و النظرية النقدية و الماركسية الجديدة و غيرها من نظريات..) و بتقول رايها بكل وضوح سواء كان في بث لواعج الشوق و الغرام أو في شئون مثل قضايا المجتمع المحلي ( شجاعة.ز كرم.. هجرة..حرب..الخ)..!

    النقارة ام بقو (نقارة الفرح ) عكس الإستخدامات الأخرى للنقارة ، يتم فيها استخدام ثلاث مستويات من الإيقاع: النقارة الصغيرة/البنت..و هي المعروفة بالتمبل ، النقارة الكبيرة ألأم ، و ايقاع الراقصين ( يحدث بواسطة الأرجل و الكشكوش..و سوف نتحدث عنه منفصلا)..!

    صوت النقارة الصغيرة ( التمبل) هو الصوت المتواصل في المادة المعروضة..اخونا و صديقينا وليد عبدالحميد سماهو ( الميلودي)..و الرزم العميق التحتاني هو صوت النقارة الأم( ام بقو)..و هو الذي يتم عليه تكييف حركة الراقصين و الراقصات..!

    مجمل الكلام ان ايقاع الطبلين ( النقارة الكبيرة و الصغيرة).. هو عبارة عن حوار بين الطبلين..يبدا افتتاح الحوار بصوت التمبل.. ثم تدريجيا تدخل ايقاعات النقارة الأم (ناس المزيكا بيقولوا على العملية دي انها عملية قرار و جواب.. أو تسليم و تسلم)..!

    عملية الرقص شاقة للغاية ( قلت لأحد الأصدقاء من هايتي أنها تعادل اربع مباريات من مباريات كرة السلة)..يلاحظ كواريك الشباب الذكور..و العملية دي بتساعد على التنفس.ز عشان الواحد ما يظهر بمظهر التعبان..(ممكن مقارنتها بلعبة الكاراتية)..و المدهش ما بتسمعي صوت الراقصات..و دي بتعني انها اطول نفسا من الراقصين الذكور..و ما بيظهر فيهن التعب نهائي.. شفتي الجمال ده كيف؟..

    و دمت..
    كبر
                   |Articles |News |مقالات |بيانات

10-08-2011, 11:24 AM

Kabar
<aKabar
تاريخ التسجيل: 26-11-2002
مجموع المشاركات: 16350

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: Kabar)

    عن الترميز في الثقافة و السيوسيولوجيا و الأنثروبولجيا الثقافية..


    قال اخونا الكردفاني البقاري ، ول ابا تبارك:
    Quote:
    نجمة ام بقو الذهبية ... لمن جات امها ساقتا من وسط الهمباتا المطاليق ديل ... قلبي شحاني ظاطو


    لفتة ، بالجد ، بارعة يا تبارك..!

    و التحية لأهلنا ناس قرية ام عشوش ( في شمال غرب مدينة الدلنج).. لأنهم حيرونا و حيروا التنظير ذاتو..!

    في النقارة.. خصوصا نقارة الفرح.. بتكون الأم أو الأخت الكبيرة المتزوجة حاضرة بصورة كبيرة..ولو الناس لاحظت في المادة المعروضة.. انو بعض البنات عندهن اوراق نقدية في الراس ( نظام نقطة و كده)..و دور الأم بيكون انها تعاين لأي زول خت قروش.. عشان بعد نهاية النقارة.. ترجع لي كل زول قروشو..لاحظ الأم دي ممكن تكون معدمة للغاية..و ما عندها حق العشا لوليداتها.. و برضك بتقوم ترجع قروش النقطة لأصحابها..طبعا الفكرة ممكن يتم تفسيرها في اطار الأمانة كخصلة انسانية ايجابية..لكن عماتنا و امهاتنا الهناك ديل.. الموضوع عندهن كرامة..الواحدة فيهن ، لو غلطت معاها و قلت ليها خلي قروش النقطة معاك ، ح تقول ليك قدام الخلق كلها ( ليه اخلي قروشك معاي انت قايل بتي دي شــ....الله يكرمن السامعين و السامعات)..!

    طريقة الرقص هنا حرة تماما..و هي اشبه بعملية الصيد أو القنيص..طبعا في التأريخ الشفاهي للبقارة.. ان عملية صيد الزارف أو الفيل او الغزالة .. تتم عن طريق مجموعة خيول تطارد الصيدة بصورة حرة.. يعني كل جواد/حصان بيختار نقطة الهجوم التي تتناسب معه ( لاحظ قوة الترميز ، مجموعة راقصين ذكور تمثل خيول الصيد..و صيدة واحدة انثى)..و اهلنا ناس ام عشوش ديل قناصين من الدرجة الأولي..و طريقة ادائهم في النقارة تشبه تماما.. طريقة مطاردتهم للصيدة العصية..!!!

    طبعا اكتر حاجة ، في الزمن القديم و المثيولوجيا الشعبية ، كانت بتزعج البقارة في الصيد..هي الجاموس.. خصوصا انثي الجاموس..و هي كائن لا ترضى مطلقا في صغارها..و مهما يكن نلاحظ الترميز العالي في تدخل الأم أو الأخت الكبيرة في هذه المادة المعروضة..و هي التي خطفت الصيدة من خيول الصيد اياها..!!!

    الترميز ايضا يتم في صورة اخرى.. أن عادة البقارة في الصيد.. لا يصطادون الإناث..و انما رماحهم دوما تحصد ذكور الصيد..و هذه الخصلة تمت احالتها في رقصة النقارة.. ان الراقصين ( خيول الصيد) لن تؤذي الأنثي..!!

    اشارة اخيرة.. قبال نمرق..عند ملاحظة المادة المعروضة بصورة دقيقة.. يلاحظ أن بعض الراقصين يضع ريشة طويلة على راسه ( كبعض من الزينة/ الإكسسوار)..و هي من ريش النعام..و لأنو الناس ديل ناسي و انا بعرفهم كويس.. فالريش معظمه اسود اللون..و لذلك معنى .. فالريش ريش نعام..و اللون الأسود هو لون ريش الهضليم ( ذكر النعام)..طبعا بطرياركية للطيش ( نسوي شنو عاد ، ياهو واقعنا كده)..و لكن ده مش مهم.. المهم..لو لاحظنا بدقة.. بنلقى الراقصين في لحظة معينة بيميلوا رؤوسهم للأمام نحو الراقصة..و الفكرة انهم بيطعنوا الراقصة (زي فكرة طعن الرماح للصيدة في الزمن القديم.. شفتوا مستوى الترميز كيف..؟!!!)..و طبعا لأن المثولوجيا الشعبية هناك تذهب الى ان الصيدة الواحدة يصيبها رمح واحد فقط.. الملاحظة الدقيقة.. سوف توضح أن من يميل براسه هو راقص واحد فقط..!!!


    الهمباتا في عبارة تبارك يجب أن لأ تمر جزافا.. فهم طبقة تشبه طبقة الشعراء الصعاليك في الثقافة العربية القديمة..و كانوا يؤمنون بالعدالة الإجتماعية..و في السودان ، طائفة الهمباتا كانت تؤمن بهذا المبدأ ، فهم يسرقون من الغني..و يمنحون المسروق للضعيف..لأنهم يوقنون جيدا بان امر العدالة يحتاج تدخل سافر.. غض النظر عن كيفية هذا التدخل .. مسلح أو غير مسلح..
    اما على مستوى المادة المعروضة.. فنقول لأخونا تبارك..
    she is happy
    They are happy
    We are happy
    Is that a problem?

    اتمنى أن يعبر ألأصدقاء دكتور حسن موسى..و دكتور عبد الله بولا..و محسن خالد..و محمد حسبو.. بهذا الخيط..!
    تحية لناس ام عشوش.. اينما كانوا..و كيفما كانوا.. فقد منحونا ، نساءا و رجالا ، فرصة ان نعيد اكتشاف رؤيتنا للعالم..
    و دمتم

    كبر
                   |Articles |News |مقالات |بيانات

10-08-2011, 01:49 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: Kabar)

    طيب وكت افسحت لينا مجال السؤال (بعد فصلت وأجملت ولم تدع لنا شاردة ولا واردة) النسألك:

    علاقة ناس ام عشوش شنو بى "الحمر" بتاعين كردفان، و "الحمراب" بتاعين ودالحليو في وادي سيتيت، و "حمر" اثيوبيا والنيل الأزرق، و "حمر" كينيا والصومال (واعتقد أن نطق "امبررو" مشتق من "حمر" أيضاً)؟

    (ونجمة أمبقو الذهبية ... فاقت نجمة الكرملين "الحمرية")









    ... المهم ...
                   |Articles |News |مقالات |بيانات

10-08-2011, 09:46 PM

توما
<aتوما
تاريخ التسجيل: 07-08-2003
مجموع المشاركات: 1466

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: تبارك شيخ الدين جبريل)

    Quote: اشارة اخيرة.. قبال نمرق..عند ملاحظة المادة المعروضة بصورة دقيقة.. يلاحظ أن بعض الراقصين يضع ريشة طويلة على راسه ( كبعض من الزينة/ الإكسسوار)..و هي من ريش النعام..و لأنو الناس ديل ناسي و انا بعرفهم كويس.. فالريش معظمه اسود اللون..و لذلك معنى .. فالريش ريش نعام..و اللون الأسود هو لون ريش الهضليم ( ذكر النعام)..طبعا بطرياركية للطيش ( نسوي شنو عاد ، ياهو واقعنا كده)..و لكن ده مش مهم.. المهم..لو لاحظنا بدقة.. بنلقى الراقصين في لحظة معينة بيميلوا رؤوسهم للأمام نحو الراقصة..و الفكرة انهم بيطعنوا الراقصة (زي فكرة طعن الرماح للصيدة في الزمن القديم.. شفتوا مستوى الترميز كيف..؟!!!)..و طبعا لأن المثولوجيا الشعبية هناك تذهب الى ان الصيدة الواحدة يصيبها رمح واحد فقط.. الملاحظة الدقيقة.. سوف توضح أن من يميل براسه هو راقص واحد فقط..!!!




    دي كانت ملاحظتي و تشبيهي للحصل بالشبال هنا..



    Quote: و(الشّبال) الغير متفق عليه ويتم في حينه بكل إتساق..







    ____________________________________________


    والمنديل يا كبر؟

    والمنديل؟؟
                   |Articles |News |مقالات |بيانات

10-08-2011, 11:21 PM

ادم الهلباوى
<aادم الهلباوى
تاريخ التسجيل: 27-06-2004
مجموع المشاركات: 9198

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: توما)

    يا سعادة المستشار كل عام وأنتم بخير
    وكل سنة وإنت طيب رمضان كريم يا بركة

    رائع يا جميل كلك




    ..

    (عدل بواسطة ادم الهلباوى on 10-08-2011, 11:30 PM)

                   |Articles |News |مقالات |بيانات

10-08-2011, 11:45 PM

ادم الهلباوى
<aادم الهلباوى
تاريخ التسجيل: 27-06-2004
مجموع المشاركات: 9198

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: ادم الهلباوى)
                   |Articles |News |مقالات |بيانات

11-08-2011, 00:04 AM

ادم الهلباوى
<aادم الهلباوى
تاريخ التسجيل: 27-06-2004
مجموع المشاركات: 9198

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: ادم الهلباوى)
                   |Articles |News |مقالات |بيانات

13-08-2011, 08:20 AM

Kabar
<aKabar
تاريخ التسجيل: 26-11-2002
مجموع المشاركات: 16350

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: ادم الهلباوى)

    ول ابا تبارك..حبابك
    كتر خيرك على المرور..

    ام عشوش تقع في شمال غرب الدلنج..و فيها بقارة (حوازمة..كنانة..مسيرية..بديرية..اوتمباب..برقد)..
    الحمر (بفتح الحاء) ابالة.. مناطقهم في الجزء الغربي من ولاية شمال كردفان..الخوي.. النهود..و شمال ابي زبد..
    الحـُمر ..في المنطقة الغربية من جنوب كردفان..و مناطقهم الفولة..بابنوسة.. المجلد.. التبون..الميرم..و ابيي..و هم مسيرية..

    الحــُمران في شرق السودان..و اعتقد منهم الأسطورة تاجوج..اعتقد ان لهم علاقة بالحلنقة..
    و الإمتدادات التي ذكرتها في اثيوبيا و جيبوتي و الصومال و كينيا.. ايضا موجودة في تشاد و افريقيا الوسطى و الكاميرون..
    ففي تشاد مثلا تجد الخوالمة..و هم العرب الحـُمر..
    الأبالة في شمال كردفان لا يرقصون النقارة..و معظم رقصاتهم تصاحب كرير الطمبور..و الصفقة..و يندر استخدام الطبول..

    بالنسبة لفكرة امبررو..لا ادرى هل هم فلاتة (طبعا محليا قاعدين نقول عليهم فلاتة)..و لكن الأسطورة الشفاهية تؤكد أن اول بقرة سعاها البقارة في تشاد و السودان .. انها كانت هدية من شيخ من شيوخ الفلاتة..و الحكاية دي تمت حوالي ثمانمائة سنو مضت..و هي اللحظة التي تخلى فيها العرب عن سعاية الإبل و اتجهوا نحو سعاية البقر..

    و دمت..
    كبر

    (عدل بواسطة Kabar on 13-08-2011, 08:23 AM)

                   |Articles |News |مقالات |بيانات

13-08-2011, 08:42 AM

Kabar
<aKabar
تاريخ التسجيل: 26-11-2002
مجموع المشاركات: 16350

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: Kabar)

    صديقتي توما..حبابك
    كتر خيرك على المرور..

    نعم هي فكرة الشبال..و اتفق فيها معاك..و هنا يكمن الفرق بين ثقافة البندر و ثقافة الريف.. طبعا الشبال بعض ما وصل البندر اصبح شكل تعبير من الراقصة تجاه الراقص.. اما في النقارة فهو في شكل حوار..و ياتي من الراقص تجاه الراقصة التي تقوم بالرد..

    اما فكرة المنديل.. فهي حديثة للغاية..في زمن كان الكستيوم بتاع الراقصة أن تربط عمة في وسطها..و تمسك اطرافها اثناء الرقص ( يعني تشتغل زي المروحة)..و الفكرة فيها حفظ التوازن..مؤخرا تم استخدام المنديل..و لو ملاحظة الحكامات ديل مافي واحدة فيهن بتكون عرقانة (رغم الجهد الكبير)..
    الشبان (زي ما قلنا الصراخ/العياط عندهم لحفظ توازن التنفس) بيقوموا مع بعض بيدو الراقصة شبال..و هي بتقوم ترد و ترفع المنديل ..لو قاعدة تتفرجي في المصارعة أو الملاكمة ..بتلاحظي احد الأطراف بيقع في الأرض..و بيرفع يده اشارة لأنه يرغب في مواصلة المباراة..في جانب اخر.. في مثل تلك الألعاب (المصارعة و الملاكمة) بتلاحظي في نهاية المباراة الحكم يرفع يد المنتصر..و هي اشبه تماما بفكرة رفع المنديل في رقصة النقارة..و زي ما قلت ليك الموضوع هو موضوع..fun ..و الراقصين بيقولوا للراقصة غلبناك..و هي بتقول بالعكس انا الغالبة..!!

    و نشوفك..
    كبر
                   |Articles |News |مقالات |بيانات

13-08-2011, 08:46 AM

Kabar
<aKabar
تاريخ التسجيل: 26-11-2002
مجموع المشاركات: 16350

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: Kabar)

    ول ابا ادم..حبابك
    لينا طولة..و رمضان كريم يا اخي..
    كتر خيرك على المرور من هنا..و اضافة مواد تراثية..
    طبعا ام عشوش دي يكون ول ابا عبد القادر سالم سرح فيها قبل كده.. لأنها قريب من منطقته..

    و نشوفك..

    كبر
                   |Articles |News |مقالات |بيانات

13-08-2011, 08:56 AM

Kabar
<aKabar
تاريخ التسجيل: 26-11-2002
مجموع المشاركات: 16350

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: Kabar)

    مردوم ام عشوش.. أو القماري قوقن..




    تقول الأسطورة.. أن ام عشوش هو في الأصل اسم لشجرة تبلدي تكثر فيها اعشاش الطيور..!
    و المردوم عادة يكون مصاحب لغناء البنات..و لكن في هذه المادة المعروضة.. يلاحظ أن صوت البنات خافت أو يكاد يكون معدوم..
    و بدلا عن الصوت النسائي.. نلاحظ علو صوت الشباب الراقصين..و هو يحاكي صوت مجموعة من الطيور..و أي مسافر في تلك المناطق.. خصوصا في الصيف.. يسمع اصوات الطيور بهذه الكيفية.. خصوصا طيور القمري و الدباز..!!
    هناك استخدام مدهش للصفارة..و الصفارة المستخدمة هنا.. يقتصر وجوده في القوات النظامية في السودان (بوليس..جيش..سجون)..و هي المعروفة بالصفارة كبسة..
    و اكاد اجزم منذ دخول هذه الآلة الى السودان (منذ زمن الإنجليز) لم يتم استخدامها في لحظة واحدة بواسطة اكثر من ثلاثة اشخاص..!
    غايتو ناس ام عشوش ابدعوا في استخدام هذا النوع من الصفارة..!

    لي تجربة شخصية مع هذه الصفارة..و كانت ملك لأبن خالي..و في رقصة المردوم كان يستخدمها..ولا ادرى المناسبة كانت شنو بالضبط..انتهت الصفارة في يدي..و قبض علي شيخ الفريق..و حكم على بغرامة قدرها خمس و سبعين قرش (طبعا دفعها الوالد) ..و فكرة الغرامة أن الصفارة الة تعود ملكيتها لحكومة جمهورية السودان..!!

    و دمتم..
    كبر
                   |Articles |News |مقالات |بيانات

13-08-2011, 09:00 AM

Kabar
<aKabar
تاريخ التسجيل: 26-11-2002
مجموع المشاركات: 16350

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: Kabar)




    في غالبية رقصات المردوم.. تقف البنات و يؤدين الغناء في شكل صف أو نصف دائرة..
    اما الشبان .. فيكون لهم قائد يسمى الدلال..
    في هذه المادة حدث تطور كبير ( يا ربي ناس ام عشوش تكون فكرة الجندر وقعت ليهم ؟)..فيلاحظ القائدة هي شابة.. ثم صف من البنات.. ثم الشبان في اخر الصف..!!!

    كبر
                   |Articles |News |مقالات |بيانات

13-08-2011, 09:07 AM

Kabar
<aKabar
تاريخ التسجيل: 26-11-2002
مجموع المشاركات: 16350

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: Kabar)

    المردوم المـقـّـلـّب..



    المقلب.. يعني الريتم الأصلي يكون مقلوبا..
    في المردوم العادي يكون الريتم.. تصاعدي.. من الأسفل الى الأعلا في مستوى الريتم
    في المردوم المقلب..يكون الريتم..تناوزلي..من الأعلا الى الأسفل في مستوى الريتم..

    كبر
                   |Articles |News |مقالات |بيانات

13-08-2011, 09:31 AM

Kabar
<aKabar
تاريخ التسجيل: 26-11-2002
مجموع المشاركات: 16350

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: Kabar)

    قبل الخروج.. المردوم من منطقة المسيرية..



    بالمقارنة مع مردوم ام عشوش يلاحظ:
    ظهور الصوتي بالنسبة لغناء البنات..
    الريتم اخف و اسرع..

    بالنسبة للأغنية..او الليرك..
    في تلك المناطق يكثر وجود طائر صغير يسميه اهل المنطقة (كريـّما السبابه)..و من اساطيرهم هناك.. انك ان كنت تمشي وحدك في الطريق و اعترضك هذا الطائر فلاتتبعه..و المدهش ان هذا الطائر يظل يصرخ فيك الى أن يقنعك باتباعه.. فاذا تتبعته.. سوف تعثر على جثة بشر أو ثعبان ضخم.. أو خلايا نحل كثيفة العسل..
    في الليرك.. تم استخدام الطائر كريــّما في شكل كناية عن الواشي..و يتم ترديدها كلازمة..
    لو لقينا فرقة نجي نكتب الليرك..

    و دمتم..
    كبر
                   |Articles |News |مقالات |بيانات

17-08-2011, 12:16 PM

توما
<aتوما
تاريخ التسجيل: 07-08-2003
مجموع المشاركات: 1466

للتواصل معنا

FaceBook
تويتر Twitter
YouTube


Re: الغزالات الحرة: نقارة ام بقو يا تــوما..! (Re: Kabar)

    والغزالات الحرة..
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de