رهيد البردي:عن بلدة حنينه لم اراها ولكني رأيتها..!!!!

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
التحالف الديمقراطي بأمريكا يقيم ندوة بعنوان آفاق التغيير ما بعد هبة يناير 2018
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-10-2018, 12:07 PM الصفحة الرئيسية

مكتبة محمد النور كبر(Kabar)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
15-11-2015, 05:57 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


رهيد البردي:عن بلدة حنينه لم اراها ولكني رأيتها..!!!!

    04:57 AM Nov, 15 2015

    سودانيز اون لاين
    Kabar-كـــندا
    مكتبتى
    رابط مختصر

    لم اراها ، يعني ما شفتها في عمري ، ولم تشوفها ،بعد ، عيني الما اكلها دود البلا دي..!
    رأيتها ، هي استلاف لقول شيخي النفرى (عليه السلام) ، كلما اتسعت الرؤيا ، ضاقت العبارة ،
    فالرؤيا عندي هي ، شوف الروح ، وهو اصدق من شوف البصر ، لأن الثاني مادي ، مصيرو الى زول ، والأولاني روح ، مصيره الى خلود (باٍذن العلي الكريم)..!

    وحنينه ، لأن انسانها كائن ذاكرة يحتفظ ببعض التفاصيل الجمالية ، تلك التفاصيل التي في طريقها الى اندثار ، ومحو ، وضياع حتى ..وهو مثل كل انسان الريف في امسودان ، لازال يحفتظ بذاكرته الخا
    صة ، والأجمل الإستفادة من تكنولوجيا التواصل لعرضها وبثها ، حتى تكون جزء من لوحة كبيرة اسمها امسودان..!

    فهل يمكن أن نكتب عما لم نشوف ، وفي نفس الوكت (عما نرى) ؟..مندري ، على قول شيخنا واستاذنا وصديقنا دكتور حسن موسى ، حياه غمام العافية اينما كان وكيفما كان وحيثما كان..!
    التحية والسلام جملة لأهلنا في رهيد البردي ، واخص بالتحية اخونا البرمكي الحريف ، المثقف الشاب احمد المهدي جوه ، وهو يرسخ لنا فكرة المثقف العضوي كما قال بها قرامشي عليه السلام ،
    فاحمد مصور بارع ، ومتحدث متمكن من موضوع حديثو ، والأهم عندنا زول بيعرض ثقافة جميلة وراسخة تشكل ايقونة جميلة في لوحة كبيرة اسمها امسودان..!

    والتحية لأخونا الفنان علي ابراهيم علي (على الرهيد) واختنا الفنانة حواء رمضان ، واخونا الفنان ادم حمودة..واخونا الفنان احمد شارف واخونا وصديقنا الفنان عمر احساس واخونا الفنان ماجد كوربيا ..
    وهم ممن يعرف بفناني دارفور ، وغيرهم كثر ممن انتبه لجمال الواقع التحتاني وحاول نقله للمشهد الثقافي العام في امسودان..!

    هنا سوف نطبق ونختبر مزعمنا الخاص بان الفيديو ، في عهد ثورة تكنلوجيا التواصل ، اصبح رسالة اجتماعية وثقافية وجمالية ، رسالة كبيرة ومعقدة ومتداخلة في تفاصيلها ، تحتاج التأمل والتوقف والتساؤل والإستدراك..و الإضاءات حتى..!

    فلم ارى في حياتي مدينة رهيد البردي ، ولكن هل انجح في رؤيتها عبر خطاب اهلها؟..

    ولو كنت املك امر علي الحياة ، لحبست احمد المهدي وعلى الرهيد ، وجعلتهم يطوفون مجتمعات العطاواة ، ويقولون تلك المجتمعات ، كثقافة وذاكرة وجمال..فهما يملكان حاجات كتيرة ومقدرات مهمة للغاية..ولكن ..!!..

    كلوة يا صحابي..!
    كلوة..!!
    للجميع هنا ، تعالوا نمشي رهيد البردي ياااااااااااخ..!


    كبر
                   |Articles |News |مقالات |بيانات

15-11-2015, 06:04 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    المنبر شكلو بقى مجوبك ، فالكلمات تظهر مقطوعة ومقصوفة حتى..!



    ملامح من رهيد البردي ، التصور لأخونا احمد المهدي جوه
    الخلفية الموسيقية ، هي مقطوعة مسموعة و مألوفة لأهالي امسودان ،
    المقطوعة اسمها (الفرنقبية)..وسمعتها كثيرا..
    استاذنا الموسيقار حافظ عبد الرحمن مختار ، انتبهى لها ووثقها ونقلها لمصاف العالمية ،
    واول مرة احضر كونسيرت حي للأستاذ حافظ / كان أيام تخرجي من الجامعة ،
    عزمتنا زميلتي وصديقتي ، العطوية الجميلة الأستاذة حنان علي يعقوب لحفل حافظ بقاعة الصداقة..
    اذكر من كلمات استاذنا حافظ ، انه يذكر موقف مواطنة سويدية ، ساقت اربع ساعات (وهي مسافة بعيدة خلاص) لتحضر حفله في السويد..
    بعد سنين ، حدثتني صديقتي واختي الجميلة الأستاذة اميرة ابوه اسماعيل ، عن الفرنقبية ..وقالت هي بلغة الفور وتعني (الغزالات جفلن)..

    سوف نتحدث كثيرا عن هذه المادة ،
    وهي اختارت صور ثابتة ، وموسيقى متحركة ، ولكن الملامح هي التفاصيل التي تشغلنا كثيرا..

    كل سنة والجميع بخير هنا..

    كبر
                   |Articles |News |مقالات |بيانات

15-11-2015, 06:12 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    (1)

    المدخل ، غريب للغاية ، غربة انسان امسودان، ممن اعياه التيه في برية الهوية ..لا عارف روحو عربي ولا عارف روحو افريقي.. ولكن ، بعيد عن تلك المحاجاجات الهايفة ، فانسان امسودان ، يعاني التيه ، ويعاني النسيان ، لأنو اختار براهو العذاب..!
    أي والله اختار العذاب الواحد ده ، وكأنما القرب من الرب ، والوصول الى مكارم الرب يحتاج كل هذا التواضع وادمان النسيان بصورة نحسد عليها..!

    كل المداين ، كل الملامح ، كل التفاصيل ، لا نعرف عن اصولها وحقائقها ، كانما ، نحن اهالي امسودان ، اطفال يفع ولدوا اول امبارح القريبة دي..!

    يحزنني كثيرا ، لحد الإنفعال وتشريط القمصان ، وضرب الراس علي الحيطان (اطمأنوا ، حيطان البيوت في كندا حيطان رحيمة ، فهي مصنوعة من الخشب ، بالكتبر بتقد الحيطة وبكرة بيجي واحد يصلحها ، اما حيطان امسودان ، فمافي زول مفكر كتير يضربها براسو ، لأنو ، وببساطة ، مافي زول مستعد يشغل روحو بسؤالات اكبر من طاقتو..!!)..

    رهيد البردي ، بلدة في غرب امسودان ، تحديدا ولاية جنوب دارفور ، ولو في واحد فاضي زينا كده قام عاين لخرائط امسودان ، سواءا بالعربي المنقوص أو بالإنجليزي المدقق للغاية ، ح يكتشف انها منطقة تقع في حتة بعيدة وتكاد تكون قرب حدود جمهورية افريقيا الوسطى..!

    ولكنها بلدة ، برغم بعدها الجغرافي ، عاشت في وجدان كائن امسودان النساي ، عاشت في خطاب الغناء ، ثم بعد داك مرقت تعبر عن روحها/ذاتها /ثقافتها/جمالها..!

    فيا صديقاتي واصدقائي النبلاء ، من بنات وابناء التيه العظيم في ديار امسودان الحزينة ، الغناء هو اخر واصدق الخطابات النبية التي ينبغي لنا ان نعيد قراءاتها مرات ومرات..ليه؟..لأنو تأريخنا الرسمي ، تأريخ مشوه/معطوب/ منقوص..!

    عندي ، خطاب الغناء السوداني ، هو اخر مؤشرات الصدق الذي يمكن أن يدينا رحمن الذات..اخر مؤشرات الصدق التي نقرأ فيها ملامح تطورنا الإجتماعي والثقافي ، معليش مافيش سياسي ، لأنو من يغشكم بحدوث تطور سياسي في امسودان فهو كاذب..!!

    لكن ، خطاب الغنا في امسودان قال شنو عن (رهيد البردي)؟..

    كبر

    (عدل بواسطة Kabar on 15-11-2015, 06:33 AM)

                   |Articles |News |مقالات |بيانات

15-11-2015, 06:16 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    (2)

    استاذنا الشاعر السوداني الكبير ، مبارك المغربي ، مواطن اتولد في مدينة ام درمان..اوعى ، واحد ولا واحدة فيكم يجي يسألني امدرمان دي وين بالضبط ..لأني بصراحة نسيت موقعها..!!..اسوي ليكم شنو عاد ، مش أنا مواطن من امسودان ، وانتو عارفين انو مواطن امسودان ده عبارة عن مسخ مشوه ، نساي ، ما عندو ذاكرة بي رندوق المثقفين (مش المثقفاتية يا حرسم وعلى عبد الوهاب وسامي عطا..!!)..ياخي مسخ ممكن ينسى انو اسمو أو اسم مدينتو هو شنو وجاي من وين بالضبط..!!..فهل هناك لعنة اكبر من هاتيك لعنة؟..مندري (الحقوق محفوظة لحسن موسى ياااااااااااااخ)..!!

    المهم ، على قول اخونا الضو ول ابا تبارك ..!

    الشاهد انو وليد امدرمان (الحنكوش برواية ناس الحقد الطبقي ناس كبر ومنو كده ما عارف يا المشرف يا صديقي)..سيدنا مبارك المغربي ، عليه السلام ، قام اتجلى.. شعرا.. والشعر اصدق المحكات طرا ، ياخي ده قدامو الإ كن القرآن الكريم (هرشة ساكت يا اهلنا، والبورد مليان مطاوعية اسكت ساكت خليهم..المهم)..الشعر ذاكرة لمن لا يعرف..الشعر انسان لمن لا يعرف ..الشعر مرآة الحقيقة لمن لا يعرف..و الشعر تأريخ لمن لا يعرف..!

    فقبل المس كول ، وقبل التكست مسيج ,وقبل الواتساب، وقبل محرك ماكينة البحث سيدنا قوقل رضى الله عنهو ،( بالمناسبة في واحد شيوعي من ناس الإتحاد السوفيتي اسمو جوجل ، فهل حصل يا سيدي القارئ الكريم ، وسيدة القارئة الكريمة ، ربطو بين مكنة قوقل واخونا السوفيتي جوجل..؟.. الله يعلم ، الإ كن طلعت الطيب ، لأنو ده عارف البير وغطاها..!!)..

    قبل تكنلوجيا التواصل ، كانت الذاكرة في امسودان المنكوبة.. الذاكرة بكل تفاصيلها: الجمالية ، الثقافية ، الإجتماعية ، التاريخية ..بتحفظ عن طريق الشعر..و صدقوني يا اهلنا ، لم اجد ذاكرة سودانية صادق ونبيلة ومحتفظة بالتفاصيل ، كما هي ذاكرة الشعر والغناء في امسودان ..!!..معليش ما تهتمو بهجايص اهل السياسة ، فديل اكبر شرذمة تآمرت على امسودان الوجدان ، امسودان الحقيقة..!!

    قبل تكنولوجيا التواصل ، كان اهلنا بتواصلو بطريقة عجيبة..الواحد فيهم يشوف ليهو حاجة سمحة ، ويقوم يوثقها شعرا ، وبعد داك تقوم تحرقو الصورة في حشاهو ، فيقوم واحد تاني يوثقها لحنا ويغنيها.. عشان تبقى في الذاكرة الى اطول زمن ممكن ..عسى ولعل ، في المستقبل ، يجي واحد موهوم ويعرفها على حقيقتها ويقوم يعيد بثها من تاني (قصد الرسالة العجيبة دي..!!)..

    عبر الشعر ، قام الشاعر الحنكوش (حنكوش لأنو من عيال امدرمان وكده ، زي الوجيه في مدارج الوعي شوقي بدري، ايقونة الحكي التفاصيلي الذاكرة، كرم الله وجهه..!!..الله ، الدعوة السمحة كمان فيها كلام يا اهلنا..؟..غايتو، شوقي بدري ده ، عندنا ، كرم الله وجهه كن يرضى وكن يابا..!!..كرم الله وجهه بالذاكرة النبيلة ، والتفاصيل المنسية ، والحاجات البتنفع معانا نحن ناس امسودان التية على قول الأديب ابوبكر عباس ، وكن ما قلتها يا ابوبكر اعتبر روحك قلتها ياااااااااااااااخ وما تحرجنا مع الأجانب..!!)..قام الشاعر مبارك المغربي ، كتب قصيدة سماها (حب الأديم)..و لأنو الذاكرة الطيبة في امسودان ،هي عبارة عن تسلسل عفوي للغاية ، تسلسل شغال بالهام رباني عجيب .. فالقصيدة بتاعة (حب الأديم) قام التقطها فنان قامة في دنيا الغناء في دار امسودان ، ولحنها، وغناها ، وهو استاذنا الجميل صلاح بن البادية (استاذنا هاشم صديق ، ذكرني ، انو صلاح عمل شنو لينا نحن ناس الخلاء ، مناسبة الإستدراك ، كلامك المجحف بتاع صلاح في مستودع الخزف..!!..سامع يا صديقي يحي قباني ولا اجي اعيد من تاني..؟!!)..

    اها مبارك المغربي ، في قصيدتو (حب الأديم ) والقام غناها صلاح بن البادية ..قال:

    شلت من النيل صباهو
    ومن جمال النيل بهاهو
    من مناظر الثغر صفحة
    من رهيد البردي لوحة
    من نخيل الباوقة طرحة
    من مريدي السمحة نفحة
    الطبيعة حنت عليك
    خلدت بصماتا فيك


    وقبل ما نمشي قدام ، لاحظت ان غالبية المدونيين من امسودان ، ممن قاموا بتدوين نص اغنية (حب الأديم) ، كاتبين ، وربما مزورين ، البيت بتاع:
    من مناظر الثغر صفحة..
    الناس بتكتبو ، وبتنشروا بالصورة التالية:
    من مناظر السير صفحة..
    والثغر الذي تغني به مبارك المغربي ، هو مدينة بورتسودان المعروفة ، فمن منكم يعرف السير تلك؟.. عندي فكرة (السير) مقصودة ، ومن قام باعادة تدوين النص قصد عمدا باقحام المفردة ، بمظنة انه يمكن ان يعيد كتابة التاريخ..!!
    وعشان الناس ما تمشي بعيد خالص ، فالشمولية ، سواءا كانت جبهة اسلامية أو يسار سوداني ، فهي دوما تحاول استغباء الشعب السوداني ، وهو: انتم وانا وغيرنا ، بالتزوير البين في الأشياء..!!
    فمن زور عبارة مبارك المغربي ، كائن مؤدلج ، مسكين ، مسخ مشوه ، كان يظن انه بتزوير التاريخ يؤدي مهمة جهادية ..!!

    كبر
                   |Articles |News |مقالات |بيانات

15-11-2015, 06:25 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    اغنية (حب الأديم)..
    الكلمات : الشاعر مبارك المغربي
    الألحان والأداء: الفنان صلاح بن البادية..
    التسجيل: سنة 1976







    سنة 1976؟..


    السنة دي حصل فيها شنو بالضبط في تاريخ امسودان الحزين؟؟!

    خلونا نركز في حكاية (من رهيد البردي لوحة ) ،

    الباقي ما شغلتكم بيهو..!!


    كبر
                   |Articles |News |مقالات |بيانات

15-11-2015, 10:51 PM

رحمه فضل المولى عجك
<aرحمه فضل المولى عجك
تاريخ التسجيل: 21-08-2012
مجموع المشاركات: 525

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    ود ابا كبر حبابك......... يا اخى والله انا من زمان مستغرب فى رهيد البردى ليه حشروه مع مجموعة مدن متهومه بالجمال ....... تارى معاهم حق ..... سنة 1976 خبرها على ليل لكن زمان سمعت فى رئيس مصري زار غرب السودان ولولا اخشى الكذب بقول جنوب دار فور ...... واصل فى هذا السرد يا ود ابوك والله متابعين
                   |Articles |News |مقالات |بيانات

16-11-2015, 01:09 AM

Elmoiz Abunura
<aElmoiz Abunura
تاريخ التسجيل: 30-04-2005
مجموع المشاركات: 5901

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: رحمه فضل المولى عجك)


    سلامات ياكبر

    مالك داير تزعلنا نحن ناس البقعة, كرش الفيل, أم در

    " استاذنا الشاعر السوداني الكبير ، مبارك المغربي ، مواطن اتولد في مدينة ام درمان..اوعى ، واحد ولا واحدة فيكم يجي يسألني امدرمان دي وين بالضبط ."

    هو من المورده ياكبر. اعتقد ان هناك 3 اسر سودانية بأسم المغربى ومنها اسرةعبدالله المغربى ذات الاصول التونسية- الدارفورية
    واصل فى هذا السرد ياكبر

    مع ودى
                   |Articles |News |مقالات |بيانات

18-11-2015, 02:42 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Elmoiz Abunura)

    ول ابا رحمه..حبابك يا صديقي
    كتر خيرك على المرور..و معليش على التأخير..

    القصيدة قديمة شوية..وذكر السنة أي التسجيل بتاع الفيديو..فكان في تلفزيون امسودان في تلك السنة..
    فعلا السنة حصلت فيها حاجة في تاريخ امسودان ، ولكنها ليست زيارة رئيس اجنبي..
    وندي الشباب فرصة تتذكر تاني..ولاحقا ح نجيب الحصل شنو..ومعاهو شويات محدقات..
    رهيد البردي انا كنت ذاتي قايلها خلا ساكت..وقد تكون حتى الآن..لكنها جميلة بطبيعتها وناسها..وهو ما نحاول استكشافو في الخيط..كن المولى هون..
    كتر خيرك..

    كبر
                   |Articles |News |مقالات |بيانات

18-11-2015, 02:44 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    صديقي المعز ابو نورا..حبابك
    كتر خيرك على المرور..
    والله ما جاب زعل ياصديقي..
    اليومين ديل الواحد بقى ماشي تحت الحيط..فلن اندهش لو جا زول ، نظام تلحة ساكت وسألني امدرمان دي وين..طبعا ح اقول ما عارف موقعها..

    السرد ح يكون مستمر شوية..بس نلقى لينا فرقة ..و نقارب الحاجات..

    التحية لأستاذنا الشاعر مبارك المغربي..في القصيدة دي غايتو كان عندو ذاكرة تفاصيلية بصورة مذهلة للغاية..

    كتر خيرك على الإشارة لكتاب فؤاد مطر..

    كبر
                   |Articles |News |مقالات |بيانات

18-11-2015, 03:02 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    (3)
    بحثت عن سيرة الشاعر مبارك المغربي ، وهي بالمناسبة غير مكتوبة بصورة جيدة في جخانين الشبكة العنكبوتية ، وعرفت انه من ضمن اشغال كتيرة عمل بها ، انه عمل بمصلحة البريد والبرق.. البحث ده ، لأني مندهش وقاعد اتساءل ، كيف تسنى لمبارك المغربي التجوال في امسودان بصورة تمكنه من الكتابة بدقة في توصيف الأشياء..!

    فتلك المصلحة ، قصدي البريد والبرق ، كانت قومية او فيدرالية أو مركزية ، اهل يتنقلون في كل بقاع امسودان ، ويختبرون التنوع الحقيقي في امسودان. فمثل تجربة الشاعر مبارك المغربي الذي رسمت اطلس مصغر لطبائع وجمال بقاع السودان المختلفة ، كانت ايضا تجربة الشاعر الكبير مصطفى سند ، والذي كتب بعض من قصائده حينما كان في اجزاء من جنوب السودان ، وقبله ايضا الشاعر الكبير محمد المهدي المجذوب وغيرهم من الشعراء السودانيين الذين خلدوا تفاصيل وملامح الناس والمجتمع والطبيعة عبر الشعر..

    طبعا لا ننسى ، ان تلك المصلحة بتاعة البريد والبرق ، كانت اول تختة تنشين لمشروع الجبهة الإسلامية ، فيما عرف بالخصخصة ، وتم تخصيص المصلحة ، وبالتالي نشأت حاجات زي سوداتيل وغيرها من شركات الإتصال..والجبهة الإسلامية لم تبتدع الحاجات من عندها ، وانما لقت رؤوس خيوط سابق وقامت اعتمدت عليها ، ففي حكومة الصادق المهدي..حدثت مشكلة مواصلات (المواصلات بتاعة البصات والتاكسي التعاوني والحافلات..الخ)..اها ناس الصادق قاموا جابوا شركة استشارات هولندية ، وقالوا ليهم شوف لينا كيف نحل مشكلة المواصلات.. اها ناس الشركة جوا السودان ، وعملوا بحوث حقلية..يركبوا البصات ويسألوا الناس..انتا ماشي وين يا اخينا؟..ووالله ماشي اشيل الفاتحة في الصحافة..!..انتي ماشة وين يا اخت؟..والله بت جيرانا زمان ولدت في الحاج يوسف والليلة السماية..وهكذا..اها ناس الشركة الهولندية ..مرقوا بخلاصة انو السودانيين ما عندهم مشكلة مواصلات ، وانما عندهم مشكلة اتصالات.. أي مشوار ، لو اتوفرت تلفونات قوية ممكن تحسم الحاجات والناس تقعد في بيوتها وبالتالي تتحل ازمة المواصلات..!..اها ناس الصادق المهدي قالوا الهولنديين ديل مجانين ولا شنو؟..نقولهم بصات يقولوا تلفونات..!..دراسة الجدوى دي كانت جاهزة ..والجبهة الإسلامية اول ما نطت في الحكم قامت طبقتها ، ومشت تووشك للإتصالات وقامت بالخصخصة المعروفة اياها..!

    ومريدى السمحة التي ذكرها مبارك المغربي وهو يمجد (حب الأديم) كأبهى ما يكون التمجيد ، ذهبت جنوبا واصبحت جزء من دولة جنوب السودان ، بقت اجنبية زي الكاتبة الجميلة استيلا قايتانو ، ولكنها ، أي مريدى اترقت شوية وبقت كاونتي (يعني محلية بلغة سياسة ناس امسودان) ، ورهيد البردي برضك اترقت شوية وبقت محلية في ولاية جنوب دارفور..

    لكن مريدي سمحة بي شنو ولي شنو؟..فهذا امر لا نستطيع أن نحكي عنو الآن..اما رهيد البردي لوحة..فهذا ما نحاول اكتشافو عبر الحاجات البسيطة المتاحة..!


    كبر
                   |Articles |News |مقالات |بيانات

18-11-2015, 03:06 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)






    (4)

    اول ما لفت انتباهي حكاية الإسم ، قصدي رهيد البردي ..وحاولت التفكير المباشر..يعني البحث عن معاني المفردات.. فالرهيد هي تصغير كلمة الرهد..وهي تعني بقعة مياه ثابتة غير جارية .زيها وزي فكرة البحيرة..ومناطق كثيرة تحمل نفس الأسم ، مثل مدينة الرهد اب دكنة في شمال كردفان ، ومنطقة الرهد في شرق السودان ، اما (البردي)..وهناك تنطق بكسر الباء والراء معا..ففيها قولان..لأن المتبادر للذهن انها من فكرة (الورود) اي الذهاب الى محل الموية..وفي اعتقادي..ده تصور اعتباطي.. فمعروف ان الإنسان يرد الى محل المياه أينما كانت ..فهل تخصيص لجة مياه معينة مفيد؟..لآ اظن ، والإ اننا سنجد كل بقعة مياه في امسودان سوف تضاف اليها مفردة (البردي/الذي يرد الماء)..!

    القول الثاني ، ان البردي هي جاية من نبات البردي المعروف في الحضارات السودانية القديمة ، وهو النبات الذي تجلت فيها عظمة انسان تلك الحضارات بان صنع منه اوراق خاصة للكتابة..وهو ما نراه اليوم في مصر ..حيث اصبحت البرديات لوحات جمالية تباع لمن يرغب في اقتنائها كأشياء جميلة..
    ونبات البردي..
    Cyperus Papyrus
    هو نبات مائي ، اي ينمو في المياه ، واصل موطنه افريقيا..وقد طوره الإنسان لإستخدامات عديدة..وبالتالي يمكن أن تكون تسمية تلك البلدة ، جاية من نبات البردي..

    لاحظت ايضا اسم قرية في غرب كردفان (تقع بين مدينة لقاوة شرقا ومدينة الفولة غربا) واسمها البردية..وهي الأخرى تقع بالقرب من جبل الزنقور الذي كان حقل حفريات قديمة لتبيان مواقع اثرية ، منها اكتشاف ما يشبه المدينة في تلك الحفريات..وهذا غير مستغرب ، لأن حدود حضارة كوش القديمة لم يحدد احد بعد امتداداتها الجغرافية..وانا اتفق مع اهلنا ناس جامايكا ممن يذهبون ان كوش عندهم تعني كل الحزام الممتد من البحر الأحمر شرقا الى المحيط الأطلسي غربا ..!

    المفارقة أن مريدي السمحة ، هي الأخرى مدينة تحفها كثير من مصادر المياه سواءا كانت رهود أو بحيرات.. وفي الوكيبديا حينما تحدثوا عن نبات البردي ، ذكروا ان بعض اهل الجنوب يستخدم النبات في صناعة المراكب الصغيرة..وحينما نقارن ذلك بواقع رهيد البردي ، ان اهلها يستخدمون مراكب صغيرة ويسمونها (الطرور)..!!

    فهل يا ترى الطرور حقنا ده ياهو نبات البردي؟..وهل ممكن نصنع من الطرور صحائف اشبه بالورق وتعيش على مر السنين؟..


    كبر
                   |Articles |News |مقالات |بيانات

18-11-2015, 03:11 AM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8484

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    سلام يا كبر
    و شكرا ياخي على بذل هذا الجمال.
    ابن البادية قال في اغنيتو من رهيد البردي لوحة و من نخيل الباوقة طرحة و من مريدي السمحة لمحة.
    مريدي ذهبت لحالها و ما ظنيتها تعود، الباوقة بلد امي و فيها اخوالي. اما رهيد البردي فبلد صديقي
    محمد عيسى او محمد خالد و الاسمين له. محمد عيسى تخرج من اسيوط و انا من الزقازيق و رغم
    بعد المسافة بين دلتا مصر و صعيدها كيلومتريا و وجدانيا و ثقافيا و اي حاجة الا صداقتي بمحمد
    عيسى تخطت هذه المسافة و بطريقة ما كنا قريبين جدا في زمن لم يكن فيه لا موبايل و لفلا انترنت
    و لا خلافه. الشاهد في الأمر أن ما جمعنا هو سودانيتنا و اشياء انسانية كثيرة مشتركة قراية و شعر
    و غناء ..مارسيل خليفة و بوب مارلي و عقد الجلاد و لم تكن لا الباوقة و لا رهيد البردي حاضرتان
    في مشهد الصداقة هذا. عندما استرجع ما حدث احس اننا تجنبنا الحديث عن المكان هناك في امسودان
    عمدا لأننا لا نعرف في الحقيقة اي شي عن اماكننا تلك. معرفة الشمال ربما تكون مفروضة على محمد
    عيسى بحكم اذاعة امدرمان و تلفزيون امدرمان و جرايد الخرطوم اما رهيد البردي فغائبة عن المشهد
    تماما. انا شخصيا لم اقابل احدا من رهيد البردي سوى محمد عيسى و عن طريقه تعرفت على آخرين
    و لكن الحقيقة هي اني لا اعرف اي شي عنها و لا عن ناسها و لا عن غناهم و عاداتهم و نشاطهم الاقتصادي
    لا شئ بتاتا البتة. اذكر ان محمد عيسى مرة اخبرني بطريقة عابرة و سريعة انهم يشترون و يبيعون
    في بانقي في افريقيا الوسطى اكثر من الخرطوم و انه في الاجازة قد يقضي اسبوعا احيانا ليصل
    لأهله ما بين حلفا و الخرطوم.
                   |Articles |News |مقالات |بيانات

20-11-2015, 08:55 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: سيف النصر محي الدين)

    up
                   |Articles |News |مقالات |بيانات

20-11-2015, 09:16 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    سيف..حبابك يا صديقي..
    كتر خيرك على المرور..ونعتذر عن التأخر في المطايبة..
    اها شكل التداعيات (الحقوق محفوظة لأستاذنا وصديقنا يحي فضل الله )..المتل دي ياها الدايرنها يا صديقي..!
    والتحية لصاحبك..اياه..

    نعم يا سيف ، ناس رهيد البردي وام دافوق..بانقي اقرب ليهم من الخرطوم..!

    طبعا حكاية (طرحة) دي ما وقعت لي نوهائي..و يا ريت ناس الباوقة وناس ثقافة النخيل يشرحوا لينا اكتر..!

    اتمنى أن اشوف الباوقة .. ان شاء الله في شريط فيديو في اليوتوب..و الشغلانة دي مافيها أي تكلفة تب.. فبربك قول لي كم واحد/ة شايل اسمارت فون في الباوقة؟..هبطرش..عدد كبير..!!
    فهل بيغلبهم يصوروا لينا ملامح الناس العادية..اسواقهم..احزانهم..افراحهم..جناينهم..الخ..!!

    مرة يا سيف ، طلبت من كل شباب البقارة ، اولاد وبنات ، انهم يصوروا حاجات اهلهم..الناس العادية.. الرقص..المزيكا..العادات..الخ..ونجحت الفكرة..والليلة لو مشيت اليوتوب..ح تلقى مواد عن تلك المجتمعات..حاجات كتيرة للغاية..ودي الحتة الدايرنها تكون واجب كل فرد عادي في ثقافة عادية غير ممثلة في المين استريم كلشر..!!..فثقافة انسان الباوقة مثلا.. انا اعتقد انها مغيبة ومهمشة شديد..لأنو ناس (هنا امدرمان) كانوا بيختاروا الحاجات البتتوافق مع معاييرهم الضيقة .. (الباوقة لذيذ تفاحها ، او ..نخيل الباوقة)..لكن انسان الباوقة التحت.. الإنسان الكادح..البيزرع..البيفرح..البيحزن.. القاعد يبني قواعدو الثقافية بطريقتو الخاصة..فالإنسان ده مغيب تماما يا صديقي..!

    سعيد بمرورك يا سيف..ويا ريت تقول لناس الباوقة..يصوروا حاجاتهم..الحاجات البتعضد وجود التنوع الثقافي المميز في دار امسودان..وصدقني مثلما انت صادقت صاحبك بتاع رهيد البردي..ممكن بي فيديو واحد.. شعوب كتيرة في امسودان ، تكتشف انها حاجة واحدة..!!

    كتر خيرك يا سيف..
    كبر
                   |Articles |News |مقالات |بيانات

20-11-2015, 09:25 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    الفيديو..
    تصوير احمد المهدي جوه..



    يوم السوق ، المعراقي ، المناصيص..الزولة في السوق..ثم النص..نص الأغنية..والتحية للشابات ديل..


    كبر
                   |Articles |News |مقالات |بيانات

20-11-2015, 09:28 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    (5)

    من الملامح الجميلة ، حكاية (يوم السوق) ، وهي ظاهرة اجتماعية موجودة في كل ارياف امسودان ، ولكن الأخ احمد المهدي جوه التفت اليها ووثقها..تحديدا في رهيد البردي..

    ويوم السوق في تلك البقاع ، خصوصا مجتمعات البقارة..هو ظاهرة اجتماعية..فيها الناس ما بتمشي عشان تتسوق وبس ، وانما مكان للتلاقي وتداول الأخبار..طبعا الكلام ده قبال دهر الموابايل وبقية تكنولوجيا التواصل المعروفة اليوم..ففي يوم السوق الناس بتعرف منو الداير يعرس ..منو الولدت طفل وعندها سماية ..منو المات..وشنو الحيكومة بتقول أو بتدور..وهكذا..

    فاهل الريف عندهم السوق ما حاجة يومية..و انما تخصص ايام معينة من الأسبوع..مثل أن يكون السوق يوم الإثنين والخميس..والبعض بيكون السوق يوم الجمعة..!

    الناس من الريف بتجهز حالها..ومرات بتقوم الساعة اربعة صباحا وترتب حالها للمشي للسوق..والناس بتشيل خيرات الريف: محصولات..روب..سمن ..عسل..وبهائم..أي نوع من البهائم (بقر ، ضان ، ماعز ، حمير ، خيل..دجاج ..الخ)..!
    في الفيديو بتظهر مجموعة من الناس..وهي ماشة على السوق..بعضهم (اقروب) أي ماشي على الأرجل ، وبعضهم (زامل) أي يمتطى ضهر حمار او حصان..وبتلاحظ في مجموعة ماشة قدام البهائم (الدليل/المقدم ، ودي الحتة الجاية منها رتب الجيش المعروفة)..وبنلاحظ انو الزول (الدليل) شايل العكاز على اكتافو..والطريقة دي مشهورة في كل مجتمعات الرعاة في افريقيا ، خصوصا الحزام الثقافي الذي نتحدث عنه كثيرا ..!

    البهايم الماشين بيها السوق ، بيتم عزلها من المراح في وكت مبكر..وهي شغلانة متعبة شديد..لأن البهائم عندها احاسيس وشعور وبترفض تفارق القطيع بسهولة..عشان كده بتلاحظ مجموعة بهايم ماشة على السوق ، فكل زول بيجيب بهيمتو ..و بيلمها على بهايم الأخرين..عشان يمشن في مجموعة ويحس بروح القطيع (حتى لو قطيع مزيف)..!

    مرات يكون عندك عمك..يقول ليك اعزل لي البهيمة الفلانة عشان داير اوديها السوق باكر..اها تقوم تعزلها ، بعد تعب..وعمك في كسر من الثانية يقوم يغير رأيه..طبعا البقارة اصعب حاجة عندهم الواحد يودي بقرة عشان يبيعها في السوق..!

    مرات تكون البهايم نشت ، يعني مرقت على الفلاة..ويقوم عمك واحد يقرر انو داير يلحق السوق..ويقول ليك امشي الحق المراح واعزل البهيمة الفلانية..وتمشي تجيبها من سقط لقط عشان تلحق السوق..!

    طبعا اظرف حاجة ، يقوم عمك واحد يعزل افضل ما عندو من بهائم (يكون عددها زي سبعة لعشرة) ويمشي بيها السوق من باب العرض فقط..!..والله صحي..!

    طبعا الناس هناك بتبيع البهايم لأغارض عديدة (نادر ما يكون من بينها شراء مواد غذائية..!)..مرات بتكون دايرة تشترى بهايم اخرى وتزيد بيها المراح ، ومرات بتكون لمجاملة اجتماعية (يكون واحد قريبك داير يعرس مثلا)..ومرات لدفع دية ..ومرات لظروف قانونية (كان يكون عندك قريبك عندو مشكلة مع القانون).. فالبقارة نادرا ما يبيعوا بهايم عشان الأكل والشراب ، لأنو ديل عندهم مقدور عليها..من غير الحاجة لبيع البقر..!

    كبر
                   |Articles |News |مقالات |بيانات

20-11-2015, 09:29 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    (6)
    طبعا سوق البهايم ، ده السوق الوحيد في امسودان ما فيهو فكرة اسعار ثابتة..والأمر بيكون عبارة عن عملية تفاوض..وبيسموها (السوق: يفتح الله ويستر الله)..يعني تكون عندك بهيمة ، يجيك مشتري ويقول ليك ح ادفع ليك كذا..فاذا السعر نفع معاك بتقول اوكي (مبروك عليك)..اما اذا لم يوافق السعر معاك..بتقول (يفتح الله)..طبعا في وسطاء (سماسرة)..وديل مهمتهم يساعدوا في اتمام الصفقات.. مرات بيكون في تاجر كبير داير يشتري كمية من البهايم..فبيقوم يجيب السماسرة..و ديل مرات بيعملو غتاتة..يعني يتفقوا على اسعار دنيا للغاية..!
    هناك حاجة اسمها الضُمان (مفردها ضامن)..وديل مهمتهم يتأكدوا انو البهيمة ليست مسروقة أو شايلنها من زول من غير ارادتو..وكل خشم بيت بيكون عندو ضامن ..يعني بيعرف ناس خشم البيت المعين..وبيقبض كومشن (عمولة) في الضمانة دي..زي ما السماسرة بيقبضو عمولة...!
    سوق البهائم..بيكون مقسم : سوق الضان والماعز ، سوق البقر ، سوق الحمير ، سوق الجمال..وهكذا..!

    كبر
                   |Articles |News |مقالات |بيانات

20-11-2015, 09:30 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    (7)
    المعراقي:
    وده طبيب بلدي..بيشتغل بطب الأعشاب وكده..و بنلاحظ ..الفيديو وثق ليهو..عمك قاعد..و قدامو كمية من العروق المفروشة..و فاتح ليهو كتاب..يعني نظام يشوف الخيرة..وكده..
    المناصيص:
    بنلاحظ في الفيديو..مجموعة من الناس شغالين في شوايات بلدية..وقاعدين يشوا كمية من اللحوم..ودي الفكرة الجات منها حكاية (سوق الناقة ، قندهار..الخ)..!
    في ثقافات البقارة اللحم يطبخ بثلاثة طرق: لحمة مركبة(ركوب) ودي هي الطريقة العادية بتاعة الحلة أو البرمة ، وبتكون فيها الشوربة ..ودي بتعملها النساء..طريقة تانية: طريقة الشية على الجمر (حروق)..ودي غالبا بيعملوها الرجال..وطريقة تالتة: لحمة نصيص..وهي شية على اللهب..وهي الظاهرة في الفيديو.. في طريقة تانية للنصيص ..وهي نادرة للغاية.. بان تحفر حفرة وتفرش فيها اعشاب وتوضع اللحمة..ثم تدفن ، ويوضع الجمر فوقها (خارجيا)..!
    فكرة النصيص ، في رهيد البردي ، ونشكر اخونا احمد المهدي بتصويرها وتوثيقها ، بطريقتها التي تبدو بدائية ..هي النواة الأولى لبعض الآت الحداثة التي نراها اليوم في المدن.. مثل الشوايات بنظام التسخين (اوفن)..ومنها شواية..
    Grill
    Barbique
    اضافة لفكرة سخان الشاورمة..!
    الحاجة التانية.. بنلاحظ فكرة شرايح لحمة صغيرة في عصى رقيقة أو مطرق..وهي الحاجة المعروفة في امسودان بــ (اقاشي)..طبعا معظم ناس المدن في امسودان بتستخدم معدن (سلوك حديد)..لكن الطريفة ..في رهيد البردي ، الناس بتستخدم خشب..وهي طريقة صحية للغاية..و الناس القاعدين في نورث امريكا ، هناك سلسلة مطاعم اغريقية شهيرة اسمها ..
    Oppa
    وعندهم بعض الوجبات فيها نفس فكرة شرايح اللحمة في الأعواد..!
    الطريفة انو طريقة المناصيص في رهيد البردي..عبارة عن ثقافة وفن..و الناس القاعدين يشتغلوا الحكاية دي بتحس بيهم مستمتعين بيها قبال امتاع الجماهير..!
    طبعا يظل اصل الحاجات عندي ، هو ناس رهيد البردي وما شابهها من مداين المجتمعات الصغيرة في غرب السودان..!


    كبر
                   |Articles |News |مقالات |بيانات

20-11-2015, 09:32 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    (8)

    في الفيديو ، وفي يوم السوق ، بنلاحظ وجود المرأة ..وهي شريحة مهمة للغاية..!

    طبعا ، مجتمعات البقارة عموما ، فيها فكرة (تقسيم العمل ، كما قال بيها ابو السيوسيولجيا الحديثة اميل دوركايم)..فبنلاحظ انو النساء بيعرضن سلع معينة..سمن ، روب..دكوة..الخ..
    لكن الحاجة الغريبة للغاية ، هي قوانين الذوق ، فالزولة القاعدة في السوق وعارضة ليها روب وسمن..الزولة دي بتكون قاعدة من الساعة خمسة صباحا لغاية نهاية يوم السوق (الساعة ستة مساءا) ، ونوهائي لا بتشرب ولا بتاكل..!!..ليه؟..
    طبعا المرأة الريفية ، خصوصا في مجتمعات البقارة ، عندها نظرية ذوق عجيبة ، مفادها انو الأكل أو الشراب في السوق ، حاجة منقصة وعيب..!..حكاية كده زي فكرة قانون النظام العام بتاع ولاية الخرطوم..!
    اضافة لذلك ، البقارية ، خصوصا الشابة ، ما بتاكل ولا بتشرب قدام الزول الفي سنها ، خصوصا ود عمها الممكن يكون عريس محتمل..!!


    كبر
                   |Articles |News |مقالات |بيانات

20-11-2015, 09:40 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    جميل كالعادة يا صديقي كبر
    ربنا يحفظك ياخ ..
                   |Articles |News |مقالات |بيانات

21-11-2015, 05:48 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: طلحة عبدالله)

    ول ابا طلحة..حبابك يا صديقي
    كتر خيرك على المرور والمؤازرة..!

    كبر
                   |Articles |News |مقالات |بيانات

21-11-2015, 05:50 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    (9)

    وقلنا (ثم النص .. نص الأغنية)..

    وهي الغنية البتشكل خلفية الفيديو عن رهيد البردي ، من تصوير اخونا احمد المهدي جوه ، والقمنا عرضنا فيهو بعض من ملامح الثقافات البعيدة ، الثقافات الغير ممثلة بصورة جيدة في المشهد العام ، مشهد المين استريم كلشر..!
    الأداء ، لا اعرف المغنية و الكورس البيشيل معاها ، مع انو الشغلانة واضحة هي شغل تكنو(تقنية الكهرباء او ما شابه)..يعني صوت واحد للمغنية ، وصوت واحد للشاب البيشيل معاها ، والفكرة هي توضيح الجماعية في الأداء ، لأن تراث تلك المنطقة ، وغيرها من مناطق البقارة على امتداد الحزام الحضاري والثقافي ، بتقوم على الجماعية..مثل غناء المردوم ، الدرملي ، ام رقيبة ، السنجك ، الكاتم ..وغيرها من النماذج..!

    في النموذج ده ، ايضا بنلاحظ فكرة الحوار.. و انو الصوت الأساسي صوت زولة (انثى) ، وصوت الزول (الذكر) بيكون تابع ، وده خلاف للصورة المصطنعة عن بعض ثقافات امسودان التي تذهب الى التوصيف بانها ثقافات ذكورية..وهنا بتظهر انها ثقافات متسامحة..في تحديد العلاقة بين الذكر والأنثي..وقد يقول قائل انها ، في جوهرها الغميس هي ثقافات امومية..بتكون للمرأة فيها سيادة بتظهر بطريقة أو بأخرى..!

    الريتم ، او الإيقاع ..اختاروا ليهو ايقاع المردوم ، وهو الإيقاع الشايع في معظم تراث البقارة في امسودان ، وهو يشكل المضمون الأكبر في توحيد تلك المجتمعات المتناثرة على طول الحزام اياه..!..الموسيقى ، عموما ، هادئة وبتشبه شغل امكيكي والمناحات.. فالبنات هناك حينما تغني ، بتختار الأداء على تلك الشاكلة..!

    فكرة النص العامة ، زولة بتناشد امها بالأ ترفض الحبيب حينما يتقدم لحطبتها ، أي خطبة البنية..وبالتالي الزولة (البنية) بتعرض قضيتها بصورة بهية للغاية وفيها منطق متسق ، يعني بتدافع عن اختيارها..لماذا وكيف؟..
    فكرة النص برضك بتوضح فكرة الحق في حرية التعبير في ثقافات البقارة ، وبقية ثقافات امسودان ، ففي الغناء تجد المرأة حرية وبراح اكبر من حرية الرجل (ياخي هناك لو جبت ليك اسم زولة ساكت الضحك شرطك)..!


    كبر
                   |Articles |News |مقالات |بيانات

21-11-2015, 05:53 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)




    (10)

    عموما ، النص هنا..يجري هكذا:

    يمه وقي ليه ،
    كن جاكي ما تابيه ،
    الول حنجور الصيد ،
    انا نور عيوني ليه ،

    الصندل الفواح ،
    انا نور عيوني ليه ،
    زي نسمة الصباح ،
    انا نور عيوني ليه ،
    برق الخريف اللاح ،
    موشح بالفلاح ،
    سرف القليب حنان ،
    لامن دعاشا فاح ،
    يمه وقي ليه ،
    الول حنجور الصيد ،
    كن جاكي ما تابيه،

    ليمون الفي الجنين ،
    انا نور عيوني ليه ،
    اخدر عديل وزين ،
    انا نور عيوني ليه ،
    يا ربي تم البين ،
    فرّح الحلوين
    زولي البريدو ، يا ناس
    كحل سواد العين..



    الإضاءات:
    يمه وقي ليه..
    (وقي) بمعنى ابني ، وفي ثقافات البقارة ، لا يقولون فلانة بنت بيت ، وانما يقولون (وقت)..
    (كن) بمعنى اذا ..ما تابيه أي لا ترفضيهو..لكن منو الجاي؟..
    (الول ، حنجور الصيد)..الول بمعني الولد..حنجور أي عنق/جيد..والتشبيه هنا مستقى من البيئة المحلية ، وفيها يكثر الغزال الأفريقي (غالبا بلون اصفر ، وشرائط سوداء على الجوانب)..والذي يتميز بطول العنق ، وتوازن القامة..(مافي غزال افريقي سمين..!!)..
    (الصندل الفواح)..وهو تشبيه المحبوب بالصندل ، ولاحظت في معظم نصوص الغناء من تلك المنطقة (هبانية ، تعايشة ، رزيقات ، مسيرية ، سلامات..الخ)..بيسخدموا مفردة (الصندل) تلك..!
    فعناصر الجمال هناك عديدة ، لكن التغني يكون بمفردات معينة .. مثل (الصيد) ، (الصندل) (البرق)..الليمون..الخ..!
    (اخدر) ، أي اخضر..وهي توصف لون المحبوب..ومعروف أن اهالي امسودان ، تستخدم (اخدر) في وصف لون البشرة ، وايضا تستخدم (ازرق)..!
    (زولي البريدو ، يا ناس ، كحل سواد العين)..فهي توصف المحبوب بان لونه مثل لون الكحل ، طبعا المعروف ان لون الكحل ازرق غامق ، واهالي امسودان تقول فلان لونو ازرق..!
    المفارقة هنا ، المزاج العام في ثقافات الغناء في امسودان ، خصوصا اخر تلاتين سنة ، يتغني باللون الفاتح ، ناهيك عن اوهام فتح البشرة ومأساة الكريمات..!!..ولكن البدوية لا تخجل من وصف محبوبها بانو لون بشرتو اخدر/اسمر أو ازرق/اسود..!!


    كبر
                   |Articles |News |مقالات |بيانات

21-11-2015, 08:56 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    بوست رائع ول أبا كبر،
    الغريبة يا ول أبا كبر، أنت أنتبهت لموقع رهيد البردي فى وجدان الشعب السودانى .. ولكن لو بحثت عن موقع رهيد البردي فى وجدان أهل دارفور أو البقارة .. تجد حنين ما بعده حنين. لاحظ تسمية "تاج المدائن" .. ما بتذكرك ب "تاجوج" .. وأسم فنانا الجميل علي الرهيد .. فهى تنافس أسماء مثل "الكلكة أم الديار" .. التى قال عنها الهبانية الديار ثلاثة: الكلكة أم الديار الحباها الله والما فيها ملكة (بفتح الميم واللام والكاف، يعنى الناس فيها أحرار تماماً مافي زول يملكهم) وتونس الخضرة ومكة المكرمة .. وكذا "دينقا أم الديار" .. ودينقا أنت تعرفها وتعرف ذاكرتها الجميعة ..

    والله جميل أنك بدعت هذا التوثيق .. ومن قبلك بدأ الأخ حافظ أنقابو .. وعرفنا أن أسرة أنقابو .. نشأت فى الرهيد .. كما أن دكتور عبد السلام من ماليزيا كتب عنها مرات .. والأخ إبراهيم بقال زار الرهيد مع وفد رسمي من رئاسة حكومة دارفور ورقص مع بنات التعايشة من البقارة .. تخطر لي ببالي خاطرة لا أدري صحيحة أم خطأ أن مدينة الرهيد تسير علي نمط عيش البقارة .. مثل ما يخطر لي عن مدينة كيلك .. وأبو جبيهة .. والمدن البقارية من غير المدن لها ذاكرة جمعية شعبية قوية .. مثلاً أم درمان من ذاكرتها الجميعة مؤتمر الخريجين .. أنديتها الرياضية .. شخوص المدينة .. أستمعت ذات مرة لتسجيل لتأبين أحد أقطاب مشجعي فريق المريخ .. وكان المريخ يلعب فى بلد أخر .. وسافر هذا المشجع وعرف أن الفريق الأخر قوي ويشكل خطورة علي المريخ .. فما كان من مشجع المريخ إلا أن بدأ البحث عن شيوخ المدينة فى البلد المضيف عشان يجيب بخرات يبخّر بيها الفريق .. فالرجل ذهب بذاكرتنا الجمعية وعايز يمارسها فى البلد المضيف .. لو فعل هذا فى السعودية كان حكموا عليه بالشعوذة وتم قتله .. فذاكرة مدنا فى مناطق الهامش غير موثقة .. وهنا تأتى أهمية توثيقك هنا ..

    وبجيك راجع يا ول أبا ..

    بريمة
                   |Articles |News |مقالات |بيانات

21-11-2015, 09:52 AM

عبدالكريم الاحمر
<aعبدالكريم الاحمر
تاريخ التسجيل: 09-01-2013
مجموع المشاركات: 424

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: بريمة محمد)

    ول ابا كبر وضيوفه المداوميين على المتابعه الشيقة لكم مني الف تحيه
    متابعين ولكن لسا في آخرالروق وماشين برواقه وما مستعجلين

    (عدل بواسطة عبدالكريم الاحمر on 21-11-2015, 12:15 PM)

                   |Articles |News |مقالات |بيانات

21-11-2015, 10:00 AM

عمر عثمان
<aعمر عثمان
تاريخ التسجيل: 04-08-2008
مجموع المشاركات: 1579

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: بريمة محمد)

    ياخي انتا زول جميل
                   |Articles |News |مقالات |بيانات

21-11-2015, 12:24 PM

انور تاج السر

تاريخ التسجيل: 18-11-2006
مجموع المشاركات: 760

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: عمر عثمان)

    الأخ الجميل كبر سلام و تحية ليك ولى ضيوفك،

    تعرف انا البوست حقك ده مسميهو الملاذ الامن لأنو بحس بأمان غريب كلما أدخل هنا برجعنى للسودان أيام العز و الاستقرار، وكمان اتدفأ شوية من جمود و برودة الغربة.

    غرب السودان أخى كبر فيهو ثراء ثقافى مهول، و شكراً على الاضاءة الرائعة التى سلطتها على هذا الثراء.

    وكمان الطبيعة مبالغة، و أنا أعشق االطبيعة بجنون.

    ما عارفك حتعرج على جبل مرة ولا حتركز فقط مع رهيد البردى الجميلة. بس أكون شاكر لو عندك امكانية تحكى لينا عن هذ الجبل الاسطورى و مناطقه المختلفة حتى لو فى بوست منفصل.

    السرد أنيق أنيق أنيق و سلس.

    شكراً يا رائع
                   |Articles |News |مقالات |بيانات

22-11-2015, 01:36 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: انور تاج السر)


                   |Articles |News |مقالات |بيانات

22-11-2015, 02:28 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: بريمة محمد)


    ول ابا عبد الكريم..حبابك يا صديقي


    كتر خيرك على المطايبة والمداومة على المتابعة لجهدنا المتواضع..


    هو امتداد لكلامات سابقة ، فلقد تناول تجارب عباس عبدو ، محمد يوسف (من تشاد) ، وبعض الملامح من غرب كردفان ، والآن نضيف رهيد البردي..وهو تحدي صعب يا صديقي ، فالكتابة عن منطقة أو بلدة فقط من الداتا المتاحة هو امر فيهو مجازفة كبيرة..ونتمنى أن نوفق في عرض الفكرة..


    كتر خيرك..



                   |Articles |News |مقالات |بيانات

22-11-2015, 02:29 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    ول ابا عمر..حبابك يا صديق


    كتر خيرك على المرور يا صديقي..


    وشكرا على المطايبة..وربنا يقدرنا دوما نكون عند حسن الظن..


                   |Articles |News |مقالات |بيانات

22-11-2015, 02:30 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)



    ول ابا انور..حبابك يا صديقي


    كتر خيرك على كل الحاجات يا انور (فانا برضك قاعد الخيوط الأخرى لكن الوكت ممحوق)..


    سعيد أن يكون هذا الخيط ملاذ آمن ليك ، فالهدوء يا صاحب مع مساسقة الحياة صعب توفيرو باخوي واخوك..


    حقيقة يا انور مش غرب السودان براهو .. لكن معظم الريف السوداني لو مريت بيهو بتلقى جمال لا يخطر على بالك..فالشرق ، خصوصا الجزء الجنوبي ، النيل الأزرق ، بحر ابيض ، وفوق بعيد الشمالية ، كل فيها ملامح وتفاصيل بتخت الرحمن في القلب..امسودان بلد جميل يا صاحب..!


    شكلك كده يا انور لو مشيت جنوب كردفان في خريف غليض..تاني ما ح ترجع..!


    الجبل العظيم في خاطري ، ولكن ليس جزء من هذا الخيط ، وانوى ان اقدم عنه اضاءات في خيط منفصل ..والآن في مرحلة تجميع ومراجعة الداتا..وان شاء الله ح تكون كتابة مختلفة عن جبل مرة.. لأن معظم المتاح هو باقلام اجانب زاروا الجبل في ازمنة مختلفة..وديل كانوا بعاينوا للحاجات بخلفيتهم..اما الحاجات السودانية ، ومعظمها جاي من خطاب الغناء فهي حاجات وصفية مقتضبة..اما الجانب الأسطوري ، فهناك اعتقاد في ثقافات المنطقة بيذهب الى انه هو الجبل الذي كانت ترعى فيهو ناقة سيدنا صالح عليه السلام..!


    كتر خيرك يا صديقي ، وشاكر لك المطايبة الأنيقة..


    كبر


                   |Articles |News |مقالات |بيانات

22-11-2015, 02:45 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    ول ابا بريمة..حبابك يا صديقي


    كتر خيرك على المرور والمطايبة..


    وتشكر على الإضافات الثرة..


    نعم يا صديقي ، قصدنا الأول هو تنبيه الناس لتلك الذاكرة الجمعية ، وهي ذاكرة تتميز بحنين غريب ومدهش للغاية ، وغرضنا ، أن عيال وبنات البقارة في المهاجر والوطن ، حاجات كتيرة بتكون فايتة عليهم..


    كتر خيرك يا بريمة ، وعبرك تعرفت على تجربة اخونا الفنان علي ابراهيم علي (علي الرهيد)..وهو جزء من هذا الخيط ، وذلك في مناقشة احد اعماله والذي يتضمن رقصة نادرة في ثقافات العطاواة..وايضا التحية عبرك لأخونا الغائب الحاضر ول ابا حافظ انقابو وليته يعود هنا عشان يوضح لينا ويذكرنا ببعض الحاجات..والتحية لأخونا عبد السلام واخونا ابراهيم بقال..وابراهيم بالتحديد متكيف منو شديد لأنو واحد من الشبان ممن آمن بفكرة انو السودان ده ما بتعرفوا مالم تقعد مع ناس التحت وتشوفهم على حقيقتهم..!


    كتر خيرك على الفيديو بتاع التور دقش الطين ، وهو ايضا جزء من مواد الخيط..طبعا في البداية بدرت لي فكرة غريبة.. انو التور المقصود ماهو تور البقر الواحد ده.. فالتور في الثقافات القديمة عند البقارة هو تور الفيل..وفي عملية صيدهم للفيل بتكون عندهم افضل لحظة هي دفع الفيل الى الطين امجمادي عشان حركتو تكون محدودة وبالتالي يسهل صيدو..!


    لكن بعد مراجعة اكتشفت فكرة مدهشة عن النص..وهي فكرة الزولاية الراكبة ليها ضهر تور وتورها دقش الطين ، وده بداهة بيعني انها وقعت في الطين..ودي حتى الصبيان ما بيرضوها ودونها ، عندهم ، خرط القتات أو كما قال..!



    كبر

                   |Articles |News |مقالات |بيانات

22-11-2015, 05:00 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    رهيد البردي وسنن البرامكة..



    خواطر اهديها لصحابي واصدقائي محجوب على عثمان ، عادل اسماعين ، ابراهيم فضل الله (صاحب الفخامة ) عادل الشفيع ، ابراهيم فضل الله (قاعد يكتب في المنبر واسمو بالإنجليزي) ،وبقية ممن يستمتعون بالجمال والدهشة في مفارقات امسودان العجيبة المدهشة..!


    !وبالطبع أهديها الي اهلي في رهيد البردي ، سدنة الذاكرة السمحة الغرائبية اياها..!اهديكم ملمح من رهيد البردي ، ثقافة البرامكة..!!


    كبر

    (عدل بواسطة Kabar on 22-11-2015, 05:01 AM)
    (عدل بواسطة Kabar on 22-11-2015, 05:02 AM)
    (عدل بواسطة Kabar on 22-11-2015, 05:04 AM)

                   |Articles |News |مقالات |بيانات

22-11-2015, 05:34 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)





    في المشهد الثقافي العام في امسودان ، ورد ذكر سنن البرامكة في اغنية ، اول مرة سمعتها بصوت الفنان خلف الله حمد ، وهي مناحة في تمجيد عمدة بقاري اسمو النعيم ود حمد من منطقة المعيلق في الجزيرة ، والمعيلق صارت جزء من مشروع الجزيرة في سنة 1930..وده مش مهم..!


    المهم الناس الوثقت للمناحة ،بتاعة سنن البرامكة ، بتتكلم عن دور العمدة النعيم في اغاثة الناس ابان مجاعة سنة ستة.. والموثقيين اياهم بكل غباء يكتبوا ليك سنة ستة بأنها 1906 والمرعب يقولوا ليك حدثت المجاعة في زمن الخليفة عبد الله التعايشي...!


    ويا مدوني ومدونات امسودان ، سنة 1906 الخليفة عبد اهل التعايشي كان ميت وشبعان موت..!


    مجاعة سنة ستة كانت في 1306 هجرية ، وهي تقريبا سنة 1884 ميلادية..


    المناحة التي تتحدث عن العمدة النعيم ود حمد ( ألأحيا سنن البرامكة ) ظاهريا قد تخاتل الناس في سنن البرامكة في امسودان ، بانها كانت موجودة قبل سنة 1884 وانتهت..!..ولكن..


    الخواجة اربر ، كما نرى لاحقا ، تحدث عن ظاهرة البرامكة في مجتمعات البقارة في عشرينيات و ثلاثنيات واربعينيات القرن المنصرم..!!


    وهنا لا يوجد ، عندي ، تعارض البتة ، فظاهرة البرامكة قديمة ، اتوجدت ايام المهدية ، وامتدت لغاية الحكم الثنائي..ثم حوربت الظاهرة بواسطة الحكم الإستعماري الإنجليزي..!


    وظهورها اليوم في مواد اعلامية من رهيد البردي ، هو تأكيد لأصل الظاهرة ، ولكن نعيب على اهل الأيدولوجيا من النظام الحاكم في تجيير ثقافة البرامكة لما يخدم اغراضهم..!!


    صحيح اننا مع السلام وثقافة السلام ، ولكننا نرفض استغلال الثقافات النبيلة لأغراض هايفة..!


    الإنجليز كانوا يخافون من مجالس البرامكة ، فسعوا لحظرها ،


    وناس الحيكومة السودانية اليوم ، فطنوا للأمر ، فاخذوا بتوظيف الأمر لما يخدم مصالحهم..!


    ولكن تظل سنن البرامكة ثقافة سودانية اصيلة لها خصائصها ووظائفها وجمالها..!!


    كبر


                   |Articles |News |مقالات |بيانات

22-11-2015, 05:48 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    الناس البتحب الحداثة ، هنا فيرشن لغنية ( الأحييت سنن البرامكة)..ا


    لأداء: ابننا وصديقنا البقاري النبيل ، الفنان الشاب شول منوت ..!!



    ا


    لفنان خلف الله حمد غنى مناحة (الأحييت سنن البرامكة) وحفظها كذاكرة وتراث ، والفنان الشاب شول منوت جعلها تفاعل جماهيري واحساس يومي للغاية...!!ولكن ماهي سنن البرامكة؟.. ماهي ثقافة مجلس البرامكة؟

    ناس رهيد البردي ح يحكوا لينا اكتر واكتر..

    كبر

    (عدل بواسطة Kabar on 22-11-2015, 05:50 AM)
    (عدل بواسطة Kabar on 22-11-2015, 05:52 AM)

                   |Articles |News |مقالات |بيانات

22-11-2015, 05:56 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    (11)




    رهيد البردي وسنن البرامكة:




    في تواصلي مع رهيد البردي ، وعبر الداتا المتاحة في جخانين النت..وجدت ملمح من ثقافة اندثرت وهي ثقافة البرامكة (الحرفا والحريفات)..وهي ظاهرة ، صحيح الناس اتكلمت عنها كتير ووثقتها ، ولكنها نادرا ما تكون مصورة بصورة حية ومباشرة..يعني البرامكة على تلقائيتهم وحضورهم البهي الذكي ..اصبحوا مجرد ذكريات..و كويس انو الناس بتحاول تعيد الظاهرة للمشهد حتى ولو عبر مشهد مغاير ..فكون ان الناس تتذكر وتحفظ ظاهرة البرامكة فهذا وحده مكسب..



    الظاهرة الثقافية تلك ، لم اشهدها كواقع ، وانما حكاها لي والدي ، الحاج النور كبر ، عليه السلام ورضا المولى الكريم ، وحاج النور لم يحكيها لي الإ بعد ان اخترت درب دراسة القانون.. وبالطبع لم استوعب الحكوة في وقتها ، ولكن بعد سنوات وانا ادرس علم الإجرام وضرورة المعاينة للجريمة كاٍشكال اجتماعي متشابك الأطراف ، فتذكرت حكوة عمكم حاج النور كبر (عليه السلام) ، فهو قدمها لي و اهداني تصور نادر للغاية عن فكرة الضبط الإجتماعي في مجتمعات بعيدة للغاية عما يسمى بمجتمع الحداثة وما بعد الحداثة، دون الحاجة لمؤسسات القمع من محاكم وعقوبات وسجن ما تبع..!



    تخاطرت مع الظاهرة في فترة لاحقة ايام الشباب ، وكان ذلك عبر صديقي العزيز الأستاذ محجوب علي عثمان (وهو من قرية تبعد فركة كعب من القرية التي انجبت العظيم ابكر ادم اسماعيل)..وهو كاتب فذ ورجل حكاء بصورة مدهشة ، وفوق ذلك كاتب يتميز باناقة العبارة..وكنا وقتها ، في مدينة الدلنج ، قد حضرنا حفل لفنان كردفاني اسمه عباس عمر من مدينة الأبيض ..وهو رجل عطوي تتلمذ على يد اخونا الفنان عباس عبدو الحسب عربان ، فكان عباس عمر يغني دوما في اعراس العطاواة في الدلنج ،كادقلي ، الحمادي ، الرهد ، ابو جبيهة ، العباسية..وفي احد الحفلات غنى اغنية فاتت علي ، ولكن صديقي محجوب ذكرني اياها وذلك بتذكر مفردة او عبارة منها وهي عبارة ( سنن البرامكة يا عريسنا احيتا)..طبعا الفنان عباس عمر كان يغني بالأوركسترا (يعني نظام فنان حداثة وكده)..والأغنية تلك لم اعثر لها على اثر ، ولكن هناك اغنية مشهورة اداها الفنان خلف الله حمد ، وبدايتها بتقول ( يا الأحيت سنن البرامكة ، عاجبني طول ايدو سامكة ، يا يابا قول النعيم دراج المتابكة..الخ)..ونفس الغنية عندها تسجيلات باصوات بنات..!



    المرة الثالثة التي تخاطرت فيها مع ظاهرة البرامكة ، عبر مجموعة من السيديهات..اهداني اليها صديقي العطوي الجميل ول ابا خالد عبد الله ، وكان ان ارسلها لي في سنة 2007 من امريكا ، والسيديهات كانت عبارة عن توثيق لثقافة البرامكة ، وذلك عبر برنامج من تقديم صديقتي وزميلتي الأستاذة كوثر بيومي (الله يطراها بالخير أينما كانت وكيفما كانت)..وفيهو استضافت مجلس برامكة من اهلنا العطاواة السلامات..اضافة لحضور استاذنا الباحث فرح عيسى وهو اكثر من كتب عن فكرة البرامكة وغيرها من ثقافات البقارة ، وبحوثه موجودة في معهد الدراسات الأفريقية والأسيوية بجامعة الخرطوم..!


    وبالطبع فرحت كثيرا ، وانا اتحدث عن رهيد البردي ، ان يكون من ضمن الظواهر الثقافية التي يحتفل بها اهل الرهيد ، هي ظاهرة البرامكة ، ومجلس البرامكة..!




    كبر


                   |Articles |News |مقالات |بيانات

22-11-2015, 05:59 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    مجلس البرامكة...








    (12)



    المجلس الشايفنو في الفيديو ، هو مجلس البرامكة ، طبعا خلافا للشايع ، فان اعمار اهل المجلس هنا متقدمة للغاية ، ومجلس البرامكة ، او ظاهرة البرامكة اصلا كانت اشغال الشباب وصغار السن..!


    الحاجة الغريبة ، والتي قد يندهش ليها اهالي امسودان ، ان مجلس البرامكة كان مجلس يضم بالتساوي النساء والرجال..!!..يعني مافي تمييز جندري في ثقافة البرامكة..!!



    والمجلس ايضا يكون فيه فرصة التساوي في التمثيل وابراز الصوت ، كما نلاحظ في الفيديو..فالغناء جماعي (فوكال نسائي وفوكال رجالي بالتساوي) ثم بيظهر شاعر فرد ..وغالبا رجل..و يحكي القضايا الإجتماعية في شكل شعر..!


    طبعا ناس كتيرة اتكلمت عن ظاهرة البرامكة في ثقافات البقارة..وعندي النية في الكتابة عنها بصورة منفصلة من باب الأنثروبولوجيا الثقافية ، ولكن واحدة من التجارب أو الدراسات عن ظاهرة البرامكة ، كتبها باحث انجليزي اسمه..


    H.B Arber


    ونشرت الدراسة في احد مجلدات مجلة (السودان في رسائل ومدونات)..بعنوان (البرامكة)..!


    وعندي نية عن ترجمة دراسة اربر عن البرامكة..!


    واحدة من خلاصات اربر ، ان اثبت ان ظاهرة البرامكة هي ظاهرة خاصة بمجتمعات البقارة في كردفان ودارفور ، ولكن اثرها انتقل الى مجموعات اثنية وثقافية اخرى..



    اربر يقول:



    The Baramka, the tea drinkers, are found through the Baggara of Kordofan and Darfur. In its simplest form a Baramka club is a collection of members, mainly youthful, for the ceremonial drinking of tea usually with songs in praise of sugar. It spread like a craze from the Baggara to those in contact with them and with its spread gained in scope of ritual and usefulness until it now forms a type of youth movement embracing not only Baggara but sedentary Arabs, Arabicised Nuba and pure Nuba themselves.




    طبعا ح تستغرب ناس كتيرة ، خصوصا ناس بريمة و بقية نورث امريكا ، الناس الكانت بتستغرب من وين حزب المحافظين في امريكا جاب حكاية حفلات الشاي..!!..ناهيك عن أنو أي فكرة حفلة شاي في امسودان ، هي اصلا جاية من تقاليد البرامكة ، سنن البرامكة اياها..!!



    اهم ما في كتابة اربر (والرجل يحكي عن امسودان في العشرينات والتلاتينات من القرن الماضي) أنو كيف ظاهرة البرامكة تكييف سليم وموضوعي وجميل للغاية ، بان وصفها ، أي ظاهرة البرامكة ، بانها حركة شبابية..!!..أي والله..!!



    اربر وثق للظاهرة وتفاصيلها ، ولكن أهم حاجة ، تهمنا هنا ، انو وثق لفكرة أن الحكم الإنجليزي قد فعل الفعايل لوقف الظاهرة وحظرها..وقد تم ذلك بالفعل ، واربر رصد منو من نظار العطاواة استجاب وانصاع لإرادة الإنجليز في منع ظاهرة مجالس البرامكة..ومن اتواطأ مع الظاهرة وعمل نايم..!!


    طبعا ، حينما نتحدث ، في صورة منفصلة عن هذا الخيط، عن ظاهرة او ثقافة البرامكة ، الناس ح تكتشف أن مبرر الأنجليز (كنظام كولونيالي) كان موضوعي ..وقصدي اصرارهم على حظر ظاهرة البرمكة ، ببساطة لأنها كانت اجمل واصدق نموذج خلاقي لجمع الشباب والشابات بصورة منظمة ، والأنجليز وقتها ، كان يخافون التجمعات السودانية المنظمة..!!



    والناس البتقرا بصدق وموضوعية تجربة تأسيس الحزب الشيوعي السوداني ، ح تكتشف ان الوعي الباطن المحرك للمؤسسين كان يعتمد على مثل هذه الثقافات السودانية النادرة ، فصرامة الشيوعيين تجاه سلوك كوادرهم هي نابعة من ثقافات سودانية عديدة ، من بينها ثقافة مجلس البرامكة ، مجلس الحرفا والحريفات ، علي قدم التساوي ..!..وثقافة الغناء الكورالي التي اشتهر بها شيوعي امسودان ، اصلها الغناء الجماعي من ثقافات مثل الدرملي في دار الحوازمة ، وغناء مجلس البرامكة من ثقافات البقارة عموما..!!



    كبر




                   |Articles |News |مقالات |بيانات

22-11-2015, 10:47 AM

محمد الأمين موسى
<aمحمد الأمين موسى
تاريخ التسجيل: 30-10-2005
مجموع المشاركات: 3648

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    أخي العزيز كبر أرجوك تحذف فيديو المناصيص لأنه مستفز جدا... هل يرضيك ندق خروج نهائي من الإمارات ونيمم شطر المطار مباشرة دون حقائب أو استلام مكافأة نهاية الخدمة؟؟؟؟!
                   |Articles |News |مقالات |بيانات

22-11-2015, 11:34 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1614

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: محمد الأمين موسى)

    الأخ الكريم محمد ود الحاج النور كبر سلااااام ومعزة صادقةبوست وهيط بوهاطة أهله ، وسمح بسماحة صاحبه وزواره وبجمال رهيد البردي وأهلهاأكرمني الله ان زرت "رهيد البردي" والكثير في اقليم دارفور جنوبه وشماله، شرقه وغربه، أيَّام كان السودان سودانوايَّام كانت دارفور أجمل بقاع السودان طبيعة وإنسانا ، أمان وطيبة وسماحة.............الخ
    يشهد الله في الثمانينات القربية دي عسل النحل تجده في القربة والسِّعن "والجركانات"
    كل جذع الشجرة ب "برش النحل" تجده أمامك تعصر ماتشاء ..عسل بِكري صافي زي إنسان دارفور
    كانوا عُمَّار القبائل الذي يسكنون المُدن ، بيوتهم أبوابها مفتوحة كل اليوم، تجد الكباشي عزيزا مكرما ببيت الزغاوي
    والكاهلي ضيفا مكرما بمنزل المُسلاتي والرزيقي ضيفا مكرما بيت التنجراوي........الخ
    أكتب وأكتب ياصديقي ففي كتابتك غزاء للروح، وعزاء للذين شاهدوا هذا الجمال، جمال المكان والإنسان، وثقافة للذين أصبحت عليهم الوطا
    Quote: برق الخريف اللاح ،موشح بالفلاح ،سرف القليب حنان ، لامن دعاشا فاح ،

    هذا شعر راقي جدا وراق ، والشرح مفسده لهشكرا لك يا كبر
    ، بكتابتك الخريفية الماهلة ، سرفت قلوبنا فرحا وألقاحتي فاض دعاشها
    معزتي لك ولرباعتك ول رهيد البردي سلامي

    (عدل بواسطة عبيد الطيب on 23-11-2015, 04:52 AM)
    (عدل بواسطة عبيد الطيب on 23-11-2015, 04:57 AM)

                   |Articles |News |مقالات |بيانات

22-11-2015, 12:31 PM

انور تاج السر

تاريخ التسجيل: 18-11-2006
مجموع المشاركات: 760

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: عبيد الطيب)

    الأخ كبر بعد اذنك سؤال: هل مجالس البرامكة لها علاقة ببرامكة الدولة العباسية و تحديداً يحي البرمكى ولا اسم على اسم؟



    خطر على بالى هذا السؤال لانو زمان كان حبوبتنا الله يرحمها تذكر اسم يحي البرمكى كثيراً و نحن فى الاصل من الشمالية فحسبت الأمر موروث ثقافى فى أنحاء السودان بعد أن حدثتنا عن مجالس البرامكة.



    و بصراحة لا أدرى الى الان ما اذا كانت تقصد وزير هارون الرشيد أم يحي بركمى آخر لانها توفيت و نحن صغار فى السن ولم يتسنى لى سؤالها لكن الاسم رسخ فى ذهنى.



    مع تحياتى

                   |Articles |News |مقالات |بيانات

22-11-2015, 12:51 PM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 12621

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: عبيد الطيب)

    كبر يا صاحب،


    يديك العافية .



    قلت لجلالدون، كبر دا بيمسكك من إيديك ؤُ يحومك المحلآت محل


    محل .


    <sudansudansudansudansudansudansudansudan16.jpg Hosting at Sudaneseonline.com


    هاك من نخيل الباوقة طرحة،


    ؤُ راجع معاك الخيتين ديل دوبني جيتك :


    الباوقة, سحر, وجمال, ومصير مجهول ... توجد صور ...الباوقة, سحر, وجمال, ومصير مجهول ... توجد صور ...




    Quote:


    تـنـقـورة، وحُـمـارة أُمـحُـومـد ود يـأسـيّـن البـيـضـاء...



    الغربة قطعة من الجحيم. نستنشقها حميم وزفيرها زمهرير. كلما طالت الأيام والسنين في سواءها،


    رمت بشررٍ كالقصر في مساحات النفس، فأهاجت الحنين وزادت الأنين جراء البعد عن مراتع


    الصباء ومسارح اللهو الجميل.


    الحنين للوطن والأهل ورائحة التراب، والمكان، والزمان، ما هو إلا خمر خندريس يزيدها الفراق


    ولوعته تعتيق.


    والله إنى ليعتصرني الحُزن والألم وتكتم العبرة أنفاسي، وتحتبس الدموع في محاجري عندما أخرج


    من المنزل في الصباح الباكر وأجد أثآر المطر التي تكون قد هطلت ليلاً خِلسةً دون أن أستشعر


    وقعها أو أسمع رعدها، أو يخطف بصري برقها...



    السوق الكبير في اتبرا. دكان خدر الكعيك، أو دكان المدير ود الشيخ، مُلتقيان أو نقطتا تجمع للأهل


    قبل التوجه لكلٍ من بربر، العبيدية، أو مُشرع الباوقة. يتركون ودائعهم هناك ويدخلوا السوق لِقضاء


    حوائجهم، ثم يتجمعوا في إنتظار مواعيد قيام بص العبيدية الذي ليس له مواعيد مُحددة، إنما يبدأ


    الرحلة بإكتمال جمعهم، وينصاع سائقه لِرغباتهم وطلباتهم...



    : عليك الله، غشنا دار مالي النسوق البِنيات معانا.


    : هوي يا ولدي، هوي لاتنسنى بعدين بدور لي سِميكات من مولود في بربر.


    : عليك الله غشنى ناس فلان في القدواب، عندى عندهم غرد.


    : يا ولدي لاتنسى وصيتى ليك، حِويجاتي الفى القمبرات.


    : أو يكون في بِكاء في عنيبس. كل البص يغشو بى سواقن.


    السواق يلبى الطلبات في صبر غريب، والركاب أكثر صبراً من السواق مستمتعين بالونسة والتعليق.


    كثيرأً ما حملني هذا البص لمشرع بنطون الباوقة برفقة هاؤلاء الناس الطاعمين، أتحمل معهم عناء


    ومشقة الرحلة. أستنشق رائحة الدخان المنبعث من البص وما زال أزيز ماكينته يدغدغ سمعي.


    هناك تعامل مباشر مع الناس، وإلفة غريبة بيني وبين هذا البص العجوز الذي يضعنى فوق


    المشرع بعد أن يكون قد إستنفذ طاقته كلها.



    ما أن يقترب البص من المشرع، حتى تلوح الباوقة في الأفق البعيد. جنّة مُدهمة، تبدو وكأنها على


    ربوة للناظر أليها من الشرق لِعلو القيفة. فوق المشرع يتواصل التعامل المباشر مع الناس والطبيعة.


    ندخل الرواكيب، نشرب الشاي ونروى ظمأنا من الأزيار التي قد دُفِن نصفها في الأرض ونبتت


    النجيلة في أطرافها، ونترقب وصول البنطون، الذي بمجرد وصوله تسمع:


    : يا زول أوّعَ السِقالة.


    : عليك الله يا جنا تعال نزّل معاي كراتين المنقة ديل.


    : يا ناس ده شنو ده؟ ماتخلو اللوري ده ينزل.


    وهكذا...


    الأمواج تتلاطم على الشاطئ و(بدير) يحلق في الفضاء ونظره الحآد موجه للماء في حالة تأهُب


    للإنقضاض على سمكة، ولايخلو الشاطئ في فصل الشتاء من (أُم قيردون) تركض خلف الحشرات


    الصغيرة وتلعب بذنبها، وفجاة تطير مصحوبة رفرفة جناحيها بصوتها الجميل المألوف...



    يشق البنطون عُباب النهر للضفة الغربية فتطأ أقدامنا أرض قريتنا الحبيبة، فنواصل مشوارنا سيراً


    على الأقدام متجهين شمالاً مع مجرى النيل في شارع ضيّق وسط غابات النخيل وحيضان البرسيم


    ونبات الحلفا الحآد الجوانب. نسمع شقشقة الطيور وقوقاي الدباس فينداح في أسماعنا كأحلى (سيمفونية)،


    ونستنشق عبير نوار الليمون والبرتكان فيضاهئ أفخم العطور الباريسية. نتعايش مع الطبيعة مباشرة،


    نحسها في كل شئ ونلمسها في كل الأشياء حولنا.



    نصل ديار الأهل، نطايبهم ويطايبونا، نستقصى أخبارهم ونبثهم أخبارنا.


    القرية يلفها الهدوء الذي تخترقه أصوات الطبيعة من حين إلى حين فتسمع نهيق حمار، ثمّ بعد صمت


    خوار ثور في الجزيرة، قوقاي القماري وأصوات العصافير تطرق سمعك من حين إلى حين، مرور


    النسيم العليل يأتيك بوشوشة جرايد النخيل. الطبيعة تحادثك وتناغمك، تتحدث اليك وأنت تصغى إليها.



    حمارة أُمحومد ود ياسين البيضاء في مربطها، يعرفها جميع ناس البلد كأنما هي فرد منهم، وتنقورة حمارة


    العوض ود حاج الخليفة أكثر شهرة منها. أعلام في البلد يتعامل معهن الناس بإلفة ومودة كأنهن فلذات أكبادهم.


    إذا أصاب إحداهنَّ مكروه يحدثوك: تنقورة الليلة عيانة. أو البيضاء البارح قرصانة، ولا يهداء لهم بال حتى ينعمن بالشفاء.



    الطبيعة وحيواناتها ونباتها تتجاوب معنا. تمرهندي ونبق (السِت) قطوفُه دآنية لايبخل علينا بشئ ، وقد علّقت


    (أُم دال دلو) أعشاشها في أطرافه كما النجف. (السِت) كانت تدفن علب اللبن في الأرض وتملأها بالماء حتى


    تشرب منها السحالى الهائمة في فناء دارها. تلحظنا دائماً ببسمة كانت مطبوعة على مُحياها الجميل.


    في اليل عندما نستلقى فوق العناقريب في الحوش يتجلى القمر بينات الضفائر فنناجيه ويحكي لنا عن سنين مضت،


    وناس سمحين قد عمروا الديار ثمّ مضو ليتركو بصماتهم على أشجار النخيل الباسقة. في اليل عندما نذهب للنيل


    ينعكس القمر لُجيناً على صفحته، مغازلاً المياه الرقراقة والخُضرة المنبسطة على الضفاف.


    أصوات الهوام والحشرات والحيوانات المتوحشة لاتخطئ سمعك، الصمت في ظلام اليل البهيم يهمس للأحاسيس


    حتى تستشعره كائناً حي يسكن في أغوار كهوف النفس. الطبيعة بكلياتها تجاذبنا أطراف الحديث، تلمس أحاسيسنا


    وتملاء نفوسنا إلفة وخوف، فنستشعرها في كُلّ الأشياء ونظل دوماً نتجاوب ونتفاعل معها. نسمات الفجر تدغدغ أرواحنا،


    فتصحينا فجراً لِتصحى معنا الطبيعة بكلياتها، آذان الفجر، صياح الديكة، تغريد العصافير، النبات يفلق الأرض ويخرج


    للفضاء الرحب، قطرات الندى تبلل ثغور الزهور الباسمة، أصوات الحيوانات أصوات الأهل في صباحات فجر جديد.


    الطبيعة تتناغم وتتفاعل في أبهى وأجمل صورها مع إشراقات الصباح الباسم.



    نودع الأهل والأحباب ونقفل راجعين إلى اتبرا ( المدينة القاطرة ).


    صافرات الوابورات وأزيزها لايخطئ سمعنا، حركة العمال الدءوبة، العجلات، الروح الإجتماعية العالية.


    عطبرة مدينة في هيئتها وقرية في تعاملها وإجتماعياتها.


    الطبيعة تحشد جيشها بسحب دآكنة يحدوها صوت الرعد مزمجراً في الفضاء، وبرق ينير لها الطريق يرشدها إلى


    مكان مدينتنا الحبيبة. ثمّ نبداء في الإستعداد كي نصد هجمة الطبيعة الجاسرة. نخشخش السباليق، ونفتّح المجاري،


    ثمّ نضاير كلنا في أوضة وآحدة حتى القطط والبهائم. كلنا في إتصال مباشر مع الطبيعة التي تمطرنا بوابلها وعندما


    يشتدّ وقعه علينا تسمع الحبوبات يجأرن بالدعاء ونده الأولياء الصالحين، ثمّ تهداء بعد أن تكون قد خلّفت سيول


    جارفة لاتستطيع بعض حيط الجالوص الصمود في وجهها فتستسلم. يبداء الناس في تفقد أحوال بعضهم البعض،


    وفتح المجاري مباشرةً لنهر النيل.



    النيل نفتقده كثيراً في الغربة، طبيعته الساحرة ومناظره الخلابة.


    الغربة عبارة عن مُدُن وآجمة وبلاد جآمدة مدلول الصنعة فيها يطغى على جمال الطبيعة. أكوام من بنايات


    الأسمنت الشاهقة والأرض المسفلتة، والأنوار الباهرة، الجو الخانق المحشو بدخان عوادم السيارات. الغربة


    ليست بها سماء، فالسماء قدحُجبت بسبب الأضواء الصارخة، وصوت الطبيعة إبتلعه زخم الغربة وهرجها


    ومرجها. بلاد الغربة بلاد مسعورة لاترحم، لذلك لاتترك لك مجال للتفكير والتأمُل. فهي دائماً سالبة للأفكار


    بهمومها ومتطلباتها التي لاتنقطع. الغربة ليست فيها أرض، فالأرض قد حجبتها طبقات الظلط والزفت


    فمنعتها تتنفس وتنتشي عندما يصيبها وأبل أو طل. لذلك ليست هناك خيوط أشواق وحنين تشدنا إليها، أو


    رائحة تراب تهيج الحنين في نفوسنا لأحضانها . نتمنى دوماً أن نفلت من براثنها وأن نخرج من تحت حُطامها.



    للوطن رائحة تسرى في دواخلنا فيجرفنا الحنين ويطول بنا الأنين فنتكئ على أحزاننا


    في الغربة ونحلم بالرجوع لنعانق الطبيعة في براحات الوطن الحبيب...




    ود المدير ...


                   |Articles |News |مقالات |بيانات

23-11-2015, 04:08 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: معاوية المدير)


    اصدقائي الأعزاء..

    محمد الأمين موسى
    عبيد الطيب
    انور تاج السر
    معاوية المدير..

    كتر خيركم على المرور ..

    وسوف اعود بالتفصيل,,

    كتر خيركم كتير يا اصدقائي..

    كبر
                   |Articles |News |مقالات |بيانات

23-11-2015, 08:08 AM

ismeil abbas
<aismeil abbas
تاريخ التسجيل: 17-02-2007
مجموع المشاركات: 10789

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    سياحة فى جزء جميل من بلادى....شكراً كبر مجهود مقدر.....تحية وسلام.
                   |Articles |News |مقالات |بيانات

26-11-2015, 08:53 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: ismeil abbas)


    ول ابا سماعين..حبابك يا صديقي..

    كتر خيرك على المرور هنا..

    صعبتها علينا يا حبيب ..!

    فنحن من نفر سيدنا النفرى، عليه السلام ، ناس كلما اتسعت الرؤية ، ضاقت العبارة..!
    كلما نبدا صباحنا بالتفكير فيما يسعدنا ، تقتلنا الأشياء..تقلتنا الأشياء..حتى كدنا أن نطق راسنا في الحيطة في محاولة انتحار بينة..!!
    من أي افق اتينا؟..لا ندري..
    من أي افق اتوا؟
    لا ندري؟
    الي اي افق نذهب؟..
    ندري..
    الي اي افق يذهبون؟
    لا ندري..!!
    وما بين المتناقضات المتناسلة ، هل سيشرق افق رحيم؟..
    نحن نقول نعم..نقول نعم..!!!..وعلى اتم الإستعداد في توفيق اشكال التضاد..!!


    شكرا يا سماعين..

    شكرا ياعم..!!


    كبر
                   |Articles |News |مقالات |بيانات

26-11-2015, 09:03 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    ول ابا محمد الأمين موسى..حبابك يا صديقي

    قلت لي مستفز؟..

    حليلك يا عم..!!
    خصوصا ، لو كان بعضو لحم غزال ، أو ان شاء الله (قايمة) ساكت..!


    خليجك القريب ده يا محمد؟.. ياخي نحن ناس البلد الطيرها عجمي ، نلم الشنط ونحضر الزمل و نتف على ثقافة الدوت كوم ..ونقول ليهم ماشين نلحق المناصيص..!
    عقب ، اهلنا الخواجات ، ينتظروا كم ساعة ضوئية عشان يفهموا يعني ايه مناصيص..!

    ياخي هنا ، عندنا يا محمد ، الواحد بعد عشرومية سنة يكتل ليه غزالة ، ده بعد ما يعمل رخصة ، وكم طلقة خرتوش ، ولمن يصطاد ، يملآ ليك الخلق فقر: هذه صيدة صادها فلان بن فلان ، في اليوم الفلاني من الشهر الفلانيمن السنة الفلانية ، في الثانية/الدقيقة/الساعة الفلانية من نفس اليوم ، في الميل الفلاني في الناحية الفلانية في الإقليم الفلاني ، جوار المدينة الفلا نية..!

    ياخي يكرهوك (قرضة) لحم الصيد ، حتى ولو اشتريتها بحر مالك..!!

    شفت هملة المناصيص دي كيف؟..علي بالحلال ،عمك امين األأمم المتحدة ، لو الواحد لقى ليهو فرقة يعزمو على مناصيص ناس رهيد البردي دي ، وتاني يوم عمك يقول للعالم: الصلاة فيها جهر وسر.. ولازم نعمل استثناءات وشنو كده ماعارف..!!

    زمان يا محمد.. عبرت بالخوي ( أي والله ، تلك القال عنها المحجوب ، عليه السلام ، : لو علمت مافيها لطويت ليها ألأرض طي..!!)..واذكر الباص انكسر بينا .. فقامت عمتنا ظريفة.. جابت ليها تيسين وهي تتعضر.. باعتبار انو رجال الحلة مرقوا ومافي زول موجود..!!..قالت لينا تيس واحد كرامة تبرع ، والتاني في السوق..!
    طبعا عيال البندر المعانا ، مارسوا انتهازية وقالوا: وكتين الشي مجاني ، الدافعين ليها شنو..!!
    فخرجنا ، قلة قليلة للغاية ، وكلنا من هناك ، هناك يا محمد الأمين موسى ، ودفعنا قدر استطاعتنا لأمنا تلك..!!
    شفت البهاء ده كيف يا محمد؟..شفت النقاء ده كيف؟..
    زولة تتبرع ، ثم تقول ليك ، بقدر حق التبرع ، ده حقي ودايرة تمنو..!
    طبعا عيال البندر ، شغالين بالبطينة وبس .. وما عندهم شفافية وحساسية..!


    نفس المناصيص ، يا محمد ، عيال البندر ح يستغربوا انو ممكن عمك واحد ، في رهيد البردي ، يتبرع بي نصها ، ويكون داير يسترزق في النص التاني.. فتقوم انتهازية ناس البندر ، تلك التي تفتقد الحساسية الإجتماعية والثقافية ، وتقول ليك: وكتين الشي مجاني ، نخسر قروشنا في كم..!!



    وتظل ، رهيد البردي ، لوحة ، بحسب كلام استاذنا الشاعر الكبير مبارك المغربي ، لكن عشان نلحق نشرح لبعضنا البعض انو هي ليه لوحة..فدي شغلانة قاسية خلاس.. قاسية شديد يا محمد..!!



    كتر خيرك..

    كبر
                   |Articles |News |مقالات |بيانات

26-11-2015, 09:16 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    ول ابا عبد الطيب.. حبابك يا صديقي..
    قلت لي (برش نحل)؟..

    يا عبيد ، الله يهديك يااااااااااااااااخ..!

    هسع (برشك) ده ، لو قاموا المثقفاتية بتاعين امسودان، رجال ونسوان ، فرشوهو للصلاة.. نقول يا منو؟..يا عبيد، الله يهديك ياااااخ (زي ما قال محمد الأمين موسى ، باللفة ، لناس كبر ، الله يهديكم ياااااااااااخ)..!!

    عارف يا عبيد ، تطرفك في السماحة و النقاء ، بيذكرني صديقنا واستاذنا.. سيد منوفل (كويس قنوات تلفزيون امسودان لحقت وثقت ليهو بعض الحاجات..!) ..وهو رجل استاذ (مدرس) ، وبناء (البــُنا بتاع المونة /الطين/ميزان الموية/الـطــُلبة) ، وتشكيلي ، وشاعر ، وفوق ذلك عازف كمان، علم الكثيرين والكثيرات من شبيبة امسودان في الدلنج..!

    فطنة وسماحة استاذنا وصديقنا سيد منوفل عمر ، انتبه ليها صديقنا الروائي الجميل ، دكتور ابكر ادم اسماعيل ، ووثقها في احد رواياته المقروءة ، وذلك عبر استيعاب تفاصيل و اشعار السيد منوفل هذا..!!

    السيد منوفل ده ، ممكن يتسامح في حاجات كتيرة ، لكن لا يمكن، مطلقا، ان يحتمل التسامح في حاجتين:الطفاسة في الشعر والنشاز في عزف الكمان..!!

    الحتة دي اتذكرتها ، وانتا يا عبيد ، وبكل تطرف في السماحة ، بتقول: هذا شعر لا يحتمل التفسير..!!!

    عييك يا صاحب: انتو قايلين كل شعوب امسودان دي في نفس مستواكم: مستوى المتطرف ، سيد منوفل ، ذلك الذي لا يحتمل النشاز في طرقعة وتر كمان فالت.؟!!.. او تطرف العريبي ،البدوي النقي ، عبيد الطيب ، العامل فيها الشعر السمح للغاية ، بديهة ومسلمة من مسلمات الدنيا ولا تحتاج لتفسير..!!!!

    كتر خيرك يا عبيد..!!

    وهم انبياء النقاء ،مثقفي زمن ما بعد الحداثة ، عندهم: لا فرق بين كاهلي ، شمبلي ، رزيقي ، هباني ، مسلاتي ، فوراوي ، زغاوي ، ميماوي ، سلامي ، تعالبي ، مسيري ، بيقاوي ..!!

    خلق يا صاحب ، لو دايرة تكتلك ، بتعشيك من زادها ، وبتديك ابريق تتوضا وتصلي ، ثم تعيط فيك :ابقى راكز..لأنو نحن ناوين نكتلك..!!!..وهذا ما ندر في طبعهم وطبايعهم..!!
    فالأصل فيهم : قيم سنن البرامكة ، سنن الشجاعة والشهامة والكرم ونجدة المستغيث..!!

    كتر خيرك يا عبيد..

    عقبال نلتقيك في فيافي الحكي عن دار حامد ، و اغنيات الربة في مجتمع اهلنا الجوامعة..!!

    ومعا ننادي صديقنا ، الشاعر الشفيف ، الترجمان الحصيف ، المثقف الهميم ، مهندس ابراهيم فضل الله...!..باقي طول الغيبة..!

    شكرا يا صديقي..

    كبر
                   |Articles |News |مقالات |بيانات

26-11-2015, 09:36 AM

علي عبدالوهاب عثمان

تاريخ التسجيل: 17-01-2013
مجموع المشاركات: 7596

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    الرائع كبر .. هكذا دائماً مبدع ..
    حتى إسم المكان به تنغيم يكفى المسمى فقط ( رهيد البردي )
    خذنا مع حروفك وجمال سردك إلى حيث تريد ..
    السمع والطاعة لهذا الابداع ..

    واصل ..
    مودتي ..
                   |Articles |News |مقالات |بيانات

26-11-2015, 10:18 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    (13)




    كبر

    ___________

    التعديل لإعتبارات خاصة..

    (عدل بواسطة Kabar on 05-12-2015, 07:10 AM)

                   |Articles |News |مقالات |بيانات

26-11-2015, 10:54 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)



    That's it ,,,,,,,
                   |Articles |News |مقالات |بيانات

04-12-2015, 01:03 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: أيمن الطيب)

    حباب الجميع هنــا..

    اصدق التعازي الى بت ابا امينة عيسى..

    وحباب ول ابا على عبد الوهاب..

    وحباب صديقنا ايمن..

    كتر خيركم على المرور..

    كبر
                   |Articles |News |مقالات |بيانات

04-12-2015, 01:10 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    (14)


    عن البرامكة:



    بالنسبة للسؤال :هل توجد علاقة بين مجالس البرامكة بتاعة امسودان والوزير في الدولة العباسية ، على الأقل في احدى مراحلها ، يحي البرمكي؟..
    في الفيديو الفوق ، واحتمال نعيد نشرو تاني لربط الحاجات مع بعضها البعض ، أول حريف (حريف ، وده اسم الشاعر في مجلس البرامكة ، بالمناسبة ، هم كلهم حرفاء/شعراء ، وحريفات/شاعرات/حكامات..يشعرون ويشعرن ، يقولون الشعر ، حول قيم الخير والكرم والمحبة والجمال ، وهي سنن البرامكة اياها)..

    في الفيديو يقول الحريف، شعرا:

    أنحن الجعفرية ،
    بنشرب شاهينا ،
    من زمن المهدية ،
    زمان جدودنا المهدية ، بترو التــُكية ،
    بيعملوها عمة وجلابية وطاقية وصديرية ،
    والكلام البقولا ده ، فوق الكتاب فيّا ،
    وموجود من زمن المهدية ،

    أنحن الجعفرية ،
    بنشرب شاهينا ،
    من زمن المهدية ،

    الجماعة شافوها جاية هناك ،
    قالوا دي يا تيّا ؟
    دي مصرية ..؟!!!!
    دي سعودية..؟!!!!
    دي لبنانية؟!!!!
    قلتا ليهم : أبدا..!
    الزولاية دي ،
    الخدرا دي ،
    دي سودانية ،
    وفوق السودانية ،
    دارفورية ،
    والكلام البقولا ده ،
    فيّا من زمن المهدية ،
    وموجود من زمن المهدية ،
    في شوفكو يا البرامكة:الكلام ده فيّا ولا مافيّا؟..
    (فيجيب الكورس : فيّا..فيّا..!!)

    كبر

    __________

    التعديل لإعتبارات خاصة

    (عدل بواسطة Kabar on 05-12-2015, 07:15 AM)

                   |Articles |News |مقالات |بيانات

04-12-2015, 01:14 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    (15)

    شراب الشاي / الشاهي في رواية اخونا الجميل كباشي الصافي (كأنتونا ون)، في امسودان ، مشهورين بيهو البقارة (غرب امسودان) والشايقية (شمال امسودان) ، واحدث دراسة عن طقوس شراب الشاي ، هي باللغة الإنجليزية ، بعنوان:

    Baggara of Sudan: A mazing Tea Party
    By:
    Braima M. Adam
    وده ياهو ، اخونا ول ابا بريمة الحايم هنا ده..!!

    ودراسات كتيرة اتعملت عن فكرة مجالس الشاي ، وكلها بتحاول تؤرخ لفكرة ليه مجلس الشاي في امسودان مرتبط بالبرامكة بتاعين الدولة العباسية..!
    وفي الفيديو ، الحريف/الشاعر بيقول لينا (انحن الجعفرية) ، نلاحظ ، ده شغل تم في الألفية التالتة ..!!

    فمن هم هؤلاء الجعفرية؟..

    الخواجة اربر ، الكتب الدراسة التي اشرنا ليها فوق ، حاول تجذير الشغلانة..و ارجعها الى يحي البرمكي ..طبعا التاريخ بيقول ليك ده كان وزير الخليفة هارون الرشيد..ولكنو اصلا كان..
    Mentor
    منتور ، بالعربي ، مندري..!
    ويحي ، ابوهو خالد ، وهو عمك خالد بن برمك ..ده اشتغل في وقت ما مع جد ناس هارون الرشيد..الخليفة السفاح..السفاح ده منو؟..ويمكن ان نراجع التأريخ المكتوب ..!..المهم..

    يحي كان عندو ولدين : الفضل وجعفر (انحنا الجعفرية ..!!.. بتاعة اخونا في مجلس البرامكة من نواحي رهيد البردي الجبناهو فوق!!)..

    الخواجة اربر قال:

    The Baramka clubs particularly identify themselves with Ja’afar..

    وحسب الفقرة ، فان البرامكة في امسودان يعرفون ذاتهم الثقافية عبر ذات جعفر بن يحي بن خالد بن برمك..و يتشبهون بخصال البرامكة في العهد العباس ، من كرم وشهامة وجود..وهو ما نلاحظه في مفتح قصيدة الحريف هنا..و قولو ( انحنا الجعفرية)..

    كبر

    ــــــــــــــــــــــــ

    التعديل لإعتبارات خاصة

    (عدل بواسطة Kabar on 05-12-2015, 07:19 AM)

                   |Articles |News |مقالات |بيانات

04-12-2015, 01:20 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    (16)

    البرامكة في عهد الدولة العباسية كانوا مشهورين بالكرم والعطاء والجود..وحينما جاءت متأخرة الناس في بقعة بعيدة للغاية عن حدود الدولة العباسية ، في امسودان تحديدا ، وبعد مئات السنين بعد انهيار الدولة العباسية كواقعة سياسية واجتماعية ، ويتشبهون بالبرامكة..فهنا..نحتاج كثيرا من البحث وتجذير الحاجات..

    سنن البرامكة التي احياها النعيم ود حمد (عمدة المعيلق) قبل مية سنة او اكثر ، ثم ينتسب ليها مغني الشاي في مجتمع رهيد البردي في الألفية الثالثة ..فهذا ما يحتاج التوقف..

    وقبل الخروج هنا ، بعض الإضاءات لكلام الحريف ..شاعر مجلس البرامكة في الفيديو الفوق..

    فهو قال:

    زمان اهلنا المهدية بتروا التُكية..


    اي بيتروا..ودي شغلانة اظنها اندثرت في امسودان ، وهي فكرة صناعة النسيج في بداياتها الأولية..والفعل (بيي تروا) جات منو فكرة مفهوم (المــُترار)..!

    فالناس في العهود القديمة كانت بتشتغل صناعة النسيج بادوات بسيطة للغاية..وحتى عهد المهدية في تاريخ امسودان ،فصناعة النسيج الحديثة لم تصل امسودان ، وانما الكانت سايدة هي الصناعة البدائية وبادواتها البدائية..!!..

    هل فيكم واحد/ة ممكن يتخيل الناس كانت بتصنع الملابس كيف في عهد المهدية وعهد ما قبل المهدية في امسودان؟..انا رأيتها بأم عيني ، في بدايات سبعينات القرن الماضي ، عبر جدي نصر الدويد (والد امي) ..وكانت ايامها زراعة القطن ، في امسودان ، حاجة اظرط من الإغتراب للسعودية ودول البترول..وكان بيزرع القطن ..و في زمن الحصاد بيعزل أفضل ما عندو من انتاج (زي حكاية اهلنا ناس الشمالية مع زراعة التمر..فافضل الإنتاج عندهم ما بيمرق بره تب..!!)..وبيشتغل فيهو صناعة نسيج محلية وبادوات بدائية للغاية.. (بتروا التكية)..!

    طبعا في بعض ثقافات البقارة ..التــُكية .. ليست هي فقط فكرة صناعة النسيج البدائية ، وانما كانت لبسة محلية ..يبلسها الرجال..!!..وكانوا بيقولوا: فلان لابس تــُكية..!!
    طبعا بي تقدم السنين والحاجات..بقت التــُكية هي السروال الطويل الذي يلبسه الرجل السوداني اليوم (سواءا في البندر أو في الريف..)..!!..و كل ذلك ابعد من فكرة (التُكية)..!!

    لكن المدهش هنا.. فكرة اختيار نقطة معينة للتأريخ (جدودنا المهدية).. أي اختيار زمن المهدية..والأظرط..تخطي ذلك الزمن (المعروف الحدود والملامح) الى زمن اخر (زمن جعفر بن يحي بن خالد بن برمك)..وكلو يظهر ليك ، في شكل حنين في الألفية التالتة..ألفية زمن ثقافة الدوت كوم..!!
    وتظل ، الفكرة عندنا ، فيما يخص سنن البرامكة.. انها سنن الكرم والجود والجمال ..وفيما يوالينا منها من تخريج .. قيم المحبة والزوق وقواعد الإتكيت النبيلة..!!

    وان البرامكة ، حتى الآن ، ينسبون خصالهم وعاداتهم وطقوسهم الى ناس عمك برمك (والد خالد ، وخالد والد يحي ، ويحي والد جعفر)..!
    البرامكة ، تعرضوا لمحنة كبيرة..و قتلوا..و سلبت املاكهم.. ياخي هرون الرشيد بلغ بيهو الأمر .. ان سيح دم مواطنة..لأنها كانت جارية عمك جعفر بن يحي البرمكي..ولمن هارون صفى جعفر تصفية جسدية بينة ، قام جاب الجارية دي، وكانت حبيبة ومقربة لنفس المرحوم جعفر ، لمجلسو وقال ليها ، بكل طفاسة : غني لينا واطربينا ياااااااااخ..!
    وقامت الجارية ، قالت ليهو بكل شجاعة: حرمان عليك (تقصد الطرب، فما تمشوا بعيد..!!) بعد الأسياد..!!
    وتقول الرواية التاريخية ، انو هرون الرشيد راجع الجارية كذا مرة..وكانت واقفة في نفس موقفها.. لمن عمك زهج وسيح دمها..!!

    يا ترى ، هل نفس الوفاء هو الوفاء؟..موقف الزولة دي ، في الوفاء بيذكرني ، موقف صحابنا ناس مجلس البرامكة في الفيديو..يعني في الألفية التالتة ..يقولوا ليك (نحن الجعفرية)..!!




    سوف نعود ن مرة اخرى لمطايبة الأصدقاء هنا..
    وبعدها نرفق اخر فيديو عن رهيد الفبردي ..و هو للفنان على الرهيد..

    كل سنة والجميع بخير..

    كبر
                   |Articles |News |مقالات |بيانات

04-12-2015, 03:13 AM

انور تاج السر

تاريخ التسجيل: 18-11-2006
مجموع المشاركات: 760

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    Quote: يعني ما بينفع فهيم جنس تعضرك بتاع نحن (من الشمالية (


    الأخ كبر عايز أوضح نقطة: لم أورد عبارة "نحن فى الاصل من الشمالية" بغرض الجهوية أو التميز و أتبعتها بعبارة " فحسبت الأمر موروث ثقافى فى أنحاء السودان بعد أن حدثتنا عن مجالس البرامكة".

    أنا بفضل الله تعالى معافى من الجهوية و العنصرية و السياسة (الجريمة المنظمة) بيمينها و يسارها و فوقها و تحتها، فاطمئن لم و لن أصدق قط خزعبلات (سميتها انت هجايص) أولاد بحر و جلابة و غرابة و غيرو.

    أعذرنى أخى اذا أسأت الفهم، و لكن لزم التوضيح لأنو فى كتير من الناس فى المنبر الوعر ده ما عندهم غير الترصد و تأويل الكلام و الزعم بالعلم بما فى صدور الاخرين و قراءة نواياهم.

    مع ودى و تقديرى
                   |Articles |News |مقالات |بيانات

05-12-2015, 08:11 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: انور تاج السر)


    تحية للصديقات والأصدقاء ممن يتابع هذا الخيط المتواضع..

    ونعتذر ليهم بشدة عن تعديل الفقرات (13 ، 14 ، 15)..وذلك لإعتبارات خاصة جدا ، اكتشتفتها بعد المراجعة والقراءة بعد ايام من نشر هذه الفقرات..وهي فقرات عادية لم تحتوي أي شئ غريب..و انما الغريب هو مزاج القراية التانية..

    نلتمس العذر من الجميع..

    كبر
                   |Articles |News |مقالات |بيانات

05-12-2015, 08:13 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    ول ابا معاوية المدير..حبابك يا صديقي..

    والتحية عبرك لصديقنا جلالدونا..وهو من المثابرين على متابعة اشياءنا..و اذكره كثيرا حينما افتقدنا في خيط اسوة بصديقنا ابكر الطويل ( الأديب الأريب..ابوبكر عباس رضى الله عنه)..

    كتر خيرك يا معاوية في اشراكنا في هذه القطعة التي تعج بالحنين والغربة والتفاصيل الصغيرة الأنيقة..

    ودي الكتابة التي ننشدها يا معاوية..التفاصيل السمحة ..تفاصيل الناس العادية.. دكان عمك فلان في الزاوية الفلانية..وجنبو دكان عم فلان..وتصور الناس هناك عن الدنيا وعلاقتهم بالأشياء..الشوارع الصغيرة.. البيوت المغبرة التي تحكي حكاياها للزمن العاتي..!

    اما الغربة يا صديقي ، فهي ليست كلها شر كما نتصور..ومن تجربتي الشخصية..اهدتني فرصة لتأمل الكائن الإسمو الوطن.. تامل عبر الأغنية.. الملامح..الذكريات..الخ..

    وحتى اللحظة يا صديقي ..كلما اتأمل قبة السماء الصافية في تلك المدن اللئيمة/المدن الرأسمال/الإستهلاك..لسع بتكون فيني الدهشة..وين اب ريا ، وين التريا ، وين العصي ، وين الزرافة.. وين سهيل ..وين السماك الأعزل..فقبة السماء هي هي يا صديقي..لسع علاماتها باقية مع مرور السنين..وكل نجمة أو مجموعة نجيمات بتكون لي معاها نكتة..طرفة ، ذكرى..!

    يا ريت يا معاوية الناس تواصل في نهج كتابة الناس العادية.. الناس التي تصنع الحياة والجمال والنقاء..وهم من نتفقدهم الآن..يتسللون بهدوء في دوداب الغياب في غمرة هلاكنا في الركض الكبير..الركض الرأسمال..

    فلنكتب اشياءنا كما هي..و صدقني سنكتشف المفارقة بانها هي فعلا اشياء جميلة وحميمة..!

    كتر خيرك

    كبر
                   |Articles |News |مقالات |بيانات

05-12-2015, 08:14 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    ول ابا علي عثمان..حبابك يا صديقي
    كتر خيرك على المرور والمطايبة هنا..

    النية موجودة يا علي..ولكن ..العين بصيرة والإيد قصيرة..حاجات كتيرة نشتهي ان تكون ..ولكن هو قدرنا يا صديقي..قدر اجيال اسميها بيني وبين نفسي (عيال الزمن المـُر)..اجيال دايما احلامها مجهضة..و امانيها مؤجلة..!

    سوف نواصل ما استطعنا للوصال سبيلا..!

    كبر
                   |Articles |News |مقالات |بيانات

05-12-2015, 08:16 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    ايمن الطيب..حبابك يا صديقي

    كتر خيرك على المرور والمطايبة..

    وكتر خيرك على الهدية/الرؤية..فدي واحدة من طيبات التواصل في هذا المنتدى..لأنو فيهو امكانيات لا بتلقاها في الجريدة/المجلة/الكتاب/الإذاعة/التلفزيون..لأنو بيدينا فضاء واساع وحميم..بيستوعب حضور اللوحة ، الغنية ، الناس/التفاصيل..!

    كتر خيرك يا ايمن..
                   |Articles |News |مقالات |بيانات

05-12-2015, 08:18 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    انور..حبابك يا صديقي

    كتر خيرك على المثابرة والحضور هنا واثارة الأسئلة الجميلة التي تفتح بوابات من المعرفة النادرة التي قد لا تتيسر لغالبيتنا هنا..

    ابدا يا صديقي انت لم تسئ الفهم..و لكن الإنسان كائن اجتماعي وكثيرا ما يتأثر بالبيئة حوله..

    قد تستغرب يا انور.. انا لأ اؤمن بحاجة اسمها الجهوية في امسودان ، في المقابل اؤمن تماما بان المجتمع السوداني (قبل انفصال الجنوب وبعد انفصاله) هو مجتمع متعدد الثقافات وغني بالتنوع..وعشان نبرز التنوع ده ونتعايش معاهو بصورة ايجابية..لازم نعرضو كما هو دون الخوف من احكام القيمة المسبقة الجاهزة التي يفصلها بعض السودانيين كطواقي جاهزة..!

    نحن في زمن ما بعد الحداثة يا صديقي..وفي هذا الزمن تمت ازاحة فرضية (مركزية الأشياء والثقافة والفكر والفلسفة).. فنخبة السياسة في الخرطوم ، ومنذ عشرات السنين المهدرة من عمرنا الحضاري..ظلت تحافظ على هيمنتها..والمحافظة على هذه الهيمنة تقتضي خلق بعض المثولوجيا مثل فكرة الجهوية.. يعني أي انسان من الريف أو الأقاليم يقوم يتكلم عن حياتو/ثقافتو/رؤيتو للعالم.. طوالي النخبة بتقوم تفك ليهو واحد جهوية مزبوط..عشان يجيبونا في القالب..و نظل كلنا في نمط العاصمة ، مزاج العاصمة ، غنا العاصمة ، ثقافة العاصمة..وده نوع من الحظر على التنوع..ليه؟.. لأن السودانيين والسودانيات لمن يمشوا العاصمة بيصيروا مسخ (النقاط دي فصلناها كثيرا في حواراتنا مع صديقنا ول ابا محمد عبد الله حرسم)..!

    والمنبر يا صديقي ، مثل البيئة السودانية ، خصوصا بيئة البندر العاصمية...ناس كتيرة هنا يا صديقي اتعلمت في العاصمة ، وعاشت في العاصمة..عشان كده ، من باب غريزة الدفاع عن الوجود بتقوم الفئة دي تتحسس من الحاجات..وبالتالي بتحاول ، بصورة مستميتة الدفاع عن وجودها عبر صرف حاجات مثل فلان جهوي وفلان عنصري.. فاخوانا ناس النخبة السودانية المنبتة ثقافيا وحضاريا وتاريخيا وجماليا..لمن يشوفوا حاجة بتهدد نموذجهم المشوه..طوالي بيقولوا ليك دي جهوية..مع انو مافي حاجة اسمها جهوية..!

    نعم يا صديقي ، وفي هذا المنبر..ناس لا شافونا ولا بيعرفونا ولا اتعاملوا معنا بحق وحقيقة..وبكل بساطة يطلعونا كذابين ومجانين وعنصريين..!

    اتفق معك يا انور.. منبر سودانيز اونلاين..فيهو ناس بتكتل فينا معنى الإنسانية..وليتها عندها القدرة تقدم النموذج الأمثل..!!..كلهم منبتين ثقافيا وحضاريا وتاريخيا واخلاقيا.. فلا تهتم بهم..!

    من حق انسان شرق السودان ان يقول انا من الشرق وهذا ما يميزني في الوجود البشري..و يقدم ثقافته ورؤاه..ومن حق انسان الجنوب ان يفعل نفس الشئ..ومن حق انسان الغرب ان يفعل نفس الشئ..ومن حق انسان الشمال ان يفعل نفس الشئ.. لتكون المحصلة موزاييك متناسق في ابعادو..مختلف في الوانو..ليكون لوحة اكبر اسمها امسودان..!

    كتر خيرك يا انور..نعم من حق الناس تتحسس وتلتفت حولها..ولكنها من حقها ايضا ان تقاوم قوى الشر..ليكون الوجود الأجمل..!

    الحاجة الواحدة التي ذكرتها في بعض الأجزاء المحذوفة ، اقصد بها انسان الريف في امسودان ، فعادي يا صديقي ممكن امشى لي قرية في الشمال والقى الناس تستقبلني وتكرمني من غير من او اذى او تهجس من كوني كائن غريب عنهم ، ونفس الحاجة ح نلاقيها في ريف شرق السودان ، ريف جنوب السودان ، ريف غرب السودان ، ريف وسط السودان ، لكن نوهائي ما ح نلاقي الحميمية والطيبة دي في انسان العاصمة ، انسان التهجس الذي ابتدع مثيولوجيا الجهوية..لا استطيع ان اقف امام باب في العاصمة واقول للناس انا عابر سبيل..لا استطيع..!

    لأني لو فعلت ذلك ، ابسط حاجة : يا نادوا ليك البوليس ، او قالوا ليك:اهو داك درب الجامع..!

    هذه الذهنية يا صديقي هي التي تحكم البعض هنا ، البعض المتهجس بزوال وجودو تحت أي لحظة..عشان كده ، عندنا انسان الريف في امسودان بيعيش الزمن الحضاري بكل تفاصيلو..و بيخلف ذكرى طيب عند رحيلو..عكس انسان العاصمة.. بيعش مستهلك ، وحينما يذهب لا احد يذكره..لا احد يذكره..ودونك نموذج برامكة رهيد البردي..بيتذكروا جعفر بن يحي البرمكي..و بيتذكروا المهدي..وتاني ما عندهم أي نقطة فاصلة بيتذكروها..!

    ودمت طيبا..
    كبر
                   |Articles |News |مقالات |بيانات

05-12-2015, 08:27 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    اصدق التعازي.. لول ابا حافظ انقابو..وهو من ناس رهيد البردي..
    تمنيت حضور صديقنا حافظ وبقية ناس رهيد البردي..ولكن..!
    كبر
                   |Articles |News |مقالات |بيانات

05-12-2015, 08:55 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    (17)

    التحية لأخونا الفنان علي ابراهيم علي (علي الرهيد)..



    في هذا الفيديو.. ملامح كتير بتحتاج اضاءات..و كنا ننوي الحديث عنها بالتفصيل..ولكن لظروفنا الخاصة..الحاجات مشت في اتجاه خلافا لما كن نود..

    عموما.. اجمل حاجة فطن ليها اخونا الفنان علي الرهيد..وهو تنفيذ هذا العمل..وفيهو حاجات كتيرة بتكون الناس سمعت عنها سمع او ربما الناس تكون ما سمعت بيها نهائي..

    الرقصة المصاحبة ، في ثقافة المسيرية اسمها (رقصة ام قدرة) ، وزي ما ذكرنا زمان أن ثقافات البقارة ، خصوصا في حكاية الغنا والرقيص.. الحاجات بتكون مقسمة.. أي زول/ة بيلقى المساحة الممكن يعبر فيها عن ذاتو.. الغناء والرقص تحديدا في تلك الثقافات هي مساحات للتعبير عن الذات.. تعبير ما فيهو رقابة (قبلية أو بعدية..!!)..فهناك رقصات خاصة بالأطفال ..وهناك رقصات خاصة بالشباب..و هناك رقصات خاصة بالناس المتقدمة شوية في السن..و الرقصة في فيديو الفنان علي الرهيد المرفق هنا ..هي رقصة الشياب.. أي الناس المتقددمة في السن شوية..!

    و ياريت اهلنا في رهيد البردي يحدثونا عن الرقصة دي..

    النص الغنائي.. هو النص المقابل لنص اغنية وجدت حظها من الشهرة في المشهد الثقافي في امسودان ..وهي غنية (الجنزير التقيل)..وفي مرة تانية نفرغ النص من الفيديو بغرض المقابلة..!

    من تفاصيل الفيديوكليب بتاع اخونا علي الرهيد..زمان ول ابا بريمة كان متكيف من بت ابا شادن محمد حسين لمن مشت الخلا ورقصت النقارة مع الناس هناك..وهنا التفصيلة الجميلة.. في اول الفيديو ..الفنان علي الرهيد امتطى صهوة الجواد..وبرم الطاقية..ولف العمة..ودي حاجات الناس ما بتشتغل بيها كتير ..لكن لمن يتفرجوا فيها ناس من خارج محيط امسودان ..بيسألوا عنها كتير وبيكونوا متشوقين يعرفوا عنها حتة بحتة..!

    ايضا هناك.. الحربة الجلكاية..وده السلاح بتاع ناس المهدية..والغريبة حتى الآن موجود في كثير من مجتمعات البقارة ..طبعا ظهور الكلاش والمدافع اياها سحب البساط عن تلك الآلة بعض الشئ..

    في الفيديو.. بنلاحظ الفنان على الرهيد بيفرد الشال ويهزوا..و الناس البتتفرج كتير في رقصة النقارة بتلاحظ انو الحركة دي بيعملنها البنات.. يعني الواحدة بتربط العمة/التوب حول خصرها وبتهز الجدائل المنفردة..هنا بيحصل العكس ان الرجل هو من يفعل ذلك..ليه؟..

    الملاحظة الأخيرة..ان هذه الرقصة تعتمد على حركة العنق كثيرا..طبعا الزراف يتميز بعنق مستقيم لا يقبل التأرجح..لكن الريتم يشبه حركة الزراف في مجملها..لكن الغزال..حينما يركض.. يتحرك جسمه ، ويتحرك عنقه بصورة متناسقة مع حركة الجسم العامة..و يمكن التمييز من قبل المراقب الدقيق..!

    حركة العنق في هذه الرقصة ، هي فكرة (حنجور الصيد) التي وردت في فيديو كليب سابق ارفقناهو في هذا الخيط..

    ودمتم..
    كبر
                   |Articles |News |مقالات |بيانات

05-12-2015, 09:11 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    رقصة النقارة (المسيرية في منطقة كيلك)..
    والفيديو قاعد احرص عليهو كتير للغاية لأنو الفيديو الوحيد القاعد يحدث التوزازن بين صوت النقارة والرقص..!!
    صحيح كل البقارة بترقص النقارة على ايقاع الطبل.. لكن في كل المواد المعروضة حتى الآن..مافيش صوت نقارة قوي وواضح ومرتب مثلما في هذا الفيديو.!!




    المقارنة: توضيح فكرة الرقصة في فيديو الفنان على الرهيد..وحركة هز الشال..وفي النقارة بيكون هز التوب..و البنات البتعمل الحركة دي..

    الحاجة التانية.. استخدام حركة العنق..في النقارة وفي رقصة (ام قدرة)..ونفس الحركة بنلقاها في اغاني الدرملي..ليه البقارة ، تحديدا العطاواة.. مشغولين بحكاية التعبير بحركة العنق؟..ده كلام كبير وداير ليهو تفرغ تام..

    دمتم..

    كبر
                   |Articles |News |مقالات |بيانات

05-12-2015, 12:16 PM

عبدالكريم الاحمر
<aعبدالكريم الاحمر
تاريخ التسجيل: 09-01-2013
مجموع المشاركات: 424

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    انعل أبو الزفت زاتو يا ول أبا كبر ناس كيلك ديل نارهم حمرا ... البنات طايرات من التراب طير والعيال خلهم ساكت معاك حق تحرص على هذا الفيديو لاعتبارات انت قلتها لانك استشفيتها بحسك الفني اما الناس الزينا بتملكهم الاعجاب بالاداء الفني العالي المستوى وان كنا لم نصل لإرجاع ذلك لمسألة التوازن بين صوت النقارة والتمبل وايقاع الرقيص .
    فيديو علي الرهيد يا ولد ابا فيديو رائع ولكن ترك في نفسي حزن عميق لم اجد له تفسير لانو تعودنا انو الواحد يكون منتشي كالعادة لامن نتفرج على فيديوهاتك الممتدة حتى اقصى الغرب الافريقي ولربما مرد ذلك كما يقال ان بعض الجمال يعطي الانسان مسحه من الحزن الجميل او كما قال الناقد الإنجليزي دي اتس لورانس : ان بعض الألم النبيل يبعث نوع من المتعة كمتعه ان يشعر الانسان بحكة فيحكك جلده حتى يدميه . أداء ول ابا علي الرهيد للأغنية كان أداء عالي الجودة وتحس انو يؤدي الاغنية بصدق مشاعر والنسوان البيرقصن بالرقبة أضاف هيبه وبعد جمالي آخر .. وبمناسبة الرقيص بالرقبة انا عندي طلب عايز اطلبو منك وان كان ح ياخد منك الوقت العريض والطلب يتخلص في انو نحن مرات الدرب بودر لينا في ألمي فاذا قدرنا فرزنا الإيقاع والأداء وقلنا ديل حوازمة وديل مسيرية الا انو نجد صعوبة في التعرف في اداء عيال أبا التانين من هبانيه ولا بني هلبه ولا تعايشه ولا رزيقات ، طبعا لأنو ما حصل شاهدنا نقارة هبانية ولاتعايشه في ديارالحوازمة بعكس نقارة المسيرية التي نعرفها للاعتبارات الجغرافية . الطلب التاني هل لتربية الابقار او الابل كنشاط اقتصادي رئيسي له الاثر في تشكل طريقة اداء النقارة او المردوم لان من الملاحظ ان أداء الحوازمه للنقارة اكثر حركة وعنف اذا صح التعبير بينما أهلنا التعايشه يتميز بنوع من الرقة في الأداء و بتعبير آخر وعلى سبيل المثال نسوان الحوازمه لامن الواحدة ترقص النقارة ترقص ( طيارة قومي) من بكانها وتنط لفوق ولكن في فيديو علي الرهيد الوضع غير والرقيص اكثر نعومة وانت قلت النسوان بحاكن في رقصتن رقب الظراف اللهو اشبه بالنوق
    انا اعتقد دا مشروع كبير لم يتطرق ليهو احد على حسب قدرة معرفتي بمن هم بحثوا في موضوع تراث بقاره لانهم كلهم بيفترضوا الناس عارفه ، الفيديوهات التي تشرح الفوارق دائما تنقل المعنى كاملا .
    شكرا ياول با كبر لهذا الجمال والتنوير والمتعة وانت توثق للوطن الكبير عن هذا الجزء الثر منه ... رقصة ( ام قدرة) احلف غيابي مافي زول سمع بيها الا القليل وماخفي اعظم ، اعظم الاخطاء ان يظن صاحب المعلومة ان هذا معروف ولايحتاج لشرح او تقديم وان صح قوله في بعض من ذلك الا انه سياتي يوما اناس يسالونك عن النقاره هل هي رقصه ام وجبة طعام دسمة ؟
                   |Articles |News |مقالات |بيانات

06-12-2015, 09:04 AM

عبدالكريم الاحمر
<aعبدالكريم الاحمر
تاريخ التسجيل: 09-01-2013
مجموع المشاركات: 424

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: عبدالكريم الاحمر)


    .
                   |Articles |News |مقالات |بيانات

06-12-2015, 11:21 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1614

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: عبدالكريم الاحمر)

    Quote: الملاحظة الأخيرة..ان هذه الرقصة تعتمد على حركة العنق كثيرا..طبعا الزراف يتميز بعنق مستقيم لا يقبل التأرجح..لكن الريتم يشبه حركة الزراف في مجملها..لكن الغزال..حينما يركض.. يتحرك جسمه ، ويتحرك عنقه بصورة متناسقة مع حركة الجسم العامة..و يمكن التمييز من قبل المراقب الدقيق..!

    تحياتي الصديق كبر وسلامي لضيوفك وحيا مطر البخات رهيد البردي
    في رقيص الجراي ، نجد اصوات حلقوم أهل الكرير "الطمبارة" هاما جدا، فلذا نجد ايقاع ضربات ايديهم وارجلهم
    تعزفان علي اوتار قلوب الحسان بعزوبتها وحمحمتها التي تشبه هديل الحمام فتأتي الجميلات مسرعات
    ويتمايسن كما الخيزران ويدخلن حلبة الرقص بعد ان يرخين اقدامهنّ في فتور ويشرئبن باعناقهن
    فتنقصم وتنفدغ ظهورهنّ وتنفدع خصورهنّ التي تصبح كحجاب المتصوفة

    Quote: لكن الغزال..حينما يركض.. يتحرك جسمه ، ويتحرك عنقه بصورة متناسقة مع حركة الجسم العامة..و يمكن التمييز من قبل المراقب الدقيق

    حركة العنق في هذه الرقصة ، هي فكرة (حنجور الصيد) التي وردت في فيديو كليب سابق ارفقناهو في هذا الخيط

    حركة الصيد هذه، ومد عنقه "حنجوره" في العدو أهل البادية يسمونها "القنين"، يقول شاعر كباشي قديم، يصف فتاة إسمها مقبولة:
    سماح مقبولة في العَدَلْ القنين بي خبايرو
    خطم تيقة وحَدر اصبح بلوب بي خضايرو
    *أي جمال الفتاة مقبوله وجدها في الصيد، الذي يَمُد أعناقه "خبيرتو/حنجور" وهو يعدو ، وتيقا جبل شهير بمراعي الشمال ببوادي الكبابيش، وبلوب اي يتجول
    صدقت ياصديقي كبر، أهم مافي الرقيص هو مَدْ الحنجور وحركته، حتي في رقيص غنا الجراري
                   |Articles |News |مقالات |بيانات

13-12-2015, 01:22 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: عبيد الطيب)

    تحياتى ول أبا كبر،وعبرك تحية لول أبا عبد الكريم الأحمر .. والله كتب درر .. وأنا ذاتى داخل معاك فى مبحث ول أبا .. الذي دعاك له .. حتى نفهموا من نحن ..فى قصة البرامكة والشاي .. الكتاب تأخر عن الصدور بسبب أنشغالي .. ولكن بإذن الله سوف أكمل المراجعات المطلوبة ..
    Quote: لكن المدهش هنا.. فكرة اختيار نقطة معينة للتأريخ (جدودنا المهدية).. أي اختيار زمن المهدية..والأظرط..تخطي ذلك الزمن (المعروف الحدود والملامح) الى زمن اخر (زمن جعفر بن يحي بن خالد بن برمك)..وكلو يظهر ليك ، في شكل حنين في الألفية التالتة..ألفية زمن ثقافة الدوت كوم..!!وتظل ، الفكرة عندنا ، فيما يخص سنن البرامكة.. انها سنن الكرم والجود والجمال ..وفيما يوالينا منها من تخريج .. قيم المحبة والزوق وقواعد الإتكيت النبيلة..!!وان البرامكة ، حتى الآن ، ينسبون خصالهم وعاداتهم وطقوسهم الى ناس عمك برمك (والد خالد ، وخالد والد يحي ، ويحي والد جعفر)..!البرامكة ، تعرضوا لمحنة كبيرة..و قتلوا..و سلبت املاكهم.. ياخي هرون الرشيد بلغ بيهو الأمر .. ان سيح دم مواطنة..لأنها كانت جارية عمك جعفر بن يحي البرمكي..ولمن هارون صفى جعفر تصفية جسدية بينة ، قام جاب الجارية دي، وكانت حبيبة ومقربة لنفس المرحوم جعفر ، لمجلسو وقال ليها ، بكل طفاسة : غني لينا واطربينا ياااااااااخ..!وقامت الجارية ، قالت ليهو بكل شجاعة: حرمان عليك (تقصد الطرب، فما تمشوا بعيد..!!) بعد الأسياد..!!وتقول الرواية التاريخية ، انو هرون الرشيد راجع الجارية كذا مرة..وكانت واقفة في نفس موقفها.. لمن عمك زهج وسيح دمها..!!يا ترى ، هل نفس الوفاء هو الوفاء؟..موقف الزولة دي ، في الوفاء بيذكرني ، موقف صحابنا ناس مجلس البرامكة في الفيديو..يعني في الألفية التالتة ..يقولوا ليك (نحن الجعفرية)..!!
    لو لاحظت أن الكاتب أربر .. أشار إلي أن أسم البرامكة .. قصد منه صلة البرامكة البقارة بالكرم والشهامة .. وأن جعفر بن خالد بن برمك هو رمز لهذا الكرم ولذلك برامكة البقارة سموا أنفسهم برامكة إنتساباً .. فى كتاب الشاي .. سوف تجدنى ذهبت أبعد من ذلك .. هناك أسباب أكثر من الأسم .. أولاً .. الجد برمك .. أصلاً ليس عربياً .. فهو فارسي الأصل .. وكان مجوسياً من عبدة النار .. وكلمة مجوسي من اللاتينية Magi وجمعها Magus .. أو من الأصل اليونانى Magos تعنى الرجل رفيع الشأن .. ولعل أسم الألكسندر الأكبر باليونانية The Magos Elexandrous .. تعنى عظيم الشأن .. وفى الأصل الفارسي ربما تعنى الرجال الحكماء .. وأسرة برمك كانت حارسة للمعابد المجوسية ويوقدون ناراً لا تنقطع بسبب العبادة .. فهم مداومون إدامة تامة لشأن عبادتهم .. ودا بيعنى أن البرامكة أستوحوا تلك الحكمة فى مجالسهم أو فى حبهم ومداومتهم علي شرب الشاي ..

    أضافة جعفر بن يحي بن خالد بن برمك .. مهمة فى أدب البرامكة .. وهى أن جده خالد آمن بالأسلام وبحكم سلطة الأسرة الدينية فى بلاد فارس .. أستدعاه الخليفة العباسي وعينه أحد وزراءه لجذب المجوس الفارسين .. وكان خالد رجل ذو مكانة سامية بين قومه والعباسين .. أنجب خالد أبنه يحي .. ويحي وهو والد جعفر والفضل .. ولعل الغريب أن الخليفة المهدي لديه أبنين بنفس أسماء أبناء يحي .. وهما الفضل وجعفر وهارون .. وصادف أن الفضل بن يحي (شقيق جعفر يحي بن خالد بن برمك) ولد متزاماً مع هارون .. الذي صار الخلفية العباسي فيما بعد .. وكعادة العرب تمت رضاعة الفضل بن يحي فى أم هارون (وتسمى الخيزران) .. فصار أبناء يحي أخوة أبناء هارون من الرضاعة .. وهكذا نشأ جعفر وأخيه الفضل فى كنف بلاط الدولة العباسية .. نشأوا نشأة أمراء .. وبالفعل كانوا أمراء .. فقد كان جعفر والياً علي بلاد الشام .. وكان الفضل والياً علي أقليم خراسان .. وكان يحي محبوباً وله مجلس صاخب وذو كرم يصل مرحلة البزخ .. ويمثل مجلسه مجلس أمراء الدولة العباسية وأصحاب الحظوة فيها .. وكان المغنين والراقصات أتراك .. فأخذ جعفر سمعة أسرة برمك التى عرفت بها فى الشهامة والكرم ..

    دا جزء من تأريخ البرامكة .. لكن السؤال كيف عرف البقارة عن تلك الأسرة وتأريخها ربطوا ذلك بالشاي ..؟

    بجيكم ..

    بريمة

    (عدل بواسطة بريمة محمد on 13-12-2015, 01:31 AM)

                   |Articles |News |مقالات |بيانات

13-12-2015, 01:52 AM

انور تاج السر

تاريخ التسجيل: 18-11-2006
مجموع المشاركات: 760

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: بريمة محمد)

    شكراً اخوتى كبر و بريمة للاجابة الوافية على تساؤلى، و فى انتظار الأخ بريمة لألقاء الضوء على كيفية معرفة البقارة (و ربما بعض أو عموم أهل السودان) عن تلك الأسرة وتأريخها و ربط ذلك بالشاي.
                   |Articles |News |مقالات |بيانات

13-12-2015, 01:54 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: بريمة محمد)

    أنا ما عايز أبوظ ليكم الكتاب .. فى حتة تأريخ البرامكة ..
    شيئ أخر وثقته كثير من المراجع أن العرب عموماً لم يعرفوا الشاي سواء .. فى الجاهلية أو صدر الأسلام أو حتى إبان الدولة العباسية .. هذا التوثيق حسب بحثى أجد نفسي أخالفه .. وأن البرامكة العباسيين هم أول من عرف الشاي فى بلاد العرب .. وشربوه عديل فى مجالسهم .. ولم يعرفه عامة العرب إلا بعد قرون طويلة .. والسبب الذي هدانى لذلك هو كتاب "رحلات السلافي" .. لصاحبه سليمان بن سلاف .. ومنطقة سلاف هى فى بلاد فارس .. كما أسرة برمك فارسية .. فأرتحل هذا الرجل ضمن الذين هاجروا مع أسرة برمك إلي بلاد الأسلام .. وكان مشهور بالرحلات الكشفية إلي أسيا .. إنضم إلي سليمان السلافي رجلين من العرب وهما النضر بن ميمون من عمان وأبن وهب القرشي .. وكانوا يسافرون إلي منطقة يحتلها العرب فى شواطنى الصين تسمي فى ذلك الوقت Canton .. فى ساحل خليج المرجان Pearl River .. وباليوم تسمى المدينة Guangzhou .. كتب السلافي فى كاتبه وصف دقيق للشاي .. وكيف أن الأمبراطور الصينى يختص بتجارته وأن ريع الشاي يعود له دون غيره .. وأن الشاي كان شراب الطبقة العليا وخاصة المجتمع .. حينما عاد سليمان السلافي كتب كتابه رحلات السلافي والذي نشره حفيده أبو زيد السلافي من بعد .. يعنى أن العرب فى الدولة العباسية علي صلة بالشاي وتجارته .. وأن منطقة كانتون كانت تشتهر بتجارته، فالعباسيون إذن علي معرفة بالشاي .. وأغلب الظن أن الرواية التى تقول أن جعفر راهن الأمير هارون فى أن مجلسه سوف يغلب مجلس هارون كان يراهن علي مشروب الشاي .. إلا أن هارون تغلب عليه بصنع الكبابي الذهبية .. وكانت كبايات جعفر من الفضة .. وعليه أن البرامكة البقارة لهم سبب قوي للتسمية بأسم البرامكة لأنهم الأوائل الذين عرفوا الشاي ..

    نواصل ..

    بريمة
                   |Articles |News |مقالات |بيانات

13-12-2015, 02:16 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: بريمة محمد)

    وفى رواية مشهورة جداً أن أسرة برمك هى التى ثبتت الخلافة لهارون الرشيد من بعد أخيه .. وهى أن أخيه وأظنه الهادي ؛(لم أرجع للنص) طلب ولي العهد حينها هارون بالتنازل لأبنه .. وقبل هارون بشرط أن يحفظ له مكانته وأن يتركه يعيش حياة مستقرة مع زوجته وهى أبنة عمه التى كان مولعاً بحبها .. فأوفي له الهادي بطلبه .. لكن أسرة برمك .. يحي وأبناءه رفضوا سلب حق أقره الخليفة المهدي قبل وفاته وأمنت عليه كل الأسرة العباسية وأمرائها .. بما فيهم الهادي ..

    ولعل الأقدار كانت تأتى إلي أسرة برمك من ذات الخليفة التى أتت به إلي الخلافة .. حيث أوشي غرماء أسرة برمك فى السياسة إلي الخليفه هارون الرشيد بتمكن أسرة برمك وأن هذه الأسرة قادره أن تخلعه أو تبقيه .. وكانت تلك الوشاية سببها رجل من العباسيين يسمى سليمان القاضي .. بين يوم وليلة وقعت نكبة البرامكة .. وتم سلخ جلد يحي .. والذي يعتبر أكثر حكماء الدولة العباسية .. وتمت مصادرة كل أملاك أبناءه جعفر والفضل وبقية الأسر وتم إيداءهم فى السجون .. تفرق البرامكة أيدي سبأ فى بلاد الله الواسعة هرباً من الموت الزؤام .. فوصل جزء منهم إلي قاهرة المعز .. وسكنوا فى الوجه القبلي .. وهرب جزء أخر إلي فلسطين ورجع ما كانوا بنتسبون إلي الأتراك جزء منهم إلي تركيا ..

    الهاربون من البرامكة إلي مصر .. أسسوا مؤسسة البرامكة وقائمة حتى اليوم .. وبدأوا يغنون وينشدون نفس ما كانوا يفعلون فى كنف جعفر .. هذه المجموعة أيضاً تعرضت لنكبة لأن أسمهم أرتبط بالمجون والرقص .. فهربوا جزء منهم إلي شمال أفريقيا .. دا بيعنى أن البرامكة عديل جاءوا إلي بلاد البقارة .. وليس من المستغرب أنهم هم الذين بدأوا البرمكة وسط قبائلنا .. وإحتماءهم بالبقارة وارد لأن البقارة أبعد ما يكونوا عن متناول السلطة المصرية فى السودان ..بريمة

    (عدل بواسطة بريمة محمد on 13-12-2015, 02:21 AM)

                   |Articles |News |مقالات |بيانات

13-12-2015, 02:43 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: بريمة محمد)


    شكراً يا أنور،
    Quote: شكراً اخوتى كبر و بريمة للاجابة الوافية على تساؤلى، و فى انتظار الأخ بريمة لألقاء الضوء على كيفية معرفة البقارة (و ربما بعض أو عموم أهل السودان) عن تلك الأسرة وتأريخها و ربط ذلك بالشاي.
    أتمنى أكون أجبت علي تساؤلك .. وكتاب الشاي .. سوف يتم نشره قريباً .. والكتب عن تراث وثقافية البقارة قاعد أنشرها بأسعار رمزية بغرض تسيهل شراءها .. لمواجهة الهجمة الشرسة التى يتعرض لها البقارة .. أي هي بغرض أنسنة دور البقارة فى الحياة ومشاركتهم فيها إجابياً مثل غيرهم من الشعوب السودانية.

    وأتمنى من خلال كتابة كتاب الشاي أكون سديت فراغ ثقافي .. عن مشروب صار سودانياً نكهة وطعم .. ولم تكن هناك مصادر عنه. سوف تجدون نبذة تأريخية عن الشاي وأنتشاره .. وكيفيه وصوله لنا الشعب السودانى ومن هم الأول الذين أسسوا دكاكين لتسويق الشاي للشعب السودانى وغيره كثير بإذن الله.

    وأنت براك يا أخى أنور تري فى هذا البوست مدينة رهيد البردي "تاج المدائن" .. كيف أن أهلها يشوون الشواء علي الهواء الطلق .. وهذه ثقافة بقارية بحته .. ونحن هنا محاولين أن نستثمر تنوعنا الثقافي بأنه قوة لنا جميعاً ومصدر ثراء لنا جميعاً .. ومصدر أبداع وإلهام للشعوب السودانية قاضبة .. فترنا تب من الحروب والموت ..

    بريمة
                   |Articles |News |مقالات |بيانات

13-12-2015, 04:22 AM

انور تاج السر

تاريخ التسجيل: 18-11-2006
مجموع المشاركات: 760

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: بريمة محمد)

    ولض أبا بريمة سلام و تحية،

    شكراً على الايضاح و وصل الحلقة المفقودة فى صلة البرامكة بالسودان.

    و الله ليس هنالك أفضل من حياة البقارة و غيرهم من أهلنا الطيبين فى نواحى السودان المختلفة، ولا اخفيك سراً أننى قد هجرت صخب المدن و نفختها الكاذبة، و أعيش الآن فى الريف مع الطيبين فى أحضان الطبيعة حيث الحرية الحقيقية و راحة البال، أعمل فى مجال المحاصيل كما أتمتع بنفس الأشياء الجميلة التى تحدثت عنها من شواء فى الهواء الطلق النضيف و جلسات الشاى و السمر و غيرها.

    التحية موصولة لولض أبا كبر
                   |Articles |News |مقالات |بيانات

13-12-2015, 07:07 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: انور تاج السر)


    ول ابا عبد الكريم..حبابك يا صديقي
    كتر خيرك على المفاكرة هنا..
    نموذج نقارة اهلنا ناس كيلك ، اتكلمنا عنو من قبل في خيط عن رقصة النقارة مستوحى من لوحة ، وح نرفق الرابط هنا لمزيد من الإطلاع والمراجعة ، وهو عندي اجمل نموذج لرقصة النقارة ، لأنو في الطبيعة يعرض النقارة زي ما هي..يعني لا استديو ولا صوت ولا اضاءات..الشباب عازفين النقارة شغلهم مختلف ومغاير للغاية ، وكذا الراقصين والراقصات.



    http://sudaneseonline.com/board/480/msg/-%d8%b9%d9%86-%d8%b1%d9%82%d8%b5%d8%a9-%d8%a7%d9%84%d8%ae%d8%a7%d8%b2%d9%88%d9%82%3a%d9%8a%d8%a7-%d8...1%21-1424245349.html


    العجيبة يا عبد الكريم ، الترميز بتاع اليدين المفرورات مثل اجنحة النسر ..وزمان اهلنا بيقول فلانة بترقص النقارة (صقرية) ، نفس الطريقة دي شفتها عند الهنود الحمر في نورث امريكا..ولك ان تتخيل بعد المسافات..

    غنية علي الرهيد ، زي ما قلت جميلة ، وبعد شوية يا عبد الكريم عشان نحكي لعيالنا عن ظاهرة ركوب الخيل ما حلنقى نموذج غير المعروض في الغنية دي ..وكذلك الحربة الجلكاية وطريقة لفة العمة فوق الرأس..

    الحزن الشفيف في الغنية ، فعلا أي بقاري لمن يقعد مع روحو براهو بحس بالحزن ده ، وكنت ناوي اقدم اضاءات عن النص لتناول ظاهرة الفرادة/فريد/وحيد..وهي ظاهرة موجودة في مجتمعات البقارة..و بيقولوا فلان فريد (يعني اخ وحيد من امو ابو ، او اخ وحيد وسط اخوات ، أو اخت وحيدة لأمها وابوها ، او اخت وحيدة وسط مجموعة من الإخوان) الفئة دي دايما بتحس بحزن عميق ، عشان كده الغنية اتعرضت للظاهرة دي (عزا بلا ولد ام ،بيضوق المحقرة ، الناس شالو حالي وانا عالي جبل مرة)..

    برضك الغنية اعادت مفهوم شايع في الأهازيج ، وكلنا بنكون سمعناهو من حكاوي حبوباتنا وجدودنا ، اهزوجة (الساير عطية ، والمقيم حيماد ، والدخيخين البتلت داك راشد الولاد) ، والغنية استعادت الأهزوجة بصورة مليحة (انا بعز العطاواة ، عشان جملة أهلي ، الدابي ابندرق كن عضى ما بنحوي ، وكت الضيقه هم فزعي) ، وكان البعض في هذا المنبر بستغرب لمن نقول (العطاواة)..

    الشبه بين الغنية وغنية (الجنزير التقيل ، شايعة في مجتمعات الحوازمة والمسيرية) وذلك في تعداد الفرسان وطبائعهم وخصالهم (شجاعة ، كرم ، شهامة ..الخ)..

    عيال ابا التانيين ، زي ما قلت ، زمان الظروف كانت غير متاحة ، لكن تطور تكنولوجيا التواصل عمل اثر ايجابي ، فاليوم كثير من الناس انتبهت للحاجات وبقت بتصور وتعرض الرقصات والأغاني في اليوتوب..طبعا قد تستغرب..المردوم شايع في مناطق الحوازمة والمسيرية فقط لأن اصلا جاي من دار الحوازمة ، اهلنا الرزيقات والهبانية والتعايشة والبني هلبة ما عندهم مردوم ، لكن عندهم رقصات مثل الكاتم والسنجك وام رقيبات ..برضك ما شفت عندهم نقارة زي حقتنا في ديار الحوازمة والمسيرية..وكل الرقصات دايما بتكون متأثرة بمكون قديم.. يعني الحوازمة والمسيرية ، بتلاحظ اثر نقارة الكنقا (اصلا بتاعة الداجو) والمردوم بيشبه الى حد ما طريقة الكرنق..السنجك والكاتم بتلاحظ فيه اثر رقص الدينكا..وهكذا..

    حكاية اثر البيئة في الرقص ، اتعرضنا ليها من قبل ..و جبنا مقاربة بين منطقة خماس الدونكي ..ونماذج من الجراري والربة ، ومقارنتها بالمردوم والنقارة ..و بتلاحظ سرعة ايقاع الرقص في مجتمعات البقارة (اشبه بحركة البقر الجفلن) وبطء الرقص في مناطق الأبالة (هادئة اشبه بمشية الجمال)..وهي مقاربات نتمنى ان نعيد ترتيبها ونشرها بصورة منسقة وموحدة حتى يستفيد منها الناس..

    رقصة (ام قدرة) كانت شايعة .. قبلها المجلة والفنجفانج ..والفكرة عندي نابعة من تأمل ثقافات البقارة ، حيث الحاجات مقسمة وكل زول/ة بحسب الفئة العمرية بيلقى الطريقة البيعبر بيها عن ذاتو..و كانت هي رقصة الناس المتقدمة في العمر شوية (40-60 سنة)..فكانوا بيرقصوا رجال ونساء..وفيها قفزات قصيرة.. او بعض من الحركة الأشبه بالقفز..والباقي بيتموا حركة اعناق كما موضح في فيديو اخونا علي الرهيد..!

    المحزن يا عبد الكريم ، الفئة العمرية دي ، ربما بسبب الحروب والأحزان وشظف المعيشة ، بقت منعدمة تماما ، يعني الليلة لو مشيت الفرقان ما بتلقى ليك فريق فيهو عشرة انفار من الفئة دي ، ولو اتواجدوا بتكون ما عندهم رغبة في الرقص ..الناس كلها فجأة كده هبطت عليها موجة حزن وشغلانة (كبرنا على الحاجات دي)..والعكس تماما في مجتمعات اهلنا الأبالة ، حتى اللحظة بتلقى ناس التلاتينات والأربعينات لسع بيغنوا وبيرقصوا..!

    كتر خيرك يا صديقي
    كبر
                   |Articles |News |مقالات |بيانات

13-12-2015, 07:16 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    ول ابا عبيد الطيب..حبابك يا صديقي
    كتر خيرك على الحضور والمفاكرة الثرة..

    يا سلام يا عبيد على الشعر اللطيف ، ياخي اعمامك ديل كانوا كاميرات اظرط من كاميرات الديجتال اليوم في الدقة في التقاط الأشياء..

    كويس انك جبت المقاربة بين صوت الكرير وهديل الحمام ، وده ياهو اثر البيئة على الإنسان..!

    في ثقافات البقارة يا عبيد ، الناس بتحتفي كثيرا بطائر الغرنوق ، والإحتفاء بيكون على اساس خصلتين في الغرنوق: طول العنق والصوت الجميل..فالغرنوق ، دايما بيغني بصورة جماعية ، وصوتو ممكن تسمعو على بعد كيلومترات..!!

    لو لاحظت يا عبيد ، طريقة حركة الراقصات على تواقيع الكرير ، بتشبه كتير بطء مشي الجمال..ودي الحتة الكنت بتكلم فيها من قبل والآن ذكرتها لصديقنا عبد الكريم الأحمر..وكلها مؤشرات بتذهب في اتجاه قراءات الحاجات وتحليلها بتصورات جديدة..!

    مفردة (خطم) ما وقعت لي ، وظنيتها (ختم)..واهل البادية عندهم عبارات شاعرية ودقيقة في الوصف..فعند ناس البندر ، لوقلت ختمت فلان ، ح يستغربوا ، لأن الختم عندهم الختام/النهاية/الإكمال ، بينما عند ناس البادية ..حاجة مختلفة شديد..!

    حاجات كتيرة يا صديقي محتاجين نتكلم فيها ، لأنو مزعمنا أنو امسودان دي اهم مشاكلها الناس ما بتعرف حاجات بعضها البعض ، فالكلام عن الحاجات احتمال يقرب المسافات والشقة بين الناس القاعدة تتضابح ساكت بلا معنى..

    كتر خيرك يا عبيد..
    كبر
                   |Articles |News |مقالات |بيانات

13-12-2015, 07:24 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    ول ابا بريمة..حبابك يا صديقي
    كتر خيرك على الحضور والمفاكرات الثرة..

    بس ما تنسى البغيتة..!

    واهلنا زمان كيف كان بيشتروا السكر بالرأس والبغيتة..وهي ان السكر كان بيجي في شكل كتلة (اشبه بقطعة الطوب الأحمر)..!

    الشاي ، تأريخيا ، وهو شجيرة اسيوية..يعني بتنمو في اسيا..وطبعا ح تستغرب يا بريمة .. نقتنا عن الشاي والمفارقات عنو..دعت اخونا احمد هرون (والي جنوب كردفان السابق) ان يتبنى حملة لإستزراع الشاي في جنوب كردفان ..وما عارف الفكرة مشت لغاية وين..لكن العارفو انو هناك اجتهادات وافكار من بعض ناس اساتذة العلوم الزراعية في الولاية حول توطين بعض المحاصيل النقدية والإتجاه الى البستنة وزراعة الفواكه والأشجار المثمرة وبالطبع زراعة الشاي..غايتو اهلك ديل لو زرعوا ليهم شاي هناك اسكت ساكت ..!

    عكس الشاي ، فشديرة البن هي افريقية ، واول ناس قاموا بنشرها هم اهلنا الحبش ناس اثيوبيا..واذكر كنت بقرا في كتاب عن تاريخ القهاوي في الشام ، ان علماء الفقه في بعض الزمان كان يحرمون القهوة اسوة بتحريم الخمر..!

    فعلا العلاقة بين برامكة السودان ، وبرامكة العصر العباسي هي علاقة تشابه وانتساب لصفات اكثر من كونها علاقات دم..ولو راجعت دراسة اربر..بتلاحظ انو اتعرض لظاهرة غريبة.. ظاهرة (الغزية) أو الراقصات في احد العصور(القرن التاسع عشر تقريبا).. فكانت الراقصة (الغزية) وقتها تنسب نفسها الى البرامكة..وهنا مزعمي الخاص يا بريمة: انو اربر الفكرة ما وقعت ليهو.. لأن البرامكة صفتهم انهم حرفاء وحريفات (ده شغل الإتكيت بلغة الخواجات)..والراقصات وقتها كانن عندهن تقاليد واصول اتكيت..و قامن سمن نفسهن برامكة..واخونا اربر دقس وظهر فيهو الأثر الفارق في الثقافات..عموما دي وجهة نظر ممكن نطورها لي قدام حسب التساهيل..!

    ظاهرة البرامكة ، وكما حكي لي الوالد ، انها كانت ظاهرة تتميز بخصلة كونها ألية ضبط اجتماعي من نوع خاص.. وكانت ليها اثرها الكبير في تطوير والحفاظ على ثقافة العيب..ودي الثقافة يا بريمة ، لمن درست بعض كورسات علم الإجرام في جامعة ريجاينا ، كان كثير من الكتاب والباحثين بتعرضوا ليها ونموذجهم الأوحد هو اليابان..في اليابان ثقافة العيب واحدة من ادوات الضبط الإجتماعي وتقليل حدوث الجريمة في المجتمع هناك..!

    مرة يا بريمة ، كنت داير اخستك بالوالد ، عمك الحاج النور كبر عليه السلام ، وهو رجل انصاري يتمتع بذهنية منفتحة للغاية ، ومرات بيدينا براح ونعمل البساط احمدي.. فقلت ليهو: انتو زمان كنتو بتجكسوا البنات كيف؟..عمك شنق طايقتو ورجع لو ورا ، وقال لي: نحن حرفا يا شاب ، وجكيس دي منقصة ، والحريف ما بيسوي المنقصة..!..الفكرة يا بريمة انو اثر ظاهرة البرامكة كظاهرة ضبط اجتماعي..ولو راجعت المجتمع ، خصوصا مجتمعات البقارة ، ح تلاقي في عصور معينة الحاجات كانت ماشة زي الترتيب..ومافي غلط كتير بيحصل..لكن أول ما اختفت الظاهرة (بفعل الإنجليز) الحاجات اتغيرت لحد ما..!

    كتر خيرك يا بريمة ، وكنت طوالي قاعد اقول لأخونا الناشط محمد عبد الرحمن صالح ، انو البقارة في مشهد الغرب الحضاري سمعتهم في التراب..والناس محتاجة تغيير النظرة دي.. فالكتابة عنهم اليوم بتكون بغرض يتكون من محورين: اولا تصحيح صورتهم المشوهة ، والثانية ربط اجيالهم اللاحقة باجيالهم السابقة..عشان كده الكتابة مهمة..ونحن مهما تعذرنا بالصمت والإستكانة لكتابة رزق اليوم باليوم دي..فهذا لا يعفينا من مسئوليتنا تجاه اهلنا..و ربنا يقدرنا نكتب ونكتب.. لأنهم ناس جميلين وعندهم تجربة حياة ، لو اتعرضت بصورة صاح ، ح تخلي العالم يندهش..!
    اخر حاجة يا بريمة ، ويا ريت تركز عليها كتير في كتابك عن الشاي.. انو مجلس البرامكة ياهو اساس فكرة حفلات الشاي القاعدين نشوفها في البندر في امسودان..معقولة في سوداني ولا سودانية ما حصل حضر حفلة شاي في امسودان؟..اشك في ذلك..و حفلات الشاي في امسودان ، ياها فكرة مجلس البرامكة.. حفلات لافيها صخب ولا فيها ضجيج ، بقدر ما فيها رواقة وهدوء وشوية شعر وقفشات وناس بتقضى..!!
    Good time
    وبعد داك بتمشي في حالها..شفت البهاء ده كيف؟..
    والأهم ، فكرة الإتكيت في ثقافة الغرب الحضاري ، وهي نفس فكرة الحرفاء والحريفات في مجالس البرامكة ...!!

    كتر خيرك يا صديقي..
    كبر
                   |Articles |News |مقالات |بيانات

13-12-2015, 07:30 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    ول ابا انور تاج السر..حبابك يا صديقي
    كتر خيرك على الحضور هنا..

    عارف يا انور..في بداية الألفية الثالثة (زي 2001)..كنت رجعت لحياة الطلب والدراسة في جامعة ريجاينا بمقاطعة سسكتشوان في كندا .. واخدت لي بعض من كورسات الفلسفة..واكتشفت انو الفلسفة اساسا بتقوم على خصلة التأمل..ولمن راجعت الحاجات..اكتشفت انو حياة الريف هي اقرب المسارح لإتاحة فكرة التأمل عن الحياة والفكر والثقافة والوجود بكل كلياته..واذكر ذكرت الحاجة دي في تخاطر مع صديقنا العزيز المرحوم البحيراوي..وكنا وقتها بنتكلم عن ريف الخوي..في الجزء الغربي من شمال كردفان..!

    الريف حميم يا انور..في أي بقعة كانت..لأنو بيديك رحمن ذات..و فرصة تعيد ترتيب الحاجات والتأمل..ياخي يكفي فيهو فقط وجود الصمت الجميل..قبة السماء الواسعة البتخليك تشوف الحاجات بصورة مختلفة ..!

    وزي ما قلنا سابقا ، فكرة مجلس البرامكة في ثقافات البقارة ، هي ما تطور في البندر لتكون حفلات الشاي ، الفرق الوحيد هو الشعر عن الشاي..!

    والبقارة يا انور ، ناس عجيبين ومدهشين..هل تصدق الناس ديل من كل الأشربة في الدنيا بيشربوا تلات حاجات بس: الموية واللبن والشاي..!..هل تصدق يا انور البقارة ما بيعرفوا العصير..سواء ليمون ، برتقال ، فراولة ، قريب فروت ، تفاح ، الخ..!!!!
    لكن من اللبن ممكن يعملوا حاجات مختلفة: الروب..النسية (روب ممزوج بموية) ، امقفقفتي (بيشيلو الروب وبيحلبوا فيها اللبن من البقرة مباشرة ) والرتية ( روب ممزوج بلبن مسخن)..!

    اما الشاي ، فعندهم حاجة مهمة للغاية..ومن الطرايف .. ممكن الناس تمشي زيارة لفريق..و يضبحوا ليهم الضابيح ، ويولموا ليهم الولايم..ولو ما سقوهم شاي.. يجوا يقولوا ليك فلان تعيس حاجة واحدة ما ادانا ليها..!!..لاحظ فلان ده ممكن يكون ضبح كم تور وكم خروف وكم عتوت ، لكن عشان ما عمل ليهم شاي.. يقولوا ليك حاجة واحدة ما عملها لينا..!
    في نفس الوكت.. ممكن تعمل ليك كم براد شاي.. براد ماشي وبراد جاي..وتقوم تجليهم من الضبايح والذي منو..و برضو يقولوا ليك : يا سلام فلان زول كويس مشينا ليهو جيهنا تب وسقانا شاي..شفت المنطق ده كيف؟..

    من تقاليدهم ، لمن يجوك زوار مجموعة..طبعا بيكونوا في شدرة الضرا ..ودي غالبا بتكون في نص الفريق..اها لمن تمشي لست البيت وتسوي ليك الشاي..و انتا ماشي على شدرة الضرا لازم تحرك صينية الكبابي بصورة معينة.. بتقوم الكبابي بتضرب بعضها البعض وبتعمل اصوات جميلة زي رنين الأجراس.. اها اعمامك في شدرة الضرا بيكونوا مستكينين.. اول ما يسمعوا اصوات الكبابي ..كل واحد بتنتبه حواسو..الراقد بيقوم يقعد..وكل زول بيستعدل طاقيتو (والله صحي يا انور)..وبيتجهز لشراب الشاي..شفت الشاي مهم كيف عند الناس ديل؟.. اها لو قمت جيت شايل الصينية والكبابي ما عملت صوت تنبيه .. الجماعة ح يزعلوا ويقولوا ليك: الله يقطع فلان وخلقتو.. سقانا شاي فطيس ساكت..!!..يعني مافيهو جهاز انذار مبكر..!!

    حكاوي عجيبة يا صديقي..


    كتر خيرك...
    كبر

                   |Articles |News |مقالات |بيانات

13-12-2015, 07:40 AM

Kabar
<aKabar
تاريخ التسجيل: 26-11-2002
مجموع المشاركات: 16401

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)


    رقصة من اهلنا التعايشة..ناس رهيد البردي..واسمها (ام رقيبات)..
    هي في الحقيقة اغنية.. اشبه باغاني السيرة..

    جينا ليكي ، نهار..
    يا القمر فاجي الغمام ،
    معليش طفيتا نهار..





    طبعا لو الناس اتجاوزت صوت الرصاص.. ممكن تسمع شوية صوت الغناء الكورالي من المغنيات ، وتبادل التنغيم/الترخيم في الأصوات..لأن الأداء عبارة عن حوار (حد متذكر فكرة الحوار في مسرح ارسطو؟)..

    اجمل لمحة نادرة للغاية في الفيديو ده ، صوت الزغراد الجرس..وهي طريقة البقاريات في الزغراد..وهي ظاهرة صوت غريبة ومدهشة للغاية..و كنت متمنى ابحث فيها بدقة..لكن النساء البيعملن الزغرودة بالطريقة دي في اندثار..!
    نفس الزغرودة سمعتها في عمل نادر لمجموعة من الطوارق اسمها (تناري وين) وفيها مغنية اسمها مريم ..وفي احد الكونسيرتات في اوربا قامت عملت زغراد جرس..!
    البقارة بيسموا طريقة الزغراد ده بالجرس.. لأنها فعلا اشبه بصوت الجرس..!


    ودمتم..
    كبر
                   |Articles |News |مقالات |بيانات

26-12-2015, 09:44 PM

عثمان الخير
<aعثمان الخير
تاريخ التسجيل: 08-11-2009
مجموع المشاركات: 154

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Kabar)

    حباب ول أبا كبر
    وتحية قلبية صادقة من دار التعايشة وحاضرتها رهيدالبردي لك ولكل المتداخلين
    ومشكور كتير لفتح هذا النفاج والحديث عن واحدة من المدن الرائعة والتي ترقد في أقصي الجنوب الغربي من هذا السودان الكبير
    رهيد البردي مثلها مثل كل حواضر قبائل البقارة الممتدة في دارفور وكردفان تمثل رمز ولها صفة إعتبارية كونها عاصمة لدار التعايشة
    ولكن رغماً عن ذلك فإن ساكنيها هم كل أهل السودان تزاوجوا فيها وانصهروا في بوتقة واحدة وهذا أجمل ما يميزها وجعلها من المدن الآمنة في دارفور رغم العواصف الشديدة التي مرت ولا زالت تمر بها دارفور
    التحية لأهلي برهيد البردي وكل قرى وفرقان دار التعايشة من أم دافوق مروراً بجراد وطوال ، أم بريدة والصنيتة وأبوري، التردة كيلنغ وبيت حراز ومندوة ، قوز سرف وفركنج والملوي ، فضة والقناية وأب جرادل
    التحية لكل القيزان والروابي والوديان، التحية لهذا الجمال الإلهي الذي تتمتع به هذه الأماكن
    ولنا عودة

    عثمان ول فكي خير ولد الجدي ( عثمان الخير الجدي )
                   |Articles |News |مقالات |بيانات

26-12-2015, 10:14 PM

Siddig Elghali


للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: عثمان الخير)

    حبابك ول أبك كبر

    شكرا لهذها العرض الجميل وشوقنا لزمن الشوقارة ولعب أم رقيبات بعد مغيب الشمس والعماجة وأم بربور باللبن ، بلاد التعايشة جميلة وجمال أهلها المضيافين نتمني أن تزور هذه المناطق واذا نويت كلمني لأرافقك حتى تري مناطق أبوجرادل وأبقى راجل
    روعة بلاد البقارة وروعة أهلها

                   |Articles |News |مقالات |بيانات

27-12-2015, 12:57 PM

علي عبدالوهاب عثمان

تاريخ التسجيل: 17-01-2013
مجموع المشاركات: 7596

للتواصل معنا

FaceBook
تويتر Twitter
YouTube


Re: رهيد البردي:عن بلدة حنينه لم اراها ولكني ر (Re: Siddig Elghali)

    Quote: وشوقنا لزمن الشوقارة ولعب أم رقيبات بعد مغيب الشمس والعماجة وأم بربور باللبن


    أديبنا كبر .. والحبيب صديق الغالي ..
    شكراً صديق على هذه العبارة ( الشوقارة ) .. لقد وقفت كثيراً عندها
    لأنني كتب عنها في شعر حميد .. وهي من المصطلحات التي كانت
    مستخدمة ( شوقر ) في اللغة النوبية ولدى أهلنا في الشمال النوبي حتى لو كان المعنى
    فيه إختلاف ولكن هي نفس عبارة .. وقد جاءت في قصيد لحميد ..
    كما توقفت مع حميد أيضاً فاجأتني أخي صديق بهذه العبارة
    وكنت قد كتبت عنها هذه المداخلة :

    حميد يقول :

    كل البلد شوقر وراك
    يا جرحنا الما بيندمل

    في بيت الشعر اعلاه .. اورد حميد كلمة ( شوقر ) وهذه كلمة اصلها نوبية وهي ( شوقر ) بالدنقلاوية او ( شوقار ) بالمحسية .. وهو الوفد او المجموعة التي تذهب للزيارة في المناسبات من منطقة الى اخرى .. فمثلاً مجموعة تتحرك من قرية الى أخرى لحضور زفاف او مناسبة فرح ( شرط مناسبة فرح ) ولا يطلق هذا المسمى على التجمع في الاحزان والمآتم .. وأفراد الشوقر يكونوا في زي مميز خاص وبكامل الزينة والعطر .. وأجمل ما يكون هو طلة مجموعة الشوقر عند استقبالهم في مدخل القرية المضيفة لهم .. وغالباً ما تكون هناك صلة رحم بين اهل القرية المستضيفة وجماعة الشوقر ولم يأت حميد بهذه الكلمة عبثاً او عشوائياً .. انما اتى بها ليمجد شخص او زعيم قوم او نداء الوطن .. وهذه الكلمة دلالة على علو مكانة المنادي لدى القوم وقيمته لدى افراد الشوقر .. وليس الاتباع هنا خوفاً من القائد او انصياعاً لقوة ولكن بإرادة حرة وطوعاً بل وفرحاً وحباً لأن الناس تنتظر مشاوير الشوقار بالسنين .. ربما في العمر مرة او مرتين .. لأن جماعة الشوقار عن وصولهم الى المكان المقصود يكونوا تحت ضيافة مميزة منزل خاص بهم يجلب اليهم الاكل والمشروب بأنواعه .. وتكون الليالي عبارة عن غناء وطرب دون تدخل من الطرف المستضيف حتى يترك الجو تماماً للضيوف .. واستخدام حميد لهذه المفردة تدل على عبقرية هذا الشاعر الانيق الموغل في الاصالة والتراث وهي كلمة تكاد تكون منقرضة من القاموس اللغوي في الشمال حتى لدى النوبة بالاضافة الى انها في غالية البلاغة للاستجابة للنداء .. لم يقل حميد (كل بلد مشى وراك .. او كل البلد قام و راك .. او .... ) لأن دلالة (شوقر) اعمق وارحب واوسع وتعطي قيمة للمنادي اذا كان زعيماً او وطناً او حزباً .. رمزاً ..
    شكراً حبيبنا صديق الغالي .. لقد أثرت فينا كوامن الجمال والاصالة
    شكراً اديبنا كبر .. وأنت هكذا تأخذنا إلى الاصالة والتراث ..
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de