البوست ده تنويري خالص..ونقاش لظاهرة سيوسيولوجية بحتة.. لأنو شايف اليومين ديل المنبر قايمة عليهو نوبة نتال عجيبة خلاص..فالنضال كما نعرف .. انو عندك قضية وداير تنصرها .. يعني زعلان من الحيكومة مثلا ..او مجموعة ضغط تعمل لمصالح افرادها .. فالنضال صيرورة مستمرة طالما الظلم موجود مدى ما وجد بنادم في هذه الحياة.. العجيبة ، بالرغم من ان القضايا السودانية واضحة وضوح الشمس في رابعة النهار.. الإ ان البعض قاعد يخستك بيها خستكة ما انزل الله بها من سلطان..! يعني الناس شافت ليها شرارة ممكن تعمل شغل كويس لعصيان مدني ، كل واحد/ة يشيل براطيشو ويكركر كرعين قلمو ويجي يناتل.. ويناتل تختلف عن يناضل.. فالتانية (يناضل) هي سلوك مشروع وما عندنا معاهو مشكلة طالما صاحبو عارف قضيتو شنو بالضبط..يعني شفت الشرارة ولعت تقوم تدعم الشرارة دي وتشجعها وتحكي للناس انو ليهو مفروض تولع اكتر واكتر..و شنو المطلوب عشان الشغلانة دي تنجح..
05-01-2016, 04:43 AM
Kabar Kabar
تاريخ التسجيل: 11-26-2002
مجموع المشاركات: 18547
اما المناتلة هي السلوك الأكثر شيوعا في هذا المنبر ،واهل المناتلة لا يعرفون قضيتهم وما عندهم قضية اساسا.. يعني بدل ما تقوم تدعم الشرارة او الثورة ، بتقوم تسن سكاكينك معيار وشتائم ونبذ ومطاعنات لناس مساكين ما عندهم موضوع.. أو علاقة بالشغل الماشي في الواقع.. يعني المناتل بيعمل على الخستكة بالقضية المشروعة عبر الطعن في ضل الفيل بدل ما يشارك في طعن الفيل في بت ام روحو..اها ديل تكون الثورة شغالة والناس عرقها سايل وهي بتحاول تعمل حاجة.. صاحبنا المناتل يقعد يجوعر وين ناس فلان..ورأيهم شنو..وليهو بيدافعوا عن الحيكومة وليه مشيتوا الحوار وليه دعمتو الحوار.. وما قلتو نوبة.. والراجل يطالعني وراء الكي بورد..!! يعني الصراع بيكون معروف حدودو وين: حيكومة ومعارضة.. ومعروف انك لمن تقول داير تسوي ليك انتفاضة ، الحيكومة بتبادلك نفس الشغلانة..وتحاول تقلل من نجاح شغلك والمناضل بيكون عارف الميكانزيم ده..اها في المنبر مثلا.. ممكن يجي واحد مشجع لفريق الحيكومة ويقوم توشك يشوت ليهو بوست ما عندو علاقة بالأحداث عشان ينفس ليك الموضوع.. اها المناضلين الصاح بينتبهوا للعمل الزي ده وبيقوموا يعملوا حسابهم ويواصلوا نضالهم.. اما المناتلين..فديل الذ ناس..يسيبوا المعركة الحقيقية ويقعدوا يخلقوا ليهم عدو وهم وهاك يا دواس..هم انصع نموذج لدون كيشوت بطل رواية سرفانتس..ياخي ده كان شاف ليهو طاحونة هواء ساكت يسل سيفو ويهتف ويقع فيها طعن..! وبالطبع المناتل هو طابور خامس عدييل كده..يحير ليك المناضل الحقيقي في بت ام روحو..ولا يعرف هو معاهم ولا ضدهم..
05-01-2016, 04:45 AM
Kabar Kabar
تاريخ التسجيل: 11-26-2002
مجموع المشاركات: 18547
من ملامح المناتل انو الطايفة دي عندها لسان سنين لأن تدعو عليك..وطوالي رافعين اكفهم الى الله (نساءا ورجالا).. مش عشان يسقط ليهم حجر الحيكومة لكن عشان يسقط ليهم حجر واحد مواطن عادي.. والمناتلين زي اهل الشعوذة والدجل الكجور..طوالي عندهم حل لأي حاجة..اصلوا ما بيقولوا لا ما بنقدر أو الله اعلم..فهم عاملين فيها ارباب والهة الشغلانة كلها..! من ادعاءهم الألوهية النضالية ، المناتلين عندهم احكام قاطعة.. يعني بطقة كيبورد بيمرقوك من ملة النضال زي السلامو عليك..وبعد داك بيقوموا يتلموا نطيحة وموقوذة وما اكل السبع ..وهاك يا جعيير..وهم يتصايحون ياخي امرقوا فلان من ملة النضال..لاحظ ديل الناس المفترض فيهم يدعموا شعبهم بقول الخير عن ثورتو او انتفاضتو او عصيانو المدني..!! عشان كده المناتلين بيمرقوا القضية الحقيقية من جوهرها ، ويقوموا يجيشوا العواطف والناس ضد الأفراد وليس ضد الحيكومة..مش قلت ليكم الناس ديل طابور خامس..؟.. فبدل ما يمرقوا مع الناس في ثورة او مظاهرة او عصيان مدني ، اول حاجة بيرسلوا ايحاء بانهم مع القضية ، لكن بيقوموا يخلوها ويقولوا لبعضهم ارحاككم ندق فلان او علان.. يعني نظام بلطجة..ولمن الشعب يعاين للمشهد يحتار في دماغو.. يا ربي ديل الناس القالوا بيدعموا قضيتي..!
فشنو يا ابانا الذي في المناتلة : ارع بقيدك يااااااااااخ..
كبر
05-01-2016, 04:49 AM
Kabar Kabar
تاريخ التسجيل: 11-26-2002
مجموع المشاركات: 18547
صباح الخير ولد ابا كبر اتا زول ماعندو غلو في افكارك عندي ليك اسئلة داير عليها اجابات مختصرة واحد غض النظر عن الناس الاتا بتقصدوم ديل البحصل ده رايك فوقو شنو كمواطن سوداني القتل للطلاب وتكميم الصحافة هل وجودك باالغربة بحيييدك من قضايا الوطن لدرجة وصفك بالمناضل الكيبوردي والعايز يمش الخرطوم جوه متناسين سبب الهجرة في عضمو الاسباب البتخلى الاف مؤلفة من المعارضين بره غالبوم حتى فضائية تنقل هموموم وينظمو صفوفم ويبعدو الكضابين وبتاعين الشتل شنو الميديا دي الاستفادة منها كيف في طرح قضايانا فيدو واحد مصور لمعاناة الناس من ويلات الحرب ابلغ من الاف الخطب الواحد في الختام بتمنى انو المعارضة تصنع الحدث بي فعالية بدل انتظار مواقف تصنعا الانقاذ وتبقى احداث مؤقتة وماتجيب مريسة تامزين احترامي الذي تعرف اخوي
05-01-2016, 07:07 AM
Mahamed Eltaze Mahamed Eltaze
تاريخ التسجيل: 04-04-2016
مجموع المشاركات: 377
السلام عليكم الأخ ول ابا كبر وضيوفه الكرام ارجو منكم ان يتسع صدركم لي ولمناقشتي في ما يدور في خاطري فنقل الخبرات يكون من خلال النقاش المباشر أو بقراءة الكتب وهو عقيم جدا في مناقشة الكتاب ومعرفة مداخل وخبايا كتابه ارجو منكم ان يتسع صدركم لحوار هادئ جدا مع ابن من ابنائكم ومن ابناء جلدتكم وبلدكم امسودان الحبيب قد اثرت مجموعه من الأسئلة في بوست خاص بإسمكم ونوهت إليها في بداية ولكن ولسوء حظي أو لفقر وقتكم لم تستطع الرد او ان تتطلع عليها فقط وددت ان انوه إلي ذلك البوست عسي ولعل ان يثير باب الفضول بالتوجه وقراءته ولكن من خلال بوستكم هذا اود ان اطرح سؤال عليكم وارجو واكرر رجائي ان يتسع صدركم لي عُلمنا في صغرنا - إن لم نزل صغار في السن - ان ما أٌخذ بالقوه لايسترد إلا بالقوه وعُلمنا في صغرنا ان القوه اساس العدل وان اي حق لابد ان يعود إلي مالكه وصحبه ما دام مطالب به هكذا علمونا وايضا علمونا في المدارس - احنا من بتوعين المدارس - ان الشعب هو اعلي سلطة في البلد وهو حاميها وهو المالك و الامر فيها - أو هكذا شرح لنا - وان اساس الديمقراطيه هو قبول الإختلاف وحكم الأغلبيه ومراعاة حقوق الأقليه وان قمة تتويج الديمقراطيه هو اللجوء إلي الصندوق الإنتخابي - سواء ان كان استفتاء أو لي سلطة تشريعية أو تنفيذيه - كما علمنا ان السلطة التنفيذيه مصدرها الرئيسي هو الرئيس المستمد لشرعيته وفق اختيار الشعب له أو بقوة انقلاب عسكري او ثوري - في حال الإنقلاب تكون قوة السلاح هي الشرعيه - وفق لهذه المقدمة التي تعكس لك مدي ضحالة فكري السياسي - ان كان لي فكر سياسي اساسا - اسمح لي ان اتوجه لكم بهذه الإسئلة كيف يتحاور من في يده السلطة وقوة السلاح ويرضخ لمجرد ان المجتمع الدولي - الذي هو مطالب برأسه - قد اصر علي ان يكون هناك حوار كيف يتنازل ويسلم الشعب ماسلب منه بقوة السلاح بمجرد ان من يحاور يرغب في ذلك دون وجود اي قوة ضغط أو وسيلة إليه انا اعي تماما بين المسؤليه السياسية لرئيس ما والمسؤلية الجنائية لضابط أو فرد أمن واعرف تماما ان المسؤلية السياسية ممكن ان تكون باب المحرض وتصل بها إلي درجة شراكة أو ابعد منها في الجرائم الجنائية هل تتوقع او يقوم البشير بتسليم السلطة و التوجه الي المحاكمة - داخليه أو خارجيه - علنيه عادلة - وهو ما لم يحظي معارضيه بها - وإذا تمت إدانته هل ان يكون مصيره إلي السجن ؟! والان اسمح لي وارجو ان يتسع لي صدركم في هذه الإسئلة المتعلقة بالحوار ماهي دولة السودان ؟ ماسياستها ؟ الية وضع دستور ؟ هل نظام الحكم رئاسي أم برلماني أم مختلط ؟ ماهي اليات تبادل السلطة ؟ هل تم الإتفاق علي وضع الإعلام وحرية تبادل المعلومة وشفافيتها ؟ ماهو دور جهاز الأمن ؟ هل السودان أقاليم وفق لي كنفدراليه أم ولايات أم حكم مركزي ؟ ماهي اليات سياسات الدولة الإقتصادية هل هي زراعية ، صناعية ، رعويه ، بترول ؟ ماهي ضوابط الشفافيه ؟ ماهو دور المراجع العام في السودان هل يتمتع بأي صفه قضائية ؟ ماوضع السلطة القضائية ؟ ما وضع الحركات المسلحة ؟ هل حرية العمل السياسي والياته من إنشاء الحزب الي اخره ؟ ماهو دور منظمات العمل المدني ؟ دور الجيش وتدخل الجيش في الحياة السياسية ؟ ماهو دور الشرطة المدينية في الحياة المدنية ؟ ارجوا ان يتسع صدركم واعرف تماما حجم المعاناة التي يمكن ان تعانيها في الرد علي هذه الإسئلة واشكر لكم سعة صدركم وتقبل فائق الإحترام
05-01-2016, 07:29 AM
منتصر صلاح منتصر صلاح
تاريخ التسجيل: 08-31-2012
مجموع المشاركات: 702
كبر ارجو ان يتسع صدرك طبعا شخصكم الكريم متفق انو الوضع وصل مرحلة بعيدة - علي الاقل من الناحية الاقتصادية .. الحياتية والناس خلاااااص قالت الروب .. طيب الناس الغبش القالت الروب دي عايزة قناة فضائية عشان تنضم وتتحدث .. لانو قنوات الحيكومة ( الاسلامية ) كوووولها كضابة .. رايك شنو .
مع الشكر
05-02-2016, 04:16 AM
Kabar Kabar
تاريخ التسجيل: 11-26-2002
مجموع المشاركات: 18547
ول ابا حامد..حبابك يا صديقي كتر خيرك على المرور.. الأجابة: واحد: انا اقف ضد الحرب والحرب قتل ، ومن البداهة ان اقف ضد قتل الطلاب.واطالب بتحقيق عادل وشفاف في احداث العنف الأخيرة. بالنسبة لجزئية تكميم الصحافة: نعم هناك قيود على الصحافة في السودان. وفي بوست مجاور اشرت الى مظاهرات انطلقت في جامعة السودان وجامعة الخرطوم وجامعة القرآن. هذه المظاهرات قرأت عنها في احد الصحف التي تصدر في الخرطوم محل التكميم الذي تتحدث عنه. في نفس الوقت الأخ بكري ابوبكر واضع فيديو فيهو مناظرة بين ممثل المؤتمر الوطني وممثل المعارضة (من حزب المؤتمر السوداني) وبث اللقاء في قناة امدرمان.. قناة سودانية وتعمل من داخل العاصمة السودانية.اما مبررات القيود على الصحافة فالدولة لها تقديراتها..خصوصا وهي دولة في حالة حرب ، واضافة لخطط امريكية صرفت على بعض اهل الصحافة في السودان لإثارة امر الفساد ، وفي النهاية امريكا اكتشفت انها مسكت ماسورة.. اتنين: وجودي في الغربة لا يجعلني محايد تجاه الوطن ، والفيديو المرفق هو تجربتي في المشاركة حينما اقتنعت بالمشاركة في فعاليه تهم قضايا الوطن. وفي نفس الوقت وجودي في الغربة لا يعني ان ارتمى في احضان مخططات مشبوهة استبنت ضررها على قضايا الوطن. نعم خروجي من السودان كان بسبب النظام الحاكم ، وحينما عدت الى السودان (بعد طلاطاشر سنة ) كنت اتصور ان السودان سينحدر اكثر من وضعية 1999 حينما خرجت ، ولكني وجدت الأمر مختلف تماما.فهل ان كان سبب خروجي وتشردي هو النظام ، فهل يعني ذلك امارس الإنتقام الذاتي واحنق على البلد الى الأبد ، ام امارس العقلانية واوزان بين الأشياء؟ تلاتة: المعارضين في خارج السودان لديهم ظروفهم المختلفة من بقعة الى اخرى. الجامع ان كل واحد فيهم عامل فيها ضبان ضكر وبيحفر للتاني.. الصراعات داخل المعارضة اكبر من صراعات المعارضة المتجهة نحو النظام. اما حكاية الفضائية.. فهناك اسباب كثيرة اختلاف الرؤي والمشارب ، ولكن الأهم التمويل واهم الأهم الدولة المستضيفة ، ولا توجد دولة مقتنعة بجدية المعارضة السودانية حتى تجازف باستضافة فضائية في ارضها. فالسبب هو شيوع سلوك المناتلة. اربعة: الميديا سلاح خطير للغاية ، وأي كائن في الأرض ممكن يوظفو بايجابية لتحقيق اهداف نبيلة.. الإ السودانيين ، خصوصا ناس المعارضة..لأنهم لا يملكون الرؤى المتطورة والمواكبة ، فهم يعيشيون بعقلية الستينات..! وانا اتمنى للمعارضة ان تحكم العقل وتكون اكثر ايجابية وواقعية في المساهمة في مستقبل استقرار السودان. ودمت.. كتر خيرك كتير..واتمنى اكون اتوفقت في اجابة اسئلتك.. كبر
05-02-2016, 04:17 AM
Kabar Kabar
تاريخ التسجيل: 11-26-2002
مجموع المشاركات: 18547
Quote: لسلام عليكم الأخ ول ابا كبر وضيوفه الكرام ارجو منكم ان يتسع صدركم لي ولمناقشتي في ما يدور في خاطري فنقل الخبرات يكون من خلال النقاش المباشر أو بقراءة الكتب وهو عقيم جدا في مناقشة الكتاب ومعرفة مداخل وخبايا كتابه ارجو منكم ان يتسع صدركم لحوار هادئ جدا مع ابن من ابنائكم ومن ابناء جلدتكم وبلدكم امسودان الحبيب قد اثرت مجموعه من الأسئلة في بوست خاص بإسمكم ونوهت إليها في بداية ولكن ولسوء حظي أو لفقر وقتكم لم تستطع الرد او ان تتطلع عليها فقط وددت ان انوه إلي ذلك البوست عسي ولعل ان يثير باب الفضول بالتوجه وقراءته ولكن من خلال بوستكم هذا اود ان اطرح سؤال عليكم وارجو واكرر رجائي ان يتسع صدركم لي عُلمنا في صغرنا - إن لم نزل صغار في السن - ان ما أٌخذ بالقوه لايسترد إلا بالقوه وعُلمنا في صغرنا ان القوه اساس العدل وان اي حق لابد ان يعود إلي مالكه وصحبه ما دام مطالب به هكذا علمونا وايضا علمونا في المدارس - احنا من بتوعين المدارس - ان الشعب هو اعلي سلطة في البلد وهو حاميها وهو المالك و الامر فيها - أو هكذا شرح لنا - وان اساس الديمقراطيه هو قبول الإختلاف وحكم الأغلبيه ومراعاة حقوق الأقليه وان قمة تتويج الديمقراطيه هو اللجوء إلي الصندوق الإنتخابي - سواء ان كان استفتاء أو لي سلطة تشريعية أو تنفيذيه - كما علمنا ان السلطة التنفيذيه مصدرها الرئيسي هو الرئيس المستمد لشرعيته وفق اختيار الشعب له أو بقوة انقلاب عسكري او ثوري - في حال الإنقلاب تكون قوة السلاح هي الشرعيه - وفق لهذه المقدمة التي تعكس لك مدي ضحالة فكري السياسي - ان كان لي فكر سياسي اساسا - اسمح لي ان اتوجه لكم بهذه الإسئلة كيف يتحاور من في يده السلطة وقوة السلاح ويرضخ لمجرد ان المجتمع الدولي - الذي هو مطالب برأسه - قد اصر علي ان يكون هناك حوار كيف يتنازل ويسلم الشعب ماسلب منه بقوة السلاح بمجرد ان من يحاور يرغب في ذلك دون وجود اي قوة ضغط أو وسيلة إليه انا اعي تماما بين المسؤليه السياسية لرئيس ما والمسؤلية الجنائية لضابط أو فرد أمن واعرف تماما ان المسؤلية السياسية ممكن ان تكون باب المحرض وتصل بها إلي درجة شراكة أو ابعد منها في الجرائم الجنائية هل تتوقع او يقوم البشير بتسليم السلطة و التوجه الي المحاكمة - داخليه أو خارجيه - علنيه عادلة - وهو ما لم يحظي معارضيه بها - وإذا تمت إدانته هل ان يكون مصيره إلي السجن ؟! والان اسمح لي وارجو ان يتسع لي صدركم في هذه الإسئلة المتعلقة بالحوار ماهي دولة السودان ؟ ماسياستها ؟ الية وضع دستور ؟ هل نظام الحكم رئاسي أم برلماني أم مختلط ؟ ماهي اليات تبادل السلطة ؟ هل تم الإتفاق علي وضع الإعلام وحرية تبادل المعلومة وشفافيتها ؟ ماهو دور جهاز الأمن ؟ هل السودان أقاليم وفق لي كنفدراليه أم ولايات أم حكم مركزي ؟ ماهي اليات سياسات الدولة الإقتصادية هل هي زراعية ، صناعية ، رعويه ، بترول ؟ ماهي ضوابط الشفافيه ؟ ماهو دور المراجع العام في السودان هل يتمتع بأي صفه قضائية ؟ ماوضع السلطة القضائية ؟ ما وضع الحركات المسلحة ؟ هل حرية العمل السياسي والياته من إنشاء الحزب الي اخره ؟ ماهو دور منظمات العمل المدني ؟ دور الجيش وتدخل الجيش في الحياة السياسية ؟ ماهو دور الشرطة المدينية في الحياة المدنية ؟ ارجوا ان يتسع صدركم واعرف تماما حجم المعاناة التي يمكن ان تعانيها في الرد علي هذه الإسئلة واشكر لكم سعة صدركم وتقبل فائق الإحترام
ول أبا كبر .. الله يعينك !
ومتابع .. وبأمانة .. الأسئلة دي ممكن يكون فيها مخرجنا ..
بريمة
05-03-2016, 10:58 PM
Gasim Alnoor Aly Gasim Alnoor Aly
تاريخ التسجيل: 02-26-2016
مجموع المشاركات: 280
لا أفهم لماذا يتضايق البعض من نقد الحالة (المعارضة) و يعتبره جزافا دعم للنظام الحاكم بوضع اليد و العسف.
ضروري جدا تسليط الضوء على مكامن الضعف و الخلل و التناقض المبدئي في أداء الجمع المقاوم البطرح ذاته بديل لل status quo حتى تصقل هذه المعارضة و تنضج و تصبح فعلا على مستوى الهدف النبيل.
التحية للاستاذ كبر و هو يتصدى لمثل هذا الواجب البتطلب صبر أيوب لأشياء كثيرة ليس أقساها فليق البعض السطحيين.
يتبادر الى الذهن اسمع كلام الببكيك لا من يشقك ضحك و يخليك محلك سر.
05-04-2016, 00:40 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
Quote: وعندما يلتقى جيل الفارغه بجيل الضلاله تحلق بدون مويه بى الملوده يا كبر، كديب بس!!
الاخ منصور المفتاح صبحك الله بالخير ولض امي كلامك كلو بقى عموميات وتفلع بالحجار وده بثبت عدم موضوعيتك وعشان كده دخلت في مخططات الغير وبقيت جز من الخطة وكمان لاعب مهاجم في قضايا ايو رجل عادي بعرف يحكم فيها وعندك هسة كلام كبر قدامك وشخصيا مقتنع بجزء كبير من افكارو وياريت لو في تفاوض يكون في مقدمتو التعميش والتجقلب مابحلك اتا اتحولتا من معارض مفاوض الى ممثل دولة عديل شايل نفس خطابا الارعن في الاقصاء
05-05-2016, 06:51 PM
Kabar Kabar
تاريخ التسجيل: 11-26-2002
مجموع المشاركات: 18547
محمد التازي..حبابك يا صديق كتر خيرك على المرور هنا.. قرأت خيطك الذي عنونته باسمي ، ولم ارد لإعتبارات خاصة.. واتمنى ان تراجع افادات اخونا عاطف عمر علي من الفيس بوك
كبر
05-05-2016, 06:53 PM
Kabar Kabar
تاريخ التسجيل: 11-26-2002
مجموع المشاركات: 18547
منتصر..حبابك يا صديق كتر خيرك على المرور.. دي جديدة يا منتصر يا اخوي موضة التماس اتساع الصدر..وانا صدري واسع يا صديقي ، لدرجة اني عندي القدرة على ابتسامة السخرية على الكوميديا السوداء التي تحصل في هذا البورد..عموما.. نعم الحال الإقتصادي ضاق للغاية ..والأوضاع بقت صعبة شديد ..دي ما دايرة ليها اتنين تلاتة..والأسباب هي حروب الأستنزاف التي استمرت لعشرات السنين في البلد..فلا يمكن يا صديقي يكون عندك تنظيم زي الحركة الشعبية شمال ناسو بيقاتلوا من سنة 1983 ورجعوا قعدوا مع الحكومة وتقاسموا معها السلطة ورجعوا تاني للحرب ..فكيف يعني يزدهر اقتصاد والناس شغالة استنزاف لمقدرات البلد؟.. طيب اذا الحكومة ما عندها رحمة وشفقة تجاه الشعب ، التانين ليه ما عندهم شفقة ورحمة تجاه الشعب؟.. الضائقة الإقتصادي لن تحل الإ بعد ما تقف الحروب العبثية في البلد..! حكاية الناس الغبش دايرين قناة فضائية.. قاعدين نشوف يا صديقي ، الجرايد السودانية عادي بتعمل حوارات مع قادة المعارضة وبتتنشر ، والقنوات السودانية بتعمل حوارات مع قادة المعارضة وبتتنشر..لكن يا اخوي واقع السودان اتغير..والناس بقت ما شغالة بالتلفزيون ، والناس ما شغالة بالجرايد كتير.. نسوي قناة معارضة لي شنو؟..البيسمعها منو والبيتكلم فيها منو؟..المعارضة ما عندها أي حاجة جديدة عشان تستحق قناة فضائية..وهسع ده لو عملوها ح يتشاكلوا فيها.. الناس ديل يا صديقي طوالي رايحة ليهم شكلة..!! كتر خيرك..
05-05-2016, 06:54 PM
Kabar Kabar
تاريخ التسجيل: 11-26-2002
مجموع المشاركات: 18547
ول ابا منصور..حبابك يا صديقي كتر خيرك على المرور.. ناس المناتلة يا صاحب رايح ليهم الدرب في الموية..وطوالي عندهم حوص فكري وحول في الرؤية..يعيطوا الثورة جات املوا الباقات..ولمن ما يظهر شئ جادي بيقوموا يتموا نضالهم في التشفي من المساكين.. مالكم ما جيتونا في البكا بتاع محمد الصادق ، ومالكم ما قلتوا بغم.. ومالكم ما فعلتوا وما مالكم ما تركتو.. المناتلة دوما تختبئ خلف المواطن ، ودايراها يعمل ليها الحاجات ..التقول المناتلة دي امو واحد فينا نرضيها بمزاجهم..! شايف الإتحاد الأفريقي اداها صنة وطناش يحير الكافر ذاتو..! والعالم اداهم طناش.. اما في المنبر..فياهو يسترزقوا وكل واحد فيهم (رجل أو امرأة) يلقي ليهو موضوع عشان يتونس مع الناس..اهلنا ديل ناس ونسة ساكت..و يا ليتها ونسة دقاقة سمحة.. ونستهم كلها شمارات ونميمة بالباطل.. ونشوف..البلد محتاج سلام..وناس المناتلة غصبا عنهم السلام ح يحصل.. وصدقني ح يكونوا اول الصفوف عشان ينالوا من الغنيمة الخمس ..! كتر خيرك على الغنية الجميلة..ما تجي نفتح لينا كورس محو امية تراثية في شان ناس المناتلة ديل يا صديقي..! ياخي ديل اميين في أي حاجة.. حتى الذوق والإتكيك والجمال..ناس قاعدين ميطي ساكت..! ودمت.. كبر
05-05-2016, 06:55 PM
Kabar Kabar
تاريخ التسجيل: 11-26-2002
مجموع المشاركات: 18547
ول ابا بريمة..حبابك يا صديقي كتر خيرك على المرور.. نعم اسئلة محمد التازي اسئلة وجيهة ، وممكن يكلف نفسو ويقرأ دستور 2005 وفيهو اجابة لكل اسئلتو..! شرعت في الإجابة على الأسئلة ، واجبت عليها كلها ولكني احجمت عن نشر الإجابات هنا
ودمت.. كبر
05-05-2016, 06:56 PM
Kabar Kabar
تاريخ التسجيل: 11-26-2002
مجموع المشاركات: 18547
قاسم..حبابك يا صديقي كتر خيرك على المرور هنا.. ليت الأمر توقف في الضيق فقط ، هؤلاء يا صديقي ، كائنات مسكونة بروح التشفي السطحي ، يعني حتى في الإنفعال الإنساني ساكت ما عندهم القدرة على الإنفعال الحقيقي.. حينما تكون في وضعية المواطن العادي ، بتكون عندك القدرة تشوف الحاجات بصورة اشمل.. يعني بتقدر تشوف الحكومة والمعارضة معا على حقيقتهما..ومنها تقدر وضعك كمتكلم في شأن القضايا العامة.. ناس المعارضة ، ما عندهم سعة الرؤية التي تحتمل الأشياء.. يعني حينما تنتقد الحيكومة فهم بيغضوا الطرف باعتبار انو ده الشي الطبيعي ، والحيكومة بتكون عاملة نايمة وبتعاين ليك.. نقدك فيهو حاجة موضوعية بيشتغلوا بالأمر وبيسوا البيقدروا عليهو ، نقدك ما فيهو حاجة موضوعية بيعملوا نايمين..اما ناس المعارضة فلا يرضون أن تقول هناك حاجة غلط ويجب اصلاحها .. أي كلام لا يجري في هواهم طوالي جاهزين للتخوين والقمع والإقصاء..فهم عندهم نظرية (الفئ الهامل) يعني بيتعاملوا معاك (كفئ هامل) تشتغل ليهم فقط أما اذا قلت لأ..فهم بيقوموا يخلوا معركتهم مع الحيكومة ويخلقوا ليهم معترك معاك انت المواطن ، وهم يظنون ان هذا العـــبد المطلوق (المعارضة تتعامل مع المواطن كعبــد مطلوق وما عندو سيد) لابد من تأديبه..! واظنك يا صديقي ترى السطحية والسذاجة .. حينما كنا ننقد الحيكومة (ولآزلنا نملك قدرة نقدها وتوجيهها) كان بعض المناتلين يسومنا التجريح والإسفاف والقمع.. لدرجة تخليك تحس انو الناس ديل اساسا ناس حيكومة وليس ناس معارضة..وحينما تنقد المعارضة برضك نفس الناس تجيك شايلة سيوف القمع والإسفاف وتنزل فيك ردحي..! المعارضة طوالي عندها القدرة على لوم المواطن العادي (مالكم ما دايرين تمرقوا الشارع ، مالكم ما ادنتو احداث العنف في حق الطلاب ، مالكم ما جيتوا عزيتونا في بكا محمد الصادق ، ما لكم ما قاعدين تشتموا الحيكومة..الخ)..فهم طائفة الفئة اللوامة التي لا تملك العقل لتأسيس الأشياء..عندهم طاقة عاطفة زايدة خلاص..! برضك عندهم الخوف المستمر..يعني انتا ما معاهم فهذا يعني انك بقيت حيكومة.. كلهم يا صديقي (معارضين حقيقين ومناتلين ناس قريعتي راحت ..) عندهم قنوات تواصل مع النظام ، وبعضهم شغال تحنيس في الحيكومة عشان تعمل ليهو شنة ورنة..!! اما في المنبر.. فهم شغالين بحكاية تصنيم منظر المعارضة.. يعني لازم المعارضة تكون عاملة منظر.. كتر خيرك..
كبر
05-05-2016, 06:57 PM
Kabar Kabar
تاريخ التسجيل: 11-26-2002
مجموع المشاركات: 18547
ول ابا حامد بدري..حبابك يا صديقي كتر خيرك على المرور.. التفاوض ممكن يحصل يا صديقي ، وممكن الناس تكون عقلانية وتتفاهم..وتتفق وتمشي لي قدام ، لكن في ظل هجايص البعض هنا.. مافي طريقة غير انو الناس ترد البضاعة وتزيد فيها الكيل لأقصى حد ممكن.. الهتافية يا صديقي اصبحت هي السائدة.. وناس المعارضة حتى اللحظة ما قادرين يستوعبوا حكاية سحب البساط من تحت اقدامهم.. عشان كده شغالين بتكتيكات قديمة ومعتتة.. يوم بالقوة الجبرية يطلعونا ناكرين لجرائم الإغتصاب في دارفور ، ويوم بالقوة الجبرية يخطوك في امتحان اظرط من امتحان المعادلة ويفرضوا عليك انك واقف في صفهم..!! شفت الحب ده ككيف يا حامد؟.. قلت الروب وانا معاكم .. بيكونوا دايرينك تجيهم عشان يشتموك ، قلت لأ صهينت منهم.. برضو بيجوا يقولوا للرأي العام هييييييييييييييييع كبر بقى معانا ومؤيد لثورة الشعب..وعييك وعااااااااااك.. ناس زي ديل ما بتنفع معاهم الإ البلنجات يا صاحب..! نحن يا صديقي دربنا مرق ، وبنعرف كيف نعاين للبلد بمنظارنا الخاص..فشنو بلغ مرحلة لا منظار الحيكومة بينفع معانا ولا منظار المعارضة.. والإتنين حالهم ح ينصلحوا لمن يشوفوا شوفنا للأشياء..!..وهذا هو المطلوب..! ودمت.. كبر
05-05-2016, 06:59 PM
Kabar Kabar
تاريخ التسجيل: 11-26-2002
مجموع المشاركات: 18547
Mona Medani الشيوعي بتاع ادمنتون القاعد يكتب باسم منى مداني ولا أي كان اسمها..
عيب يا اخوي البتسوي فيهو ده.. وناس التنظيمات السياسية ما زي ناس كبر ، لأنو ناس كبر ناس قريعتي راحت ساكت.. يعني لو في زول داير يشتمهم بيكون بيشتم في فرد ، اما ناس التنظيمات عندهم ما يخافون عليهو.. على الأقل منظرهم قدام الرأي العام.. فلمن يجي قائد شيوعي زيك.. ويقعد يلبس اقنعة الأشباح.. فهذه هزيمة لفكرة الحزب الجماهيري.. لأنو ببساطة الرأي العام ح يحاكمك بانك ما بتقدر تواجه الناس على حقيقتك..
عموما يا بابكر موسى ، انت تعرفني والتقينا ذات مرة في مؤتمر ناس حزب الأمة ، انا لم اذهب لحوار ، ولم اضع يدي مع حكومة (سواءا الحكومة الحالية ، او حكومة الورطة التأريخية بتاعة المؤتمر الوطني والحركة الشعبية ،او الحكومة الجاية الممكن تلم كل من هب ودب)..انا يا بابكر ما قبضت من زول ولا احد يستطيع أن يشتريني (حكومة او معارضة) وقضايا الشعب لا يحددها لي الحزب الشيوعي السوداني ، ولا أي حزب مجوبك حايم في الساحة السودانية..
القضايا التي ادافع عنها ، والحمد لله نجحت كثير في ان اضعها في المشهد السوداني ، هي قضايا الحرب المستمرة بدون مبرر ، حرب الإستنزاف التي طلعت عين المواطن البسيط ، واستنزاف المعارضة التي تعتصم بضعفها وترفض ان تجلس مع الحكومة عشان يشوفوا صرفة للبلد..
الحرب شرحنا معانيها كثيرا..وهي التي خلقت انسان مشوه في السودان ، علاج اثار الحرب سواءا في تأهيل الإنسان أو ترميم جبة التنمية الإتشرطت على الأخر ، هي التي تطالك انت في بيتك وجيبك.. فحين ترتفع الأسعار في السودان ، فانت ح تكون مجبور ترفع المبلغ المرسل لأهلك في السودان ، عشان كده الأفضل نشوف جذور المشكلة.. اما ذا كنت داير الحرب تستمر لأنو النظام هو الذي فرض على الناس الحرب فما داعي للجرسة وجاعورة البلد فيها ضائقة اقتصادية..لأن الضائقة الإقتصادية هي اثر من اثار الحرب..!
نحن يا اخوي في عهد ثورة تكنولوجيا التواصل الحر المفتوح ، وعهد الشفافية ، فلقد ولى زمن الأسماء الحركية والإختباء خلف الأسماء المستعارة..فان كنت تخشى من شئء فنقول لك الحزب الشيوعي السوداني عندو الفموية دار مفتوحة في السودان وكودار الحزب بتمارس نشاطها بهويتها الحقيقة واسماءها الحقيقية ونحترمهم على صدقهم واتساقهم مع انفسهم ومع جماهيرهم ، ومهما فعلوا فهو مقدر حتى لو نضال بسيط لم يصل لحد التغيير الذي ينشدون.. فلماذا يخاف الشيوعيين الحايمين في المنافي..؟..ولا دي حركات حرفنة وفهلوة ؟..
الصدق كن ما نجاك (يعني في حضور تعرض روحك على الرأي العام) الكضب ما بنجيك وانما ح يخلق ليك اضرار جانبية بتعوق فكرتك وبتهزمها ليك ضحا.. ان لم تستطع احترامنا نحن كمواطنين ، على الأقل احترم معاناة زملائك في الداخل..وكنا معهم مثلما هم واضحين مع الجماهير..!
المعارضة اضعفها ويضعفها من يتخبأون في الأسماء المستعارة لمصلحة ذاتية..وابشر بانها ستضعف اكتر واكتر .. مش لأنو الحيكومة حريفة ، وانما لأن المعارضة موهومة ومغرورة واتصنمت لحد انها اصبحت تشعر بانها الهة لا تساءل ولا تراجع..!
لم ارى في حياتي حزب يغتاله اهله كما هو الحزب الشيوعي السوداني..!
كبر
05-05-2016, 09:54 PM
Mahamed Eltaze Mahamed Eltaze
تاريخ التسجيل: 04-04-2016
مجموع المشاركات: 377
Quote: واتمنى ان تراجع افادات اخونا عاطف عمر علي من الفيس بوك
للاسف الشديد الشخصيات الاعتباريه - الجداد الالكتروني - انا قافلو في الفيس وللاسف الشديد مابقري تعليقكم حتي لكن بقري ناس حقيقين بيكتبو في الفيس زي مابقولو مدخل 2 ول ابا كبر انا احترم جدا اعتباراتك الشخصيه مشكور كتير علي الرد
Quote: طبعاً ما (اسطاع) الرجوع الى بوسته..ولا رد (تهمة) الكووووزنة عن الشريف محجوب شاعر الشعب!!!
يا عاطف عمر ..
ليس لي في هذا المقام الا الدارجية العبقرية بتاعتنا "ما بتاعتكم لانكم لا تشبهوننا" . .
وهذه الدارجية تقول في هذا المقام: انت عوير ولا شنو ؟!!
لسان الذي تلجلجون فيه بذيء .. وهذا لسان سوداني مبين ...
كان انت او سواك .. من الذين يسمسرون بالبذاءات الدينية التافهة والمنحطة .. وينتكهون مقام الالوهة بكل بساطة في ليل وعيهم المرابي .. أو أولئك "المرخرخين" في الحق ..من لم يحتمل .. ومن لم ينتظر .. والمبدلون تبديلا .. كلكم وجميعكم لا تساوون خاطرة تمر سراعا سراعا في البال السوداني الجميل ..
تقول لي هرب من بوست: انت عوير ولا شنو ؟!
والوطن الذي نفسي بيده, وجميعكم .. ولولا خاطرة عنيدة وملحة جدا بأن ذواتكم البذيئة قد تعود لاصلكم السوداني الجميل .. لما كاتبتكم اصلا !!
وحقا وبالجد : انت عوير ولا شنو ؟!! يا رجل !! انت لا تحتقب الا ترهاتك في هذا المجال .. ولو كانت البشرية تقكر بذات العقلية التي تفكر انت بها .. لما تعرفت عليك اصلا في هذا الاسفير .
اثناء اجتماع لمناهضة فصلهم قانونيا.. جهاز الامن يقتحم مكتب "اديب" ويعتدي بالضرب على الطلاب المفصولين
.
Quote: اثناء اجتماع لمناهضة فصلهم قانونيا.. جهاز الامن يقتحم مكتب "اديب" ويعتدي بالضرب على الطلاب المفصولين
05-05-2016 06:46 PM الراكوبة - الخرطوم في خطوة تؤكد حالة الرعب التي تنتاب جهاز امن البشير؛ قامت قوة مسلحة باقتحام مكتب الأستاذ نبيل أديب المحامي، وقامت بإقتياد طلاب جامعة الخرطوم الذين تم فصلهم مؤخرا. وذلك اثناء اجتماعه بهم؛ تمهيدا للترافع ضد قرار فصلهم؛ بالطرق القانونية. وعلمت (الراكوبة) من مصادر مطلعة ان جهاز امن البشير استخدم القوة المفرطة في اقتياد الطلاب المفصولين؛ وقام بركلهم وضربهم بصورة وحشية. وقالت المصادر إن القوة المسلحة قامت باخذ بعض المستندات الخاصة بمكتب الأستاذ نبيل أديب. وشملت قائمة الطلاب المعتقلين:- بدر الدين صلاح - فاق قرشي - مدثر تيسير - مي عادل - محمد عمر دقنو فتحي محمد.
وكانوا يصرخون ، ويملآون الأفق جعيرا ، ويحرضون البسطاء للخروج الى الشوارع التي لا تخون ، وكانوا حينما نلتمس منهم رجاءا الأ تدفعوا بالشباب والبسطاء الى طرق ملتوية لا تعلمون التواءاتها ونتوءاتها ، كانوا يبروننا باننا ضد الثورة واننا بعنا انفسنا رخيصة للشيطان..ولكن..!!
خبر حايم في المنبر أن احد طلاب جامعة الخرطوم يواجه تهمة القتل العمد..بسبب احداث الجامعة الأخيرة ، وحيدا يواجه تهمة القتل العمد.. والمناتلين كما الجـــــــــرذان التي تختبيء بالمواسم وتظهر بالمواسم..لا يتحملون مسئولية خزعبلاتهم ومزاجاتهم العاطفية المتقلبة..يضحكون على من شال الشيلة ، ويمارسون صمت التواطؤ المريب ، وهم يبحثون عن ضحية اخرى..نعم يبحثون عن ضحية اخرى يخدعونها بجعيرهم ومخاخيطهم ودموعهم الزائفة..وهم يحلمون باسقاط النظام.. اي والله اسقاط النظام..!!
التحية للأستاذة زينب بدر الدين.. ونقول لها: ضهرك فاضي تب ، فما انت عندهم الإ حالة للإثارة والتنشيط ، ولكن حينما يبقى الجد..كلهم (نساءا ورجالا) مجرد جـــــــرذان يبحثون عن خلاصهم الذاتي وحتى ولو كانوا في المنافي البعيدة والمدن المغسولة بالضياء الرحمة ، وهي المدن يعيشون فيها ، ومن عجب يبتزون الأخرين بالعيش فيها..!! وقفة زينب بدر الدين ، لا تقل عن اغتيال الشباب محمد الصادق وابوبكر..وغيرهم من ضحايا الحركة الطلابية.. فياترى لماذا سكت المناتلون والمناتلات؟..
والتحية للشاب عاصم حسن عمر (مؤتمر الطلاب المستقلين) ، ونقول له نعم هي اللعبة هكذا يا صديقي ، تتحمس وتخرج وتفعل ما تفعل (حقيقة أو كذبا) ولكن حينما يصير الجد ، لن تجد من يقف معك ، اللهم الإ قلة قليلة للغاية..!!
فانت يا عاصم في بترينة المناتلة مجرد منظر..ان صدقت فانت منسي منسي.. وان خابت فانت منسي منسي..!!
نطالب بمحاكمة عادلة للشاب عاصم ، ونطالب بحقه في يلتقي بمن يمثله من محاميين او محاميات..ونطالب بحقه في ان يرى اسرته..!!
ومش بعيد يا عمك نعمل بدعة ، ومن هذا الخيط ، ونطالب اخونا عمر البشير يتدخل ويقنع اهل الكتيل بالدية .. ويخط نصيبو في الكشف ، وبنخط معاهو البنقدر عليهو.. وح يمشي السودان لآفاق ارحم..!!
كتر خيرك يا منصور في التضامن في الخيط الآخر.. ولنعمل كلنا ان ينال هذا الشاب محاكمة عادلة ..!!
هم كدأبهم يا صاحب ، طوالي داخلين في جحر ضب ، والأنكي بارادتهم..!!
ودمت.. كبر
05-09-2016, 02:09 PM
كمال عباس كمال عباس
تاريخ التسجيل: 03-06-2009
مجموع المشاركات: 17851
أستاذ كُبر ــ تحية للناس خيارات مشروعة وقناعات مؤسسة ـ ولهم أيضا مواقف مبنية علي هذه القناعات من حقهم التعبير عنها وممارسة مبدأ وفضيلة الرأي والرأي الآخر ــ مع إحترام شخص الآخروالكف عن الشخصنة والسباب والتجريح الشخصي والتوصيفات المسئية! * قلنا
Quote: لماذا يقتل ويضرب أبناء الناس أصلا ؟؟ أبناء الناس هولاء خرجوا ـ ممارسة لحق ا لتعبير والتظاهر والإحتجاج وهو حق مشروع فلماذا يقتلون ؟؟ وماهو موقفك من قتلهم وقاتلهم ؟ وممن يصادر حقهم في التعبير؟؟ *أصحاب الضمائير الحية والحس الإنساني السليم ـ يحملون النظام مسؤلية قتل الأبرياء والعزل ـ ويتصدون للمجازر وحمامات الدم التي يقوم بها النظام ـ ويقفون مع الناس في التعبير!
من خرج ومارس حقه في التعبير خرج بخياره وإرادته الحرة ـ لم يخرج بدافع التحريض ، خرج إحتجاجا علي فقدان مجانية التعليم والسكن الطلابي ولقمة العيش ، وتردي أحوال التعليم ، خرجطلبا للحرية والخبز ورفضا للقهر ــ !! قلنا
Quote: قلنا لمن أرتضي مسار الحوار الحالي أو أيده ..المية تكدب الغطاس هاهي الإنقاذ وهاهي موائد الحوار نأمل تخيب الإنقاذتوقعنا المُسبب وينجح حُسن ظنكم بها ، وتعرضوا علينا ثمرة ذلك الحوار: سلاما عادلا وشاملا وديموقراطية وعدالة وتفكيك لدولة الشمولية والإقصاء والتهميش ! : ..المؤتمر يرفض الحوار المفضي للإعتراف بالتنوع والتعدد ودولة القانون والمؤسيية ،يرفض النأيعن الهيمنة علي مفاصل الدولة وإطلاق الحريات العامة والسلام العادل والشامل، يريد من المحاور أن يكون مجردكومبارس وتابع يبصم ويرتضي بالفتات ، يريد إستسلاما لإ إحتكاما للديموقراطيةوالعدالة والمساواة.... هل تقول مقررات وتوصيات حوار الوثبة هذه بمصادرة حق التعبير والتظاهر ومصادرة الصحف والقمع وتكميم الأفواه ؟؟ إن كنت داعية سلم وسلام بحق لأدنت ورفضت قتل وضرب الأبرياء والعزل ولتصديت بالجهر بكلمة الحق في وجه قاتلهم ! وإن كنت داعية حوار وعدالة وحرية لرفضت مصادرة الرأي الآخر وتكميم حرية التعبير ومواصلة الإقصاء والقمع ... ....... ؟؟........ ** أين حواركم وثمرة حواركم ؟ ما أراه أمامي هو ذات النظام ـ إقصاء الآخر ـ ومصادرة حق التعبير والتظاهر ومصادرة الصحف ومنع الندوات الجماهيرية ــ وهيمنة المؤتمر الوطني علي مفاصل الدولة والسلطة ..
* المُعارضة ليست صنما أو بقرة هندوسية ولاهي مجرد مواعين وكيانات وإنما هي مبدأ وموقف ، موقف ضد الفساد والإستبداد والقهر ومصادرة الحريات والتفريط في سيادة الوطن وترابهوضد الهيمنة والإقصاء ~! المعارضة إذا هي موقف يمليه الضمير الحي والحس الإنساني السليم والروح الوطنية الصميمة كتبت في بوست آخر
Quote: يقول دانتي في الكوميديا الإلهية( أحلك الأماكن فى الجحيم هى لأولئك الذين يحافظون على حيادهم فى الأزمات الأخلاقية .)سيسقط هذا النظام عاجلا أو آجلا ــ بفعل الإرادة الشعبية ومنطق التاريخ وقوانين التغيير ستكون دماء الشهداء وآهات الجرجي وأنات المرضي والجوعي وغضب المظلومين ـ مناراتفي الطريق وتدشينا للفجر الجديد وحينها سيذكر الشعب و التاريخ كل هولاء وكل من" خط عليالتاريخ سطرا من دماء ومن رفض وتصدي للقبح وكل صاح بوجه الظلم لا لا " ويومها ستطارد اللعنات كل من صموا آذانهم عن سماع هدير الحق والشعب وفوران براكيين الغضب تحتسطح الأرض:-"هل يسمعون ؟ صخب الرعود ؟صخب الملايين الجياع يشق أسماع الوجود ؟لا يسمعون !!!في اللاشعور حياتهم فكأنهم صم الصخوروغدا ًنعود
التحية للأستاذة زينب بدر الدين.. ونقول لها: ضهرك فاضي تب ، فما انت عندهم الإ حالة للإثارة والتنشيط ، ولكن حينما يبقى الجد..كلهم (نساءا ورجالا) مجرد جـــــــرذان يبحثون عن خلاصهم الذاتي وحتى ولو كانوا في المنافي البعيدة والمدن المغسولة بالضياء الرحمة ، وهي المدن يعيشون فيها ، ومن عجب يبتزون الأخرين بالعيش فيها..!! وقفة زينب بدر الدين ، لا تقل عن اغتيال الشباب محمد الصادق وابوبكر..وغيرهم من ضحايا الحركة الطلابية.. فياترى لماذا سكت المناتلون والمناتلات؟.. -------------------- الصديق كبر لك التحايا العطرة من خلال قراءة ما تكتب في هذا المنبر يا صديق لاحظت دقتك في تحديد ما تود الحديث عنه ولكن مداخلتك اعلاه افتقرت للدقة المنشودة في مثل هذا الحديث فاتهامك هنا موجه للشعب باكمله اتهمته بالجبن وافتقار المروءة هذا غير التوصيف الواضح بانهم مجرد جرزان
الغريب في الامر هو توجيه اصبع الاتهام واللوم من جانبك تجاه المعارضة او المناتلين كما يحلو لك تسميتهم ولم يفتح الله عليك ولا حتى بمجرد اشارة بسيطة من اللوم او قل مجرد عتاب سااااكت موجه الى اللذين يصوبون فوهات مدافعهم صوب صدور الطلاب العزل الذين خرجوا للمطالبة بحقوقهم فاسباب الخروج كثيرة يا كبر في زمن هؤلاء الاوباش ولا اظن ان يختلف على ذلك اثنان وكأنما الحكومة حيوان مفترس ليس له عقل ولا يؤاخذ على افعاله وتوجيه اللوم له نوع من العبث فلنفرض ان الطلاب خرجو اثر التحريض وكتابات البعض في مختلف الاسافير فمن الذي يتصف بالبشاعة اكثر المحرض على المطالبة بالحقوق ام القاتل الذي يقتل من يطالب بحقه انا اهلم تماماً انك لست من زمرة الكيزان وتعارض افعالهم وتدعو للطرق السلمية لتجنب سيل الدماء ولكن هذا لا يعني القاء اللائمة على المعارضة وتناسي القاتل والمسؤول الاول لهذا الدمار والحريق الذي سيلتهم كل الوطن وبعد كل هذا كمان يتوصف الشعب بانه ليس سوى قطيع من الجرزان
عموماً يا صديق انا نعك اقول لا للحرب ولا لسيل الدماء ولكن يظل الملام الاول عندي هو من يسلب الحقوق بقوة السلاح ويقتل العزّٓل المطالبين بحقوقهم
تحياتي واحتراماتي
05-10-2016, 00:33 AM
Kabar Kabar
تاريخ التسجيل: 11-26-2002
مجموع المشاركات: 18547
Quote: من خرج ومارس حقه في التعبير خرج بخياره وإرادته الحرة ـ لم يخرج بدافع التحريض ، خرج إحتجاجا علي فقدان مجانية التعليم والسكن الطلابي ولقمة العيش ، وتردي أحوال التعليم ، خرج طلبا للحرية والخبز ورفضا للقهر
كمال ..حبابك يا صديقي لا ادرى عماذا تتحدث بالضبط؟.. هل تتحدث عن خروج الطلاب في المظاهرات الأخيرة في السودان؟.. أم تتحدث عن واقع اخر لا ندري عنه؟.. علينا يا صديقي ان نكون موضوعيين وعقلانيين ، ان لم يكن ذلك احتراما للأخرين فلنحترم ذواتنا.. احداث جامعة كردفان ، والتي راحت ضحيتها الطالب المرحوم ابوبكر ، احدث عنف طلابي يتعلق بانتخابات اتحاد الجامعة ، فاين هو البحث عن مجانية التعليم أو اوضاع التعليم المتردية أو لقمة العيش؟ اول جماعة خرجت ، كانت في المعليق بالجزيرة ، وكان عمادها طلاب سيروا مظاهرة سلمية ، وشعارها (مقتل طالب مقتل امة) وكانت تطالب بالتحقيق العادل في مقتل الطالب ابوبكر وضرورة محاسبة الجناة .. وتبعتها مظاهرات في مدن اخرى ، مثل بورتسودان .. وهي تنادي بمحاسبة من ارتكب جريمة القتل في حق الطالب المذكور.. احداث جامعة امدرمان الأهلية ، احتكاكات بين طلاب المؤتمر الوطني وطلاب اتحاد جبال النوبة ، وذلك بعد ان تعرض سكرتير الإتحاد (كفيف) لمعاملة وحشية وتحرش من قبل طلاب المؤتمر الوطني ، وطال التحرش نشاط اتحاد النوبة ، وتم الفصل بين المجموعتين ، ومجموعة اتحاد جبال النوبة خرجت من الجامعة ، وفي مقابر حمد النيل تم اغتيال الطالب المرحوم محمد الصادق..فاين هو الخروج من اجل مجانية التعليم أو لقمة العيش أو الضائقة المعيشية أو اصلاح الحكم حتى..؟.. احداث جامعة الخرطوم ، اشاعة اطلقها البعض بان اراضي الجامعة (كليات السنتر) قد تم بيعها لجهة اجنبية ، واشتعلت الشرارة ، وتم اعتقال بعض الطلاب ، وقام بعض الطلاب باختطاف افراد من حرس الجامعة ، واحتجازهم ومحاولة مقايضتهم بالطلاب المعتقلين.. وتطورت الأحداث..فاين هو الخروج من اجل لقمة العيش أو الضائقة المعيشية أو اصلاح الحكم أو اسقاط النظام؟.. وانت تقول يا اخي لا احد يحرض احد للخروج ، وكأنما تفترض أن الوضع بلغ مرحلة ان الناس يمكن ان تخرج تلقائيا..وفي نفس الوقت قوى نداء السودان ترفض التوقيع على خارطة الطريق الأفريقية ، وترفض الإستماع لكل القوى الدولية التي ناشدت ناس نداء السودان لتوقيع الخريطة والبحث عن مخرج آمن للبلد..قوى نداء السودان في تحدي للجميع زعمت أنها سوف تقوم بتعبئة الشارع العام (الكلام الصادق المهدي ردده اكثر من مرة) ، وبقية القوى ايضا ذهبت لنفس الخيار..فهل هذا تحريض ام لأ؟.. القوى السياسية المعارضة فشلت في انجاز مهامها ، والآن تختبئ خلف الحركة الطلابية وهي تتوقع ان تستقط لهم هذه الحركة النظام..!! حاولوا تزييف الخطاب اكثر من مرة ، وحاولوا الإصطياد في المياه العكرة ، ولم ينجحوا..! الشعب يا كمال سبع وعشرين سنة ويسمع لخطاب المعارضة المجوبك وراقد فوق رأي..ولو كنت مكان هذه القوى لراجعت نفسي واعتزلت العمل السياسي لأفسح الطريق لقيادات شبابية تعرف كيف تتعامل مع الواقع وكيف تتطور اداواتها..! على قوى نداء السودان الإنتحار عدييييييييييييل..! ودمت.. كبر
05-10-2016, 00:35 AM
Kabar Kabar
تاريخ التسجيل: 11-26-2002
مجموع المشاركات: 18547
ول ابا هيثم غالي..حبابك يا صديقي وكتر خيرك على المرور هنا.. انت قلت:
Quote: فاتهامك هنا موجه للشعب
اين انا ذكرت الشعب يا صديقي؟.. نفس الإسقاط الذي مارسه صديقنا كمال عباس الذي يريد ان يفرض علينا عنوة بان احداث الطلاب الأخيرة سببه الضائقة المعيشية ومجانية التعليم ولقمة العيش ، هو نفس الأسقاط تريد ان تمارسه انت هنا بان تجعل نفسك وصيا على الشعب ومتحدثا باسمه..ولكن دعني اقولها لك بكل وضوح: كل النخبة التي تدعي المعارضة والمناتلة لا تملك تفويض من الشعب ، انما بتعوس عواستها براها بتجي تتبز الناس بحكاية انها بتدافع عن الشعب وحقوق الشعب.. كلهم يا صديقي طلاب سلطة وطلاب ثروة وطلاب حظوة.. مهما نمقوا العبارات الرنانة.. الشعب لم يفوض احزاب المعارضة للتحدث باسمه ، ويكفي انها خذلت الشعب مرات ومرات.. اسقط الشعب ديكتاتورية عبود والنخبة اضاعتها ، واسقط ديكتاتورية جعفر نميري والنخبة اضاعتها..ولو كان الشعب عامل حساب للمعارضة وخطابها الموهوم وتكيكاتها الفاشلة لسقط النظام من اول خمس سنين..!! المناتلين والمناتلات هم من اختفى ولم يحمي زينب بدر الدين ..والمناتلين والمناتلات هم من اختفى ولم يفتح الله عليهم بكلمة في حق الطالب عاصم الذي يتعرض للمحاكمة..! انت قلت:
Quote: اللذين يصوبون فوهات مدافعهم صوب صدور الطلاب العزل الذين خرجوا للمطالبة بحقوقهم فاسباب الخروج
وجيد انك جبت سيرة المدافع التي تصوب نحو العزل..ويبدو يا صديقي ان من اوهام المعارضة والمناتلة التي تحرص على تمريرها بغباء غريب.. فكرة المدافع ، فهناك مدافع تصوب نحو العزل ، المعارضة والمناتلة تغض عنها الطرف وتدعمها..ياما صوبت مدافع يا هيثم على ناس مش مرقت بتطالب بحقوق وبتعمل عوة في الشوارع ، ناس صوبت نحوها المدافع هم في اكواخهم ..ولم يبكي عليهم احد ولم يذكرهم احد..لكن حينما يكون الموت في شوارع الخرطوم فهو ليهو شنة ورنة ويبقى فرض علي الناس تتوقف امامه..!! عطفا راجع الأحداث التي ذكرتها لصديقنا كمال عباس.. مافي طلب خرجوا للمطالبة بحقوقهم او حقوق الشعب ، الطلبة كانوا في حالة مخاشنات واحتكاكات بينهم بعضهم البعض..! ومع ذلك ياهو داك السلطة قاعدة ، وياهو داك الشعب قاعد.. والبيقدر يحرك الشوارع ما عندنا بيهم شغلة تب..!! الحكومة باطشة يا هيثم ، لكن المعارضة ، خصوصا المسلحة ، بطشت بنا كثيرا كثيرا يا صديقي .. ولم يسمع عنا احد..وانما حينما نقول البطش حصل يطلعونا ناس حيكومة وخونة ومارقين وعملاء ..الخ اخر مفردات القاموس العجيب..!!
وأتمنى ان يتسع صدرك لتحمل بعض من ( غبائنا الغريب )
في ردك قلت
Quote: اين انا ذكرت الشعب يا صديقي؟..
وانا أقول على من راهنت السيدة زينب بدرالدين التي قلت لها :
Quote: ونقول لها: ضهرك فاضي تب ، فما انت عندهم الإ حالة للإثارة والتنشيط ، ولكن حينما يبقى الجد..كلهم (نساءا ورجالا) مجرد جـــــــرذان يبحثون عن خلاصهم الذاتي وحتى ولو كانوا في المنافي البعيدة والمدن المغسولة بالضياء الرحمة ، وهي المدن يعيشون فيها ، ومن عجب يبتزون الأخرين بالعيش فيها..!! وقفة زينب بدر الدين ، لا تقل عن اغتيال الشباب محمد الصادق وابوبكر..وغيرهم من ضحايا الحركة الطلابية.. فياترى لماذا سكت المناتلون والمناتلات؟..
هل راهنت السيدة زينب بدر الدين على من تسميهم بالمناتلين ام كان رهانها على الشعب ؟
ليس بالضرورة يا صديقي ان تأتي بلفظة ( الشعب ) حتى يفهم حديثك عن الشعب وانما مداخلتك وكلامك لزينب بدرالدين يخص من راهنت عليه السيدة زينب وان ظهرها
سيكون مكشوفاً لان من خلفها مجرد جرزان لا اكثر اذن فمن هم من تقصدهم انت وعلى من راهنت السيدة زينب؟
قلت :
Quote: نفس الإسقاط الذي مارسه صديقنا كمال عباس الذي يريد ان يفرض علينا عنوة بان احداث الطلاب الأخيرة سببه الضائقة المعيشية ومجانية التعليم ولقمة العيش ، هو نفس الأسقاط تريد ان تمارسه انت هنا بان تجعل نفسك وصيا على الشعب ومتحدثا باسمه.
ابداً يا صديقي لم ولن أحاول ان انصب نفسي وصياً على الشعب وانما علقت على كلامك بصفتي واحد من هذا الشعب الذي وصفته ( حسب قراءتي لمداخلتك ) بانه عبارة عن جرزان رجالاً ونساء
مسألة أسباب خروج الطلاب وكون ان ما حدث مجرد مخاشنة لن تنفي المطالب الأساسية التي تحفز للخروج والتظاهر ، فان كان الوضع على ما يرام فما الداعي أصلا للمخاشنة
يعني يا كبر ليس من الضروري فصل القضايا عن بعضها لانها كلها قضايا مطلبية واحدة ولن تستطيع ان تنكر الضائقة المعيشية والاقتصادية التي يراها حتى العميان
Quote: كل النخبة التي تدعي المعارضة والمناتلة لا تملك تفويض من الشعب ، انما بتعوس عواستها براها بتجي تتبز الناس بحكاية انها بتدافع عن الشعب وحقوق الشعب.. كلهم يا صديقي طلاب سلطة وطلاب ثروة وطلاب حظوة.. مهما نمقوا العبارات الرنانة..
وهل تملك حكومة المؤتمر الوطني تفويضاً من الشعب؟
اتفق معك بان المعارضة ضعيفة واداءها غير مرضي البتة ولكنها هي ما نملك لنعارض هذا النظام فمن اين سنأتي بمعارضة جديدة ومثالية للمطالبة بحقوقنا
Quote: الشعب لم يفوض احزاب المعارضة للتحدث باسمه ، ويكفي انها خذلت الشعب مرات ومرات.. اسقط الشعب ديكتاتورية عبود والنخبة اضاعتها ، واسقط ديكتاتورية جعفر نميري والنخبة اضاعتها..ولو كان الشعب عامل حساب للمعارضة وخطابها الموهوم وتكيكاتها الفاشلة لسقط النظام من اول خمس سنين..!! المناتلين والمناتلات هم من اختفى ولم يحمي زينب بدر الدين ..والمناتلين والمناتلات هم من اختفى ولم يفتح الله عليهم بكلمة في حق الطالب عاصم الذي يتعرض للمحاكمة..!
وكذلك لم يفوض الشعب هذا النظام الحاكم الذي استولى على الحكم وانقلب على شرعية مفوضة من هذا الشعب نفسه
أي نعم الأحزاب فرطت في حكومتها الديمقراطية المنتخبة اكثر من مرة ولكن هل هذا يعني ان يتوقف الشعب عن المطالبة بها ويستكين لحكم العسكر والدكتاتوريات التي تستولى على الحكم بقوة السلاح
قطعاً الإجابة لأ.
Quote: وجيد انك جبت سيرة المدافع التي تصوب نحو العزل..ويبدو يا صديقي ان من اوهام المعارضة والمناتلة التي تحرص على تمريرها بغباء غريب.. فكرة المدافع ، فهناك مدافع تصوب نحو العزل ، المعارضة والمناتلة تغض عنها الطرف وتدعمها..ياما صوبت مدافع يا هيثم على ناس مش مرقت بتطالب بحقوق وبتعمل عوة في الشوارع ، ناس صوبت نحوها المدافع هم في اكواخهم ..ولم يبكي عليهم احد ولم يذكرهم احد..لكن حينما يكون الموت في شوارع الخرطوم فهو ليهو شنة ورنة ويبقى فرض علي الناس تتوقف امامه..!! عطفا راجع الأحداث التي ذكرتها لصديقنا كمال عباس.. مافي طلب خرجوا للمطالبة بحقوقهم او حقوق الشعب ، الطلبة كانوا في حالة مخاشنات واحتكاكات بينهم بعضهم البعض..! ومع ذلك ياهو داك السلطة قاعدة ، وياهو داك الشعب قاعد.. والبيقدر يحرك الشوارع ما عندنا بيهم شغلة تب..!! الحكومة باطشة يا هيثم ، لكن المعارضة ، خصوصا المسلحة ، بطشت بنا كثيرا كثيرا يا صديقي .. ولم يسمع عنا احد..وانما حينما نقول البطش حصل يطلعونا ناس حيكومة وخونة ومارقين وعملاء ..الخ اخر مفردات القاموس العجيب..!!
من المستحيل يا كبر ان يؤيد عاقل ما يحدث في الأطراف من قتل ومن قصف باستثناء الكيزان الذين يؤيدون حكومتهم تأييد اعمى وانت تعلم ذلك
فالكل هنا يدين هذه الجرائم سواء ان كانت من الحكومة او من الحركات المسلحة ولا ادري من اين اتيت بان المعارضة تؤيد هذا القتل الوحشي ولا اظنك تظن ان من يقصف بالطائرات هم المعارضة
في وضعنا الحالي يا كبر يجب ان نعارض ونناضل جميعنا بكل الوسائل المتاحة لكي نتخلص من هذا النظام الذي اصبح دافعه في المحافظة على نفسه فقط حتى لو احرق البلد كلها
والا فما هو رأيك هل نسكت ونستكين لا نخرج للشارع ولا نحتج وللا كيف؟
في اخر مداخلتي الأولى قلت انا معك انادي لا للحرب نعم للسلام ولا لسيل الدماء وهذا ما يردده كل المتظاهرين في الخرطوم وفي غيرها الان4
ورددته انت أيضا رغم بعد المسافة بين كندا والسودان ( حرية سلام وعدالة والثورة خيار الشعب) فما هي كيفية الثورة ان لم يخرج الناس يا كبر
ختاماً معك ننادي ونطالب بمحاكمة عادلة لابننا عاصم عمر وليس هناك عاقل يجهل دوافع اتهام ابننا عاصم
الحرية له ولجميع المعتقلين
ولك التحايا العطرة
05-10-2016, 04:13 PM
كمال عباس كمال عباس
تاريخ التسجيل: 03-06-2009
مجموع المشاركات: 17851
Quote: ....تردي أحوال التعليم ، خرج طلبا للحرية والخبز ورفضا للقهر
رد كبر
Quote: . .فاين هو الخروج من اجل مجانية التعليم أو لقمة العيش أو الضائقة المعيشية أو اصلاح الحكم حتى..؟..
بمعني أن التظاهر لم يكن لإعتبار سياسي ـ إسقاط النظام والحرية والعدالة والثورة فهل هذا الكلام دقيق ؟؟ نعم من مطالب المظاهرات ( حرية ، سلام ، وعدالة والثورة خيار الشعب (الجامعة جامعة حرة والعسكر يطلع برة -- حرية حرية ) ـ راجع فيديو اندلاع مظاهرات جامعة الخرطوم اليوم11/ابريل/2016 أما فيديو مظاهرات ولاية الخرطوم 28/4/2016 ستجد فيه ( مقتل طالب مقتل أمة .. مقتل طالب يعني الثورة .. الدم الدم لكلاب الأمن ) ** فيديومظاهرات 26/4/2016 ستجد فيه( حرية حرية ــ سلمية ــ سلمية فيديو المظاهرات الليلية الحاشدة في العاصمة الخرطوم 28 ابريل الشعب يريد إسقاط النظام ! * فيديو جامعة البحر الأحمر تنادى بالشعب يريد إسقاط النظام الشعب يريد إسقاط النظام !
............ ** الفيديوها ت تتحدث !
. إسقاط النظام ـــ وشعار حرية حرية ــ سلمية ــ سلمية ** حرية ، سلام ، وعدالة والثورة خيار الشعب ... مقتل طالب يعني الثورة ! بمعني أن التظاهر لم يكن لإعتبار سياسي ـ إسقاط النظام والحرية والعدالة والثورة فهل هذا الكلام دقيق ؟؟
............ إسقاط النظام ـــ وشعار حرية حرية ــ سلمية ــ سلمية ** حرية ، سلام ، وعدالة والثورة خيار الشعب ... مقتل طالب يعني الثورة
05-10-2016, 00:12 AM
حسن حماد محمد حسن حماد محمد
تاريخ التسجيل: 08-08-2009
مجموع المشاركات: 3451
Quote: علينا يا صديقي ان نكون موضوعيين وعقلانيين ، ان لم يكن ذلك احتراما للأخرين فلنحترم ذواتنا..احداث جامعة كردفان ، والتي راحت ضحيتها الطالب المرحوم ابوبكر ، احدث عنف طلابي يتعلق بانتخابات اتحاد الجامعة ، فاين هو البحث عن مجانية التعليم أو اوضاع التعليم المتردية أو لقمة العيش؟اول جماعة خرجت ، كانت في المعليق بالجزيرة ، وكان عمادها طلاب سيروا مظاهرة سلمية ، وشعارها (مقتل طالب مقتل امة) وكانت تطالب بالتحقيق العادل في مقتل الطالب ابوبكر وضرورة محاسبة الجناة .. وتبعتها مظاهرات في مدن اخرى ، مثل بورتسودان .. وهي تنادي بمحاسبة من ارتكب جريمة القتل في حق الطالب المذكور.
الشاهد في كل هذا أن الناس قد خرجت ممارسة لحقها في التعبير والإحتجاج ـ والرفض لنهج ماوسياسة ما ــ مرتبطة بالسلطة وأزرعها فلماذا يصادر هذا الحق ؟ قلنا..
Quote: لماذا يقتل ويضرب أبناء الناس أصلا ؟؟ أبناء الناس هولاء خرجوا ـ ممارسة لحق ا لتعبير والتظاهر والإحتجاج وهو حق مشروع فلماذا يقتلون ؟؟ وماهو موقفك من قتلهم وقاتلهم ؟ وممن يصادر حقهم في التعبير؟؟ *أصحاب الضمائير الحية والحس الإنساني السليم ـ يحملون النظام مسؤلية قتل الأبرياء والعزل ـ ويتصدون للمجازر وحمامات الدم التي يقوم بها النظام ـ ويقفون مع الناس في التعبير!.
** لماذا يعتقل العشرات ويضرب من غير طلاب الإنقاذ ؟ ولما يطال سلاح الفصل والتشريد فئيات طلابية معينة وتضرب سُتر الحصانة والحماية علي طلاب ومنتسبي الإنقاذ ؟ إن لم تكن المظاهرة ـ بسبب(مجانية التعليم أو اوضاع التعليم المتردية أو لقمة العيش؟) فهي طلبا لحريته أو كما قلناخرج طلبا للحرية وممارسة لحقه في التظاهر والإحتجاج !تقول .
Quote: اول جماعة خرجت ، كانت في المعليق بالجزيرة ، وكان عمادها طلاب سيروا مظاهرة سلمية ، وشعارها (مقتل طالب مقتل امة) وكانت تطالب بالتحقيق العادل في مقتل الطالب ابوبكر وضرورة محاسبة الجناة ..وتبعتها مظاهرات في مدن اخرى ، مثل بورتسودان .. وهي تنادي بمحاسبة من ارتكب جريمة القتل في حق الطالب المذكور...
شعارات ومطالب المتظاهرين لم تقتصر علي المطالبة( بالتحقيق العادل في مقتل الطالب ابوبكر وضرورة محاسبة الجناة .. ومن من ارتكب جريمة القتل في حق الطالب المذكور.. جوهر المسألة مادام التظاهر سلميا والإحتجاج ـ باللسان فلماذا يتعرض المتظاهر للضرب والإعتقال ويصادره وحريته ـ في الإحتجاج ؛* الموضوعية والعقلانية وإحترام الذات والآخر تقتضي ـ طعن الفيل في قلبه وتحميل المسؤليةالأساسيةفي قتل وضرب وتعذيب وإعتقال المتظاهريين ومصادرة حق التعبير والإحتجاج وسلبالحرية ـ تحميل هذا للحكومة ـــ مما يحدث من مجازر ــ الآن بيد السلطة وأزرعها الطلابيةهو إمتداد لحمامات الدم والمجازر التي إرتكبت في سبتمبر 2013 وقبله وبعدهحينما نقول .
Quote: من خرج ومارس حقه في التعبير خرج بخياره وإرادته الحرة ـ لم يخرج بدافع التحريض ، خرج إحتجاجا علي فقدان مجانية التعليم والسكن الطلابي ولقمة العيش ، وتردي أحوال التعليم ، خرج طلبا للحرية والخبز ورفضا للقهر .
فإننا نعني مجمل التظاهر والإحتجاج ـ علي الإنقاذ علي مدي السنين الذي حوي هذه المسببات ولم يقتصر عليها ـ أو علي معادلة الحرية والخبز ـ أيا كان سببا الخروج والتظاهر ـ فإنه حق لذا تجد أن أصحاب الضمائير الحية والحس الإنساني السليم ـ يحملون النظام مسؤلية قتل الأبرياء والعزل ـ ويتصدون للمجازر وحمامات الدم التي يقوم بها النظام ـ ويقفون مع الناس في التعبير! تقول.
Quote: احداث جامعة الخرطوم ، اشاعة اطلقها البعض بان اراضي الجامعة (كليات السنتر) قد تم بيعها لجهة اجنبية ، واشتعلت الشرارة
،ليس الأمر مُجرد إشاعة وإنما هي فوق هذا إفادة وتصريح أدلي به وزير السياحة وأكده مرارابأن مجلس الوزراء قرر إخلاء مباني الجامعة وتحويلها لمزار سياحي تقول.
Quote: في تحدي للجميع زعمت أنها سوف تقوم بتعبئة الشارع العام (الكلام الصادق المهدي ردده اكثر من مرة) ، وبقية القوى ايضا ذهبت لنفس الخيار..فهل هذا تحريض ام لأ؟..القوى السياسية المعارضة فشلت في انجاز مهامها ، والآن تختبئ خلف الحركة الطلابية وهي تتوقع ان تستقط لهم هذه الحركة النظام..!!.
وأنت في إعلاه تزعم أن ا الإحتجاجات مطلبية وتتعلق بالشأن الجامعي ـ إي ليست سياسيةولاتسعي لإسقاط سلطة ــ وهذا ماينفي شبهة التحريض والتأثر به! تقول.
Quote: هو نفس الأسقاط تريد ان تمارسه انت هنا بان تجعل نفسك وصيا على الشعب ومتحدثا باسمه..ولكن دعني اقولها لك بكل وضوح:كل النخبة التي تدعي المعارضة والمناتلة لا تملك تفويض من الشعب ، انما بتعوس عواستها براها بتجي تتبز الناس بحكاية انها بتدافع عن الشعب وحقوق الشعب.. كلهم يا صديقي طلاب سلطة وطلاب ثروة وطلاب حظوة.. مهما نمقوا العبارات الرنانة..الشعب لم يفوض احزاب المعارضة للتحدث باسمه.
المعارضة لم تزعم أصلا أنها حصلت علي تفويض شعبي للمعارضة النظمة ـ وإنما تزعم أنمطلب الحرية والعيش الكريم ورفض الفساد والإستبداد والهيمنة والقهر والتفريط في السيادةوالتراب هو تعبير عن نبض الشعب !* لا أتحدث هنا بإسم المعارضة المنظمة ولاإدعي تمثيلي لها أو تمثيلها لي ـ ولكن هذا هو فهميلما تقوله ــ أقول هذا علي الرغم من حقيقة أن الشعب إنتخب عبر آلية حرة نزيهة ـ بعضا من في المعارضةليكونوا في قيادته ـ وليقيموا سلطة شرعية ولكني أقول بثقة أن الإنقاذ زيفت بالفعل والممارسة إرادة الشعب ونزعت سلطته وهيمنت علي مصيره ـ وعلي مفاصل الدولة ـ مزقت الدولة وفرطت في وحدتها وترابهاوسيادتها ـ وإغتصبت السلطة ثم أدعت أن الشعب جاء بها عبر الإنتخاباب ـ فعلت كل موبقةوكل كارثة بإسم الشعب ،،...
هذه رسالة المناضل صلاح محمد عبد الرحمن لابنه المعتقل بدر الدين
Quote: : رسالة لإبني بدر الدين و رفاقهعندما سمعت بخبر إعتقالك من مكتب الأستاذ المحامي نبيل أديب، و معك 10 من الطلاب المفصولين من جامعة الخرطوم مؤخراً، أحسست بالرضا عنك و عن نفسي، رغم أنكم الآن بين أيادي غير مؤتمنة و على إستعداد لضرب و تعذيب كل من له رأي مخالف لحكم الفرد.لا ننزعج كثيراً، طالما كنا نسير واثقين من صحة الطريق، ندوس على الشوك بنعالنا، نغتال غريزة الخوف بوعينا و جسارتنا، و لأننا نحمل في دواخلنا أحلاماً و آمالاً بوطن ديمقراطي حر يسع الجميع... نثق تماماً -مهما طال المشوار- أن الشمس سوف تطلع و تشرق و لن يستطيع أحد حجب ضيائها.. مهما حاول.نحن أبناء مؤسسة ربتنا على مبدأ، أن نتدافع عند الفزع و نتراجع عند الطمع.. زادنا الوعي و المعرفة.فلتمضي المسيرة و لكم خلف الأسوار ودي.والدكصلاح محمد عبد الرحمن9 مايو 2016...........
...........* هذه الرسالة من والد ـ ومناضل ـ من داخل الوطن ــ يعتز بموقف إبنه ـ من قضية الحرية وممارسة حق الإحتجاج والتعبير ــ ويحثه علي المضي في هذا الطريق ووثوقه في (صحة الطريق، ندوس على الشوك بنعالنا، نغتال غريزة الخوف بوعينا و جسارتنا، و لأننا نحمل في دواخلنا أحلاماً و آمالاً بوطن ديمقراطي حر يسع الجميع) التحريض بالوعي بقضية الحرية وضرورة النضال يأتي من الأباء والأمهات لا من الأسافير ولا حتي من قيادات الأحزاب !* ونفس الشئ قالته أسرة الشهيد محمد الصادق ويو أخوي (قتلوا الكيزان ) و الحض علي ألا يذهب دمه هدرا ــ لم يزعم هولاء بأن المعارضة هي السبب في القتل والإعتقال و التعذيبولم يبحثوا عن كباش فداء ولم يطعنوا في الظل بل طعنوا في قلب الفيل الإنقاذي ! وهو ذات ما فعلته أسر شهداء سبتمبر! ,,,فعلوا هذا لأنهم يعوون جيدا أن أبنائهم وأخوانهم خرجوا ــ بإرادتهم الحرة وخياراتهم النبيلة
ول ابا منصور المفتاح..حبابك يا صديقي نعم قد صد الفيتوري وهو زول ضو يستشرف الأشياء على بعد سنوات ضوئية.. اما المناتلين والمناتلات.. لا يملكون سوى النياصة و المؤامرة العجز.. طالبوا بسحب بوستات اخونا بريمة والتي هي رد لبضاعتهم البائسة ، ولا يدركون ان الإبداع لن يتوقف ، وكلما كالوا كيل السفاهة سنكيل اكثر واكثر..!!
كبر
05-11-2016, 03:41 AM
Kabar Kabar
تاريخ التسجيل: 11-26-2002
مجموع المشاركات: 18547
كمال..حبابك يا صديقي ما اسهل التشدق بقيم مثل حرية التعبير..ولكن حينما تحدث المطبات ينكشف المستور..!! اذا كان زملائك في هذا المنبر تعجز ان تصون حقهم في التعبير وتدين ما يحدث لهم.. فهل تستطيع ان تقنع احد بانك تقف في صف الحقوق..!! لتفعل المعارضة ما تفعل يا صديقي ، ولها كل السكك مفتوحة ، ولكنا سنظل عند رأينا هي معارضة لا تعنينا في شئ ولا نثق فيها اسوة بالحكومة ، هذه نخبة حنكوشة يا كمال..وعنصرية في نفس الوقت..! كبر
05-11-2016, 03:42 AM
Kabar Kabar
تاريخ التسجيل: 11-26-2002
مجموع المشاركات: 18547
وابا هيثم غالي..حبابك يا صديقي لم انعتك بالغباء ولم اتصور ان تكون غبيا.. لكني اتهمك بانك تقولني ما لم اقل.. واهو ديك العبارة قدامك يا هيثم.. اين ورد ذكر الشعب؟.. ولو كلفت نفسك قراءتها حتى النهاية ستجد ذكر المناتلين والمناتلات..وهم جــــرذان وسيظلون هكذا..! نعم من حقك أن تعارض وتعارض الى ان تنال ما تريد..ولكن عليك ان تكون شجاع.. وتتفرج في فيديوهات اكتوبر وابريل وشوف شكل الجماهير الكانت مارقة في الشوارع.. شوف سحناتهم واعمارهم وهيئاتهم.. كل الشعب كان في الشارع يا صديقي ، وكل الشعب وقف وقفة واحدة.. واسقط ديكتاتورية جعفر نميري..!! والمحك.. شروط الثورة والإنتفاضة متوفرة بصورة مضاعفة عن زمن عبود وزمن نميري ، ولمدة سبع وعشرين سنة.. فلماذا لم يخرج الشعب؟..ليه الجماهير حرنت وابت دت تمرق الشوارع..؟.. ابدا يا هيثم .. ليس كل ما تملك أو يملك الشعب السوداني هو هذه المعارضة الهزيلة البائسة .. انت تملك الكتير والشعب السوداني يملك الأكثر .. لكن الناس لسع ما مصدقة انها ممكن تخلق البدائل التي تتجاوز هذه المعارضة البائسة..عشان كده الناس بدون ما تشعر بتلف الحبل حول عنقها في محاولة انتحار غريبة..عودة هذه المعارضة للحكم هو انتحار..!! التحية للأستاذة زينب بدر الدين ، وهي امرأة شجاعة ومظلومة..واصبحت مجرد اكليشيه في اليوتوب يعرض عند الطلب.. مش قلت المناتلين والمناتلات مجرد جــــرذان ؟.. قلة قليلة كتبت عنها باخلاص.. والبقية مشغولة بكوابيس التأمر وقمع الآخرين.. ناس ما قادرة تتفاعل مع ايقونة مخلصة مثل الأستاذة زينب بدر الدين ، وعندها القدرة تتابع بوستات بريمة وتطالب بسحبها لأنها انطوت على اساءة..!! على بالحلال يا هيثم الناس الزي ديل اخير منهم شجاعة اهلنا الزمان قالوا ليهم ارح الثورة ..وقالوا :عندنا سبق حمير.. (طبعا هم قاصدين يوم واحد ، وعمل رياضة السباق ، وبعد داك وقفوا مع الثورة المهدية بصورة لا يستطيع احد يكابر او يزايد عليها)..!! المناتلين ما عندهم يوم واحد للإعتذار ، ياخي ديل كل الأيام معتذرين ولمدة سبع وعشرين سنة..!!
Quote: وابا هيثم غالي..حبابك يا صديقي لم انعتك بالغباء ولم اتصور ان تكون غبيا.. لكني اتهمك بانك تقولني ما لم اقل.. واهو ديك العبارة قدامك يا هيثم.. اين ورد ذكر الشعب؟.. ولو كلفت نفسك قراءتها حتى النهاية ستجد ذكر المناتلين والمناتلات..وهم جــــرذان وسيظلون هكذا..!
الصديق كبر تحياتي وسلاماتي
في مداخلتي الأولى لو لاحظت اشرت فيها الى الدقة والحصافة التي تكتب بها انت دائماً
وما لفت نظري في تعليقك على الوالدة زينب بدرالدين انه قد جانبتك دقتك المعهودة بالرغم من تمسكك بانك لم تذكر الشعب
واشرت في متن المداخلة الى المناتلين حيث انهم هم من تقصد
الا ان رهان السيدة بدرالدين كان على الشعب وتعليقك كان على من راهنت عليه الوالدة زينب
عموماً سأعتبر المسألة نوع من خيانة التعبير وكلنا ذاك الرجل يا صديقي يخوننا التعبير كثيراً بعكسك انت لذلك كانت جملتك ملفتة
أي نعم يا صديقي في أكتوبر خرج الشعب عن بكرة ابيه ولكن السؤال من كان رأس الرمح في ثورة اكتوبر؟
الم يكونوا طلاب جامعة الخرطوم ؟
الم يكن هذا الخروج العظيم للشعب السوداني بعد مقتل الشهيد القرشي ؟
اذن في الغالب الطلاب هم وقود الثورات وراس الرمح فيها ولا شيئ يدفعهم للخروج سوى وعيهم بما يدور في الوطن وتفاعلهم معه
تحياتي
05-11-2016, 03:49 PM
كمال عباس كمال عباس
تاريخ التسجيل: 03-06-2009
مجموع المشاركات: 17851
Quote: أ ما اسهل التشدق بقيم مثل حرية التعبير..ولكن حينما تحدث المطبات ينكشف المستور..!! اذا كان زملائك في هذا المنبر تعجز ان تصون حقهم في التعبير وتدين ما يحدث لهم.. فهل تستطيع ان تقنع احد بانك تقف في صف الحقوق..!! لتفعل المعارضة ما تفعل يا صديقي ، ولها كل السكك مفتوحة ، ولكنا سنظل عند رأينا هي معارضة لا تعنينا في شئ ولا نثق فيها اسوة بالحكومة ، هذه نخبة حنكوشة يا كمال..وعنصرية في نفس الوقت..! .
* تعرف رأي تماما رأي في الإساءات والتجريح والإسفاف ــ فإن ضدها من حيث المبدأ وأدينها كحالات متي وقفت عليها ــ فأنا لا إطلع علي كل مايكتب في هذا المنبر وأري إن عُنصر الطرد والتنفير أصبح كبيرا مما أدي لإحجام وإعتزال نخبة من رموز ومؤسسي المنبر ـ وإكتفي بعضهم بالشغل برُبع مكنة ــ !
وقد خاطبتك أنت شخصيا بقولي ,
Quote: أ ضد "الأستكة" إن كانت هدفها مُصادرة الرأي الآخر ولجم حُرية التعبير والضيق بحق الإختلاف والنقد ومعها إن ـ كانت المادة الممحوة والمسحوبة ـ تحوي إساءات شخصية لصاحب البوست ، أو فيها تعمدلتخريب وإغراق البوست ( هذا إن تم تنبيه وتحذير الفاعل بأن يكف عن إسلوبه التخريبي والإغراقي) ...حرية الرأي والتعبير يجب أن تقترن بالمسؤلية الفردية كما أن صاحب الرأي ومُفترع البوست يجبأن يحتمل النقد والإختلاف ويتحلي بسعة الصدر ـ ودفع فواتير موقفه ورؤيته ـ من إختلاف ورأي آخر ... ولا لاأذكر أني مارست خاصية الأستكة والحذف ولم الاحظ أنها قد مورست تجاهي أنا مع حُرية التعبير وصيانة مبدأ الرأي والرأي الآخر وقد قلت في هذا(ضد "الأستكة" إن كانت هدفها مُصادرة الرأي الآخر ولجم حُرية التعبير والضيق بحق الإختلاف والنقد ،، صاحب الرأي ومُفترع البوست يجب أن يحتمل النقد والإختلاف ويتحلي بسعة الصدر ـ ودفع فواتير موقفه ورؤيته ـ من إختلاف ورأي آخر ...) * ما أرفضه هو الإساءات الشخصية ـ مس الشرف والإعراض وممارسة العُنصرية القحة والسافرة الخ ـ وهو ماتحاسب عليه القوانين واللوائح ولما كانت اللوائح في هذا المنبر غير مُفعلة أو تُمارس بإنتقاء ـ فإني مع ممارسة حق حذف مايحوي إنتهاك الأعراض والشرف و ممارسة الكذب الضار والمتعمد ضد عضو و العُنصرية القحة والسافرة وكذلك المواد الإغراقية المتعمدة * الحُرية يجب أن تقترن بالمسؤلية الفردية والذاتية يجب أن يظللها الضمير الحي والحس الإنساني والنقد الذاتي والتراجع وثقافة الإعتذار الصادق ، في حال وجود إدارة متفرغة ومتابعة ومحائدةتنفذ اللوائح بدقة وحرفية وبلا تمييز لن نكون في حوجة لإستكة وخاصية محو المداخلات التي قد يسأ إستخدامها لتصبح مقصلة ـ لوأد حرية التعبير ومصادرة الرأي الآخر .ولكن ففي ظل ا لوضع الحالي ـ اللوائح في هذا المنبر غير مُفعلة ـ أقف مع خاصية الإستكة إن إستهدفت الإغراق والإساءات الشخصية وضد الأستكة إن إستهدفت حرية التعبير و صادرت الرأي الآخر * ومع هذا لست متجمدا أو متخندقا في رأي هذا ساأتركه إذا ما تم طرح خيار آخر مُقنع يصون حرية التعبير ويصون الإعراض والشرف ويقلل من الإساءات الشخصية ـ فهل من بديل مُقنع ياكبر؟* لانريد أن سيادة قانون الغاب ــ البقاء ـ للأطول لسانا في السوء ـ والأكثر فُحشا في القول والمهاترة وتحلُلا من الضمير والحس الإنساني والمسؤلية الفردية ومن يحتمي بشلة أو قطيع من شاكلته ـ والغياب والإنزواء لعف اللسان ونظيف القلم ـ !......... .
* موضوع نقد المعارضة المحزبة وممارسة الإختلاف معها حق مشروع بل وضرورة وواجب......... ُُ،،،المعارضة عندي ليست مجرد مواعين وكيانات وإنما هي مبدأ وموقف ، موقف ضد الفساد والإستبداد والقهر ومصادرة الحريات والتفريط في سيادة الوطن وترابهوضد الهيمنة والإقصاء ~! المعارضة إذا هي موقف يمليه الضمير الحي والحس الإنساني السليم والروح الوطنية الصميمة ........
05-11-2016, 05:33 PM
Kabar Kabar
تاريخ التسجيل: 11-26-2002
مجموع المشاركات: 18547
كثر يا صديقي ، يلومننا البعض على اننا نعيش في العالم الأول بلاد الديموقراطية وحقوق الإنسان والتسامح ، وفعلا هي بلاد منظمة وكل شئ بالقانون.. في كندا حينما نريد الخروج في مظاهرة (غض النظر عن انها تتحدث عن شنو بالضبط) لابد اخذ الإذن من السلطات المحلية ممثلة في الشرطة ، واخذ الإذن ليس لأن السلطة باطشة وتريد ان تعرف ما تفعل ، ولكن لحمايتك انت المتظاهر..اذا حدث شئ لا قدر الله ، وحماية العامة اذا حدث أي انفلات من قبل المتظاهرين..ولن تجد من يحمل سلاح أو ملتوف أو ينفعل ليرمي املاك الناس بالحجارة لتدميرها أو تخريبها..!! في السودان ، صحيح الأمور لم تجري كما نهوى ، ولكن الناس عندها حقوقها الدستورية التي لا تريد تفعيلها..وتريد أن تأخذ الأمور بالضراع والقوة واذا سألتهم يقولوا ليك السلطة جات بالعنف ولا ينفع معها الإ العنف..!! وقفة الأستاذة زينب بدر الدين ، ومخاطبتها لمواطنين في الشارع ، يمكن ان تفهم بمعنى اخر قد لا يرغب الناس في سماعه.. فهي وقفت بكل حرية وفي الشارع خاطبت الناس ، فهي قد فعلت حقها في التعبير السلمي ، وفي الوقفة حسب ما اعلم لم يتعرض لها احد ، وقالت ما قالت بكل حرية ..ببساطة لأنها تمارس حقها في النضال السلمي..! نفس الأمر يفعله البعثيون وناس المؤتمر السوداني ، ولديهم مخاطبات جماهيرية كثيرة في المواقف العامة ، والناس تتجمع حولهم وتستمع لرسالتهم.. ابعد من كده مثل تلك الأحزاب لها دورها ومراكزها العامة ومفتوحة في وسط البلد وتعقد فيها اجتماعتها وانشطتها السياسية والثقافية والإجتماعية وهي تمارس دورها وحقها المشروع في تبصير الناس..! هذا هو اختلاف الوضع بين زمن اكتوبر وابريل واليوم..!! ففي الأزمنة السابقة ، الديكتاتوريات لم تسمح للأحزاب بفتح دورها وممارسة نشاطها علنا ، وانما كانت الأحزاب ممنوعة بالقانون الشمولي من الوجود وكان عملها يقوم على السرية ..! الحركة الطلابية ، وقد تستغرب يا هيثم ، الآن تحظ بانفراج في الحريات اكثر مما كان مسموح به في زمننا قبل ربع قرن مثلا..ياخي الأمر بلغ لدرجة أن حتى القبائل اصبحت لها روابط في الجامعات ، وكل الحركات المسلحة لها اجنحة طلابية في الجامعات..!! انا لا استعرض هذا تجميلا للوضع الحالي ، ولكن تذكيرا للناس لتعرف معطيات الواقع الذي تتعامل معه وماذا تريد من هذا الواقع بالضبط..! كل القوى السياسية (تحت التربيزة) عندها تفاهمات مع النظام ، وعندها مساوماتها الخاصة مع النظام ، ياخي حتى على مستوى هذا المنبر ، البعض ممن كان يعارض على اساس نظام العداد (أي والله العداد بتاع الفنانين الواحد ، ونضال بالمقاولة تدفعوا لي كذا سأفعل كذا) ايضا يساوم النظام والإختلاف ليس في مساءل مبدأئية وانما في مسائل شكلية (قروشكم شوية وارفعوا السعر وكذا)..! واسطورة ان النظام جاء بالدبابة أو العنف قد فقدت سطوتها تماما بعد حدوث نيفاشا ورجوع الجميع للسودان ، وتقاسم السلطة مع النظام ، من هنا كان اعتراف القوى السياسية بشرعية النظام ، والآن كل التفاوضات وكل الموجهات تذهب الى ان الجبهة الإسلامية هي جزء من الواقع والمستقبل..هذا هو موقف القوى السياسية حتى تلك التي ترفع شعارات اسقاط النظام..كلهم معترفين بشرعية النظام الموجود بدرجة او بأخرى.. هذه هي جوانب الصورة التي قد تكون خافية عليك..! هنا يا صديقي بح صوتنا ، ونحن كل مرة نذكر الناس باننا مواطنون وان أي مواطن بالطبع معارض لأي حكومة كانت ، لأن الحكومات بطبعها ظالمة وقد لا تستوعب مصالح كل الناس فلابد من يعترض عليها ..ولكن رغم ذلك يتم ابتزازنا والسخرية منا والتشهير بنا ، ووصفنا بالخونة والمرتوقة وبائعي القضايا.,.من يقول هذا ليس هم اهل الحكومة وانما اهل المعارضة الذين نظن انهم يدافعون عننا كجماهير..!! شتمنا الحكومة وقلنا فيها مالم يقله مالك في الخمر ، والحكومة لم تصفنا باننا مرتزقة أو بعنا ارداتنا لأحد..وحينما ترى الموضوعي من كلامنا تعمل به..عكس المعارضة التي لا تريد أن تسمع النقد (بحجة انو ده ما وكت نقد) ولا تريد أن تتركنا في حالنا ..!! وسنظل في موقفنا تجاه النخبة (حكومة ومعارضة) من يفعل الإيجابي لا نعجز ان نقول فعل شئ ايجابي ومن يفعل الذي يضر بمصالحنا كجماهير سنقول له اخطأت.. ودمت.. كبر
05-11-2016, 05:34 PM
Kabar Kabar
تاريخ التسجيل: 11-26-2002
مجموع المشاركات: 18547
Quote: موضوع نقد المعارضة المحزبة وممارسة الإختلاف معها حق مشروع بل وضرورة وواجب......... ُُ،،،المعارضة عندي ليست مجرد مواعين وكيانات وإنما هي مبدأ وموقف ، موقف ضد الفساد والإستبداد والقهر ومصادرة الحريات والتفريط في سيادة الوطن وترابهوضد الهيمنة والإقصاء ~! المعارضة إذا هي موقف يمليه الضمير الحي والحس الإنساني السليم والروح الوطنية الصميمة ........
كمال ..حبابك ياصديقي كتر خيرك على هذه الجزئية واتفق فيها معك.. وهذه هي موجهاتنا التي نعمل عليها.. وكل الذي نريده ان نكون مواطنيين نمارس حقنا في قول الرأي في القضايا العام التي تهم كل سوداني.. المعارضة على مستوى المنبر (سواءا محزبة أو ناس خارج الأطر التنظيمية) غير امينة مع الأشياء وتريد أن تفرض عليك ان تمشي على هواها ، والإ سينالك القمع والسخرية والإسفاف والتخوين والوصم بالإرتزاق..! حينما كانت قضية المحكمة الجنائية في اوجها ، وكان خطاب سيف دارفور هو الطاغي على المشهد بتسعير حكاية الإبادة العرقية الجماعية ، كتبنا في هذا المنبر وقلنا أن المحاكم السودانية غير مؤهلة لمحاكمة الناس على اسس الإبادة الجماعية وجرائم الحرب والجرائم ضد الإنسانية ، ببساطة لأنه لا يوجد قانون يغطي هذه الجرائم في السودان.. فماذا حدث؟.. الحكومة السودانية عدلت القانون الجنائي واضافة جرائم الإبادة العرقية والجرائم ضد الإنسانية وجرائم الحرب..وهذا مكسب للسودانيين جميعا.. حينما انقسمت حركات دارفور وتشظت واصبحت كثيرة العدد ، وبالرغم من اختلافنا مع وسيلة السلاح كاداة للتغيير ، كتبنا في هذا المنبر عن ضرورة وحدة الحركات المسلحة حتى تكون صوت واحد مما يكسبه بعض المصداقية امام المجتمع المحلي (السوداني) أو الإقليمي (افريقيا) أو الدولي..فماذا حدث؟.. كانت فكرة الجبهة الثورية كتحالف يضم الحركات المسلحة ، ان لم تكن كلها فلتكن الفاعلة منها..! حينما امتد امد الحرب ، واصبحت غامضة ، والمفاوضات الثنائية تعثرت كثيرا ، كتبنا نذكر الناس بضرورة وقف الحرب والبحث عن وسائل اخرى للتغيير المنشود..فماذا حدث؟.. اصبحت النخبة كلها تحرص على اضافة بند وقف الحرب في خطابها السياسي وحتى لو كانت اضافة تكتيكية ، الإ انها مؤشر يفيد بان النخبة السودانية تستمع لأصوات الجماهير..! تساءلنا عن مصير الأقاليم المتضررة من واقع الحرب ، وماهو موقعها من الإعراب في جملة التنمية المفيدة.. فماذا حدث؟.. كل النخبة السودانية (حكومة ومعارضة) اخذت تتحدث عن التمييز الإيجابي في مجال التنمية ، وحتى ولو كان موقف تكتيكي الإ انه يفيد بان النخبة تسمع وتلتفت للأصوات التي تقدم نقد بناء يحرص على صيانة حقوق الجميع..!! هذه هو دورنا الذي نعرفه ، ان نكون مواطن فعال يهدي النخب مواضع الخلل ، وبعد ذلك هي وقدرتها على التصرف..!! وبالرغم اننا نتضجر كثير من الترصد والملاحقة والقمع ، الإ اننا راضون تماما عن اداءنا في هذا المنبر ، واننا قدمنا ما يفيد اهل السودان ، وسوف نقدم ما نستطيع..كل ذلك رغم التخوين والحرص على رسم صورة مشوهة لنا ، ليس لسبب وجيه الإ لأننا نمارس حقنا في التعبير بحرية تامة دون الخضوع لأوباوش المعارضة الكلامية في هذا المنبر..! المضحك يا كمال ، احدهم يخاطبني ويقول لي: جيد انك اعترفت بانك بعت نفسك للحكومة ، وذلك في بوست الذكريات الذي اكتبه بعنوان (اسمي) وزول بتقول ليهو عسكر الحيكومة ضربني في مظاهرات ، ويجي يقول ليك كويس انك اعترفت بانك بعت نفسك للأنقاذ..! وقلتها للعقلاء..الحاجة الواحدة الما قادرة تفهمها المعارضة وتتعامل معها هي الحاجة الإسمها الإنقاذ دي.!! عموما كتر خيرك.. كبر
05-11-2016, 08:13 PM
كمال عباس كمال عباس
تاريخ التسجيل: 03-06-2009
مجموع المشاركات: 17851
Quote: لكن الناس عندها حقوقها الدستورية التي لا تريد تفعيلها..وتريد أن تأخذ الأمور بالضراع والقوة واذا سألتهم يقولوا ليك السلطة جات بالعنف ولا ينفع معها الإ العنف..!!وقفة الأستاذة زينب بدر الدين ، ومخاطبتها لمواطنين في الشارع ، يمكن ان تفهم بمعنى اخر قد لا يرغب الناس في سماعه.. فهي وقفت بكل حرية وفي الشارع خاطبت الناس ، فهي قد فعلت حقها في التعبير السلمي ، وفي الوقفة حسب ما اعلم لم يتعرض لها احد ، وقالت ما قالت بكل حرية ..ببساطة لأنها تمارس حقها في النضال السلمي.. نفس الأمر يفعله البعثيون وناس المؤتمر السوداني ، ولديهم مخاطبات جماهيرية كثيرة في المواقف العامة ، والناس تتجمع حولهم وتستمع لرسالتهم..!
البعثيون وناس المؤتمر السوداني يعتقلون وتفض فعالياتها بمجرد أن يعلم جهاز الأمن بالتجمع !! الإنقاذ وترفض حتي الآن التصديق ــ بتسير موكب أو تيسير مُظاهرة سلمية ــ وفي السنوات الأخيرة رفضت التصديق بإقامة ندوات جماهيرية في مياديين عامة !!* تفعل هذا والحزب الحاكم يسير ــ مواكبه ــ ومظاهراته ويقيم ندواته في المياديين العامة ! مما يكشف تسخيرها لأجهزة ومؤسسات الدولة لمصلحة الحزب الحاكم !* جهاز الأمن الفاشي يحمي الحزب الحاكم والبطش بخصومه ــ تصادر الصحف ـ قبليا وبعديا وتوقف- بواسطة جهاز الأمن ـــ لا الشرطة والنيابات والقضاء ! * جهاز الأمن هذا هو جهاز الأمن ــ الذي حددت وركزت نيفاشا مهامه في جمع وتحليل المعلومات وتقديم المشورة إذا ماطلب منه ذلك ،، وهي ذاتها نيفاشا التي نصت علي القوانين بما يتماشيمع الدستور .. ورفضت الإنقاذ هذا وأبقت قانون جهاز الأمن كما هو وكذلك قانون النظام العام والقانون الجنائي ! * موضوع هامش الحريات والتعددية المصنوعة ــ لم تشكل حصانة لحسني مبارك وبن علي ولم تضف عليهم تحولا ديموقراطيا ! ــ بقي جوهر النظام الفاشي علي الرغم من المساحيقـ الممارسة هي المحك ــ القمع حاضر والهيمنة والإقصاء حاضر بالرغم من الإنتخابات المسرحية التي زيفت إرادة الشعب ، وعلي الرغم ــ مسلسلات الحوار المكسيكية المؤتمر يرفض الحوار المفضي للإعتراف بالتنوع والتعدد ودولة القانون والمؤسيية ،يرفض النأي عن الهيمنة علي مفاصل الدولة وإطلاق الحريات العامة والسلام العادل والشامل، يريد من المحاور أن يكون مجردكومبارس وتابع يبصم ويرتضي بالفتات ، يريد إستسلاما لإ إحتكاما للديموقراطيةوالعدالة والمساواة...
الأخ كبر سلام معذرة على المجاهرة بموقف ضد موقفك 360 درجة موقف يرى أنك تتحالف بعلم أو بدون علم مع السلطان الجاير مع المشروع المناهض للمشروع البموت الطلاب اليوم ضده وضد آلة قمعه الجهنمية التحية لكمال عباس وأقول ليه يا أخوي المسألة واضحة المسألة مسألة حرب وجود محتدة بين معسكرين ولكل حلفائه بين معسكر وخط الشعب ومعسكر و خط المتولين عن الحكومة عبء التصدي عن معارضيها الشعب لم يعقد كونترات مع من جثموا على صدره فتحكموا في أمر السلطة والمال والقمع والفساد. هؤلاء أنوا بالدبابات وحلفوا ألا يذهبوا بغيرها الشعب أعزل ولكنه أقوى أقوى بطلابه ومثقفيه و بأصوات أبنائه الشرفاء غير المتاجرين بحريته ورغيف خبزه المشكلة ما بقت مشكلة حكومة فاشية وفاسدة المشكلة مشكلة المثقف البقوم بالدفاع عنها بأشكال حزقة يا كبر وكمان تسميها تنوير يا أخوي تنوير شنو ودي فاتت التضليم بمراحل لكن ثق أنه في الصباح ستشرق شمس الحرية والديمقراطية وإحترام الإنسان من جديد
كان الأستاذ علي محمود حسنين عن دستور نيفاشا : Quote: انه وفقاُ للماده 40 من الدستور فان حق التجمع السلمي مكفول لا يقيده قانون . فالفقرة 40-1 تكفل حق التجمع السلمي و قيام الاحزاب و النقابات . و قد قيدت الفقرة 2 من المادة 40 قيام الاحزاب و النقابات بقانون و ابقت حق التجمع السلمي دون تقييد باي قانون . و لم يكن في السودان أي قانون يطلب التصديق علي تسيير المواكب السلميه و لكن صدر اخيراُ تعديل في قانون الاجراءات الجنائيه يتطلب ذلك الاذن لمزيد من التقييد للحريات للتحكم في العمليه الانتخابيه . و ذلك التعديل قطعا يخالف احكام الماده 40 من الدستور ويقع باطلاُ لا يُعتد به)) إنتهي كلام الأستاذ علي محمود حسنين ====================== جانبا من المادة 40 في دستور نيفاشا الأصلي *** حرية التجمع والتنظيم
40ـ (1) يُكفل الحق في التجمع السلمي، ولكل فرد الحق في حرية التنظيم مع آخرين، بما في ذلك الحق في تكوين الأحزاب السياسية والجمعيات والنقابات والاتحادات المهنية أو الانضمام إليها حمايةً لمصالحه.
(2) ينظم القانون تكوين وتسجيل الأحزاب السياسية والجمعيات والنقابات والاتحادات المهنية وفقاً لما يتطلبه المجتمع الديمقراطي. ................
05-22-2016, 00:23 AM
Kabar Kabar
تاريخ التسجيل: 11-26-2002
مجموع المشاركات: 18547
قلنا ان ظاهرة المناتلة هي ظاهرة سيوسيولوجية ، بيد ان هذه الظاهر تقوم على ملمح اخر وهو فكرة (عقلية القطيع) ولقد تعرض استاذنا عبد اللطيف على الفكي قبل عشرة سنوات تقريبا لتوصيف حال المنبر بانها تسودها عقلية القطيع.. والمفهوم هو مفهوم شائع وتم ترسيخه في دارسات علم النفس التي تدرس سلوك الجماعة..
ففي هذا المنبر ، المناتلة تقوم على سيكولوجية عقلية القطيع تلك .. والفكرة ببساطة أن معظم الناس هنا ، خصوصا من يتنكب المناتلة ، يفتقرون للفكر الخلاق والإبداع ، وانما يرددون الأشياء ببساطة لأن الأخرون يرددونها.. فالمناتل كائن غير خلاق البتة ، ويفتقر الى الإبداع ، وفي نفس الوقت لديه قدرة عجيبة على الإجترار وترديد اشياء الأخرين..وهذا سلوك غريب ويدل على ان التطور لم يحدث البتة..
من مظاهر المناتلة كمؤشر لعقلية القطيع.. مثلا.. يفتح احدهم بوست يسئ لكبر ويشتمه ويسخر منه..ولغاية هنا الأمر عادي للغاية ، ولكن غير العادي أن يقوم القطيع بسلوك نفس السلوك..ويفتح بوستات كثيرة باسم كبر..فقط لأن احدهم ابتدر الظاهرة..
ايضا من مظاهر المناتلة كمؤشر لعقلية القطيع..ان يفتح احدهم بوستا ويقول كلمة طيبة عن كبر..وهذا امر عادي للغاية وكثير من البوستات تفتح باسماء اعضاء المنبر (نساءا ورجالا) ولكن اعمال عقلية القطيع تظهر فقط في البوستات المفتوحة باسم كبر..فمثلا..يتوجه اللوم المبطن والظاهر لمن فتح البوست باسم كبر..فقط لأن احدهم من قبل كان يترصد كل من يقول كلمة طيبة عن كبر ، وبالتالي الأمر اصبح سلوك قطيع بالباب العديل..والناس يفعلون ويكررون الظاهرة ليس بمنطق عقلاني وانما لأن احدهم فعلها لأسباب تخصه وبالتالي القطيع يقوم بتكرار السلوك دون أن يسأل روحه ماهو المنطق في ذلك..
كبر
05-22-2016, 00:56 AM
Kabar Kabar
تاريخ التسجيل: 11-26-2002
مجموع المشاركات: 18547
مظهر اخر..كثيرون في هذا المنبر يقيمون في دول العالم الأول ، وفي مجتمعات ديموقراطية من الألف الى الياء..ولا احد يذكرهم باقامتهم في تلك المجتمعات..ولكن لأن احدهم ، ولأسباب تخص ، اخذ يردد لكبر او بريمة بانكم تقيمون في البلد الفلاني او البلد العلاني ، فالقطيع دون ان يشعر كلما دخل في الحجاج مع كبر يذكره بانك تقيم في كندا..!
في هذا المنبر انا اعرف 57 عضو (رجل أو امرأة) من خريجي كليات القانون في السودان ، وخارج السودان ، ويعملون في مجالات مختلفة في الحياة ولكن لا احد يذكرهم بخلفيتهم القانونية ، ولكن مثل كبر ، ولأن احدهم يذكره بانه قانوني او خريج قانون .. فالقطيع يردد نفس السلوك دون أن يفكر في تبرير ومنطق الأمر..وحينها يذكر كبر باستمرار انه قانوني ورجل قانون ..التقول كبر هو رب القانون في الدنيا..حاجة عجيبة مش؟..
وايضا من مظاهر المناتلة واعمال عقلية القطيع ، تدوير الخطاب والمفاهيم.. مثلا تراجي مصطفى تجترح وصف المرخرخ في حق فرح ابوروضة..ولغاية هنا الأمر عادي ، ولكن اعمال عقلية القطيع تظهر في مستويين: المستوى الأول ان يقوم ابو روضة نفسه بوصف الأخرين بنفس الوصف (طبعا ابوروضة اكتر زول يفتقر للذهن الخلاق وعادي قاعد يردد حاجات الآخرين كأنما هو من اخترعها)..والمستوى الثاني ان يقوم القطيع بترديد نفس المفهوم في حق اخرين..وهنا تتجلى ازمة عقلية القطيع في الإبتكار حتى على مستوى خلق كلمة أو كلمتين..
كبر
05-22-2016, 00:58 AM
Kabar Kabar
تاريخ التسجيل: 11-26-2002
مجموع المشاركات: 18547
وسأقول كلام محبط للغاية..فاهلنا بيقولوا اسمع كلام الببكيك وما تسمع كلام البيضحكك.. فان الغالبية ممن يعمل بعقلية القطيع ، التي تتجلى في ظاهرة المناتلة ، يعيشون في مجتمعات متطورة ومتحضرة ومتسامحة للغاية ، ولكنهم جزر معزولة في هذه المجتمعات ، وبالتالي لا يجدون انفسهم الإ في عقلية القطيع عبر هذا المنبر..لذلك يرتدون كثيرا (عقليا وذهنيا وثقافيا وحضاريا) ويخرجون ابشع ما في دواخلهم..ومثل هذه الكائنات الطفيلية لا تستطيع ان تقدم للسودان وشعوبه أي شئ..حتى نقل تجارب الأخرين في الدول المتقدمة اهل عقلية القطيع لا يستطيعون نقلها للسودان أو محاولة ان تؤثر فيهم ليكونوا انسانيين ومتسامحين وينشرون الوعي..
كبر
05-22-2016, 03:38 AM
Kabar Kabar
تاريخ التسجيل: 11-26-2002
مجموع المشاركات: 18547
ا الذ حاجة في ظاهرة المناتلة ، انها تخرج كائنات طفيلية ، ومثل تلك الكائنات تفتقر لذهنية الإبتكار الخلاقة ، فتتعيش بطفيلية كاملة على جهود الآخرين.. مثل هذه الحال ، اصبحت حال هذيانية ، وفرخت ظواهر سايكوباتيك..تمشي في عـــــرصـــات المنبر ..وتمارس هذيانها وناسية انو الحال بقى ظاهر للغاية ..
الجن بتداوى..كعبة الأندراوة ..واشار الى سايكوباتيك المناتلة العاير في عــــرصـــات المنبر..
بالطبع عقلية القطيع هي اسرع ما يشتغل في هذا المنبر..وهي عقلية تعرف كيف تكشف عن ذاتها العنصرية بابشع طريقة كانت.. الكائنات الطفيلية ، التي تفتقر الى الذهن الخلاق المبتكر لا تعرف الإ التعيش على اكتاف الأخرين ..والأظرط البحث عن الشهرة بالتعيش على الآخرين.. الم اقل لكم ان الظاهرة الآن تحولت الى سايكوباتيك عجز عن مداراة عورة القبح فيه فيلجأ للشتيمة واتهام الناس بامراضه التي يعاني منها عشرات السنين وزادتها الأيام هذيانا يفوق التصور..! يا ابانا الذي في المناتلة ارعى بقيدك يا عم..! ولا تغرنك حظوة الميلاد بالصدفة في بقعة من بقاع السودان بانك افضل من الناس تقوم وتقعد على كيفك.. ستظل سايكوباتيك وتفضح نفسك اكثر.. وبالطبع نحن نسعد ونشمت كلما فقد السايكوباتيك مزيدا من العقل.. كبر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
حامد بدري
Mahamed Eltaze
منتصر صلاح
munswor almophtah
بريمة محمد
Gasim Alnoor Aly
محمد حيدر المشرف
كمال عباس
حسن حماد محمد
فيس بوك
تويتر
انستقرام
يوتيوب
بنتيريست