دعواتكم لزميلنا المفكر د.الباقر العفيف بالشفاء العاجل
|
|
 تـأكيدات ذات ممدودة في خاطر الزمن
|
(1)
بيتأكد جـواي ، في كل مرة، حضـورك
بديت بيك التـمرد والخروج
بيــك مـليت شـوارع الفـرح بالهوس والضجيج
و بديت وشاحات الشجن لرحيل الاسى والهروب
و لقيتنـي ، في كل مرة، بيتأكد حضورك جواي
بنيتك حكايات الصدق الـمسقية بالـضو
و جاهرت فيـك مغبات الغيـاب
(2)
الـشموس الفارهة جاتك
و الـمدى انجرح بخاطر الفرح
و دفق غناهو لـموج النيـل
النـبض كان هـتاف زمـني القبيل
و الخـيول روحت
تكتــل نفس الـمسافات الكضب
سـقيتك ضـي الحــروف
وعمدتك بدايات الخروج
لا الرحـيل خـباكي مــني
لا عنـاد الفرقة ديك
لا الـمسافة البيـنا طالت
لا الســنين
لا مـواكب خـوفي الـممدودة في حضن الشجن
باقيـة انتـي
بتتـأكدي في جـواي
في كـل نبضة بيك ضوت
وكل لـمحة مسروقة من خاطر التعب
في تعاريـج ذاتي القصية
مـمدودة انتي ، تعاريش الحـلم
وردة صباح..شـربت سر الندى
و نادت سرب العصافير
و من تاني لقيتك بتتأكدي في جواي
اشـكال محــنة ، بتتسرب عـز الهجير
و تبقـى زاد للخـطى النضاحة بعرق الأسى
و النـجوم البيك زاهية
معاي بتطل مرة وألف مرة
و الحـروف فيك ذابت نبض
حـداي مسكوبة في رهق الرؤى
انك بتتأكدي في جواي
اسفار حزن ، حفـظوها الحـواري
و قروها تعاويذ الصباح ، الـممدودة في شبق الصدى
و من ذاتك بتصير ترانيم الفرح الوصول
والشموس الفارهة جاتك
و الـمدى انجرح بخاطر الفرح
وسقاك منـي باقي الكلام
والتعب الرجا
ودمت
محـمد النـور كبر
|
|
 
|
|
|
|
|
|
|
|
Re: تـأكيدات ذات ممدودة في خاطر الزمن (Re: Kabar)
|
العزيز كبر
افتقدنا منذ امد هذه الكلمات الملامسه
وهذه الروح الجميله
وهذا القلم الرشيق
عدت والعود احمد لتمتعنا وتدهشنا
وتعبر عنا
نحن الحواري الذين حفظنا اسفار الحزن
و قروها تعاويذ الصباح ، الـممدودة في شبق الصدى
دمت ومزبد من الكلام الدسم المعبر
مع محبتي
| |
|
|
|
|
|
|
|
|
|
Re: تـأكيدات ذات ممدودة في خاطر الزمن (Re: Kabar)
|
استاذي وصديقي عبداللـه جعفر
حبابك..
وتأكد ان بغداد هي واحدة من أزماتي الخاصة..
لكن يبدو ان الفجيعة هي سجل الغياب في ذواتنا الممزقة بالخوف والخيانات الصغيرة/الدميمة
كتر خيرك على المناغمة
ودمت
كبر
| |
|
|
|
|
|
|
| |
Kabar
doma
almulaomar
Yassir Mahgoub
فيس بوك
تويتر
انستقرام
يوتيوب
بنتيريست