التصريح الذي نسب للسيد حسب الله ، عضو مستشارية الأمن ، بأنه اذا اتفقت الإرادة السودانية بان تذهب الشريعة الإسلامية ، فلتذهب..!
اثار هذا التصريح ردود فعل واسعة وسط اهل المؤتمر الوطني ، و تحسسوا رقابهم و اثاروا الغبار و الزوابع..و بعضهم يقول هذا الحديث اغضب العلماء ( و هم بالطبع علماء السلطان الشيطان)..و بعضهم يقول هذا ضرب للثوابت..و غيرها من الترهات التي يتشدقون بها صبحا و مساء..!
الجبهة الإسلامية و منذ الستينات كانت ترفع مشروعها على اساس اقامة دولة الشريعة الإسلامية..و ذلك مطلب غالبية الشعب السوداني قد تتفق معه بحكم التدين في اوساط الشعب السوداني..و جربت الجبهة الإسلامية ثابت تطبيق الشريعة الإسلامية في اواخر حقبة الحكم المايوي (و هو الذي ذهب الى مذبلة التأريخ و معه الشريعة الإسلامية التي ادعاها)..و حاولت تجريب المشروع ابان الفترة الديموقراطية.. ثم قررت أن تستولى على الحكم ، ليس عن طريق الشورى المنزلة في الكتاب المبين و هو مصدر الشريعة الإسلامية ، و انما عن طريق البلطجة والقهر و الغلبة و ذلك اعتماد على دبابة ، كأنما المصحف الشريف اخذ اجازة طويلة المدى في ذلك الزمان أو انطمست نصوصه بفعل الجهل و حب الذات الأنانية..!
كبر
03-24-2011, 01:20 AM
Kabar Kabar
تاريخ التسجيل: 11-26-2002
مجموع المشاركات: 18547
اثنين و عشرين سنة و الجبهة الإسلامية في حكم السودان ، وبات اهلها في حالة هذيان كامل الدسم.. فكلما مسك احدهم ميكرفون الخطابة اخذ يردد تطبيق الشريعة الإسلامية..أو التمسك بتطبيق الشريعة الإسلامية..و السؤال: طيلة العشرين سنة .. ماذا كانت الجبهة الإسلامية تطبق؟..و طيلة العشرين سنة.. هل تستطيع أن تتنكر أن مشروعها للدولة لم يقم على الشريعة الإسلامية؟..
ما حدث في سنوات حكم الإنقاذ هو تطبيق للشريعة الإسلامية..و ليس في الإمكان ابداع اكثر مما كان..!
الشريعة التي يقول احد خلفائها: لو عثرة بغلة بالعراق لسئلت عنها لماذا لم اسوي لها الطريق.. هي شريعة لا يستطيع اهل الجبهة الإسلامية تطبيقها في السودان ، ليس لخطأ المبدأ..و انما لفساد اخلاق من يدعي المبدأ..!
اليوم حينما يتحدث اهل الجبهة الإسلامية عن ارادتهم لتطبيق الشريعة الإسلامية.. فكل سوداني و سودانية يتحسس ظهره.. لأن الشريعة المعنية هي اداة قمع مسلطة على الضعفاء المقهورين.. الضعفاء الذين فشل مشروع الجبهة الإسلامية في توفير العمل الشريف الذي يقيهم شر الجوع.. و طردهم من مواقع عملهم .. ناهيك عن تعثر دوابهم و بغالهم..هم الذين تسعى الجبهة الإسلامية لتطبيق الشريعة فيهم..!
الدولة التي تفوح رائحة الفساد فيها حتى تزكم الأنوف..و يخرج احد وزرائها و يقول للناس لم نكشف عمن قمنا بحسابهم عملا بمبدا فقه السترة.. فهذه دولة غير مؤهلة لتطبيق الشريعة الإسلامية..و الدولة يقول رئيس برلمانها بانه لا يستطيع فرض رقابة القانون على اداء اهل الوزارة..و انما المبدأ هو الرقابة الربانية.. فهذه دولة ليست لها اخلاق لتطبيق الشريعة الإسلامية..و نسأل رئيس البرلمان السوداني و كل اهل الجبهة الإسلامية ، ان كانوا فعلا يؤمنون بالرقابة الربانية..فلماذا لا يتركون الرب يطبق الشريعة؟ أليست هي ربانية أيضا؟..
تجربة مشروع تطبيق الشريعة الإسلامية بواسطة الجبهة الإسلامية في السودان قدمت الكثير للسودان و اهله:
فهي التي قدمت بيوت الأشباح و التفنن في ابتداع وسائل القمع و التنيكل من السجن و التعذيب البدني لغاية اغتصاب البنات في شوارع الخرطوم.. فهل هذه شريعة اسلامية؟هل ستنكر الجبهة الإسلامية حدوث تلك الموبقات و الكبائر؟
و دولة الشريعة الإسلامية في السودان و خلال عشرين سنة قدمت جرائم الإبادة العرقية و الجرائم ضد الإنسانية و جرائم الحرب ، و هي الجرائم التي لم يعرفها اهل السودان منذ ذهاب المستعمر الأجنبي.. و هذا ارث الجبهة الإسلامية و هو ارث تطبيقها للشريعة الإسلامية فهل ستتنكر له؟..
و دولة الشريعة الإسلامية في السودان قدمت للسودان و اهله انشطار جزء من الوطن ، و هم الذين استلموه غصبا عن ارادة اهله متوحد التراب و الحدود.. فهل يتنكرون لهذا الإرث؟..
دولة الشريعة الإسلامية قدمت لأهل السودان ميزة التشرد الذي طال الملايين التي فرت بجلدها من التنكيل و العذاب.. فهل ستتنكر الجبهة الإسلامية هذا الإرث؟..
كبر
03-24-2011, 01:26 AM
Kabar Kabar
تاريخ التسجيل: 11-26-2002
مجموع المشاركات: 18547
كل هذا الإرث الشعب السوداني يعيه و يدركه جيدا..و ان الدولة الدينية التي جاءت بها الجبهة الإسلامية فشلت تماما..و اصبحت مضحكة بين الأمم..فهل لازال اهل الجبهة الإسلامية لهم قوة عين بأن يطالبوا بالتمسك بالشريعة الإسلامية؟..
التمسك بالشريعة الإسلامية يعني التمسك باداة قمع لإرهاب الناس..و احداث مزيدا من الإرهاب.. لأن اهل الجبهة الإسلامية و من فرط غرورهم و تجبرهم الزائف.. يظنون أنهم ابناء الله في الأرض..و ليسوا هم بهكذا..و لن يكونوا..و انما هم بشر سئ النفس.. قاصر الرؤي.. ليست له تربية سلوك قويمة تعصمه من ارتكاب الموبقات مثل موالاة الفساد و اهله و ارتكاب جرائم الإبادة العرقية و الجرائم ضد الإنسانية و جرائم الحرب و اغتصاب بنات السودان..!
و الحقيقة التي لا يدركها اهل الجبهة الإسلامية الآن.. بان المجرم فيها سيحاسب بعدالة المحكمة الجنائية.. شاء اهل الجبهة الإسلامية أم ابوا..شاءت شريعتهم أم ابت..و ان الفساد الذي تحميه العصبة.. سيحاسبه اهل السودان على داير المليم..و الخراب الذي طال السودان سيدفع ثمنه اهل الجبهة الإسلامية.. حتى لو اندرعوا في حبل الله.. لأن الله و حبله برئ منهم براءة الذئب من دم ابن يعقوب..!
و نظل نسألهم ماذا قدمت الشريعة الإسلامية للسودان و اهله و منذ سنة 1983؟..
صديقتي تراجي..حبابك كتر خيرك على المرور من هنا.. و تشكري على الخيط الآخر..
الحاجة المستفادة من هذه الديلما.. انو لا صلاح قوش ولا عمر البشير.. عندهم كلام في الحاصل..و كلهم طراطير تحركمهم الأيادي الخفية التي تريد استمرار دولة الفساد و البطش و التنكيل..
المؤتمر الوطني ، البعض منهم ، فهم جيدا أن ثابت الشريعة الإسلامية هي فزاعة يجب ان تبقى حتى يتسنى لهم رفعها في وجه كل من يقول البغلة في الإبريق..و في حوارهم مع ناس حزب الأمة.. قاعدين يفتشوا ضمانة لعدم المحاسبة بواسطة المحكمة الجنائية الدولية..و مستعدين بقبول المحاكم الهجين..و علماء الشيطان اياهم لن يجدوا بند من بنود الشريعة الإسلامية اسمو المحاكم الهجين..!
لسنا حريصين على السيد حسب الله..و لكن حريصين اكثر على انكشاف نفاقهم..و اختلافاتهم التي بدأت تظهر على السطح..و لي قدام تسعة شهور من تأريخ اليوم.. سيتبادلون الضبح فيما بينهم..و الشعب السوداني ح يشبع فيهم شماتة..!
ولازال السؤال قائم: ماذا قدمت شريعة الجبهة الإسلامية للسودان و اهله؟..
و دمت.. كبر
03-24-2011, 05:42 AM
Kabar Kabar
تاريخ التسجيل: 11-26-2002
مجموع المشاركات: 18547
لو كان كل من يدعي أن الدولة الدينية مسنودة من الله سبحانه و تعالي.. اذن لدامت لدولة المهدية و هي التي ادعت أنها دولة سودانية..و فوق ذلك لكان دامت للممالك الإسلامية في الجزيرة العربية..!
لا مستقبل لدولة دينيه في السودان.. و مشروع الشريعة الإسلامية الذي تدعي الجبهة الإسلامية انها حريصة عليه.. فلقد فشل تماما..ولا يعقل ان يطالبوا بوقت اضافي لتطبيق الشريعة.. سوف يذهبون الى المحاكم الدولية غير مأسوف عليهم..حتى لو فضلت حدود دولتهم في حوافي الخرطوم..!
فجعت في تصريح حاج ماجد السوار..و احمد ابراهيم الطاهر..و هما يكشفان عن مدى الغيبوبة التي يعانيان منها..ولازالا يظنان انها فعلا هي لله..!
بلد الإبادة العرقية و جرائم الحرب و الجرائم ضد الإنسانية كفاها تطبيق شريعة اسلامية..و عرف اهلها ماذا تعني المناداة بالشريعة الإسلامية ..و هي في خلاصتها مزيدا من جرائم الإبادة العرقية لكل من يحاول ان يقول بغم في شأن الدولة السودانية الباقية..!
ونعلم انهم يهربون.. لأن العشرين سنة الماضية لن يجدون فيها بصيص امل يدعم حجتهم في تطبيق الشريعة الإسلامية..و لن يجدون ما يدفعون به نفاقهم و دجلهم..!
فماذا قدمت الشريعة الإسلامية للسودان و منذ العام 1983؟..
الأستاذ الصديق محمد كبر للذكر وأنت سيد العارفين أولا :ماذا قدمت الشريعة للإنقاذ : في بدايات الإنقاذ حيث لا موارد مالية وحتى بشرية لهم قدمت شريعتهم بل ووضعت حجر الأساس للفساد والاستبداد والعنجهية والغباء الكيزاني تذكر (كشات) أمبدات وتلك الجيوش الجرارة من الغلابة (المتهمين) اللذين تعج بهم ساحة قسم الشرطة بل وبعضهم لا يجدون لهم مكانا فكان حوش المجلس ، تذكر شكل المحاكمات الإيجازية التي تدر المال الحلال حتى وأنى شاهد تؤخذ بالكراتين وترسل للولاية ، ليست أمبدة الوحيدة فكل الأمارات الإسلامية بالعاصمة ترسل تلك الجبايات والآتاوات الحلال للولاية .. شريعتهم كانت وما زالت مصدرا مقدرا من مصادر المال الحلال ، يؤخذ عنوة وقسرا من الفقراء الأبرياء لصالح أمارة الكيزان الإسلامية ... ولدينا من السوابق الكثير بل المثير .. تخيل الأمارة الإسلامية وبالقانون والمحكمة تعيد بيع المعروضات التي تمت مصادرتها وهي (براميل - قدور (جمع قدر) - بنابر- كراسي - صواني ، ألخ) تتم مصادرتها من صانعات الخمور البلدية وبائعات الأكل بالشوارع والفسحات - ويعاد بيعها بالمزاد العلني لنفس اصحابها.. والطريف في الأمر بعد اسبوعين أو ثلاث يقومون بإعادة قبضهن ومحاكمتهن ومصادرة المعروضات - يعني (تدوير) لا ينتهي ... ثانيا : أما سؤالك الكبير ماذا قدمت الشريعة للسودان ؟ لا أحد من عامة الناس يعرف أو يدرك أن هناك شريعة بالبلد ، المعروف أنه تم إختزالها في بعض الحدود والتعازير التي تطبق حسب مزاج القاضي والشاكي ونوع وقبيلة المتهم ... والحاجة والطلب للمال - تصدق في محكمة سنار - رئيس الجهاز - ومدير الشرطة - ومكتب الوالي - يقومون بالكشات لبائعات الخمور البلدية - وتكون المحاكمة بالغرامة أولا - السجن الطويل في حالة عدم الدفع - ويتم استثمار تلك الأموال تجميل باحة وفناء ومكاتب المحكمة ؟ وفي سنار نفسها فساد الوالي والموالين له قطع النيل شرقا وتجاوز حدود سنار غربا وجنوبا وشمالا - ورئيس الجهاز القاضي والنيابة - صم بكم لا يسمعون ولا يرون ... للأسف ، ما يطلق عليه الكيزان شريعة فهو مسخ مشوه ، وعار عليهم ليوم الدين - إن كانت هناك شريعة كما يزعمون لما تحدث بعد طول سكوت أخو الرئيس ليقول انه يعمل في عدة جهات حكومية ويتقاضى كم من الملايين والمخصصات والعربات - وأن شقيقه مؤسس لجياد بتمويل خليجي وقروض شخصية وبضمانات بنكية - هل فعلها الرسول عليه الصلاة والسلام أو أحد من أصحابه ؟ للأسف ، هي نفس الشريعة التي باعت أصول الشعب السودان من عقارات ومنقولات - ورجعنا مئات السنين للوراء ، فلا مشاريع زراعية ، ولا صناعات تحويلية ، لا سكك حديد ، لا طائرات ، لا سفن بحرية ، بل طالت شريعتهم أنظمة التعليم والصحة ، والإدارة ، والمحاسبة ، والقضاء ألخ وقضت على ما كل ثابت وراسخ وجميل ، ورجعنا الآن نعيش الفوضى والتخبط والجهل والجوع والمرض والفاقة والحاجة والنزوح والموت ، وام الكبائر تلك إثارة الفتن والنعرات العنصرية والقبلية - وهي لله استغر الله يا كبر الشفيع
03-24-2011, 05:53 AM
ahmed haneen ahmed haneen
تاريخ التسجيل: 11-19-2003
مجموع المشاركات: 7982
صديقي احمد حنين.. حبابك كتر خيرك على المرور ..و ضروري نشوفك تاني يا احمد..
Quote: هو اصلا في شريعة..
ككيف الكلام ده يا احمد؟.. الشريعة موجودة منذ زمن بعيد.. و في السودان بدأ تطبيقها الفعلي سنة 1983 مرورا بسنة 1989..لغاية الليلة..!
مش والي الخرطوم قال فتاة الفيديو مجلودة في حد شرعي ( و بيني بينك يا احمد الحدود الشرعية انا عارفها كويس خالص..و ما فيها حد شرعي اسمو جريمة ممارسة الدعارة)..
مناطق تلشي ضربوها بموجب فتوى اصدرها شيوخ الدين الإسلامي في مساجد الأبيض.. و حسب الله طردوهو بموجب فتوة اسلامية من علماء السلطان الشيطان.. و غيرها من المؤشرات التي تؤكد وجود و تطبيق الشريعة الإسلامية في السودان..
غايتو نحن (ناس الدولة اللادينية) مقتنعين بانو في شريعة اسلامية مطبقة في السودان. لكن المشكلة ناس الجبهة الإسلامية زايغين عدييل..و ما قادرين يجاوب على سؤالنا: مذا قدمت الشريعة الإسلامية للسودان و اهله..!!
كتر خيرك.. و نشوفك تاني يا احمد.. كبر
03-24-2011, 06:41 AM
Abdlaziz Eisa Abdlaziz Eisa
تاريخ التسجيل: 02-03-2007
مجموع المشاركات: 22291
كنا أيام الانتفاضة نتساءل عن طرح الجبهة الاسلامية كغيرها من التنظيمات السياسية التي تطرح برامجا لاصلاح الوطن العائد حديثا لحظيرة الديمقراطية والحريات.. البرامج التي تلبي طموحات المواطن وتدفعه للتأييد بصوته الانتخابي.. حضرنا الندوات لنعرف شيئا يمكن ان نضعه ضمن جدية الاحزاب للدخول في الانتخابات.. لم نجد غير الهتافات الغوغائية.. وتتعالى شغبا في كل محفل.. لا ولاء لغير الله.. لا تبديل لشرع الله.. الشريعة وما ادراك ما الشريعة.. لم نجد غير هذه الهتافات الجوفاء الغرقاء التي لاتقدم ولا تفسح المجال للطرح النيّر.. زحموا الساحة بالصراخ والعويل في لا شئ.. تقلد رأس حيتهم حقيبة النائب العام فلم نرى له أثرا ولم نسمع شيئا من ضجيج وهوس الندوات.. ثم فعلوا كبيرتهم وفق دينهم الشيطاني وانقلبوا على النظام الديمقراطي وينفردوا بالسلطة فيعوسوا الفساد في الأرض.. اعتقلوا.. عذبوا.. سحلوا وقتلوا الناس الأبرياء في مشاهد لا تمت للأخلاق بل الإنسانية بصلة.. ثم شرّدوا أبناء الوطن.. وتفككت الروابط الأسرية والاجتماعية بفعل فسادهم المنظم.. لا يضبطهم وازع ديني ولا اخلاق وفوق كل ذلك يملؤون الاعلام ضجيجا عاهرا بالكلام الفج عن الشريعة ولا ندري بانهم شاركوا الله ليكتبوا قوانينا للسماء باسمه.. ثم يأتي تصنيفهم للشعب السوداني كله بأنه خارج وحيهم المنزّل بهم.. ويدعونه لتقبل شريعتهم الجديدة التي تجعل منهم صفوة الشياطين والشعب عبيدا من صلصال دنئ...
تحياتي
03-24-2011, 07:29 AM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
Quote: غايتو نحن (ناس الدولة اللادينية) مقتنعين بانو في شريعة اسلامية مطبقة في السودان. لكن المشكلة ناس الجبهة الإسلامية زايغين عدييل..و ما قادرين يجاوب على سؤالنا: مذا قدمت الشريعة الإسلامية للسودان و اهله..!!
حدد يا كبر انتو ناس الدولة (اللادينية) ولا (العلمانية)؟ انا لست من انصار الدولة الدينية، ولكن نيابة عنهم أسألك ماذا كنت تتوقع ان تقدم الشريعة الاسلامية للسودان واهله؟، شايفك كررت السؤال عشرين مرة انت تقر ان الانقاذ (طبقت) الشريعة الاسلامية الشريعة يراها من يطالبون بها (أمر رباني) كالصلاة والصيام، وتطبيقها في حد نفسه (مطلب). هل تستطيع ان تسأل شخص عن ماذا قدمت لك صلاتك وصيامك؟ السؤال مفروض يصاغ: ماذا قدمت الانقاذ للسودان واهله؟ اتحدى اي حزب يعلن نيته الغاء الشريعة وتطبيق العلمانية ويحصد اي اصوات
قرائتك لاقالة حسب الله كتراجي قراءة خاطئة ارادوكم ان تذهبوا في هذا الاتجاه عن قصد
تحياتي
03-24-2011, 10:01 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
كتر خيرك على المرور من هنا..و توضيح بعض التفاصيل التي يظنها البعض صغيرة..و لكنها تنامت مع مرور عمر الدولة الإسلامية في السودان و اصبحت ثابت من الثوابت.. لأن الفساد في الممارسة العملية اكثر وجودا من الشريعة الإسلامية في ذات نفسها..!
المصادرات اياها عمت كل مدن السودان..و وفوق ذلك.. كانت هناك ميزات لإحتكار السوق..حيث يتم طرد كل التجار الذين ليست لهم علاقة بالجبهة الإسلامية..و يفتح السوق و امتيازاته لأهل الجبهة الإسلامية..و تم بيع كل الأصول كما ذكرت..الناس التحت يا الشفيع بتعيد بيع ادوات صنع الخمور البلدية و بتطلع منها ما يرفد ميزانية الدولة..و الناس الفوق بتشتري شركات القطاع العام و تحولها لملكية خاصة ثم تمارس فيها الربا و اكتناز المال..و كل المطلوب ترسل ليك قفة قفتين من زاد المجاهد.. و بعد داك ممكن تستورد عاهرات من المغرب و تستورد الويسكي من اسكوتلندا..!
تصدق يا الشفيع في عام ضربت مناطق كردفان مجاعة(1993- و رمسيا كانت تسمى الفجوة الغذائية)..و نحن كنا عارفين انو مشاريع هبيلا انتجت ذرة تكفي السودان من بحر ابيض لغاية ام دافوق في اقصى جنوب دارفور..و السبب انو واحد من ناس الشريعة الإسلامية اشترى محصول الذرة و تم تصديره لأسبانيا لصناعة البيرة هناك.. يعني صناعة المريسة يا الشفيع..فهل الجبهة الإسلامية و اهلها يؤمنون بمبادئ ميكافللي و يوؤمنون بان الغاية فعلا تبرر الوسيلة؟.. يعني عشان تمويل الحرب يكون مستمر ممكن الدولة تكون زيها و زي ست المريسة واحد؟..
ابدا يا الشفيع.. لازم الناس تعرف انو ما تطبقه الجبهة الإسلامية هو نموذج للشريعة..لأن الجبهة الإسلامية رافعة الشعار منذ ان كانت جبهة ميثاق..وايامها لمن كانت في المعارضة.. لغاية سيطرتها على الدولة..و اذا كان الشعب السوداني غير مصدق ان هذه شريعة اسلامية.. فليسأل نفسه لماذا سمح للجبهة الإسلامية المتاجرة بيها لمدة نصف قرن من عمر السودان؟..و هل لو افترضنا انو الشعب السودان سمح للجبهة الإسلامية ان تواصل في الحكم و منحها فرصة تطبيق نموذجها في الشريعة الإسلامية ، و الذي تحاول أن تقنعنا بأنه لم يكتمل بعد ، فماذا يحدث؟..هل الشعب السوداني يريد أن ينتظر حتى يذهب نصفه في الإبادات العرقية اكراما لتطبيق الشريعة؟.. هل الشعب السوداني يريد أن ينتظر أن تذهب اجزاء اخرى من السودان اكراما لتطبيق الشريعة؟..طيب ما ينتظروا لغاية ما يمشوا الجنة و يشوف تطبيق الشريعة كيف؟..
كتر خيرك يا الشفيع.. و دمت.. كبر
03-24-2011, 04:29 PM
Kabar Kabar
تاريخ التسجيل: 11-26-2002
مجموع المشاركات: 18547
صديقي عبد العزيز عيسى..حبابك كتر خيرك على المرور من هنا..
ايام الديموقراطية يا عبد العزيز ، الجبهة الإسلامية وقتتها كانت تعتمد على الصوت العالي..و كانت لها برامج..و قلتها من قبل لزملائي و زميلاتي من ناس الإتجاه الإسلامية.. ان فوز الجبهة الإسلامية بمقاعد كثيرة في برلمان 1986 هو حادثة جديدة و مفارقة..و لو صبرت الجبهة على الديموقراطية كانت سوف تفوز في البرلمان التالي بأغلبية ساحة اعتمادا على نقتها المظبطة في ذلك الزمان..و لكنها استعجلت و قضت على الديموقراطية و استولت على الحكم بطريقة غير شرعية و تخالف الكتاب و السنة..و اليوم هي في محك.. لأن غالبية اهلها بات موقنا بان الأمر لم يعد هو امر دين و شريعة اسلامية و انما هو امر احكام للسيطرة..و نفاقهم لم يحميهم من الإفصاح عن تخوفاتهم و التي انحصرت الآن في ضمانة عدم محاسبة اهلها بواسطة المحكمة الجنائية الدولية..و هسع ده لو ناس السياسة في السودان قاموا استهبلوا على ناس الجبهة و قالوا ليهم بنقيف معاكم في امر المحكمة بكرة الجبهة ممكن تنسى الشريعة الإسلامية و تروج لذلك..!
طبقت الجبهة الإسلامية نموذد دولة الشريعة الإسلامية في السودان و فشلت..و انتجت دولة فاشلة و مقسمة و يضرب الفساد في اطنابها.. و ليس لديها ما تقدمه.. فعليها ان تذهب هي و شريعتها الإسلامية التي تتدعيها..
كتر خيرك يا عبد العزيز.. و دمت.. كبر
03-24-2011, 05:06 PM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
أخونا كبر علي الحلال دخلتني بي خوجلي ومرقتني بي حمد وما فهمتك انت عايز تقول شنو ات ما قريت كلامي ولا شنو يا زول؟ انت ضد الشريعة من حيث هي ولا ضد تطبيقها ولا ضد الانقاذ ولا ضد كل شيء فهمنا الله يستر عليك
03-24-2011, 05:20 PM
Kabar Kabar
تاريخ التسجيل: 11-26-2002
مجموع المشاركات: 18547
الشفيع وراق..حبابك يا صديق كتر خيرك على المرور من هنا..
محزن يا الشفيع تتخذ موقف دفاع عن حاجة ماك مقتنع بيها..وكنت مفكر قبل كده ادعوك انت و الأخ عصاد دهب لحوار حول ماذا يكلف حتي يتخلى المرء عن قناعاته و يستبدلها باخرى؟.. هل هو الخوف ؟هل هو الطمع؟ هل هي المظنة بالخير؟..المهم..
و قبل الإجابة على اسئلتك.. كنت اتمنى ان اسمع رأيك في انجازات الإبادة العرقية و جرائم الحرب و الجرائم ضد الإنسانية و جرائم الإغتصاب.. هل هي حدثت فعلا أم زولك كبر قاعد ينجر من راسو؟..و هل حدثت تحت مشروع حماية دولة الشريعة الإسلامية أم حدثت تحت مبادئ الميكافللية (الغاية تبرر الوسيلة، حتى لو دعت الضرورة استخدام وسيلة الشريعة الإسلامية للدفاع عن حكم الفساد)؟..
انت قلت:
Quote: حدد يا كبر انتو ناس الدولة (اللادينية) ولا (العلمانية)؟
الدولة ليست مخلوق رباني و انما هي صنيعة بشر خطاء و نساي كمان..فانا مع الدولة اللادينية..يعني الدولة ما بتصلي ولا بتصوم ولا بتمشي الجامع..و انما يفعل ذلك الأفراد..و هؤلاء هم المخيرون في علاقتهم مع ربهم.. سواءا كانت طاعة أو كفر.. لأنو في النهاية ح يتحاسبوا بواسطة ربنا و ليس بواسطة عمر البشير حتى يكون رقيبا عليهم كما يظن..! لمن تكون الدولة لا دينينه فهذا يسمح لي أن اسائلها و اناقشها.. اما لمن تكون الدولة دينية.. فهذا يعني أن نقاشي مع الدولة الدينيه هو نقاش مع الرب مباشرة و أربأ بنفسى ان اصل تلك المرحلة.. !
Quote: انا لست من انصار الدولة الدينية، ولكن نيابة عنهم أسألك ماذا كنت تتوقع ان تقدم الشريعة الاسلامية للسودان واهله؟،
كويس يا الشفيع.. كونك لست من انصار الدولة الدينية فهذا يعني بمفهوم المخالفة انك مع الدولة اللادينية..و مش مهم..! اما ما كنت اتوقع تقديمه من الشريعة الإسلامية للسودان: الإحتكام لكتاب الله و ليس الى ظهر دبابة غبراء تدب بليل بهيم .. الله قال في كتابه الأمر شورى.. فليكن تداول الحكم شورى..و من يخالف ذلك (كأنما يركب دبابة و يغتصب الأمر) يجب أن يحاكم على تجاوز حدود الله..! و كنت اتوقع التساوي في الظلم و القمع.. يعني الحدود الشرعية تطبق على الناس بالتساوي.. مش ناس يجلدوها (كما حدث لفتاة الفيديو) و ناس يدافعوا عنهم بمبدأ (فقه السترة)..أو وفق مبدأ ( الرقابة الربانية كما يهرطق السيد ابراهيم احمد الطاهر)..! ان تقدم لي الأمن و العدل.. و الأ ترتكب الجرائم مثل جرائم الإبادة العرقية و الجرائم ضد الإنسانية و جرائم الحرب و اغتصاب النساء ..فعثور بغلة العراق يا الشفيع مبدأ كبير..و يشمل معالجة المخالف للرأي السياسي الدينوي دون الحاجة الى أرتكاب جرائم كبيرة مثلما ما حدث من شريعة الدولة الإسلامية في السودان..! و كنت اظن أن السودان بحدوده التي ورثها من المستعمر هو دار اسلام..و التفريط في شبر منها يعني أن الشريعة عاجزة عن حماية التراب.. !
و كنت اتوقع منك يا الشفيع أن تقول لي الشريعة الإسلامية قدمت كذا و كذا..!
انت قلت:
Quote: انت تقر ان الانقاذ (طبقت) الشريعة الاسلامية
نعم الإنقاذ و حبوبتها جبهة الميثاق و امها الجبهة الإسلامية.. كلهم طبقوا الشريعة الإسلامية في السودان..فهل عندك شك في ذلك؟
انت قلت:
Quote: الشريعة يراها من يطالبون بها (أمر رباني) كالصلاة والصيام، وتطبيقها في حد نفسه (مطلب). هل تستطيع ان تسأل شخص عن ماذا قدمت لك صلاتك وصيامك؟
نبدأ من اخر حديثك..حيرتنا يا الشفيع.. يعني داير تقولي الناس البتصلي و بتصوم ما عارفة انو الصلاة و الصيام قدمت ليهم شنو؟ و لو طلعوا ما عارفين ، يبقى ليه بيصلوا بيصوموا؟..غايتو انا عارف صلاتي و صيامي قدموا لي شنو..!
طيب نرجع لربانية الشريعة الإسلامية..و دي ما بنختلف فيها معاك..لكن سؤالنا لناس الجبهة الإسلامية.. يعني دايرين يقولوا لينا الله عجز عن تطبيق شريعته و نحن جينا نسويها؟..ووكت هي ربانية ليه ما تخلوا ربنا يطبقها فينا..و لآ الناس يئست من قدرة ربنا؟.. نحن يا الشفيع نتحدث عن دولة..و الدولة صناعة بشرية.. زيها و زي العربيةالسيارة و الكمبيوتر.. فالأفضل الدولة ما تندرع لينا في حبل الله.. لأنو كده بتحاول تتشبه بالله..و لن تستطع..!
انت قلت:
Quote: السؤال مفروض يصاغ: ماذا قدمت الانقاذ للسودان واهله؟
هذا استهبال يا الشفيع يا اخوي.. يعني داير تقنعني انو الإنقاذ ماها دولة شريعة اسلامية؟..يعني ناس الإنقاذ هناك لمن يرغبوا في قمع الناس و ارتكاب الجرائم و الفساد..يقولوا ليك هذا امر الشريعة و امر الله..و لمن نجي نقول ليهم الأخطاء و ننصحهم يبقى البيسوا فيهو يطلع فعل انقاذ ماهو فعل شريعة؟..يا راااجل..! انا ادعيت ماذا قدمت الشريعة للسودان و اهله..يبقى انت عليك واحد من اتنين: يا تجيب ما تم تقديمه و ترصدوا.. او تقر بان دولة الإنقاذ ماها دولة شريعة اسلامية..و من دربك ده تاني ما تدافع عنهم.. بل تقول ليهم ما ترفعوا شعار تطبيق الشريعة..
انت قلت:
Quote: اتحدى اي حزب يعلن نيته الغاء الشريعة وتطبيق العلمانية ويحصد اي اصوات
ده تناقض شنو يا الشفيع يا اخوي؟.. ياخي كلامك ده بيؤكد انو انت ذاتك ما قادر تقتنع بيهو..المهم..! خلاص يا الشفيع لمن يبقى الموضوع موضوع شريعة .. تبقى الأصوات و الديموقراطية (امرهم شورى) هي الحكم؟.. طيب ليه عمر البشير نطى في دبابة..ولا الأصوات الوكت داك كان قانونها غير موجود؟..ولا عمرنا الضاع بسبب نطة الدبابة نحتسبوا لله؟.. و انت ليه خايف من العلمانية و دولتها؟ ما تكون عادل و متسق و تديها فرصة زي ما اديت الشريعة الإسلامية و دولتها الفرصة..! ياتو احزاب يا الشفيع؟ اها الأحزاب دي في قراية مختلفة بتقول عنها هي بت عم الجبهة الإسلامية و كلها حريصة على استمرار هيمنة مؤسسة النازية السودانية.. يعني دي احزابكم براكم هناك في الخرطوم..و بتعمل لمصالح ناس الخرطوم.. لو كانت في المعارضة أو في الحيكومة..و نحن ناس الخلا ديل ما شمينا منها بخور عطر منذ تأسيس الدولة الوطنية السودانية..!
انت عارف يا الشفيع تناقضك ده معناتو حاجة واحدة: انك انت مع دولة هيمنة مؤسسة النازية السودانية..و انك دايرها تستمر سواءا تحت مبادئ الشريعة الإسلامية أو تحت مبادئ وعي الإثنية و القبيلة..و انك داير تقول لينا دي دولتنا و مافي زول يقول بغم..!
Quote: قرائتك لاقالة حسب الله كتراجي قراءة خاطئة ارادوكم ان تذهبوا في هذا الاتجاه عن قصد
و هو السيد حسب الله انجز شنو عشان اضيع لي زمن من عمري و اقراهو..؟ نديك النصيحة ولا الجنبها: دي مش قراية ..دي شماتة بالباب العديل..! انا شخصيا يا الشفيع يا اخوي مافي جهة بتخمني..و لو كنت كذلك.. على بالحلال القدمتو الجبهة الإسلامية لأهلي لو قعدت ارصد فيهو هنا.. بكرة الجبهة الإسلامية تكبر و تهلل و ترقص توستي عدييل..!
اها نسألك من تاني: ماذا قدمت الشريعة الإسلامية للسودان و اهله؟..
كتر خيرك يا الشفيع.. و دمت..
كبر
03-25-2011, 03:57 AM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
Quote: تطبيق الشريعة الاسلامية هى حصان طراودة الذى فتح به الكيزان السودان
وعندما تم الفتح حرصوا على تطبيق التمكين و نسيوا تطبيق الشريعة لأن قصتهم أولا و اخيرا كانت قصة سلطة وفلوس
نحن يا صديقي مقتنعين انو الموضوع سياسة.. لكن البيقنع الديك منو؟..
المشكلة يا هشام.. قلناها ليهم من بدري و قبل سنوات.. انو الخرطوم دي فيها طبقة من النبلاء قاعدة تعمل بنظام شعب كل الحيكومات..الطبقة دي اشتغلت مع عبود..و مع جعفر نميري..و مع عمر البشير..
زملائنا و زميلاتنا من ناس الإتجاه الإسلامي .. ايام الجامعة.. كانوا بيسمعوا الكلام ده كويس..و بيحاولوا يبررو ليهو..و دايما بيقولوا نحن عارفين..و الطبقة دي تحت الضبط .. under control .. و الليلة.. الجبهة الإسلامية هي اللي بقت اندر كنترول الطبقة دي..و الناس الكانت فيهم رقشة وطنية سودانية.. ركبوا الشارع زيهم و زي بقية الشعب السوداني..!
و اصبحت الشريعة عند ناس الجبهة الإسلامية اليوم مثلها و مثل اسماك الزينة المنزلية.. لا بتعضي..ولا بتقدر تاكلها وقت مسغبة..ولا بتقدر تبيعها في الزنقات..و من عجب لازالوا يظنون انها خيال المآتة الذي يوقف زحف الشارع السوداني..!
اليوم هم دايرين يرفعوها شعار..و لمن تقول ليهم ماذا قدمت للسودان.. طوالي بيعملوا رايحين من السؤال ده.. لأنهم عارفين الجرد ليس في صالحهم و ليس في صالح الشعار..!
الشفيع وراق.. حبابك يا صديق.. جمعة سعيدة و بخيتة .. و ان شاء الله مجمعين في جبيل عرفات.. كتر خيرك على المرور..
انت قلت:
Quote: أخونا كبر علي الحلال دخلتني بي خوجلي ومرقتني بي حمد وما فهمتك انت عايز تقول شنو
و على بالحلال يا الشفيع انت البراك مودر نفسك و عامل فيها رايح.. القلتو انا واضح..و اهو ده قدامك.. أي حاجة تحس انها غامضة تعال قولها لينا و مستعد اشرح ليك باستفاضة..
انت قلت:
Quote: ات ما قريت كلامي ولا شنو يا زول؟
كلامك الظاهر المكتوب هنا قريتو و استوعبتو.. اللهم الإ اذا كان عندك معيار خاص بأنو البيختلف معاك لازم يكون ما فهم انت داير تقول شنو..و ارجع لي كلامك.. لو حسيت انو في نقطة ما واقعة ليك انت بالأول.. اشرحها باستفاضة.. لكن كلامك واضح و مفهوم حتى الآن..و نحن لا نملك القدرة على تفتيش النوايا..
Quote: انت ضد الشريعة من حيث هي ولا ضد تطبيقها ولا ضد الانقاذ ولا ضد كل شيء فهمنا الله يستر عليك
يتخيل لي انا كلامي واضح يا الشفيع..و ح ارجع اعيدو ليك..ماذا قدمت الشريعة للسودان و اهله؟.. و اذا انت حريص على الشريعة.. يبقى اكيد ح تلقى حاجة ايجابية.. ممكن تجي تقولها هنا..و نتفاهم فيها..!
مجردات الضد الذكرتها.. هي قراءتك الخاصة للأمر..و غير ملزمة لينا..و لو داير تعرف راينا فيها.. ممكن نتفق على أن نفتح بيها خيط منفصل و نتحاور.. لكن الخيط ده محدد لثيمة واحدة و هي السؤال : ماذا قدمت الشريعة للسودان و اهله؟..ولا اظن انو سؤال قاسي..بالعكس بسيط و اجابتو بسيطة للغاية..
الله يستر عليك و علينا يا الشفيع..
كبر
03-25-2011, 07:16 AM
Kabar Kabar
تاريخ التسجيل: 11-26-2002
مجموع المشاركات: 18547
Quote: الأستاذ كبر تحياتي تحليل التركيبة الإجتماعية و مؤثرات الهوس الديني و نقدها، بالطبع هي الركيزة الأولى في القضاء على سطوة خطاب الإسلام السياسي، أي تجريده من القداسة التي يتلبسها و تقديمه كخطاب بشري مشوب بالأخطاء و المساوي، أي أنه في النهاية فعل بشري و ليس إلهي.
اتفق معك..و اضيف الدولة حادثة من صنع البشر..و يجب الأ يسودها أي خطاب ديني.. لأن الوجهة الديني في الدولة تعني أننا نساءل الرب مباشرة..و هذه نربأ بانفسنا عن الوقوع فيها.. لا قدسية لأيتها خطاب سياسي (حتى لو تسربل بحبال الدين)..فهو في النهاية وجهة نظر بشر خطاؤن مثلا..
Quote: و لكن واجبنا كعلمانيين (و هذه رؤيتي) لا يجب أن يتوقف على ماذا قدمت الشريعة الإسلامية للسودان، بعبارة أخرى دعوتنا للدولة العلمانية ليست بناء على أخطاء و عيوب تطبيق الشريعة الإسلامية، إن دعوتنا للدولة العلمانية تتأسس على أن العلمانية هي الحل، و هي في هذا المقام البديل الأمثل لقيام دولة ديمقراطية تراعي حقوق مواطنيها و تحفظها على قدم المساواة، دولة مؤسسات تفصل فيها السلطات و يسود فيها حكم القانون، دولة العدل و الحرية و السلام.
وجهة النظر محفوظة.. اما ترتيب الأولويات.. السؤال له ما يبرره و يسنده من واقع التأريخ السوداني.. حزب سياسي فاعل و نشط لما يقارب الخمسين عاما في السودان.. بعضها في مرحلة التكوين و مشروعه الأساسي (تطبيق الشريعة الإسلامية)..و في عهد المعارضة (مشروعه الأساسي تطبيق الشريعة الإسلامية)..و في عهد مولاة عسكر نميري (مشروعه الأساسي تطبيق الشريعة الإسلامية..و نجح في تطبيقها جزئيا)..و استطاع ان يسيطر على الحكم لمدة اثنين و عشرين سنة..و مشروعه الأساسي تطبيق الشريعة الإسلامية.. باقي ليك حزب زي ده ليه الناس ما تسألوا بوضوح ماذا قدمت الشريعة للسودان و اهله؟..و لماذا يفترض ان هذا السؤال هو تبيان لأخطاء الشريعة؟ لغاية تحقيق دولة الحلم تلك.. نسأل هل توجد قوة علمانية مؤهلة في السودان لها المقدرة على انزال مشروعها خلال العشرين سنة القادمة؟..
Quote: ليس همنا (و هذه رؤيتي أيضاً) أن تتوافق عليها القوى السياسية أو يصوت لها الشعب في الإنتخابات (كما يحاول السيد الشفيع وراق) أن يخيفنا بأن لا شعبية لها، هذا من المعلوم بالضرورة، بعد طول سنوات الهوس الديني و تحكم قوى الإسلام السياسي من فرض سطوة خطابها، ليس على أهلنا في السودان فقط، بل في أغلب العالم الذي يدين بدين الإسلام، إن هذه السطوة لا يجب أن تصرفنا إلى مكاسب إنتخابية أو توافق شعبي، إن واجبنا يدعونا لأن نشرح للناس و ندعوهم و نقول لهم بأن العلمانية هي الأفضل، و أن الحكم فيها للشعب، و أن الدين فيها محفوظ، و أن الحقوق مرعية.
و الهموم برضك محفوظة.. شوف يا سامي..ما داير احبطك.. لكن اخير نقرأ واقع الدول الإسلامية بصورة اكثر وضوح.. البعث السوري (و هو علماني) بيقمع في الخلق هناك..و قاعد في الحيكومة تمانية واربعين سنة.. ليه قعد المدة دي كلها؟ الجبهة الإسلامية في حكم السودان اثنين و عشرين سنة..و هي دولة الشريعة الإسلامية ، و لسع بتقول ليك المشروع ناقص.. ليه قعدت المدة دي كلها؟.. مشروع الدولة العلمانية محتاج الناس تقرأ الواقع كويس..و اهم حاجة تخلق رصيد تحتاني عشان الدولة ما تتسرق..و هذا عندي اهم من تسقيط نظام حكم.. لأنو بعد التجذيرالحقيقي لمفاهيم العلمانية.. يمكن أن تخلق ضمانة وعي تحبط محاولة سرقة المشروع كما حدث في العراق و سوريا وتو نس و مصر..!
و دمت.. كبر
03-25-2011, 06:44 AM
Kabar Kabar
تاريخ التسجيل: 11-26-2002
مجموع المشاركات: 18547
الشفيع وراق.. حبابك يا صديق كتر خيرك على الحضور..و شكلك داير تفحط بالخيط و تمرقوا في ام طرقا عراض..
اهلك المسيرية عندهم مثل بيقول ( ما بتموت على لونها الإ جدادة الوادي) يعني عندهم كل الخلائق ممكن تغير لونها.. الإ جدادة الوادي..و قريبك كبر جدادة وادي.. وقع ليك؟
اها نقصر ليك المشوار.. انت قلت:
Quote: مرحبتين يا كبر وجمعتك مباركة طيبة اسئلتي حاولت اعرف منها من هو (كبر)؟ بدأت تضح الملامح بس لسه ح ارجع ليك برواقة
الإسم: محمد النور كبر.. سوداني ..من مواليد مدينة بابنوسة.. اتخرج في جامعة الخرطوم كلية القانون.. عمل في حركة الطلاب المحايدين في جامعة الخرطوم..لم يتنظم في اي حزب سياسي سوداني.. في كندا مع ناس الإن دي بي..NDP .. New Democratic Party ..ضد الظلم مهما امتطى أي هوية كانت.. سواء كانت دينية أو علمانية أو الحادية.. كان سكرتير ثقافي لجمعية طلاب وطالبات كليات القانون في سنة 1989..و ساهم في صياغة أول بيان ضد حكم عسكر الإنقاذ..و صدر البيان في يوم السبت الأول من يوليو 1989..و يطالب بعودة الجيش الى ثكناته..و ان يفتح الخيار للشعب السوداني عبر الديموقراطية كمدخل و ضمانة لتداول السلطة بصورة سلمية..! معلومات اضافية: بقاري متمرد..و هلالابي من زمن الضب و شواطين و زغبير..و لمن سارة عيسى تقوم تتلخبط في سرد تاريخ حقبة معينة في جامعة الخرطوم ، بيقوم يصححها و يقول ليها عينك في راسك..! متزوج و اب لطفلتين..! دي الملامح يا الشفيع يا اخوي.. اها ح توديها لجهاز الأمن الوطني مثلا؟.. عندهم من زمان..و ناس حاج ماجد و الكناني ما قصروا وصلوا ليهم كل المعلومات..اها ح تهدروا دمنا مثلا؟..
Quote: قرأت لك مقالا من قبل يتطابق ورؤية ناس الحكومة لمشكة دارفور ويختلف مع الحركات المسلحة، وصححني لو غلط
ما حصل.. و لن يحصل.. اللهم الإ ان يكون واحد/ة سرق/ت اسمنا و كتب بيهو..و في هذا المنبر منذ نوفمبر 2002..و لم يحدث أن قدمت بلاغ لإدارة المنبر بانو باصو ويردي اتسرق.. (و لو عندك نسخة من المقال جيبوا هنا)..! و تاني نقصر ليك السكة.. ما عندي علاقة بحركات دارفور من اقصى يمينها الى اقصى يسارها.. لي علاقات زمالة دراسة قديمة مع احمد تقد لسان (قدام بي دفعة)..و عبد الواحد محمد نور (وراي بي دفعتين)..! اتمنى أن تتضح ليك الصورة و الملامح ان كانت ستساهم كثيرا في اجابتك على السؤال: ماذا قدمت الشريعة للسودان و اهله؟..
كده يا قريبي.. بديت تشككنا في اتجاهك ماشي على وين.. نحن اتجاهنا في الخيط ده معروف.. سؤال واحد فقط : ماذا قدمت الشريعة للسودان و اهله؟
ضروري ياالشفيع ، عشان فايدة النقاش ، تركز في محاولة الإجابة..و قلتها لقريبي بدر الدين اسحاق قبل يومين.. ناس الجبهة الإسلامية البيعرفونا ما بتفاهموا معانا..و بيصدروا اوامر لناسهم ما يتفاهموا معانا..و الليلة يا الشفيع لو انت منظم معاهم.. بعد شوية ح يقولوا ليك الزول ده اخير تجليهو..!!
الأستاذ كبر تحياتي تحليل التركيبة الإجتماعية و مؤثرات الهوس الديني و نقدها، بالطبع هي الركيزة الأولى في القضاء على سطوة خطاب الإسلام السياسي، أي تجريده من القداسة التي يتلبسها و تقديمه كخطاب بشري مشوب بالأخطاء و المساوي، أي أنه في النهاية فعل بشري و ليس إلهي. و لكن واجبنا كعلمانيين (و هذه رؤيتي) لا يجب أن يتوقف على ماذا قدمت الشريعة الإسلامية للسودان، بعبارة أخرى دعوتنا للدولة العلمانية ليست بناء على أخطاء و عيوب تطبيق الشريعة الإسلامية، إن دعوتنا للدولة العلمانية تتأسس على أن العلمانية هي الحل، و هي في هذا المقام البديل الأمثل لقيام دولة ديمقراطية تراعي حقوق مواطنيها و تحفظها على قدم المساواة، دولة مؤسسات تفصل فيها السلطات و يسود فيها حكم القانون، دولة العدل و الحرية و السلام. ليس همنا (و هذه رؤيتي أيضاً) أن تتوافق عليها القوى السياسية أو يصوت لها الشعب في الإنتخابات (كما يحاول السيد الشفيع وراق) أن يخيفنا بأن لا شعبية لها، هذا من المعلوم بالضرورة، بعد طول سنوات الهوس الديني و تحكم قوى الإسلام السياسي من فرض سطوة خطابها، ليس على أهلنا في السودان فقط، بل في أغلب العالم الذي يدين بدين الإسلام، إن هذه السطوة لا يجب أن تصرفنا إلى مكاسب إنتخابية أو توافق شعبي، إن واجبنا يدعونا لأن نشرح للناس و ندعوهم و نقول لهم بأن العلمانية هي الأفضل، و أن الحكم فيها للشعب، و أن الدين فيها محفوظ، و أن الحقوق مرعية.
03-25-2011, 06:21 AM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
حسب الله عمر.. مُحاكمة في الهواء الطلِق..!! أحمد موسى عمر
مُحاكمة في الهواء الطلِق؛ تلك التي نصبتها أجهزة الحزب الحاكم (المُساعِدة) لواحد من قيادات الحزب؛ هو اللواء حسب الله عمر الأمين العام لمُستشارية الأمن القومي؛ على خلفية تصريحه لمؤتمر إذاعي صرّح فيه بأنه لو (اجتمعت) القُوى السياسية التي تنادت للحوار الوطني على إلغاء الشريعة فيمكن إلغاؤها، أو كما قال.. والمُستهدف الرئيسي ليست كلمات اللواء حسب الله، ولكن المُستهدف الرئيسي هو مبادرة (ملتقى الحُوار الوطني الإستراتيجي) والتي تظل واحدة من أهم محطات الممارسة السياسية الراهنة، وهي المبادرة التي تنبأنا أكثر من مرة بأنها ستجد العنت في الخروج من مزالق المكائد السياسية (الداخلية)، فأهم ما بالمبادرة هو (جمع) للصف الوطني حول رأي موحد للوصول لإجابة سؤال (كيف يُحكم السُودان؟).. ليكون الانتصار هو للخيارات الوطنية، وهو المُلتقى الذي طالما طالبت به القُوى السياسية للخروج من ضيق المبادرات الثنائية إلى سعة المبادرات الجماعية والجلوس إلى منضدة واحدة تُطرح فيها كُل الأوراق بكل الوضوح والشفافية والتجرُّد، والمخيف في المُبادرة أنها تمت بتكليف مُباشر من رئاسة الجمهورية بحسب شروحات من يقومون عليها، وكلمة (مخيف) تأتي لأنها تكاد تكون أول مٌبادرة حقيقية (بعد ملتقى كنانة) تتم خارج أسوار المؤتمر الوطني، الأمر الذي تنبأنا دوماً بأنه سيؤدي حتماً لاستثارة عدد من (صقور) الحزب الحاكم وعدد من أصحاب الأجندات الخاصة للدخول في حرب مُباشرة مع المبادرة والقائمين عليها لمُحاربة أي محاولة ولو جاءت وطنية ولو جاءت مُبرأة من كل عيب، وذلك بسبب إخراج الحزب الحاكم من موقع اللاعب الرئيسي إلى موقع اللاعب الذي يساوي بقية اللاعبين، فالمُستشارية (أخطأت) بحلمها أن يكون الحزب الحاكم مثله مثل أي حزب من مكونات المُلتقى، فالحزب الحاكم بالمقابل لم يقدّم للمبادرة قيادات حقيقية وفاعلة يمكن أن تمنح المبادرة رونقها السياسي، ولكنها قدمت قيادات وسيطة لتعطي المشاركين إشارات بحجم المبادرة في محاولة يائسة لتقزيمها، ومحاكمة اللواء حسب الله عمر خارج أطر الحزب التنظيمية وإطلاق المؤسسات (الدينية) من هيئة عُلماء ورابطة شرعية ومُستشار رئيس للتأصيل كُلها تصب في خانة صب الزيت على نار المُبادرة، وتأكيد دائم لاستخدام العاطفة الدينية لتصفية الحسابات. والمقصود ليس (مُحاسبة) حسب الله ولكن إرسال إشارات بأن المُلتقى يقوم على شُرُوط مُسبقة هي ثوابت المؤتمر الوطني، فمن أراد أن يدخل ومن أراد أن يخرج (وإياك أعني فافهمي يا قُوى سياسية)..!!! ومُحاكمة حسب الله في الهواء الطلِق تُجاوِز مقولة الشيخ علي عثمان وإنكاره للحزب الذي يرميه أبناؤه من خارج الاسوار، فالحزب الآن صار يُعالج قضاياه عبر الصُحُف وعن طريق (مؤسسات مُوازية)، فلم نسمع حتى لحظته أن حزب المؤتمر الوطني شكّل لجنة تحقيق أو مُحاسبة للقيادي به اللواء حسب الله عُمر ولا يُظن بحدوث ذلك.. فالمسألة تتجاوز المحاسبة والإصلاح إلى تصفية حسابات (داخلية) وتشبُث من الحزب بظل الدولة الظليل ... والمُلتقى سينال حظوظه الأعلى من المُحاربة لأن فيه (فطام) الحزب من الدولة، وبه فصم عُرى العلاقة بين ثنائية الحزب والدولة.. وفي تكليف السيّد الرئيس للمُستشارية لمُحاورة أهل السُودان تجاوز للحزب (وذلك من خلال رؤية ضيّقة ضيق الماعون الحزبي) ومجموعة وطنية من داخل الحزب الحاكم، فقط هي من تؤمن بأهمية الحوار كوسيلة من وسائل الوصول لنتائج وطنية مرضية.. وكلمات اللواء حسب الله عمر فهمها راعي الضأن في خلاء الوطن أنها لا تعني ذهاب عقيدة المستشارية لإلغاء الشريعة، وهي لا تُلغي لحمايتها بالنور الإلهي المُبين ولكنها تُقرأ من عُدة زوايا كلها تصب في خانة ان إلغاء الشريعة هو أقرب للمستحيلات، فالحوار الذي دعت له المستشارية كل القُوى السياسية والمدنية والأهلية و(الدينية) و(رجالات الطُرُق الصُوفية) تأكيد على مكانة الدين في محاضر وملفات وأجندات المُلتقى، فهل من يدعو كُل تلك الطُرُق الدينية والصوفية يسعى لإلغاء الشريعة؟؟!! مع العلم أن المستشارية لا تلعب أكثر من دور (المُنسق) للحوار، حيث يُدير الحوار وتُرتب له (الامانة العامة للحوار القومي والإستراتيجي) المُكوَنة من عدد من الأحزاب بما في ذلك عدد من الاحزاب الرئيسية بالبلاد من حزب الأُمة والإتحادي الأصل والمؤتمر الوطني وجبهة الشرق واللجان الثورية وجماعة أنصار السنة المحمدية وأمانة أحزاب حكومة الوحدة الوطنية وهيئة الأحزاب الوطنية بمكوناتها السياسية والوطنية، فهل تملك (المُستشارية) سُلطة أو قُدرة إلغاء قانون محلي ناهيك عن شريعة ثابتة بنور الله السماوي وبدستور أرضي؟؟!!... لا تملك المستشارية ولا كُل الاحزاب المكونة للملتقي بما فيها حزب المؤتمر الوطني إلغاء الشريعة، والتي لا تُلغى إلا بتعديل الدستور، وطُرق تعديل الدستور معروفة وليس من بينها (المؤتمرات الإذاعية).. وصائدو كلمات السيّد الامين يدركون ذلك يقيناً ولكنه الإصطياد في المياه المتعكّرة..!!! ويُلاحظ أن هُجوم مراكز قُوى الحزب الحاكم على السيّد امين عام المُستشارية جعل عدداً من كُتاب الأعمدة والرأي ينبرون للدفاع عن مقالته، ومنهم المُفكر الأستاذ الدكتور الطيّب زين العابدين والذي وجه سؤاله للسادة هيئة العلماء عن (وجود) تطبيق حقيقي للشريعة الإسلامية..!!! وعلى ذات النهج سار الصحفي بصحيفة الصحافة الأستاذ حيدر المُكاشفي منوهاً إلى أنه (قبل الهُجوم على حسب الله أو غيره كانت الحمية على دين الله تستدعي أولاً؛ من هؤلاء المُجاهدين الثائرين ان يُبصروا الناس بماهية الشريعة الحقة والحقيقة والشريعة العادلة التي لا يُظلم في ظلالها أحد، الشريعة التي تحارب الهيمنة والسيطرة والإحتكار، الشريعة التي تعادي الفساد والمُحاباة...) ولم يخرج الكاتب الصحفي صلاح الدين عووضة عن ذات الدرب حيث كتب ((ولكن السؤال الذي كان يجب على العُلماء هؤلاء أن يوجهوه لأنفسهم هو : وأين هي هذه الشريعة!! ففضلاً عن النماذج التي ذكرناها تعج ساحة دولة الشريعة بنماذج لا عد لها ولا حصر تقدح جميعها في صدق التوجه الإسلامي هذا، فهنالك مثلاً نماذج التعاقدات الربوية التي أجازها البرلمان (الإسلامي) عوضاً عن تحريمها) إلى آخر نماذجه.. وملاحظة أخيرة أن هيئة العُلماء وفي بيانها الأخير (تحذير) للسيّد الرئيس بأن يتق الله..!!! الأمر الذي يترك علامة استفهام كبيرة قوامها (ممن تستمد الهيئة قوة تحذير الرئيس؟؟!)... وهو السؤال الاستفهامي الذي يجعلك تؤكد لنفسك بصوت مسموع لك ..وللأجهزة.. أن (الجهلُ بإجابة السؤال خيرٌ من العلم به)...!!! والله المُستعان
أخي حامد الصاوي أين هي الشريعة هو نفسه سؤالي لأخي كبر وحسبه تهرب انا مقتنع بشكل يقيني ان في الشريعة كل الحلول ومقتنع أيضا ان مايُطبق حالياص في السودان يبتعد عن تعاليم الشريعة
03-25-2011, 08:09 AM
Abdlaziz Eisa Abdlaziz Eisa
تاريخ التسجيل: 02-03-2007
مجموع المشاركات: 22291
Quote: صديقي عبد العزيز عيسى..حبابك كتر خيرك على المرور من هنا..
ايام الديموقراطية يا عبد العزيز ، الجبهة الإسلامية وقتتها كانت تعتمد على الصوت العالي..و كانت لها برامج..و قلتها من قبل لزملائي و زميلاتي من ناس الإتجاه الإسلامية.. ان فوز الجبهة الإسلامية بمقاعد كثيرة في برلمان 1986 هو حادثة جديدة و مفارقة..و لو صبرت الجبهة على الديموقراطية كانت سوف تفوز في البرلمان التالي بأغلبية ساحة اعتمادا على نقتها المظبطة في ذلك الزمان..و لكنها استعجلت و قضت على الديموقراطية و استولت على الحكم بطريقة غير شرعية و تخالف الكتاب و السنة..و اليوم هي في محك.. لأن غالبية اهلها بات موقنا بان الأمر لم يعد هو امر دين و شريعة اسلامية و انما هو امر احكام للسيطرة..و نفاقهم لم يحميهم من الإفصاح عن تخوفاتهم و التي انحصرت الآن في ضمانة عدم محاسبة اهلها بواسطة المحكمة الجنائية الدولية..و هسع ده لو ناس السياسة في السودان قاموا استهبلوا على ناس الجبهة و قالوا ليهم بنقيف معاكم في امر المحكمة بكرة الجبهة ممكن تنسى الشريعة الإسلامية و تروج لذلك..!
طبقت الجبهة الإسلامية نموذد دولة الشريعة الإسلامية في السودان و فشلت..و انتجت دولة فاشلة و مقسمة و يضرب الفساد في اطنابها.. و ليس لديها ما تقدمه.. فعليها ان تذهب هي و شريعتها الإسلامية التي تتدعيها..
كتر خيرك يا عبد العزيز.. و دمت.. كبر
أخي العزيز/ كبـر
حياك الله عايشنا الاتجاه الاسلامي عن قرب 82-1987م طلابا, كانوا في الاتحادات التي يصلونها عن طريق الهوس الديني وطرح الشعارات الدينية مستغلين العاطفة الدينية خاصة مع القادمين الجدد للمعترك الجامعي.. ففي سبيل وصولهم للاتحاد او حين وصولهم لم نشهد لهم برامجا لخدمة الطلاب سوى الضجيج الفارغ من الندوات وحلقات التلاوة وطلاء دار الاتحاد.. وبنفس العقلية الخربة هي نفسها النوعية التي قفزت بليل على السلطة التي لا تتخيلها شيئا اكبر من اتحاد جامعة الخرطوم.. فالجبهة الاسلامية وبمسمياتها المختلفة لا تملك فكرا تقدمه كبرنامج غير شعارات الهوس.. تراهم في كل محفل خرساء لا يسمعون بل يجيدون الصراخ والهتاف الممجوج.. تهليل.. تكبير.. سير سير.. في منتهى التخلف والغوغائية التنظيمية.. بلاد تعاني الفقر, الأمية والمرض.. بلاد تعاني من العنصرية والقبلية والاحتراب العرقي.. بلاد تفتقر لمقومات البنية التحية والمتطلبات الاولية للتنمية .. بلاد تحتاج لخطط طموحة وخارطة طريق ينبري لها اهل الاختصاص والعلم.. لكن أين كان أهل الهوس الديني من كل ذلك!!!!.. في بلاد غالبيتها من المسلمين.. نجد قمة السذاجة أن تسمع هتاف: الاسلام هو الحل.. لا ولاء لغير الله... كأننا في بيزنطة.. أو كأن الشعب السوداني يدين للشمس أو المطر.. لو كانوا يعرفون الدين لقلنا لهم: رحم الله امرئ عرف قدر نفسه..
تحياتي ومودتي
كتر الله خيرك.... يا كبر اخوي هذه العبارة ربطني سديد.. كتر خيرك
حتى لو جزمنا باتفاق الفرقاء في بلادنا على تطبيق أحكام الشريعة الاسلامية وهي حتى الآن (الحدود الشرعية) ولا نرى سواها
فهل يطبق هذه الأحكام (والتي هي أحكام الله) قضاة مستقلون أم حزبيون منحازون ؟؟؟؟
هل هي قواعد عامة على الحاكمين والمحكومين أم هي (تهديدات) يطلقها أعضاء حزب حاكم ؟؟
وأحيلك والقراء الأعزاء لتصريحات الوزير (الزميل) حاج ماجد سوار عن وجود الفساد في الدولة والحزب الحاكم والتعامل معه وفق (لجان مختصة) وبمبدأ السـتـر .... فهل التعامل بمبدأ الستر هذا من الشريعة .... أم (لو أن فاطمة بنت محمد سرقت لقطع محمد يدهـا ....) ؟؟؟؟
تحياتي
أحمد الشايقي
03-25-2011, 01:48 PM
jini jini
تاريخ التسجيل: 02-04-2002
مجموع المشاركات: 30720
اى جهة لا تريد تطبيق الشريعة عليها ان تقاتل من اجل الانفصال هذا هو السبيل الوحيد الذى تفهمه الحكومة وهو السبيل الناجع والفاعل والمجرب اما غيره فهو مضيعة للوقت جنى
03-25-2011, 05:36 PM
Kabar Kabar
تاريخ التسجيل: 11-26-2002
مجموع المشاركات: 18547
احمد موسى..حبابك يا صديق كتر خيرك على المرور من تاني..
انت قلت:
Quote: أخوي Kabar السؤال مُفخّخ ويبدأ صحيحاً من (هل هناك تطبيق للشريعة بالوقت الحالي بالسُودان ؟؟!) الشريعة ستقدم كثيراً لكل العالم ولكن أين هي ؟؟!
ابدا يا احمد يا اخوي.. السؤال ليس مفخخ..و انما المفخخة هي الإجابة الهاربة التي تحاول أن تلتف حول الموضوع.. الشريعة مشروع مرفوع في السودان لقرابة الخمسين سنة..و بدأ تطبيقه الجزئي في 1983 (يعني قبل 27 سنة)..و تطبيقها الكامل قبل 22 سنة..هذه هي الإجابة على سؤالك اين هي..فهي موجودة و مطبقة..و كونو ناس المؤتمر الوطني تاني يطالبوا بتطبيقها فهذا كذب و نفاق.. و سؤالنا عن ما قدمته الشريعة في خلال الخمسين سنة ( اذا كانت الجبهة الإسلامية في المعارضة أو في التحالف مع جعفر نميري أو في حالة انفرادها بالحكم..!
في الجانب الآخر.. اذا كان مسلمي السودان هم حريصين على شريعة نضيفة ترضى الله و رسوله..فلماذا سمحوا للجبهة الإسلامية بكل هذه البرطعة؟..و هذا يعني واحد من اتنين: السكوت في معرض الإفصاح رضا..و بالتالي هم يؤمنون بان ما تفعله الجبهة الإسلامية هي شريعة اسلامية (كما نرى) و هم يؤيدونه لذلك لم يعترضوا على الجبهة الإسلامية.. أو لا يرون هناك تطبيق فعلا للشريعة الإسلامية..و انما يسكتون على تجاوزات الجبهه الإسلامية نفاقا و فقه تقيه..! فالشريعة موجودة في السودان..و يمكن أن نجاوب على السؤال ماذا قدمت للسودان و اهله..و الواقع لا يعدم اجابة.. و دمت.. كبر
03-25-2011, 05:43 PM
Kabar Kabar
تاريخ التسجيل: 11-26-2002
مجموع المشاركات: 18547
صديقي حامد الصاوي..حبابك الف حمد لله بالعودة.. كتر خيرك على المرور من هنا.. انت قلت:
Quote: لنبحث معاً بصدق و أمانه مع النفس عن أين هي
يعني يا حامد يا اخوي تجربة خمسين سنةكمشروع..و التطبيق الجزئي لمدة 27 سنة..و التطبيق الكامل لمدة اثنين و عشرين سنة..و برضو الشعب السوداني مطالب بالبحث أين هي الشريعة الإسلامية؟!! فلنكن واقعيين.. الشريعة موجودة في السودان و مطبقة..و معا لنبحث ماذا قدمت للسودان و اهله..!
و دمت.. كبر
03-25-2011, 05:49 PM
Kabar Kabar
تاريخ التسجيل: 11-26-2002
مجموع المشاركات: 18547
عبد العزيز..حبابك يا صديقي كتر خيرك على المرور من هنا.. و سوف اعود بالتفصيل لفكرة استغلال الهوس كشعار عاطفي سوق رايج في المجتمع السوداني..
انت قلت:
Quote: لو كانوا يعرفون الدين لقلنا لهم: رحم الله امرئ عرف قدر نفسه..
ناس الجبهة الإسلامية يا عبد العزيز بيعرفوا الدين الإسلامي كويس..و قاعدين يطبقوا فيهو.. و الدولة الموجودة في السودان لمدة اثنين و عشرين سنة هي اخر تجليات تطبيقهم لمعرفتهم بالدين..
و دمت..
كبر
03-25-2011, 06:10 PM
Kabar Kabar
تاريخ التسجيل: 11-26-2002
مجموع المشاركات: 18547
صديقي احمد الشايقي..حبابك و كتر خيرك على المرور من هنا.. انت قلت:
Quote: الأخ الكريم الاستاذ كبـر
من المباحث المهمة والأسئلة المفصلية هنا, هي
حتى لو جزمنا باتفاق الفرقاء في بلادنا على تطبيق أحكام الشريعة الاسلامية وهي حتى الآن (الحدود الشرعية) ولا نرى سواها
ابدا يا احمد الشريعة مطبقة في السودان ليس فقط على مستوى الحدود الشرعية..و هناك جوانب كثيرة منها..مثلا الإقتصاد اسلامي يقوم على مبادئ الشريعة الإسلامية و منذ دخول بنك فيصل و غيره من المؤسسات المالية المشابهة..و السياسات الإقتصادية العامة قامت على مبادئ الشريعة و موجودة طيلة هذه السنوات..على المستوى الفكري .. مشاريع مثل المشروع الحضاري..و الدعوة الشاملة و الجمهورية الثانية.. هي مشاريع قامت و تقوم على اساس الشريعة الإسلامية..على المستوى الإداري.. حدثت البيعة لخليفة المسلمين (متذكر لمن اخواننا و اخوتنا ناس الإتجاه الإسلامي بيتهفوا في الجامعة و بيقولوا من مات و ليس في عنقه بيعة فقد مات ميتة الجاهلية؟)..على مستوى حماية اركان الدولة.. حروب الجهاد قامت في الجنوب و جبال النوبة و دارفور..و كلها تقوم على مبادئ الشريعة الإسلامية في الحرب و الجهاد..في مؤسسة القانون.. لازال قانون المعاملات المدنية ساري..و قانون الإثبات ساري..و قانون اصول الأحكام القضائية ساري (و هو القانون الذي بموجبه تم اعدام الأستاذ محمود محمد طه)..و قانون الأمر بالمعروف و النهي عن المنكر لازال ساري.. و في المواصلات العامة قانون الفصل بين مقاعد الرجال و النساء ساري..و في المؤسسات العامة قانون الحجاب و النقاب ساري.. يعني من اكبر تفصيلة في الدولة لغاية اصغر تفصيلة فيها.. فالشريعة موجودة و مطبقة..و هي لا تقتصر فقط على الحدود الشرعية..
Quote: فهل يطبق هذه الأحكام (والتي هي أحكام الله) قضاة مستقلون أم حزبيون منحازون ؟؟؟؟
هل هي قواعد عامة على الحاكمين والمحكومين أم هي (تهديدات) يطلقها أعضاء حزب حاكم ؟؟
بالنسبة لنقطة استقلالية من يقوم بتطبيق احكام الشريعة.. فالفقه الإسلامي لا يعرف مبدأ استقلال القضاء و ليس هو بشرط..و انما الشرط أن يكون مسلما..فالشريعة في السودان شرعها خليفة مسلم.. على شعب مسلم..و يطبقها قضاة مسلمون..! اما بالنسبة لنقطة اعضاء حزب حاكم..فالأساس هم مسلمون يا احمد..و لن يستطيع احد انكار اسلامهم..و هم من يفعلون شرعية التهديد (يعني تهديد مؤصل وفقا لأحكام الدين)..!
Quote: وأحيلك والقراء الأعزاء لتصريحات الوزير (الزميل) حاج ماجد سوار عن وجود الفساد في الدولة والحزب الحاكم والتعامل معه وفق (لجان مختصة) وبمبدأ السـتـر .... فهل التعامل بمبدأ الستر هذا من الشريعة .... أم (لو أن فاطمة بنت محمد سرقت لقطع محمد يدهـا ....) ؟؟؟؟
تحياتي
أحمد الشايقي
تعرضت لتصريح اخونا حاج ماجد..و معه هرطقة احمد ابراهيم الطاهر (رئيس البرلمان) الذي قال بامر الرقابة الربانية حينما تحدثت مجالس اهل السودان عن فساد اهل البشير و بقية ناس المؤتمر الوطني.. و كلها تنطلق من مبادئ الشريعة..!
و دمت.. كبر
03-25-2011, 06:15 PM
Kabar Kabar
تاريخ التسجيل: 11-26-2002
مجموع المشاركات: 18547
Quote: اى جهة لا تريد تطبيق الشريعة عليها ان تقاتل من اجل الانفصال هذا هو السبيل الوحيد الذى تفهمه الحكومة وهو السبيل الناجع والفاعل والمجرب اما غيره فهو مضيعة للوقت جنى
شكرا للخاطرة..
الخيط و صاحبه حتى الآن لم يتحدث عن انه يريد تطبيق الشريعة أو لأ..و انما سأل: ماذا قدمت الشريعة للسودان و اهله؟.. ده تأريخ كل اهل السودان و حاضرهم..و الإجابة ليست بقاسية..
و دمت..
كبر
03-25-2011, 06:19 PM
Kabar Kabar
تاريخ التسجيل: 11-26-2002
مجموع المشاركات: 18547
كدت ان اقول لمن يشك في تطبيق ووجود الشريعة في السودان.. أن يسأل هيئة علماء السودان..و ستقول له الشريعة مطبقة في السودان..و الشعب السوداني سيقول الشريعة مطبقة في السودان.. و كل تلك مؤثرات تساهم في الإجابة عن سؤالنا: ماذا قدمت الشريعة للسودان و اهله؟..
و نسمع من بقية الإخوة و الأخوات..
و دمتم جميعا.. كبر
03-25-2011, 08:26 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
Quote: ياسيدي مافي إجابة هاربة الشريعة مسألة كبيرة ومعقدة المطبق في السودان ده داير مراجعات كتيرة عشان يصل بدايات الشريعة ده رأيي
رأيك محفوظ يا صديقي.. و لم تقدم اجابة على السؤال حتى الآن..و من حقك ما تقدم اجابة.. يعني الموضوع هو موضوع مفاكرة..كلمة و غطايتها..و المتابعين و المتابعات يحكموا.. مافي حاجة بتحتاج مراجعات.. لأنو لو حاولت تراجع كلام الله.. يبقى يا اخوى ختيت روحك في سرج واحد مع الله..و هذا نربأ بك و بأنفسنا ان نصله..! رأيك كفرد انها ماها شريعة..هناك ملايين الناس في السودان بترى أنها شريعة و متأكد ليهم القدرة على اجابة السؤال..! كتر خيرك يا احمد..اها قصرنا معاك..؟
و دمت.. كبر
03-26-2011, 06:43 AM
Kabar Kabar
تاريخ التسجيل: 11-26-2002
مجموع المشاركات: 18547
يا رااااجل.. ككيف الكلام ده يا وليد؟.. الشريعة قاعدة في السودان.. اللهم الإ كن شغال بمبدأ (قد تنكر العين ضوء الشمس من رمد)..! فضلا ، راجع ردنا على استاذنا احمد الشايقي.. يعني اقتصاد السودان في خلال السبعة و عشرين سنة الماية قايم على الشريعة.. مؤسسة القانون قايمة على الشريعة.. مؤسسة السياسة قايمة على الشريعة.. مؤسسة الزوق العام قايمة على الشريعة..مؤسسة الحرب قايمة على الشريعة.. يعني تاني يسوا ليكم شنو؟.. يحشوها ليكم سندوتشات مثلا؟..
Quote: في استخدام لبعض تشريعاتها في بعض الامور
لمن يكون الإستخدام في السياسة و القانون و الفكر و القانون و الذوق العام و المكاييل و الموازيين..و الهدوم و تقديم القدم اليمني في حالة دخول المسجد.. فهنا يا صديقي يوجد (كل) متكامل و ليس بعض الأمور..
Quote: وحتى في تلك الامور تستخدم في بعض الناس
طيب ..ما تقول لينا انها ما راعت العدل في توزيع القهر علينا.. يعني ناس داسين ليها البنزين..و ناس راخين ليها الحبل..و برضك ممكن يكون مشروع انجاز..!
Quote: الشريعة ما مفصلة يا تطبق كلها او لا تكون شريعة
الواقع بيقول انها مفصلة و مطبقة كلها..!
هل نطمع في اجابة عن سؤالنا يا وليد..ولا ح تمروحنا زي ما فعل الأصدقاء هنا (ماعدا الباقر موسى)..!
كتر خيرك و نشوفك طوالي..
كبر
03-26-2011, 06:58 AM
Kabar Kabar
تاريخ التسجيل: 11-26-2002
مجموع المشاركات: 18547
Quote: هل نطمع في اجابة عن سؤالنا يا وليد..ولا ح تمروحنا زي ما فعل الأصدقاء هنا (ماعدا الباقر موسى)..!
أها يا كبر ياخوي من ردك ده على وليد وردك البشبهه يبدوا أنك عندك قوالب جاهزة للردود يازول الشريعة دي لو إتطبقت في امريكا ولا روسيا لصلح حالهم وياخوي الحاصل في السودان ده ما شريعة الشريعة ما أناشيد جهادية الشريعة حرية الشريعة عدالة الشريعة مساواة الشريعة هي المعاملة
03-26-2011, 07:05 AM
Abdlaziz Eisa Abdlaziz Eisa
تاريخ التسجيل: 02-03-2007
مجموع المشاركات: 22291
Quote: عبد العزيز..حبابك يا صديقي كتر خيرك على المرور من هنا.. و سوف اعود بالتفصيل لفكرة استغلال الهوس كشعار عاطفي سوق رايج في المجتمع السوداني..
انت قلت:
Quote: لو كانوا يعرفون الدين لقلنا لهم: رحم الله امرئ عرف قدر نفسه..
ناس الجبهة الإسلامية يا عبد العزيز بيعرفوا الدين الإسلامي كويس..و قاعدين يطبقوا فيهو.. و الدولة الموجودة في السودان لمدة اثنين و عشرين سنة هي اخر تجليات تطبيقهم لمعرفتهم بالدين..
و دمت..
عزيزي كبر
وقبل العودة بالتفصيل اسمح لي اضيف: لا أظن أن هنالك أحد لا يوافق أن التطبيق الأمثل للشريعة الاسلامية كان في دولة صدر الاسلام في المدينة.. وما طبق من تشريع هو نفسه اليوم بين يدينا.. لكن ما يطبق اليوم هو ابعد ما يكون عن الشرع الاسلامي.. الجبهة بمختلف مسمياتها حتى انقاذها الكريه هذا لا تطبق شيئا من الشريعة غير هوس الشعارات المكذوبة..
نعيش في بلاد غير اسلامية لكن نحس فيها بالكرامة, القانون, العدل, الحرية, المساواة, التكافل الاجتماعي, الامان والطمأنينة.. فهل نحن في حوجة لشريعة أكثر من هذه؟!!!
في السودان هنالك تفاهات تسمى شريعة ليس الا..
تحياتي
03-26-2011, 12:03 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
الهبيب كبر الشريعة مطبقة من البيان الاول و هذه هي الادلة: اعلان البيعة الشرعية للرئيس و قد اقيمت مناسبات و مناسبات للبيعة في معظم المدن السودانية اعلان الجهاد و هو ركن من اركان الاسلام و توافد الناس افواجا لاكمال ركن من اركان الدين وقتها اقامة ديوان الزكاة لجمع مال المسلمين و تقسيمها للفقراء و المحتاجين. و الزكاة ايضا ركن من اركان الاسلام جلد الناس بتهمة الشروع في الشرب و الزنا و ... اصحاب المحلات التجارية اجبرو علي اغلاق محلاتهم في وقت صلاة الجمعة و هذه تيمنا باقامة مظاهر الدولة الاسلامية و تطبيقا للشعارات
03-26-2011, 12:52 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9160
Quote: رأيك محفوظ يا صديقي.. و لم تقدم اجابة على السؤال حتى الآن..و من حقك ما تقدم اجابة.. يعني الموضوع هو موضوع مفاكرة..كلمة و غطايتها..و المتابعين و المتابعات يحكموا.. مافي حاجة بتحتاج مراجعات.. لأنو لو حاولت تراجع كلام الله.. يبقى يا اخوى ختيت روحك في سرج واحد مع الله..و هذا نربأ بك و بأنفسنا ان نصله..! رأيك كفرد انها ماها شريعة..هناك ملايين الناس في السودان بترى أنها شريعة و متأكد ليهم القدرة على اجابة السؤال..! كتر خيرك يا احمد..اها قصرنا معاك..؟
و دمت.. كبر
كبر أخوي يازول منو القال داير يراجع شريعة الله ؟؟! أنا قلت النوذج السوداني للتطبيق ما سليم وهو البحتاج مراجعات أما كون الملايين يقولوا دي شريعة فقولهم ده ما ملزم لي بعدين ياخوي النقاش مافيه كلمة وغطايتها ولا شنو ؟؟
04-03-2011, 03:51 PM
Kabar Kabar
تاريخ التسجيل: 11-26-2002
مجموع المشاركات: 18547
للدكتور خليل عبد الكريم سفر صغير الحجم وكبير المغزى بعنوان ( الجذور التاريخية للشريعة الاسلامية ).. وقد عانى كثيرا في نشر الكتاب و حكى انه عرضه على ثلاث دور نشر (تقدمية) وتراخت و ماطلت و ترددت كثيرا في نشر الكتاب .. وبعد عرض القصة..وفي مقدمة الكتاب ..قال:
(الذي لا يمارى فيه احد اننا نخوض معركة بالغة الشراسة في سبيل التنوير وبالتعبير الذي درجت على استعماله:نزع القباب المقدسة عن قداسات زيوف تلك التي تحجب (العقل العربي والمصري )منافذ الضوء والهواء النقي ) ص 8
كبر
04-03-2011, 04:12 PM
Kabar Kabar
تاريخ التسجيل: 11-26-2002
مجموع المشاركات: 18547
الاصدقاء.. وليد.. حامد.. محجوب.. احمد موسى.. حبابكم جميعا.. كتر خيركم على المرور من هنا.. و قريبا نعود للتواصل هنا..
يبدو ان الامر يسعى للتحول من ثيمته الاساسي : ماذا قدمت الشريعة للسودان واهله..الى ثيمة اخرى وهي :هل طبقت الشريعة الاسلامية في السودان..
و مثل هذا الانكار لم يقل به الاصدقاءهنا .. وانما قال به اخرون.. منهم الامام الصادق المهدي و في حوار نشر في الصحافة يوم 31 مارس 2011 حيث اشار قائلا:
Quote: من يرى اننا نطبق الشريعة هذا كلام غير صحيح ..
والجميع يحاول ان يختزل تطبيق الشريعة في مسالة القوانين ..وحتى هذى تحصر في القانون الجنائي فقط .. وهذا نوع من دفن الرؤس في الرمال و التهرب من واقع لم يقم في يوم او يومين وانما استمر ومستمر لعشرات السنين ..
الواجب يقتضي قراءة هذا الواقع بعقلانية والاجابة عن السؤال ماذا قدمت الشريعة للسودان واهله?
كبر
04-03-2011, 04:33 PM
Kabar Kabar
تاريخ التسجيل: 11-26-2002
مجموع المشاركات: 18547
Quote: راجع قوانين الاستثمار ستجد انها فيها نفس التحايل
قانون الاستثمار يا وليد اثره على فئة قليلة للغاية في السودان .. فمن يطالهم لايتعدون نصف المليون نسمة في السودان..وليس معيار لاثبات عدم تطبيق الشريعة في السودان .. وهناك قوانين مثل القانون الجنائي وقانون المعاملات المدنية وقانون الاثبات السوداني وهي القوانين الشرعية التى تطبق على التلاتين مليون نسمة في السودان ..فهل يمكن ان ننكر صلة هذه القوانين بالشريعة الاسلامية?
بالاضافة الى القوانين ..هناك نظام ضرائب يقوم على الشريعة الاسلامية و نظام الزكاة وقامت عليه مؤسسة ضخمة اسمها ديوان الزكاة ويخلص الضرائب منك ومني ومن غيرنا على اساس مبادئ الشريعة الاسلامية ..فهل ننكر مثل هذا النظام الضرائبي ونقول لا علاقة له بالشريعة?
و الامثلة عديدة وكلها تشهد بتطبيق الشريعة في السودان وانكارنا لها هو بحث عن مثالية لن توجد في الارض ..
ودمت
كبر
04-03-2011, 07:07 PM
صلاح عباس فقير صلاح عباس فقير
تاريخ التسجيل: 08-08-2009
مجموع المشاركات: 5482
الأخ كبر السلام عليكم معليش لم أقرأ من الموضوع إلا عنوانه، بسبب الانشغال، فتقبّل ردّي انطلاقاً من عنوانه فقط!
Quote: تضامنا مع حسب الله ، نســأل: ماذا قدمت الشريعة للسودان؟
فأقول: وهل طُبّقت الشَّريعة في السودان!؟ أستطيع أن أقسم بأنّ الشريعة لم تطبق في السودان! وإنما هي أهواء قومٍ، وثمرة فقههم السقيم للقرآن الكريم والسنة المطهرة! أو بعبارة أخرى: التي طبقت هي شريعة نميري، وشريعة الترابي! وليست الشريعة الإسلامية بأيّ حالٍ من الأحوال! {إِنَّ اللَّهَ يَأْمُرُ: بِالْعَدْلِ، وَالْإِحْسَانِ، وَإِيتَاءِ ذِي الْقُرْبَى! وَيَنْهَى عَنِ: الْفَحْشَاءِ، وَالْمُنْكَرِ، وَالْبَغْيِ! يَعِظُكُمْ لَعَلَّكُمْ تَذَكَّرُونَ (90)}! ومعلوم أنّ قوانين الحدود الرّادعة، إنما تُطبّق على مجتمعٍ سادت فيه العدالة الاجتماعية، من أجل حمايته من الشواذ والمرضى، وذلك بعد ما بُذل جهد كبير في علاجهم من خلال نشأة المجتمع المسلم نفسه، وعبر مراحل تطوره، فكانت الحدودُ آخر الدواء! ومن ثمّ فالبدء بتطبيق الحدود على مثل مجتمعنا، قد يعكس سعي بعض فئات المجتمع، إلى حماية أوضاعهم الاقتصادية والاجتماعية، بوعيٍ منهم أو بدونه!
04-04-2011, 09:13 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
Quote: اللواء حسب الله : (حكاية الرفت دي ما أول مرة وما فرقت معاي كتير)...!
اللواء حسب الله عمر : عضو مستشارية الأمن المقال بعد عبارته الشهيرة حول الحوار الوطني والشريعة، لم يمكث اللواء حسب الله عمر في مستشارية الأمن القومي طويلاً وتمت إقالته على وجه السرعة، وبين عبارته وإقالته تعرض رجل المخابرات السابق الذي يوصف بالذكاء والحنكة إلى حملة إعلامية شرسة قابلها بما يشبه الكمون، إذ آثر ألا يتحدث حول الموضوع إلى أية جهة. ولكن إتضح أن كمون حسب الله كان إستراحة محارب، إذ عاد بعدها ليوجه رسائل قوية إلى رئيس الجمهورية، وإلى إخوانه الإسلاميين، وإلى القوى السياسية، وإلى المواطنين، وإلى رجال حول الرئيس، وإلى أدعياء الشريعة. وعبر (الرأي العام) يكشف حسب الله في هذا الحوار تفاصيل ما حدث.
* السيد اللواء: أردت الحديث عن حوار شامل وبلا سقوف مع القوى السياسية، ولكن سرعان ما تمت إقالتك بسبب تطرقك للشريعة، هل ما زلت تؤمن بذلك النوع من الحوار؟ - الحوار ليس ما أؤمن به فقط، ولكن الحوار هو ما يحتاجه السودان الآن قبل أي وقت مضى..الحوار هو الوسيلة الوحيدة لاخراج الناس من هذه الوهدة التي هم فيها، ولم اسمع أحداً من الناس داخل الحكومة أو خارجها قال انه يملك بديلا افضل من الحوار الذي ندعو له.
* هل تدعو الى حوار بمواصفات معينة، أم أنك تريد حواراً فقط؟ - انا اعتقد ان الحوار حتى يكون مثمرا ومفيدا لا بد ان تتوافر له عدد من المطلوبات منها: الجدة بمعنى ألا يكون على نسق الحوارات السابقة، والعامل الثاني ان يكون حوارا قويا(ليس فيه تذويق للكلام ولا مداهنة ولا مجاملة ولا دهنسة ولا تردد).
* ولكن...؟ مقاطعا - دعني اكمل لك العناصر الواجب توافرها للحوار.
* تفضل؟ - لا بد ان يكون الحوار شاملا.
* هل تقصد شمول الجهات التي تتم محاورتها أم تقصد شمول الموضوعات؟ - اقصد ألا يستثنى احد من الحوار(اي زول في السودان: العامل والعاطل، المرأة والرجل، الشاب والشابة، واي حزب من الاحزاب واية جماعة من الجماعات) هؤلاء لا بد ان يعرفوا انهم معنيون بهذا الحوار ومشاركون فيه.
* ما هي قضايا هذا الحوار الشامل؟ - لابد للحوار ان يتطرق لكل القضايا العميقة ولكن بمنهج جديد(مش نعمل اجتماعين تلاتة وبعدها نعلن عن ائتلاف سياسي..دا ما بودينا لي قدام)، ولا بد ان يشعروا بالرضا تجاه مخرجات الحوار، وبالمناسبة هذا الحوار اذا تم فإن كل الاطراف فيه رابحة.
* وما هو الغرض منه؟ - اول نتيجة هو ان نتوافق على مرتكزات للامن القومي مثل التداول السلمي للسلطة، واقتصاد السوق الحر، والشريعة الاسلامية..هذه قضايا يسهل الاتفاق عليها، ولهذا يجب اخراجها من الصراع السياسي، اما ما تبقى من قضايا فهذه يتم التنافس حولها الى اقصى مدى.
* رغم ان الحوار غرض نبيل، ولكن الحوار عبر جهة امنية هي مستشارية الامن ، كان ثغرة كبيرة لاذ الكثيرون عبرها بالرفض؟ - انا قلت لك ان الجدة(بكسر الجيم وتشديد الدال) واحدة من عناصر الحوار..لقد جرب الناس الحوار من قبل عبر عدة جهات: المؤتمر الوطني، ورئاسة الجمهورية، والجامعات..الخ. ولكن الحوار هذه المرة يتم عبر(هذه الحاجة الغريبة الشاذة، واقصد بها المستشارية).
* هذا يقود الى ان يتوجس منكم الناس؟ - شيء طبيعي ان يتوجس البعض، ولكن المصداقية تظهر اثناء العمل، وفي النهاية ظهرت مصداقيتنا واقبلت القوى السياسية على الحوار.
* لم تقبل كلها، هناك من شكك في الحوار عبر المستشارية باعتبارها مؤسسة امنية؟ - من حقهم ان يتشككوا، تجربتي في هذا النوع من الحوار ان يشك فيه البعض، ولكنمنهجي هو اذا اتهمني احد من الناس بأني(غشّاش، وكذاب..انا ما بهملو، لكن بقول ليهو تعال جربني).
* بعد كل هذا تمت إقالتك..هل أنت راض عما تحقق؟ - نعم انا راض عن نتائج ما دعوت اليه، واقصد موضوع الحوار.
* هل شعرت بشيء من الغضب بسبب اقالتك؟ - (ما فرقت معاي كتير)..وبالمناسبة انا لم اتقدم بطلب للعمل في المرفقين اللذين تمت اقالتي منهما، لم اطلب تعييني في جهاز الامن الذي عملت فيه في السابق، ولم اتقدم بطلب للعمل في مستشارية الامن.
* هل اثرت الاقالة على علاقاتك الاجتماعية مع الاصدقاء والمعارف؟ - انت لا تعرفني جيدا..(انا لست بالشخص الضعيف..انا انتمي الى مناطق شدة..الخرطوم دي جيتها بالغلط).
* البعض قال انك دفعت ثمنا باهظا لتصريحك حول الشريعة؟ - حكاية الرفت دي ما اول مرة تحصل لي،(قبل كده رفتوني من جهاز الامن، وفي نفس اليوم الرفتوني فيهو كنت عامل اميز شغل في الجهاز بشهادة رئيس الجمهورية، ومن المعلوم انني كنت ممسكا بملف العلاقات السودانية الامريكية).
* لنرجع الى الحوار الذي قلت انه المخرج الوحيد..هل هذه قناعتك الشخصية ام قناعة موجودة لدى مستشارية الامن، او موجودة لدى المؤتمر الوطني؟ - هذا فهم كل الناس في المستشارية، اما في المؤتمر الوطني فهو فهم لدى قطاع معتبر من العضوية.
* هل هذا القطاع مؤثر؟ - لم يكن مؤثراً، ولكنه الآن يصبح مؤثرا.
* سيد اللواء ،الكثيرون يرون ان موضوع الحوار والتوافق هو بيد المؤتمر الوطني لا غير؟. - أبداً ليس المؤتمر الوطني، ولكنه في يد الاسلاميين.
* من تقصد بالاسلاميين؟ - اقصد الاسلاميين كأفراد، هؤلاء الذين اقصدهم عندهم قناعة فكرية ببرنامج حكم معين لا فيه فساد ولا سوء ادارة ولا متاجرة بالدين.
* هل أنت منهم؟ - أنا ازعم ذلك.
* البعض يقول ان المؤتمر الوطني نفسه قد يختلف حول ما يفضي اليه الحوار، ألا تخشى من رفض المؤتمر الوطني لنتائجه؟ - المؤتمر الوطني مشارك في هذا الحوار، فما الذي يمنعه من التنفيذ!؟. هذه النقطة تحديداً هي محور حديثي في موضوع الشريعة الذي فهمه الكثيرون على غير وجهه.
* ما الذي قلته تحديداً؟ - انا قلت إنه إذا اجمعت الاحزاب(مش طالبت او اختارت) على الغاء الشريعة فلتذهب الشريعة.
* تقصد انها لا يمكن ان تجمع على إلغائها؟ - طبعا يا اخي(وهذه من الف باء تاء المنطق)، لأن هذا الحوار فيه المؤتمر الوطني وانصار السنة والاخوان المسلمين، وحزب الامة، والاتحادي، فهل يمكن ان يجمع كل هؤلاء على الغاء الشريعة!.
* يعني انك علقت شرطك على مستحيل؟ - طبعا يا اخي.. الموضوع دا ما عاوز شرح كتير، الشريعة الاسلامية موجودة ليها كم سنة..الشريعة ابداً ما مشكلة.
* هل ما زلت متمسكاً بتصريحك الذي سبب هذه الازمة؟ - نعم، انا اعرف ما اقول، انا قلت كلاماً مفهوماً وسليماً، وليس هناك ازمة ولا يحزنون(الهيصةدي عملوها ناس معروفين بإثارة المشاكل)، انا لم اتحدث حديثاً سياسياً، وانما تحدثت حديثاً علمياً ولي سندي من الشريعة الاسلامية نفسها.
* ما هو هذا السند؟ - امة الرسول صلى الله عليه وسلم لا تُجمع على ضلالة ابداً، هذا امر معروف، ولم تجمع عبر التاريخ على الغاء الشريعة، كل الذي قلته انا بصورة او اخرى ان الاجماع على الغاء الشريعة مستحيل ، ولكن الناس يريدون الشكليات، وانا لست معنياً بالشكليات.
* الملاحظ ان المعارضة لم ترحب بتصريحك الذي فهم منه البعض الغاء الشريعة، ما هو السبب؟ . - يا اخي البرنامج لم يكن عن الشريعة اصلاً، حتى صديق يوسف الشيوعي الذي كان مشاركاً في الحلقة لم يتعرض للشريعة اصلاً.
* البعض يقول انك كنت ضحية لمجموعات نافذة ومتشددة دينيا؟ - انا لا اتفق معك في هذا، موضوع الاقالة فيه صراع سياسي، وعموما يمكنك ان تسأل من اقالني(انا اقالني الرئيس بقرار جمهوري رقم 93 امش اسألو قول ليهو سبب الاقالة شنو)؟
* لكن قبل قرار الرئيس تمت مساءلتك من قبل البرلمان؟ - عندما ذهبت الى البرلمان كان قرار الاقالة قد صدر بالفعل..جئت الى البرلمان ظهرا، وصدر قرار الاقالة صباح ذلك اليوم.
عن : الراي العام
04-05-2011, 06:02 PM
Kabar Kabar
تاريخ التسجيل: 11-26-2002
مجموع المشاركات: 18547
صلاح ..حبابك يا صديق كتر خيرك على المرور.. و ياريت تقرا باقي الكلام.. والموضوع يا اخوي لا يحتاج قسم وحليفة..قل رايك و الناس ح تسمع ليك.. الشريعة موجودة ومطبقة في السودان وكون البعض غير راضي عن طريقة التطبيق لا يعني انها غير موجودة.. مواضيع العدل والحرية والمساواة في مرجعية الشريعةسوف نتعرض لها وكيفية انزالها في ارض الواقع سواء في الراهن او في التاريخ.. و يظل السؤال:ماذا قدمت الشريعة للسودان واهله? ودمت كبر
04-05-2011, 06:09 PM
Kabar Kabar
تاريخ التسجيل: 11-26-2002
مجموع المشاركات: 18547
صديقي حامد..حبابك كتر خيرك على المرور.. المستوى النظري موضوع مهم للغاية..و اعتقد ان قدرات هذا الخيط تسمح بالخوض فيه ولا يمنع ذلك ان يخوض من يرغب.. لكن الاهم مساءلة الواقع التطبيقي والعملي وبراك شايف الغالبية هنا زايغة وبتقول ليك مافي تطبيق للشريعة في السودان.. يعني الناس كايسة مخارجة بالتحليق في فضاءات النظري وما ينبغى ان تكون عليه تطبيقات الشريعة..ونحن بنحاول المعاينة للواقع.. ونشوفك كبر
04-05-2011, 06:17 PM
Kabar Kabar
تاريخ التسجيل: 11-26-2002
مجموع المشاركات: 18547
محمد بابكر ..حبابك يا صديق كتر خيرك على المرور وجلب حوار الراي العام مع السيد حسب الله..
وفي الحوار وجود الشريعة على المستوى المرجعي والتطبيقي للحد الذي لا يمكن يحدث اجماع على الغائها..ونتفق معه في ذلك..وطالما هو امرمن المسلمات /الثوابت..فيظل سؤالنا قائم:ماذا قدمت الشريعة للسودان? دمت كبر
04-06-2011, 01:21 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
و الحكومة ب وزير دفاعها لا تهتز لهم قصبة موقفهم أشرف منه بيع العرض يا كبر عودتنا هيئة علماء السودان البيانات التي تكفر هذا و تستنكر ذاك الم تجتمع هذه الهيئة لتحدد رأي حول هذه الضربة الجوية . أم ان هذا الحادث أكبر من فلاحتها... و قدراتها الفكرية أم ان الموضوع لا يعني لهم شىء
أم ان ظهور بعض الفتيات بملابس مثيرة يشغل فكرهم أكثر؟ و ان كان كذلك فلا جناح عليهم.
اسف يا كبر اذا خرجت من موضوع البوست
04-08-2011, 07:58 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
فوق لازم فوق بوست تقرأ فيهو وتراجع تاني من البداية والمشكلة الناس المعنية بالسؤال دا دفنت دقن جد جد ... ولسة تتطلع لشريعة أصلا ما في زول فيهم ولّ منظوماتهم قادر يقول هذه الشريعة وشريعة الكيزان دي ما شريعة.
شكرا يا أستاذ كبر وبنرجع للبوست دا وشكرا تراجي إنك نبهتينا لهذا البوست المهم لكما تحية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
Tragie Mustafa
doma
ahmed haneen
Abdlaziz Eisa
الشفيع وراق عبد الرحمن
هشام المجمر
jini
Ahmed musa
Hamid Elsawi
أحمد الشايقي
Elbagir Osman
الطيب رحمه قريمان
Mahjob Abdalla
د.محمد بابكر
فيس بوك
تويتر
انستقرام
يوتيوب
بنتيريست