|
|
 السفر ملحوق ؟!!
|
كضب السواد
ما كان قمنا بخاتر زول /ة لو قعدنا للحول
لكن آآآآآآآآآآآه
لو تفيد النازح الغريب
|
|
 
|
|
|
|
|
|
|
 Re: السفر ملحوق ؟!! (Re: الجندرية)
|
المهم انــا.. البوست بتاعي ( ضبحتو )الجنــدرية .. منورة
..
.
وسعيد جــدا وفرحــان عديل كــدا أنك هنــا
ياخي تصدقي وتأمني بالله
مش بقولو الدار خلاء ؟؟
والله خلاء الخلاء
..
.
ياخي بركة الجيتي شان تنعشي اي حاجة في البورد ده
والله أقول ليك حاجة ؟؟؟
الواحد قرب يمشي يفتح ليهو بورد براهو
| |
|
|
|
|
|
|
|
|
|
Re: السفر ملحوق ؟!! (Re: tmbis)
|
انت ما سريع نهمة
والكرم هيلك حرس وورث
ما بتقصر ما تقصر ايامك
قت لي قرررربت تسعالك بورد براك
ونان مالو يا ود امي
كترت العتبات عمار
وهنا معاكم وهناك معاكم
وشقيش ما تولوا وجه محبتكم قبلتنا
ومليون سلام
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
والله يا أماني الشوق قدر المحيطات العبرتيها دي ..
وأنا أقول المنبر دا مالو منور كده اليوم ..
أتاريهو من جيتك الحلوة دي ..
وأها ليك علىّ الأغنية الطالبها مني ديك أنزلها ليك ..
مرحبتين حبابك يا بنت العم ..
| |
|
|
|
|
|
|
|
|
 Re: السفر ملحوق ؟!! (Re: معتصم دفع الله)
|
معتصم دفع الله
البورد منور بيكم يابا
كتر خيرك
والاغنيةالطلبتها منك ما متذكرها هسي
لكن كدي خت الحب والظروف لمحمد الامين يمكن ناس ابو ساندرا دا يقدر يفهم حاجة
كتر خيرك مرة تانية
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
و
عادت أماني وحتمآ ستعود للمنبر عافيته والقه وبهائه
في إنتظار حصيلة المهمة
والصور لو درتي رضو
وشرح على المتن ل { كضب السواد }
ويخربني كان فهمت حاجة
ونكرر ترحيب الرفيق تمبس { شرحو }
| |
|
|
|
|
|
|
|
|
|
Re: السفر ملحوق ؟!! (Re: أبو ساندرا)
|
أبو ساندرا والاخريات ( الحقوق محفوظة للجريفاوي )
اسمع بمناسبة دي
داير اسر ليك اني بتشائم من الحتميات
فكدي اصحى معانا شوية وخت نقطة للرقيق تمبس ما توديش الود في ستين داهية
انت صدقت انو في دمقراطية بالجد ؟!!!
بخسوس الشرح
اقرأ العنوان متصل مع المتن
ثم استعن بالمراجع الأتية :
1) كتاب الامثال السودانية لبابكر بدري
2) اغاني محمد الامين كلها
ياخ مشتاقين ياخ
بعدين قالوا من شراب العسل سغرت عشرين سنة
عيني باردة
وسلام للمعاك شديد خالس
| |
|
|
|
|
|
|
|
|
 Re: السفر ملحوق ؟!! (Re: بلدى يا حبوب)
|
Quote: و
عادت أماني وحتمآ ستعود للمنبر عافيته والقه وبهائه |
شرحو برضو يا ابوساندرا
والله يادوبك الواحد نفسو انفتحت
..
.
بلاي يا اماني كتري لينا بس في الصاين إن .. والباقي بنتمو غلاط
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
الكاتبة الجندرية..لما تحل في البورد تنورو... زي الروح لما تحل في الجسد... وعندها كل الوجود جميل (ما القبح إلا جمالاً مجروحاً)
| |
|
|
|
|
|
|
|
|
|
Re: السفر ملحوق ؟!! (Re: مريم بنت الحسين)
|
امانى بت عبدالجليل ..
حبابك والله ..
وحمد الله على سلامة الوصول ...
طبعا بليتى الشوق السنين واستنشقتى هوا (سمممح)
اخبار رفاعه واهل رفاعه ؟ ..
واخبار النهر الذى يفصلنا عنكم ..
وفى الحقيقة انه يجمعنا ولايفصلنا ..
فبيننا وبين رفاعه ماء ومودة وقربى ...
مرحب بالعودة الميمونة ..وتحياتى لتراث ..
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
مرحبا الجندرية
رغم انى جديد هنا لكن متابع كتاباتك من زمن عودة مبروكة
اتمنى انتى و بقية من حضروا/ن مؤتمر فيينا يورونا تفاصيل المناقشات
تسلمى
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
الدهب اللبيض
Quote: قت لي قرررربت تسعالك بورد براك
ونان مالو يا ود امي
كترت العتبات عمار |
أنا سعيد حد السعادة بعودة هذه المدرسة المتفردة التي تذكرني بصديقي أهل العوض ليته يعود
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
مرحبتين حبابك،
يا بنت أمي الفنجريه ،
يا أماني يا تراثية ..
تيتمنا - بوردياً - بغيابك الطويل ..
و السفر ملحوق ..
أنا اليومَ أصبى من صباي ..
| |
|
|
|
|
|
|
|
|
|
Re: السفر ملحوق ؟!! (Re: Dia eldin khalil)
|
الوقت عندي الآن انصاص الليالي وحرصت لأبقي هنا وأحتفي بقدومك
يا جندرية...حمدالله بسلامة الوصول...ويبدو انك خليتينا نتشرف
ونتاوق ليك في الخرطوم وانت اتاريك في فيينا...
نحن لينا الله وعيشة السوق..الشعبي وبصات السجانه بالنص
تحياتي من القلب لتراث والاسره فردا فردا...وربي يحرسهم جميعا
وأرقدي عافية
| |
|
|
|
|
|
|
|
|
|
Re: السفر ملحوق ؟!! (Re: nazar hussien)
|
الغريبة الساعة جنبك
تبدو اقصر من دقيقة
والدقيقة وانتى مافى
مرة مابنقدر نطيقها
امانى العسل تسلمى وانشاء الله دائما موجودة وقااااااااااااااااااااااءعدة على قول تماضر بت امى ..
| |
|
|
|
|
|
|
|
|
 Re: السفر ممحوق !! (Re: ابو جهينة)
|
....
....
ام هبة
سويتهيها شينة ....لكن نحمد الله على الشوفة ديك
وحمد لله الف على السلامة
....
....
(تخريمة)
عندنا واحد اسمو(الضو) بحوزتكم فى صنعاء
سلمى عليهو شديد وقولى ليهو (فاتك)
....
....
مودتى
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
السلام عليكم
أختي امانى عبدالجليل
يا ربى أتلومنا نحنا
ولم نجد لك خارطة
طريقة ولا نقسم اللوم
النص نشيل نحنا النص
الكبير ونخلى ليك النص
الصغير
عشان أنتي مشيتى فيينـا
والله حسرتى في عدم ملقاتكم
أنتي وزينب دومة كانت كبيره
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
سلام يا اهلنا
الشنط زاتها ما لقينا طريقة نفتحها
قاتل الله امراض المناطق المتخلفة
ادعو لي وليداتي ربي يرفعهم
ملارية السواد طيرت لينا الاجازة في راسنا
بجيكي اقالدكم / ن زول / ة زول / ة
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
أحسن حاجة عاجباني ومكيفاني في الردود أعلاه ، إنو منى خوجلي تحت عادل عثمان طوالي وفتشت حاجة بيناتم لقيت بت حلوة ومكعوجة
الرفيق تمبس ، لقد أودت بك الجندرية للعبودية
أرفع قضية
رد إعتبار
يا جندرو مشتاقوووووون
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
جندرية..
انتي وكتين السفر ملحوق مالنا ما لحقناك طيب؟
تلفون واحد وعملتي نايمة ..
سرني اتصالك وسعيت عشان القاك ..لكن بخلتي علينا وبخل الزمان ..
كم تمنيت رؤيتك ..
يحرس الله غربتك ..
تمبس ده خلي اليضوي ليكي..
والله كل ما اشوف ترتار في شارع اتذكر هذا المخلوق ..
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
العزيز بلدي يا حبوب
البورد منور بيكم
كتر خيرك ابوي
***
تمبس
الشكية لله والرسول
الصاين ان زاتو انضرب عين
****
العزيز صديق منصوري
سلام حتى مطلع الفجر
روح وجسد دي كتيرة علينا
لكن تشكر على جميل الظن
اما الجمال المنجرح ، فلنجو اعيننا بدمع المحبة لنراه كذلك
لك بدر المحبة كاملاً
***
مريومة العروس
الف مبروك ..لكن تعالي هنا
مش الجيران اولى
يعني لمن نسمع الخبر في فيينا؟
سألت منك اول ما وصلت
وقالوا لي الزولة دي غرقانة في العسل
تتهنوا يارب
****
العزيز محمد عبد الرحمن
تشكر على الترحيب
الشوق غايتو ما لحقنا بليناهو
ما قلنا السفر ممحوق
اما النهر فلحسرتي غادرنا
ساعود بكتابة منفصلة عن هجر الازرق لنا
محبتي والاحترامات
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
الجندرية ألف حمدلي علي السلامة
Quote: وهنا معاكم وهناك معاكم
وشقيش ما تولوا وجه محبتكم قبلتنا
|
يا للروعة،، بعودتك تعود باذن الله للمنبر نضرته وجماله،،
شروووم
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر
**** *****
الغريبه الساعه جنبك تبدو اقصر من دقيقه
والدقيقه وانت ما فى مره ما بنقدر نطيقها
دنيا بقربك يفرهد كل طائر يحيا فوقها
وجنه من بعدك يذبل كل مخضر فيها ناضر
**** *****
لو تسافر دون رضانا بنشقى نحن الدهر كله
ما بنضوق فى الدنيا متعه وكل زول غيرك نمله
اقل حاجه تخلى سفرك حتى لو اسبوع اقله
وانت عارف نحن بعدك للصباح دايما نساهر
**** *****
لا لا ما نقبل نسيبك تمشى للوحده وتعانى
برضو ما بنقدر نفاوم شوقنا من بعدك ثوانى
وما بنغنى وراك كلمه وما بنشوف البهجه تانى
غايتو لو شفقان علينا ما اظنك يوم تسافر
_________________________
هى اغنية
http://anwarking.com/uploads/user_muarchive/Anwarking.c...3s_alajfan32K001.mp3
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
حاتم الياس
مرحب بيك في البورد
وكتر خيرك ابوي على المتابعة
عن المؤتمر هناك بوستات عديدة تناولته
تسلم للمرور
*****
بدر الدين حلا
فيك الخير ابوي
واهل العوض ربي ساكت يجمع بيهو
سواه ادرش وتخين
يسعد سنينك يارب
****
منوت
حبابك ات يا ود امي الحِبيّب
ودايماً يارب اصبا من صباك
وانضر من ليمون كوستي
*****
عادل عثمان
تسلم ابوي
المشاركتين اجمل من بعض
الرسمة الحليونة
والاغنية
عليك الله محمد الأمين دا مش ببالغ ؟
قال ملحوق ؟
يا حليلنا
****
منوية الغالية
تعرفي ليالي الأنس دي
من اجمل الحاجات الحصلت فيها
مفاجئتك لينا بروحك المرحة وشخصتيك الآثرة
ادين لاشراقة ولفيينا بهذه الصحبة البديعة
دامت المودة امي انا دامت
****
ضياء
يا حليل الدرب البجيبك
لكن ان شاء الله دريبك ما ينسد
الدنيا فسيحة وبنتلاقى
قت ليك الدوحة فيها عبايات برضو ؟
****
نزار
النبي بتذكر باصات السجانة بالنص ياحليلن
انت ما لاحظت في مشيتك دي انو البصات كلها في طريقها للاختفاء
اكتر من 80% من المواصلات العامة حافلات وامجاد
يعلم الله مكانك في البورد ما بنسد ، وربي يجمعك بيك
وعلى الله ما شي بعيد
توصل تحياتك لتراث
***
نادية عثمان
كتر خيرك امي انا
لكن عليك الله ما تجيبي سيرة العسل تاني عشان انت كملتيهو
وعلى قول الفنان
سكرنا كملتو كملتو سكرنا
شكراً ليك
***
ابنوس الغالي
كتر خيرك ابوي
يحضرك بالك وتحضر ما تغيب
***
استاذنا ابو جهينة
ترحب بيك السعادة والايام الطيبة
ربي يجمع بالحبان كلهم / ن يارب
****
الملك
يعلم الله ما بالخاتر
لكن نسوي شنو مع السفر الممحوق على قول ابو جهينة
كتر خيرك ابوي
****
ود المايقوما
تسلم ود امي
البورد منور بيكم / ن
| |
|
|
|
|
|
|
|
|
|
Re: السفر ملحوق ؟!! (Re: الجندرية)
|
المهندس
مافي لوم ابوي
اتلوم الوقت الماحاق في البكيات والجري للسفارات وجهاز المغتربين
حسرتي اكبر في عدم ملقاتك واخرين / اخريات اعزهم /ن
لكن ربنا يكسر القيد ويرفع القدم تاني ونجي ونتلاقى
**
أبو ذر بابكر
فاقداك انا بالاكتر لما دخلتني الشفقة
مالك ياابوي ؟ اريتك طيبة
***
نزار يا دفعة
اللهم زيد وبارك
هو نحن مرقنا من ام بنايناً قش دي بشنو غير المحبة
ربي يزيدها ويعمر بيها القلوب
***
نادر النادر
ما تشوف وحش يارب
لكن انت بنحمدل سلامةرجعتك متين ؟
الحبان ديل كلهم/ن ما عندهم/ن خاتر ؟
***
أبو ساندرا والاخريات
شفت حلاتهم اقصد منو وعادل
ربي يسعدهم
لكن تمبس دا جنس التحارش دا ما بتخارج معاهو
قت ليكم دا ود بطن محبتي دي
اها في ولدبقاضي امه ؟
احسن ليك لم باقي مديدتك دي ما بتحرق الحبة
***
عبد الغفار سعيد
انت وين اراضيك ؟
الجيت منهم يشكون قلة الفيران
هالني منظر مدينتي التي احب وقد هجرت معظم منازلها وهجرها حتى الأزرق
هالني ما رأيت من عوز ومرض وصبر يذدري الجبال
لها الله هذه البلاد الفي المعارضة اتعرفت والفي الحيكومة اصلها معروفة
***
دكين
السفر ما ملحوق قنا كضب السواد
السفر كان ملحوق وبتلحق كان قعدنا لما شبعنا في الحبان كلهم / ن
الله يقطع المطارات وسنينها
بعدين العمل نايم منو ؟
الاتصل مرة وله الاتصلوا ليه وتاني ما فقد الناس
نهايتو
خيرها في غيرها
واكيد عدم ملاقاتنا كان خير برضو
اماتمبس يضوي اكتر من كدي كيف يعني؟
احمد سيدي
***
كيجا 2000
ترحب بيك الايام الطيبة
***
شرووم
كتر خيرك ابوي
المنبر جماله باقي ما بقت بين اعضائه وعضواته الحميمية والمحبة والاحترام دا
تسلم
***
عادل عثمان تاني
شكراً للاغنية
ياربي ابو ساندرا فهم ؟
| |
|
|
|
|
|
|
| |
الجندرية
tmbis
معتصم دفع الله
أبو ساندرا
بلدى يا حبوب
منصوري
مريم بنت الحسين
محمد عبدالرحمن
بدرالدين شنا
منوت
Adil Osman
Muna Khugali
Dia eldin khalil
nazar hussien
ابنوس
ابو جهينة
الملك
أبوذر بابكر
abdelgafar.saeed
keiga2000
شرووم
فيس بوك
تويتر
انستقرام
يوتيوب
بنتيريست