|
|
 نصوص سودانية تسعينية : مساعدة لو سمحتوا / ن
|
احتاج عونكم في تجميع واستئذان مبدعي / ات بلدي لنشر بعض النصوص المكتوبة في التسعينات وما بعدها .
بصدد اعداد ملف عن نصوص تسعينية سودانية شعرية تحديداً ساقوم بالتجميع والتقديم وتتكفل وزارة الثقافة اليمنية بالنشر ضمن اصدارتها عن صنعاء عاصمة الثقافة العربية
ارجو من الجميع في المنبر وخارجه العون
يمكن التواصل معي عبر هذا البريد
[email protected]
الدعوة للجميع
تماضر شيخ الدين
نجلاء عثمان
ميرفت
إشراقة مصطفى
رقية وراق
نصار الحاج
عصام رجب
مصطفى عجب
يدكم/ن معاي بالله
|
|
 
|
|
|
|
|
|
|
 Re: نصوص سودانية تسعينية : مساعدة لو سمحتوا / ن (Re: الجندرية)
|
Quote: 10. ما الذي وددت أن تقدمه لليمن ولم تنجح بتقديمه ؟
أن يعرف السودانيون أكثر عن الكتاب والكاتبات اليمنيين وأن يصل إنتاج الشباب السودانيين لليمنيين . يخيل لي إن اليمنيين / ات لا يعرفون الكثير عن الإنتاج الثقافي السوداني فهم لم يسمعوا بالجيل الجديد من الروائيين والشعراء . أرجح بان الكثيرين لم يسمعوا عن الصادق الرضي أو عاطف خيري ، أو نجلاء عثمان ، أو ليلى بنت الدامر أو إشراقة مصطفى ، أو الدكتور أبكر آدم إسماعيل ، أحمد الملك ، وقائمة تطول من أسماء كتاب وكاتبات السودان ، فهؤلاء ابتلعتهم المنافي التي توزعت السودانيين ، ومن بقي منهم بالداخل ، تعذرت عليه سبل النشر ، في بلد موبوء بالفقر كالسودان : يكون هذا الفعل إعجاز حقيقي . لذا أقوم بمحاولات في التعريف بإنتاجهم ، وكذا إيصال بعض الكتابات اليمنية إلى بعض منابر الانترنت والمواقع الثقافية السودانية ، والتي لي شرف عضويتها ، مثل منبر سودانيز اون لاين ، نشرت لمحمد هيثم ، وكريم الحنكي ، لنبيلة الزبير ، ابتسام المتوكل ، وهدى العطاس ، كان اندهاش المشاركين / ات كبير ومفرح . وسأواصل هذا المسعى ما استطعت . |
هذا ما قلته في الحوار الذي اجراه معي واخرين الصحفي اسعد الهلالي ونشر عن وزارة الثقافة في كتاب قلوب بيضاء وقبلها في مجلة الموقف اليمنية
وهاهي الفرصة تتاح لي لمضي قدماً في هذا المسعى
رجاء لا تبخلوا/ن علي بالاقتراحات والتوجيه
صنعاء وانا : أجزاء من لقاء صحفي
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: أبو ساندرا)
|
ابو ساندرا
الموضوع مافيهو اي تخصيص
وساكون اسعد لو اتيحت الفرصة لاكبر قدر من النصوص التسعينية للتواصل مع القارئ / ئة اليمني/ ة
فقط احاول تجميع الاسماء والعناوين للتواصل في هذا البوست
والشر الجابو شنو يا ابو البنات
ربنا يجعل مساعينا في الخير دايماً
بطل غتاته وهات العندك
بعدين الوظيفة ام دولارات دي وين؟
لكن قالوا الصيت ولا الغنى
ومكة بنوها على فالها
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
الجندرية
بخصوص نصوص المرحومة ليلى ارجو التواصل مع السمندل او ميرفت، هدهد ممكن برضو يساعد
ابوساندرا.. الله يبارك ليك، رغم انو الخصخصة دى جابت ليها زعل وطبعا نحنا مابنقدر على كده وخاصة انو ده شهر ميلاد الحبيبة، عندى ليك اقتراح.. رسل لى النصوص المدكنه دى، مش نحنا اصحاب، بيس مادفعة
الجندرية عزرا لتخريمتى مع ابوساندرا
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
تعرف يا ابن خالي يا معز
انا ما قادر اتخلص من فكرة انو نحنا ما زلنا صغارا كما كنا قبل ازمان
تعرف المنبر دا مرات تقول ساكنو عفريت
هسع تعليقي لقيتو رجع ورا "خالس"
قدر ما نحاول نبقى عقلانيين تجي حاجات ترجعنا لذلك العالم الذي تسكنه العفاريت وود ام بعلو
المشاء
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
الأخت أماني ..
رغم أنه ليس لي (ود خالة) بينكم .. ورغم أنه بيني وبينك (البحر - النيل الأزرق) .. ورغم أن إسمي لم يرد .. ورغم .. ورغم .. إلا أنه يمكن الإستفادة من الملف الذي قدمناه وتم نشره في جريدة الزمان وبعد ذلك في العدد الأول من مجلة (ألف ياء) عن ذات الموضوع .. وكان مجهوداً لقى حظه من الإشادة والتقدير .. وكنا نحن (جماعة شرفات) (نصار الحاج .. عصام عيسى رجب .. مامون محمد حسين.. هاشم ميرغني .. عبدالوهاب تاج الدين .. وآخرون) ..
لك الود ..
نجم الدين علي حسن
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
اسامة الخواض
انا طيبة كيفك انت
ايوا ما اسعى له من خلال هذا البوست هو تجميع لنصوص كتبت في التسعينات .
بغض النظر عما اذا كان شعرائها من الستينات او السبعينات او بعدها وبغض النظر عما اذا كانت قصيدة عمودية او تفعيلة او نثر او تندرج تحت ما يعرف بالشعر الغنائي حتى .
وعليه طلبت من الجميع التكرم وتزويدي بنصوص واسماء لشعراء وشاعرات كتبوا / ن في هذه الفترة وعناوينهم / ما امكن
اما مجال اهتمامي في ما يخص موضوع النص التسعيني عند الشعراء /ات السودانيين فاحاول اضاءة بعض المحاور
منها:
1. محاولة تفقد أثر قصيدة النثر في الانتاج التسعيني السوداني
2. محاولة التعرف على ما تركته تجربة التهجير والشتات التي تعرض لها معظم المبدعين / ات السودانيين/ ات على هذا الانتاج .
3. محاولة تلمس الانتاج الشعري النسوي واضاءته ما امكن .
4. اتاحة الفرصة ـ ما امكن ـ لهذه الاصوات للتواصل مع القارئ / ة اليمني/ة .
وعلى العموم هذه مرحلة تالية ، الان نحن في طور تجميع المادة
اما عن نسياني لاسم ما ـ فهذا ما انزلت البوست من اجله
لان العزلة التي نعيشها هنا ستعيقني دون شك من الوصول لاسماء كثيرة
ولذا طلبت العون .
اما عن الترتيب والأهمية فلا اعتقد ان مهمتي هي تصنيف الشعراء/ ات لمهم واقل اهمية .
اعتقد أن مهمتي هي تقديم قرأتي وحسب دون ان انصب من نفسي كاهن يمنح النص صك دخوله جنة الشعر او طرده منها .
وعلى العموم يا اسامة انتظر منك من الآخرين / ت كثير نصح وتوجيه
بس خف علي شوية انا لسه بقول يا هادي
***
فردة
شكراً لاستجابتك
وبانتظارك
***
شروق الغالية
رسل لي عناوين هدهد وميرفت وسمندل دي في الايميل
والبوست بوستك خرمي زي ما عايزة
***
مراويد شفت كيف ؟
لكن انت ياخ بعد ما رقيناك من اللبن ابو لي بيهو لمر القطار تاني شنو ؟
جيب انصاصك على انصاص ابوساندرا
بس ما اكيد نص ونص بتعمل واحد صحيح فما في زول / ة يجي يزرني من هسي دي
على كل حال الدنيا انصاص ليالي عندنا
اشوفك بكرة لانه حاوكل ليك مهمة عتالة البوست دا في غيابي
****
د . معز
مرحب بيك انت ود عمتك
***
نجم الدين
الف شكر على ارشادي لجهودكم فقط ارجو تزويدي بعنوانك او مراسلتي على الايميل المنشور حتى اعرف كيف يمكنني الحصول عليها
وبالنسبة لحكاية الاسامي دي
احب اوضح تاني
اني هنا بحاول افكر معاكم / ن بصوت مسموع وكلنا نحاول نتذكر الاسماء دا الموضوع الاساسي بتاع البوست هو طلب عونكم فيما يتعلق بالنصوص واسماء شعراءها وعناوينهم
شكراً ليك وارجو ان فعلاً ان يتم تواصلنا عبر الايمل
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: تاج السر حسن)
|
انت عارفه يا الجندريه...طلباتك هذي لن تجديها الا عند ناس قريعتي راحت...واتبرع انا اول ناس قريعتي راحت ان ارسل لك بالدرب...ديوان شعر كامل لعثمان البشري...واذا عندك كلميني...وامسك ما تيقي من تسعيناتي...حتي لا اصاب بالشيخوخه....المبكره...فدون ذلك ما عندي الا المتنبيْء...
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
1- إشراق:
حاضر ، وعلى العين والراس ، حا نرسل ليك بالبريد قائمة من المدكن ،شعراء ونصوص ، والماعندك نزودك به ، هي الصحوبية دي هينه؟!
2- مراويد :
أنا نصي التحت ! وواضح مش انا وحدي اللعايز التحنيس !
3- الجندرية :
عثمان البشرى ده انا تخصص فيهو ، وما في ليك ،إلا تقري بالوظيفة أم دولارات ، وتكتبي إسمي في القائمة الأولى مع ناس إشراق ، وتكتبي مراويد في القائمة بتاعت ناس عاصم الحزين!
وعشان برضو العشرة ما بتهون ،،هاك :
من المنبر أرشح لك المذكورين بعد ولديهم نصوص تسعينية ، بل وبعضهم تفتح في الفترة المعنية ، وهم:
- علاء الدين بابكر سنهوري { علاء سانهوري}وارشح لك منه إيفا طفلة النهر والطمي ، أنديرا..تساب الحب ، حليب الحب ، والثلاثه عندي بس الوقت وين ؟
- سامي عبدالرحمن ، وخاصة درجيات
- عبير خيري
- خالد العبيد ،وخاصة الكونشيرتو
-ياسر حامد ، نص الهروب المشترك
وغيرهم :
-ميرغني الماحي { ديوان قيد التجميع }
-رماح عبدالقادر :
أصدر { مزق } بكسر الميم ، مجموعة شعرية ثنائية ، الأولى : إنحيازات وجدانية ، والثانية :دموع لقواسم مشتركة
يللا أديني رقم فاكس عشان أرسل ليك ما تيسر
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
يا نجاة
معقول فاتت عليك أمور الحرب النفسية ، ده كلو { حندكه } عشان يسيل لعابه وتندم أو تستجيب لمطالبنا التي كررتها في ردي أعلاه تحت الرقم 3 فيما يتعلق بعثمان بشرى وطلبنا ان يرد أسمنا في القائمة الأولى مع الحلوين ونضيف حضرتك لذات الطلب ونتوجك زعيمة الحلف ، وممكن نضم معنا مراويد إذا لم يضاف أسمه للقائمة الثانية ، الشينيين ناس الحزين ، ولا نامت أعين الجبناء / الجابانات كده زي ما قال بولا
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
نجاة الغالية
استلمت
وبانتظار ايميل نادية البنا
سوف اتواصل مع خالدة اليوم
الف شكر
ابو ساندرا دا اوعى تباريه بمرقك من الجنة وسقطها
***
تاج السر
ربنا ما يجيب زعل
وزي ما كررت كم مرة في البوست دا
كلما اتحيت الفرصة لاكبر عدد من النصوص التسعينية للتواصل مع القارئ اليمني ساكون اسعد
رسل نصوصك وسيرتك الذاتية على ايميل والف شكر مقدماً
***
نزار يا دفعة
ما بتقصر ما تقصر ايامك
لو معاها عناوين الايملات بتاعت الناس دي يكون خير وبركة
**
يا ابو ساندرا
رسل لي العندك بالايميل
او بالبريد
صنعاء اليمن
ص ب (105)
عثمان محمد احمد ومنه لاماني عبد الجليل
ولو لقيت لي عناوين الناس دي
حنكتبك في رأس القايمة العايزها
وشكراً ليكم / ن كلكن
***
| |
|
|
|
|
|
|
|
|
 Re: نصوص سودانية تسعينية : مساعدة لو سمحتوا / ن (Re: الجندرية)
|
. الحضر القسمه يقسم ..
يا اعملي لينا ( درب ) من ايميلك ده خليهو ينقط لينا في الهوت ميل ..
برشح ليك .. اتنين قريبين لي ولي قلبي ...
سعادة عبد الرحمن .. واسماعيل الاعيسر ..
وكان الله طلق .. بتوصلك النصوص قريب ..
اها الله يقدرنا للعتالة ..
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
الاستاذة الجندرية
تحيات زاكيات
فكرة التفاكر عبر المنبر صحيحة وتفيد تجميع الاسماء والاعمال أقترح أن تقصريها على الشباب في مرحلة عمرية لا تتجاوز الثلاثين إلا بقليل مثلاً وبهذا نخرج نحن كبار السن بالطبع من القائمة .وبذا يسقط التحديد بالعقد حيث أن أؤلئك الشباب كتبوا كلهم منذ التسعينات ضرورة لكن من ناحية أخرى يتم تجميع جميع إنتاج الشباب السوداني في الشمال والجنوب بحيث سنشهد نصوصا بالانجليزية وفي هذا لا يمكن الاعتماد على الذاكرة او الذائقة أو الشلة او أبناء الدفعة فقط بل يجب الاتصال بالروابط رابطة الجزيرة للآداب والفنون رابطة بورنسودان وروابط طلاب الجامعات والإتصال بكتاب شباب افراد . أقترح أن تبدأ القائمة بحيث يكون أكبر المساهمين سناً فيها هو عاطف خيري وأن يتصدر عاطف خيري نفسه هذه القائمة لتميزه واعتقد لعبقريته.
ومن ناحية أخرى تتم إصدارات لاحقة على شاكلة مختارات من الادب السوداني للراحل علي المك تضم فسيفساء الكاتبين منذ مملكة سنار تلك قضية أخرى . وإذا كان الهدف التعريف بالادب السوداني فهذا العمل بالطبع يتطلب جهداً حيث ان هذا واجب مؤسسات سودانية قصرت عنه. في أواخر الثمانينات كلفني اتحاد الكتاب السودانيين أن اجمع لإتحاد الكتاب الروس مختارات من القصة القصيرة السودانية وحين وصلت الرقم مائة من القصص المنشورة اصلا قلت للكاتب الروسي المعني بالمتابعة لا هذا الطريق لا يؤدي . وانه يلزمنا الاتصال بالروابط وجهات عديدة ذكرتها له وبكتاب رواد وبنقاد فاستحسن الفكرة وشرعنا فيهاوحددنا جدولاً زمنياًوبدأتفي المساعدة بتجميع قصص الكاتبات السودانيات منذ ملكة الدار . لكن الفكرة ماتت في مهدها مع تفكك إتحاد الكتاب الروس وتخليه عن مثل هذه المشاريع.ومع ذلك يا استاذة جندرية انني لست بيرفيكشانيست بحيث ادعو لتثبيط الفكرة بالعوائق لكن لا بد من رسم الصورة كاملة للشباب الشعراء مثلاً إن كنا نرغب في عكس هذه الصورة للغير بحيث لا نظلم أحداً لانه لم يصعد لمنبر مثلاً أو لم يكتب لبورد أو ممنلم يستحسن شعره هذا أو ذاك من الرموز . كم لدينا شاعر من قبيلة التامة؟ وكم من الفرتيت ؟ هل تعرفون أحدا؟ السودان غني بما لا نتصور نحن انفسنا ونحن دعاة الديمقراطية والتبشير بقيم الغنصاف فهلا نعكس هذا بحق فيما نقوم به ونتخلى عن اوصاب العجلة والذائقات الشخصية؟ آمل ذلك.
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
نجاة:
شفتي { المتآمرة } عايزة تحيدك وتستميلني ، قالت أيه ، أول رسل وبعدين نكتبك في القائمة الأولى مع ناس إشراق ، والمستهبلة لا إستلمت حاجاتك ولا حاجة ، ورشوة تراث ساهلة وبكرة صاحبنا حصان طروادة في بيتها ، أصلو بكرة الخميس ، صفقة ورقيص ، والمتآمرة بتنوم بدري ، وأنا حا أنفرد بيهو آخر الليل ونسترد الحاجات ، وعارف بمسكوا من ياتو يد!
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
الجندرية:
رفعت ليك بوست فيصل عباس { إلى بورداب القاهرة ...} وفيه قصيدة تسعينية جميلة ولينك وافر حا تلقي فيه ما { تشتهون }
الحليفة/ نجاة محمد علي :
سمعنا تحت تحت قالوا عايزه تستخدم العصبيات النوعية ، والواعي ما بيوصو
الحلوف/ ودقاسم :
خدعتنا بصورتك الخايف عليها ، وطلعت لينا صورتك الخايفين منها ، يالا أمشي راجع { الدقداق } في سودانيات ! ومنتظرك هناك
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: أبو ساندرا)
|
أبوساندرا
أنا كان قمت عليك بجيب خبر شناتك ،، وإنت عارفني أنا محتفظ بملفات طفولتك وشبابك وكهولتك ،، وما خايف من حاجة ، حتى موضوع القزمية داك ما بخوفني ،، أحسن ليك تختى دربي ،،
والله كان ما صحبة رشيدة ، كان كسّرت ليك نضاراتك الشينات ديل ،، بالمناسبة إنت بتستخدم النضارات ديل في كل الأوقات والحالات ؟؟
وبعدين إنت ما عندك شغلة غير بوست الجندرية ده ؟
| |
|
|
|
|
|
|
|
|
 Re: نصوص سودانية تسعينية : مساعدة لو سمحتوا / ن (Re: أبو ساندرا)
|
ياجندريه
كده أول ننتظر ردك على الكلام السمح بتاع الأستاذ/ بشرى الفاضل، عشان من هسه نقول (باص)، وما نخسر (طوابع)( سأأأأأأى).
وكمان نحنا كان أدونا دفرة خمستاشر سنه لى وراء، ما بنحصل السن التى أقترحها الأستاذ/ الفاضل.
ولو ما وافقتى على الأقتراح حقو، وما لقينا طريقه نزوق بيها.
ورينا اول عاوزة نصوص (هلال) مستنيره، ولا مريخ(ظلاميه)؟؟؟
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: Sidig Rahama Elnour)
|
أحييك على هذه الفكرة البديعة وجهودك المثمرة جدا
ومحاولات تعريف القارئ والمثقف والمبدع اليمني بالتجارب الإبداعية السودانية
والخروج بكتاب كهذا يمثل بعض النماذج
وبالطبع ليس باستطاعة عمل كهذا أو إصدار واحد
ان يستوعب كل النماذج وكل التجارب وكل الأسماء
لذلك من المهم رصد اكبر قدر من المادة الشعرية دون قيد
وبعدها يمكن ان تستعيني ببعض المهتمين معك هناك في اليمن
وأولهم عثمان تراث، فيصل مصطفى، جورج بنيوتي وآخرون يسهل لك الجلوس معهم
حتى تختاروا من بين ما يصلكم في حدود النصوص
التي يسمح بها الكتاب المقترح وحسب الجهةإقتراحات حجمه وغير ذلك
وعلى تتحركوا كذلك بالنصوص الاخرى في اصدار نسخ أخرى من جهات أخرى
أو التقدم بها لبعض المجلات والإصدارات كلمفات شعرية سودانية
وكما اشار الصديق والشاعر الجميل نجم الدين على حسن لتجارب سابقة لنا
لم نكن ندعي انها تمثل كامل المشهد السوداني،
لكنا كانت في حدود المتاح لنا في ذلك الوقت وما توصلنا اليه
الذي وددت ان اقوله هو
ان تسعي لاستلام أكبر قدر من النصوص والإختيار من بينها لهذا الكتاب
والتحرك أكثر من هذه الفكرة لايجاد صيغ او فرص أخرى لطبع النصوص الاخرى
ويجب ان لا تكون أي اختيارات من هذا القبيل مثيرة للغضب
باعتبار ان كتاب واحد لا يمكن ان يستوعب كل النصوص
الامر الآخر اتمنى ان يتعامل الجميع مع هذه الدعوة بجدية كافية وكاملة ومد الاخت اماني " الجندرية " بأكبر عدد من النصوص لأكبر عدد من الشعراء والشاعرات
ولحسن الحظ والمصادفة الجميلةقبل قليل أستلمت رسالة من الشاعرة السورية لينا الطيبي والتي كانت مشرفة على الملحق الثقافي لجريدة الزمان اللندنية ومجلد الف ياء الثقافي وكنا قد نشرنا معها ذلك الملف، بعثت لي قبل قليل برسالة تدعوني ان نعمل معاً لانجاز ملف عن الشعري السوداني
وهذا مجتزأ من رسالة لينا الطيبي فيما يخص الموضوع:
Quote: أنني أرغب بملف عن الشعر السوداني وأريد أن أنشره ربما هنا في مصر, مبدئيا أريد أن نتحاور معا في هذه الأمور, يقول لي نصير* عندما تؤمنين بشيء ما يجب أن تكوني صاحبة رسالته ولا تتوقفين في المنتصف, هو شجعني كثيرا الآن عن ملف جديد للشعر في السودان, وربما أيضا ننشره في الزمان نفسها وفي أماكن أخرى, ما رأيك أن نعمل معا من أجل هذا الهدف؟
* الموسيقي نصير شمة " زوجها " . |
أذن يا أماني يمكن ان تكون هذه نافذة اخرى لاستيعاب بعض تلك النصوص وغيرها
ومن جهتي أهنئك على الفكرة/المشروع
وأقترح من الأسماء ممن لم يشار اليهم اعلاه :
فتحي البحيري
ناجي البدوي
أمير شمعون
ستيفن جوزيف ميان
عفيف اسماعيل
ايمان أحمد
عيسى عبدالله
هالة عبدالله خليل
مصطفى بابكر
محمد عبدالخالق
ابراهيم البكري
بابكر الوسيلة
مهدي ادم
وبالتأكيد هنالك اسماء كثيرة
لكن الذاكرة لم تسعفني بهم جميعا
وساسعى من جهتي الاتصال أو مدك ياالجندرية بعناوين كل من لدي اتصال به وعنوان له
ومحاولة الحصول على نصوص لهم، ليخرج هذا العمل مشرفا.
ختاما اشكرك جدا يا اماني على اقتراح اسمي
كما أشكرك كثيرا يا صديقي الرائع ود قاسم لصراخك النبيل من اجلي.
وامنياتي لك بالتوفيق في إنجاز هذا العمل.
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
نجاة محمد علي
وابو ساندرا
بالجد شاكرة جداً لرفع البوست وللعناويين والاسماء والاقتراحات
****
علاء الغالي
رسل النصوص والايملات
وفي النهاية حتستلم الكيكة كاملة غير مقسومة
يخليك لي
****
استاذ نا بشرى الفاضل
شكراً على دعمك للفكرة وعلى مقترحاتك ، وكما تفضلت التعريف بالادب السوداني هو عمل مؤسسات وستظل المبادرات الفردية واغتنام الفرص ـ كما في حالتي ـ قاصرة عن هذا الفعل الكبير ، لذا لا اتوقع لعملي تقديم صورة شبهة مكتملة ، ساكتفي بما يتوفر لي من نصوص كتبت في التسعينات ووافق اصحابها / تها على نشرها ، معنى ذلك ان الامر سيقتصر على من استطيع لهم /ن سبيلا ، ولذا اعتقد ما يساعدني حقاً هو توفير عناوين للتواصل مع الشعراء والشاعرات ، كما ان عامل الوقت سيكون هو الحاسم في هذا الأمر إذ يتعين علي تقديم مسودة اولية في منتصف اكتوبر القادم
مقترحك بالتواصل مع الروابط الادبية لو تعزز بتوفير عناوينها ساكون شاكرة وساشرع فوراً في ذلك
ارجو تزويدي بايميلك لمزيد من التواصل والتشاور
كل الاحترام والاعزاز
***
محمد الفاضلابي
شكراً لمقترحاتك
وياريت لو في عناوين
وشكراً كمان لسرعة استجابتك وعمليتك دا البحتاجه فعلاً
******
العزيز ود قاسم
صدقني الأمر لا يحتاج لرفع لمحكمة العدل الدولية
فلو رفعت بصرك قليلاً لاعلى البوست لرأيت اسم صديقك وصديقنا نصار
بعدين الاسماء دي زي ما قلت قبل كدا الغرض منها محاولة التذكر والتذكير
وفي النهاية سنتواصل بمن يتوفر عنوانه
شكراً لدخلتك
لكن عليك الله خلي ابو ساندرا دا في حاله نافعني ينفعنه بنياته وتنفعه عافيته
******
العوض أحمد الطيب
شكراً لحضورك
محمد عبد القادر محمد خير زميل عزيز ( فراعي )
وياريت القى درب يوصلني ليه
وطبعاً بثني اقتراحك انه نصوصه تزين المنبر
******
ابو ساندرا تاني
تعرف رفعتك لبوست فيصل نفعتني نفع
اتواصلت مع عفيف اسماعيل والراجل مشكور ما قصر معاي خالص
شوف لي ايمل علاء سنهوري
*****
تاج السر
رسل وما عليك بنعمل اعفاء من شرط العمر دا
لووووووووووول
بالنسبة للنصوص برضو رسل وكل بمشي لانه دا المنتخب الوطني
*******
نزار سمندل
شوق السنين
منتظرة ايميل منك ومن ميرفيت كمان
على فكرة رسل في الايمل المنشور هنا دا
داك مفتاحه رايح
كل الود
*******
تماضر
منتظراك
وشكراً لاستجابتك الجميلة زيك
****
صديق رحمه
وشكراً لمشاركتك
منتظرة عناويين الشباب
وعنوان اخونا الطيب برير
*****
نصار الحاج
شاكرة لمقترحاتك
وفعلاً خليني ابدأ بما تيسر والباقي بنتم كله على مراحل وبجهودكم وجهود الاخرين / ات
منتظراك على الايمل
تحيات للمدام والعيال
ولعصام رجب كمان
****
بلدي يا حبوب
شكراً لحضورك ولامنياتك
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
الجنديه
سلام عليك
ربنا يخليك لينا
ولي تثبيت الحاجات وتعريف الآخرين بيها
الشعراء ما اكثرهم في بلادنا ومعظمهم لاتتوفر عناوينهم
عموما اذا كنت عايزه نصوص فهناك ما هو متوفر منها معي وساقوم بارساله لك
ومن الذاكره الآن شعراء بتلفونات ان امكن الاتصال بهم
خالد عبد الله تلفون 00249912978195
عثمان بشرى 0020105569496
ومزيدا من التلفونات ممكن توصلك اذا راقت لك الفكره
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
اماني
سلام وما عليك وساحاول الاتصال بما تيسر منهم لمدك بالايميلات
ناس تانين لاتتوفر عناوينهم معي
محمد مدني (السعوديه الرياض ) خلي تمبس يسكو من هناك
خالد عمر (السودان وغالبا مابيكون في ام سنط بعد ما عرس ) بيجوب ليك خبرو ناس الصادق الرضي
ايمان آدم (السودان المصنفات الادبيه)
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: إيمان أحمد)
|
الاستاذة
الجندرية
لك التحية
ما دام لكزتو ناس كندا
فلنشارك اذن
ساتصل بالاستاذة رقية وراق ..لا ادرى ان كانت رجعت من رحلتها للسودان
ستجدى الاجابة هنا لاحقا
هناك مجموعة من شعراء البورد
فلنقل قد تم سقوطهم سهوا من الاسماء التى ذكرت هنا
صديقى الشاعر فيصل محمد صالح
الشاعرة الرقيقة سوما
وصديقى الشديد دبيب
ومن ثم القدير محمد الطيب برير
وهناك من الشعراء الذين
شاركوا فى مسابقة المجلس القومى للاداب والفنون للعام 90
وفازت قصائدهم فى تلك المسابقة
هاجر سليمان طه..بقصيدة (نبوية)
محمد طه غلاب (احتساب)
الامين هاشم الحسين..بقصيدة ( من الشرفة)
الامين احمد عبد الرحيم..بقصيدة (الكورس الصيفى)
عبد المنعم سيد احمد..بقصيدة (مدينة الاموات)
..
وهناك نص للشاعر الراحل على عبد القيوم
قمر السلام((بكائية على المك))
كنت قد شاركت به فى ذكرى الراحل على المك بالبورد
ستجدينه بالارشيف
الشكر لك لما تقومين به من جهد توثيقى مهم
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: mohammed alfadla)
|
الجندرية سلام ، والله احييك على الفكرة والاهتمام بشعراء هذه الفترة وزي ما قال مقدم احدى الفضائيات السودان بلد المليون شاعر ، والموضوع صعب فعلا وعايز بحث والله يساعد معظم الناس العارفاهم قالوهم بس برضو حازكر وما تنسي ناس رفاعة ، وهناك شاعر من شعراء التسعينات كان معانا ف يلسلطنة اسمو ابوالمعالي كتابات جميلة جدا ، وانشاالله افتش ليك على عنوانو .. ومعانا واحد اظن بتعرفوه اسمو العوض مصطفى ومرة منصوري لحن ليه ..هل نسيت الحوت دي اسالي منها المنصوري جميلة جدا وحارسل ليك عنوانو..
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: عشة بت فاطنة)
|
العزيزة عشة
شكراً ليك ولاهتمامك
تعرفي لانه فعلاً في اسماء كتيرة حاكتفي بالناس البقدر احصل على موافقتهم/ ن على الفكرة
اشكرك على ذكر العوض مصطفى فقد قرأت مرثيته الرائعة للراحلة اخلاص همت وزوجها
ارجو ان تتواصلي معه وتزوديني بعنوانه
كذلك لو قدرت تجيبي لي عنوان يوسف الحبوب اكون شاكرة
وطبعاً كل العناوين التي تتوفر لك
تحياتي للجميلات بطرفك ولبيرق
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
الاخ نجم الدين حسن
سلام
توقعت منك رسالة بعد المشاركة في البوست
ارجو ان تكون هذه بمثابة دعوة علنية لك وللاخرين لمدي بنصوصهم
عن الملف الذي اعدتته ونصار والاخرين
بحثت عنه في ارشيف الزمان ولم اوفق
كيف يمكني الحصول على نسخه منه ؟
عميق احترامي
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
أستاذه أماني ..الحق أنه طول الوقت تسلكين فينا مسلكاً رائعاً ,
فيك دأب على الناس غير عادي ..
يالك من إنسانه محموده ..
تقبلي إحترامي ..
................
كنت قد راسلتك أول نزول هذا البوست سوب أن رسائلي كانت تعودإلي
ك"failure delivery " ,حدث هذا أكثر من مره !ولا اعرف له سببا..
................
موده وافره ..
...
طلال
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
سيدتي أماني
لك الود عالياً .. والتحية الصادقة .. لم أتجاهل الرد .. ولكني فضلت الإبحار في مشاركات الآخرين لأعرف كيف (قرأ) الآخرون هذه الدعوة .. وتوقعت أن تجدي الإيميل في (البروفايل) .. ولا عليك فنحن ملتقون (على خواطر رسالة أو على رسالة خواطر) .. أقوم الآن بترتيب الملف الذي تم نشره في جريدة الزمان وسأستعين بالأخ الحبيب (نصار الحاج) في إرسال ذلك الملف .. وستجدينه عاجلاً بطرفكم .. وكذلك لدي ديوان (منذ حجرين) للأخ إبراهيم البكري .. وديواني (الدرويش الآخر يروي) وكذلك كل ما كتب محمد الحسن (حميد) .. ونصوص لا حصر لها .. ولا أدري ماذا أرسل وماذا أبقي معي ..
عموماً سأبذل ما أستطيع ..
وتليفوني هو : 00966501818221
والإيميل: [email protected]
ولك التجلة .. ولكل الرائعين في هذا المنبر ..
نجم الدين علي حسن
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
الأخت أماني
لك التجلة وأنت تساهمين في هذا التوثيق
خذ من شعاع الشمس نافذة
وحلق في فضاءات الغياب إلى رحيل أبدي
...
هل تسقط رائعة الصادق الرضي هذه _ مثلا _ من المجموعة لأنها كتبت في العام1988؟
مع العلم أن كثيراً من شعر الشباب الجيد قد كتب إبان فترة الديمقراطية الأخيرة من 85 وحتى 89
في موقع
www.tabatpeople.com
نماذج جيدة من شعر أبناء هذه المدينة المعطاءة
رجاء المرور عليه
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: الجندرية)
|
الأخت أماني
لك التجلة وأنت تساهمين في هذا التوثيق
خذ من شعاع الشمس نافذة
وحلق في فضاءات الغياب إلى رحيل أبدي
...
هل تسقط رائعة الصادق الرضي هذه _ مثلا _ من المجموعة لأنها كتبت في العام1988؟
مع العلم أن كثيراً من شعر الشباب الجيد قد كتب إبان فترة الديمقراطية الأخيرة من 85 وحتى 89
في موقع
www.tabatpeople.com
نماذج جيدة من شعر أبناء هذه المدينة المعطاءة
رجاء المرور عليه
| |
|
|
|
|
|
|
|
|
|
Re: نصوص سودانية تسعينية : مساعدة لو سمحتوا / ن (Re: عبد الباقي الجيلي)
|
الاستاذ عبد الباقي
شكراً لمشاركتك في البوست
قطعاً هناك العديد من النصوص البديعة التي انجزت في الثمانينات وما قبلها
لكن لا بد من وضع سقوف لتناول اي موضوع والحديث عنه
والمشروع الذي اعمل عليه ليس تجميع او توثيق وانما قراءات ونماذج لذا وجب علي ان احدد حدود الموضوع ثم اي كتاب هذا الذي سيحوي كل الانتاج الشعري البديع ؟
| |
|
|
|
|
|
|
| |
الجندرية
Ishraga Mustafa
osama elkhawad
أبو ساندرا
farda
Dr. Moiz Bakhiet
Nejmuddin Hassan
Yahya Fadlalla
ABU QUSAI
Nagat Mohamed Ali
nazar hussien
tmbis
Bushra Elfadil
mohammed alfadla
ودقاسم
Elawad Eltayeb
Tumadir
Sidig Rahama Elnour
nassar elhaj
بلدى يا حبوب
فيصل عباس
إيمان أحمد
عبد المنعم سيد احمد
lana mahdi
عشة بت فاطنة
طلال عفيفي
عبد الباقي الجيلي
abdelgafar.saeed
Safa Fagiri
فيس بوك
تويتر
انستقرام
يوتيوب
بنتيريست