وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-06-2016, 09:47 PM الصفحة الرئيسية

مكتبة امانى عبد الجليل(الجندرية)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

حُوَر ومطمورة وطاقة

08-12-2007, 10:35 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
حُوَر ومطمورة وطاقة

    تمتعني هذه الا يام الحاجةـ أطال الله عمرها ـ بحكاويها وقصصها البديعة
    كانت تحكي عن طفولتها قالت : ... قت ليهم ماشة لبتي في تاني دور
    وحضر ملك وقال آمين ، عندي بت ام لعاب حليييييييوة اكسر ليها عيدان الشاف وادخنها واشيل من خمرة امي وامسحها ، وسويت لي سرير دبل ، وختيت كراعي في الحُور وعنقلتها في الطاقة "
    قلت ليها : يا امي الحور دا شنو ؟
    قالت لي ما بتعرفي الحور؟
    قلت ليها : اول مرة اسمع بيه
    قالت لي : الحور دوارنية كدي بينوها بالطين ، وفيها فتحات على جنباتها كتيرة ، بكبو فيها العيش حق البيوت
    قلت ليها : يعني مكان يخزنو فيه العيش زي المطمورة ؟
    قالت لي : لا .. المطمورة عيشها تخزين فترتو طويلة والمطمورة في ما حفرة في بطن الواضة ، لكن الحور دا ببنوهو بنى ، وبكبو فيه العيش عشان يشيل منو النسوان ويطحننو بالمحراكة . وكل ما الكمية تقل يشيلو بالفتحة القريبة.


    رجعت لقاموس اللهجة العامية لقيت :
    " الحُوَر ( س) حائط مستدير في لغتنا يسمونه الدُرُدٌر مالم يسقف فإن سقف ليس بحور ، او هو الطلل وأصله الحًيْر أبدلو الواو ياء (ف) شبه الحظيرة أو الحمى...... قال الفنجري : ود خير طفر الحوش الكبير بحورو " *
    اكيد في كتاااااااار منكم / ن ما سمعوا / ن بالحور زي
    اوعى ت/ يجي زول / ة يقول لي بت ام لعاب دي شنو ؟
                   |Articles |News |مقالات |بيانات

08-12-2007, 10:41 AM

إسماعيل وراق
<aإسماعيل وراق
تاريخ التسجيل: 05-04-2003
مجموع المشاركات: 9364

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: الجندرية)

    جيداً جيتي
    قاموس لهجاتنا المحلية وأمثالنا كاد أن يندثر
    من محاسن الصدف أمس كانت معنا الشاعرة أسماء الجنيد ولها قصيدة إسمها أم زين، قالت أسماء أتمنى أن يعرف أبنائنا بعض مصطلحات وكلمات القصيدة فكان تعليقي جيلنا دا يا اسماء فات فيه الفوات وقلت ليها هاكي أسمعي مطلع القصيدة دي وهي لبنت من بنات الزمن دا.. يقول المقطع
    بابا يا والد
    ما تبقى لي عارض
    ود الناس أحرجتو بسؤالك البارد
    .
    .
    دحين جيل زي دا يا الجندرية بيعرف الدردر..
                   |Articles |News |مقالات |بيانات

08-12-2007, 10:49 AM

محمد النعمان
<aمحمد النعمان
تاريخ التسجيل: 09-04-2004
مجموع المشاركات: 465

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: إسماعيل وراق)

    و"الحور" في قواميس الشوق هو "الروح" مقلوبة.
    وينك إنت؟
    تحياتي.
                   |Articles |News |مقالات |بيانات

08-12-2007, 10:57 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: محمد النعمان)

    Quote: و"الحور" في قواميس الشوق هو "الروح" مقلوبة.
    وينك إنت؟


    الروح مشحتفة يا نعيم

    لكن اليد شاغلها الغرف من الحور والطحن وعواسة العصيدة والرهيفة للضيوف والنشا للمرضانين اجارك النبي

    و مطمورة الشوق ملااااااااانة يعلم الله
    والفي القلب باقي
                   |Articles |News |مقالات |بيانات

08-12-2007, 02:32 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: إسماعيل وراق)

    ازيك يا اسمعين
    دحين جيل زي دا يا الجندرية بيعرف الدردر.

    لكن يا اخوي يعرفو كيفن ، وهو من قبل ما يتولد والبلد في الدرادر ، وما باين ليها عافية
    خلينا يا اسمعين ما نطالب الجيل دا باكتر من قدراتو
    وخليك من الجيل دا نحن جيلنا زاااااااتو بعرف الدردر ؟

    قت لي البنية قالت :
    يا ابوي يا والد ما تبقى لي عارض ؟

    اخير من بتاعت الجيل داااااااك القالت : ابوي ما برجا زوجوني بلا

    تحياتي للصديقة سومة
    ولك اخي اسماعيل
                   |Articles |News |مقالات |بيانات

08-12-2007, 10:56 AM

انعام عبد الحفيظ
<aانعام عبد الحفيظ
تاريخ التسجيل: 12-07-2005
مجموع المشاركات: 8738

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: الجندرية)

    Quote: اوعى ت/ يجي زول / ة يقول لي بت ام لعاب دي شنو ؟


    الجندرية بت ام لعاب دي انا كانت عندي وكنت بحبها وكانت أمي بتخيطها لينا

    وبتتفّنن في عملها وكمان تحنّنها لينا

    بس يا جندرية الـ
    Quote: حُوَر ومطمورة وطاقة
    ديل ما فهمت منهم غير الطاقة
                   |Articles |News |مقالات |بيانات

08-12-2007, 11:14 AM

Nadia Elsir

تاريخ التسجيل: 12-26-2005
مجموع المشاركات: 1396

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: انعام عبد الحفيظ)

    الجندرية حبابك و اليوم السعيد جيدا جابك ,


    سعادة و فرح غامر بحديثك المليان التريان !



    ودى طلة من تالا*النفاج علا بجيك صادة بالدرب بمهلة ان الله مده فى الايام!




    *طالبنك شرح تريان للنفاج سمح و تسلمى يا العديلة!
                   |Articles |News |مقالات |بيانات

08-13-2007, 09:48 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: Nadia Elsir)

    نادية السر
    حبابك عشرة بلا كشرة

    قلت لي طالبني شرح للنفاج

    شرح اكتر من العملو محجوب شريف ربي مد في ايامو ويخدر ضراعو ؟
    داك بيان بالعمل لمفهوم النفاج مش الكلمة المحشورة بين دفتي قاموس

    لكن برضك بجي راجعة ليها

    ويا حليل النفاجات ، قرررررربت تلحق الحور كان ما لحقتو في بيوت اهل الوسط
                   |Articles |News |مقالات |بيانات

08-13-2007, 07:53 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: انعام عبد الحفيظ)

    انعام صباح الخير


    Quote: بت ام لعاب دي انا كانت عندي وكنت بحبها وكانت أمي بتخيطها لينا

    وبتتفّنن في عملها وكمان تحنّنها لينا

    بركة يا نعومة اللحقتي اللعب بي بت ام لعاب او بت الليون ، لكن نحن كنا بنحنها برااانا وندرب فيها
    عشان كدا الحنان ما كسبن مننا قرش

    قلت ما عرفتي غير الطاقة
    طيب عنقلتها دي عرفتيها؟
    لوووووووول

    جد جد
    الحور وادينا شرحناهو
    المطمورة : الحفيرة تحت الأرض تخبأ فيها الحبوب ونحوها*
    وعيش المطمورة الله لا ضوق ليه يا نعومة ، طعمو كيف كيف

    * قاموس اللهجة العامية لعون الشريف قاسم
                   |Articles |News |مقالات |بيانات

08-12-2007, 11:07 AM

قرشـــو
<aقرشـــو
تاريخ التسجيل: 02-05-2002
مجموع المشاركات: 11371

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: الجندرية)


    الجندرية

    سلام يا ستى والله ليك وحشة شديدة ياخى

    بعودتك يقينا تعود للبورد عافيته

    جميل ان نبقى فى حضرة كبارنا ونستزيد منهم من معلومات ومعارف قديمة
    امامهم نصبح كالاطفال نريد ان نسمع كل شىء وان يقال لنا كل شىء
    اطال الله اعمارهم ومتعهم بالصحة العافية ....

    وبنا يجعل حورك دائما مليان بالعيش والدخن والقمح ....

    ويديك العافية تعجنى وتعوسى وتسوطى (سواطة العصيدة بس) وتكفى الضيفان والحبان
                   |Articles |News |مقالات |بيانات

08-12-2007, 12:06 PM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: قرشـــو)


    سلامات يا أماني
    حاجه حلوه نشوفك تاني

    (أنفع شاعر مش كده ؟)

    جميل البوست ده ، وقبل كده كنت معجب بالبوست
    حق تيسير الذي بدأته بنضفة الكمونية وأسترسلت
    فيها ومعها أخريات فقرات فيه حاجات عجيبة والله .

    زي كلام أمك ده يا أماني بيخليني انتبه إنو لغتنا
    المحكية الايام دي ، لغة جافة ويابسة ..
    إحتمال ده بيعكس كمان المنظور البنشوف منو العالم ..

    غايتو ..

                   |Articles |News |مقالات |بيانات

08-12-2007, 12:17 PM

حمزاوي
<aحمزاوي
تاريخ التسجيل: 10-10-2002
مجموع المشاركات: 11529

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: الجندرية)

    الاخت الجندرية
    مسكاقمي

    Quote: لكن الحور دا ببنوهو بنى ، وبكبو فيه العيش عشان يشيل منو النسوان ويطحننو بالمحراكة . وكل ما الكمية تقل يشيلو بالفتحة القريبة.

    فعلاً هذا الحور موجود حتى الآن عندنا في منطقة المحس ويستخدم في وضع العيش والقمح وايضاً البلح ولكن الاسم مختلف يسمى بالقسيبة ( الجمع القواسيب ) وهي كلمة نوبية ولكن يطلق عليه نفس الاسم عند الشايقية وهي مستخدمة في منطقة الشايقية .
    يعني نحن لسع ناس قدام ونستخدم حاجات قديمة واثرية كمان
    لك الشكر على هذا البوست الجميل
                   |Articles |News |مقالات |بيانات

08-12-2007, 01:28 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10193

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: الجندرية)

    سلامات يا جندرية يا فنجرية. والتحيات للوالدة الفصيحة والحكاءة. بحثت فوجدت. هاكى ما وجدت. قد تجدين فيما وجدت إجابة لموجدة السؤال..
    __________

    حور
    حور: الحَوْرُ: الرجوع عن الشيء وإِلى الشيء، حارَ إِلى الشيء وعنه
    حَوْراً ومَحاراً ومَحارَةً وحُؤُورواً: رجع عنه وإِليه؛ وقول العجاج:
    في بِئْرِ لا حُورٍ سَرَى وما شَعَرْ
    أَراد: في بئر لا حُؤُورٍ، فأَسكن الواو الأُولى وحذفها لسكونها وسكون
    الثانية بعدها؛ قال الأَزهري: ولا صلة في قوله؛ قال الفرّاء: لا قائمة في
    هذا البيت صحيحة، أَراد في بئر ماء لا يُحِيرُ عليه شيئاً. الجوهري: حارَ
    يَحُورُ حَوْراً وحُؤُوراً رجع. وفي الحديث: من دعا رجلاً بالكفر وليس
    كذلك حارَ عليه؛ أَي رجع إِليه ما نسب إِليه؛ ومنه حديث عائشة: فَغَسلْتها
    ثم أَجْفقتها ثم أَحَرْتها إِليه؛ ومنه حديث بعض السلف: لو عَيَّرْتُ
    رجلاً بالرَّضَعِ لخشيتُ أَن يَحُورَ بي داؤه أَي يكونَ عَلَيَّ مَرْجِعُه.
    وكل شيء تغير من حال إِلى حال، فقد حارَ يَحُور حَوْراً؛ قال لبيد:
    وما المَرْءُ إِلاَّ كالشِّهابِ وضَوْئِهِ،
    يِحُورُ رَماداً بعد إِذْ هو ساطِعُ
    وحارَتِ الغُصَّةُ تَحُورُ: انْحَدَرَتْ كأَنها رجعت من موضعها،
    وأَحارَها صاحِبُها؛ قال جرير:
    ونُبِّئْتُ غَسَّانَ ابْنَ واهِصَةِ الخُصى
    يُلَجْلِجُ مِنِّي مُضْغَةً لا يُحِيرُها
    وأَنشد الأَزهري:
    وتِلْكَ لَعَمْرِي غُصَّةٌ لا أُحِيرُها
    أَبو عمرو: الحَوْرُ التَّحَيُّرُ، والحَوْرُ: الرجوع. يقال: حارَ بعدما
    كارَ. والحَوْرُ: النقصان بعد الزيادة لأَنه رجوع من حال إِلى حال. وفي
    الحديث: نعوذ بالله من الحَوْرِ بعد الكَوْرِ؛ معناه من النقصان بعد
    الزيادة، وقيل: معناه من فساد أُمورنا بعد صلاحها، وأَصله من نقض العمامة بعد
    لفها، مأْخوذ من كَوْرِ العمامة إِذا انقض لَيُّها وبعضه يقرب من بعض،
    وكذلك الحُورُ، بالضم. وفي رواية: بعد الكَوْن؛ قال أَبو عبيد: سئل عاصم
    عن هذا فقال: أَلم تسمع إِلى قولهم: حارَ بعدما كان؟ يقول إِنه كان على
    حالة جميلة فحار عن ذلك أَي رجع؛ قال الزجاج: وقيل معناه نعوذ بالله من
    الرُّجُوعِ والخُروج عن الجماعة بعد الكَوْرِ، معناه بعد أَن كنا في
    الكَوْرِ أَي في الجماعة؛ يقال كارَ عِمامَتَهُ على رأْسه إِذا لَفَّها، وحارَ
    عِمامَتَهُ إِذا نَقَضَها. وفي المثل: حَوْرٌ في مَحَارَةٍ؛ معناه نقصان
    في نقصان ورجوع في رجوع، يضرب للرجل إِذا كان أَمره يُدْبِرُ. والمَحارُ:
    المرجع؛ قال الشاعر:
    نحن بنو عامِر بْنِ ذُبْيانَ، والنَّا
    سُ كهَامٌ، مَحارُهُمْ للقُبُورْ
    وقال سُبَيْعُ بن الخَطِيم، وكان بنو صُبْح أَغاروا على إِبله فاستغاث
    بزيد الفوارس الضَّبِّيّ فانتزعها منهم، فقال يمدحه:
    لولا الإِلهُ ولولا مَجْدُ طالِبِها،
    لَلَهْوَجُوها كما نالوا مِن الْعِيرِ
    واسْتَعْجَلُوا عَنْ خَفِيف المَضْغِ فازْدَرَدُوا،
    والذَّمُّ يَبْقَى، وزادُ القَوْمِ في حُورِ
    اللَّهْوَجَة: أَن لا يُبالغ في إِنضاج اللحم أَي أَكلوا لحمها من قبل
    أَن ينضج وابتلعوه؛ وقوله:
    والذم يبقى وزاد القوم في حور
    يريد: الأَكْلُ يذهب والذم يبقى. ابن الأَعرابي: فلان حَوْرٌ في
    مَحارَةٍ؛ قال: هكذا سمعته بفتح الحاء، يضرب مثلاً للشيء الذي لا يصلح أَو كان
    صالحاً ففسد. والمَحارة: المكان الذي يَحُور أَو يُحارُ فيه. والباطل في
    حُورٍ أَي في نقص ورجوع. وإِنك لفي حُورٍ وبُورٍ أَي في غير صنعة ولا
    إِجادة. ابن هانئ: يقال عند تأْكيد المَرْزِئَةِ عليه بِقِلَّةِ النماء: ما
    يَحُور فلان وما يَبُورُ، وذهب فلان في الحَوَارِ والبَوَارِ، بفتح
    الأَول، وذهب في الحُورِ والبُورِ أَي في النقصان والفساد. ورجل حائر بائر،
    وقد حارَ وبارَ، والحُورُ الهلاك وكل ذلك في النقصان والرجوع. والحَوْرُ:
    ما تحت الكَوْرِ من العمامة لأَنه رجوع عن تكويرها؛ وكلَّمته فما رَجَعَ
    إِلَيَّ حَوَاراً وحِواراً ومُحاوَرَةً وحَوِيراً ومَحُورَة، بضم الحاء،
    بوزن مَشُورَة أَي جواباً.
    وأَحارَ عليه جوابه: ردَّه. وأَحَرْتُ له جواباً وما أَحارَ بكلمة،
    والاسم من المُحاوَرَةِ الحَوِيرُ، تقول: سمعت حَوِيرَهما وحِوَارَهما.
    والمُحاوَرَة: المجاوبة. والتَّحاوُرُ: التجاوب؛ وتقول: كلَّمته فما أَحار
    إِليَّ جواباً وما رجع إِليَّ خَوِيراً ولا حَوِيرَةً ولا مَحُورَةً ولا
    حِوَاراً أَي ما ردَّ جواباً. واستحاره أَي استنطقه. وفي حديث علي، كرم الله
    وجهه: يرجع إِليكما ابنا كما بِحَوْرِ ما بَعَثْتُما بِه أَي بجواب ذلك؛
    يقال: كلَّمته فما رَدَّ إِليَّ حَوْراً أَي جواباً؛ وقيل: أَراد به
    الخيبة والإِخْفَاقَ. وأَصل الحَوْرِ: الرجوع إِلى النقص؛ ومنه حديث عُبادة:
    يُوشِك أَن يُرَى الرجُل من ثَبَجِ المسلمين قُرَّاء القرآن على لسان
    محمد، صلى الله عليه وسلم، فأَعاده وأَبْدَأَه لا يَحُورُ فيكم إِلا كما
    يَحُور صاحبُ الحمار الميت أَي لا يرجع فيكم بخير ولا ينتفع بما حفظه من
    القرآن كما لا ينتفع بالحمار الميت صاحبه. وفي حديث سَطِيحٍ: فلم يُحِرْ
    جواباً أَي لم يرجع ولم يَرُدَّ. وهم يَتَحاوَرُون أَي يتراجعون الكلام.
    والمُحاوَرَةُ: مراجعة المنطق والكلام في المخاطبة، وقد حاوره.
    والمَحُورَةُ: من المُحاوَرةِ مصدر كالمَشُورَةِ من المُشاوَرَة كالمَحْوَرَةِ؛
    وأَنشد:
    لِحاجَةِ ذي بَتٍّ ومَحْوَرَةٍ له،
    كَفَى رَجْعُها من قِصَّةِ المُتَكَلِّمِ
    وما جاءتني عنه مَحُورَة أَي ما رجع إِليَّ عنه خبر.
    وإِنه لضعيف الحَوْرِ أَي المُحاوَرَةِ؛ وقوله:
    وأَصْفَرَ مَضْبُوحٍ نَظَرْتُ حَِوارَهُ
    على النَّارِ، واسْتَوْدَعْتُهُ كَفَّ مُجْمِدِ
    ويروى: حَوِيرَه، إِنما يعني بحواره وحويره خروجَ القِدْحِ من النار أَي
    نظرت الفَلَجَ والفَوْزَ.
    واسْتَحار الدارَ: اسْتَنْطَقَهَا، من الحِوَارِ الذي هو الرجوع؛ عن ابن
    الأَعرابي.
    أَبو عمرو: الأَحْوَرُ العقل، وما يعيش فلانٌ بأَحْوَرَ أَي ما يعيش
    بعقل يرجع إِليه؛ قال هُدْبَةُ ونسبه ابن سيده لابن أَحمر:
    وما أَنْسَ مِ الأَشْياءِ لا أَنْسَ قَوْلَها
    لجارَتِها: ما إِن يَعِيشُ بأَحْوَرَا
    أَراد: من الأَشياء. وحكى ثعلب: اقْضِ مَحُورَتَك أَي الأَمر الذي أَنت
    فيه.
                   |Articles |News |مقالات |بيانات

08-12-2007, 03:46 PM

Alshafea Ibrahim

تاريخ التسجيل: 12-12-2004
مجموع المشاركات: 6955

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: الجندرية)

    سلام يا جندرية
    كنا نساعد الأمهات والحبوبات في بناء وتشيد الحور زمن كان الفقير والغني يسكن (القطية) - وياسلام بعد ما ينتهي البناء نقوم بجمع (روث) البقر ونخلطة بالماء لمدة ثلاث أيام أو أكثر لزوم (التخمير) ويالله لما نقوم نفتح (كوم) الروث المبلل ونستنشق تلك الروائح المنبعثة منه ونحمله لأمهاتنا وحبوباتنا ليتولن عملية (اللياس) بكسر اللام ، وبعد ما يجف (اللياس) يكتمل شكل (الحور) ياسلام - وكمان بعضنا في (الفريق) يضع عليه (قطية) من قش (النال) وعيدان (السدر) والسنط ويا أجمل سكن للعرسان وقتها - وبعد إنتهاء العمل ما أحلى (ملاح اللوبة) المسحونة على (المرحاكة) بالعصيدة السمراء (فتريتة) - ياسلام - واصلي قاعدين ومنتظرين وتحايا عطرة للوالدة الحاجة.
    الشفيع إبراهيم
                   |Articles |News |مقالات |بيانات

08-12-2007, 04:07 PM

الملك
<aالملك
تاريخ التسجيل: 01-02-2005
مجموع المشاركات: 5756

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: الجندرية)

    والله الحور انتى دى

    ...
    ...

                   |Articles |News |مقالات |بيانات

08-12-2007, 05:17 PM

معتصم دفع الله
<aمعتصم دفع الله
تاريخ التسجيل: 12-18-2003
مجموع المشاركات: 12722

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: الجندرية)


    أماني الغالية ..
    ليك وحشه يعلم الله ..

    داك زمن بحنيته وأهله الطيبين ..
    تكاد تكون إندثرت هذه الأشياء وقل إستخدام مصطلحاتها ..
    كثيرون من هذا الجيل لا يعرفها ولا يدري عنها شي ..

    دائماً بتتحفينا بحاجات حلوة ..
    الله يديك العافية ..
                   |Articles |News |مقالات |بيانات

08-13-2007, 10:08 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 5505

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: الجندرية)

    إزيك يا أمانى

    كيفنك والعيال وعثمان إن شاء الله يكون بقى شديد تب

    تعرفى يا أمانى

    المرحلة البين المطمورة والحور

    حاجة إسمها "السويبه"

    ممكن تتنطق كده

    Siwaiba

    برضو ببنوها جوه البيت وغالبا جوه "القطيع"

    بتتعمل من الطين طبعا وبتكون فى هيئة برميل ودى بتستعمل فى تخزين العيش للإستخدام لفترات ما طويلة

    يعنى ممكن تحفظى فيها ما يعادل تلاتة أو أربعة شوالات عيش

    وأرقدى سعادة وعافية
                   |Articles |News |مقالات |بيانات

08-13-2007, 02:03 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 15389

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: أبوذر بابكر)


    نصلى فروضنا ونحظ عروضنا
    متحزمين ومتلزمين على نوايب
    الزمان وصروف القدر .
    الكثير لا يبطرنا
    والقليل لا يقلقنا ،
    حياتنا طريقها مرسوم ومعلوم
    من المهد الى اللحد.___ العالمى الطيب صالح
    __________

    اخت / جندرية سلامات
    انتظرنا امك حتى تاتى
    الينا من تلك الايام
    والزمانات العامرة بالرضى والقسمة التى قسمها الله لنا
    لها ولكم التحية _
    وبعدين يا عثمان خبر كبرى رفاعه شنو ؟
    بختكن . تانى الحصاحيصا بس جكه
    يعنى حور ومطمورة وطاقة وكبارى طايره شوف الزمن ده بجرى كيف ؟
                   |Articles |News |مقالات |بيانات

08-18-2007, 04:30 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: حُوَر ومطمورة وطاقة (Re: الجندرية)

    شكرن ياالحبان المرن ومرو من هنا

    راجعة باذن الله
    قولن / و بس يا داحر الافات
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de