|
|
|
 Re: أهدانــا خالد المحــرب .. ( يوســف البنا ) (Re: tmbis)
|
الأخ الحبيب علاء تمبس
Quote: اهدانــا واسرته:
كــرم .. وجود.. وليلة جميلة محفــورة في الذاكرة.. |
خالد المحرب رجل شيخ عرب وكريم وابن اصول,
له التحية فقد فاتتني دعوته واعتذرت لوصولها متأخرة,
ولنا لقاءات بإذن الله
احمـد الشايقي
| |
 
|
|
|
|
|
|
|
 Re: أهدانــا خالد المحــرب .. ( يوســف البنا ) (Re: أحمد الشايقي)
|
العزيز أحمد الشايقي ..
لنا لقاءات بإذن الله .. الجايات اكتر من الرايحات .. لكن بالأمس كان يوم مشهــود .. أعاد لنا ذكرى ايام جميلة فقدناها بالرغم من تواضع الفكرة إلا أنها كانت كبيرة والمساحة الصغيرة بصالونه العامر .. كانت قادره أن تشيل مليون .. بنفوسهم الطيبة .. ومع العشاء الفاخــر من إيد أم أحمد كانت خلفيتنا الموسيقية .. اشعار يوسف البنا شاعر البطانة .. ولو لا الوجبة الدسمة ومعها ( تحليتها ) .. لكانت هناك صولات وجولات ونزالات في البطان خاصة وإن معظمهم حضر وحرمه المصون .. واطفاله ،، ولنا في زغاريد مهيرة بت عبود اسوة حسنة 
بس كنا ح نضيع انا ومعصتم .. لانو ما لينا وجيــع
| |
|
|
|
|
|
|
|
|
|
Re: أهدانــا خالد المحــرب .. ( يوســف البنا ) (Re: مجاهد عبد الرحمن)
|
مجاهد عبد الرحمن
كيفك؟:Quote: يوسف البنا من الأصوات الشعرية الجميلة في ساحة الأدب الشعبي
ولا غرو وهو سليل أسرة البنا حيث يولدون وهم يحملون مزمار داؤد في حناجرهم وألسنتهم |
..اسرة البناب .. اسرة عريقة ليها باع في الغناء الشعبي وهم احسن ما يكتبون ويتغنون بهذا الضرب .. ابتداء من الفرجوني مرورا بعاصم والأمين ومازالت اذكر برنامج ( القنيص ) الشهير الذي كان يقدم ضمن برنامج صور شعبية للراحــل الطيب محمد الطيب ..
ود الشوبلي بطرفي الكثير من اشعاره .. وسنفرد له مساحة خاصة لمتابعته.. قريبا.
التحية ليك ولخالد المحــرب شيخ العرب..
| |
|
|
|
|
|
|
|
|
|
Re: أهدانــا خالد المحــرب .. ( يوســف البنا ) (Re: ahmed haneen)
|
شكراً تامبا .. شكرا خالد المحرب
بس أبعدو السوط .. ألم يقل لكم
حنين أن الشريط خاص بحاجة زينب
المرأة الحاضرة الذكية - أطال الله
عمرها - ورغم ذا فلن يطالب بقسمة
(الشريط) .. ولكني لم أفهم الخاتمة
(ولا نامت أعين الجبناء) .. أخاف
أنه يود أن يقول: (أن الحزم والعزم
سلبان سوطي وأبدلاني به سيفي
فقائمه في يدي ونجاده في عنقي
وذبابه قلادة لمن عصاني) ..
شكراً لكم فقد أهديتمونا مساءاً
جميلاً .. يصدق من قال: (إنه وطن
جميل رغم التناقض في أزقته.. إنه
وطن جميل).
| |
|
|
|
|
|
|
|
|
|
Re: أهدانــا خالد المحــرب .. ( يوســف البنا ) (Re: Mohamed Abdelgaleel)
|
Quote: شكراً لكم فقد أهديتمونا مساءاً
جميلاً .. يصدق من قال: (إنه وطن
جميل رغم التناقض في أزقته.. إنه
وطن جميل). |
.. انهم اصدقاء انبياء بحجم السماء .. كانت ليلة سنحتفظ بها كثيرا وسنحكيها لأيام قادمة .. ويقيني كلما اجتمعنا في مساحة .. كلما ارتفع صوت المحبة والحكمة والونسة اللطيفة والأطروحات الموضوعية .. وكل البوستات البتتفتح على الهواء الطلق الاسهام فيها بيكون اضافة لي كل واحد فينا بالرغم من تعدد الأفكار والايدلوجيات .. ... يا جنرال .. ده كلام خطيررر .. السوط ده اليوم داك علاقتو كان مفترض تكون جميلة جدا مع القعدة نفسها .. أحمد حنين عندنا معاهو تار مبيت .. كنت كل دقيقة بقول لي المحرب ياخي ما تجيب السوط وجيه لينا المقاتل ده ..
غايتو يا مقاتل الليلة ديك انقذتك لطافة الحاجة زينب .. غايتو تاني كان جيت براك .. تعال مردف .. لانو ( الفوره ألف )..
| |
|
|
|
|
|
|
|
|
|
Re: أهدانــا خالد المحــرب .. ( يوســف البنا ) (Re: ahmed haneen)
|
Quote: الشريط دا حق الحاجة زينب بت حسن بشير..
لن نسكت علي هذا التهميش |
.. يا مقاتــل .. والله الحاجة زينب تستاهــل الضبائح حسب الروايات المذكــورة .. والحاجة اربابة وكنز .. الله يديها طول العمــر والصحة..
ومن هذا المنطلق نتضامن معاك .. لانو فعلا حسيت بيك مهمش الأيامات الفاتت دي ..
أرفعـوا ايديكم عن أحمد حنين .. معا من أجل أن يأخذ احمد حنين حقه كاملا ..
بس يا مقاتل بعدين ادفع لينا كويس .. ما تاكل حقنـا كمان..
| |
|
|
|
|
|
|
|
|
|
Re: أهدانــا خالد المحــرب .. ( يوســف البنا ) (Re: abubakr)
|
Quote: ايها الاحباب
ما رايكم في حصد ارواح اهلنا العزل في كجبار؟؟
مودتي
ابوبكر |
لا حولة ولا قوه الا بالله
بقينا يا ابوبكر في زمن الغرابين
زمان كان الغربان شخص واحد يقدم لدفع البلاء
او جلب المصلحه0
لكن نحنا غرابينا بالمئات كل يوم كبه جديده
وشكلنا ح نتعود علي الليله تواسني وبكره اكيد ح اواسيك
لانه حيجي يوم ينزع منك اعز شي الله يستر0
ويقدم غربان
ابوبكر نحنا قسمو مننا حيشانا البتنوم فيها
بناتنا وعندنا ناس ساكتين لكن كان قاموا
الدم ببقي لي الركب
الله يهون مصيبتكم
عفاف ابوحريره
| |
|
|
|
|
|
|
|
|
|
Re: أهدانــا خالد المحــرب .. ( يوســف البنا ) (Re: عفاف أبو حريرة)
|
عليك الرسول يا ود المحرب ناولني السوط خليني ادق كراعيى تااااااااااح واشنق الطاقية وتحزم واتلزم و اعتق ليك الرطانى ده
دحين زولكم بيجي بباري بالمنبر ده تاني يا عفاف ؟
هييييييييييه تمبوسي البوست السمح ده سويتو متين كنت مشغول انا بالحيل وقعت فيهو وقعة ساااااااااى .
عليك الرسول ود المحرب السوط ده هسع معاك في البيت في الحجاز؟
| |
|
|
|
|
|
|
|
|
|
Re: أهدانــا خالد المحــرب .. ( يوســف البنا ) (Re: tmbis)
|
عاطر التحايا ياتمبس
التراث الصوتى والصورى لانعرضه للتفاخر
فنحن لانستطيع تمثيل فترة تاريخيه إلا للعظه أو لمانوده,
هذا موروث يحوى قيم عاليه ..
هل ستكون هنالك محاولة لتفكيكها..??
أم أنه مزاج وعرض
هذه مادة دسمة للتناول الموضوعى
ولكنها أيضآ آضيق زوايا الفهم أن لم تستوعب
| |
|
|
|
|
|
|
|
|
 Re: أهدانــا خالد المحــرب .. ( يوســف البنا ) (Re: الجيلى أحمد)
|
سلامات يا الجيلي .. واسمح لي والمتداخلين ..ان اجيبك على ما كتبت قبل الرد للمتداخلين اعلاه | Quote: التراث الصوتى والصورى لانعرضه للتفاخر فنحن لانستطيع تمثيل فترة تاريخيه إلا للعظه أو لمانوده , هذا موروث يحوى قيم عاليه .. |
.. لم اتبين حقيقة ما تلمح به في كلمة لا نعرضه للتفاخــر ..؟ إلا وهناك بعض التحفظات الخاصة بك ما اتضحت لي بصورة أوضح مما رايت .. التراث الصوتي والصوري كما اسميته يمكن ان يتسوعبه الجميع فهذا ليس تراث صوتي إنما ضرب من الأدب الشعبي إذا جازت لي التسمية وهو متبع في الكثير من مناطق السودان لكن هذه المنطقة المحددة اشتهر اهلها بهذا النوع من الحديث .. نجد موازيا له العديد من الفنون مثل موسيقى القبائل التي يتغنون بها في مناسباتهم الخاصة .. نجد الحكامات في مناطق متفرقة .. ومجمل هذا الحكي أما للفراسة ، للرثاء ، للفخــر ، للتعريف .. فلا اجد ضير من عرضه وتسليط الضوء عليه ـ وهو ليس بتراث ( صوري ) وحقيقة لم استبين ايضا مفردة ( صوري ) القصد منها وحتى تعود لنسهم في استمرارية البوست .. ومن نحن الذين لا نستطيع( ثمثيل فترة تاريخية محددة؟؟ )..
نعم هذا موروث يحوي الكثير .. فماذا تعتقد هل هناك ما اصبته به من تشويه ..؟ أم حاولات تفريغه من قيمته التي ذكرت ؟؟ | Quote: هل ستكون هنالك محاولة لتفكيكها..?? أم أنه مزاج وعرض هذه مادة دسمة للتناول الموضوعى ولكنها أيضآ آضيق زوايا الفهم أن لم تستوعب |
.. محاولات التفكيك غير مرهونه للتوجيه ... بل اي مادة تعرض في منابر الحوار يمكن ان تأخذ حيز واسع من النظر لها من كل الجوانب .. وكل يجد فيها ما يلبي حاجته .. وانا عندما عرضت هذه المادة فعلا عرضتها من أجل المزاج الخاص بي وحسب استمتاعي بهذا الفن .. وللشخص المعنون البوست باسمه .. فإذا كانت هناك محاولات تفكيكيه أو تشريح هذه النصوص .. فمرحب باسهامتك وبي اسهامات الغير .. وما دون ذلك أو بصورة اوضح للمتلقي العادي فمرحب ايضا .. ولضيق الفهم ايضا رؤية يجب ان لا نحرمه منها حتى يتستقيم له المبدأ ومن ثم الفهم الصحيح.. وللملاحظة انه ليست المرة الأولى التي اتناول فيها هذا النوع أو يوسف البنا تحديدا كما فعل غيري الكثير فالارشيف يحوي الكثير .. لكن اخشى أننا في طــور تفريغ كل الاشياء من محتوياتها وتحميلها اكثر مما تستحق..
| |
|
|
|
|
|
|
|
|
|
Re: أهدانــا خالد المحــرب .. ( يوســف البنا ) (Re: tmbis)
|
وين يالبري
دودة كيده البفرج نار همومي وشري
عفستبو العبوس فارس العجاجها يطري
سابل عرضو وافر وحاشا مو متعري
دفاع البداني التيه بقون وعشنق
فوق ضيفانو طرباناً بتيتل شنق
فارس الدنقلن ندل ضحيوه اتخنق
روى العطشانه في عصر التريه الزنق
رحل العندو لي كل ود فراش تقدير
ماصع ديما طول ليلو ونهارو هدير
يوم دبتي الخيول والمعركة ام قصطير
بيطرا متبر القدم الحداهو قصير
رحل الجودو مابتحاكا دربو مزالق
رحل الببسط الدعجا الوضيبها كلالق
رحل البدفر الوتر جاهو مشالق
رحل الكفو زي سيل المطور الدالق
قول ليي اردب
رحل الفي المحول بدي الضعاف بالاردب
رحل المن حمول الغير مكرك سردب
النيل الدغورو اتراشا طربان هردب
بِدفع ديما مابهم من غناهو وفقرو
عارف كل حياً بندمر في مقرو
الجزر السمان لي ضيفو وارك عقرو
فارس زقرت اليوم البخوجل صقرو
رجلو تقيلة في كبد المحاصات حارنه
ايا جبارة العامة البراشي عمارنا
عليهو تعج تنوح ست الحشا المتمارنا
والنوق برضو حنن قالن ايا حدارنا
آدم في البلد نواره
تبكي العمة سارفا دموعا فاقده حدارا
فقدنوا العوادي الفي المحل دواره
خت الهيجه بكري وناقتو نافره حوارا
الطامة البتاخد سيدا كم لازمها
حدود السمتا نجض كيتا ووسمها
رحل المونتو في سنين المحول قسمها
ياعلي فرقو جرح كبدتي وسممها
رحل البي الخمام بمصع ويطبق الزيمه
رحل البفرج الكربه ويفك الضيمه
رحل العندو في كل المجالات قيمه
رحل الببسط الدعجه البقود هضليما
رحل الجودو مو سخله وعتود دغاي
رحل البدفع الدرشي ويداني الناي
رحل الدارو لليتمى المساكين تاي
رحل الليدو سارية السما الدوداي
هل ودوبا ياابوعروض
والموت اصلو حقاً واجباً مفروض
محور فرقك اتواتانا كي ونجوض
اللاقانا كلو يعج تقول معضوض
فقد العامه ابكوا وخنقوا النقارة
صعيداً وشرق وسافل وبالغرب لابارا
فوقوا ضيفوا يتعقبوا وفراحا بطارا
صمد امات سبيب الحمحمن في الدارا
فوايدك زاتا مالا حدود ومابتتكافى
من الريبه نفسك ياابشنب عوافه
قشاش دمعة الدعجه المضمر هافا
هل ودوبا يابقدم العبوس عسافا
دابي المربط الحجر دروبو ودكك
درداق للجز في الهامه ضربك ونكك
متلك مالاقاني مقطوع شكك
خصيمك ديمه في الهرسة البتاخدو ملكك
كان الموت بشاور اصلو مابنديك
لكن العمر عند الولاو شريك
خيراً سيتو في الدنيا العبوس راجيك
ياابقدم المجالات كلها بتبكيك
فرقك في الضمير فتق جروحو وخزن
بلدك كلو فاقدك مرخ و سمر وقوزن
ناس وادي الرسن والرفدي برضو بعزن
لي فارس المغارات ام مدافعن رزن
ابكو علي العزيزنسبو ومنسل حر
قشاش دمعة الدعجة الوضيبها بجر
رقد فار المغارات ام خيولاً غر
بت الحسكنيت رزمت وابت ما تدر
فاقداك الغفارات ام عبرتاً ضارعا
والوعر التقرقر في الاسود متصارعه
سكيمك على عدل الردوف متسارعه
ياابشنباً ملوى عالية ناقتك وفارعه
دفاع البشابه قجة الشراك
حلال البضيق عن زقرة الكوراك
كل الحيه سارفه دموعا تبقي وراك
رحل الصيد روايق همل الشراك
اياك فارس الخوده البركز الصف
غير الطيبات بي شينه مااتوصف
اصلو الدنيا متى ماتدور بتخطف كف
كان ببقالي في كفنك معاك بلَف
راح سيف السحابة الديمه جايبه النصر
شروق وغروب وصعيداً وبنفقد لامصر
يابركة برا ويس وسورة العصر
تدخل الجنة لوج عالي وسكونك قصر
| |
|
|
|
|
|
|
|
|
|
Re: أهدانــا خالد المحــرب .. ( يوســف البنا ) (Re: عماد محمود علي)
|
تامبا0 نحن نفسنا ما بندرعه المابيها
لكن انتو بورداب الرياض عامه وانت خاصه تستاهلو كل خير
بما في ذلك غناء المبدع يوسف البناء
كلام يوسف ده ياتمبس منهج تربوي كامل
ياريت الزمن يرجعنا لي زمن الرجال
الرثاهم امثال الناظر ابقدم
يوسف البنا :شايف فيك فعايل والدك
شايف فيك فعايل والدك الكات عندو
ستّار للعروض ديمه القرش بتفندو
الحصحاصه فى المثل الضرس بتسندو
والأجواد غناهو وفقرو واحد عندو
البيناتنا عبدالله كلو محنه
سيف الدوله أخوى إنشاءالله مأواو الجنه
حاشاك القصار لكن مجرد سنه
تارك ليك بنات لاتهملن ياالبنا
أمّنتك بناتى السته خُد تسليمن
باكر بكبرن وإسمح وإقود هضليمن
كان ماصانن الراجل البفشش ضيمن
هِم الفايده ياأبو البنا فى تعليمن ؟؟
بابا السوس بقددو فى العضم نخّار
فى كل المجالس بيكا عز وفخار
صينن صاح وأعبد المولى وأسجد خار
من طين البنات بتكسّرن فخّار
أنا كان متا إتا إياك وكيل الأسره
لا تهمّل بنات إتقددن بالحسره
وكت العيش إعز شلبك بتدى الكسره
إيدك وابل العين البرك السسره
أمرك أسندو للمولى الكريم بتيسر
ياود حوا عركاى القوارح وكٌسّر
أصو البت قزاز إن ماحفظتو إتكسّر
علما صاح عليك لابتطغى لابتتجسّر
أديها النصيحه وكلما وصارحا
بتدس شينا دايماً وتفتخر بى سمحا
أخطى المرمىإن ماضرّ مابصلحا
لى ود الفراش بى هن تمر صافحا
وقدر ماتنبلى وتعاكسك الأيام
لا تقرب حقوق العادم الإكرام
حذريك يالأصم لاتخالط القرام
قروش المفلس أب مخاً عقيقه حرام
مايقولك وحاتك واللقولك ردتك
يسوى عليك سوالفاً بيها يهرى كبدتك
أب عرضاً مشرط منو أرجل بتك
بعد عشرين سنه إن عاتبتو بيهن ينتك
وفيهن داير أرباح ماهو دا براس مالو
أصلو بقدس الربا يالطيف من حالو
فى اللوم والعيوب فات الورا وقدامو
كسبو حرام وكضبو دوام وبسمع قالو
| |
|
|
|
|
|
|
|
|
|
Re: أهدانــا خالد المحــرب .. ( يوســف البنا ) (Re: عفاف أبو حريرة)
|
حبيبنا / تامبـــــا
يامفجر الإبداع الخرافي ..
في حضرة الأرباب أبو أحمــد والأربابة أم أحمد .. الكلام مابوفوي ..
وأنا شايف إبداع يوسف البنا .. مافاطيهم .. وأظنه عناهم عديل كــده بي قوله ..
شايف فيك فعايل والدك الكات عندو
ستّار للعروض ديمه القرش بتفندو
الحصحاصه فى المثل الضرس بتسندو
والأجواد غناهو وفقرو واحد عندو
أه شفته الكلام ده .. أنا شفتوا عديل في الأرابيب ناس المحرب .. ماحدثني بيه زول ..
أما بخصوص من يطالب بأن يفكك هذا الكلام ..
نقول ليه .. ياعزيزي .. هذه الفن الجميل المحمل بالقيم هو الرسالة التي توجه إلى الأبناء من الأباء في ذلك الزمن .. تحثهم على الشجاعة والكرم والجود والفراسة ..
وهو نتاج لكثير من الأشياء .. البادية والخلوة .. وروح القبيلة التي هي كانت الدرع الأخلاقي الواقي لذلك الجيل .. حيث أنهم كانوا لايخافون السلطة .. بل يخافون القبيلة .. ويخافون أن يأتوا بالشينة .. فتوصف بها قبيلتهم .
رحل الدارو لليتمى المساكين تاي
رحل الليدو سارية السما الدوداي
أنظر إلى هذين المقطعين .. فيهم تجسيد لحديث الرسول صلى الله عليه وسلم ( أنا وكافل اليتم كهاتين في الجنة " ومدى أصبعيه ) .. وكذلك الإنفاق الذي حث عليه ديننا الحنيف .. هؤلاء قوم يزرعوا القيم ويوصولها بكل بساطة بشعرهم الجميل هذا إلى الأجيال ..
يا أخي المسألة إبداع .. في إبداع ..
تامبـــــا .. ياخي إنت زول فنان ( مفروض كان تاخد ليك سوط سوطين في تلك الجلسة وكذلك شحرفان )
أخوك / خالد الأرباب
المره الجاية مافي زول يحلف عليه .. خلوني آخد ليه 10 سيطان ..
| |
|
|
|
|
|
|
| |
tmbis
أحمد الشايقي
مجاهد عبد الرحمن
ahmed haneen
Mohamed Abdelgaleel
معتصم دفع الله
عبد الله عقيد
abuguta
humida
Ahmed Abdallah
abubakr
عفاف أبو حريرة
الطيب شيقوق
حبيب نورة
خالد المحرب
الجيلى أحمد
زول ساكت
ismeil abbas
Khalid Saeed
فيس بوك
تويتر
انستقرام
يوتيوب
بنتيريست