|
|
 عمر الفاروق شاعر غنائى ..ماراى السادة النقاد ..؟!
|
زمن العجايب ..
تغلط فيني انت وبرضو أجيك أطايب..
في عيني شايلك وانت بعيد وغايب..
ليه ناسيني انت وليه جافيني سايب..
حقي غفرتو ليك يوم ما تجيني تايب..
اعمل إيه (وحاتك) ده ما حال الحبايب..
يا زمن العجايب..
داسّيك في جوايا ..ضامّيك في الحنايا..
جاري وفي دمايا.. معاي أو ما معايا ..
يا أجمل حكاية ..ويا ملهم غنايا ..
ما هاميك بكايا .. تنهيدي وشقايا ..
يا أقرب قرايب ..
في زمن العجايب..
حارمني لوصالك ..قول يا حبيبي مالك ..
ما كن أصلو حالك ..تزداد في دلالاك..
كيف يخطر في بالك ..يا الساحر جمالك ..
لا يوصل بريدك .. لا مرسالنا جايب..
يا زمن العجايب..
راجيك يوم تعود .. بالشوق والمحنّة ..
شايل ليك ورود .. عامل ليك جنّة ..
واعزف ليك عود..داخل روضة غنّا..
وتوفيني الوعود ..ويبسم لي زمنّا..
يويكون زمن الحبايب ..
مش زمن العجايب..
|
|
 
|
|
|
|
|
|
|
|
Re: عمر الفاروق شاعر غنائى ..ماراى السادة النقاد ..؟! (Re: Elmosley)
|
يااستاذ ..
تحياتى ..
منتخب عديل كدا يااستاذ ...هى المنتخبات
ذاتا انواع ..فى منتخب برشلونه وفى منتخب
الريال وفى منتخب بلبس احمر واصفر وحارسو
بهاء ..الله يستر من الاخير دا ..
ماعندكم يااستاذ تشجيع للمواهب الناشئة دى ..
هو صاح (شنااااف ) وما(بقتنع) ..لكن برضو
كونو تطلع منو حاجات زى دى دا كلام كويس ..
النقد دا فى ابسط معانيهو تمييز الجيد من الردىء
بس كدا اجتهد لينا فى قصيدة عمر دى وطلع لينا
منها الجيد زى ماحتطلع الردىء ..
فى انتظارك ...ودى
| |
|
|
|
|
|
|
|
|
|
Re: عمر الفاروق شاعر غنائى ..ماراى السادة النقاد ..؟! (Re: محمد عبدالرحمن)
|
الموسيقار الموصلي:
| Quote: الليله ياعمر القال ليك جيب شعرك هنا منو |
والله يا موصلي انا لا شاعر ولا مستشعر ولا الشعراوي ..
الظاهر محمد عبد الرحمن ده عندو معاي حسابات عايز يصفّيها وانت سيد العارفين التاجر لمن يفلس بيفتش دفاترو القديمة ..
الموضوع ونسة ساي لكن ود أربجي ده رايح ليهو بوست قام عملني كبش فداء ..
Quote: ياخي القصيده دي تعتبر منتخب القصيده
يعني انا في كل مقطع فيها شايف غنوه
اها وبجيك بالتفاصيل بعدين |
يا استاذ والله ما تتعب التفاصيل معروفة وانا براي فصلتها ودي ما قصيدة دي عصيدة 
محمد عبد الرحمن ده خفيف ولفيف وعايز يورطني معاكم ..
وعلى قولك دي كوكتيل قصيدة شي منقة وشي موز وشي طماطم على حبة جزر وعجور..
يعني الشغلانة جايطة ..
تخريمة :
أبسط يا عم أهو جاتك أغنية من السما لي شريط شروق ومن أسة انا ما بقبل إلا بي إسم الألبوم يكون بي إسم زمن العجايب (مسلسل أطفال بس)
| |
|
|
|
|
|
|
| |
محمد عبدالرحمن
Elmosley
عمر الفاروق
Ahmed Abdallah
khaleel
فيس بوك
تويتر
انستقرام
يوتيوب
بنتيريست