|
كتب الكاتب الفاتح جبرا المتوفرة بمعرض الدوحة
|
|
 Re: يا بكرى ما تزيد القماش ده شويه .. ده بقى جكسا فى خط 6 !! (Re: محمد عكاشة)
|
شكرا يا ابو حميد
لكن صدقنى موضوع الحيويه ده امكن نسبتو ما تزيد عن ال 5 %، لكن من سلبياتو انه يعلم "الزلعه" زى الزول البسرق الجواكر فى الأكل !!
اها زمان قلنا "الشله" هى "البتعتل" البوستات هسه الشله ذاتها بقت محتاجه لى سرعة زى سرعة الجماعه البسوقو العربات مع الرئيس ديك ما عارف "السر" شنو فى السرعة الشديده؟
هم ما سمعو بى "عمر" كان بنوم فى الطرق بدون حرس ؟؟
وحالتو ما قال انه جا بى نهج حضارى ولا جن أحمر!!!
| |
 
|
|
|
|
|
|
|
|
Re: يا بكرى ما تزيد القماش ده شويه .. ده بقى جكسا فى خط 6 !! (Re: سلمى الشيخ سلامة)
|
العزيزة سلمى الشيخ
مرحب بى الطله
هو زمن جكسا فى خط 6 براها .. ده من زمن لى لا لا .. حلاوة جكسا !!
ما فى كبرا بقولو عليهو لكن الذاكرة لا تصدا وده الشئ المطلع زيتنا!
والله يا سلمى صراحة كده ما قادر اقتنع بأمراة ترتدى بنطلون، رغم انى موافق انه المرأة تصل الى اى منصب مهما كان طالما كانت جديره به، لكن برضو الأنوثه جانب مهم فى المرأة
والبنطلون بخليها زى "ست احكام" أو "محمد ولد" دى ما عارف فى زمن الحنكشه اسمها شنو!!
| |
|
|
|
|
|
|
|
|
|
Re: يا بكرى ما تزيد القماش ده شويه .. ده بقى جكسا فى خط 6 !! (Re: محمد عكاشة)
|
يا محمد
يا حليل زمن المسرح .. كانت ايام لها ايقاع.
تعرف يا محمد كنت ناس البيت ما بعزمهم اى حاجه بره البيت الا المسرح!!
شاهدنا خطوبة سهير واداء مكى سناده الذى فاق حد الروعه وشاهدنا الرفض، منى عبدالرحيم وعبدالواحد عبدالله وشاهدنا نحن نفعل هذا اتعرفون لماذا وشاهدنا نبته حبيبتى ، وشاهدنا جوابات الفرح، وشاهدنا بيان رقم 1 .. وشاهدنا الفاضل سعيد .. كانت الحياة ممتعة.. بالله اتفرج لينا معاك شديد.
وأنقل لينا ما تيسر، وطول بالك وما تخلى قصير زى جكسا فى خط 6 أو المنبر فى هذه الأيام.
| |
|
|
|
|
|
|
|
|
|
Re: يا بكرى ما تزيد القماش ده شويه .. ده بقى جكسا فى خط 6 !! (Re: محمد أبوالعزائم أبوالريش)
|
العزيز محمد ابو العزائم
والله دى فرصة كويسه الواحد يستعيد مسميات قديمة كادت أن تنقرض "بث" ما يظهر لينا واحد مصرج حاصل على لقب زعيم البورد يمارس الشتاره "وأدب قلة الأدب" المحتفى به فى مكان آخر قال أمثله!! والله الكلام المكتوب هناك ده الواحد لو قالو لى نفسو "يتبلم"!!
تذكرت أغنية من ذلك الزمان "الوجنه والشامه واللفته والقامه عاجبنى فى ذوقها سوداني بلامه" .. البلامه دى ما أظن فى زول بعرفها هسه!!
تعرف يا محمد
حتى فترة قريبة جدا ما كنت بعرف معنى شمارات شنو وكنت بفتكر الكلمة لها علاقة بالشمار البنعرفو عديل .. كانت الشمارات فى زمنا أسمها "قطيعه" عديل .. والجكس كان اسمه "تيتى" وقبلها كان اسمه "حبكان" والزوجه هسه افتكر أسمها "فرده" كان أسمها "الجماعه" أو الأولاد .. والزوج لو أسمه "محمد" ما كان بقولو ليهو "محمد" كان اما "هناى" أو "الزول ده" أو "ابو فلان" !!
غايتو كتر خير بكرى عمل المنبر "كلوش" أو جكسا فى خط 6 وخلانا نذكر أيام لا تنسى.
| |
|
|
|
|
|
|
|
|
 Re: يا بكرى ما تزيد القماش ده شويه .. ده بقى جكسا فى خط 6 !! (Re: تاج السر حسن)
|
ياتاج السر تحياتي
انت عارف المنبر ده بكري غير قماشو
رجع لي الزمن الماضي وقال احسن نسويهو
دمورية عشان الدمورية قطن خالص
والدموريةمعروفة بتكش بعد دخولها الموية
(وبمناسبة جكسا في خط 6 دي)
صاحبنا الدكتور احمد المك مرة واقفين
في الشارع وجات واحدة لابسة اسكيرت جكسا في خط 6
قام الدكتور ناداها وقال ليها بالحرف الواحد
(عليك الله هسي كان سكاك كلب بتسوي شنو)
تحياتي
| |
|
|
|
|
|
|
| |
محمد عكاشة
سلمى الشيخ سلامة
محمد المختار الزيادى
طارق جبريل
محمد أبوالعزائم أبوالريش
علاء الدين حيموره
فيس بوك
تويتر
انستقرام
يوتيوب
بنتيريست