|
|
 هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!!
|
والله هلالاب المنبر انتو لذاذ جدا وطبعا فيكم البعرفو معرفة
شخصية شدييييييييييييييد وفيكم البعرفو بس من خلال كتاباتو
في المنبر وكلكم والله بريدكم بالحيل وبضحك ملء شدقيّ لمن اقرا
ليكم مناكفاتكم معانا .. يعني الأمر لا يتعدى المناكفات والهزار
وفي بعض البوستات شايفة اخدت منحى تاني ..
المهم يا جماعة .. اسي الهلالاب ديل بالجد بذكروني الواحد لمن يكون
ماشي ليهو في ضلام شديد وتلقاهو قلبو داير يطلع من ضلوعو وعامل فيها
ما خايف مرة يغني بي صوت عالي (وتخين) يعن انا (الشفت) ومرة ينفخ صدرو
ويبعد ايديهو من جسمو .. وهو بي جوة تلقاهو ميّت من الخوف ولو جات كديسة
ساكت جارية بي جنبو ينط ويتخلع وكرعيهو يرجفن و(...) في (سر...) .. وتاني
يواصل غناء بي صوت عالي ونفيخ صدر بعد ما يقول للكديسة (بلاء يخمك قطعتي قلبي)....
دحين يا اخواني مجموعتكم دي صعبة بالحيل وانتو ولا قدر الناس الفيها ديل ولا حاجة
وما تغركم الصدفة الغلبتو بيها الاهلي بي قون ريتشارد الاستروبيا داك والكورة بعد
داك بقت قون وباك .. زي حقت هلال السعودية وقن (المرحوم) والي الدين داك .. هوي
فتحو عينكم كويس وبلاش خطرفات (انتو طيش المجموعة دي ) والفرق التلاتة الباقية حا
تركز على نتائجة معاكم عشان فرق الاهداف ..
قال نحنا مع الكبار قال .. (كبار في عينكم يا عامر تيتاوي وعبد الغفار وتمبس والقردابي وبدر الدين يعقوب ) الناس ديل كلهم اصحابي واهلي عشان ما في زول يقول
انا بشتم ساكت اما الهلالاب الباقين اللذاذ في المنبر يللا انا راجيكم وجاهز ليكم بالردود
رغم انشغالي الشدييييييييييييييييييييييييييييد لكن انتو نفضى ليكم لأنكم تستاهلو.
وعشت يا مريخ موفور القيم وعشت يا مريخ يا عالي الهمم.
الغريبة السنة الفاتت الاهلي شال كاس الاندية من الصفاقسي التونسي الهو بيلعب السنة
دي في الكونفدرالية (انا ما عارف الكبر ده بحسبوهو كيفن) والأغرب ان الفرق البعرفة انا والجاتنا من دوري الكبار البقولوهو ده (كلها اتزعمطت بي هنا واولهم ناساروا النيجيري والشباب التنزاني )
قال كبار قال ..
والله آخر الزمن بقى المريخ العظيم والصفاقسي التونسي صغار .. والهلال والأهلي الليبي كبار (عجبببببببببببببببببببببي) وهذا زمانك يا مهازل ..
|
|
 
|
|
|
|
|
|
|
|
هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: امير عوض الجمري)
|
الأخ / امير
سلام واحترام ،،،،
يازول والله انتو حاقدين ساكت الهلال كبير وبيلعب مع الكبار
انتو المرحلة دي بدري عليكم لو ديرين تلعبوا مع الكبار شدوا حيكم شوية
وخليكم من الوصيف الماسكين فيها دي وحاولوا اتقدموا شوية
الهلال هو الزعيم وهو الكبير وهو هلال الملايين
اعملوا حسابكم الموردة ساعية للوصافة يعني خليكم من الهلال لاعب مع منو
واعملوا حساب وصافتكم ما تروح منكم .
الهلال هو الزعيم وانتو مقتنعين بذلك بس ما دايرين تصرحوا لينا ولا شنو
أخي امير هي كما قلت مجرد مناكفات وهزار واتمنى أن يكون بينا دائما الاحترام
في اختلافتنا واتفاقنا واتمنى لفريقي الهلال والمريخ تحقيق نتائج طيبة
وتمنياتنا لفريقنا القومي بتحقيق نتائج مشرفه والوصول لغانا .
تقبل تحياتي
أبو كريم ( الهلالابي )
| |
|
|
|
|
|
|
|
|
 Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: الفاتح خليل الفكي)
|
صديقي الوجيه السكره مرمر
شوق شدييييييييد صديقي ، ،،
| Quote: والله آخر الزمن بقى المريخ العظيم والصفاقسي التونسي صغار .. والهلال والأهلي الليبي كبار (عجبببببببببببببببببببببي) وهذا زمانك يا مهازل .. |
يا سلاااااااام عليك يا أموري وريهم بالله الناس الحاقدين ديل ، بالله الابطال دي بقيسوها كيفن هسه ، فريق ما جاب و لا كأس عرقي يقارنوه بفريق جايب ( خمسة ) كاسات محمولة جواً ... بس عاد الله ده شافوه بالعين ولا عرفوه بالعقل ....
بالله غرد يا أميري غرد ووريهم كيف مريخنا عالى في السماء ....
تخريمة :
رغم مريخيتي الصارخة أمنياتي للهلال بالفوز بالطولة لأنه يمثلنا فهو يمثل السودان ....
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: الفاتح خليل الفكي)
|
الأخ الفاضل / ابو كريم
كيفك يا غالي
| Quote: يازول والله انتو حاقدين ساكت الهلال كبير وبيلعب مع الكبار |
ياخي حقد شنو يا خي يحقدو عليكم في شنو كدي بس قول لي يا يابا
- جبتو كاس مانديلا يا يابا!!
- جبتو كاس سيكافا يا يابا!!
- جبتو كاس دبي يا يابا!!
- جبتو كاس جوبا مالك عليا يا يابا!!
ذكرتني والله انت عارف ان احسن ترتيب ليكم في كاس سيكافا هو التالت
وده أسوأ ترتيب للمريخ العظيم في هذا الكاس الأحرزناهو مرتين ..
وتقول لي بتلحقونا !!
Quote: أخي امير هي كما قلت مجرد مناكفات وهزار واتمنى أن يكون بينا دائما الاحترام
في اختلافتنا واتفاقنا واتمنى لفريقي الهلال والمريخ تحقيق نتائج طيبة |
اكيد والله يا الفاتح والشغلانية لا تتعدى كونها ترويح وتوطيد للعلاقات كما قال الكابتن
الجميييييل جداً الرشيد المهدية . ودي حا ارجع ليها في بوست خاص عن هذا الرجل العظيم.
وانا معاك يا ابو كريم والله نتمنى الفوز للثلاثي المنتخب والمريخ والهلال ..
لكن خايفييييييييين عليكم من الملطشة ..... (المتعودين عليها) (خمسات وستات)
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: بهاء بكري)
|
ابن عمي الحبيب بهاء
كيفك يا غالي وكيف وليداتك
| Quote: يازول بتهضرب مالك ..... |
ياخي والله ما هضربة .. دي منتهى الواقعية .. خليكم واقعيين واتكلموا قدر مروتكم!!
لأنكم بعدين حا تلعنوا الصدفة الوصلتكم هنا دي ..
| Quote: يعني نحن هسع كان ممكن نلعب في المجموعات مع القطن التشادي |
لا بتلعبوا مع البوليس الزنزباري بطل افريقيا تمنية مرات متتالية !!!! ههههاي
| Quote: مالازم يكون الترجي والاهلي وبقية الاندية الزميلة في المستوي |
ديل يا ابن عمي بحسبوا في امورم على ضوء نتائجم معاكم يعني ناس الترجي بقولوا نحن المرة دي الهلال لازم نغلبوا باكتر من خمسة .. كفاية خمسات لانو المرة دي فيها فارق اهداف وكده واحتمال الاهلي واسيك يزعمطوهم كتير عشان كده الخمسة دي شوية نقوم نزيده.
آل كبار آل
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: عادل جبارة)
|
عدولي يا جبارة
او كما يحلو لي (ظالم جبارة)
| Quote: أمير الجمري من كتر الهضربة نسى حتى يخت إسمي مع قائمة الشرف أعلاه !!! |
يا مخرّف ديل الناس القاعدين يكتبوا ويتكلموا ويغنوا بي صوت عااااالي وهم ماشين في الضلام لكن انت يا حبيبي ومعاك حبيبي التاني سيف اب رويس شايفكم شغالين (وسوسوس) وبتتكلموا عن الورطة الوقعتكم فيها القرعة دي ..
| Quote: طيب يا أمير كلنا عارفين إنك ( هلالابي ) بس ( زعلالالالالان ) |
والله كنت حا اكون زعلااااااااااان خاااااااااااااالص لو كنت كده .. واحمد الله الذي وقاني وكفاني .
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: بدرالدين يعقوب)
|
خي النفيس ابقاووون
كيفك يا حبيبي والله فاقدك بشدة
| Quote: وبقيت تحلم وتهضرب والكوابيس طلعت في راسك ومامصدق انو الهلال فريق كبير وبلعب مع الكبار |
بالله عليك الله اسي البهضرب منو يا بدر الدين .. ياخي ارعو بي قيدكم وصلوا من اجل انزال اخفّ الهزائم لأنو الظاهر كده الشغلانية حا يكون فيها خمسات وستات .. الله يستر ويكضب الشينة!!
| Quote: اصحي ياحبيبي الهلال غير والما بتلحقو جدعو |
يا حلو نحن بنكتح فيكم بي كرعينا من سنة ستة وتمنين من الفرقة كبرت اصلو الفرقة بيناتنا كانت صغيرة يعني كنا فايتنكم بي حبة لكن من ستة وتمنين الفرقة كبرت بالحيل وتاني ما ظنيتكم تلحقونا قريب وحتى لو جدعتونا حجاركم ما حا تحصلنا ...ههههههههههههههههاي
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: امير عوض الجمري)
|
Quote: دحين يا اخواني مجموعتكم دي صعبة بالحيل وانتو ولا قدر الناس الفيها ديل ولا حاجة
وما تغركم الصدفة الغلبتو بيها الاهلي بي قون ريتشارد الاستروبيا داك والكورة بعد
داك بقت قون وباك .. زي حقت هلال السعودية وقن (المرحوم) والي الدين داك .. هوي
فتحو عينكم كويس وبلاش خطرفات (انتو طيش المجموعة دي ) والفرق التلاتة الباقية حا
تركز على نتائجة معاكم عشان فرق الاهداف ..
|
والله جنس فصاحتك دي ما شفناها
امشي عليك الله شوف ليك شغلة تانية غير الهلال دا
هلالنا وعاجبنا
دا الهلال هلاّ
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: انعام عبد الحفيظ)
|
يامرمر خليهم في أحلامهم دي حتي ساعة اللقاء ولكل ميقات إحرام
وبعدين الهلالاب ديل مالم مابيكتبوا ليه كتابات العظماء النجيمات
بتخليهم يجغلبوا كده ما لم نحن لا الأهلي ولا يحزنون ود جبارة دي
مالو مامشي جوبا مالك عليَ ورجع باللوري حل بيا ودلاه في وديا سلام
حبايبنا الهلال هلا علي قول إنعام عبدالحفيظ نحن بنذاكر لبكره وحافظين
دروسنا صَم أنتوا كيف مع المذاكره أن شاءالله تطلعوا الأوائل مع كأس تفك
سكتتكم الطولت دي مع أمنياتنا الي الجميع بالفوز المأزر بأذن الله وعظمة
الكرة السودانية من عظمة هؤلا العمالقه. أبوقصي
(والحلم في اليغظة حقيقه بس أحلام النوم دي الكوابيس؟)
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: Muna Khugali)
|
منوية الراقية
انتي انا عااااارفك مريخابية
| Quote: ما اصله ما بكون خايف |
والله وحاتك انتي قلبم مقطوع
وتعرفي عندي صحفي صاحباً لي وهلالابي والله كان شفتيهو مجقلب جقلبة
وكان قريتي مقالاتو تقولي الهلال ده الكاس خاتيهو في دولابو .. مش
جابوهو ليهو في استادو وقلعوهو منو تاني (يا وداااااد)هوي.
شفتي الفرق بينا يا منى نحن نمشي الأدغال ونقلع الكاسات ونجيبه ونجي وهم يجيبوها ليهم لحدي عندهم ويقلعوها منهم ويمشوا بيها.
شفتي العظمة وين يا ام آية وحبوبة بتها
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: abas)
|
العزيز عباس
تحية وود
| Quote: يا امير بقت عليك حكاية الغلبتو مرتو يادب في حماته |
ولمّن حماتو ذاته غلبتو حرّش ليها حموات أصحابو اها هاك الحموات ديل
(الأهلي - الترجي - أسيك) لا حول ولا قوة الا بالله .. والله ديل فاتن
ماري منيب بي غادي .
| Quote: يا زول انت مالك ومال الهلال |
والله حانّي عليهو بس .. هو دائماً كده يهوش بعد شوية ينبرش
زي انبراشة ياسر رحمة بعد هوشة هزيمة من الوداد 3/2 وصعودكم بفارق
الأهداف وملاقاة الرجاء وقال قال الرجاء خايف عشان الهلال اقصى الوداد
جات انتهت 5/0 الله يستر من فرحتكم باقصاء الزمالك والأهلي ما يعمل عملية
الرجاء !!!!
| Quote: وبطلو الكلام في الهلال سيد لابلد |
والله فعلاً الهلال سيد (لابلد)
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: معتصم عبدالرحيم)
|
امير الجمرى
Quote: واجب عليك توبة ..واسترجاع
ارجع ...سكناتك يا امير ..بيت الحرفاء
و فريق الحرفاء ..النجوم ..الزرق..التي لاتقل روعة عن الهلال
انت اقرب الي الهلال...,اظن قُرر بك ...اصح ..وتوب واستغفر |
من زمان ياامير انا راى زى كلام معتصم ده لكين طالما انت مصر على
( التمرخ ) فانت حر والجاتك فى مريخك سامحتك  " target="_blank">[url=http://www.sudaneseonline.com/][/URL]
تامل فى الصورة دى كويس وورينا الخايف منو
الواحد بالازرق ولا جماعة الصفر سك سك
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: عامر تيتاوى)
|
الحبيب عموري
تعرف انت وبعضهم (احسن حاجة في الهلال)
Quote: من زمان ياامير انا راى زى كلام معتصم ده لكين طالما انت مصر على
( التمرخ ) فانت حر والجاتك فى مريخك سامحتك |
المريخ سارّيني ومالي عيني ومشبعني انجازات من سنة 72 وانجاز لم يتكرر الفوز ببطولة الدوري من دون هزيمة او تعادل ثم الموسم البعديهو بتعادل واحد ومع منو !! مع التحرير.
وكاساتي البجن بالطيارة .. وما بنكر حقكم جبتو الكاس بالطيارة لكن (ودادي) شالو ورجع بيهو تاني !!
ضم السين واتذكر خوفكم القديم المتجدد
| |
|
|
|
|
|
|
|
|
 Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: Manal Awad Khugali)
|
منـــولــــة
معقووووووول بس يا بت الخليفة تكون رشاشة .....
أكاد لا أصدق .... 
خلاص يامنال كده الفيك اعترفت خوة ونسابة فرتق منال دي   قصدي ريهام دي خلااااص ما دايرها أنا ما بناسب رشاشات أنا دمي حار قصدي دمي أحمر أها شوفي ليك واحد رشاشة يتزوجها .... وشفي اكان ما رجعها ليك .... الرشاشات ما عندهم خوة وحاقدين سااااكت . ومن هسه حضري ليك صيدلية بتاعت أدوية ولا أقول ليك شيليها معاك من لندن علشان ح يجيبوا ليك الضغط والسكري ناس الهلال ديل وح تشوفي .
شكراً يا أمير الأمير ... الجماعة ديل ظهروا ... وريهم مقامهم وين وسيبك من عامر الرشاشة ده ديل أحسن إنجاز ليهم هو إنهم طيروا الأهلي المصري من البطولة وفي النهاية ما شالوها بالله يا أمير هسه الواحد ما بيخجل يقول كلام مثل ده ، وبعدين الكاسات النحن شلناها دي مهم لعبوا فيها وينو عمارم الجابوه ... بس فصاحة لسان وكشف حال ... قال كبار قال ... تكبر فضائحكم إن شاء الله . الأصلها كبيرة . اها يا أمير النمشي ما يقوم واحد يفلقني بي حجر أصلهم متعودين على الحجار دي ... مع السلام وخلي بالك من راسك الحجار عندهم ذي كيس الصاعود مليان بيهو الجيب طواااالي ... 
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: Nasruddin Al Basheer)
|
الغااااالي نصر الدين البشير
الضلع الثالث في مثلث العصاة (عمر القردابي - معتصة العربي- نصر الدين البشير)
كيفك يا جميل
Quote: نحن أسياد بلد نقعد نقوم علي كيفنا
نحن الفوق مرمى المريخ دايماً مجرب قونا
ترم ترم ترم.. |
ونحن الساس ونحن الراس ونحن الفراودتنا بشطّبوا الحراس (وليس بازي منكم ببعيد)
Quote: مشكلة الهلال يا أمير ما عندو وجيع
بقصد ما عندو زول بشيل الكورة لو اتغلب..
يمكن دي الميزة الوحيدة اللي بيمتاز بيها المريخ على الهلال.. |
هههههههههههههاي والله ضحكتني
انتو يا نصر ابطال )الانتفاضة) .. من ايام (صلاح بنبان) الله يرحمو .. وراس حامد بريمة اعظم حارس في تاريخ السودان يشهد .. وعلى ذكر الحجار وبازي حارسكم المشطوب على ايدينا ..
حا اذكرك كيف سجلتوهو في كشوفاتكم .. في دورة (سيكافا) في الخرطوم والمباراة في استاذ الخرطوم ..(سيمبا التنزاني - الهلال التعبان) النتيجة 2/0 لصالح سيمبا وكان حارس الهلال (احمد عافية) تعرف والله انا الكورة دي دخلتها .. اي كورة يلتقطها بازي كان جمهور الهلال يصفق ليهو ويفلع احمد ادم بالحجار .. ونحن نقول يا جماعة ده احمد ما حامد انتو متعودين تفلقوا حامد .. ومن يومها تم تسجيل هذا البازي الذي شطبه رماتنا وانتهى به المطاف في (أهلي الخرطوم) ..
Quote: لكين بيني وبينك أنا من هسه خايف
بس بغني عشان أطرد الخوف..
الله يستر علي الهلال من مجموعة الموت |
احترمتك شدييييييييييييييييييييييييييييييييد
وعشان اعترافك بالخطر ..
انا برد ليك على دي
| Quote: وربنا يسترنا معاكم يا شمات.. |
والله يا نصر تعرف انا من اغتربت سنة 93 واتغيرت نظرتي تماماً وبعد جينا وقابلنا الجاليات الكتيرة دي هنا بقى النفس سوداني موحد في كل شئ وانا لمّا الهلال فاز على الهلال السعودي في القاهرة انا بكورك لما الجيران قالوا الراجل ده جنّ .. اها كمان لمن المباراة تكون مع اولاد بمبا ده ياهو ذاتو مربط الفرس وجاتك بنشجع الهلال ده ب90% من تشجيعنا للمريخ (كمان ما نبالغ ونقول زي المريخ)
المهم يا نصر عشان قولتك للحقيقة دي نحن في خندق واحد ضد الفراعنة.
بس عاد كان النتيجة ياها (المتوقعة) بنشمت لكن بعد المباراة .. هو عليك الله اسي الفضل شنو غير مناكفاتنا اللذيذة دي.
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: Manal Awad Khugali)
|
منال عوض خوجلي
بالله بعد ده كللللللللللللو (هلالابية)
| Quote: يازول والله انتو حاقدين ساكت الهلال كبير وبيلعب مع الكبار |
انا بس عاوزكم تورونا نحقد عليكم في شنو !!
يا ربي عشان قبل كده وصلتو النهائي !! تعرفي التاني ده لاذكر له في الانجازات
فقط يذكر البطل .. كما المريخ في 1989 .. ويجلس الآن عيسى حياتو ومن خلفه قائمة بالأبطال الذين أحرزوا البطولات الأفريقية المختلفة ويذكر في بطولة الأمم السودان عام 70 وفي بطولة الكؤوس المريخ العظيم عام 89.. وما مكتوب اي تاني ..
| Quote: الهلال هو الزعيم وهو الكبير وهو هلال الملايين |
دي كذبة كبيرة وخزعبلات افتعلتوها وصدقتوها وعشتوا على كده .
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: ayman haroun)
|
الحبيب ايمن هارون
تحياتي
| Quote: اخى تصدق او لا تصدق ان فريق الاهلى فى قمة الخوف لانه يعتقد ان الهلال هو الحصان الاسود بهذه البطولة لقد قرات من يومين تصريحات حسام البدرى بان الهلال من الفرق القوية وتحدث ان البطولة تتحد ملامحها بعد هذه المباراة ... |
تصدّق يا ايمن نفس الكلام ده سمعتو قبل كده انو الرجاء خايف من الهلال بعد ما الهلال فاز
على الوداد بفارق الأهداف بعد خسارتو من الوداد 2/3 .. وجات مباراة الرجاء
وما في داعي اقول ليك النتيجة (واحدة من الخمسات المحمولة جواً) .
| Quote: يا وريف اما بخصوص الراى العام والشارع الرياضى كله مهابة من هذه المباراة لانهم راوا الهلال من شهور قريبة ضرب اروع الامثال امام الزمالك ... |
هي والله ده برضو نفس الكلام ...
الله يسسسسسسسستر.
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: طارق جبريل)
|
صديقي وعزيزي أمير الجمري (أروع مريخابي في الوجود)
تعرف يا أمير الجقلبة بتاعت الهلالاب ديل بتذكرني بنكتة الزول القال خلى شراب الشاي وبقى كلما يقعد مع أصحابو وتظهر كبابي الشاي يبدأ يقول " والله أنا الشاي ده خليتو وما عامل لي أي حاجة وما عندي معاهو أي مشكلة إنتو بس واهمين نفسكم ساكت" وهكذا كل يوم بنفس الموال – يوم واحد من أصحابو زهج وقال ليهو "يا أخوي أنت قائل عدم شراب الشاي ده بكتل الزول؟؟!!! ما ياهو بس بيخليهو يهضرب متل هضربتك دي !!!
دحين يا أمير أخوانا ديل شغالين معانا طوالي ترجي شنو الترجي نحن لعبنا معاهو كتير قبل كده.
ياخ ديل مرة عملوا سابقة لحدي هسهة نحن محتارين فيها !!!– لعبوا مع الترجي ده مبارة الساعة واحدة نص النهار وفي عز شمس الخرطوم بتاعت شهر مايو والسحائي وتحذيرات السلطات الصحية وبعد ده كلو برضو ما نفع والكورة طلعت درون
أمير تتذكر الهلالابي بتاع كورة الهلال وأم دوم في استاد الخرطوم والمباراة كانت في العصر !!!! لووووووووووووول
| |
|
|
|
|
|
|
|
|
|
Re: هلالاب المنبر ديل ذكروني الزول الماشي في الضلمّة ويغني بصوت عالي يعني (الود ما خايف)!! (Re: امير عوض الجمري)
|
أمير الجمري وصديق حمدتو (الهلالاب الزعلانين )
طبعا الاثنين ديل ليهم اربعة سنوات مابجيبو سيرة المريخ وقالو السودان مافيه كورة وبطنهم طمت
من كثرة غلب الهلال للمريخ وخروج المريخ من الادوار الاولي للبطولات الافريقية , الان مابعرف الجديد
شنو البخليهم يتكلمو عن هلال مريخ ,هما الاثنين عارفين انو الهلال احسن من المريخ بس بكابرو ساكت.
مشكلتهم الكبيرة انهم كورنجيا وبفهمو في فيها كويس ,( يعني مامشجعين اي كلام ) ذي ماقال اخونا
معتصم العربي , عودو الي رشدكم ايها الهلالاب الزعلانين لانكم مابتشبهو المريخ .
حبيبي صديق
الترجي البتتكلم عنه ده ماغلبنا في بلدنا كان بالنهار ولا بالليل , وريني اخر مقابله انتو
لعبتو فيها مع الترجي وكانت نتجيتها كم وبطل الفصاحه المابتشبهك دي ياحلو يارائع.
روقو شوية في علبكم ايها المريخاب المابتشبهو المريخ وارجو الراجيكم , نحنا عارفين هلالنا
كويس لانو كبير وبلعب مع الكبار, وان غدا لناظره قريب .
( واي واي مادايرين ودرن لي يا درمه درن لي )
| |
|
|
|
|
|
|
| |
امير عوض الجمري
مجدي عبدالرحيم فضل
الفاتح خليل الفكي
بهاء بكري
بدرالدين يعقوب
انعام عبد الحفيظ
Muna Khugali
خالد علي محجوب المنسي
abas
خالد عبد الله محمود
هاشم أحمد خلف الله
ayman haroun
Manal Awad Khugali
معتصم عبدالرحيم
عامر تيتاوى
Nasruddin Al Basheer
عبد الدائم سيد أحمد
طارق جبريل
صديق حمدتو
فيس بوك
تويتر
انستقرام
يوتيوب
بنتيريست