|
كلامها زي ريق النحل ..... ( مسدار في طور التكوين)
|
يا بنية من عبق الصنادل والطيوب كلامها زي ريق النحل تسعد قلوب يا بنية زي ريح الدعاش زمن التحاريق و اليباب جميلة زي موج الدميرة بعد محل لو قلت ليك اشتقت ليك بكون مقصر في حقيقة شوقي والوله المدكن وانهمل مانحن بيانتنا القصيد الما انكتب ونداوة الحرف المشبع بالأمل هيمان يدوب في لجة الليل والسهر والارتجا ل الانفعل بي رعشة الريد النقي ترشح مسادير الغنا تفتح دروب العاشقين رغم المسافات البعاد لابد اصل ونكون سوا انا وانت والقمر البياخد من ضياك والنيل حدانا يغازل القيف الحزين ما السكة ليك مشوار هوى حرقة جوى وكلام معطن بالحنين وعد الاماسي الشايلة من شبق السنين الامنيات الذكريات وفجاءة اللقيا وتباريح الانين يا بنية يا صفوة رحيق الاشتهاء أيدك معاي نغزل خيوط الالفة والريد الوفا للجاي من زمنا ضنين قلبي المعاك دسيه ما توريه لي عين العزول خبيه في جيب نبضك الدافي وامين وخليني هايم بين مسامات ضو بيسطع كل حين من بريق لحظك وهالات البها ء الفي الجبين بهواك حقيقة ما بتقبل جدال عشقك مؤكد في الحنايا وفي دمايا وفي الخواطر اشتعال دوزنة تثير الشجن دندنة بتسكر خيال
|
|
|
|
|
|
|
|
Re: كلامها زي ريق النحل ..... ( مسدار في طور التكوين) (Re: د.محمد حسن)
|
Quote: لو قلت ليك اشتقت ليك بكون مقصر في حقيقة شوقي والوله المدكن وانهمل مانحن بيانتنا القصيد الما انكتب ونداوة الحرف المشبع بالأمل هيمان يدوب في لجة الليل والسهر والارتجا ل الانفعل بي رعشة الريد النقي ترشح مسادير الغنا تفتح دروب العاشقين رغم المسافات البعاد لابد اصل ونكون سوا انا وانت والقمر البياخد من ضياك
|
فعلا .. قولنا للجمال .. جميل تقصير فى حقه د, محمد حسن شكرا على هذا الجمال المكتمل التكوين لك أطيب التحايا
| |
|
|
|
|
|
|
Re: كلامها زي ريق النحل ..... ( مسدار في طور التكوين) (Re: هند محمد)
|
د. محمد حسن
قبال أقول أي شيء ... شايف البتاع نفع ..
****
Quote: لو قلت ليك اشتقت ليك بكون مقصر في حقيقة شوقي والوله المدكن وانهمل |
في كلمة أكبر من ( مشتاااااااااااق ) ؟؟؟ غايتو قدر ما عصرت مخي ما لقيت كلمة بتدي أكتر من ما تحته خط ..
أما ألوله المدكن و إنهمل .. دي صورة في منتهى الروعة ... صورة بتماثل الواحد لما تخنقو العبرة و ما يقدر يبكي .. و فجأة ينفجر باكي ..
دمت
| |
|
|
|
|
|
|
Re: كلامها زي ريق النحل ..... ( مسدار في طور التكوين) (Re: ماجدة عوض خوجلى)
|
بسم الله الرحمن الرحيم
د. محمد حسن
سلام ،،،
إتقًاودَنْ هَمَسَاتَ دَوَاخِلِي عَلِيك مَشَنْ
إِتمَاوَجَنْ خَلَجَات قِلِيبِي عَلِيك رَسَنْ
إِتَمَاسَكنْ ..
حَدْ مَا جَريتْ لا اتنَازَلنْ لاَ يَوم نِسنْ !!
وهذا أيضاَ مسدار في طور الإرتقاء ...
نشكر الإحساس العالي .. وإنتقاء مفردات كالعسل بالقشطة ...
تسلم
وصال عالم
| |
|
|
|
|
|
|
|