|
|
 عواطف ادريس اسماعيل من شعر أحمد فؤاد نجم
|
عواطف ادريس اسماعيل
أخي العزيز د. مصطفى !!!
شكرا على هذا الشعر الرائع ,,, نأمل في بوست آخر قبسا من شعر أحمد فؤاد نجم ,,, معزتي ,,
this is specially for you
and all who loves ustaz ahmad
|
|
 
|
|
|
|
|
|
|
 Re: عواطف ادريس اسماعيل من شعر أحمد فؤاد نجم (Re: Mustafa Mahmoud)
|
أحمد فؤاد نجم >> الخواجة الأمريكاني
الخواجة الأمريكاني
الخواجه الامريكانى
والسماسرة اللى وراه
تخنوا بالكدب ودنه
وعرضوا له مقاس قفاه
فهموه
من غير ما يفهم
ان سوق الشرق مغنم
والخوجه بطبعه مغشم
والمصاري معفرتاه
حب يعمل فيها تاجر
وانطلق
يسلب وينهب
ف الزباين بالنهار
يحدف الدولار يلمه
تلتميت مليون دولار
بالقزايز والبنات
باللبان
والبمبونات
بالمدافع والدانات
او بأفلام الرعاة
قول بقي تاجر وفاجر
وانفلت لص المواشي
رعب ماشي فى البلاد
يشفط البترول ويطرش
كل الوان الفساد
عزرائيل من غير فرامل
يقلب العرسان ارامل
حتى فى بطون الحوامل
كان بيدبح الحياة
بالسناكي والخناجر
والنهايه يا خواجه
مش ف يوم كانت بدايه ؟
البدايه برضه لازم
ييجي يوم
توصل نهايه
مهما زاد الراسمال
الهلاك هو المآل
والتاريخ
هو اللى قال
لعبه الموت فى الحياة
تسحب الروح م الحناجر
| |
|
|
|
|
|
|
|
|
|
Re: عواطف ادريس اسماعيل من شعر أحمد فؤاد نجم (Re: Mustafa Mahmoud)
|
أحمد فؤاد نجم >> كلب الست
كلب الست
فى الزمالك من سنين
وف حما النيل القديم
قصر من عصر اليمين
ملك واحدة من الحريم
صيتها اكتر م الادان
يسمعوه المسلمين
والتتر والتركمان
والهنود والمنبوذين
ست فاقت ع الرجال
فى المقام والاحترام
صيت وشهره وتل مال
يعنى فى غايه التمام
قصره يعني هى كلمة
ليها كلمه فى الحكومه
بس ربك لجل حكمه
قام حرمها م الامومه
والامومه طبع ثابت
جوه حوا من الزمان
تعمل ايه الست جابت
فوكس رومي وله ودان
فوكس دا عقبال املتك
عندة دستة خدامين
يعنى مش موجود فى عيلتك
شخص زية يا اسماعين
واسماعين دا يبقى واحد
م الجماعة التعبانين
اللي داخوا فى المعاهد
والمدارس من سنين
حب يعمل واد فكاكة
يمشي حبة فى الزمالك
والقيامة والفتاكة
يرموا طبعا ع المهالك
عم سمعة من قيامتة
حب يعمل فيها فلة
بعد ما الوظ بيجامتة
اشترى حتة مجله
قول مشي يقرا فى حكاية
من حكايات الغرام
واندماجة فى القرايه
خلا مشيه مش تمام
ع اليمين يحدف بعيد
خطوتين ويروح شمال
لمحه فوكس من الحديد
قال دا صيد
سهل حلال
هب نط فى كرشه دوغري
جاب بيجامته لحد ديلها
اسماعين بدال ما يجري
قال يا رجلي
رجلى مالها ؟
بص شاف الدم سايح
من عاليها ومن واطيها
وياللى جاي
وياللي رايح
المجله مش لا قيها
حبه واتلموا الظنايا
اللى هما البوابين
والحكايه والروايه
قال لهم
دا كلب مين؟؟
كلب مين !!
ما كلب مينشى
سمعه لبخ حبتين
قال واحد منهم
امشى
اللى جابك عنده مين؟
قال دا شارع يا مواشي
والجميع بيمر منه
اللى راكب
اللى ماشى
مستحيل نستغنى عنه
كلمه من دا
وكلمه من دا
ظاطو واترسمت فضيحه
قول نهايته
القصد من دا
اسماعين اكل الطريحه
راحو قسم الشرطه طبعا
والنيابه كفيله بيهم
واترموا فى الحجز جمعا
لما ييجي الدور عليهم
حبة والشاويش امين
قال : سعيد النقشيندي
قام غريم عم اسماعين
قال له:
محسوبك يا افندي
قام سي سمعه
يروح معاه
الشاويش قال :
غور بدمك
راح تعوصنى
وفوق قفاه
كف طرقع
داهيه ف امك
تفتكر يفضل سي سمعه
قد ايه فى القسم نايم ؟
استضافه الحجز جمعه
يا بلاش
ادي العزايم
شاف بلاوي
ما تتحكيش
م الديابه المسجونين
قال يا عالم
يا شاويش
يا نيابه
يامسئولين
خلصوه بعد المناهده
جثه من جحر الديابه
هى يمكن ساعه واحده
كان فى مكتب النيابه
قال له مالك يااسماعين
قال لة زي البمب ... مالي ؟
قال له عضك فوكس فين
قال له سيبنى اروح لحالي
انت شوف سي فوكس يمكن
خد تسمم
غصب عني
الوكيل قال برضة ممكن
والشاويش
قعد يغنى
انت فين والكلب فين
انت قدة يا اسماعين
طب دا كلب الست يا ابني
وانت تطلع ابن مين
بشري لصحاب الديول
واللى له اربع رجول
بشرى لسيادنا البهايم
من جمايس او عجول
اللى صاحبه يا جماعه
له غناوي
فى الاذاعه
راح يدوس فوق الغلابه
والنيابه .. بالبتاعه
| |
|
|
|
|
|
|
|
|
|
Re: عواطف ادريس اسماعيل من شعر أحمد فؤاد نجم (Re: Mustafa Mahmoud)
|
>> أحمد فؤاد نجم >> شيد قصورك
شيد قصورك
شيد قصورك ع المزارع
من كدنا وعمل إيدينا
الخمارات جنب المصانع
والسجن مطرح الجنينة
واطلق كلابك
في الشوارع
واقفل زنازينك
علينا
وقلّ نومنا في المضاجع
أدي احنا
نمنا ما اشتهينا
واتقل علينا بالمواجع
احنا اتوجعنا
واكتفينا
وعرفنا
مين سبب جراحنا
وعرفنا روحنا
والتقينا
عمال وفلاحين
وطلبة
دقت ساعتنا
وابتدينا
نسلك طريق
مالهش راجع
والنصر قريب من عنينا
النصر أقرب
من إدينا
| |
|
|
|
|
|
|
|
|
|
Re: عواطف ادريس اسماعيل من شعر أحمد فؤاد نجم (Re: Mustafa Mahmoud)
|
>> أحمد فؤاد نجم >> هما مين واحنا مين
هما مين واحنا مين
هما مين واحنا مين
هما الامر والسلاطين
هما المال والحكم معاهم
واحنا فقرا ومحكومين
حزر فزر شغل مخك
شوف مين فينا بيحكم مين
احنا مين وهما مين
احنا الفعلا البنايين
احنا السنه واحنا الفرض
احنا الناس
بالطول والعرض
من عافيتنا تقوم الارض
وعرقنا يخضر بساتين
خزر فزر شغل مخك
شوف مين فينا
بيخدم مين
هما مين واحنا مين
هما الامرا والسلاطين
هما الفيلا والعربيه
والنساوين المتنقيه.. طبعاً
حيوانات استهلاكيه
شغلتهم حشو المصارين
حزر فزر شغل مخك
شوف مين فينا بياكل مين
احنا مين وهما مين
احنا قرنفل على ياسمين
احنا الحرب حطبها ونارها
احنا الجيش اللى يحررها
واحنا الشهدا ف كل مدارها
منتصرين او منكسرين
حزر فزر شغل مخك
شوف مين فينا بيقتل مين
هما مين واحنا مين
هما الامرا والسلاطين
هما مناظر بالمزيكه
والزفه وشغل البولوتيكا
ودماغهم طبعا استيكه
بس البركه فى النياشين
حزر فزر شغل مخك
شوف مين فينا بيخدع مين
هما مين واحنا مين
هما الامرا والسلاطين
هما بيلبسوا اخر موضه
واحنا بنسكن سبعه ف اوضه
هم بياكلوا حمام وفراخ
واحنا الفول دوّخنا وداخ
هم بيمشوا بطيارات
واحنا نموت في الأوتوبيسات
هم حياتهم تمضي جميلة
هم فصيلة واحنا فصيلة
حادي يا بادي يا عبد الهادي
راح تفهم قصد الغنوة دي
لمّا الشعب يقوم وينادي
يا احنا يا هم في الدنيا دي
حزر فزر شغل مخك
شوف مين فينا حيغلب مين!!!
| |
|
|
|
|
|
|
|
|
|
Re: عواطف ادريس اسماعيل من شعر أحمد فؤاد نجم (Re: معتز القريش)
|
>> أحمد فؤاد نجم >> الأخلاق
الأخلاق
مناعه ارزاق
جلابة ارزاء
يا سخامه يا لطامه
ياللى اسمك اخلاق
ازيك وايش حالك
ايه اخر الانباء
دجوكى ؟
سلخوكى ؟
خلوكى اشلاء
ما انا قايل وسمعتي
بس انتي اللى طمعتى
فى بلدنا يعوزكي
مسكوكي دقوكي
بدماغ الدقماق
بالقاضيه الفنيه
صرعوكى السجانه
حبوسكى
فى قضيه
مرفوضه وخسرانه
والتهمه الجنائيه
اكمنك انسانه
وخدوكى الشرطيه
وعساكر هجانه
وابولكنه فرنساوي
طبال ومغناوي
بيغنى اشتراكاوى
والعالم طرشانه
وابو عسكر حرميه
بيبرطع فى تكيه
ويقول اشتركيه
والناس
لسه جعانه
يا هبيله يا فضيله
يابتاعه المهابيل
بلا وكسه
بلانيله
بلا هفه مخاليل
دى بلدنا
ولا حولا
ما بقاش فيها علاوله
وعوضنا على المولي
فى ولادنا الشماليل
يادينا ورجلينا
اسسنا وعلينا
وعملنا اللى علينا
جيل يطلع ورا جيل
ويقول ابنوا لبكره
والبنى ادم ذكري
نتحمس للفكرة
من كتر التطبيل
واخيرا ولا اخر
اخلاقنا بتتاجر
ومهازل
ومساخر
وهزيمه
وتضليل
| |
|
|
|
|
|
|
|
|
|
Re: عواطف ادريس اسماعيل من شعر أحمد فؤاد نجم (Re: Mustafa Mahmoud)
|
>> أحمد فؤاد نجم >> الثوري النوري
الثوري النوري
حلا ويللا يا حلا ويللا
يا خسارة ياحول اللا
الثورى النورى الكلمنجى
هلاب الدين الشفطنجى
قاعد فى الصف اللأكلنجى
شكالاطه وكراميلا
***
يتمركس بعض الأيام
يتمسلم بعض الأيام
ويصاحب كل الحكام
وبستاشر ملة
***
ياحلولو لو شفته زمان
مهموم بقضايا الانسان
بيتكتك لا تقول بركان
ولابوتاجاز ولا حلة
***
ايش حالك ياجريبى اليوم
وايش جاب التفاح للدوم
وايش جاب الأوضة ف بدروم
للعربيه وفيللا
***
جرانين ومسارح وادارة
ومعلق طبلة وزماره
يسلك أهو بيزمر
يعطل يجيبوا له المنفيلا
واترستق هلاب الدين
بقى عاقل جدا ورزين
ويا عينى علينا يا مجانين
عشنا ومتنا بعله
| |
|
|
|
|
|
|
|
|
|
Re: عواطف ادريس اسماعيل من شعر أحمد فؤاد نجم (Re: ود العجمى)
|
ولد أحمد فؤاد نجم في مايو سنة 1929
عمل نجم في معسكرات الجيش الانجليزي متنقلا بين مهن كثيرة كواء..لاعب كرة.. بائع ..عامل انشاءات وبناء.. ترزي. و في فايد و هي احدى مدن القنال التي كان يحتلها الانجليز التقى بعمال المطابع و كان في ذلك الحين قد علم نفسه القراءة و الكتابة و بدأت معاناته الطويلة تكتسب معنى. و اشترك مع الآلاف في المظاهرات التي اجتاحت مصر سنة 1946 و تشكلت اثناءها اللجنة الوطنية العليا للطلبة و العمال. يقول نجم: كانت أهم قراءاتي في ذلك التاريخ هي رواية الأم لمكسيم غوركي, و هي مرتبطة في ذهني ببداية و عيي الحقيقي و العلمي بحقائق هذا العالم, و الأسباب الموضوعية لقسوته و مرارته. ولم أكن قد كتبت شعرا حقيقيا حتى ذلك الحين و انما كانت أغان عاطفية تدور في اطار الهجر و البعد و مشكلات الحب الاذاعية التي لم تنته حتى الآن...
و في الفترة ما بين 51 الى56 اشتغل شاعرنا عاملا في السكك الحديدية. وبعد هذه الفترة بدأ في نشر دواوينه سجن عدة مرات بتهم مختلفة ومازال نجم يسكن حجرة متواضعة في حارة حوش قدم
| |
|
|
|
|
|
|
|
|
|
Re: عواطف ادريس اسماعيل من شعر أحمد فؤاد نجم (Re: Mustafa Mahmoud)
|
احنا الناس
بالطول والعرض
من عافيتنا تقوم الارض
وعرقنا يخضر بساتين
خزر فزر شغل مخك
شوف مين فينا
بيخدم مين
هما مين واحنا مين
هما الامرا والسلاطين
هما الفيلا والعربيه
والنساوين المتنقيه.. طبعاً
حيوانات استهلاكيه
شغلتهم حشو المصارين
حزر فزر شغل مخك
شوف مين فينا بياكل مين
| |
|
|
|
|
|
|
| |
Mustafa Mahmoud
معتز القريش
ود العجمى
فيس بوك
تويتر
انستقرام
يوتيوب
بنتيريست