|
Re: رساله اليها.... من الدوحه (Re: مبيوع)
|
يا سلالالالالالام عليك يا مبيوع وما أجمل أن يبداء يومك بهذه الأغنية الجميلة علي الرغم من العتاب
الفيها إلا أن الجمال هو الجمال والإبداع هو الإبداع , مشكور مرة أخري علي هذا الكرم الحاتمي .
| |
|
|
|
|
|
|
Re: رساله اليها.... من الدوحه (Re: مبيوع)
|
العزيز مبيوع
الله يسعد صباحاتك زي ما أسعدت صباحنا ....
ده كان وين؟ يعني عاملين فيها بنتلاقى في الأوستوديو اليوم والتاني .... وإنت لابد بي حاجات ما حضرناها.
يديك العافية
| |
|
|
|
|
|
|
Re: رساله اليها.... من الدوحه (Re: محمد أبوالعزائم أبوالريش)
|
Quote: العزيز مبيوع
الله يسعد صباحاتك زي ما أسعدت صباحنا ....
ده كان وين؟ يعني عاملين فيها بنتلاقى في الأوستوديو اليوم والتاني .... وإنت لابد بي حاجات ما حضرناها.
يديك العافية |
العزيز / أبوالريش
باين عليك بتنوم بدري ياصديقي
أستديو على عبدالستار تمت سودنته بعد منتصف الليل
أكرب نفسك وداهموا بعد أن ينام الخلق
فستستمتع بفن راقي
(وليد أبوالقاسم ومبيوع وفوق البيعة عمر سعد نايم نوم الضأن )
بس أقنع لينا ياسر ده يغني (كانت أيام سعيدة )
لأنو بحلف إنها حقت حنان بلوبلو
ولا ماسمعتو بغني (يافرايحي اللون)
أحسن ماتسمع منو حاجة
ولا أقول خليك نايم من بدري أحسن ..!!
محبتي
| |
|
|
|
|
|
|
Re: رساله اليها.... من الدوحه (Re: مبيوع)
|
كتب مبيوع: ------------------------------- ايه الجمال ده يا ابو ساندرا دا يوم استثنائى وكل الحبايب ديل ناس عزومة السمك صاح?? -------------------------------
صاح الديك يا دكتور نعم ديل ناس عزومة السمك وموعدنا غداء السبت القادم والغداء على شرف حضور التومات واكتمال عقدنا النضيد في الدوحة
تشرفونا
| |
|
|
|
|
|
|
Re: رساله اليها.... من الدوحه (Re: مبيوع)
|
Quote: ان شاء الله كمان دايما تامين يا ابو ساندرا معاكم يوم السبت بربطة المعلم وما اوصيك على البلطى |
الأحباب الأعزاء
مبيوع
أبوساندرا
أبوالريش
وضيوف الخيط الكرام
تباريح الهوى
وكل جميل
ولمة صفاء ومحبة وصدق
هي مانحتاجه فعلاً في هذه الأيام
وحمد الله على سلامة التومات ياقريبي
محبتي وأمتناني
| |
|
|
|
|
|
|
Re: رساله اليها.... من الدوحه (Re: مبيوع)
|
Quote: صباحك زين ياكمال الزين فعلا ما احوجنا للصفاء والتسامح فى هذه الايام ودا العربون اها قلت شنو |
صباحك الفل يادكتور
أحلى عربون
ودعنا نهرب إلى (أزغوى) ياصديقي
وخلى العود قريب
محبتي
| |
|
|
|
|
|
|
Re: رساله اليها.... من الدوحه (Re: مبيوع)
|
Quote: العود معانا وما همانا وخبر مفاجأه يعلن فى حينه ياصديقى |
خليها في حينه أحسن ..!!
وعودك متكأنا ياصديقي , ولكنه بحاجة لهدوء أزغوى
وجو (بركاتي) من بركات طبعاً
محبتي
| |
|
|
|
|
|
|
Re: رساله اليها.... من الدوحه (Re: أبو ساندرا)
|
Quote: تسلم ياكمال لو عايزين تعدلوا في المواعيد ماعندنا مانع البلطي جاهز وفي أزغوى متكأ والتومات عامرات بالمعلومات |
العزيز أبوساندرا
نحنا ماحانعمل زي سودانير خليها ثابتة مواعيدنا
وعارفين ياقريبي ولدتك الحيرتنا بيها دي
بنات جدعات ومرة ضكرانة
محبتي
| |
|
|
|
|
|
|
Re: رساله اليها.... من الدوحه (Re: كمال علي الزين)
|
يا سلام يا مبيوع ياسلام... مالك علينا مطلع فينا سيرة الوجع الخرافي بالمزازيك الملانة..ملانة يا مبيوع كلامات وتونات ومصايب تخليك تحلق فوق فوق(زي ابا بتاع عالم السينما).. مبيوع يا زول احنا غناء زي ده بشتتنا وبجدعنا وبحولنا الي (نقطة) نقطة يا مبيوع وكده 2 وديني يا مبيوع الثالثة اخش ليك جوه الاسفير ده وانا مافي (مسوول بعد داك)
| |
|
|
|
|
|
|
Re: رساله اليها.... من الدوحه (Re: مبيوع)
|
كتب مبيوع مستدرجآ للصحافة 30:
Quote: وتعال ياخى نتعرف عليك |
ده جيبوهو معاكم يوم السبت ويجيب معاهو الكاميرا الذكية بتاعتو من يوم غادة نوري في مسرح نادي الضباط تاني ماشفناك مع إنك وعدتنا
| |
|
|
|
|
|
|
Re: رساله اليها.... من الدوحه (Re: أبو ساندرا)
|
ريحة السمك واصل لعند بوستاتنا .. يعنى قررتوا سبت تفاديا لموظفى القطاع الخاص الزينا كدا ..(ان زين ) مافى مشكلة ...وحقنا مابنسيبو ...
يادكتور مبيوع (يطرشنى ) ماسمعت حاجة.. وبعدين ياخى ماعندك كاسيت ...لو عندك مااتسلفنا ..وماتخاف حقوق النشر محفوظه ليك ..يعنى مابتلقاهو لافى عند خلائق الله دى ..
تحياتى ياشباب ..وصحتين وعافيه مع صينية السمك المدنكلة ..
| |
|
|
|
|
|
|
Re: رساله اليها.... من الدوحه (Re: محمد عبدالرحمن)
|
Quote: يعنى قررتوا سبت تفاديا لموظفى القطاع الخاص الزينا كدا ..(ان زين ) مافى مشكلة ...وحقنا مابنسيبو ...
|
العزيز / محمد عبدالرحمن
تحياتي
يعني إنتا حاتلوم الناس على (صينية سمك) ودسيت مننا (الهامور الكبير) وبعد ماسافر
جاي تفتش على سمكنا الصغار ؟؟
إنشاء الله ماينفعك ..!
| |
|
|
|
|
|
|
Re: رساله اليها.... من الدوحه (Re: مبيوع)
|
Quote: كمال صباحك نادى والله بقيت شواف شوف هسه كان قلنا رساله اليه كان بقا فيها كلام تانى يازول مالك على!! |
ياصاحب
خليها كده أحسن ..!!
إليها .. إليها
هو إنتا ناقص
ولا أنا كمان ناقص ..
خلينا في السمك أحسن
وحا أعمل ماشايف
السمك نوع شنو ؟؟
بلطايات طبعاً
كده كيف ؟؟
| |
|
|
|
|
|
|
Re: رساله اليها.... من الدوحه (Re: مبيوع)
|
صحى العنوان فات على وحاتك يا كيكى يا مسخوت يا ملعون البوست دة اتكتب الساعة 4 صباحا...
كلام على الزين كان شفتك بعضيك بدل السمك .....
طبعا دى اول اغنية يغنيها مبيوع فى الدوحة فى اول جية ليهو فى كيرلا لو تكر يا كمال
ابوساندرا انا معزوم................
| |
|
|
|
|
|
|
Re: رساله اليها.... من الدوحه (Re: مبيوع)
|
مبيوع والله انت غناي (ونوع غناك ده بيصحي معاه الوجع المدسدس) الله يخليك لي كده ويمد في عمرك لي الغناء الزي ده والبكاء المن غير فراش,,
وبمناسبة السمك ده نحن معاكم ولا نرسل كديستنا تسرق السمك بعد تتبيله..
| |
|
|
|
|
|
|
Re: رساله اليها.... من الدوحه (Re: مبيوع)
|
سلامات مرة أخرى يا دكتور
أغنية أثيرة إلى نفسى و تمس عصب الوجع فينا! أداء ممتاز وحس موسيقى عالى و جودة فى تصنيع العمل والأهم طبعافى هذه الحالة هو القون نفسه! سمعت عن روعة أدائك و فاق ما سمعته منك هنا ما سمعته عنك هناك! موفق يادكتور ففيما يبدو أنك مسكون بالنغم والتطريب.
*سمك ما معانا( كجناه) رسمى شعبى لكن أى طرب وفن راقى و جميل و محترم بالله كوركو لينا.
| |
|
|
|
|
|
|
|