|
|
 حليل ألعيد في أمدورأمان في كل مكان نلقي ألسرور
|
حليل زمناً قضيناة تهل ألقمرة فية حليل
بنتلمة الصقار وكبار وتحلي ألقعدة جنب ألنيل
نعدي ألترعة وألسهلة نلاقي ألنيل قصادنا عديل
نلقي ألموية منفضة وكل رمالة تبر أصيل
تهب ألنسمة من صندل
تفوت وتعدي فوق لنخيل
خرير جدول جمال منظر
يدقدق في خيالنا ويشيل
نبدي ندوبي نتسامر
بتحلا ألغنوة عز ألليل
وصوت طنبورنة يترنم
مع ألتم تم ونحنا نشيل
تقوم ألمهرة في رزانة
وزي ألبانة تبقي تميل
تشيلنا ألنشوة ونبشر
يفيض إحساسنا زي ألنيل
حليلك يمة حليل زمان
حليل ألخليل وحليل سرور
حليل العيد في أمدورأمان
في كل مكان نلقي ألسرور
بعتة سلام معطور حنان
شالو ألنسيم عابر بحور
في بعادك جار يمة ألزمن
مرت سنين تشبة دهور......................كلمات نادر السوداني
|
|
 
|
|
|
|
|
|
|
|
Re: حليل ألعيد في أمدورأمان في كل مكان نلقي ألسرور (Re: نادر السوداني)
|
نادر السودانى ...سلام وتحايا
يا سيدى انا ما بعرفك ده صحيح لكنى ما بجهلك ..ان كنتى موسيقى وخريج المعهد اظنى عرفتها من هنا لكن من المستحيلات تكون خريج (صوت) يعنى ببساطة كده غناى ...ولو فى زول قبل كده قال ليك انك مطرب للاسف بكون فعلا بجهلك .. تجربة الكتابة والتلحين وتنفيذ الموسيقى تختلف تماما عن الاداء والتطريب وانا كمتلقى ومستمع (اعتقد ما بطال) .. ما شايف فى اداءك اى تطريب ولا حتى اداء يمشى الحال ..وحبيت كمستمع عرضت عليه عملك من خلال المنبر اقول ليك راى قد يكون غير صحيح عند ناس تانين وفى النهاية اختلاف تذوق ..لك ودى
والسلام
| |
|
|
|
|
|
|
|
|
|
Re: حليل ألعيد في أمدورأمان في كل مكان نلقي ألسرور (Re: نادر السوداني)
|
| Quote: ملهم سوعال سقنتوتي ما هوة ألأداء وألتطريب من وجهة نظركم الثاقبة ؟؟؟؟؟؟ |
الاخ نادر السودانى ..تحياتى
من وجهة نظرى الثاقبه ومن غير تهكم ... وانا قلت ليك فى مداخلتى الفاتت انى قد اكون على خطأ ..
وانى مجرد مستمع عنقالى لم يعجبه اداءكم الغناءى ..
الاداء يا سيدى ممكن ان تكون ملم باصول الغناء كيفية وتواصل مع اللحن من دون ان تكون من اصحاب الاصوات الجميلة او المدربة على الغناء ...يعنى اقلاهت متا تنشذ ...وخليك ملاحظ انه ده راى غير متخصص يعنى انا ما دارس موسيقى..
اما التطريب فى دى حاجة تانية ..التزام عدم تنشيذ , صوت عزب ,اداء متفرد ...امكانيات صوتيه ضخمه واستخدام ليها جيد ..
يبقى يا استاذ نادر ما مفروض تزعل وتكونردودك تهكمية لو سمعت منى راى فى طريقتك الاداءية وانها ما وافقت مزاجى ويمكنمزاج ناس كتار معاى ...ويمن لو رجعت لصفحة (يوتيوب) وشفت التعليقات على اداءك لـ (كونى النجمة) من عددية من المستمعين/المشاهدين كنت قريت اكتر من ملاحظتى ...او انك منتظر اعجاب ولوبى منقطع النظير !!
والسلام
| |
|
|
|
|
|
|
|
|
|
Re: حليل ألعيد في أمدورأمان في كل مكان نلقي ألسرور (Re: محمد سنى دفع الله)
|
الفنان ألأصيل محمد سني دفع أللة
فرقة السودانيين وأمدور وناس معهد الموسيقي والمسرح والناس الحلوة وألأيام الجميلة أللتي قضيتها في السودان الحبيب
ومالها من زكريات عطرة نقية كماء النيل لم تبرح زاكرتي وكانت سبب كتابتي لهذة الغنية اللتي كتبت ولحنت وسجلت في القاهرة
في أوائل التسعينات وهي ضمن مجموعة أعمال / ألبوم مسدار / أنتجتها شركة حصاد لك مني كل الحب والتقدير كما نتمني أن
نتقابل ونبل ألشوق الحمانة ألنوم
| |
|
|
|
|
|
|
|
|
|
Re: حليل ألعيد في أمدورأمان في كل مكان نلقي ألسرور (Re: نادر السوداني)
|
يا حليلك و حليل الزمن الندي يا صديقي
و حليل بالليل ده ماشي وين......
Quote: نلقي ألموية منفضة
وكل رمالة تبر أصيل
تهب ألنسمة من صندل
تفوت وتعدي فوق لنخيل
خرير جدول جمال منظر
يدقدق في خيالنا ويشيل
نبدي ندوبي نتسامر
بتحلا ألغنوة عز ألليل
وصوت طنبورنة يترنم
مع ألتم تم ونحنا نشيل
تقوم ألمهرة في رزانة
وزي ألبانة تبقي تميل
تشيلنا ألنشوة ونبشر
يفيض إحساسنا زي ألنيل |
يا ود إنت بقيت تذاكر من ورانا و لا إيه
و الله يا سوداني ده إحساس و نظم جميل و صادق جدا
و إلى الأمام...وقفكم الله و سدد خطاكم في نصرة قضايا الوطن.
أسمع...
ما داير ليك باصصجي في الكورس؟
بس إنت رسل التذكرة و الباقي علي......
| |
|
|
|
|
|
|
|
|
|
Re: حليل ألعيد في أمدورأمان في كل مكان نلقي ألسرور (Re: Azhari Nurelhuda)
|
أبو ألزهور ألزول ألسمح ألشوق وسهر الليل وزكريات ألأيام ألعطرة وصحبتكم ألغالية إنتة
وممدوح وشلة المعهد وألأهل وأمدرمان وألنيل وألبيوت وألناس ألنقيية ألطاهرة وشوقي
ألزي قد تعجز كلماتي في وصفة هم سبب في محاولاتي لكتابة ألشعر مع ألعلم أنا ما بصنف روحي كشاعر
بل هي أحاسيس وليدة لحظة دبرسة وإنفعال تترجم ما نمر بة في ليالي ألغرب ألغاسية ألمرة
جقلرة
===
نحنة لاقنك وين ولاقين صوت الباص حقك دة وين ياحبة تعرف ياأبوألزهور لي أكتر من شهر بعد ما كتبت ووزعت
غنية / ألكوز غدار حقار ......../ بدور علي أصوات نسائية عشان الكوس لو مالقيت في منطقة واشنطون
بجيك بهناك عشان أسجل ألكورس
| |
|
|
|
|
|
|
| |
نادر السوداني
النذير حجازي
mulhim
محمد سنى دفع الله
wesamm
Azhari Nurelhuda
فيس بوك
تويتر
انستقرام
يوتيوب
بنتيريست