|
Re: المريخ يحقق الصعود بأقل مجهود؟؟؟؟؟ (Re: keiga2000)
|
سلامات يا كيجا،
صعد مع المريخ حتى الآن كل من الإسماعيلي المصري، الصفاقسي التونسي وصن داونز الجنوب إفريقي وستجري يوم الأحد 20 مايو باقي المباريات التي ستسفر عن تأهل باقي الفرق (في الغالب ستكون باقي الفرق من نيجيريا والكميرون والكونجو).
في دور الثمانية لكأس الاتحاد الإفريقي تقسم الفرق لمجموعتين، يصعد متصدر كل مجموعة مباشرة للمباراة النهائية (لا وجود لدور الأربعة كما هو الحال في دوري الابطال).
تصدر المجموعة يتطلب تحقيق نتائج إيجابية بأرض الخصوم وهي مهمة صعبة أعاقت الهلال في مشواره في ذات البطولة عام 2004 عندما التقى بالأشانتي كوتوكو والرينجرز النيجيري وبترو أتليتكو الأنجولي ففاز عليها في السودان 2-0 و2-1 و1-0 وخسر بأرضها 0-3 و0-4 و1-3 على "الترتيب".
نال الهلال وقتذاك 9 نقاط نال بها المركز الثالث في مجموعته خلف الأشانتي والرينجرز اللذين نالا 10 عشر نقاط... يعني نقطة واحدة فقط أبعدت الهلال عن المباراة النهائية والسبب خسارة المباريات خارج الارض.
| |
|
|
|
|
|
|
Re: المريخ يحقق الصعود بأقل مجهود؟؟؟؟؟ (Re: Ahmed Alrayah)
|
حمزاوي مسكاقمي التحية ليك وللمريخ العظيم وتحية خاصة للخال ودالموج
حسن يوسف بوجودك ازدادت قوة محبي المريخ في البورد واصل كفاحك وعين الله ترعاك
الاخت فدوى الشريف هكذا دائما المريخ صاحب الإنجازات الرائعة
المهندس الرائع أحمد الريح
اشكرك على المعلومات قبل قليل اتصل علي احد الاخوة بسألني لكني لم اتمكن من الاجابة لعدم المتابعة وانشاء الله التقديم للهلال والمريخ دوما واشكرك على روحك الرياضية
ابومصطفى
| |
|
|
|
|
|
|
Re: المريخ يحقق الصعود بأقل مجهود؟؟؟؟؟ (Re: keiga2000)
|
فوق فوق مريخنا فوق...........
ابدع نجوم المريخ امس ......... الاستقرار الفني......... احد اسرار التفوق..
القيادة الحكيمه لمجلس الاداره وتوفير معينات الانتصار......... التحيه لهم...
مع الزعيم(ماتقدرش تغمض عينيك ) ............الي الامام ... القادم احلي....
| |
|
|
|
|
|
|
Re: المريخ يحقق الصعود بأقل مجهود؟؟؟؟؟ (Re: taha)
|
الاخ طه
تحية طيبة لك والله ياخي انا لعبت كوره قدم سنين وكنت اتمتع بموهبة (هذه معلومة جديدة) ليك والروح الرياضية اهم شئ في الرياضي وما اتكلم واما اكتب عنه هنا ماهو الا انعكاس وانتقادات لا يراها لاعبي الهلال ولا المريخ والقصد منها مناكفات بروح رياضية اساسها الأثارة فمن يثبت ولن تفلت اعصابه هو الرياضي ومن يفور دمه ذلك هو المقصود ... وفي الاخير نحن سودانين ما اظن نفرح لهزيمة فريق سوداني بصرف النظر عن هلال مريخ رغم انك دخلت في اساءات شخصية لقت الاستنكار من الهلالاب قبل المريخاب فسامحك الله اخي طه والعفو والعافيه وانشاء الله نتقابل في ساعة خير كدا (وياحبذا لو في احتفال الهلال باحرازه اول كاس خارجي) دي حبة بندول من نوع المهاترات
وربنا يعطيك العافية وهكذه هي الروح الرياضية
ومبروك للسودان اولا هذا النهوض
ابومصطفى
ما عاوز اسلم ليك على مصطفى؟؟؟؟؟
| |
|
|
|
|
|
|
Re: المريخ يحقق الصعود بأقل مجهود؟؟؟؟؟ (Re: keiga2000)
|
الاخ ابو مصطفى
تحياتي Quote: رغم انك دخلت في اساءات شخصية لقت الاستنكار من الهلالاب قبل المريخاب |
يا اخي والله الظاهر عليك زي ما بيقولوا بطنك غريقة صدقني ما حدث لم يكن فيه اي قصد فانا اصلا لا اعرف عنك شيئا سوا كتاباتك في المنتدى ..زي ما بيقولوا برضو الزعل نص الجن ومرات الزول بيقول حاجات ولمن يراجعه تاني يوم يقول يا ربي الكلام ده معقول قلته ولا كتبته انا ؟ وبيني وبينك انت كمان ما قصرت وانا برضو عافي ليك لله ورسوله ولو راجعت البوست المشكله تجدني قد ازلت كافة مداخلاتي في اليوم التالي مباشرة. وبالنسبة لي مصطفى اقول ليهو ربنا يديهو الصحة والعافية ويعلي مراتبو ويكون زي سميه افضل خلق الله وكمان بتمنى ليه ربنا يبعدو من قبيلة بني صهيون ويجي مع حزب الاغلبية والفن والجمال تحياتي مجددا..
| |
|
|
|
|
|
|
|