|
Re: أدعموا السوداني خالد حسن الذي يمثل السودان في MBC1 لانه يشارك باسم السودان وكفى (Re: sunrisess123)
|
فريق شمال أفريقيا يمثل فريق شمال إفريقيا بلدان .. المغرب العربي و مصر و السودان... ويضم هذا الفريق ثلاث فتيات .. من المغرب وتونس ومصر وشابين .. من السودان وليبيا. .. وفيما يلي أسماء أعضاء الفريق .. مع نبذات مختصرة عن كل واحد منهم.
(1)
خالد حسن الشاب السوداني المتخصص.. في هندسة الكمبيوتر، يهوى الغناء ويعشق.. الموسيقى الرومانسية والطربيّة.. يبلغ الـ 20 من عمره ويستمتع بسماع المطربين.. عبد الحليم حافظ ، وردة الجزائرية والفنان اللبنانيّ فضل شاكر.
(2)
سامي محمود شاب ليبي عمره 24 سنة، , متخصص في القانون. يهوى الغناء، والتلحين والتقديم. . يحب الاستماع إلى الأغاني.. التي تفرض نفسها لحنها وكلماتها. .. سامي متشوّق لهذه المغامرة.. لأنه لم يشارك بمثلها سابقاً.
(3)
منى أعمرشا مغربية تحلم بالنجومية.. تبلغ الـ19 من عمرها ومازالت تتابع دراستها الجامعية.. في مجال الاقتصاد. بالإضافة إلى الرقص, ، تهوى منى الديكور والتصميم. . تفضل أن تستمع إلى الأغاني الكلاسيكية .. العربية والغربية بالإضافة لموسيقى الراي،, كما تبرع بأدائها لأغنية "أكذب عليك"،, "سيرة الحب" و"لو على قلبي".
(4)
سارة بن ناصر تونسية عمرها 26 سنة، متخصصة في مجال التجميل.. جريئة في الاستعراض، والغناء والرقص.. حلمها الأكبر أن تصبح ممثلة وفنانة استعراضيّة معروفة. . تتمتع بموهبة الرقص بالإضافة إلى إتقانها تقليد الأصوات. . هدفها من الاشتراك ببرنامج "ألبوم" هو النجاح والشهرة.
(5)
نورهان إسماعيل من مصر تبلغ الـ 18 من عمرها. طالبة في كلية التربية في اللغة الإنجليزية.. تهوى الغناء القديم والجديد وقد شاركت .. سابقاً في برنامج سوبر ستار وبرامج ترفيهية أخرى في مصر.
| |
|
|
|
|
|
|
Re: أدعموا السوداني خالد حسن الذي يمثل السودان في MBC1 لانه يشارك باسم السودان وكفى (Re: ناذر محمد الخليفة)
|
Quote: . هذا الشاب خالد ياتى من نوافذهم ويثبت قابليتنا للتشكل وقبول تقافاتهم ليس اعجابا بها او تفردا لها انما للعبور خلالها ولفت النظر لموسيقانا وارثنا الغنائى الثرى .. .وهى محاولة اذا ابتعدت عنه المؤامرات والدسائس التى اشتهرت به مثل هذه المسابقات فى العالم العربى ...
لندعم خالد لانه يشارك باسم السودان وكفى
|
هو السودان صدقوني اذا دعم لن يبقى برنامج مهما كانت طبيعته الا ويؤتى فيه بسوداني , السودانيون منتشرون و مثقفون و لا يبخلون قليل مال لرؤيه السودان عاليا في كل المحافل ابشر بالدعم اياخالد
شكراعلى البوستهو السودان
| |
|
|
|
|
|
|
Re: أدعموا السوداني خالد حسن الذي يمثل السودان في MBC1 لانه يشارك باسم السودان وكفى (Re: sunrisess123)
|
شاب رائع بكل المقاييس هو خالد حسن مثلنا فى اضخم تنافس وكان على قدر المسئولية والله العظيم اجاد وابدع ومن حقه علينا ان ندعمه ليس لسودانيته وحسب بل لانه يستحق الدعم فعلا ولكن لا ادرى كيف نصوت له نحن القابعون فى اوربا؟
طربت له وهو يعنى لعمرو دياب وفضل شاكر كما طربت له وهو يعنى من حور الجنان , اجاد وابدع فى الغناء بالسلم السباعى وبشكل سليم جدا مثل غنائه فى الخماسى. واثرتنى وطنيته الخالصة وهو يتوشح العلم السودانى ويغنى ضياء الدين ميرغنى مغنى وملحن/هولندا
| |
|
|
|
|
|
|
Re: أدعموا السوداني خالد حسن الذي يمثل السودان في MBC1 لانه يشارك باسم السودان وكفى (Re: sunrisess123)
|
شكراً ليكم
و أنا نوهت من بدرى في موضوع "فيديط كليب طه سليمان" إلى ضرورة دعم الشاب الجميل خالد لأنه بجد يستاهل الفوز و مواصلة مشواره الفني لطموحه الفني القوي و صوته الأقوى
بالله بالله ما تبخلوا عليهو و أنا بدورى إن شاء الله ح أحاول أجيب باقى تلفونات الدعم ليهو من جميع الدول.
و ح أبدأ بالبحرين : بتلكو فقط "لسة ما عارفة "فودافون"
95172 و رقمه 2.
يعنى بس ندخل رقم إثنين و نعمل إرسال للرقم الفوق.شكراً يا سن رايسس123
| |
|
|
|
|
|
|
Re: أدعموا السوداني خالد حسن الذي يمثل السودان في MBC1 لانه يشارك باسم السودان وكفى (Re: عبد الله إبراهيم الطاهر)
|
الأخ عبد الله
تحياتى و ياها المحرية فيكم يا أولاد عزة
الرقم الأنا كتبتو فوق دة بتاع بتلكو و هو :95172
و رقم فودافون هو: 77263
و بالله شوفوا ناس النادي السودانى ، و مسيج على مسيج بتجدع بعيد
و البرنامج بيجى يوم الجمعة الساعة 9 و نص، و الترشيحات يوم السبت "اول أمس" الساعة 7 و نص و فى يوميات يومياً من الأحد لى الخميس الساعة 8 مساءً.
و أسى مفروض نصوت من أول أمس لى الساعة 10 مساء يوم الجمعة 25 مايو.""يا ربى دى مصادفة كمان" ،، إن شاء الله حظو يكون أحسن من نميري !!!!
همتكم معانا و أنا ح أعمل لى حملة من نساء البحرين
شكرأ
| |
|
|
|
|
|
|
Re: أدعموا السوداني خالد حسن الذي يمثل السودان في MBC1 لانه يشارك باسم السودان وكفى (Re: نوسة)
|
Quote: يمتد التصويت للمتسابقين لمدة أسبوع كامل من مساء السبت وحتى مساء الجمعة.
للتصويت من السعودية، إرسال رسالة sms بالرقم 2 إلى الأرقام التالية
الجوال 88885 موبايلى 6091
من الإمارات ، إتصالات 2298
مصر GSM 93200
البحرين
بتلكو 95172
فودافون 77263
قطر Q-tel 2877
و للتصويت العالمى عبر التلفون للناس الما عندهم أرقام إشتراك في بلادهم
الإتصال بالرقم 009739000532
و الرقم دة فى البحرين
|
| |
|
|
|
|
|
|
Re: أدعموا السوداني خالد حسن الذي يمثل السودان في MBC1 لانه يشارك باسم السودان وكفى (Re: sunrisess123)
|
الاساتذة الإجلاء المشرفون على البرنامج الرائع البوم والاخوة المشاركين والاخوات تحياتى لكم جميعا . هنالك ثلاث تعليقات ابعثها اولها للمشترك الرائع خالد حسن من السودان الرقم 2 وامنحه دعمى الكامل فهو قد احسن تمثيل السودان وشرفه .اجاد وابدع ويعتبر خالد حسن حالة خاصة وسط المشاركين جميعا وهو انه الآن يغنى فى السلم السباعى مثل ما يغنى فى السلم الخماسى الذى يسود فى السودان وهذه لوحدها ميزة يجب دعمها ومساعدته فى سبيل استمراره فيها . ولتعرفون صعوبة هذه النقطة فلو طلبنا من الاخوة المشتركين جميعا ان يغنوا فى السلم الخماسى لتبين لهم كم هو صعب ان يجتازوا هذه النقطة حتى يبرعوا مثل برع خالد حسن فى هذه المنافسة. ليس هذا وحسب بل اصبح خالد حسن احد العناصر المهمة التى يرتكز عليها فريق شمال افريقيا اذا لم اقول انه العمود الفقرى لهذا الفريق ولا مبالغة عندما اقول ذلك. وايضا سبب آخر وخاص ان الشعور السودانى الصميم الذى تمتع به خالد حسن يجعلنا ندعمه بلا تردد كاحسن سفير للشباب السودانى مثله خلقا و خُلقا والرسالة الثانية هى لمديروا الاعمال فى هذه الفرق وبالذات مدير فريق شمال افريقيا . وهى ان المنافسة قد دخلت مراحلها الاخيرة وبالتالى فى هذه المرحلة مطلوب اولا استقرار الفريق وتجانسه بعد هذا المشوار الطويل من البرنامج . ووفق هذا الوضع يصبح اختيار المشترك الاضعف لا يعتمد فقط على الصوت فقط بل ايضا وتأثيره فى الفريق وتأثر الفريق فيه . فمثلا لا يمكن التفريط فى عضو من الفريق عملتم على تدريبه منذ بدايات المنافسه لتفقدوه فى آخرها وبالتالى فقدان التجانس والخبرة والمعرفة . ان الوقوف اما الكاميرا لوحده مشكلة حتى يتم التعود عليها . ولهذا اتفهم كثيرا مواقف الاستاذ ايمن الذهبى فى التعامل مع حالة فاتنة مثلا . الرسالة الثلاثة للمذيعة اللامعة والمقتدرة والجملية جدا رزان مغربى التى استطاعت ان تشدنا للبرنامج ولم يتوقف دورها على انها مذيعة بل ظهرت كنجمة موهوبة وفنانة شاملة لها حبى ومزيدا من التوفيق ان شا الله اخوكم ضياء الدين ميرغنى مغنى وملحن سودانى /هولندا وبهذه المناسبة كيف يمكننا التصويت لصالح المتنافسين من اوربا؟ مشاركة ساهمت بها فى موقع البوم من خلال مكتوب http://album.maktoob.com/play?movie_id=1640 ملاحظة يتمتع خالد حسن بالتعليق عليه باكبر عدد من المعلقين مما يؤكد موهبته وحب الناس له
| |
|
|
|
|
|
|
Re: أدعموا السوداني خالد حسن الذي يمثل السودان في MBC1 لانه يشارك باسم السودان وكفى (Re: اساسي)
|
لا اتابع مثل هذه البرامج و المسابقات التى تبث على العديد من الفضائيات العربية لاسباب كثيرة منها لانو فى النهاية الحكاية مطبوخه و معروفة النتائج خاصة اذا الحكايه بقى فيا مصريين !!!! سببان جعلانى اشاهد بعض حلقات البرنامج الاخيرة ... اولا : عندما نبهنى زوجتى بان احد المتنافسين سودانى و هو الاستاذ خالد و الذى فعلا كما ذكر الاخ خالد عبدالله مسعود فقد اعجبنى فيه ايضا اصراره على التحدث باللهجة السودانية الصرفة ... ثانيا : مقدمة البرنامج الاستاذة رزان المغربى و التى اعتبرها احسن مقدمة برنامج على الفضائيات العربية و طريقتها المتحضرة الراقية الخالية من العقد و بساطتها فى ادارة احوار بالاضافة الى خفة الدم و سرعة البديهة و عدم التكلف و عدم الغطرسة و احترامها لكل المتسابقين دون فرز ... فلنصوت جميعا للفنان خالد .... و ليكن ذلك حافزا لمبدعين اخرين يشاركون بموسيقانا و اغانينا السودانية فى شتى المحافل الاقليمية او العالمية حتى تجد موقعها على الخارطة الموسيقية العالمية فهذا الامر ليس بمستحيل اذا ارتقت ادواتنا الاعلامية الى مستوى المسؤولية بالترويج لتراثنا الابداعى السودانى بدلا من تلك البرامج الكلامية القديمة و العقيمة المملة ... فما تجربة ( الشاب خالد _ الجزائرى ) و اغنيته الشهيرة ( سيدى عبدالقادر ) ببعيدة عن الاذهان و التى كان لها الفضل فى تبوء الاغنية و الموسيقى المغاربية تلك المرتبة و التى كانت ثورة ابداعية انهت عقودا من سيطرة الموسيقى ( المشرق عربية ) التركية الاصل ... التحية ل sunrisess123 على هذه اللفتة البارعة فى فتح هذا البوست ... و ياناس الاتصالات و ال mbc جاكم ( بلا !!! ) و جن احمر راكب ( محمود ! ) و شعرن ما عنكم ليو رقبه !!! فكلنا اليوم خالد السودانى .... عبدالماجد
| |
|
|
|
|
|
|
Re: أدعموا السوداني خالد حسن الذي يمثل السودان في MBC1 لانه يشارك باسم السودان وكفى (Re: sunrisess123)
|
Quote: عزيزتي تراجي أنا هنا في كندا وبستعمل خط قطر الأرضي وبيجي بسهولة والكرت البخمسة دولار صوتنا بيهو أكتر من 30 مرة الرقم هو 0119749001320 ورقم خالد 2 حتجيك رزان وتسألك اذا عاوزة تصوتي للفريق اضغط 1 واذا عاوزة تصوتي للمشتركين اضغط 2 تقومي تضغطي 2 حتسألك بعد ده للتصويت للمشتركين من 1 الى 4 تقومي تضغطي 2 لخالد بعد كده حتقول ليك أكدي على اختيار بضغط الرقم 1 تعالي أكدي لي اشتغل معاك ولا ] |
صوت على رقم التلفون بواسطه دوله قطر التصويت كان سريع , حاولي تاني ياعزيزتنا تراجي
| |
|
|
|
|
|
|
موضوع الرسالة (Re: sunrisess123)
|
من أجل فوز الفنان خالد قمت بفتح بوست بنفس المضمون لعدم اطلاعي علي هذا البوست الرائع افتكر انو الهدف واحد ولا بأس من المزيد تحياتي صوتوا
| |
|
|
|
|
|
|
Re: أدعموا السوداني خالد حسن الذي يمثل السودان في MBC1 لانه يشارك باسم السودان وكفى (Re: Semsema)
|
اليوم الخميس وقبل ان اقرأ هذا البوست وحوالى الساعه الثالثه ظهرا وانا قاعد اقلب فى القنوات الفضائيه جيت ليك بالصدفه فى ال mbc1 وسمعت ليك رزان مغربى بتقول خالد من السودان ولتسمرت طوالى لزكر اسم السودان وقعدت اعاين عشان اشوق خالد السودانى وموضوعه شنو لانى اصلا مافاهم فكرة البرنامج شنو بالظبط المهم لقيت جكس كدا لمن غلط ومعاهم ولدين وانتظرت ليك عشان اشوف خالد السودانى دا وين .. ومنتظر .. ومنتظر عشان اشوف واحد اسمرانى بيشبهنى وبيشبه كل السودانيين واتفاجأت ليك انو خالد هو واحد من الولدين اللى مع الجكس .. وعرفته بعد ان وقفوهم صف واتكلم واحد قالوا عليه مدير اعماله ورد خالد .. وبس عرفته ليكم المنجض الجكس نجاض بس غاظنى انو اختاروه من بين الولد التانى والبنيات السمحات وقالوا ليهو انتا الاضعف .. الدم صعد لى عروقى وزعلت وبقيت اطنطن براى كدا وزاد زعلى كمان بعد ما سمعتو ليك بيغنى لى فنان اسمه فضل شاكر وبما انو معرفتى بالفن والغناء العربى كمعرفتى فى علوم الفلك الا انى انبسطت اخر انبساط وانا ارى كل من بالاستديو يتفاعلون مع السودانى والجكس بالاستديو اخر هجيج والعجبنى اكتر انو بعد ما انتهى من الغناء وجات رزان عشان تتكلم الجكس وكل الحاضرين ما خلوها تتكلم وقعدوا يصفقوا ويصفروا ويكوركوا لامن شعرت جلدى كلبت وصوف راسى وقف صوفه صوفه وانفعلت ليك لمن ضغط الدم عندى ارتفع
وقمت فهمت ليكم الموضع شنو وطريقة التصويت كيف وما اتحركت ليك من البيت الا بعد ان ارسلت رسائل بكل ماتبقى فى الجوال من رصيد وقلت خالد السودانى يستاهل اكتر من كدا وجيت المكتب واتصلت بكل من اعرف وطلبت منه التصويت بعد ان شرحت لهم الامر
لذلك اناشد كل من لديه القدره بأن يرسل رسائل او يتصل على البرنامج لندعم ابننا واخونا وولدنا خالد
وانتوا عارفين هو قال شنو فى الحلقه قال امه قالت ليهو انتا وراك السودان كله والوراهو بلد زى السودان عمره ما بيخسر وبعد قال كدا الاستديو كان داير يتهد من التصفيق رغم انهم ما سودانيين لكن عجبتهم الكلمات الحاره والعميقه
وانا كنت ناوى اليوم اجى افتح بوست بهذا الموضوع ولكن وعندما وجدت هذا البوست انبسطت على الاخر .. وساقيم هنا وساجعل هذا البوست عاليا الى ان ينتهى التصويت
غايتو الله يجازيك يا خالد .. اكان شبكتنا فى شغله الله يحلنا منها
| |
|
|
|
|
|
|
ندعم ونشجع (Re: sunrisess123)
|
تابعت البرنامج في أمسيتين وسمعت خالد بيغني عدد من الأعمال الفنية وحقيقة أن صوته سليم بل يستطيع أداء أعمال خارج حدود السلم الخماسي ولكنه سوداني سوداني وتمنيت لو استمعت له في أغاني سودانية هنا يكون الإسهام بنشرها بصورة جيدة من خلال برنامج (مشاهد جدا) ولكن البداية دائماً خطوة خطوة وأنا متأكد من مقدراته وأتمنى له التوفيق . فهلم معا نصوت له فهو يستاهل وسودانا (فوق) والفترة الزمنية المتبقية ضيقه . عادل التجاني الدوحةً
| |
|
|
|
|
|
|
Re: أدعموا السوداني خالد حسن الذي يمثل السودان في MBC1 لانه يشارك باسم السودان وكفى (Re: محمد ابوبكر عثمان)
|
اليوم الجمعه
انا ولفيف من الاصدقاء ارسلنا العديد من الرسائل دعما لولدنا خالد بس العجيبه انو كنا بنتناقش انا وواحد تانى سودانى عن الموضوع زميلنا السعودى وكطبيعة حبهم للاخبار والشمارات سألنا عن الموضوع شنو فحكينا له الامر .. فقام وامامنا بارسال رسالتين دعما لخالد وتقديرا لينا ومجامله كما قال ووعد بأن يشاهد اليوم ال mbc1 ويشجع الزول وقلت ليهو انشاء الله نردها ليك فى يوم مباراة الهلال الرياض والاتحاد جده فى نهائى الكاس انشاء الله وانا اليوم داك ح اشجع الهلال وادعمه معنويا زى ما انت ح تشجع ولدنا خالد ودعمته برسالتين وطبعا دا كلام ساكت وهو عارف كدا لانه ابتسم ابتسامه صفراء متوهجه وضحك ضحكه نص كم .. لانو عارفنى ما ح اشجع الهلال وخاصه قدام اتحاد جده .
ويلا يا شباب ماباقى الا ساعات
| |
|
|
|
|
|
|
|