كتب الكاتب الفاتح جبرا المتوفرة بمعرض الدوحة
|
|
 أســــمعنى صـوت الإحتجـاج
|
لــوث إلتـواط أفكار تحديهم
خـرافه ومســتحيل
كان البحــر غرقان ومتجلبط طمى
كان همهـــــــم درء المصــادمه للجموع
وزى ما إفتكـرتك فىالخــيال
وعِــرفت كيفن إغتصـب رايكــ
وصــادر منكـ الحق فى الكلام
أو قارنك شبهاً بهابيل أو بقابيل
وإعتبارك بالهجين
كائن بديع الإنسجام
من وين وحــيح نَفـسَك نتـج
هُــم سربلوكـ أحــزان
كان إحتسـابكـ
يا مرام الرغــبه
بالشفقــه البتحــنو عليك
حان إقترابك للرحيل
لبــراح بتعرف
مبدأ الحـريه زى نور الوهــج
مين ..؟ يمنعــك
من دندناتك باللحـون
كيف..؟ يلمحك بين إحتلامك بالربيع
يا مســتطيع
أسمعنى صوت الإحتجاج
من أى مركز من حلاقيــم الغبار
يبدا الضجيج
بالرفض لا للإنتكاس
بالإعتصام ..والصــرخه
لا .......... للإفتراس
الرجفه صفة الإنهزام
للبيشبهو الليل
والخفافيش والهلام
أركز معاى ...
هللّ مــع كل الحجيج
تلقانى فى كل المدى
يا مبتدا الخبر الأكيد
صوت إنفعال الإنفجار
خليـك معاى
يا أصدق الجايين
جميل ظنك بيعنى الإنتصـار
الفكره وين من ظنهم
حاصل نتاج القسمـه
واقـع مستحيل
|
|
 
|
|
|
|
|
|
|
 Re: أســــمعنى صـوت الإحتجـاج (Re: عبدالله داش)
|
عبدالله الداش الجميل,
فرصة نقول لك كم هو رائع هذا الصوت المحتج
و على ما يبدو أن (حبالنا الجوّة ما تخنت )
إدفق يا زول و ما تبقى رقراق و غطّى المساحات
الخواء بالكلام الحلو يا حلو.
أيمن
| |
|
|
|
|
|
|
|
|
|
Re: أســــمعنى صـوت الإحتجـاج (Re: عبدالله داش)
|
Quote: أركز معاى ...
هللّ مــع كل الحجيج
تلقانى فى كل المدى
يا مبتدا الخبر الأكيد
صوت إنفعال الإنفجار
خليـك معاى
يا أصدق الجايين
جميل ظنك بيعنى الإنتصـار
الفكره وين من ظنهم
حاصل نتاج القسمـه
واقـع مستحيل |
Quote: يمنعــــى مِنـك كيف ؟
إذا المــد جابنى ليكـ
عندكـ وما مصدق خطاى
وكفرت .... بى كل الحــواجز
لو تقيف بالصــد
تكـبلنْى وتفك ســاجور غناى |
عبد الله داش ايها الثوري في دنيا اليأس والأنحباس , لك مني كل التحايا والود وتعابيرك احسها نابعة
من جواك كالقذائف والدانات .
| |
|
|
|
|
|
|
|
|
|
Re: أســــمعنى صـوت الإحتجـاج (Re: Isa)
|
لو قلت ليك متذكرك
وعارفك كما يجب التشهد فى الصلاه
ومتشــــهدك
مشتاق أشــوفك أحكى ليك
كل التفاصيل
البتعرف سكتك
عيســى
اصدق الجايين
انا مبتهج جداً معاك
أسمعنى صوتك
| |
|
|
|
|
|
|
|
|
|
Re: أســــمعنى صـوت الإحتجـاج (Re: عبدالله داش)
|
Quote: يمنعــــى مِنـك كيف ؟
إذا المــد جابنى ليكـ
عندكـ وما مصدق خطاى
وكفرت .... بى كل الحــواجز
لو تقيف بالصــد
تكـبلنْى وتفك ســاجور غناى
ما تكمِل الفى الجوف معاى
الشوق بحر ممتد
على مــد البصر
على وين...؟
أدسك منى فى جــواى
خريفين وإرتوا
يتباكا ضلى هناك هنا
وعلى وين ..؟ |
العزيز داش ...
يمنعني منك كيف ؟! ...وأنا بارتجل الكلام من عمق الشجن ...
منجل سنين يحش ساجور الوجع ويفك قيود الاستباحة ...
من وين اجيك ؟! كيف ابتديك ؟! ...
ومن ياتو باب ادخل عليك ؟؟!!
ادمنت شوقك في مداك
رميت مراياتي البحبها.. وبعيونك اكتفيت ...
لو بتسال انت وين ؟؟!
انت جاري في عروقي .. وكل قطرة ملانة بيك ...
انت ساكن في مسامي .. جلدي ريحتك .. عرقّي نفسّك ...
انت متوسد عيوني .. لما تغمض ولما تفتح ... لما ترمش ولما تبكي ...
لو بتسال انت مين ؟؟!
انت فكرة سارحة في خيالات السنين ...
انت نطفة لسة تايهة بين تكون .. وما تكون ...
انت لحظة شوق بتسكن كل قلوب العاشقين ...
انت ترنيمة مغني .. منتظرة صوته عشان تبين ...
انت درويش لابس اخضر ... قلبه اخضر
.. خطوته دوران حزين ..
أنت إيقاع الحنين ..
صمت إنسان غلبه الكلام ...
ضحكة يتيم زاره الفرح ...
بسمة حزين هجره الوجع ...
أنت توم الروح وروحها ...
| |
|
|
|
|
|
|
|
|
|
Re: أســــمعنى صـوت الإحتجـاج (Re: sanaa gaffer)
|
Quote: لو بتسال انت مين ؟؟!
انت فكرة سارحة في خيالات السنين ...
انت نطفة لسة تايهة بين تكون .. وما تكون ...
انت لحظة شوق بتسكن كل قلوب العاشقين ...
انت ترنيمة مغني .. منتظرة صوته عشان تبين ...
انت درويش لابس اخضر ... قلبه اخضر
.. خطوته دوران حزين ..
أنت إيقاع الحنين ..
صمت إنسان غلبه الكلام ...
ضحكة يتيم زاره الفرح ...
بسمة حزين هجره الوجع ...
أنت توم الروح وروحها |
وإنت مين ؟؟ يا فرح دنيانا يا فلة يا ياسمين
إنت كلمة حب حزين ساكنة في الأعماق وجع مستكين
صوت الفرح منك يبين
نبض القلب زايد حنين
نبع الحنان من بسمتك ظاهر يمين
ضؤ الشمس ساطع وكاشف المجرمين
إنت مين ؟؟ عنقود عنب رمان وتين
مزدار غناء في ليالي الحالمين
موجة بحر زفرة نفس خلطة هجين
ما عرفت برضو معاك ابين !!
نفسي أعرف إنت مين !
ناقوس خطر !
سكة قطر !
رحلة سفر !
صاروخ خطر !
بس خلاص عرفتا هسع إنت مين
إنت سوداني الحزين .........
أشكرك يا سناء جعفر علي هذه الإستراحة والتي إرتجلت فيها هذه الأبيات والله علي الكي بورد .
B]
| |
|
|
|
|
|
|
|
|
|
Re: أســــمعنى صـوت الإحتجـاج (Re: sanaa gaffer)
|
توما البيادر
نشــفت حلقى
وبِقتْ مشـغوله
بالنضِم الصريح
وإتعودت تنسى الوعود
أقرب جريح نبهنــى
قال المعنى فى الضوالفجاج
لما إشتبكت معاك
فارقنى الحزن
شوفى الزمن
علمنى كيف الإرتجـاج
والصرخه
كل اللافتــات مكتوبه
بالخط المريح
تومــا المسافه الباقيه
تسمح بالرجوع
خلينى فى وجعى المُهم
بقدر أصيح
يا تومةالروح والنغم
(بستنشــــقك )
| |
|
|
|
|
|
|
|
|
|
Re: أســــمعنى صـوت الإحتجـاج (Re: عبدالله داش)
|
| Quote: أشكرك يا سناء جعفر علي هذه الإستراحة والتي إرتجلت فيها هذه الأبيات والله علي الكي بورد . |
اخي هاشم احمد خلف الله ...
ما شاء الله عليك .. كلام انسان حساس وجميل ...
متابعة ومعجبة بالقصيدة الخاصة بام العيال ...
وعليك الله لو كسير الكبابي بيخليك تقول جنس النضم السمح دة ... كسر المطبخ كلو ولا يهمك ...
تعرف يا هاشم ... داش دة ولد فنان ... عنده مفردات متميزة وغريبة ...
كتاباته مستفزة ... بتدفعك عشان تغوص جواها ... وتتجاوب معاها ...
بس هو شحيح في نشر انتاجه ... اتمنى يخلي البخل بتاعو دة .. عشان احنا نستمتع ...
عميق الود لكما معا ...
| |
|
|
|
|
|
|
|
|
|
Re: أســــمعنى صـوت الإحتجـاج (Re: sanaa gaffer)
|
الوريفه/
ســناء
خلى البريق بيناتنا
خيلك لجمت فينى الكلام
داســت حواس الرحمه
شوفى الليل لبس طاقيتو
يتجسس علّى ...
مســكون مــوّدر ذاتى
فى اللحظه البقـــت مرهونه
بالودِع الوجيعه الجاتنا ..
كاشفه الضحكه فى صلب السنون
(مجنـون ... ومســتعبط مساحاتك غلــط )
| |
|
|
|
|
|
|
| |
أيمن الطيب
Elmosley
هاشم أحمد خلف الله
ahmad almalik
نهال الطيب
فيس بوك
تويتر
انستقرام
يوتيوب
بنتيريست