|
|
|
 Re: الـهـــلال ... و"بـث" !!!!! (Re: علوبه)
|
حبيبنا علوبه
طه الضرير قال وعليك الضبط والتشكيل :-
Quote: ابوك يا الزينه عكاهن قبض فى روسهن
الهوى والشرق فوقر العواتى بكوسهن
أمسى الليله فى الغوب الكثير جاموسهن
نوى العودة للغالى ورفيع ملبوسهن |
ونحن كذلك ننوى العودة لى زمن "الوالى" الغالى ، لمن كان ناس المريخ بعد كل لقاء للأصل بفرعه يسالو بعضهم بعضا جهرا لا سرا .. "الهلال" غالب كم .. ومن جاب اقوان "الهلال" .. مش الغالب منو ؟؟
قبل التطاول والتفكير فى العدل والمساواة !!
| |
 
|
|
|
|
|
|
|
 Re: الـهـــلال ... و"بـث" !!!!! (Re: ismeil abbas)
|
ود أم در الكريم الحر اسماعيل عباس
النتيجة 2/1 حرم ما قصرت مع الجماعه، رغم انه المباراة فى الرد كسر الأستاد الجميل الزاهى الباهى المبنى من حر مال الهلال " ودى عايزه شرح " .. لكن قونهم فى مرمانا فى كل الظروف بساوى هدفين!!
قال الطيب ودضحويه:-
Quote: قج السادره فى الوادى اب نعاما دكك
وضايق سوقها قبال الضرير يتمكك
أنا اخو النايره ان خرب الحديث وتلكك
ات قدامى ماك ورانى مقطوع شكك |
| |
|
|
|
|
|
|
|
|
|
Re: الـهـــلال ... و"بـث" !!!!! (Re: ماجدة عوض خوجلى)
|
يا ماجده يا اخت الماجدات
كم نظرنا هلال ما شاقنا غير هلالو
ما اظنو زلال يروينا غير زلالو
وبرضو " بث"
قال الطيب ود ضحويه:-
Quote: يوم بنداور البكره ونمصروا ثديها
ويوم بنشق عتاميرا بعيده وتيها
يا نفس السواد المتعه كملتيها
ابقى لزومه وقت القرعة وقعت فيها |
والله يستر من القرعه والهلال شايت على المرمى الجنوبى!!
| |
|
|
|
|
|
|
|
|
|
Re: الـهـــلال ... و"بـث" !!!!! (Re: Ahmed Alrayah)
|
يا أحمد الريح
سلام .. ومن خشمك ولى الله
ود باهو حال فر عنا يوم الغد
Quote: الخبر البجى الصديق مقفل جوه
وحالف ما بقيف دونو ان بقيت فى هوه
عند طرش الدرق ما بنسى شرط الخوه
كباس لدهم عند البقول يا مروه |
حينما ضعف فرعنا فريق المريخ ذات يوم وقبل أن يقول يا ابو مروه ذهب اليهم طلعت فريد وصحبه نجدوه واسعفوه وعاد ندا للهلال العظيم!!
| |
|
|
|
|
|
|
|
|
|
Re: الـهـــلال ... و"بـث" !!!!! (Re: تاج السر حسن)
|
الحبيب ملاسى
يا ماشى لى ام درمان سلم على الحبان.
عاش بهاء الدين ولا ابو عاج ؟؟
Quote: أكل الشلخه لامن المنسيه
شمخ الحورى لبعصة عريب بت ريه
كان ما أسكت الباكيات واخلف الكيه
قولة ابو فاطنه ياالصادق خساره على |
ده كلام الأعظمى الأعجمى "كلاتشى" كان باقى دقيقه بجيبها!!
| |
|
|
|
|
|
|
|
|
|
Re: الـهـــلال ... و"بـث" !!!!! (Re: تاج السر حسن)
|
هدية من ريتشارد "قلب الأسد" الى هيثم طمبل، وعلاء طياره ومجاهد:-
Quote: واحدين فى البيوت مثل الكلاب الشول
وقاعدين لمساوقة الحديث والقول
واحدين فى الغروب يام روبه تامين حول
كسر فوق شواشيهن بياخدوا الزول |
| |
|
|
|
|
|
|
|
|
|
Re: الـهـــلال ... و"بـث" !!!!! (Re: تاج السر حسن)
|
هدية من "البص السياحى الدائرى" الذى لا يهدا ولا يقف عند محطة "يوسف محمد" للزومه:-
Quote: الولد البدور من البوادى ضريبه
يبقى موارك الغربه ويبعد الريبه
ما بدبى للهامله الشوفها غريبه
الا السيدها فى الدندر مسيلها زريبه |
سيدها و"بث" !!
| |
|
|
|
|
|
|
|
|
|
Re: الـهـــلال ... و"بـث" !!!!! (Re: تاج السر حسن)
|
جاء على صدى الأمس ما يلى:-
Quote: مجلس المريخ يطالب بتحكيم عادل للقمة
عقد مجلس إدارة نادي المريخ اجتماعاً مطوّلاً مساء امس بفندق داندس وترأسه السيد عثمان الدقير نائب الرئيس واطمأنالمجلس على كافة الترتيبات لتجهيز فريق كرة القدم بصورة مثالية لمباراة الغد وقدم رئيس لجنة الإعداد عثمان الدقير تقريراً مفصلاً للمجلس الذي ناشد لجنة التحكيم المركزية بضرورة توفير تحكيم عادل للقمة نسبة لحساسية المباراة وتأثيرها المباشر على لقب بطولة الدوري الممتاز. |
- يعنى لجنة التحكيم المركزيه عندها حكام غير عادلين وحكام عادلين وهى عارفه كده، وعليها تختار " العادل" وتخلى الما عادل للمباريات الآخرى ؟؟
- ودى هديتنا للدقير وما عندنا مانع يمسك صفارة الحكم "العجب""-
Quote: كم شديت على ضهر البهمك الشوك
وكم كرف قرونا عبكن دايوك
امانة ياحسن تاخد عشا الولدوك
ياتو الخلسك وكت العساكر جوك |
| |
|
|
|
|
|
|
|
|
|
Re: الـهـــلال ... و"بـث" !!!!! (Re: تاج السر حسن)
|
بالخلطه السريه يتحقق الأنتصار بعد قليل !!
تهديف متواصل وعنيف .. وقذائف باليمين و الشمال من جميع الزوايا والأتجاهات .. لا رأفة ولا رحمه ولا ارتكاب مخالفات بالقرب من خط ال 18 حتى لو يدخل فينا هدف !!
ناس السماء التامنه ح يصروا على رفع الكوره فوق .. فوق .. زى ما بنقول عن " الزعيم" فاجبروهم صاغرين " لخت الكورة واطه"!!
ما تستعجلوا للأهداف اللعب الدقاق ورائق ومموسق ومنسق شبيه بيوم الزمالك العنيد، كان ما جا القون بنطلع طربانين!!
ما تهتموا للأيام و " للعجب" فالحاج تملكه التعب، والمصيبه انه فى كشف على المنشطات!!
الحكم مهما ظلم نقابلو بابتسامه لطيفه وكلمه حلوه .. وابتسامة الزول بتنبع من ضميرو!
على اللاعبين عدا حارس المرمى عدم استعمال الأيدى فى استلام اى كرة طائشه أو طاشه يراد ارجاعها لتنفيذ مخالفه، فمن هذا الباب يمكن أن يظلم حكم جائر كما حدث لعلاء الدين جبريل فى تونس.
على كلاتشى عدم الأستجابه لأى استفزاز أو عنف وانما الزحف المتواصل على المرمى بمساندة من "قدوين" وتموين من "سيدا" وتدوير من البص السياحى الذى لا يهدا يوسف محمد!!
وداريوكان فى خط 18 الخصم ليهو مكان.
وكل مرتدة وراجعه فى انتظارها الأعسر "مهند" ومن خلفه "ريتشارد" والله يستر من "شوتاتك" على الشيشه .. وسجل لى عرباتك يا "الدقير" !!
كلامى ده مقصود بيهو الأعداد لمنازلة الكبار، اما الفرع الصغير مغلوب قبل أن ندخل للميدان بى قون !!
| |
|
|
|
|
|
|
|
|
|
Re: الـهـــلال ... و"بـث" !!!!! (Re: حاتم هاشم)
|
وهذه هديتنا لى ناس المريخ بعد شراب المويه وقبل "الضبح" بشويه طبعا ضبح بسكين الفن والمتعة والطرب .. ولا عجب !!
Quote: باكل حاره ماضق بارده ماك دارينى
واسعل منى ربعاى البعرفو قرينى
حس اب جقره والقربين دوام بارينى
أنا اخو اللينه كان يبقى الحديث عانينى |
.
وسيدا .. وبث !!
| |
|
|
|
|
|
|
| |
علوبه
ismeil abbas
ماجدة عوض خوجلى
Hussein Mallasi
محمد المختار الزيادى
gamal
حاتم هاشم
فيس بوك
تويتر
انستقرام
يوتيوب
بنتيريست