|
|
 لماذا يفوزون بنسبة 53 % ونحن نفوز بنسبة 99,9% ؟؟
|
كنا صغاراً عندما اتت جارتنا البسيطة العجوز
وهي تبكي بحرقة بعد ان أدلت بصوتها في صندوق النميري
كان هناك صندوق مكتوب عليه نعم وبه صورة فخامة الرئيس المهيب
والصندوق الآخر به { لا } ولاتوجد به صورة !!!
يعني لو دخل حمار الى مقر الانتخابات فإنه سيذهب مباشرة للصندوق الذي عليه الصورة
هذه المسكينة لم تكن تعرف شيئاً
وياللمصيبة فقد وضعت ورقتها المهترئة في الصندوق الثاني { لا } !!!
وقالوا لها سيأتي البوليس بعد قليل ليأخذك الى السجن
كانت ترجف وتتعرق كثيرا
الى أن حضر أحد الأقارب وقال لها :
لاتخافي { يا أمي } كل الصناديق تؤدي الى روما !!!!!!!!
وبالفعل تأكدنا أن نتيجة الانتخابات لم يكن بها أي تزوير والدليل ان النتيجة { 99,99 % } ولو وضعت { حاجة فاطنة } ورقتها في المكان الصحيح لكانت النتيجة 100% !!!!
سبحان الله 00
السؤال : لماذا يفوزون بنسبة ضئيلة لاتتجاوز الـ 50% بينما نحن 99% ؟؟
|
|
 
|
|
|
|
|
|
|
|
Re: لماذا يفوزون بنسبة 53 % ونحن نفوز بنسبة 99,9% ؟؟ (Re: Rabab Elkarib)
|
شكراً رباب على المشاركة
سبق أن نشر لي موضوع كهذا بجريدة الشرق الأوسط
وذلك رداً على رسام الكاراكتير الشهير محمود كحيل
حيث وضع صندوق اقتراح وبجواره دبابة
والمشكلة وين
كلما ياتي الناخب ليضع ورقته
يطل عليه سيادة الرئيس من الصندوق
فيخاف ويرمي له بورقة الانتخاب
نحن بلداننا مليئة بالموارد
ومليئة بالطاقات
ولكنها للأسف ملئية بالفساد الاداري والتزوير
مسئولين يشاركون في الانتخابات
ويفوزون
وبعد أن يتم ابعادهم يقولون لك أن الانتخابات كانت مزورة
| |
|
|
|
|
|
|
|
|
|
Re: لماذا يفوزون بنسبة 53 % ونحن نفوز بنسبة 99,9% ؟؟ (Re: Rabab Elkarib)
|
| Quote: السؤال : لماذا يفوزون بنسبة ضئيلة لاتتجاوز الـ 50% بينما نحن 99% ؟؟ |
لأنو نسبة المصداقية عندههم 99% وعند حكامنا 50%. (الزيادة من عندي!).
وأضيف لأسئلتك:
لماذا يستقيل المسؤلون عندهم إذا أخطأوا، ... ويترقى المسؤول الذي يخطئ عندنا؟
لماذا ينتخب المواطن المهاجر عندهم ... وعندنا المواطن شخص من الدرجة ثانية؟
لماذا السلطة عندهم بالجدارة.. وعندنا بالوراثة أو الإنقلابات أو التمرد العسكري؟
لماذا اللص والقاتل عندهم مكانه المحاكم ... وعندنا اللصوص والقتلة والمتهمون تحميهم الدولة وتلمعهم في الصفوف الأمامية؟
بينما الشرفاء مهجرون في كل واد.
| |
|
|
|
|
|
|
|
|
|
Re: لماذا يفوزون بنسبة 53 % ونحن نفوز بنسبة 99,9% ؟؟ (Re: Elawad Eltayeb)
|
Elawad Eltayeb
ما اجمل المصداقية في كل شيء
اوافقك على كل كلمة وردت في حديثك
نحن نحتاج للمصداقية
أذكر أنه زارنا أحد المرشحين لمجلس الشعب
وكنا بالصف الثاني متوسط
ويبدو لي أنه لايحق أن ننتخب لأننا لم نبلغ سن الفطام !!!
المهم الراجل جانا بطريقة تانية
وقال لينا لازم تمشوا تقنعوا أمهاتكم وأخوانكم وأبواتكم عشان ينتخبوني
ولو فزت حا أوديكم رحلة سوريا
وقمنا بالواجب
وفاز الرجل
مضى الآن اكثر من 20 عام ولم نر سوريا
لكن الراجل مات { الله يرحمه ويحسن اليه }
| |
|
|
|
|
|
|
|
|
|
Re: لماذا يفوزون بنسبة 53 % ونحن نفوز بنسبة 99,9% ؟؟ (Re: abuguta)
|
بسم الله وعلى بركة الله
هذا حديثي الأول الذي أخوضه في المجال السياسي
الظاهر عليك يا الحبيب تجرنا للسياسة بعد العمر ده
شوف يا الحبيب أصلاً الساسة دول هم معضلتنا منذ الاستقلال
يعني لمن الاستقلال جا طوالي القاف تحول الى غين
وبعدين خلينا نرجع لسعالك !
نحن بنفوز بالتسعة وتسعون بوينت تسعة
لأن المرشح واحد والله واحد بس الله كامل
عشان كده بنقصوا شوية خالص .
وكمان داير أقول السابقون واللاحقون سواسية
وما علينا إلا أن (ننطم)
| |
|
|
|
|
|
|
|
|
|
Re: لماذا يفوزون بنسبة 53 % ونحن نفوز بنسبة 99,9% ؟؟ (Re: ولياب)
|
ولياب
Quote: هذا حديثي الأول الذي أخوضه في المجال السياسي
الظاهر عليك يا الحبيب تجرنا للسياسة بعد العمر ده
شوف يا الحبيب أصلاً الساسة دول هم معضلتنا منذ الاستقلال
يعني لمن الاستقلال جا طوالي القاف تحول الى غين |
وصارت { استغلال } !!!! والله دي مشكلة كبيرة جداً
بالله شوف
تاتشر دخلت المطبخ مرة أخرى
وميتران ذهب راكباً دراجة الى بيته
وكذلك شيراك سيلحقه
وجون ميجر
وكارتر أصبح مزارعا للفول السوداني
ونماذج كثيرة لاحصر لها
تركوا المقاعد لمن يستحقها
| |
|
|
|
|
|
|
|
|
|
Re: لماذا يفوزون بنسبة 53 % ونحن نفوز بنسبة 99,9% ؟؟ (Re: حمد فتح الرحمن)
|
أخوي حمد
قال 99% قال !!!
والله تعرف الناس البيكونوا أدوه اصواتهم لايتجاوزوا 9%
لكن على طريقة { عايرة وأدوها سوط }
يقوم المنتفعين ياتون بصناديق اخرى
بينما الصناديق الأساسية التي تم الاقتراع بها تذهب أدراج الرياح
معظم الانتخابات التي تمت في دول العالم الثالث كانت غير نزيهة
وياليت تجربة موريتانيا تصيب عدواها الدول العربية والأفريقية
| |
|
|
|
|
|
|
|
|
|
Re: لماذا يفوزون بنسبة 53 % ونحن نفوز بنسبة 99,9% ؟؟ (Re: ابوحراز)
|
Quote: يقوم المنتفعين ياتون بصناديق اخرى
بينما الصناديق الأساسية التي تم الاقتراع بها تذهب أدراج الرياح
|
منو القال ليك بيجيبو صناديق اخري
تتذكر انتخابات عمر البشير الكان فيها ناس كيجاب و اظنو نميري و منو و منو ديك ؟
التصويت كان في نادي الشاطي بتاع الفي حلتنا .
بعدين الصانديق دي راقدة ليها يومين و لا تلاتة غير شوية كيزان و حريم ساقوهم من البيوت و كم مدرس كدا ما مشي صوتو فيها .
بعد التصويت انتهي شالو الصندوق و ودوهو لي مركز الشرطة ، المسئول من الانتخابات هز الصندوق كدا لقاهو شوية .
تخيل عمل شنو ؟
رجع الشباب الشايلين الصندوق و قال ليهم امشو تمو الصندوق دا و تعالو !
الجماعة رجعو النادي تاني و ملو ليك الصندوق فل اوراق اقتراع لسيادة الرئيس .
اظنو فاز في حلتنا اليوم داك بي 110 % لانو الاصوات الختوها الشباب كانت اكتر من عدد سكان الحلة تقريبا .
يعني هسة البشير بمثل 110 % من سكان حلتنا .
موش زي ساركوزي بالمثل ليهو 53 % بس من الفرنسيين .
| |
|
|
|
|
|
|
|
|
|
Re: لماذا يفوزون بنسبة 53 % ونحن نفوز بنسبة 99,9% ؟؟ (Re: حمد فتح الرحمن)
|
أخوي حمد
يازول مالك عايز تدخلنا في السياسة
نحن لسه ماعرسنا !!!!!!!!!!!
تميتوا الصندوق
والله عافي منكم
الظاهر انكم جعليين
ظريف الراجل { الكشكش } الصندوق !!!
مرة اعلنوا عديل انو واحد فاز أظنه في الجزيرة
وكان ما من الجماعة
وجماعتوا بالليل احتفلوا وأكلوا الخرفان
فجأة يجيهم المحافظ يقول ليهم
اللجنة حاتكمل { عد وفرز } الأصوات بكرة
اها مشوا ناموا مبسوطين
بكره كان النتيجة اتقلبت !!!
غايتوا نحن أكلنا كرامة الزول الأول الساعة 1 صباحاً
وأكلنا برضو كرامة عمنا دا بكرة الساعة 10 صباحاً
يعني الحمد لله اصواتنا ماطلعت فشوش !!!!
| |
|
|
|
|
|
|
|
|
|
Re: لماذا يفوزون بنسبة 53 % ونحن نفوز بنسبة 99,9% ؟؟ (Re: ابوحراز)
|
مرات كدا اقول انو الشعب نفسه هو الذي يقوم بالتزوير
يعني هسي لو سألت اي رئيس يقول ليك براكم بتملوا الصناديق
وهذا الشيء ياجماعة خلانا نحن برضو نمارس الدكتاتورية في بيوتنا
وفي شوارعنا
وفي مؤسساتنا
المسئول تلقاه دكتاتور بشهادة
والعسكري في الشارع كمان دكتاتور
والزوج دكتاتور على زوجته في البيت
والأخ ألأكبر في كثير من الأحيان بيكون دكتاتور
| |
|
|
|
|
|
|
| |
ابوحراز
Rabab Elkarib
Elawad Eltayeb
حمد فتح الرحمن
abuguta
ولياب
فيس بوك
تويتر
انستقرام
يوتيوب
بنتيريست