|
|
 7/4/2007 زكرى ميلادي 13
|
| Inbox
اليوم اكملت
العام الواحد و الثلاثون
وقفت خطاي
وسط الدرب
واتعثرت علي
قيف بحر
المجهول
غلبني الرجوع
حدقت في الافق
وسرحت في اللاشئ
فجاة انبهت
للموج شائل
زبد
في اللحظة ديك
شفت لا جديد
تحت الشمس
ولا شمس فوق
الجديد
الجاي منك
يا وطن
وشيلتك هم
وساهرت متلفح
ليل الغربة كفن
عزاني فيك الطير
وبكاني فيك عمري
المضى
اه من وطن
لا يكترث
قبل ما اكمل
العام الواحد والثلاثون
قضيت عمري
جالس تحت ضلك
سارح في الخيال
واصنع من طينك
للحب الهة
بي ملامحك يا وطن
زابح ليها قلبي
قربان
مرات عبدتها لامن
فت حد اخر العشق
وساعات اجن
واحمل عليها بي
فاسي
اكسرا
القى نفسي اتناثرت
اشتات
واضحك من الحزن
لمازا يا وطني
كل رياح اتية
منك
تحمل معها امطار
حزن
في غيم همومي
وبحور دم
وعاصير جراح
حتى الارض صارت
تشك في عرق
وحب الفلاح
اخ من وجعك
واه من قدري
هل تدري يا وطني ؟
يخزلني قلبي
مرات
ولا اتحتم
يؤلمني قدر
صديق
طعنات في
الظهر
حد الشريان
تقتلني مره
واحياء
ولكني اراك مقتولا
قبلي الاف المرات
فكيف صرت الان
جلادي وسجاني ؟
وانا لا احمل
سوى حبا انساني
اتزكر اني كنت
قد نقشت في سرا
علي صخرك
بي حروفا تتأه
حرما
وقلما يتقطر الما
ورسمت فيها
اله للخير
للعشق
للخبز
والعدل
واطفالا تلعب
بالورد
وتغي للطير حين
يسافر الى ارضك
شوقا
في اسفك اللوحة
عند الركن الايسر
كانت توجد وردة ضاحكة
حمرا
وقعت جنبها بحزر
اسمي
ازن من اين اتى
الشيطان وفي
يده مسبحة ؟
من النفط
ام القران
سبحان الخلاق
ولمازا يا وطني
لطخت بدما حروبك
رسمي ؟
ومحوت بدموع
جوع اطفالك
سعادة حلمي ؟
اليوم اكملت العام
الواحد والثلاثون
ووجدت نفسي اني
كنت اعيش على
وهما
وكنت ارسم علي
جدار السهو
هلاويسي
وخطيئتي في
الدنيا
كانت كل اشعاري
ومعاشرتي للناس
وحب بلادي
سبب ابتلاي
كلاماتي معصية
كبرى
تفضي لي نارا
من دون حساب
فكسرت علي بابك
قلمي
ومزقت اوراقي
وزبت في نفسي
وتوحدت مع زاتي
في قوقعت الاثم
وكفرت بكل اله
للحب
والخير
والخبز
والعدل
مصنوعا من طينك
ومسقيا من نيلك
يا وطني
|
|
 
|
|
|
|
|
|
|
|
Re: 7/4/2007 زكرى ميلادي 13 (Re: مدثر محمد ادم)
|
عبادة عشق
لامن فت في
ريدك
حد اخر العشق
قلبي تاه
وغلبو يواصل الدرب
من دونك
قعد علي باب
محرابك
يفتش عن اله
تجلي في زاتك
شرف امل منحاز
لي احلام الناس
التحت
وينشد من وحي
الهامك
قبس ترانيم بزرة
الحب الفي
غناك
مزامير لي حنين
صوتك
ميدها من صداهو
نفحت روح
نبتت عروقا
وبقت وردة حب
حمراءومقدس
لونا
معمداني بي
نداها
جننت احساسي
ملياني بالفرح
والخوف
ولما فضحني البوح
اتوضيت بي مويت
دموع النوح
وفرشت شجوني
مصلايت حب
وقبلتها عليك
كبرت باسمك
صليت
ساجد ريد
مسبح بي رضاك
عبادة عشق في
اخر الليل
وشارد خاطري في
دنياك
درويش هائم في
مسيدك
بي نوبة زكر
فيك مسبوح وولهان
ما قادر يسيبك
ونار التقاوي البتوقد
في خلاويك
مولعا من لهيب جمر
شوقو
حوليها اطفال بتقراء
وترتل في غناويك
فرح تنزيل
لي زول كان
بريدك وميت فيك
| |
|
|
|
|
|
|
|
|
|
Re: 7/4/2007 زكرى ميلادي 13 (Re: مدثر محمد ادم)
|
معتز بيك صديقة
ومتمنيك لي قلبي
حبيبة
تعرفي انا اصلي
من غيرك
ما قادر اكون
لاني محتاج لي وجودك
واثر ملامح حسك
جواي
وداير ساعة الكتمة
اتنفس حنينك
افراح للزمن الجاي
واشوفك ماشة علي
القلب
طرب ونغم
وسابحة زي عروس
البحر
في مجرى الدم
روياهو ريد
وزايداهو فهم
وداخلة بين المسام
زي نسمة ضؤ
في عز الظلمة
ومنوره بي شجونك
عتمت دنياي
وتشرق من تاني
شمس عيونك
بي وردة صباح
الحب يا وطن
نابته في جبال الهم
مسقية من جداول
الالم
وانا الكم راجيها
كم
مساهر الليل احسب
في نجومو
ومرات اناجي القمر
اه من نار اشواقو
وساعة يغلبني عزابو
انوم
وفي النوم احلم
باني اتولدت طفل
من جديد
وطالع من رحم عيونك
ملفح بي رموشك
معمد بي رحيقك
معوز بي حروفك
وضاحكفي وجه
المحن
وشائل غناك للفراشات
حلم
يا فرح السكة وكتين
نصل
داسيك جواي لي
باكر عشم
| |
|
|
|
|
|
|
|
|
|
Re: 7/4/2007 زكرى ميلادي 13 (Re: مدثر محمد ادم)
|
| | | | Inbox
رحيق
جائك من رحم
الغيب
عاشق تايه
ولقاك في سكتو
اله عشق
لي عيونها اهتديت
وزابت روحي في روحك
رغم مدى المسافات
البعيدة
البيني وبين جزر
عيونك
لهيب عزاب نار
الشوق
وبحر فيض
واسع ممتد
مظلل بي غمام
الخوف
شاقيهو قلبي بي
مركب ريد
مشرعة بي مشاعر
الاسى
مقدفه بي مقداف
احاسيسه هلكانة
ومتعبة
مهدود خشب حيله
اشقاه طول السفر
وصراع امواج الزمن
وملاوات رياحو العنيدة
بحت جواه صوت موال
غناء المراكبية
وبقت تجابد في الافق
عشان تحضن مراسيك
الهائم ترحال في ريده
وترتاح شجونو في
رموشك
فوق صدرك
جواء بين دفء المساحات
الصادقة وجميلة
وفي صدى كلامك
ساعة لهفة غناك
ورعشة حروفك
وحس حنينك
لما تطلع منك
انثى تعشق
وتاتي بيداها
الم جرحنا
وتطلع شمس صبحنا
وبي معزه تشرق
بعد ما تنوم ليالينا
وتفتح وردة حب
جميلة تغازل حلمنا
وتنادي بنداها فرح
الفراشات الحزينة
ويعطر شزاها عبق
كل الامكنة
وتحقق املنا والممكنات
المستحيلة
| |
|
|
|
|
|
|
|
|
|
Re: 7/4/2007 زكرى ميلادي 13 (Re: مدثر محمد ادم)
|
لامن جنني في
شوقك الشوف
واحتجت لي سماع
نغم صوتك
سرح خيالي في
صورتك
وتاه في سحر
عيونك
وفي اللوحة المرسومة
مابين حاجبك والرموش
مكسية بي لون
البنفسج
بتناعس في حزن
شبق الصباح
فيها النيل حاضن
الموج بي خوف
علي نخلة في
القيفة متكية
رامية شبال علي
اول ضؤ الشمس
عراقت نبته
وروح نوري
شائلة من التمر
نوار
عليها الزعف توب
عفاف ملفوف
مظللة تعب طورية
بي ضحكت لعب
اطفال صغار
حسيس طنبور
نغم دوبيت
وحنين صوت
ربابة ريد
شاقة بهمومة بطن الطين
ونازلة عليهو بي
حنية
وتجابد من الزمن
شقة المزارعية
مشرق غيمك في
دنياي مطر
عشق الوطن
في معزتك ليا
واعدني بي قوس
قزح
وبشائر خير قبلية
بتنبع من اصالة
بت البلد
تروي جواي عطش
شهق القلب
ما اصلو الفراق
كتال
وحاتك بريدك
وبخاف في الريد
افقدك
لانك انتي الوحيدة
الملامحي بتشبهك
| |
|
|
|
|
|
|
|
|
|
Re: 7/4/2007 زكرى ميلادي 13 (Re: مدثر محمد ادم)
|
رحيق
برغم معزتك عندي
لاكني فقدتك
وقبالك فقدت
نفسي
في درب الحب
التعب
ومابين التردد
والخوف
ضاعت جواي
ملامحك
ساعة فاجاني
الكلام مكتوب
وضليت بين حروفك
وظلام لليل الغربة
وجنيت بين حنينك
وهواجس البوح
بات القلب مجروح
وشرخ صوت غناي
النوح
صبح همس الفراش
للزهر مفضوح
تعرفي حتى
النده
غلبو يداوي جراح
الروح
لاكني برضو فقدتل
والوطن
حتى الصحاب
والاهل
| |
|
|
|
|
|
|
| |
Tragie Mustafa
فيس بوك
تويتر
انستقرام
يوتيوب
بنتيريست