الواثق هل شرط الإنضمام لجماعة أنصار السنة هو: إكمال نص الكيلو؟؟

Quote: والله يا خالد إنت شكلك داير ليك مشكلة من مافي !!

Quote: ملف الباسطة ده خارج المنبر لكن أعلم أن جماعة أنصار السنة سيكون لها رأي في انضمام عضو تأريخه ملوث بالتزوير وسرقة البيانات الشخصية إضافة إلى اشتهاره وتلطخ سمعته على نطاق واسع بجرائم الانترنت

الموضوع لا يتعدي السؤال -لا أكثر ولا أقل-
حيث أن معظم الشباب يتساءلون عن (سر الباسطة بالحليب)
وإرتباطها تحديدا بجماعة أنصار السنة المحمدية ..!!
ولماذا؟ ..لكنها ليست إفتراءات..كما ولا أعني أن الكل ..


حيث ذهب البعض إلي الحديث : المؤمن حلوي..

ولا أدري ما مدي صحة ذلك الحديث !
أرجو إفادتي!!

وهي دعوة لكم لمناقشة الأمر وتفنيده بدلا عن تجاهله!




أما بخصوص جرائم الإنترنت..

فسوف أغلق هذا الملف ببوست في مقبل الايام القادمة..وللأبد

كل زول تسألوا سؤال ساكت يقول ليك يا حرامي..!!


خلينا في موضوع الباسطة والحليب..

Quote: ذكرتني نكات الجامعة و المناقرات و المهاترات اللذيذة ديك.. بالمناسبة مرة في واحد كوز زنقناهو في ركن نقاش بعدين خش في زي المواضيع دي .. قال الناس ديل شدة ما بريدو الأكل في مطعم في القضارف مكتوب فيهو (يوجد مكان خاص لأنصار السنة و ناس المطافي) و طبعاً أخوك من القضارف .. و عينك ما تشوف إلا النور.. لكن لي هسع ما عارف علاقتنا ناس المطافي بينا شنو؟ شخصياً ما عارف حكاية اتهام الباسطة و اللبن و البطيخ البارد دي جات من وين.. لكن اتخيل لي في عصر قديم شويه زمن البلد بخيرهايكون في الستينات و شكلو اتهام من ناس الطرق الصوفية (ناس الفتة) طبعاً أنصار السنة لما بدأت كانت كلها (أفندية) و أكيد بكون عندهم قروش كويسه و بشتروا الباسطة بأنواعها.. أنحنا غايتو في الزمن بتاعنا ما كان في باسطة و لا لبن(صغار و كده) لكن كانوا مركزين على الطعمية بالزبادي .. مرة كده في انتخابات جامعة الخرطوم و نحنا برالمة سنة 97 معانا الدكتور أحمد حسبو الله يطراهو بالخير و كان في سادسة طب .. كنا سايقين بوكس بالليل في شارع الموردة .. فجأة كده وقف جنب حلواني.. و نزل ماشي على الحلواني جاب لينا كيلو باسطة كامل (كنا 4 بمناسبة الربع و كده) قلنا ليهو دا شنو يا دكتور؟؟ قال ما ممكن ينبذونا بيها و ما نأكلها؟؟

أما بالنسبة للقصة فلأول مرة اقرأ توثيق لمصدرها لأنو ناس الطرق الصوفية في الوقت داك الظاهر كانوا لابد يشوفوا ليهم صرفةمعاكم ...

بس بيني وبينك لو خيروني بين
بين الفتة والباسطة لأخترت الباسطة بدون تردد..

Quote: بخصوص حديث (المؤمن حلوي) فهو لا أصل له و من طريف ما قاله الشيخ كشك عنه أن أصحاب الحلوانيات هم من وضعه لترغيب الناس في أكل البسبوسة.. لكن في حديث كده في البخاري اتخيل لي بنفع معاك :كان صلى الله عليه و سلم يحب (الحلواء ) و العسل. رأيك شنو؟؟؟ كسرة : إنتو الحي بتاع صاحبك دا وين؟؟ كسرة تانيه : أنا غايتو بكره الباسطة .. بصورة عامة في ظل اتهام الأحزاب و الجماعات بالعمالة و الارتزاق و السرقة و النهب أنحنا طلعنا بتهمة مخففة شديد و لذيذة..

مشكور علي التوضيح بخصوص الحديث عن كون ليس له أصلا..


فأثناء نقاشي مع صديقي ذكر أنكم تستندون علي الحديث السابق (كما سمع هو) ذا كان سؤالي, وأظن أن الكثيرين يظنون نفس هذا الظن..

أما عن منطقته (الحي) فهو من (اللاماب).


كما وأتفق معك تماما
في أن جماعة أنصار السنة قد عرفت بالنزاهة والأمانة
(وهو شيء طبيعي بحكم الخط الذي تنتهجه الجماعة وهو خط الرسول الكريم).



لك الود..

Quote: بخصوص حديث (المؤمن حلوي) فهو لا أصل له و من طريف ما قاله الشيخ كشك عنه أن أصحاب الحلوانيات هم من وضعه لترغيب الناس في أكل البسبوسة..

Quote: غايتوا انا يا الواثق عارف حكاية البطيخ البارد دي بعد الانتفاضة 1985 شيخ ابوزيد(ربنا يدهواالصحة والعافية) وفى ندوة لانصار السنة بجامعة القاهرة الفرع كال كمية من الانتقادات لنظام مايو المندحر، وعندها تصدي له احد الحضور قائلاً الكلام دا ماقلتوا زمان!! جاي تقولو الان والدنيا همبريب فما كان من شيخنا الا ان رد عليه وبصورة انفعالية لا تخلوا من تمثيل( والشيخ كما تعلم ممثل بارع) عاوزينى اقولوا زمان علشان امش كوبر وانتو قاعدين هنا تخلطوا وتضربوا البطيخ البارد فضحك الحضور ومن يومها صار البطيخ البارد علامة مسجلة لانصار السنة

ألف شكر يا عبد العزيز علي إيراد القصة الطريفة وإرتباطها بالشيخ أبوزيد محمد حمزة..الذي أشتهر بتلك الروح الخفيفة.

Quote: الأخ خالد تشكر علي هذا البوست الترفيهي كما أن الأخ الواثق مرة أخرى أثبت أنه رجل فاضل وذو أخلاق عاليه بتناوله للموضوع في اطاره الهزلي. كما أحب أن أعدل رواية الأخ ع العزيز في أن شيخ أبوذيد لم يقل (أنتم) بل قال أنا أمشي كوبر (والشيوعيين يقعدوا بره وياكلوا البطيخ البارد)

لكن معارك جماعة أنصار السنة x الطرق الصوفية
مقارنة بــ أنصار السنة x اليسار

الأولي أشرس بكثير من الثانية وما عارف ليه!!
ونسمع منكم ومن الواثق ..

Quote: والنكتة بتقـول : واحد بتاع بلح ، بلحو باير .. جنبو مطعم سمك ، وشغال زي الورد .. صاحبنا بتاع البلح ، عمل لافتة ، وكتب عليها : قـال (ص) : إذا اسمكتو فأبلحـو .. "أخرجه البخاري " مـع الحب ..

تحياتي..