|
كتب الكاتب الفاتح جبرا المتوفرة بمعرض الدوحة
|
|
 Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: تاج السر حسن)
|
باللون الأحمر:-
" جرسنى حاول حس بى ، جرسنى خت اللوم على "!!
كتب مزمز فى الصدى :-
| Quote: * وها هي تفرض على المريخ العائد إلى السودان يوم 9 مايو الحال مواجهة الهلال بعد 48 ساعة فقط من موعد عودته لتنزانيا.. وتجبره على السفر للثغر لمنازلة هلال الساحل يوم 14.. علماً أنه سيواجه الشباب التنزاني يوم 29 بالخرطوم! |
طيب " الزعيم" ما كان السنه الماضيه يشارك فى نفس الظروف ، فى بطولة كأس الأندية الأفريقيه ابطال الدورى، ويشارك فى بطولة الدورى الممتاز وحصدها للمرة الرابعة، ويشارك 90% من لاعبيه مع المنتخب القومى، ليه ما حصلت جرسه زى دى؟؟
| |
 
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: فيصل عباس)
|
حبيبنا عباس
يا سيد الناس .. ما كفايه اننا علينا من قدرهم وجعلناهم وسيلة نتمرن بهات ونعد انفسنا لمنازلة الكبار ؟؟
نعترف بدلا من أن نأتى با لأسماعيلى أو (شلف)، اهم معانا لا يفصلنا عنهم غير شارع " ظلط"!
يا عباس
يا اخوى، هم عارفين نفسهم " هلالاب زعلانين" .. وعارفين نفسهم " فرع صغير" والعارف عزو مستريح !!
زى ما قال ليك بهاء التنافس أصبح مع " المورده" بتلعب !!
زمان فى مدرب ، درب المريخ أسمه " شيموناك" ودرب المورده لفترة من الزمن.
قال لى ناس المورده عندى ليكم نصيحة اذا عايزين تغلبوا الهلال، فلا تلعبوا معه كرة ولا تختوها واطه، "طرطشوها"، وخليكم معاهم عنيفين.. ناس المورده ما سمعو كلام الراجل لأنهم بحبو الكورة الحلوه المموسقه والمنسقه، عشان كده بتغلبو طوالى، اصلو الهلال لو اى فريق اتجه نحو الجمال، فلا محالة مغلوب، لكن السمعو نصيحة " شيموناك" هم ناس "سليمان" قرش، و"زيكو" الشال الكورة وقال نخلى العوره دى يغلبونا 6؟؟
عشان كده مره مره بيعملوا مفاجاة .. لاحظ ليهم بيلعبوا كورة حلوه مع اى فريق الا مع الزعيم، طوالى " شتت .. طفش .. قرش .. شلت"!!
| |
|
|
|
|
|
|
|
|
 Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: تاج السر حسن)
|
Quote: عندي ليك اقتراح
رايك شنو لو جينا نعلي من شأن خصومنا
لنفرح اكتر بالنصر الحليف..
وشئ تاني عشان نعلمهم أدب النزال والاعتراف بألاخر,,
مجرد اقتراح |
يازول انت بجدك ......... نعلي شنو كمان ..... مرمي الله مابترفع ........ والجماعه ديل الديربي بتاعم بقي مع الموردة ........... والله ياتاج السر يااخوي الفلقة من وين بقت مامعروفة ..... اتوقع ان يحرز لنا الاهداف في تمرين الجمعة المعز او ابوبكر .......... لانو كل الفريق احرز اهداف ........ انتو مليارات الشعب السوداني المنهوية والمخصصة لدعم فريق المؤتمر الوطني بتمشي وين .
| |
|
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: بهاء بكري)
|
الحبيب بهاء
"من اراد أن يثكله كلاتشى فعليه أن ينتظرنا يوم الجمعه خلف الرد كسر"!!
__________________________________
نحنا بنتغزل فى حبيبنا لا نسيبو ولا بيسيبنا .. هسه اصحابك يبدو " الخرخرة" والجرسه والكلام عن التحكيم، وليه من عطبره أو من بورتسودان ونحنا ما عندنا مانع يمسك " صفارة الحكم" العجب بى ذاتو .. لأنه مع التعب احسن يمسك الصفارة، خصوصا هذه المباراة سوف تكون بداية التفكير فى الأعتزال!!
فى لعيبة بتركوا الملاعب فى قمة عطائهم، وفى لعيبة الا يرموهم بالطماطم والبيض الفاسد!!
شوف عينى لاعب كبير من الذين ساهموا فى انجاز الكأس الوصيف "مانديلا" اصبح يستجدى السفر مع المريخ لمن اعتزل، يرحمه الله!!
ما عندنا مانع يستلم " صفارة الحكم" العجب شخصيا، ونحنا واثقين ما ح يظلمنا، وكيف يظلمنا وهو مفتون بالهلال، والدليل انه مشى بارك للولد علاء الدين يوسف يوم عمل حفله بمناسبة عودته للاصل!!
| |
|
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: تاج السر حسن)
|
| Quote: يا مثبت القلوب ثبت قلب كل هلالابى زعلان!! |
والهلالاب ديل المزعلهم شنو ياااا رب ؟؟؟
أها ، عرفنـا ..
دي آخر مباراة مع الزعيم القائد سودان المريخ :
هـدف ايـدو ..
ومعـز سـتات يغنـي :
علـى النجيلـة إنبطحنـا ..
ومـن أهـداف سـيدو شـبعنـا ..
سـيدو العجيب لحظة اطلاق الصاروخ المدمر ..
ومن خلفه (عمو هدايا) (الكان موزمبيقي) ..
حالتـو دي قالو ما عنـدو مـروة ..
وبـرضـو خـلاكـم تكوركـو :
يااااا أبو مـروة ...
والشـكية لابيدا قـوية ..
وهذه لقطات من آخر مباراة بين سودان المريخ
وصغير العرضة .. بالوثائق مش إنشاء فارغة :
صور ضحايا الرجم الهلالي للملعب بعد
تفجيرات سيدو الرهيب :
| |
|
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: تاج السر حسن)
|
أيضـا بالوثـائـق ، وليس بالانشاء والأمنيات :
Quote: الهلال للتاريخ
اربعة شبان هم حمدنا الله احمد - يوسف مصطفي التني - يوسف المامون - بابكر مختار اولاد دفعة في كلية غردون التذكارية تخرجوا فيها يوم 1930/1/1م ،الذين كانوا يسكنون حي الاسبتاليه بمدينه ام درمان العريقه التي كانت تسمي في ذلك الوقت بالبقعه ففكروا في انشاء رابطة او جمعية يفجرون من خلالها طاقاتهم الشابة ويستفيد منها الوطن ، لكن حالة الارهاب ايامها بعد ثورة 24يوليو.و لم تكن السلطات البريطانية تسمح بقيام اي تنظيم ما عدا الفرق الرياضية وفرق الكشافة لاعتقادها بانها حركة انصرافية منها نبعت منهم فكرة تكوين فريق رياضي سرعان ماوضعوا الفكرة في ذلك موضع التنفيذ وكان الاجتماع في يوم 1930/3/4م في منزل حمدنا الله احمد بحي الشهداء بام درمان |
* طبعا إنت عارف المصدر يا تاج السر ..
ولكن للعلم فالمصدر شبكة نادي الهلال السوداني .
Quote: تعريف بالنادي:
يعتبر نادي المريخ الرياضي من أعرق واشهر الأندية الرياضية بالسودان على الإطلاق حيث يرجع تأريخ تأسيس النادي إلى الرابع عشر من شهر نوفمبر عام 1927م وقد كان في بداياته يحمل اسم (المسالمة) الذي تأسس عام 1910م أحد أحياء مدينة امدرمان العريقة قبل أن يتحول اسمه إلي المريخ تيمنا بالكوكب السماوي ويصبح نادياً قومياً يمثل السواد الأعظم من جماهير الشعب السوداني التي تدين له بالحب والوفاء. |
إذا من غير لف ودوران ، وين الأصل ووين الفرع ؟؟
الأخ تاج السر والله أربأ بك أن تجاري ناس رمضان
والرشيد وقسم وعائس ..
لو كانوا ديلك ينشرون الجهل ومافي زول يتصدى لهم
بحكم صعوبة ذلك ..
فقد عاهدت نفسي ألا تكون الشبكة العنكبوتية هكذا ..
أرجو أن تكتب عن الحقائق ، وحينها ستجدني أول من يؤيدك
حتى لو كانت ضد المريخ ، ولكن مثل هذه الانشاء التي تنشرها
فهي استهلاك لوقتنا ليس إلا ..
فالوثائق أثبتت لك وللجميع أن المريخ أقدم وأعرق من الهلال ..
وحسب لغتك ، يبقى المريخ هو الأصل والهلال هو الفرع ..
إلا لو كان فهمك إنو الفرع يتكون قبل الفرع !!!
وإن عدتم عدنا ..
مع الود ..
وعـاش
فـوق الجميـع
| |
|
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: حسين يوسف احمد)
|
عيييك يا حسين
انت كان كده عايز تراجع المحاضرات التى قدمناها عن الزعامه واستحقاقاتها!!
ده موضوع يا حبيب ما ليهو علاقه بى عمر أو زمن أو أقدميه!!
هاك مثال لمن ارجع ليك:
ثورة 23 يوليو قام بيها محمد نجيب وكان لواء، وجمال عبدالناصر مقدم، يعنى أكبر منه عمر ورتبة!!
لكن منو الزعيم الذى عرف كقائد لتلك الثوره؟؟
انه دون شك .. عبدالناصر !!
وتيب ؟؟
بجيع راجع ده موضوع ناقشنا فيهو الهلالاب الزعلانين وقربو يرجعو للأصل.
| |
|
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: تاج السر حسن)
|
Quote: خطاب من الكاف يطلب معلومات عن الهلال
تسلم نادي الهلال خطاباً رسمياً من اللجنة الراعية لبطولة الأبطال بالاتحاد الأفريقي تطلب
معلومات إضافية متكاملة عن نشأة وتأسيس وانجازات وتاريخ وبطولات نادي الهلال حتى يتم تضمينها في الكتيب الذي ستصدره اللجنة للأندية الثمانية التي صعدت لدوري المجموعات واستعجلت اللجنة نادي الهلال حتى يتم الفراغ من الكتاب لتوزيعه خلال مراسيم القرعة التي ستجري بالقاهرة يوم 26/5 القادم. |
هههههاااااااااااااي ..
لأنو فريق مغمور ومجهول ياااادوب
عايزين معلومات عنو ..
والمعلومات ما صعبة فهـي في سطرين تلاتة كما الآتي :
1/ أول فريق في العالم يجعل 2 = 12
بشهادة رئيس ناديه الراحل الطيب عبد الله
وتأكيد من الصحفي الهلالي خالد عزالدين ..
2/ أول فريق سوداني يعاقب لاعبيه بالمنشطات .
3/ أكثر نادي سوداني مشاركة في البطولات الأفريقية
ولا زل سجله يتزين بصفر دولي كبيييييييير ..
4/ أفضل انجاز له في كأس المجاعة كان المركز الثالث .
أما الزعيم القائد سودان المريخ ، فالمعلومات عنه متوفرة
في سجلات الكاف ، بطلا ، وفي سجلات سيكافا بطلا ..
وفي سجلات الفيفا ( أول نادي يحرز البطولة دون هزيمة أو تعادل)
الكاف فعلا يسأل عن الأندية الصغيرة المغمورة ..
أما الزعيم سودان المريخ فما محتاج أسئلة فهو معرووووووف .
| |
|
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: حسين يوسف احمد)
|
دون شك أن يقطع المريخ 90% من مشواره للأنضمام الى مجموعة الثمانية " الصغار" يساعد كثيرا "الزعيم" بالتمرين معه استعدادا لمنازلة رفاقه الثمانية " الكبار" أو " العظام"
ودون شك هذا وضع افضل من الأستعداد باندية الدرجة الأولى مثل " بيت المال" و"المهدية" أو "الأحرار" مع احترامنا الكامل لهذه الأنديه !!
قون ريتشارد:-
الموضوع القادم الهام هو "المريخ والترويج لثقافة التحائل لخرق القوانين واللوائح"
با لأدله والبينات !!
| |
|
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: تاج السر حسن)
|
الحبيب الهلالابي الرهيب صاحب القلب المهيب
تاج السر
تحية بحجم الهلال وحب الهلال ورهبة الهلال
يوم الجمعة جماعة الصدي ناس مزمل بكبوا الجرسة النشوف تاني (قوافل الذي
يسميه الملك والسلطان بمشوا وين)
الجماعة كابين الجرسة ... إرهاق...سفر
وكمان كبو الجرسه أكتر قاموا أجروا طيارة خاصة من تنزانيا
أتاريه سيد البلد ده عامل هلع للجماعة.
قال ملك قال
لكم الود
أبو باسل
الهلالابي حتي السرمدية
| |
|
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: تاج السر حسن)
|
يا جمال لازم تكون من عشاق الهلال.
_________________
نواصل الأبحار فى "المريخ والتأصيل لثقافة التحائل لخرق القوانين واللوائح"!!
وحتى لا يتوه القارئ نذكر ما ما حدث من تحائل وخداع على اللوائح فى هذا العام لا أكثر من ذلك.
- أشرك المريخ فى آخر لقاء له مع الهلال لاعبه المطرود "ايداهو" فى مباراة وديه معلنه فى نيالا وموافق عليها بواسطة الأتحاد العام، واذا كان الأمر على غير ذلك فكان على الأتحاد العام المسوؤل من ادارة النشاط الكروى فى السودان انزال عقوبة فى حق المريخ، لأنه لعب مباراة دون أذنه وموافقته، والأتحاد العام سبق أن رفض للهلال أداء مباراة وديه امام نادى بيت المال، خلال فترة التوقف الأجباريه أو ما يسمى باغلاق الموسم وقد التزم الهلال بتعليمات الأتحاد العام ولم يؤدى المباراة، وقد اعترف بشرعية تلك المباراة الأعلامى المريخى " كمال حامد" !!
وهنا لا بد من طرح سؤال لما ذا التزم الهلال واوقف لاعبه حمودة المنذر مرتين ولم يوقف المريخ ايداهو وتحائل بمبررات واهيه غير مقنعه، استغل فيها المريخ سوء علاقة الهلال بالأتحاد العام فى ذلك الوقت؟؟
- اما التحائل الثانى والخروج عن القوانين واللوائح، فقد كان بشعا للغايه حيث قام أحد لاعبى المريخ بالتوقيع فى اقرار نيابة عن "علاء الدين يوسف" وتم انهاء القضية على نحو فيه كثير من الريبة والشك !! ولا " عجب" !!
- والتحائل الثالث هو تصرف غير اخلاقى وقبيح ومكشوف ظل البعض يتعامل به منذ زمن طويل، وهو أن تستخرج شهادة من طبيب لكى تخرج لاعب من مواجهة العقوبه وقد حدث ذلك حينما لم يسافر حارس مرمىة المريخ التعبان " بهاء الدين" مع الفريق القومى، لإاستخرج له اداريو المريخ شهادة مريضه ، كى تجنبه العقوبه، ومن أغرب ما حدث انهم أستخرجوا شهادة لعلاء الدين بابكر حينما امتنع عن السفر مع المريخ لبورتسودان فى آخر لحظه، وهذه مهزله مضحكه، أن يستخرج ادارى شهادة طبيه للاعب امتنع عن السفر كى لا يضطر لمعاقبته!!
- اما ما هو اقبح من كل ذلك فى التأصيل لثقافة التحائل، لمخالفة اللوائح نتابعه فيما بعد.
| |
|
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: تاج السر حسن)
|
اما التحائل الأخير فقد بدأ "بالجرسة" من اللعب فى مباراة مثل مباراة الأمل واذا انهزم المريخ كان السبب هو لجنة الخرمجه وأذا انتصر فهو القاهر الصعب الذى انتصر على التعب !! فهل هناك تضليل وأستغفال أكثر من هذا ؟؟
_____________________
والتحائل الأخير اكتمل بالجرسة من ملاقاة "الزعيم" يوم الخميس 10/ 5 لأن ادارة الفرع أستخرجت شهادة مرضيه من الخطوط الأثيوبيه تؤكد استحالة وجود حجز خلال زمن مناسب للعودة، تمكنه من الأستجمام واللعب ضد الزعيم، وكل الدنيا كانت تعلم أن المريخ سوف يعود بطائرة خاصة خصوصا اذا كانت النتيجة فى صالحه كما متوقع، فهو يلاعب منذ فترة اندية ضعيفه ولا زال "التقيل" قدام، اسماعيلى مصرى حيث لم يحدث قط أن عبر المريخ فريقا مصريا ولا حتى "المنصورة" وصفقاسى " تونسى" وحتى لو احرزوا هذا الكاس الفطيس الوصيف، فلن يصبحوا امام الزعيم الا أن "يلج الجمل من سم الخياط" فلو اراد الزعيم أن يشارك في هذا الكاس ويتخلى عن مقعده مع "الكبار" كان بامكانه أن ينهزم امام الفريق النيجيرى "ناسروا" فهل هناك قيمة لبطولة يمكن أن يشارك في نهايايتها فريق حتى لو انهزم بأى عدد من الأهداف؟ مثلما انهزم الفريق التنزانى أمام التراجى ب 3 / صفر، وانهزم ناسروا أما الهلال ب 3 / صفر، رغم ذلك فالناديان شاركا مع المريخ الذى ظل يلهث ويحتفى بالفوز على الأندية الضعيفه مثل "دق الشلوفه" فى مرتبة "القطن" ؟؟
| |
|
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: تاج السر حسن)
|
بعد موضوع التحائل على اللوائح ، نضقل بالكورة شويه .. ونستعرض الكيفيه التى يجب أن يسير بها ذلك التمرين الأعدادى سيرا طبيعا حتى ينتصر الأصل على الفرع رغم الجقلبه والجرسه والضرب على وتر التعب ، دون احداث مفاجاءات يتطلع لها لاعب مشطوب أو صرف النظر عنه، كى يثبت وجوده!!
ونقول بداية أن يكتب الصحفى "مزمز" موجها الفرع وهو لا يعرف عن كرة القدم الا اسمها، وأن يشارك "العجب" فى ذلك التمرين الأعدادى فهذه وحدها تمثل 50% من عناصر القوة ونتصار "الأصل" على "الفرع" .. اضافة الى ذلك فان ملعب يملأ وسطه " سيدا" والمعلم "عمر بخيت" و" حموده" لا اظنه يخسر تمرينا اعداديا، بل فى الحقيقة الأنتصار بهدفين يعد خسارة !!
| |
|
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: تاج السر حسن)
|
بعد انحسار موضة اغنية مثل " كلام ده كلام يا عوض دكام" و"سنتر الخرطوم" ظهرت الآن موضة " مزمل ابو القاسم ، وبين كل ثلاث كلمات تجد كلمة "التعب" !!
كتب مزمل ابو القاسم:-
| Quote: * مريخ صعب.. ضد التعب! |
كيف نهزم فريقا ياتينا حاملا كفنه فى يده " متمرضن" يدعى التعب ؟؟
واذا انتصر عن طريق الصدفه، يجعل من نفسه أسدا؟؟
عايزين اجابه واضحه :-
هل المريخ فريق تعبان ولا شادى حيلو ؟؟
| |
|
|
|
|
|
|
|
|
|
Re: الزعيم " الهلال" يستعد لمنازلة الكبار بتمرين مع فرعه "الصغير" بالعرضة ج (Re: تاج السر حسن)
|
بعد انحسار موضة اغنية مثل " كلام ده كلام يا عوض دكام" و"سنتر الخرطوم" ظهرت الآن موضة " مزمل ابو القاسم ، وبين كل ثلاث كلمات تجد كلمة "التعب" !!
كتب مزمل ابو القاسم:-
| Quote: * مريخ صعب.. ضد التعب! |
كيف نهزم فريقا ياتينا حاملا كفنه فى يده " متمرضن" يدعى التعب ؟؟
واذا انتصر عن طريق الصدفه، يجعل من نفسه أسدا؟؟
عايزين اجابه واضحه :-
هل المريخ فريق تعبان ولا شادى حيلو ؟؟
| |
|
|
|
|
|
|
| |
علوبه
فيصل عباس
بهاء بكري
حسين يوسف احمد
essam&amal
gamal
فيس بوك
تويتر
انستقرام
يوتيوب
بنتيريست