يفنتوس العجوز خارج التصنيف والزمالك خلف الهلال ولو خرج الهلال من البطولة الإفريقية الحالية والسنة الجاية ما شارك في أي بطولة خارجية الرقم 156 يجب إضافة 4 أصفار يمينه
يعيش الهلال
05-02-2007, 04:36 PM
حسين يوسف احمد حسين يوسف احمد
تاريخ التسجيل: 08-17-2005
مجموع المشاركات: 4490
Quote: فارق الـ18 نقطة دا مافي في جريدتك (الصفراء) دي ليه؟؟
بالنسبة لفارق ال18 نقطة .. وع تنسى الظرف المحزن اللي كان مرة على المريخ واللي تسبب في هذا الفارق .. دي أقذر 18 نقطة .. ومافي أقذر منها إلا حكاية 2 و12 وحكاية هيثم السعودي مع المنشطات .. وتعالوا حققوهو هسع .. الآن الظرف طبيعي لا حوادث لا أحزان .
أما بالنسبة للجريدة :
دي جريدة سعودية .. مش سودانية ..
فاهم إيه يعني سعودية ؟؟ يعني رئيس التحرير مو مزمل ؟؟
متصدر بقارق تلاتة نقاط وعدد كبير من الاهداف ..ورقم قياسي في الفوز المتتالي...ورقم قياسي في التصنيف الدولي الجديد...ورقم قباسي في الاهداف المحرزة في مرمانا { هدف واحد احرزه ريتشلرد في مرمانا يعني مننا وفينا..مافي راجل قدر يوصل لي شباكنا سواء كان حارسنا وفارسناالمعز أو عملاق ضربات الجزاء أو الامير القادم روي قلواك...
والكلام دي هسي يعني قبل دقايق يعني ما سنة واحد وسبعين
يعني نحن هسي نخلف رجل فوق رجل ونستني وصايف الكونفدرالية ديل لحدي ما يحوموا افريقيا دي ويجونا نقعد كدا ساكت لا شغلة ولا مشغلة...وبعد ما يجونا حتي لو غلبونا برضو نحن متصدرين وهم وصايف...دي مشاكل شنو دي...
وبعد داك نلف نحن نفتش لي ابطال افريقيا الحقيقيين بلد بلد ونلعب معاهم...وحتي لو غلبونا كلهم ..نكون نحن تامن فريق في القارة...وجماعة الكونفدرالية ديل كان فازوا علي وصايف افريقيا كلهم...برضو يكونوا تحتنا...والله دي عوجة دي...,الله دا حال مايل ميلان عجيب..الا المشكلة انو الجمل دا ماشايف عوجة رقبتو...ويادنيا مافيك الا انا....اها دي يحلوها كييييف
05-03-2007, 07:35 AM
abdulhalim altilib abdulhalim altilib
تاريخ التسجيل: 10-16-2006
مجموع المشاركات: 4050
ألف مبروك على دخول هلالنا في التصنيف الجديد (156) ، ورغم إنه رقم بعيد نوعاً ما، لكننا ننظر إليه فقط كبداية ، حيث نتمني أن نرى قريباً أحد الرقمين من اليمين ( كان الستة وكان الخمسة) يختفيان ، ثم يعقبه الرقم الآخر بعد مدة وجيزة (عدة سنوات ؟ ربما) ثم يتبقى الرقم الأوحد على أقصى اليسار واللي هو رقم واحد .. أتمنى أن يحدث هذا في غضون سنوات قليلة قادمة ، وهذا ليس ببعيد على الله ، وطالما (الكورة مدورة ) ، فلا مستحيل إذن تحت الشمس . واللا مش كده ؟
خليني أحلم مرة يوم .. يوم مرة ، أو كما قال عزيزنا بلبل الغرب الفنان (عبدالرحمن عبدالله ) .
كسرة : أخي حسين يوسف : ( حواجب الدهشة فتحت قوس ، وكنَّت لينا غير ما تقول) ؟!؟!؟!؟!
أخي حسين يوسف :
تحياتي ،
توثيقك جد جميل ورائع ، ويحق لنا أيضاً كهلالاب أن نفتخر بإنجازات المريخ ، لأنه أحد عناوين الكرة السودانية البارزة ، ومؤكد هذا التوثيق الصحفي لم يأت من فراغ ، بل استند على إحصاءات ومراجع ووثائق الفيفا نفسها .. وإلا يبقى (كلام جرايد ساكت) .
ونتمنى أن نجد الهلال والمريخ وغيرهما من فرقنا الأخرى داخلين دوماً في تصنيفات وإحصاءات الفيفا (إيجاباً طبعاً ) ، وكذا نراهم متصدرين صحف العالم في هكذا توثيقات وتصنيفات (اللي ماهي خمج ، على قولك) .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
gamal
حسين يوسف احمد
EMU إيمو
abdulhalim altilib
فيس بوك
تويتر
انستقرام
يوتيوب
بنتيريست