ياجماعة .. ما في تجار هنا ولا شنو ؟؟؟؟

Quote: تحياتي اناما تاجر لكن ده رأيي: بالنسبة للاسمنت هل تسأل عن فرص تسويق لكي تقوم بالتوريد ام العمل في مجال التصنيع تجارة الاسمنت في السودان بتعتمد علي ثلاثةتجار في سوق السجانة بيلعبوا في اسعارها زي ما هم دايرين وهي عملية اشبه بالقمار ابو نوع تقيل وقبل ايام قليلة ارتفع الطن بزيادة مئة الف جنيه وفي موسم خريف وبناء ومداخل توريد وعلامات مسكنة في السوق يعني قصتها قصة عشان تاخد قرارك فيه لازم تكون قاعد في نص السوق وكاشفه كويس وبعد ده ممكن تخسر لو عايز تصنيع هنالك مصانع جديدة ومصانع قديمة تحت التأهيل وقد تحتاج الي دراسة فنية واقتصادية بالاولي تضمن لك فرص سوق أما قانون الاستثمار فيمكنك الاطلاع عليه مبدئيا من موقع وزارة الاستثمار حتي تكون في موقف سليم مع مستثمريك الاجانب كما يمكنك الوقوف علي المشاريع التي تطرحها الوزارة وتقييم جديتها بنفسك. ونصيحة اخوية:أي دراسة جدوي في السودان مهما كانت وافية ومن اكبر بيت خبرة لا تحتوي علي دراسة السوق بالشكل الوافي والمطلوب لان القائمين علي الدراسات هم أكاديميين فقط لا علاقة لهم بممارسة السوق وتحديد الفرص فيها...وامامك كمية المشاريع التي تقوم برؤوس أموال ضخمة بالكاد تغطي تكلتفها التشغيلية دعك من الوصول الي نقطة تعادل حسب الدراسة او استرداد لرأس المال.