|
كتب الكاتب الفاتح جبرا المتوفرة بمعرض الدوحة
|
|
 Re: ضليت 000 هرب مني الأمل 000 جنيـت (Re: الأمين عثمان صديق محمد)
|
ضـليـت هـرب مني الامل جنيت
جافاني الشروق حنيت
و كنتي معاي فـي لمة دليب شاشاي
في ايقاع حشا المردوم فـي جيـد الزمن سوميت
مرقت على محطات السفر غربة و ما لقيتك امل شارد
مـع انك معاي في زحمة المشوار
حتى يقيني عاد من تاني
صحاك من حنين ذاتي
نجم الفرحة يا عايد
تعالي معاي
تعالي معايا
من زفة نفس مـسدار
و ما جرتق فرح كان
ولا طعم الشقا الروح
خطـاي هـانـت و انتي معاني
شايلاها القوافي في عمق الفرح دوبيت
وقت ضليت قعدت براي
و حسيتك بتطلعي من نفس طورية ضامة الطين
و من دمعة وجع طول من العرق البنادي حنين
| |
 
|
|
|
|
|
|
|
 Re: ضليت 000 هرب مني الأمل 000 جنيـت (Re: saadeldin abdelrahman)
|
Quote: و كنتي معاي فـي لمة دليب شاشاي
في ايقاع حشا المردوم فـي جيـد الزمن سوميت |
الف تحية وشكر
وده الكلام البموخل الزول..وبخلي زمنو (سوميت)
مصطفي دوما يفتت ذاتنا ويدروخ انفاس الزول ويجعلنا نشهق بحجم ماء النيل
وبتجي ريحة الدعاش والغيم والطين والطورية والابرول..
......................
..وتحياتي الاخ الامين
واكيد سعد الدين الزول الراقي لازم يكون بجاي..
| |
|
|
|
|
|
|
|
|
|
Re: ضليت 000 هرب مني الأمل 000 جنيـت (Re: عبدالكريم الامين احمد)
|
Quote: تقول شنو يا الامين
غنوة ملانة وتونها عميق ودايرة كلام كثير
وتب ما بنخليها تمشي بالساهل تمشي الصفحات الوراء |
تسلم يا رائع
تعرف يا عبد الكريم
وقت اشغل الاغنية دي
ومصطفى يقول في جيد الزمن سوميـــــــت
ومرقت على محطات السفر غربـــــــه
اغوص في نفسي وما ارجع واتلاشى فيها
وبدون ما اشعر القى نفسي اتعديت ال 120 / كلم
وجرس الانذار بقى يشتغل ويشوش علي
اقوم ارخي السرعة واخفض الصوت وارجع تاني
وابقى الامين المسيكين داك
خلوها دائما فوق
خلونا نزيل الدرن من وجه المنبر
وننثر الافراح درر
| |
|
|
|
|
|
|
|
|
|
Re: ضليت 000 هرب مني الأمل 000 جنيـت (Re: الأمين عثمان صديق محمد)
|
لكم وددناك معنا .... كنت كلما هفا قلبي اليك اجمعك الي .... وأبدأ بنكش الذاكرة بحثا عن كلماتك ..... اغنياتك، وأبوح لنفسي عن مكمن وجعي (وبكيت ولا هماني شي ) فانت تحرك الكوامن ، لا بصوتك فقط ، بل بحضورك الطاغي ، غير المسبوق .
حدثتني شقيقتي في أحد المرات عن إحتفاء الناس بك يوم السا بع عشر من يناير من كل عام قالت :
(كل محلات الكاسيت من الصباح بتشغل غنا مصطفي ، الحافلات ، الرقشات ، كل وسائل المواصلات يوم يهل فيه هذا التاريخ (17) يناير ، كل الأصوات ، صوت مصطفي في ذلك اليوم)
لم يحدث أن كان لدينا في التاريخ الحديث في بلادنا شخص له ما اوتيت من كاريزما يجتمع حولها كل هذا العدد من البشر ، لم يحدث قط ان شهدنا غيابا بهذا الحضور
ينعقد له كل ذلك البكاء الجمعي ..... بل لم ينعقد اصلا حتي لأحد قبلك ؟؟؟؟ حيث يحتفل كل الذين احبوك ــ بك ـــ في ارجاء العالم ؟؟؟ كأنما يتوقف التاريخ لديهم فينسونه الا ذلك اليوم.... يرجونه ان لا يهل ، أو ليهل ليحرك السكون ( وعصب السكون ) لماذا فعلت بنا ذلك؟ لماذا أدخلتنا فضاء روحك ، لامست اعصابنا وخلايانا ، صرت مكونا منها /لها .... كيف جرؤت أن تعاند الحياة وتذهب ؟ دخلت مواعين الروح صرت وجبتنا الشهية، لقمتنا التي نتقاسمها ، نستطعمها ( مازال محمد أبو عاقلة يحتفظ باللقمة الاخيرة التي كانت في فاهك حين داهمك الذي ابعدك عنا ) هل نحن نتعزي بك / عنك ؟ ام بك عنا ؟ ترانا نتقوي بك لحظة ضعفنا ؟ ذلكم الذي صار قاعدة بلا استثناء ...... سوي انك تقوينا
في العام(95) وفي القاهرة ، استديو المقطم ، كنا حضورا ، يوسف الموصلي ، ابو عركي البخيت ، الذي جاء حينها لتسجيل أحد أشرطته ، الموصلي كان يجري مكساج ( البت الحديقة) قلت لهما :
ـــ تخيلوا أننا في استديو (أ) في الإذاعة ، امدرمان ، طلال عثمان واسامة جمعة
أروع وأمهر الفنيين في الإذاعة ، مصطفي سيد أحمد في الاستديو ، واكون حاضرة يصدح مصطفي ونسجل له تسجيلا حارا تتخلله الأخطاء ، يتوقف التسجيل ، يخرج مصطفي من الاستديو ، يسأل عن الصوت( كيف؟) فنجيبه برفع الإبهام (كده) ويعود للغناء ....
لحظتها .... كانت أدمعي ليست بخافية ، وكذا كان عركي ، والموصلي تائه بيننا مهدئا :
ــــ يا اخوانا مصطفي دا ما مات ،مصطفي عايش ، مالكم انتو الليلة؟؟
كان ثمة خوف ما يتلبسنا في تلك اللحظة.... ولا أجد تفسيرا لذلك البكاء !
ايها الولد الحديقة .... يا حديقة ما تزال أزهارها طازجة ووردها يانع... لم تذبل بعد ولن
( اتمنيت لو كنت معايا)واتمناك ... منذ ذلك اليوم الذي عرفتك فيه لاول مرة ....
( كان التلفزيون قابع في غرفة بيتنا في السكة الحديد الابيض ، امي كانت صحبتي نشاهد سهرة كنت تغني فيها، ازعم انه كان ظهورك الاول في التلفزيون حولك طالبات من معهد تدريب المعلمين في امدرمان ... كنت تغني ( غدار دموعك ما بتفيد)فجأة شهقت أمي بالبكاء
- أمي مالك في شنو ؟
-الولد دا بشبه معاوية ولدي
أمعنا النظر في ملامحك ، طويل ،نحيل ، شعر كث ،نظارة طبية ، هومعاوية
- اسمو منو الولدا ؟
- مصطفي سيد احمد
- فولة وانقسمت ... شبه لمن قلبي فراني ، الله يديك العافية يا ولدى
| |
|
|
|
|
|
|
|
|
 Re: ضليت 000 هرب مني الأمل 000 جنيـت (Re: سلمى الشيخ سلامة)
|
يــاسلام يا ابو الأمين يــاخ:
والله ده الغنــاء البدخــل جــوه .. وبقعد جــوه الروح وتاني ما يطلع ..
تعرف لي فتــرة بطلت اسمع مصطفى .. ما عارف ليه .. ولمــا اجي اسمع مصطفى .. بسمع ضليت + وتقول لي الفراق مكتوب زي أول جمعنــا قدر وترحل يا حبيب الــروح وتخلي صباحنــا ليل وسهــر
يا ســلام يا سلمى الشيخ سلامــة:
طبعــا يا امي ما قلت ليك بتعملي معاي شنــو لما اقرا ليك لي مصطفى ولي عميــري والاتنين مافيشين.
أظنك بتعرفي شحتفت الــروح عامله كيف..؟
| |
|
|
|
|
|
|
|
|
|
Re: ضليت 000 هرب مني الأمل 000 جنيـت (Re: نهال الطيب)
|
ياسلام ياتمبس
بصدقك علي طول وببصم ليك بالعشرة...
وتتذكر يا تمبس (عادالحبيب) لمن شتتها (انت) هنا في بوستك العجيب داك
انا قلت ليك الاغنية دي بتحولني لنقطة..
اما (ضليت) هذه يا تمبس فامرها (غير) بتخلي الزول تحصل ليهو حاجات غريبة
مرة ببقي(سوميت) ومرة دوبيت ومرة مردوم ومرة طين ومرة ( ساقية) وطورية ومرات كثير نيل..
دي كلام ياتمبس عجيب بقينا ما عندنا ليهو قدرة
| |
|
|
|
|
|
|
|
|
|
Re: ضليت 000 هرب مني الأمل 000 جنيـت (Re: عبدالكريم الامين احمد)
|
تراني ماني هاوي غنا ولا قاعد استمع ليهو كتير، لكن لمن يجيني صوت الفنان مصطفى سيد أحمد شايلو مكرفون يتملكني شعور بالطرب ومعاهو دموع العين بتسيل واقعد أردد معاهو وأنا العمري ما غنيت. زول زي دا يا هو الفنان اليخليك تغني معاهو ودموعك تسبقك وانت أصلاً ماك زول غنا، فإن كان من مطرب يستحق هذا اللقب فياهو دا الراحل مصطفى سيد أحمد رحمه الله الذي يطرب له أخي بركات لدرجة الوله. رحم الله الفنان مصطفى سيد أحمد ويا سلام يا سلمى .
| |
|
|
|
|
|
|
|
|
|
Re: ضليت 000 هرب مني الأمل 000 جنيـت (Re: الأمين عثمان صديق محمد)
|
اللمينز لك المحبة ظلال ترفرف حولك بحجم هذا الوعد الذي سكبته في (ضليت)
مصطفي حينما يصدح تحلق النوارس في غربتها وتمتد الشواطئ نحو الوطن وتصير الدواخل مدن سرمدية يوتوبيا من الامنيات والشجن ... مساحات مرسومة بالوجع ومرآة من دواخلنا تعكس خلجاتنا..
عصافير الجمال نهال..عبدالكريم..الاحمر..اسحاق..تمبس..وواسطة الدهشة سلمي سلامة لكم جميل الود ولمصطفي في عليائه الرحمة بقدر ما افرحنا
جاجا..
| |
|
|
|
|
|
|
|
|
|
Re: ضليت 000 هرب مني الأمل 000 جنيـت (Re: الأمين عثمان صديق محمد)
|
ياخي دا بوست ينزل!
مصطفى و امنا سلمى و الـلـمـين و كيكي و تامبا و نهال و الحلوين كلهم هنا.
---------------
يا اخوانا في ناس كانوا بيقولوا انهم ما بيحبوا اسمعوا لمصطفى نسبة للحزن
الكامن في صوته و اغنياته!
انا ما عارف!
امال الشجن و (الشجو) او الشجى دا يكون كيفنو?
كان ما وجع الريد و السفر كان الناس كتبت ولا غنت?
----------------
وقت ضـلـيـــــت..
| |
|
|
|
|
|
|
|
|
|
Re: ضليت 000 هرب مني الأمل 000 جنيـت (Re: الأمين عثمان صديق محمد)
|
ابو السعود
كيكي
نهال
سلمى
تمبس
صلاح
نهال مكرر
اسحق
ود العشاء
منعم
الحارث
نهال ( يترفع مقامك كمان وكمان )
ابو السعود مكرر
فدوى
ما عايز اقول ليكم شكرا لانه
البوست حقكم كلكم
وحق السمعوا من برا برا
وحق الجايين
ـــــــــــــــــــــــــــ
عندي بوست بي غادي امشي اشوفه
اليومين دي الواحد بقى زي راجل المرتين
| |
|
|
|
|
|
|
|
|
|
Re: ضليت 000 هرب مني الأمل 000 جنيـت (Re: Ahmed Yousif Abu Harira)
|
| Quote: بس يا ريت تذكرونا بأسم الشاعر صاحب الإبداع الأولاني ...فـ "ضليت" في البدء كانت قصيدة.. |
احمد يوسف ابو حريرة
كيف حالك
والله رجعتني بعد ما مشيت
لانه كنت عايز اكتب في مداخلتي الفوق الكلام دا
( يا جماعة مافي واحد فيكم ذكر اسم قاسم ابو زيد !!! )
لكن قلت يكونوا شافوا من ايقونة الريل بلير
علي اي حال يا الحبيب
اضغط مكان السهم ويطلع ليك مكتوب اسم الرجل المبدع قاسم ابو زيد
وبالمناسبة مش دي القصيدة الوحيدة الغناها مصطفى لي قاسم ابو زيد
عندو
عباد الشمس
زي ما يكون
القاكي وين
علميني الاحتمال
نشوة ريد
وغيرهم
شفت الراجل دا مبدع كيف وليهو دور كبير في مسيرة مصطفى
| |
|
|
|
|
|
|
| |
saadeldin abdelrahman
عبدالكريم الامين احمد
نهال الطيب
سلمى الشيخ سلامة
tmbis
صلاح الأحمر
إسحاق بله الأمين
Adam D.El-Asha
الحارث سرالختم عبد الله
فدوى الشريف
Ahmed Yousif Abu Harira
فيس بوك
تويتر
انستقرام
يوتيوب
بنتيريست