|
الخميس القادم .. جلسة أسرية لبورداب الرياض
|
التحية أولاً لكل الأسر السودانية في كل بلاد المهجر و هي تقبض على جمر الشوق لأرض الوطن و تكابد لربط الأبناء و البنات بتراب الوطن و التحية لأبنائنا و بناتنا في الوطن و هم يرضخون لنداء العلم بعيدين عن أسرهم.
هناك أعضاء جدد لم نلتق بهم و هناك أعضاء جاءت أسرهم و لم تلتق ببقية الأسر
لذا ندعو كل الأعضاء و أسرهم للقاء يوم الخميس القادم في إستراحة سيقوم الإخوة ود الباوقة خالد سعيد معتصم دفع الله تمبس إدريس طارق نقد عمر الفاروق
بتحديد المكان و إنزال خارطة تعريفية به.
نرجو المداخلة لتأكيد الحضور
تخريمة :
نرجو كذلك تحديد من سيقوم بلم الكراسي بعد الحفل
دمتم
|
|
|
|
|
|
|
|
Re: الخميس القادم .. جلسة أسرية لبورداب الرياض (Re: رشا سالم)
|
جميـــل جدا طبعا كالعادة في مناسبات ولمات اسرية حميمة زي دي .. قاعدين نجيب الشاي والقهــوة والعضة وإلخ من البيت . يعني بي ايادي سودانية ( صرفــة ). عليــه: رشــا سالم كان اليوم داك عملت لينا فيها ( نبطشية ) وحركات من النــوع ده .. بقتــرح : ترســل لينــا ( المايكرويف ) . ( وعلبـة كبتشنــو + نسكافية ) وتورينــا قاعده تظبط درجة الحرارة على كـــم.. وموت مــوت .. حيا .. حيــا.. أصلــو الواحد لما يكون بعيد من ( أمــو ) يتحمل نتيجة أي عواقب ( تقنية ) فيما يتعلق بأمور المطبخ
| |
|
|
|
|
|
|
Re: الخميس القادم .. جلسة أسرية لبورداب الرياض (Re: ابو جهينة)
|
Quote: تخريمة :
نرجو كذلك تحديد من سيقوم بلم الكراسي بعد الحفل
|
Quote: أقترح : مصدق حسيــن .. لانو طول من التمارين دي .
|
Quote: وبالعدم: مصدق حسين برضــو .. لانو عندنــا تار مبيت معاهــو .. وبقى يعمل زغبير كتير |
لأ بأه ....... دى حاجه تخوّف و تقول لى ما تعمل زغبير برضو ؟؟
بس جايين و جايين و كمان مشتاقين .
| |
|
|
|
|
|
|
Re: الخميس القادم .. جلسة أسرية لبورداب الرياض (Re: tmbis)
|
إنشاء الله حضور دائم , وللمرة الثانية بقول ماهو المطلوب مننا كأعضاء حتي لا ينحني ظهور اللجنة
المنظمة لهذه الجلسة الأسرية وبالمرة نشعر بالمشاركة الفعلية , يعني المسألة ما تكون وقف
علي مجموعة بعينها تتحمل تبعات الحدث المهم جداً جداً في راي الشخصي .
خطوة جميلة جداً نتلهف لها من زمن , ربنا يجعل تجمعنا فأل خير للجميع .
| |
|
|
|
|
|
|
Re: الخميس القادم .. جلسة أسرية لبورداب الرياض (Re: مصدق مصطفى حسين)
|
د. رشا
سلام مربع
تصدقي نزلت البوست دة و أخدت لي تعسيلة قمت قريت مداخلتك دي بي نص عين
Quote: بس كان جبتوا لينا هاجر جبرة بكون عافية منكم |
تعرفي قريتا شنو ؟ قريتا كدة :
بس كان جبتوا لينا عافية جبرة بكون هاجرة منكم
تحياتي لزوجك العزيز ... و تمبس دة أوعك تعوديهو على التقنيات المطبخية .. جيبي المبخر معاهو كان جمرة كان جمرتين و هبابة و خليهو يسوي الجبنة لغاية ما الحفلة تخلص يكون ياداب شرب الفنجان الأول
| |
|
|
|
|
|
|
Re: الخميس القادم .. جلسة أسرية لبورداب الرياض (Re: ابو جهينة)
|
أخي العزيز هاشم
تحياتي
Quote: وللمرة الثانية بقول ماهو المطلوب مننا كأعضاء حتي لا ينحني ظهور اللجنة
المنظمة لهذه الجلسة الأسرية وبالمرة نشعر بالمشاركة الفعلية , يعني المسألة ما تكون وقف
علي مجموعة بعينها تتحمل تبعات الحدث المهم جداً جداً في راي الشخصي . |
شكرا على كلامك الجميل دة. إنت تعال و بنتفاكر و بنوريك كل شي. شوفتكم هي المطلوبة
| |
|
|
|
|
|
|
Re: الخميس القادم .. جلسة أسرية لبورداب الرياض (Re: حمزاوي)
|
حمزاوي
صديق قال أول زول بيجي
***
لا يفوتنا هنا أن نهنيء مرة أخرى الشاب بركات و الإبنة نازك .. بالزواج الميمون نتمنى أن يشرفا حفلنا المتواضع لتسجيلهما كبوردابيين ضمن مجموعتنا.
و طبعا العزاب لما يشوفوا عرسان بيغيروا شوية .. مين عارف .. لعل و عسى الكلام ليكم يا المدلدلين إضنيكم
| |
|
|
|
|
|
|
Re: الخميس القادم .. جلسة أسرية لبورداب الرياض (Re: احمد العمار)
|
يا ريس حمزاوي أمس في كورة الصالحية قال لي أنا فنان وبغني كويس بالعربي وبالرطانة لكين ما تكلم الجماعة .. يعني الفنان أنضمن.. الباقي صديق الموج ولم الكراسي .. وغسيل عـدة القهوة بتاعة رشا .. وزول ظريف إمسك الشفع عشان مـــا يطلعوا الشارع.. وواحد يقيف في الباب يقول: الدخول للعوائل فقط
| |
|
|
|
|
|
|
Re: الخميس القادم .. جلسة أسرية لبورداب الرياض (Re: ابو جهينة)
|
الاخ أبو جهينة والاخوة بورداب الرياض من الجميل ان نتلاقى وسأبذل جهدي للالتقاء معكم فقط حددوا لنا الاستراحة رغم ان هذا اليوم سيشمل احتفالات اخوتنا واخواتنا في جمعية المحبة والسلام بالسلام ( مرور عامين ) وباليوم العالمي للمرأة في الشفاء شارع المدارس - بجوار بندةالشفاء قاعة
صلاح غريبة - الرياض
| |
|
|
|
|
|
|
Re: الخميس القادم .. جلسة أسرية لبورداب الرياض (Re: ابو جهينة)
|
يا شباب والله يوم الخميس عندنا عرس رايكم شنو تجونا كلكم في الفصول الاربعه ونجيب ليكم هاجر جبره وكبشور كمان
Quote: في فرصــة كويسة لي السيد / وزير الري والموارد المائية ( درش ) ممكن يتحرك بحرية .. بعد ضم وزارة الثروة الحيوانية للوزير أعــلاه وتجريد طــارق نقد من الوزارة المعنية نقترح على طــارق نقــد المزاحمة في وزارة المواصــلات .. كان يلقى لينــا إن شــاء الله موطــر سوزوكي مية خمسة وعشرين بس على شرط .. يعمل فيهــو ( سبت ) بي ورا |
يا تمبس بطل 0000000 وأنا وزارة الثروه الحيوانيهما بتنازل منها ده محل العضه يا منقه بعدين ابشرك اصلوا كوتتنا جاهزه من الخميس الفات ومصائب قوم عند قوم فوائد الله يجازي محنك يا ريس والله دايرين نجي وخصوصا الاولاد لكن كمان العرس ما بتأجل !!!!
| |
|
|
|
|
|
|
Re: الخميس القادم .. جلسة أسرية لبورداب الرياض (Re: Khalid Saeed)
|
عندنا أبو جهينة .. الريس ( ده خطييير .. كتاب .. عنده كتب ..أماندة والأبنوس ) شعار الحملة [ كتاب لكل بوردابي ] رمز الحملة [ الأبنوس ]
عندنا ود الباوقة .. نائب الرئيس ( ده بتابع الطيارة لقاية ماتعدي المثلث الأخير من منتصف الليل ) . شعار الحملة [ هي لله هي لله .. لا للسلطة وللجاه ] الرمز [ الطيــــارة ] .
| |
|
|
|
|
|
|
Re: الخميس القادم .. جلسة أسرية لبورداب الرياض (Re: Khalid Saeed)
|
كما يوجد في اللستة كل من الآتية آسماؤهم : عندنا حليمة ( والله دي جعليه تب ) وبي عشرة بورداب عندنا إسماعيل وراق .. البوردابي الأصيل ( صحيفة السوداني ) عندنا الخال حمزاوي .. دناقله يارسول الله ( تركين ساككككت ) . عندنا حكيم البورداب محمد عبد الجليل .( إنه محمد الجليل وكفى ) عندنا الأرباب خالد المحرب ( دابي الكركره .. الصياده ليه مابشيل .. تقيل يالأرباب حر .. صاقعه وهواجم ليل ) . عندنا معاز الوهم .. وما ادارك ما ماعاز الوهم (الزول الظريف الطبعه دايماً حالم ) . عندنا عمران .. الرجل الضكران .. حبيب الكل ..( شايقي لكن ترخيص جلعيين) عندنا نصار الصادق الحاج ( ذلك الشاعر المرهف ) عندنا مولانا الشايقي أحمد محمود الشايقي ( أهل الدويم أهل العلم ، لكن الناس معجبة بالجبنة السمحة بتاعتهم ..عشان كده بقولوا الدويم بلد الجبنة ) . عندنا عشا البايتات عبد العزيز شلال ( دكين ) ( وينوا ياناس .. ماعارفين خبره ) . عندنا المكاتل أحمد حنين ( ده زول صعب خلاص ) ده براهو بنهي المبارة . عندنا عبد الرازق عيسى الطالب ( ده كان جاكم المبارة بتتلغي .. بشطبوكم كلكم ) . عندنا وليد طـــه ( الزول الرزين الطبعه دايماً حالم ) عندنا جمال محمد هباني ( ود الناظر .. ده غايتو لو قامت شكله .. هو الوحيد البحله .. لأنه زول راقي .. وحلال شبك ) . عندنا محمد الشيخ سليمان ( الهيئة الدبلوماسية بتاعت البورداب ) عندنا عبد المنعم عمر عثمان ( التلب اللزم .. ود حبوبة .. مقنع الكاشفات ) ده بتكفل بي التقيل كله . عندنا عبد السلام أبوشنب ( البوردابي الأصيل ) عندنا وليد عبد الرحمن (حبيب بلدو) ( الأخوان طمنوني .. حبيب الكل .. حبيب بلدو ) عندنا خضر الطيب ( المخرج الخطير .. ده عليه التصوير والنقل الحي المباشر ) عندنا عبد الله حمد عقيد ( الغائب الحاضر .. ود عمي .. دخر الحوبة .. وصاحب القلم الرصين) عندنا المكاشفي خضر بشير ( المبدع ولد الأستاذ المبدع .. الفن كله يتجسد في هذا الشاب ) عندنا أنور عبد الرحمن الشيخ البعيو ( الطرفة الحاضرة .. الرجل الكلس ) عندنا د. ياسر زين العابدين عبد القادر ( ماتخافو .. بعالج أي واحد لو إنكسر في أي دواس أو أي بوست ) عندنا مصدق مصطفى حسين ( الرجل الفنان .. ده بيعمل كراكتير للواقعه كلها وشايف الناس حبايبنا دايرين يلملموه الكراسي .. ربنا يستر مايقوم يرسمكم ) عندنا عصام عيسى رجب ( الشاعر المرهف .. سوف يقود الملحمة ويكتب معلقة البورداب .. ألا هبوا بوردابنا .. وأصحبونا .. ولاتنسو .. بوستات الأولينا ..
الأرباب : أمين المال ناس الكشتينة قالوا .. مالك يمينك ... ونحنا بنقول مالك .. بوردابــك ....
| |
|
|
|
|
|
|
Re: الخميس القادم .. جلسة أسرية لبورداب الرياض (Re: ابو جهينة)
|
ألأخ/أبو جهينة
الحبيب/تمبس
تحياتى.........ومعتصم دفع الله.خالدة البدوى........ألأخوة الذين قاموا بالجلسة الفاتت الجميلة..........
لكم الشكر مقدما..........وأمنياتى أن يجمع الله الشمل دائمآ على حب ومودة..........
بس يا ريس .............النوم سلطان.......
إسماعيل محمد أحمد عباس.................أم درمان........
| |
|
|
|
|
|
|
Re: الخميس القادم .. جلسة أسرية لبورداب الرياض (Re: عفاف أبو حريرة)
|
Quote: يا شباب والله يوم الخميس عندنا عرس رايكم شنو تجونا كلكم في الفصول الاربعه ونجيب ليكم هاجر جبره وكبشور كمان |
طارق نقد دا عرس منو دا طيب أخوك دا ذاتو كاتل ليهو عرس في الفصول الأربعة.. غايتو العريس أول حروفه(ق) والعروس (م).. وللمعلومية ما ألقاك بدون كرت.. قسماً عظماً أطردك بخشم الباب.. قال فصول أربعة قال..
| |
|
|
|
|
|
|
Re: الخميس القادم .. جلسة أسرية لبورداب الرياض (Re: ابو جهينة)
|
الاخ ريس والاخوة المتداخلين لكم التحية الواحد سعيد انو يجد شباب الذين ذكرهم الاخ الكريم خالد سعيد كلهم فى منطقة واحدة ولكن السؤال لاخونا الريس وخالد بالرغم ضيف الوقت ايام الخميس لو الواحد جاء وما وجد الجماعة المذكورين موقفكم يكون شنو ؟؟ ورونا هل عندكم كشف حضور لهولاء ولا مجرد دعوة فقط ومناشدات بالحضور ؟ فى انتظار الرد
| |
|
|
|
|
|
|
Re: الخميس القادم .. جلسة أسرية لبورداب الرياض (Re: خالد المحرب)
|
Quote: لكم الشكر مقدما..........وأمنياتى أن يجمع الله الشمل دائمآ على حب ومودة..........
بس يا ريس .............النوم سلطان.......
إسماعيل محمد أحمد عباس.................أم درمان........ |
معقولة يا إسماعيل ؟؟ إنت نائم وين هسة في أمدرمان والا الرياض !!
| |
|
|
|
|
|
|
|