|
Re: بقيت يا وطني زي منفاي ... محجوب شريف (Re: ادريس خليفة علم الهدي)
|
درش .. وزير كل الموارد .. ياخي والله قاعدين نتعلم منكم كتير جدا .. حسع عميلة حفظ الحقوق دي في حد ذاته درس مجاني وصوت مجوب شريف وكلامو ده .. مليون درس .. ده معلم شعب كامل يا درش وملهم أمــة بحاله.. ملحوظة لو استمريت في النهج المحجوبي ده .. ح ندمج ليك وزارة طارق نقــد .. على أن يكتفي بوزارة المواصلات فقط.
| |
|
|
|
|
|
|
Re: بقيت يا وطني زي منفاي ... محجوب شريف (Re: ادريس خليفة علم الهدي)
|
بقيت يا وطنى زى منفاى مطارد ومستباحة دماى عساكر من دروب تايهات حداى، قدام خطاى ووراى وذنوبى هواى يا موطنى وغناى وذنبى ولاى وإنك سيدى ومولاى تعيش يا ذنبى طول ما عشت عشت معاى لا عنك بحيد لا جاى بفوت لا جاى فديتك يا مديد القامة يا شعبا، سديد الراى وقلبى عليك يا حجرا حنين دفاى أقبل وين أفوتك وفي حماك حماى أسيب عزاى سبية وكيفن ألقى عزاى عزاى في وحشتى وسلواى عيونا وبحة الغناى نخيلك تمره منه صباى ونيلك في قواى هادر هميم جراى وقبضة إيدى مسكة رمحك الرماى أطالع في صحارى الليل مطالع صبحك الضواى فديتك لو بقيت منفاى فديتك لو بقيت مرساى
| |
|
|
|
|
|
|
Re: بقيت يا وطني زي منفاي ... محجوب شريف (Re: ادريس خليفة علم الهدي)
|
الرائع حد الثماله ابو الدرش شكرا للاضافه الحقيقيه للبورد فشعر بقامة محجوب شريف يستحق الوقوف عند كل كلمه منه وأنا قلت حواء السودان انجبت شعراءومبدعين ولكن لم تلد مثل محجوب شريف الشريف العفيف المنحاز دوما لمحمد احمد السودانيQuote: ملحوظة لو استمريت في النهج المحجوبي ده .. ح ندمج ليك وزارة طارق نقــد .. على أن يكتفي بوزارة المواصلات فقط. |
تامباسلامات انت ما عرف وزارة المواصلات دي ما تبع الحركه الشعبيه ودمتم يا رائعين
| |
|
|
|
|
|
|
|