|
|
|
 Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
يمكنكم عمل تكتيك لمباغتة الفريق من اول خمس دقائق كما فعل المريخ في مباراة القطن يعني الربع الساعة الاولى قون ونص الساعة الثاني ونهاية الشوط الثالث وفي بداية الشوط الثاني الرابع والخامس وتكونوا على الاقل قدرتو تسدوا واحدة من الخمسات الاخذتوها قبل كدا
اللهم لاشماته والفقد واحد ودا حال الدنيا والمرحوم غلطان لانو دخل المباراة بمعنويات التصنيف المزيف والهالة المليونية وصلاح ادريس بالملايين البوزع فيها دا بضيع الكوره السودانية خليكم من الهلال الاصلوا ضائع من زمان
الفاتحه جبر الله كسركم
ابومصطفى
| |
 
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: Mohamed Doudi)
|
انت عارف يا كيغا
الهلال الشفتوا انا مع الزمالك ده صدقني (الشماتة التاريخية بتاعة المريخاب دي) فيهو قاسسسسية خلاص
ده هلال ما عليه خوف ..وبجهد بسيط جدا ممكن يضاير (الفريق النجيري) في الخرطوم..
...ده هلال يا حبيبنا ذكرنا الهلال الاتغلب (اربعة) من المحلة وجهز الحلة لطبخ المحلة
وهزمها اربعة في الخرطوم...
فبالله (سوي صبر ) وما تدفقوا مويتكم في السراب ساكت..
....
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: Mohamed Doudi)
|
انت عارف يا كيغا
الهلال الشفتوا انا مع الزمالك ده صدقني (الشماتة التاريخية بتاعة المريخاب دي) فيهو قاسسسسية خلاص
ده هلال ما عليه خوف ..وبجهد بسيط جدا ممكن يضاير (الفريق النجيري) في الخرطوم..
...ده هلال يا حبيبنا ذكرنا الهلال الاتغلب (اربعة) من المحلة وجهز الحلة لطبخ المحلة
وهزمها اربعة في الخرطوم...
فبالله (سوي صبر ) وما تدفقوا مويتكم في السراب ساكت..
....
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: taha)
|
Quote:
والله بالرغم من انني لم التقي بك من قبل ولا اعرف عنك شيئا ... لكن من خلال متابعتي لكتاباتك في هذا المنبر لا يسعني الا ان اقول ان الجهل مصيبة .. وانك يا سيدي تعاني من داء عضال اسمه الكراهية واي كراهية ..كره كل ما هو جميل بغض النظر عن مصدره ... ارحم نفسك يا سيدي وارحمنا معك يرحمك الله ... انشاء الله تكون هزيمةالهلال قد اعطتك دافعا معنويا يساعدك على اداء واجباتك العظيمة تجاه...... اذ انني متاكد ان امثالك يعانون الامرين وهل تدري ما هما ؟؟ الكلام الاخير ده بالرندوك لو ما بتعرفو اسأل الراسخون في العلم ... ولا تحسبن نفسك من الصفوة المزعومة لست سوا _رغوة_ انت ياحبيبي من سقط المتاع اتدري ايضا ما هو ؟؟؟ محنتك تكمن في ذاتك المريضة وفي نفسك الخالية من كل خير وعينك التي لا ترى في الوجود جمالا ... يازول ارعى بي قيدك .. وشوف عوجة رقبتك التي لا احسب انها كانت مستقيمة ذات لحظة ... ولهفي على مصطفى الذي احسب جيدا انك تدري من هو .......... |
طه
ياخى خلى روحك رياضيه
فالامر لا يعدو ان ان يكون مناكفات رياضيه بين جمهور الناديين الكبيرين فى السودان
وكما يحدث فى كل الدنيا بين انصار النوادى الكبرى
وان كنت لا تتحمل مثل هذه المكايدات فانصحك بعدم زيارة مثل هذه البوستات
حتى لا ترفع ضغطك اولا وحتى لا تخرج عن طورك ثانيا
وصدقنى كيجا دا من اظرف الرياضيين فى المنتدى وهذه هى طريقته فى المكايده
راجع نفسك اخى طه
وراجع الكلام القاسى الذى وجهته للرجل
ارجو ذلك
ولك ودى .. وهاردلك
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
للمريخ تجارب عديدة من هذا النوع يمكنكم الاستفادة منها...
احدثها مباراة القطن الاخير...
ومبارة المرحموم منصور رمضان مع كانون
المريخ مهزوم 3/0 فى مباراة الذهاب..
طلب الالمرحموم منصور رمضان من لاعبين المريخ
حسم المبارة فى ال 15 دقيقة الاولى...وقد كان
امنياتنا للفريقين بالتاهل ...خوفا من ان تاتى
القرعة بلقاء الهلال والمريخ فى دور ال16 a
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: ahmed babikir)
|
طه الد..
اي كراهية واي حقد البتكلم عنو الانسان لما يحقد بكون بحقد على شئ بتساهل البسمع الكراهية والحقد يقول من كاساتكم المحموله جوا والمرصوصة رص
اما لو تكلمت عن شخصي فالكلام بالكي بورد وسيلة جبانه للمثلك واشباهك واتحداك
اساليب الجبناء والإساءات ليس من خلف الكواليس
وحرام الرد على أشباهك وكلامك فعلا يدل على جهلك ياطه ........
ابومصطفى
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: abas)
|
كلنا مريخاب .. وكلنا هلالاب .. وكل منا يحب أن يشجع فريقه والذى ينتمى اليه .. ولكن ماذا تقول حينما يفقد الانسان نفسه وطوره ويتحدث حديثا لاطعم له ولارائحه نفقد ساعاتهاحلاوة المناكفات الجميله والحلوه والتى تزيدنا تمسكا كل منا لفريقه والذى يشجعه .. لذا أرجو من الاخوة عدم الخروج من المألوف والدخول فى مناكفات نحن القراء فى غنى عنها .. وأجعلوا الروح رياضيه فقط ومن غير زعل .. ارجو ذلك .. ودمتم ..
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: تاج السر محمد حامد)
|
ياجماعه انا اكبر من الحديث مع امثال ذلك الجبان
اخونا عبدالكريم وعباس وتاج السر وكل المتداخلين هذه هي الروح الرياضة لكن دا الظاهر عليه عديم تربية
ياخي انت لو ماعاجبك بيت البكاء دا امشي ابكي بعيد بعدين نحن نسينا نقول ممنوع استصحاب النساء والاطفال \
ولن تلين لنا عزيمة في حب المريخ
وهذا اسلوب مناكفاتنا لاخوة اعزاء يقولون مايقولون ونحن نقول مانقول وفي الاخير اخوة بس اسلوبك ما اسلوب رد وساقط القول واتعلم الادب والاحترام و\
وانقلع شوف ليك محل تاني ابكي فيه
والنقط البتعملها دي أسلوب الجبناء
عندما قلت ليك جبان ماغلطت
ومره ثانية حرام الرد على امثالك
يلا بلا لمه
فليسمح لي الاخوة الكرام وانشاء الله دا اخر رد على هذا الطه
ابومصطفى
| |
|
|
|
|
|
|
|
|
|
بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
الأخ / كيجا
سلام واحترام ،،،،
انا هلالابي واعشق الهلال والهزيمة كبيرة ولكن انشاء الله نعوض في مباراة الرد
بعدين تعال انتو غالبين في الجزائر ولا شنو هاك الشلف دا
الاخ طه أرجو منك ان لا تفقد اعصابك نحن هنا كلنا أخوانا هلالاب ومريخاب
أخونا كيجا من حقه ان يشمت فينا ومن حقنا برضو ان نشمت فيه لذلك أرجو منكم اخوتي
عدم الانفعال وان نوسع صدورنا
يا كيجا رايك شنو دايرين نسجل ولدنا مصطفي مع أخوه كريم في براعم الهلال هههههههههه
مع تمنياتي بالتوفيق للجميع
أبو كريم
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
أخي أبو مصطفي
الفاتحة
عظم الله أجركم والفقد واحد يا أخوي
إنت المرحوم كان مالو
أها قلت لي كدي الله يأجركم
لا والله بعد دا قايم لاحق المواصلات والله البلد ديك بعيده زي ما إنت عارف أها الكشف بي وين
===
يا طه يا أخوي كورتنا تجيب الضغط عديل والهداك علي التشجيع شنو ما أحسن ليك تلعب هي كورة الزمن ده كورة المهم نحن دايماً غالبين مشكلة مغلوبين مشكلة متعادلين أحلي حاجة خاصة مع الزمالك ووين في أم الدنيا ، أها يا أخوي طول بالك وأعمل نايم وأنتظر يمكن الهلال يقلب الطاولة أو التربيزة في وجه الجماعة في مباراة العودة وحتى لو كان الموضوع صعب ما في مستحيل ولا شنو خلي روحك رياضية وأخونا أبو مصطفى ده راجل عسل.
===
المهم زي قصتك دي حصلت في حلتنا في حاجة الله يرحمها بيتهم من الركن لي الركن هلالاب وفي واحد معاكس ومكاجر – برضو إتلحس – الله يرحمه كان بشجع التحرير البحراوي أها في كورة الهلال مع فريق كده ، والحلة زي حظر التجول ما فيها غير مشجع التحرير قاعد في الشارع وكل ما يجي قون في الهلال يقوم يصفق الحاجة ترسل واحد من أولادها يكشف ويشوف البصفق منو لغاية الهدف الرابع تقوم الحاجة بي جلالة قدرها تفتح الباب وتشوف صاحبنا وهو يشمت في الهلال ويصفق فأفلست حينها الحاجة وقالت ليهو "مغفل" وقفلت الباب بقوة قدرت بأربعة درجات على مقياس ريختر إرتجت لها بيوت الحلة ورمت الكديسه من الحيطة.
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
الآن يا ابومصطفى
وبس الآن ذهب عني هم الهزيمة الكبيرة التي تلقاها فريق الهلال الكبير والكبير رب العالمين.
الكورة لو ما فيها مناكفة ما حلوة وناكف يافردة لأنو نحن حا نحش افكارك لو ما يسمى بالمريخ
رشوه ولا اتهزم.
الحقيقة يا ابو مصطفى اخوك محبط شديد من الهزيمة دي لي الليفة ولم افقد الأمل رب العالمين ولكن
خايف ان تكون مباراة الرد أسوأ من مباراة أمس ولكن والله يا كيجا كنت بشاهد في مباراة المريخ ومعي
أم فتحية وكلنا هلالاب ولكن كانت قلوبنا مع المريخ السوداني (لأنه فريق سوداني) وعندما كان المزيع الجزائري يقول فريق المريخ السوداني كان القلب يخفق (للسودان)
ولي عودة
أبوفتحية
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
| Quote: يمكنكم عمل تكتيك لمباغتة الفريق من اول خمس دقائق كما فعل المريخ في مباراة القطن يعني الربع الساعة الاولى قون ونص الساعة الثاني ونهاية الشوط الثالث وفي بداية الشوط الثاني الرابع والخامس |
عليك الله يا كيجا في مقارنة بين الفريق النيجيري والقطن عشان تقول كده.وله القطن بقه عقدة المريخاب وبقيتو تلعبوا ليهو بي خطط
عليكم الله أخجلوا
ولمن نجاملك في الاربعين بتاع المريخ والقطن
خال العيال
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: معتصم دفع الله)
|
عزيزى كيجا
تحياتى ومبروك عليكم خسارة المريخ واحد بس
ويااخى كيجا التصنيف ليس مزيفا والهلال فعلا
عالمىىىىىى والامر مثبت عالميا وموثق ولا مجال
لحملات الانكار والرفض
اما حكاية بيت البكا لسه الخبر ما تاكد ولا
المريخ ضمن التاهل ولا الهلال خرج نهائيا هناك
مباراة اخرى حاسمة
وارجوا منك ياكيجا الرد على سؤال معتصم دفع الله
| Quote: أها انتو كان طرتوووو تمشو ويييييييييين .. |
مع امنياتى للكرة السودانية هلال مريخ تحقيق
تطلعات وامال الجماهير
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: معتصم دفع الله)
|
الحبيب ابوقوته شكرا ليك وهزيمتنا بهدف مفاجي فعلا انتصار لاننا قادرين على رد الهدف باهداف
الفاتح خليل والله الموضوع مجرد مناكفات ولا غير وكلنا سودانيين وربنا يقدر الهلال على الانتصار ورد الاعتبار للكره السودانية لاننا من مؤسسي الاتحاد الافريقي زي ماقال ناذر
الملا عمر: جزاك الله خير وانشاء الله ماتشوف شر وجيتك بالدنيا وانشاء الله ماتكون تعبت في المواصلات وطه دا احسن يشوف ليه سوق تاني يتفسح فيه
الصادق صديق اشكرك والمدام على التشجيع ولازم تشجعوا بطل السودان لانكم عشمانين فينا نجيب ليكم كاس تاني منو الغيرنا البجيب كاسات يازول الموضوع مجرد مناكفات ماتسمع كلامي دا والله الهزيمة حاره وكل قون كان احر من القبلو لكن لو الهزيمة دي للمريخ برضو كان بطلع هلالابي بكتب كلامي وفي الاخير كلنا اخوان وكلنا سودانين وحنصعد باذن الله لغانا والتحية ليك والاسرة والبركه فيكم وماتشوفوا شر تاني .
خال العيال الغريبة انو ناساروا دا انا ذاتي ماسمعت بيه من قبل كدا وكلهم القطن ناساروا فرق جديدة بس دي فضائح الكره السودانية بنعرف ليبردس لكن اول مره نسمع بفريق احتمال يكون من الدرجة الثالثة .؟؟؟؟؟؟
الوجيه معتصم دفع الله يازول انا ناسي اخر مره الرك في اخوه منو نسيت ايداهور وجلدة العجب العامله لوعة للمعز حتى الان والطلعت داريوكان من التشكيلة لما لا نهاية والله فعلا غلطة وبالطرشه كمان
التحية لكم اخوتي الهلالاب وجبر الله كسركم وماتشوفوا شر
والريس صلاح ادريس دفع مصاريف الفراش كلها وبكره بنرفع الفراش
ابومصطفى
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: hajhamad)
|
الاستاذ عامر تيتاوي لك التحية يااستاذنا ياجليل
انا جاوبت ليه قلت ليه بنرك زي ما ركينا اخر مره بهدفي ايداهور والعجب بتذكروا هذه الهزيمة
نحن مشكلتنا الحارس فقط والله العظيم لو ماحارسنا ماكان شلتو ليكم كاس ممتاز واحد وانتظروا الراجياكم وربنا يستركم
ومره ثانية يامعتصم لك التحية اشيد بهدوءك وكم اخر نتيجة لهلال مريخ والمفروض كانت تكون كم
حاج احمد يعطيك العافية
وشكرا على حضورك وانشاء الله ماتشوف شر
ابومصطفى
| |
|
|
|
|
|
|
|
|
 Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
الأحباب طه وكيجا ..
عليكم الله هدو اللعب وختو الكورة واطــة ..
أنا من أمس المغصة كاتلاني جيت هسي اتفشى مع كيجا هنا ..
باركوها على طريقتنا السودانية وخلو روحكم رياضية ..
| Quote: نحن مشكلتنا الحارس فقط والله العظيم لو ماحارسنا ماكان شلتو ليكم كاس ممتاز واحد وانتظروا الراجياكم وربنا يستركم |
أها يا كيجا بهاء الدين وعرفناهو ..
كوني دا تعملوا معاهو شنو ..
بالله لعبو ليهو واحد يحرسو ليكم ..
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: معتصم دفع الله)
|
المحترم معتصم دفع الله
والله كوني برضو مامشكلة ما اظنو اسوء من ريتشارد ومرق المشكلة فقط في الحارس.
يازول نحن هنا للكلام مع الناس المحترمين اما الاخرين هؤلاء ماعندنا وقت ليهم يازول
وزي ماقلت أساليب الجبناوالعيب الكبير للبورد هذا انو الواحد من خلف الكواليس بقدر بقول اي حاجة ومازال الفراش مرفوع
وافتكر البوست حقق هدفه بعدم المنطق والجهل ولو في حجاره كان شفنا (فليق) وياحليلك يامامون صابون ويادحدوح وهدوء من اعصابكم اهم شئ الضغط مايكون ارتفع الله ارحم ود ملاح والطيب عبدالله
وياريت كل الهلالاب مثلك يامعتصم ياود دفع الله يا ابو دفع الله
ابومصطفى
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
يا أبو مصطفي
مشكلة المريخ في الحراسة هي نفس مشكلة الهلال فالحراسة أصبحت سكه زي ما بيقولو ويبدو أننا فرطنا في حارسنا وفارسنا عشان كده بقت تدخل من أى مكان - وأظن ظناً أن آخر الحراس المحترمين كان الدولي السابق حامد بريمه.
كيقا نسيت أقول ليك أنا ما هلالابي لكنني هلالي مطبوع أشجع الهلال غالباً أو مغلوب ولا غالب إلا الله - الغريبة يا كيقا ناس المريخ يتمنون زوال الهلال وناس الهلال يتمنون زوال المريخ وتخيلت البلد بدون أحد القطبين لقيتها حاجة كده اخير منها الرياضة الجماهيرية ، والله لو ما المريخ الهلال ده ما يساوي بصله ولو ما الهلال المريخ ده ما يساوي بصله. الهلال إنهزم وتجرع مرارة الهزيمة وهو على أعتاب الخروج من البطولة الأفريقية والمريخ على الدرب سائر وحا نقعد في البلد ونتداوس والقوي يسلخ ساق التاني ويشيل الكاس
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: نيازي مصطفى)
|
احكي ليك القصة دي يا عمك
فراعية متفلسفة عايزة تقشر على واحدة من جامعة الخرطوم, شبكتها ليك نحنا عندنا في الفرع لو ما نجحت في حقوق ممكن تاخد فرصة تانية في تجارة , و لو إترفدت من تجارة ممكن تاخد فرصة في آداب, ما يتخيل لي إنتوا عندكم نظام زي دا , مش كدا؟
ديك ردت ليها : و الله ما متأكدة, لكن البعرفوا إنو البيترفد من الخرطوم بيتحول الفرع.
أها دي بقت علينا وعليكم , كان شمتان في مرقتنا من دوري جامعة الخرطوم , شد لينا حيلك و قابلنا في دوري الفراعة الفرحان بيه دا
(مع الإعتذار للفراعة)
بتاعة برة الصيوان....
يا طه ياخوي , عمرها مناكفات الكورة ما بتصل للدرجة دي و لا الناس بياخدوها بي حساسية كدا خلي روحك رياضية
البورد ما بيتحمل طه أشتر تاني, كفاه واحد
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
يا احمد انتو دفنتو وين ؟؟
انا مشيت ليكم حمد النيل قالوا لي الجماعة ديل في مقابر فاروق ..
عموماً الهلالاب بقو زي الانصار وانتهى العزاء بانتهاء مراسم الدفن ..
لكن انا خرمان لي شاي وموية ساااااااااقطة فحا أمشي أعزي اخوانا المريخاب في العرضة جنوب أصلو ديلك فارشين تلاتة يوم..
يا حليلو كيجا يا ود الريح والله حالتو تحنن مصدوم وما واعي ومن اثر الصدمة يضحك سااااااااااي زي المسلسلات المصرية تقول ليهو البركة فيكم الفاتحة وهو يشيل ويضحك مبسووووط ..
يا حليلو والله
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: عمر الفاروق)
|
الأخ العزيز معتصـم جعفـر ..
كتـب :
Quote: كيجا سلااااام ..
نحن فراشنا بكره بنرفعه ..
لكن إنتو فراشكم الليهو أربعة سنة دا بترفعوا متييييين ؟؟؟؟ |
نحـن نعترف ونقـر بأن الهلال
أربعـة أعـوام بفـوز ببطولة
دوري الكوكاكولا أو الببسي أو سوداتل ....الخ
ودي حقيقة لا يستطيع أحد نكرانها..
والحقيقة الأخرى إنو المريخ فاز
بهذه البطولة أيضا 3 مرات متتالية ..
نقـر ونعـترف عزيزي معتصم ...
ولكـن !!؟؟؟
هل تستطيعون أن تعترفوا :
إنو الهلال 17 سنة ما هزم المريخ
في بطولة السودان ... هزيمة صريحة
وإنو الهلال 17 سنة ما أحرز هدف
صريح في شباك المريخ ..
17 سنة وشباك المريخ عصية على كل
لاعبي الهلال ...
عليك الله 17 سنة دي لعبو ليكم كم
لاعب فيها ...
17 سنة يوم وراء يوم بالصبر
جميل منتظرك أنا ..
17 سنة عمر الزهور ، همر الهنا ...
17 سنة دي عمر ، جيمي ناتالي بالمناسبة
يعني قبل ما يلدو جيمي ناتالي
وشباك المريخ عصية عليكم ..
هذا انجاز من انجازات المريخ
واعجاز لأنه لن يتكرر ..
هل تعترفون بذلك ، بذات
اللشجاعة التي اعترفنا بها ..
بيني بينك 17 سنة حااااارة
مع الود ...
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: حسين يوسف احمد)
|
حسين يوسف :
تحياتي..
والله خجلت ليك عدييييييييييل كده على كلامك المجوبك ده !!!
يعني أسة دحين من كلامك ده نحن نقعد نفصل الحاجات وما نلخبتا ؟؟؟
يعني مثلاً لمن الهلال يجيب اربعة اقوان في المريخ في الممتاز نقوم نقول مهاجمين الهلال استعصت عليهم الشبكة ؟؟؟
طيب يعني لمن نقول المريخ مثلاً فاز على الهلال بضربات الترجيح نقوم ما نحسب الفوز للمريخ ؟؟؟
يا زول نحن موافقين تب على كلامك ده
يلا يا الحبيب ورينا في الممتاز اخر مرة المريخ فاز بتين ؟؟؟؟؟؟؟
وورينا كم هي عدد المباريات اللي لعبوها الهلال والمريخ في الممتاز وورينا التفوق لي منو طيلة سنوات الممتاز الاهداف الفوز التعادلات والذي منو !!!
وورينا ياتو بطولة هي الأهم والأفضل على مستوى السودان والتمثيل الخارجي !!!
بالمناسبة الفرق العالمية (اللي نحن منهم طبعا) ما بيهتمو بي بطولة الكأس شديد وممكن يلعبو فيها بي الصف التاني أو التالت وبيكون كل تركيزهم منصب في البطولة الأم بطولة البيبسي ولا الكولا ولا السيفن اب زاتو ..
بعدين بي صراحة كده عجبتني كلمة (صريح) ونظام عايزنا ما نجقلب ونجي نقول جبنا ضربة جزاء وغلبناكم ضربات جزاء مش؟؟؟
والله لكن لذيذ ياخ ؟؟؟
يا زول انت شيوعي؟؟؟؟؟؟
مالك عايز تفصل الدين عن الدولة ؟؟؟
اها يا زول انا ما اطول عليك وزي ما جبت لينا الاحصائية بتاعت ال17 سنة يلا خليك كمان زول صادق ومنصف وشجاع وجيب لينا احصائيات الدوري الممتاز
ولو ما جبتها بنجيبا نحن ...
سمح؟
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: عمر الفاروق)
|
إنتو بتخجلو يا الفاروق ؟؟؟؟؟
والله أنا الخجلااااان ليك ..
لأنك عايز تنكر حقيقة تفوق المريخ
عليكم في كاس السودان لمدة 17 سنة ..
من غير لفو ولا دوران :
متى أحرزتم هدفا في شباك المريخ
في كاس السودان ..
ناهيك عن إنك تغلبنا ...
أجاوبك أنا :
لن ينجح أحد ...
صفـر كبيييييييييييير
زي الصفـر الدولـي بتاعكم ..
قلت لي دوري السودان بتلعبوه
بالصف الكم ؟؟؟؟
يا راجل ما تخجل ...
إنت نسيت ايدو وسيدو ؟؟؟
بعدين يا صاحبي كلام شفع
حلتنا ده ما تقولوا ..
إن شاء الله لعبتو إنت وتاج السر الحسن
والملحن وخناق الحكام ...
يا هو الش اللي اسمو الهلال
ولا ما ياهو ؟؟؟
| Quote: يلا يا الحبيب ورينا في الممتاز اخر مرة المريخ فاز بتين ؟؟؟؟؟؟؟ |
في الدورة الاولي للممتاز عام 2001م كسب المريخ
المباراة التي اقيمت بملعب الهلال بهدفين نظيفين
نالهما فيصل العجب ونجم الدين ابو حشيش وهذا
آخر فوز للمريخ علي الهلال في بطولة الممتاز.
بذات الصدق ، أجب على الآتي :
ورينـا آخر مرة فزتو على المريخ
في بطولة السودان متين ..
عفيتك ...
ورينا آخر مرة جبتو قون في المريخ متين ؟؟؟
يلا يا فالح يا بطل ..
أوع تخجل ..
قول ...
وأنا في انتظار الاجابة
بشكل قاطع ومحدد ..
بالتاريخ .. واسم لاعبكم الذي سجل الهدف
بس ببساطة ومن غير انشاء ..
أوع تقول ادريس الجريف !!؟؟
ما تزوغ يا فاروق :
ما هو آخر فوز حققتوه على سودان
المريخ في بطولة السوان ؟؟؟
زي ما جاوبناك تجاوب ...
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
شكرا ليك ياكيجا
وتكون طالبنا فراش...
يعنى بصحك المريخ سوف يصل للنهائى ويشيل الكاس
بهولاء المكعوجين والعواجيز, لما الواحدالله يفتح عليه
ويجيب قون ما بعرف يحتفل بالقون..
شقت العجب فى القون الاخير فى القومى ,كانو كا لاعب ام الضويرة
او شدت او الرمة وحراسة ...ياخى خليهم يتثقفو اولا ثقافة كروية
يشاهدو كاس اوربا والليقا كيف اللعيبة بتحتفل
واخيرا..نوقلك الفااااااااااااااتحة
العاقبة عندك فى البكيات
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: taha)
|
الأخوه المتداخلين سلام سلام سلام وتاني سلام
روح الدعابه مطلوبه والهلال والمريخ والمريخ والهلال
هم الأتنين في سماء السودان وحتي في بيوت البكاء في السودان
الجرائد والونسه بتكون في الكورة يعني يتونسوا في السياسة
وجيب ياولد موية وشاي لعمك ده الشاي سكروا خفيف وفي البيشرب
تلاته معالق وفي البيشرب ملعقه واحده والأتنين مغلوبين مع فارق
الجرعه وأن شاءالله نشوف التعويض وبيت البكاء يبقي بيت عرس عقبال
بيك نفرح يازينه دي لمعتصم دفع الله وهاردلك للهلالاب والمريخاب برضو
طرف السوط واصلنا ونتمني للكرة السودانية أن تجمعنا وتفرق لينا عن
حاجياتنا التانية والرياضه غالب مغلوب يوم عندنا وتلاته عندكم وياكيجا
خلونا نسبح في مساحات خالية من أساور نجيريا وصلف الجزائر وبالحب والود
تكون لنا صولات وجولات مع احترامي لكل المتداخلين من كواكب سماء البلد
الكبير سودان يسع الجميع وبكره الجاي أجمل ومريخنا فووووووووق وهلالنا
بقي تلاته في سماء نيجريا أن شاءالله في العرض يبقي 4 ويعود الي المنافسه
أبوقصى،،،
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
ود اختى انا جاى اعزى وجايب معاى الموجب تلاتة شوالات
شوال سكر
شوال فحم
شوال زيت
والزيت ده عشان الجماعة لما يفكو الحفة يتمسحوا بيه
عمر الفاروق ومعتصم دفع الله الزيت ده عشانكم
قلتو القطن التشادى ورايكم شنو فى القورو النيجرى ده
القطن غزلناهو وسوينا ليكم منو تياب حد
ابو مصطفى ما بتقصر الواجب بتعرفو
عاصر الفراش تلاتة يوم
بالله ممكن شاى بالدكــــــــــــــــــوة
عشان ماشين.................
واوجعى واوجعو واوجعى واوجعى وا وجعى
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
يا كيجا يا اخوي :
انت دحين بكاكم ده خبر ؟؟؟ ولا المات ليكم ده طفل صغير ما بتفرشوا عليهو !!!؟؟
والله بيني وبينك هو بالجد صغيروني بختكم المرحوم بتاعكم حا يبقا " طيرة " من "طيور" الجنة ..
معقولة ياخ البخل يصل بيكم لي درجة ما تورونا فراشكم وين ؟؟؟؟
ولا المرحوم عزيز عليكم انتو بس؟؟؟
والله برضو نحن عزيز علينا خصوصا وانو ساكن جارنا في العرضة جنوب..
لكن هو مااااااااااااااااااااااااااااااالو ؟
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: عمر الفاروق)
|
| Quote: والله بالرغم من انني لم التقي بك من قبل ولا اعرف عنك شيئا ... لكن من خلال متابعتي لكتاباتك في هذا المنبر لا يسعني الا ان اقول ان الجهل مصيبة .. وانك يا سيدي تعاني من داء عضال اسمه الكراهية واي كراهية ..كره كل ما هو جميل بغض النظر عن مصدره ... ارحم نفسك يا سيدي وارحمنا معك يرحمك الله ... انشاء الله تكون هزيمةالهلال قد اعطتك دافعا معنويا يساعدك على اداء واجباتك العظيمة تجاه...... اذ انني متاكد ان امثالك يعانون الامرين وهل تدري ما هما ؟؟ الكلام الاخير ده بالرندوك لو ما بتعرفو اسأل الراسخون في العلم ... ولا تحسبن نفسك من الصفوة المزعومة لست سوا _رغوة_ انت ياحبيبي من سقط المتاع اتدري ايضا ما هو ؟؟؟ محنتك تكمن في ذاتك المريضة وفي نفسك الخالية من كل خير وعينك التي لا ترى في الوجود جمالا ... يازول ارعى بي قيدك .. وشوف عوجة رقبتك التي لا احسب انها كانت مستقيمة ذات لحظة ... ولهفي على مصطفى الذي احسب جيدا انك تدري من هو .......... |
يا اخونا طه الامر لا يعدو سوي مناكفات بين جماهير المريخ والهلال بوظت الموضوع بتدخلك المتسرع حقد شنو وكلام فارغ شنو دي مجرد مناكفات يا ما تخلي روحك رياضية او تبعد خالص خالص
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
يا ولد تعال جيب موية لي عمك صديق الموج ده ..
الراجل ما قصّر وجانا من بكاهم عشان يعزينا ونحن والله يا صديق متلومين فيكم وما جيناكم في المرحوم المات في الجزائر ..
لكن نسوي شنو اصلو البيموت في الجزائر ده شهيد ويا بختو الحور العين محمداهو محمداهو ..
يعني أسة الجزائر دي بقت لبد المليون شهيد وواحد ؟؟؟
غايتو بختك يا ود الموج الشهيد ده يشفع ليكم معاهو ...
يا ولد خلّي الموية الظاهر عمك ود الموج ده زعل مننا وقال ماشي..
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
Quote: ود اختى انا جاى اعزى وجايب معاى الموجب تلاتة شوالات
شوال سكر
شوال فحم
شوال زيت
والزيت ده عشان الجماعة لما يفكو الحفة يتمسحوا بيه
عمر الفاروق ومعتصم دفع الله الزيت ده عشانكم
قلتو القطن التشادى ورايكم شنو فى القورو النيجرى ده
القطن غزلناهو وسوينا ليكم منو تياب حد
ابو مصطفى ما بتقصر الواجب بتعرفو
عاصر الفراش تلاتة يوم
بالله ممكن شاى بالدكــــــــــــــــــوة
عشان ماشين.................
واوجعى واوجعو واوجعى واوجعى وا وجعى |
عارف ياعمر الفاروق هزيمة الهلال دي عادية بالنسبة لي لكن صديق الموج ده ماعايز يفهم انو نحن الهزيمة تعني لينا الذهاب الي دوري الصلات الطيبة البلعب فيهو المريخ هسع دي
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
يا بهاء الدين :
| Quote: عارف ياعمر الفاروق هزيمة الهلال دي عادية بالنسبة لي لكن صديق الموج ده ماعايز يفهم انو نحن الهزيمة تعني لينا الذهاب الي دوري الصلات الطيبة البلعب فيهو المريخ هسع دي |
نحن بعدين بعد صلاة المغرب ماشين نعزي ناس ود الموج وكيجا ديل في العرضة جنوب ..
زكرني نقول ليهو الكلام ده ..
سمح؟
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
Quote: يا بهاء الدين :
Quote: عارف ياعمر الفاروق هزيمة الهلال دي عادية بالنسبة لي لكن صديق الموج ده ماعايز يفهم انو نحن الهزيمة تعني لينا الذهاب الي دوري الصلات الطيبة البلعب فيهو المريخ هسع دي
نحن بعدين بعد صلاة المغرب ماشين نعزي ناس ود الموج وكيجا ديل في العرضة جنوب ..
زكرني نقول ليهو الكلام ده ..
سمح؟ |
عمر الفاروق وبهاء بكرى..ياحليل ارض الجزائر والمراكب والطنابير الترن.
اسع انتو يا لـ.......... الاتنين الجماعة ديل يسكلبوا ليهم تلاتة اقوان..
سورى اقصد تلاته ايام مافرفرتو بس دخولى ده ياهو الحرقكم....
وبعدين فصاحتكم دى (دورى الصلات الطيبه،كاس المجاعة،ماعارف شنو)
هى المخلية خشمكم ملح ملح..
هسع عليكم الله انتو والبتفاصحو ديل بتعرفوا جمارك الكاس لما يجى من بره..
الفريق بدفع كم والله دى صلاح ادريس ما بعرفه..
واوجعى واوجعى واوجعى واوجعى وا وجعى وا وجعى واوجعى،،،
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
حسين يوسف .. أنا غايتو بعرف في الـ17 سنة الفاتو ديل حاجة واحدة متواليات الوالي الله يرحمه والمتوالية الأخيرة زيكو غلبو عديل كده قام شال الكورة وشتت بيها في تاني فضائح أكتر من كده تقول لي 17 سنة ما دخلنا فيكم قووون هاك كلاتشي دا ..
أبو قصي .. تسلم يا حبيب والله الهزيمة واجعاني لكن ناس صديق الموج وكيجا ديل ما بريحو الوجعة البتجينا منهم حارة ..
ودالموج .. والله كويس بقى ليكم جنحين وبقيتو تفرفروا غايتو كان ما اتنين كأس السودان مريخكم دا كان فرتقوهو ليكم الجماعة وناديكم العاجبكم دا إلا تلعبوا فيهو ضمنة ..
قال عيييع وااااع ..
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
Quote: ووووب ووووب وووووب احي واحييييي
جيت في الوجعه ياود الموج وبكانا سخن
واااااااااعععععععععع واااععععع
سؤال ياكيجا
دحين ماعاملين كشف للجماعة ديل! |
احمد بابكر كيف حالك
كشف اكتر من كشف الحال حقهم ده؟
وبعدين الجماعة دى لى هسع زول جاوب على سؤال جمارك الكاس مافى.
ممكن تستعينوا بصديق..
منتظرنكم(تلاتة) يوم...
واوجعى واوجعى واوجعى واوجعى..اشوفو ..اشوفو
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: صديق الموج)
|
الأخ كيجا كتب :
Quote: الليله اخر يوم للفراش
البركة فيكم ياود الفاروق |
وييييييين يا كيجـا ...
كل المعزيين ممكن يمشوا إلا الفاروق ...
الفاروق سأل سـؤال وجاوبناه ليهو ...
ولمن سالناه تزقعنا ان يزوغ كعادته
وما شاء الله ، ما خزلنا طوالي زاغ
تجي إنت تساعدو في الزوغة ؟؟؟
يفتح الله .
يا الفاروق السؤال لا زال قائما :
Quote: بذات الصدق ، أجب على الآتي :
ورينـا آخر مرة فزتو على المريخ
في بطولة السودان متين ..
عفيتك ...
ورينا آخر مرة جبتو قون في المريخ متين ؟؟؟
يلا يا فالح يا بطل ..
أوع تخجل ..
قول ...
وأنا في انتظار الاجابة
بشكل قاطع ومحدد ..
بالتاريخ .. واسم لاعبكم الذي سجل الهدف
بس ببساطة ومن غير انشاء ..
أوع تقول ادريس الجريف !!؟؟
ما تزوغ يا فاروق :
ما هو آخر فوز حققتوه على سودان
المريخ في بطولة السوان ؟؟؟
زي ما جاوبناك تجاوب ... |
ولن أتركك مهما زغت يا الفاروق .
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
| Quote: امسكوا النسوان ديل لسع مجرسين الظاهر المرحوم عزيز عليهم |
كلمناهن يا أبو مصطفى لكن ما سمعن الكلام... مسكينات...
أمبارح ذاعوهو في 200 الشهادة العالمية والليلة سمعن خبرو
| Quote: ولن أتركك مهما زغت يا الفاروق |
يا حسين إنت عمر ده كان عاوز منو قروش ما تصبر عليهو ياخي
الراجل عندو ظروف بـكا
____________________________________
إنت يا عمر...
الزول اللابس قميص كاروهات وبيبـكي شديد داك منو؟ شكلو ما غريب علي
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: Ahmed Alrayah)
|
التحية لكل المعزيين وانشاء الله مايشوفوا شر ونزوركم في المسرات انشاء الله
والتحية ليكم اهلنا الهلالاب اصحاب الوجعة وخاصة ودالفاروق واحمد الريح الذين اثبتوا انهم فعلا اصحاب صبر ود حال الدنيا
وزي ماقلنا سابقا اتصل بي الارباب صلاح ادريس وتحمل الكشف كامل ورفضنا اخذ نصيب فتح بيت العزاء ودا حالوا الارباب بصرف ببذخ بس الخوف الصرف دا يضيع اهل المرحوم المهم في تطور من الخمسات والاربعات بقت ثلاثات وخسارة احسن من خسارة
والعافية درجات بكره تجونا بالاثين وبعدو بالواحد وتاني بالتعادل لحين ماتشيلوا ليكم كاس تستروا بيه حالكم الما بسر دا
والفاتححححححححححححححححححححححححححححححححححححححححححححححححححححححححححححححححححححححححححه
احسن الله عزاكم
ابومصطفى
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
ود الريّح :
Quote: إنت يا عمر...
الزول اللابس قميص كاروهات وبيبـكي شديد داك منو؟ شكلو ما غريب علي |
ياتو يا احمد ؟؟ الكاروهات الأصفر بي أحمر داك ؟؟
ده صاحب المرحوم وهو ما بيبكى على المرحوم براهو هو كمان بيبكي على قريبو الكان راكب مع المرحوم في طيارة واحدة ونزل منو في الجزائر وكان كوييييييس لكن سبحان الله فجأة كده مات عشان كده الناس ديل لسة مخلوعين..
يا احمد ياخ معليش نكلفك شوية ..أمشي لحدي نهاية الشارع جيب لينا ركشة للنسوان ديل..
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: عمر الفاروق)
|
الاخوة العزاء بما اننا سودانين بنحب بعضنا فقد تقرر امتداد الفراش لمدة اسبوعين تاني
لانو ابو المرحوم (الارباب) قد تقدم بشكوى عاجله عسى ولعل المرحوم (يكون لسع على قيد الحياة) وانا الجثمان المسلم ليس هو جثمان المرحوم (نسبة لتشوه الجثة) وعدم بيان ملامحه عليه سوف تكون موازة المعزين مستمر حتى تبين الحقائق وقال الأرباب بأن (حارس الجثمان) كانت مشاركته خطاء (ليه مابرضوا عندو رجلين وكراعين) يكون مثل بأربعة أيادي واربعة كرعين في الاخير هو شخص زي وزي المعز كان يلتقط كل شارده ووارده
المهم نأمل ان تكون توقعات ابو المرحوم صحيحة ويرجع المرحوم حياً يرزق
لذلك نرجو منكم الموازرة والارباب مابهموا الفطور والغداء والعشاء والمياه الغازية والكارستال بس خليكم جنب اهل المرحوم لحين اتضاح الرؤية
(شكوى قال) الزول دا فاكر نفسوا اداري نشط يازول نعم ناساروا فريق ضعيف وفريق غير مغمور لكن ما الدرجة دي كمان (وهاك التزوير دا) قالوا الفي بطنوا حرقص براه برقص
وربنا يجيب العواقب سليمة
ياجماعة ليه ماجبتو سيرة للشكوى المقدمة والمضحك انو في شكوى من سوء المعلب (معقوله دي) يارب لاعبي ناساروا حتى طائرين في الجو وبلعبوا ماكانوا على نفس النجيله.
اخجلوا واختشوا فضحتونا بهزائمكم وكمان بشكواكم
السؤال التاني الحكم كيف مافيه شكوى؟؟؟؟؟؟؟
ابومصطفى
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: Ahmed Alrayah)
|
ود الريح العزيز ...
Quote: يا حسين إنت عمر ده كان عاوز منو قروش ما تصبر عليهو ياخي
الراجل عندو ظروف بـكا |
يا ريت لو عايز منو قروش ..
كان على القل دفعناها في الكشف
ونوكن حبايب ..
أو نعفيها ليهو شيرنق في حافز المعز ...
أنا داير منو حاجة بسيطة جدا
إنو يعترف بكل شجاعة زي ما اعترفنا نحن
اعترفنا له بأن آخر فوز للمريخ على الهلال
في دوري الببسي أو الكولا ...الخ كان قبل 6 أعوام ..
ولا يريد أن يعترف لنا بآخر فوز للهلال على المريخ
في بطولة السودان ..
دي صعبة ...
ما صعبة لكنها بتهدم كل نظرياتكم المضللة
حول التفوق الهلالي على المريخ ..
درع الانقاذ برة الحساب ...
ومباراة بلاتر برة الحساب ...
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
انا غايتو خليت الكورة من زماااااااااان
لكن ما لي درجة الصهاينة لما يتطاولو
ابوالهل دا سيد الكورة كان عجبكم ولا لا
وكان علي النتيجة الاخيرة دي ، ما مشكلة
كل الفرق السودانية انهزمت برة
لكن ما كلها ما انهزمت في ارضهازي ابوالهل
3 صفر ممكن تبقي اربعة صفر في امدرمان
وعملناها قبل كدا
الدور والباقي علي 1 صفر
ندعي انها تبقي علي حالها انشالله
وما نشوف بشتنة هنا كمان
انت يا كيجا ما سمعت بي لكل جواد كبوة
ولا ما بتعرف الجواد زاتو بي الكارو الكلو عجايز بتاعكم دا
المهم
انو الهلال قادر باذن الله تعويض الخسارة في امدرمان
فهل يفعلها المريخ ايضا ويعوض خسارتو في امدرمان ؟؟؟؟ مااااااااااااااااا اظن
الله يكضب الشينة
| |
|
|
|
|
|
|
|
|
|
Re: بيت البكاء للهلالاب ،، ممنوع دخول المريخاب لو سمحتو،،.. (Re: keiga2000)
|
الف مبروووووووووووووووك هلال السودان
والف مبروك لكل هلالابي
وكل زول فرح بهذا النصر المستحق (رجالة عديل)
ونفول هاردلك لكل من كان مرجف ومشكك في تاهل الهلال
ومن غيرنا يعطي لهذا الشعب معني ان يعيش وينتصر؟؟؟
منو غيرو؟؟؟؟؟
وفوق فوق هلالنا فوق
انحنا قبيييييييييييييييييييييييييييييييييييييييييييييييل شن قلنا؟؟؟؟؟
ابقي عاقل وما تراهن رهان خاسر
سيد البلااااااااااااااااااااااد سيد البلد
| |
|
|
|
|
|
|
| |
keiga2000
Mohamed Doudi
عبدالكريم الامين احمد
على محمد على بشير
ناذر محمد الخليفة
محمد عادل
كمال مبارك
jini
abas
تاج السر محمد حامد
abuguta
الفاتح خليل الفكي
almulaomar
الصادق صديق سلمان
Khaalaleyaal
معتصم دفع الله
عامر تيتاوى
hajhamad
نيازي مصطفى
محمد البشرى الخضر
عمر الفاروق
مجدي عبدالرحيم فضل
صديق الموج
نيازي عبدالله مرحوم احمد
بهاء بكري
Ahmed Mohammed Osman
Kostawi
kamalabas
معتصم مصطفي الجبلابي
tmbis
زول ساكت
ملكة سبأ
ابن الرشيد
فيس بوك
تويتر
انستقرام
يوتيوب
بنتيريست