|
ناس جامعة السودان - الجناح الجنوبي - هندسة معمار
|
تحية لكل خريجي جامعة السودان للعلوم والتكنولوجيا احتذاء بالبوست الخاص بالسينير جدا جدا صديق عبد المنعم عمر ارجو من جميع خريجي 1994 من هندسة معمار - إضافي تسجيل حضورهم ناس الجنوبي (الغبش على حد قول ناس الغربي ) تعالوا اتلاقوا هنا في الحوش الواسع ده وعيدوا ذكريات اجمل اربعة سنوات في العمر وقولوا لينا الحاصل معاكم ووين وصلتوا عندي صورة لأغلب الدفعة سوف اعمل على انزالها في البوست ويلا يا باشمهندسين ويا باشمهندسات اعلنوا عن انفسكم وللتذكير بأسماء الدفعة: ياسر محمد (الحلفاوي ) خالد تاج السر مجدي جبرة محمد مصطفى محمد عثمان عمر عثمان معتصم الطيب الباقر ابراهيم ود القضارف حنين هند بشير عبد اللطيف هالة عثمان رشا طيبة ماريانا ولا تسعفني الذاكرة بأسماء الباقيين وهناك صديقة غالية درست معنا لمدة سنة واحدة وذهبت لا ندري أين هي شذى السراج
ومن ناس الكترونيات : عائشة
|
|
|
|
|
|
|
|
Re: ناس جامعة السودان - الجناح الجنوبي - هندسة معمار (Re: شادية الطيب)
|
اختنا الصغيره شاديه
طبعا نحن عجائز شديد ولمن اتخرجنا انتو كنتو فى الاوليه...
هل تصدقى انى لمن كنت ممتحن للشهاده السودانيه كانت امنيتى الوحيده انى ادخل معهد الكليات واقرا محاسبه تكاليف ..
ازكر اننى ولتحقيق ذلك الهدف قمت باختيار مواد بعضها ادبيه مثل الجغرافيا والاخر علميه مثل الكيمياء والاحياء (كنت اكره الفيزياء والتاريخ) مدير المدرسه الثانويه كان مستغرب جدا منى وما عارفنى اذا كنت ادبى او علمى الزمن داك كان هناك ثلاث طرق للجلوس للشهاده الثانويه علمى وادبى و الثالث رياضيات تخصص ..
انانفسى ما كنت عارف روحى شنو !
الشى الوحيد العارفو انى ادخل المعهد واتخرج ببكالريوس محاسبه تكاليف .. كنت اردد وانا على ابواب الامتحانات ابيات الشعر التى تقول
هو معهدى وان نسيت.. الخ ( نسيت باقى البيت) للشاعر التجانى يوسف بشير طبعا هو كان بقصد المعهد العلمى وانا ميت فى المعهد الفنى ...
المهم ما اطول عليك..
دخلت المعهد عن طريق كليه الدراسات الاضافيه وحصلت على شهاده بكالريوس محاسبه التكاليف اللى قاعده فى الدرج من يومها واضطرتنا الظروف نبيع القضيه وننسى تكاليف لكن لن انسى ابدا معهدى الذى عشقته حتى الثماله(زى ما بيقولو الشعراء)
| |
|
|
|
|
|
|
Re: ناس جامعة السودان - الجناح الجنوبي - هندسة معمار (Re: النصرى أمين)
|
الاخت المهندسة شادية،،،
كانت لى علاقة خاصة بمعهد الكليات - القسم الجنوبى و ذلك لان شقيقى عمر كان يدرس فى كلية المعمار و كنت ازورهم مرة و اتئ الى أصدقاء كثر مرات ,لكن العلاقة الحقيقية نشأت بالملاعب الخلفية و التى كانت تتبع لمعهد الكليات و كلية التربية كما اننى كنت السكرتير الرياضى لرابطة كلية الدراسات التجارية فى العام 1984-1985. أذكر باننأ نظمنأ اكثر الدورات نجاحاً فى تلك الملاعب و كانت لى كثير من الذكريات الجميلة فى تلك الربوع.
سوف اشاركك هذأ البوست متى ما سنحت لى الفرصة....انشاء الله.
صديق -الدوحة
| |
|
|
|
|
|
|
Re: ناس جامعة السودان - الجناح الجنوبي - هندسة معمار (Re: شادية الطيب)
|
الاخ النصري شرفتنا بحضورك في هذا البوست وزي ما قلت معهد الكليات كان عشقنا مهما اختلفت التسميات أوتوالت الدفعات يظل معهد الكليات كهف ثرواتنا من الذكريات الجميلة
اخي العزيز صديق تحياتي موصولة للمدام والصغار ويزدان البوست بمشاركاتك - طبعا المدينة الرياضية شهدت منافسات كثيرة وكنا نذهب لتشجيع طلاب المعمار وبعد المباراة ننتقدهم (ولا كمال شداد في زمانه) اتمنى الذهاب في القريب إلى السودان وزيارة المعهد ورؤية كل ركن وكل قاعة وكل نجيلة جسلنا عليها وتسامرنا وضحكنا فيها
| |
|
|
|
|
|
|
|