|
|
 لو اتختيت فى الموقف دة 00تتصرف كيف؟؟
|
إذا جاءك صديق عزيز ، وشكى ليك انه ما مرتاح في حياته
الزوجية ، وقال ليك انه مفكر في زوجة تانية ، وسألك عن رائك ،
حيكون ردك شنو ؟؟
وكلنا على علم ان في ناس ، وزي مابيقولوا لولا قسمتهم مافى
شئ بيلمهم مع بعض ، ودة نسبة للارتباط إكراما للأهل ودون قناعة 0
وصديقك دة ماهاين عليك وفى نفس الوقت صعبانة عليك المسكينة
أم عياله ، طيب رائك حيكون شنو ؟؟ هل توافقه على تفكيره ؟
ولا تحاول تثنيه عن مجرد الفكرة ؟
ولو وافقته على زواج تانى ، هل ليك وش تزور بيته الأول ؟
وخاصة ان زوجته الأولى انسانة بتحترمك ولما تزورهم بتشيلك
على رأسها من فوق !! ولنفرض ان الزواج التانى تم والموضوع انتهى
وانت اعتبرت الموضوع عادى ، وزرتهم في البيت الأول ، وأم عياله
فتحت ليك الموضوع ، هل حتكلمها انك كنت عارف وكل شئ قسمة ونصيب؟
ولا حتخبئ وتقول ليها الموضوع كان مفاجأة بالنسبة ليك ؟
وأنا هنا ما بقصد انك بتنافقها ، بقدر ما هو حفاظ على مشاعر انسانة بتكن ليك
كل احترام ، لكن حال صاحبك ما هان عليك ؟
نفس الوضع مع اختلاف بسيط 0000
زوجته الأولى شعرت ان زوجها مفكر في زواج جديد ، ودى مابتخفى على كيد النساء
وقصدتك عشان تكلمك بالموضوع باعتبارك صديق قريب من زوجها ، وزول بيت
هل حتقدر تقول ليها انك عارف الموضوع ، وارادة ربنا حتكون ؟
ولا حتقول ليها الموضوع دة خليه على وان شاء الله يحصل خير ؟؟؟
|
|
 
|
|
|
|
|
|
|
 Re: لو اتختيت فى الموقف دة 00تتصرف كيف؟؟ (Re: OmDur)
|
السلام عليكم
صباح الخير
والله انا بشوف انك تنصحه يحاول يصلح العلاقة مع زوجته ودا بيتم عن طريق النقاش و المصارحة،وصديقك هذا يجب انا لا يفكر في نفسه بس،بل يجب انه يفكر في اولاده و اسرته
بالنسبة على نقطة انك توافق على فكرة الزواج الثاني ليه ولا لا،دي حاجة بترجع للاسباب و المبررات الطرحها،و في النهاية انت حتنصحو الحاجة الشايف انها صح و انها حتفيد اولاده مستقبليا،لانه الاولاد هم اكثر الناس البتأثروا بالموضوع دا اتخيل لي مستقبليا دا طبعا بتوقف على حاجات كتيرة
وزي ما قلتى كله مكتوب
| |
|
|
|
|
|
|
|
|
|
Re: لو اتختيت فى الموقف دة 00تتصرف كيف؟؟ (Re: ensana)
|
اذا الاسباب ناتجة عن تقصير من الزوجة الاولى
يجب على الزوج مناقشتها فى الموضوع
اما اذا استمر الحال فلا باس بالزواج الثانى
والواقه بفرض نفسه
يعنى كلها شهر والزوجة كل لومها حيكون على الزوج
والصديق وقت الضيق
صديقك اذا رجع لك فى موضوع زى دا
تدلى برايك بصراحة وذلك حسب اقتناعك بالاسباب
| |
|
|
|
|
|
|
|
|
|
Re: لو اتختيت فى الموقف دة 00تتصرف كيف؟؟ (Re: ensana)
|
وهل لا تبنى البيوت إلا على الحب؟
الرباط الوثيق هو الأولاد..قبل خروج الأولاد من رحم الغيب الحل بكون ساهل
ولكن بعد أن يتحول العروسان إلى ماما وبابا فخلاص نصيبك صابك..وسيك سيك معلق فيك..يجب على العروسين تبادل التضحيات عشان الأولاد..وكلها خمسة عشرة سنة تمر على تاريخ الزواج وترتخي شدة الغربال..الشيب يظهر في مفرق شعر المرأة ويصبح الرجل موعود خمسين وتكبر هموم تربية الأولاد وتعليمهم..يعني يامدر قولي للزول دا كدي أصبر شوية خلي الولد ولا البنية يدخل الثانوي
وبعدين تزوج..وكان سمع كلامك وصبر المشكلة حتنحل والكبر حيدخل
وندخل في الجد: يامدر الزواج التاني أنا ما جربته ولكن مادام جربت الزواج الأول شنو البخليني أفكر في التاني..يعني يا إما الأول عسل وغطسنا فيه..ويا إما بصل ولا يلدغ مؤمن من جحر مرتين
إنسانة
كل يوم أنا بفكر في الزواج من واحدة تانية..لكن بتراجع بسرعة لما
يخطر في بالي إنو فلانة ذاتها يمكن بتفكر في نفس الشيء..وبعدين لما أتزوج واحدة تانية بكون كبلت نفسي بقيود مع الأولى ما كنت متقيد بيها..يعني بقى ليها جدول منتظم..وزمان لما كانت براها كان البال منكد ولكن الضمير مرتاح
لكن بعد الزواج الثاني البال زاد نكده والضمير بقى متعب..فزمان ما في إلتزام بجو فول والزوغة ممكن مع التلفزيون..لكن هسع الحكاية فيها القسمة العادلة..غايتو النقة والمكاجرة هي البتخلي الزول يفكر في الزواج من أخرى..وكما قال صاحبنا فلان عجيب أمر النساء عندما يوافقن على الزواج من رجل
سبق له الزواج أو ما زال تحت عصمته امرأة أخرى فهن عندما يفعلن ذلك كما لو أنهن ياخذن بسكينة ويطعنن أنفسهن..كثرة نون النسوة مقصودة من العبد لله
| |
|
|
|
|
|
|
|
|
|
موضوع حيوي (Re: OmDur)
|
تحياتي للجميع تعرفوا انا كنته بسال نفسي ليه التلفزيون السوداني اعاد مسلسل حاج متولي تعرفي عزيزتي امدر الموضوع مش موضوع الزوجه التانيه انا شايف شعبيه في الوسط الغالب للرابعه بس زي ما بيقولوا العين بصيره والايد قصير والا فسري الشعبيه للمسلسل من كل الفئات تقريبا وهذا الموضوع دلاله علي شنو ..
اخوي بناديه عجبني شديد تعليقك وده الواقع والتفكير بجديه يعني الموضوع ما بعد الزوج .... الاستقرار والعيال وماما وبابا والمدرسه الخ يبقي والله واحده كفايه والا يبقي الموضوع موضوع متعه لحين والا رايكم شنو
| |
|
|
|
|
|
|
|
|
|
Re: لو اتختيت فى الموقف دة 00تتصرف كيف؟؟ (Re: OmDur)
|
لك التحية امدر
من الصعب جدا الوصول الى القناعات
وبما انك طرحت الموضوع انتى ازن مقتنع الى حد كبير بالموضوع ولكن عقلك الباطنى ما مقتنع
وعموما المسألة خاضعة الى حسابات كبيرة وكيفية بما فيها
اولا كيفية تم الزواج الاول
ثانيا هل كان مجبور على ذلك
الى اى مدى هو يعرف ممكن الزوجة الثانية تكون افضل من الاولى
انا فى رائى اهم مافى الارتباط الرضى وكيفية معالجة كل الاشكالايات الممكنة فى هذا الموضوع
والى اى مدى وصل اى طريق مسدود والتفكير بأخرى ازن هو رجل ما مصادم
وقد يكون وارد ازا كان لا بد
وهنا يتولد سوال هل سيكون مرتبط بالاولى
او كيف سيعدل بينهما
وازا كان قد وصل الى قناعة ماذا سوف تعملين انتى
فالمسألة اكبر مما تظن لذا خاضعة الى حسابات كبيرة والا
يكون واة مأساة الزول الكان بتألم
لم يدارى الحزن يشيلو براة
وتلقاة دافن راسو فى حضن غناة
ويا حزن الدنيا الامن بيك
ويا فرح القلب الاة دانيك
لما يحس بالبعد الجوة البعد الفيهو بيعيد
واة مأساتو
مين البقدر يحسب طعنات الموج الفى زورق
وبس
| |
|
|
|
|
|
|
|
|
|
Re: لو اتختيت فى الموقف دة 00تتصرف كيف؟؟ (Re: OmDur)
|
awal shi i think inoo al wa7ed lo rathered another women
on his wife, they should y6algoo(iza mafi a6fal akeed)
3ashan al 7aja di tajreeeee7 kabeer le inothat al zawja..
laken a7yanan al zawja betkoon 3arfa ino zawjaha dair
y3res oo kida, oo galeban bekoon be sabab al a6fal,
y3ni 7ata al zawja al thania di hatkoon le hadaf mo3in
oo hena ana daira as2al leah al zawja al thania di tawfeg aslan?!
Aman iza kan 3ndoo awlad, fa akeed al zool ma be2ydoo 3la 7aja zy di
lo galboo istejab liho, fi alff LAAA lazem y3mal liha i3tebar barddo.
La 3ashan awladoo, La 3ashan al 3oshra al 6yba, la 3ashan ajmal al ayam
sawa, La oo Laaa
ma2asi kateera 7aslat be 7kyat al 3res al tani, ookan al da7ya al awlad..
fi wa7ed gareebna gal mashi al sudan 3ashan ytem bona al bait
oo al mara sold all her gold, oo masha 3aras 3liha wa7da tania
takhiloo al ma2sa di,, m3 inhom osra naj7a jedan..oo al fatra al akhera
sem3ta inoo al zawja jataha 7ala nafsia oo kida..
fa ya shababna 3ashan kida al zool lama ykhtar ykhtar kowis jedan jedan..
oo taslami ya omDur
| |
|
|
|
|
|
|
|
|
|
Re: لو اتختيت فى الموقف دة 00تتصرف كيف؟؟ (Re: Pearl)
|
الاخت امدر الموقف صعب جدا واتمنى انوما نتخته فيهو لكن لو حدث افتكر ان من حق اى من الطرفين البحث عن راحته فاذا فكر هو فى الزواج عليه عتقها كى ترى العالم بمنظار اخر 0
اخيرا الرجل السودانى قلق ويمل الاشياء بسهوله0
| |
|
|
|
|
|
|
|
|
|
Re: لو اتختيت فى الموقف دة 00تتصرف كيف؟؟ (Re: Pearl)
|
الاخت امدر الموقف صعب جدا واتمنى انوما نتخته فيهو لكن لو حدث افتكر ان من حق اى من الطرفين البحث عن راحته فاذا فكر هو فى الزواج عليه عتقها كى ترى العالم بمنظار اخر 0
اخيرا الرجل السودانى قلق ويمل الاشياء بسهوله0
| |
|
|
|
|
|
|
|
|
|
Re: لو اتختيت فى الموقف دة 00تتصرف كيف؟؟ (Re: alwardah)
|
Walahi ana shaif ino alwahid ikhosh fil mawdo3 positively 3shan khatir alzawj walzawja irja3oo itfahmo ma3a ba3ad, wala ahsan ikhali sahbo yakol naro barao fee mawdoo3 alzawaj altani, wala kaif ya akhwana ao akhwatna!! saraha almawdoo3 khateer ao lazim tahsib million hisab before you take any supportive decision for both parties!!
| |
|
|
|
|
|
|
| |
OmDur
sama7
banadieha
قرشـــو
willeim andrea
Al-Masafaa
فيس بوك
تويتر
انستقرام
يوتيوب
بنتيريست