|
المـمـشى العــريــض " عبدالعزيز العميرى
|
مكتوبة فى الممشى العريض
شيلة خطوتك .. لى البنيّة
مكتوبة بى الخط العنيد ...
فى ذمّة الحاضر .. وصيّة
شاهدة التواريخ والسّير
.. والإنتظار
أدونى من قبلك مناديل الوصول
.. وفردت أجنحة العشم ..
فى ساحة الوطن .. البتول
وضحكت ماهمّانى شى ...
وبكيت ولا همّانى شى
عندك وقفت من المشى
وغرقت فى ضو النهار
********
كانوا ..
بتمنوكى لو ترتاحى لحظة ..
على الدرب
حبوكى ... حب
قدر الحروف الحايمة فى بطن الكتب
قدر الخيال ..
ما مدّ إيدو على السحب
كل خاطر كان بريدك
إلاّ ريدك كان رسول الدهشة ...
فى كل الديار
.. وأنا زى عوايد الشعر فارس
مدّ خيل الكلمة .. ليك
مصلوب على ضهر البداية
.. القالوا آخرا جايىّ ليك
وسرحت يامهوّن .. تهوّن شان أجيك
كان أصل يوم لى حضورك ...
كتْ بريدك .. ومشتهيك
وإنكسر فينى الترجّى
ونلت من سفرى الخسار
بس داير أقولك يا أصيلة
لو تعب فينا التمنى ..
وإنهتك وتر المغنى
لو تسدى علينا طاقات البشاير ...
بنهزم يوم التجنّى
وأجيكى ما همّانى شى
عندك وقفت من المشى ..
وغرقت فى ضو النهار
|
|
|
|
|
|
|
|
Re: مكتوبه فى البورد العريق (Re: banadieha)
|
بناديها الجفاري الالق صباحاتك بنكهة الامنيات العذبة
اظنه الشوق ايها المشدود ما بين الوترين وغيابك عنا هناك هو الذي جعلنا نفرد اشرعتنا ونبحر اليك عسى ان نلقاكم ويكفينا سلامي الى صحبتكم الشجيه كلام خارج مساحة الزمن المر دائما انت في المنتصف انت بيني وبين كتابي بيني وبين فراشي بيني وبين الكلام ذكرياتك سجني وصوتك ابدا يجلدني امل دنقل
| |
|
|
|
|
|
|
|