|
سبعون نوعا من النساء ايضا يا كولا
|
فى بوست اخونا كولا سبعون نوعا من النساء فضلنا ان نعيد تعريفهم بمزاجنا والعجبو عجبو والماعجبو .. يعرف براهو
الجاريه .. وهى المراة الجاريه طوالى من رقشه لى رقشه
الوضيئه والمقصود الوضيعه دى غلطه مطبعيه وهى فتيات الاتوستوب او الملح ( الشيخ التجانى والنقل المجانى )
العيطبول .. والمقصود عيط + طبول وعيط من صرخ يصرخ والطبول معروفه وهى المرأة النقناقه
الغانيه .. وهى التى استغنت عن الديانا والكلى واستعملت الكركم
القسيمه .. وهى المقسمه كيمان كيمان ( الدفار ) ودى تلقها ماشه متدردقه زى الكفر
المرعبه .. وهى التى ما ان كلمتها كلمتين تقول ليك حتجى تقابل ابوى متين ؟
الدعجاء .. وهى شديد سواد الكدارين مع وش ابيض مبروط بالديانه وايدين ملبده بالجونتات
الشنباء .. وهى العندها شنب
الخود .. وهى جنها حواصه ولواصه تخوض فى مايعنيها وما لا يعنيها .. حشريه يعنى
الخرعبه .. والمقصود القرعوبه وهى التى لا شعر لها ومركبه شعر من الدكان (سله )
المبتله .. وهى الممسحه بزيت الكركار التقول وادينها الدلاله
الهيفاء .. وهيفاء تاتى من هيوفه وهى المراة كثيرة الحوامه من بيت لى بيت وغالبا ماتجيها زياره تلقاها مافى
البرماده .. والاصل البيرماده وهى السجمانه الرمدانه وفى بيتها وسخانه ( خمول ) 0
الرقراقه .. وهى المراة المعلقه 24 ساعه فى حيطة الجيران .. تتشمشر مع جارتها..او تلقاها بتعاين بى رقراق الباب
البضه .. والمقصود البطه وعندنا كتار من النوع ده .. وهى القصيره المدبلبه .. ويابهيه اييا
الوهنانه .. وهى المراة الكسول .. طبيخها كلو بيض وفول
الرشوف .. وهى التى تسمع لشراب الشاى عندها مزيقا ( ششششششششوب )0
انوف .. وهى زات النخره الكبيره زى عادم السوزوكى
الرصوف .. وهى التى تنتظر الملح على الرصيف .. لما مايقيفوا ليها تعكس الشارع وتقيف بالاتجاه التانى .. ( دى تكون ماشه وين دى )0
الفرعاء .. وهى المراة الارنب كل سنه شافع .. وتلقاهم ماسكين فى توبها كلهم زى فروع الشجره
العروب .. ودى ناس مرقنبوقرنبو
النوار .. ودى نوارة الفريق .. الجكسويه المبكيه اولاد الحله كلهم ومكسراهم
الحصان .. وهى الام التى تربى كوم يتامه لوحدها
النظور .. ودى اديها الكشيف ماتسمع ليها كشكشه فى الشارع الا تلفح توبها
المهاب .. ودى مكرهه اولاد الحله الكوره كلما يقع الكفر فى بيتهم تشرطو ليهم
منجاب .. واساس الكلمه منو الجاب .. وهذه يهمها كيس الفواكه الماخمج قبل ماتسلم عليك
محمقه .. ودى الجكسويه التى تعطى الولد كل شئ باسم الحب
الممكوره ..والمقصود المكوره ودى تلقها كتله بتاعت لحم ماشه فى الشارع زى فرامة الخدره
اللدينه .. والمقصود اللضينه وهى التى تسمع كلام كل من هب ودب ..وفى رواية اخرى هى التى تسمع كلام امها بدون تفكير
الخبرنجه .. ودى جيابة الخبارات والشمارات
العطبوله .. وهى التى تغرف البلاعه 999 مره فى اليوم عشان تكشف لاولاد الحله
السهلبه .. ودى خشب الله عبد الناشف
المتحريه .. وهى الدلاليه من كل بيت خبر
العيطموس .. وهى التى انطمست معالمها بفعل الكريمات ( وشها زى الطرطشه ) وفى مقولة اخرى زى طربزة اللحام
المجدوله .. وهى المعروفة البرنامج والجدول يوميا من الجزر لى بتاع الخدار لى دكان الغرباوى تجيب فول الفطور وهلمجرا
البلهاء .. وهى التى تقسم فيها المكنه بسرعه .. خصوصا لو بامسيكا قال ليها بعرسك
المزكار .. وهى الانثى الزكر ( حنان لبط )0
الخريده .. والمقصود الخرده وتكون لون ووشها لون ( الوش خواجيه .. والكرعين عباسيه )0
بالمناسبه قالوا فى واحد واقف فى الحفله جمب بت كده وعاجباهو ليك شديد فجأة البت مسحت وشها بلا يدها .. اخونا ماصدق وقبض اليد وقال .. شيل يدك يا عب وهاهااااااايكه
اهداء لجكس البورد .. عشان مايزعلو
لبستى توبك ومرقتى .. غلطان انا وللشمار ده استعجلتى .. غلطان انا وكلمتيهو ليا مالو ما جا كسر رقبتى
غلطان انا..وانا غلطان غلطان انا جانى جواب مظرف ..غلطان انا وقالو الجكس عرس .. غلطان انا وقت ليها يا والده ماتبكى انا بتصرف
غلطان انا
طويله خدرا جمجاره .. غلطان انا وتفلح للقواله .. غلطان انا من شده اهمالها جكست انا ابو عياله غلطان انا
ديك الجن
|
|
|
|
|
|
|
|
Re: سبعون نوعا من النساء ايضا يا كولا (Re: DEEK_ALJIN)
|
[gree]ديك الجن والله خطير والله فت العرب بى غادى بس لاكن داير اسالك مرقنبو قرنبو ده من وين جايبها يطرشنى اول مره اسمعهالاكن جننت الجكس جن وبالمناسبه كلامك ده من الواقع صحيح لاكن شد حيلك مع هيجان الجكس فتحت ليك باب صعب
| |
|
|
|
|
|
|
Re: أوصاف المرأة (Re: brakat)
|
الديك / المجنتر تحياتى كميات كده ياخى كشفت حال البنات ديل كلامك عجبنا ياديك يامجنون والكلام دا بتجيبو من وين ياخوى .. وياقول وليد الليله اسبت انك مجنون بشهادة وبحق وحقيقة لكن انا بشوف ....عيطموس / بمناسبة معاك ... ياديك .....وافضل ليك من بخيتة فى بيته خنيتا وعند الناس نشيطة
| |
|
|
|
|
|
|
Re: أوصاف المرأة (Re: bamseka)
|
قالو النساء ثلاث / على قول الشيخ فرح ود تكتوك
الاولى امرأة / والثانية نص امرأة / الثالثة بلاش من امرأة المرأة من عتبة بيتها ولى ورى
نص المرأة / تزهب الى اهلها بالضرى
وبلاش من مرأة / ناس السوق جابو خبره
| |
|
|
|
|
|
|
Re: سبعون نوعا من النساء ايضا يا كولا (Re: DEEK_ALJIN)
|
ديك الجن تحياتى لكن يا خوى دا كلام تقولو فى النساء واحتكم الوارفه التى تستظلون بها من هجير الصيف0 رغم انو وصف لازع نعايه فى بيت بكاء ما بتقولو لكن خيالك واسع ربنا يسامحك لكن نحنا احلى من كدا بى كتير حتى ما فينا اى وصف من كلامك0
| |
|
|
|
|
|
|
Re: سبعون نوعا من النساء ايضا يا كولا (Re: alwardah)
|
عزيزنا وليد المترف . . تحياتى
طارق .. سلام .. عالم جبانات جنس جبن
كولا ..مرقنبو قرنبو دى نكته بتاعت ناس الهيلاهوبا اعتقد .. بعدين انت الفتحت النار دى يعنى انت معاى فى الهوى سوى
عزيزتى بيرل .. تحياتى .. وشهد شاهد من اهله فى موضوع الشمارات
رعاش .. الزعل مرفوع وحق الببسى مدفوع امشى اقرب بقاله جنبك وقولى ليهو انا مع ديك الجن وهو بيتوصى ..
بامسيكا ياروعه .. ماقت لى انت اخترت ياتها ؟ اكيد الممكوره
وردتنا .. تحياتى .. بس فى نساء الصيف زاتو ياورده ..والله نقه بس تنجضك
وليك يا رعاش الهديه دى
واحد اتزوج جديد .. سالوا صديقه .. مابقيتو تلاته قال ليهو والله كان ما الاجاويد كان بقيت واحد
نفس الزول سالوا صديقو التانى .. مابقيتو تلاته .. قال ليهو بقينا 11 ( حداشر ) قال الصديق مندهش كيف يعنى حداشر قال ليهو والله بقيت اشوفها عشره عشره
وههههههههههايكه .. يازول يازاتو
ديك الجن
| |
|
|
|
|
|
|
Re: سبعون نوعا من النساء ايضا يا كولا (Re: al_msaa)
|
هههههههههههه عزيزي ديك الجن والله بالغتا عدييييييل كدا قطعتا مصاريني من الضحك و لي جكس البورد بقول ليهم ما تزعلو ياخي و خليكم ريلاكس الزوووووووول دا بهظر ساااي و باين عليهو ماخد شاكوش من النوع ابو كديش و شايفكم عشره عشره زي الزوول الفي النكته ههههههههههههه لكم جميعا كل الود وكل التحايا
| |
|
|
|
|
|
|
سبعون نوعا من النساء ايضا يا كولا (Re: DEEK_ALJIN)
|
والله يا ديكنا اتحفتنا بى رائعتك دى بس يا اخوى رايك شنو فيهم وهم مختصرين الشقلة كلهافى ثلاثة بس وما معزبين حالهم زينا عارف تصنيفهم شنو عن الرجال قالو:::::::::: واحد للف وواحد للسف وواحد للرف اها رايك شنو وبالمناسبة انا اسى رادى ليك بى واحدة ولمن ترجع التانية ليك على مناقشتهم التلاتة دى
| |
|
|
|
|
|
|
|