|
|
 القدال: الغناي الصابر
|
القدال
للاسف يخلو موقع الغابه و الصحراء الرائع الأ من قصيده واحده له
أرجو أن يتكرم من يمتلك بعضا من أعماله بنشرها هنا و لكم الشكر الجزيل
|
|
 
|
|
|
|
|
|
|
|
Re: القدال: الغناي الصابر (Re: Mandela)
|
أخي مانديلا العزيز
لكم مني خالص التحية وعاطر المودة
لم تبين في تساؤلك بحثاً عن قصائد الشاعر الفز محمد طه القدال عن القصيدة المنشورة في الغابة والصحراء وأخشى أن أكرر ما أوردته هنا وإن حدث أنني أعدت ما نشر فلكم العتبى ، وهاكم القصيدة:
رجعلك قليبى المهضلم يراجع صنوف الغناوى العصية
يراجع معاك الكلام القبيل استباك
الكلام المبهرج وخاوىالكلام المزيف
ولا فيه غير إحتلام وانفصام
تموت الحروف يوم تقوم القصائدمقام الطبول والبخور
بشوفك جرايد شواكر حوامد ولا هامى فيها
ولا هامى فيها
عليها المصائب تمام التمام
مغايص بتفرم حشاهاوغبائن بتنفخ بطون البسفو التراب
وحايح لهيب تلهلب وتكوى الجلود
اتف القصائدإذا مالقصائد دايره ليك البُكا
البِصاحب..رضا.
السردار
واتف القصائد اذا مالقصائد بتنزل مُريده وتسبح بحمد الذى
ابتلاك
وهدانى الودار
طِريتك وأنا الكنت قايل خيالك معشعش جواى
سكنتك ومالاقى فِجة اخيرلك اقول البحرق حشاى
اخيرلك افضفض جراب الخبايا
أقول الكلام البفكفك سوارك
يوقف جدراك
ويرفع عضايا
تضيع الرموز التغنى الكلام
أقول السكاكر أبتنى ورمتنى وكفانا
اقول العساكر تبارى الكبارى وتفتش قلوب الجهال الشلوخهم هوية
واغنى الزيود والكنانة..
كضب..اقول البنات البفتحن صدورن
يقالدن رشاشك ويخلن حبيبن
كضب..مراحك يعشى ويفشى خضارك مرطب يندى الضهارى
كضب..مراحك يعشى ويفشى خضارك مرطب يندى الضهارى ترابك
...دخن لو رزعتو الحجارة بلاك ولاك كروها السحالى
تقنب تباري تسفر سعيتك
العقالي الجداد
تجوع يا البشدر خريفك سواقي البطانة
رزازك ويمطر حصايا عزازا سنابل
ابيت الكلام المغتغت وفاضى و خمج
ولادك قصادك شعاع التحايا
يضوّوا الشقوق التلم الدوابى
يوروا الدروب للقلوبهم عمايا
عرقهم حبالك وصوتهم مشانق تلم الدقون الكبيرة
وتحدر فقر سمّنتها الليالى الضليمة بتهدر حرائق وتحمى البياكلوا المطايب
وتسكن بطون الجياع العرايا وشوشهم سمر حر اباطك صفوفهم مرامك وحلمك حملهم رغيفة وكرامه وسلامه مصانع بتحرق قبل تبدا فيها
مزارع بتيبس ونيلك ممدد جنازة
وعقيدك وسيدك
بيكتب ويمحى
وتبق المحايا
| |
|
|
|
|
|
|
|
|
|
Re: القدال: الغناي الصابر (Re: SalahDirar)
|
التحايا بيكم
حليوة ليلة المولد
حليوة ليلة لمولد
بقول غنوات وأقول غنوات
فى البلد ا لبسير جنياتها لى قدام
ولى الولد البتل ضرعاتو فى العرضة
ويطير فى الدارة صقرية
ولو السمحة تلت إيد ومدت جيد
يقوم شايلاهو هاشمية
ويشيل شبال ختفة ريد وفرحة عيد
وريدة روح وحمرة عين وايدية
ويالولد البشيل مدقاقو
قولة خير على القمره
يقابل الجاية متحزم
ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
وقبال حول تغّيم غيمة قِبلية
ترش الدارة والحدبه الصعيد الحلة
ويا فرحة بتطارد الصفقة فى النسمة الصعيدية
ويا جهرة نهار الليلة بدرية
رحيح جنياتنا فى الحدبة الصعيد الحلة
يا سمحاتنا هو لبلب
ويا قمحاتنا هو لبلب
وياللوز الفتق فى الوادى هو لبلب
ويا سمحاتنا هو لبلب
ويالبحر الطمح مدّادى هو لبلب
سألتك بالذى ركز الارض معبد
وسوى الفاس عليها مقام
سألتك بى حشا الأُمات ودمعاتنا
سألتك بى كبيداتن ودعواتنا
شليل وين راح
يكون ضل الخريف فاتنا
شليل وين راح
وزى برق السماك الجابها دغشية
وزى زغرودة البطن الكبارية
مرق من شامة القمره
ومقدم بالعديل يبرا
تعالوا أبشروا آجنيات
شليل ماراح شليل ما فات
شليل عند المسورو حرق
بقالو حصاد
شليل فوق التقانت قام خدار وبلاد
شليل مسدار شليل مشوار
شليل أرضنا يا جنيات
شليل قايم نصاصى الليل
يتمتم ليلو وردية
حرازنا شليل شليلنا دليب
شليلنا دليل على البلدات
بعد درب التبلدية
شليل ما راح شليل ما فات
شليلنا ونحنا همباتة ومهاجرية
مزارع بات على عشقين
تراب بلدو وسماح فوق بت مزارعية
| |
|
|
|
|
|
|
|
|
|
Re: القدال: الغناي الصابر (Re: أبنوسة)
|
حلوين
صلاح درار
أشكرك ياخي على هذه القصيدة وأيضا لك الشكر المتأخر على تلك القصيدة التي القاها القدال عبر الفضائية وطلبتها منك وأرسلتها لي بالإيميل
أبنوسة
حمد إلله على السلامة..وإن شاء الله المولود من الصالحين وربنا ينفع بيها الأمة والسودان والسودانيين
| |
|
|
|
|
|
|
|
|
|
lost one (Re: Mandela)
|
one of the reason to come here is to capture such hidden treasures and God bless ya guyz.
i heard one of ebda3at algadal fe sudantv a while ago. fe ga3da min beta3at 7issian '7ojali m3 nas algazeera. i think its an old poem. i just can't remeber the words. if by any chance happened to know it guyz plz at7ifooooona beha wa lakum mina alshukr.
| |
|
|
|
|
|
|
|
|
|
القدال ..محمد ودطه (Re: Mandela)
|
سلام جاكم
القدال ..محمد طه ..
تغنت له عقد الجلاد في شريطها الأخير
فاجأني النهار ..عمل رائع
كلماته تدخل عالمك دون إستئذان ..
وهو يوصيك ..ويشد من أزرك ..
ويقاسمك حلمه
ويديك الكلام القاطع الشك ..
ساواي القلوب كضاب
ركاب السروج وقاع
والجمرة بتحرق واطيها
والنامة بتعرف عاطيها
كلمات من بيئته الخاصة التي يعرفها جيداً..
إنه القدال ..محمد ودطه
وتقعدوا عافية
قيسان
| |
|
|
|
|
|
|
|
|
|
Re: القدال ..محمد ودطه (Re: gessan)
|
الاخوان مانديلا صلاح درار وسنرايز ومولاى والمسكون وغسان والاخت أبنوسة
تحياتى
قبل مدة انزلت بوستاً من وحى مطالعتى لموقع الغابة والصحراء وأسميته " محمد طه القدال : ذلك البدوى الرائع" ولم يقصر فيه الجميع بمداخلاتهم ولكنى لم أجده فى محفوظات المنتدى والحمد لله توجد منه نسخة محفوظة فى الهارد ديسك وسأقوم بنقله كاملاً وبمداخلاته وفى انتظار المزيد منكم علنا نرتوى من هذا النبع الاصيل
===========
البوست
محمد طه القدال
قال حميـــد
>القدال وما أدراك ما القدال.. وهل أتك حديثه..كثيراً وأنا فى البلد يسألنى الناس عنه وهل هو شايقى وهذا مرده ربحا أن الشايقيه يكثر بينهم هذا النوع من الخلق الشعرى ، أولا لان قصائده جاءتهم ناضجه ومكتمله النمو وذاخرة بالمفردات والصور الشعبية الخضراء فدخلتهم هكذا كالماء ، أما أنا فأقول مافعله القدال في اللغة العامية يفوق مافعلته المشاريع التنمويه الناجحه بأهل القرى ، ومن يوم ما تزوقت طعم قصائده لم تكتم يداي لعاب التصفيق لها ، وتأكيداً لهذه الدلاله كنا فى الليالى الشعرية التىيشترك فيها القدال نأتى اليها وهى على وشك الإنتهاء لعلمنا التام أن القدال سيكون آخر من يقرأ والا وفشلت الليلة وانفض الرواد مبكراً ذلك هو القدال مع ذلك لا أحد يهتم
شملة كنيزة
القدال
الوادى البهل نوارو سجادة..
ومرق فى حوله .. فضلة خير..
اشوف يخب مع نسامو
جقليباً غلبنى قياسو
لا قالتلو تروح فى البلا الياباك..
ولا حنت .. وكت غنت حداها نفوس.
واشوفك فيها .. تمرقى من عرق ريحانها ..
تدحلى في التراب تندسى..
تاخديلك نعاساً حول..
وتطلعي تاني .. زي بهرة شعاع فجراوى..
فوق بادى الودي.. ناموس.
اشوف الروس ..تكربت في البلود الساحقة..
قت : شن لاحقة ؟؟..
ياقلب البلد .. يلقاك..
يا درب المدد .. يلقاني.
وين لاحقة النفس يا خية؟؟
شن غير النفس متماحقة؟؟
لا أرجاها لا ترجانى>B>..
خلها للشجر تنسانى..
غلطان العليها يكوس..
ويبقى عليها ..
يا شملة كنيزة الواسعة
هى تلاتية .. لكن قدها رباعي.
***
نجمات الصبح شهدن على الما صاحي..
ما سلبني كفكيف دمعي يوم قلبني..
في جمرك يهب قداح
وما ترتاحي من تالايا ما ترتاحي..
غلطان البجيك مداحي
قم من نومي شفتك صاحي
ترجعى في الزوامل الهاملة
وقتلك تاني.. غلطان البجيك مداحى
قم من نومي شفتك صاحي
ترجعي في الزوامل الهاملة
دربك ضل..
دربك بالصراط متلاوي..
منها لا بتجيك العدلة..
لا من شك تتداوي..
ندهتك واقعة قناعتنا بين لومك وبين لومي..
حسبت البال..
ميقن عندى من زل العتر متروس
قبضت الايد .. أفتش وين قليبي!!..
الايد محننة .. والقلب متباكي..
من دون النقش مديوس.
نعلت ابليس ..
ندهتك تاني في سري..
ان صح المدد طالت..
بيصبح حسي كيف يغباك!!
ندهتك تاني .. لا تقنعتي لا هماك
زمازمك من صبيب جلدى..
ولهاتي الجلدة .. صبحت قدة من تالاك.
ولا اتقنعتي لا هماك!!
بالقفيتى.. ما رامي الدمع بتاً
ولا رامي الدمع بتاً
أعقبى الليل يطول واقصر
أعقبى البينا ايدينا البقت شمسية
نجمة ليل
أعقبى بلاكى.. شن ببقالي..
فيك المونة.. فيك الصرة مدفونة
وما بين الوحيح وغناي
وما بين الرحيح وجفاك
تضيق الواسعة
تصبح شملة .. هى تلاتية لكن قدها رباعي.
***
جانا منادي غنى معانا
من غبش الليالي الضامرة
ضارب نوبة..
سارب حسو للسدد مسامعه الطين
وضارب الغفلة هباعي.
وكت يا ناس مدن تبلع مدن بحالا.. تهرس ناسا
كرفتى الليل متل غرقان يجابد في النفس
قبلتي .. شفت الشفع البتجارو في عينيك..
رفعت ايدي لقلب السما السابع..
لقت ايديك
وكت يا ناس مدن تبلع مدن بحالا.. تهرس ناسا
عرفنا البينا .. حتحتنا النجم بغنانا
كان الصوت مرق واحدة
قلنا النوق متين دارت تصافع الجرة..
تهرج في الصقع ضراسا
عرفتي البى.. زغاريدك تصلصل
قلنا : كل ما امتداد يمتد .. نبني حواه..
كرتونة وزرايب ناس
ومتل الكان ضحك جواك
جفلت عليك قاصد صدرك اتحوابه
قعقع تاني
كيف يا فقرى تزرب بالعمائر ساج؟؟!!
ومتل الكان ضحك جواك
اقالد فيك تمسكي فى الضلمة ضراعي
يرجع للضلمة غنانا
وين كبر العمائم جملة؟
وين طول العمائر جملة؟
وين أناس.. غناياً للكضب والصاح.. مع غنانا؟!
غنوتك طايرة
شن بسويبا غير ما تبقى جداعي!.
و جانا منادي غنى معانا
من غبش الليالي الضامرة
ضارب نوبة..
سارب حسو للسدد مسامعه الطين
وضارب الغفلة هباعي.
يا شملة كنيزة الواسعة
هى تلاتية .. لكن قدها رباعي./>/><>>B
وأرجو أن نضيف فى هذا البوست من اشراقات هذا المبدع الرائع كما توجد بعض قصائده التى تغنى بها الراحل مصطفى سيد أحمد فى هذه الوصلة
http://www.sudanpoem.com/
--------------------------------------------------------------------------------
أول مداخلة من بنبونى
بالتأكيد سنفعل لكن دعني الان اقرأ القصيدة مرة اخرى
==================================================================
ثانى مداخلة من نوبا "مراد"
ليس أعذب من شعر القدال إلا إلقاءه.أعزائي....هل نطمح أن يتحفنا أحدكم بقصيدة بصوته؟
================================================================
الداخلة الثالثة كانت من الاخ أبوك يا السارة abookyaalsara
هذا الرائع
القدال
(كفنان)
لا أروع من أن تجلس وتتحسس كلماته
وهى تلفك الى حيث الوطن..لفا
ألتقيته قبل فترة وجيزه حين زارنا بالعين
ضمن فعاليات احتفالات الجاليه بالأستقلال
وتواعدنا على جلسه خارج اطار البرنامج
ولكنى ولظرف قاهر لم أتمكن من ألتقيه
مرة أخرى..ولكن حتما أتمنى أن ألقاه
مرة أخرى
===================================================================
المداخلة الرابعة كانت منى رداً على المشاركات السابقة للاخوان
الاعزاء بنبونى نوبا وابو السارة
شكراً للتواصل ودايرين نوثق أكتر للرائع القدال فما تبخلو بالله
بنبونى
فى انتظار ردك ومداخلتك
نوبا
والله صدقتا فعلاً روعة القدال لمن يلقى قصائدو بنفسه لكن مسألة القصيدة البى الصوت دى الا يتحفنا بيها أخونا الصادق وواثق انو لو حاول ما بحتار فيها هسة تلقاها عندو ولابد بيها لوووول
أبو السارة
أرجو ان تتحفنا بما معك لنوثق لهذه القامة
وقبال حول..تغيم غيمة قيلية
ترش الدارة..والحدب الصعيد الحلة
يا مرحب..تطارد الصفقة
فى النسمة الصعيدية
ويا جهرة نهار الليلة بدرية
رحيح جنياتنا.. فى الحدب الصعيد الحلة
يا سمحاتنا هولبلب
ويا قمحاتنا هولبلب
ويا اللوز الفتق فى الوادى هولبلب
--------------------------------------------------------------------------------
===============================================================
أما المداخلة الخامسة فكانت من ابداع الرائع الخواض حيث امدنا بوصلة لموقعه الذى توجد به مختارات وبصوت القدال ولكن للاسف لم تفتح معى الان حتى أسجلها لكم فأرجو أن يتحفنا بها مرة أخرى
================================================================
المداخلة السادسة لبناديها
إستمعت لها حية على الهواء في سهرة عيدية في رمضان الماضي ألقاها القدال بذاتها وصفاته وبمشاعر سودانية وبلكنة فلسطينية، الآن صلاح ضرار أهداني النص وها أنا أشرككم معي فيه ولي أجر المناولة والدليفيري بس
مسدار أبو السرة لليانكي
محمد طه القدال
أماتي القبيل
بي حنهن لجنّي
كرفة وقلدة
كيف شوق اللبن رجني
حزناً جاني في ميع الصبا يلجني
اطلع مني يا جلدى المنمل جني
اطلع مني يا حزناً بقى مكجني
خلني أبدا مسداري
وأودي قفايا لي داراً بقت مي داري
جيتا ...
وجلدي بينو بين عضايا الشحمة
إلا النار بقت قدامي
جلدي الليلة بينو وبين عضايا المافي
الا تراني شوال الكبس
نفيخ جرايب الورم هدامي
في جلدي الورم قولنلي
واللا صحي الورم عضّامي
سفريتك مي في النية
ماها الكانت محرية
خابراك عريف
ذم واللا قيام الوردية
مالك ؟؟؟
تريان ومندي
كاسي الكتان والهندي
قولك ككيف ترجي البيشان
واللا الغربة البي الزندي
برقا عبدلّي الوزن
يا طاش يا جاب المزن
فرق يا لضيف
فعل الغضبان
ام فريفرات الحزن
وشن القعدة
يا أبو السرة
شن القعدة في ضل العمارات أم كمرة برة
ضقنا الحنضل اليانكي وبلعنا المرة
كملت كوتة التمباش صفعنا الحرة
العشم خوهت بردن ليالي الحرة
الشم خوهت بردن ليالي الحرة
والبراق برق من منا جاب القرة
شوف عيني الصقير بجناحو
كفت الفرة
تلقاها ام خدود الليلة مرقت برة
مرقت برة
مرقت برة تغلي مديدة الحلبة
التسمن ردفها
السمن المبستر يانكي
والويقود بعيرات الدخان في العين
وفي الفشفاش يسوي عمايلو
شن فايدة مديدة الحلبة والويقود
بشيلو اليانكي
يا أبو السرة
قامت من دخاخين العمى تلمع
وشيها
اليانكي مستنيها
كان اليانكي مستنيها في مراية
السجم في الليل
لقيتها متل فريخ الطير
مرق ود عينها من ود عينها
رجافة المزمل حمى
جفلت منو
وقعت عندي
صدرها بغلي
يا أبو السرة
شفت اليانكي في ود عينها
سقتها للبحر يمكن يغسل عينا
من اليانكي
فتنا الحجرة بالكتة وغطسنا مسافة
تبقى قدر مسالك الريدة
وما لاقانا من يغبانا في البحر
القدر تحتاني
ناس عارفاها
ناس عارفاكا
ناس عارفاني
نادينا القعوي والبلطي
قرقور السمك ودانا لي دابي
الخُشش
نادينا عمال الطمي
عمال الطمي الصارقيلا والقرموط
وود المويه
وفتنا عليها
كانت نايمة
عجال البحر حارساها
كانت نايمة بين حجرين وضل
ساسوية
وعمال الطمي الصحونا لمو حصى البحر
قسموهو يات من كان سبع جمرات
دابي الخُشة قال أدوها في
الجمرات تلات سبعات
قلنا أدوها في الجمرات تلات سبعات
مسكنا دربنا
وعمال الطمي الصحوها خابرين الدروب
مرقوبنا في مشرع مسارب الضي
لقينا الدنيا تترجانا
قوقا القمري خوي صقيروعوى حدي
وعمال الطمي الصحونا لمو علي البعرفو الصي
حصى القيزان
دوابي الدارقة والسحلية
والناس التحت خابرين عمايل اليانكي
مرة معونة للقاف ومرة دوانكي
شن معناهو جيبها ان كان ملوهو بوانكي
وصوتها مكتمو القربين سيوف وسوانكي
قولن لي الاخلو ديارو
دمك فرهد في نارو
غور في الأرض
طارو صقرين
أولاد الأرض ما طارو
لحمي غطى بن عمي
شو صار حالو يا إمي
منديل العرض في بيت الدين
دمي ما يخلي دمي
أنا من دير ياسين
صرنا في جزر التين
عم نسقي بعض
حب الزيتون بدو يرجع للطين
صابرا تحت الدورية
صابرا فوق الدورية
صابرا فوق الدورية
يا حال الضد
لحم الطفلين نابت غصن الحرية
جذري مو في شاتيلا
ما قال حالي يا ويلا
حنا في الأرض
أرض فلسطين
يا إمي هيلا هيلا
يا إمي هيلا هيلا
يا إمي هيلا هيلا
هيلا هيلا هيلا
هيلا وهيلا يا أبو السرة كج العين
تخبر الشنة من الزين
تفرز الطاري من الساري
يا أبو السرة كج العين
ومدو صباعك السابي
قول لي الغافي يا زول هوي
وهو يا غافي يا زول هوي
أرخي الفُردة للعنافي
شد القمري بالحوبابي
في مسدارنا
شلنا نهارنا
في ايدنا من ساسنو البحر عقدين
مسكنا دربنا
وعمال الطمي الصحونا
خابرين الدروب مرقوبنا في
مشرع مسارب الضي
لقينا الدنيا تترجانا
قوقا القمري
خوي صقير وعوى حدي
وكنا جماعة
دابات الأرض والسايمة
عوامة البحر والطير
وحتى الغيمة قصاصة الأتر
فوق راسنا شايفة الدرب
ضنيب اليانكي
:قال القمري لي الضليلة
خلك صاحية زوغ اليانكي لا
يودرنا
:قال الدابي
ان يغباها ما بيغباني
ولما الشم مودعة غاربة
وصمت جملة الصقار عيونهن كاربة
أبقو ألف
بفوت لي المتلكن ناهضين
وفوق دينا عريباً غادي
قال السحلي لا تغشوهو
ديل عربان توابع اليانكي
وخلوها العريب الغايبة
السراق طبيقو معاهو
تيجاناً عروشها الخروع
الهش الهويش
النار تعلب فوق عقال العرش
ولا خسانا بي هادي العروش الهربة
يا ابو السعرة لا عقال
مسكنا دربنا
وعمال الطمي الصحوها
خابرين الدروب مرقوبنا من وادي
الضلمة الكان
عُقُب لمينا في باقي الجمع
قاصدين دريب اليانكي
سنور الغيب في الكنغو
وصبرا من جنوب أمريكا
ومن كلهاري ديباً ضاوي
والتمساح وليد أمازون
ونمراً في النمور كمبودي
وأم رخم الله مكسيكية
ولم لمينا
لم لمينا والشمش البتوقد فوقنا
شد شديدنا لا التمثال مشيل روقنا
عالم حر يدوعل فوقنا
لي يوم سوقنا
نبصق فيهو في عينيهو جر
واسواقنا
يا شمسي طلي .. طلي
شاوري ع بيتي دلي
كيال الكيل .. ختياري مات
ظلي عم يحرس ظلي
عادل ع خيي ميلي
خيي ما يحمل شيلي
ما خف الشيل
تاني المرات ناطر رصاص سيلي
عيني في الفيل ما ظِله
كلنا ندريه ما نضله
يا ويل الويل
نرمي الجمرات عدّ المستشهد كله
نرمي الجمرات عدّ المستشهد كله
=====================
المداخلة السابعة كانت للاخ نوبا
Thanks Banadieha:
I have been looking for it since I 've first heard Qadal reciting it at a one cultural night some years ago.
==================================================================
المداخلة الثامنة رد من بناديها لنوبا
Salam Nile,
My pleasure. Is it that old? I just came to know about it last Ramadan. I watched him reciting it on the TV. I thought it is very contemporary about the situation in the Palestine. Thank should be credited to Salah Dirar.
===================================================================
المداخلة التاسعة كانت من الاخ أهل العوض
MXB6N الاخ
وبقية الاخوان لكم الشكر على هذا الترف الفني الرائع ، في الحقيقة الواحد مرات يرى ويسمع هذا الشعر الجميل ، يشم فيه رائحة كل السودان ، وتعجب وانت تتخير وتنتقل بين قصيدة رائعة لأخرى أروع كأنك تنتقل بين رياض نضرات كل واحدة لها روعتها ونكهتها . فتجد نفس حميد في شعر ود بادي في ابداع القدال والقائمة تطول . أرى أنهم جميعا يغترفون من بئر واحدة . وشكرا لكم جميعا لهذا الذوق الما وسخ
===================================================================
المداخلة العاشرة كانت من الاخ نايل nile
بناديها سلامات:
الشكر لثلاثتكم انت و م اكس بى سكس ان وصلاح
سمعت هذه القصيدة فى ليلة شعرية وكنت فى اولى جامعة..
قدر السنوات بعد كدة
الليلة كانت والحق من اروع ما شهدت ولم يقلل من روعتها قيام بعض المتسيسين بقطع التيار الكهربائى
====================================================================
المداخلة الحادية عشر منى
والله ابداع يا خواض يا راقى .. يا خى شوية شوية أدونا نقلات وورونا الابداعات دى بتتعمل كيف ؟؟ يعنى داير أفهم قصة الماركى الفى اعلى موقعك دا والبتكتب فوقو النص المتحرك دى كيف MARQUE عليك الله اشرح لى طريقتا فى البوست بتاع الاتش تى ام ال اوكى؟
حا أديك النص الصحيح لقصيدة رجعلك فليبى مهضلم لانو فى تغيير بسيط شايف وكم مقطع محذوف منو
يا بناديها
عاد يا ربى اشكر ناقل الكفر والله الكافر زاتو لووووول تحياتى ليهو صلاح ضرار دا .. وبالمناسبة قول ليهو مكسب طن قال ليك : انت عمك سوزوكى دا لقى الود النجاضة دا وين؟؟ أوع يكون لقا واقع!!بالله الود دا حادثة تاريخ أمريكى واحدة ما تتبلى فوق خشمو يا كافى البلاء
أهل العوض والنيل
راجنكم
===================================================================
والمداخلة الاخيرة لبنبونى
مكسبنا
الخواض
بناديها
تعظيم سلام
مكسب طن
حقيقي كل ما املك قدموهو الشباب
وانتظر معك الجديد من البقية
=================================================================
أتمنى الا يبخل الجميع باضافاتهم لتوثيق هذه القامة وعزراً للاطالة والتى تمنيت منها نقل أجواء ذلك البوست التى أحسستها
| |
|
|
|
|
|
|
|
|
|
Re: القدال ..محمد ودطه (Re: alsara)
|
العزيز مانديلا
الاخت السارة
لا شكر على واجب
ننتظر من الاخ sunrises
ما وعد به
مرفق نص شيخ تلب وسمعت من يسمى الاغنية بالـ " الغيبوبة"وفى انتظار تصويب او تصحيح ما فيها
حزينة وجوفك
دمدم حزين
حزنتى
وقلب الحازنك خلى
تعدى الحلم الشفتيهو قديم
وتملى حسارك
قلبك ملى
كل ما هبهب
قاصدك نسيم
يلهب جلدك كضباً طلى
فطمتى جناكى
وصدك رحيم
وحلمك تب ما صابو البلى
سمعتا غناكى وصوتك رخيم
شديد أوتارك زايد حلى
عرفتا الحاسدك
عرفتا القاصدك
عرفتا الهم الصابك
عرفتا الكاتلك كافر زنيم
وانتى وحيدك
قلبك ولى
******
يا شيخ تلب.. أنزل كضب
وارمى الحترب
فى الميضنة
***
للباردة تعب
للحارة تسب
عجمان وعرب
فى الميضنة
***
ألبس خضرب
وادخل قصرب
والحس واشرب
فى الميضنة
***
لسيدك حب
لا تخشى ضرب
بير يوسف جب
فى الميضنة
***
دقناً وشنب
درويشنا يسوق
تايوتا تكب
فى الميضنة
***
يا شبخ تلب
وين الزغلب
الكانوا تلوب
ديل صبحوا غرب
ام أضحوا جنب؟
فى الميضنة
*****
كبس الهم على.. والحال القبض يا السيد
غبناً فيا.. كج أوتادو.. جنبى معيد
مو جناً تجيب.. سلسل جنازرو تقيد
بلا غيبوبة البلد النصيح .. وبصيت
***
قمنا تلاتة.. ود النوق وديك وعتيت
قلنا نكمل الفرض العلينا .. نشيد
جينا عليكى ..يا المحبوبة.. شوقنا يهيد
بقينا ضهابا .. متل زولاً ضرير.. وبليد
***
ود النوق .. دا بالكبر العليهو يشفق
بقى يتباطأ .. فى خبة مشيهو.. يلفق
ان جاهو العلوق.. صيحة نفاقو .. ينفق
أصبح جدواه.. كل ما أشاكلو.. تلقى يصفق
***
ديك الجن.. رفيق همى وغنايا.. وفنى
سوى طريقو .. فى غربة .. وصبح متهنى
ما هماهو .. باسط مية .. سكرة ينى
كل ما شافلو .. زفة جديدة .. فوقا يغنى
***
يا عتيت الرماد.. نط الحيط بالزانة
تفضى الخانة.. تلقى جناهو.. سيد الخانة
فارش دارو ..لاسيادو.. بيت كلخانة
غافل.. ضبحة الفجر .. وجرى السلخانة
***
يا حميد أقيف .. شوف الخلوق محنانا
أنزل كفكف دمعتك .. والعبرة فوت خنقانة
عسلك سال .. بحر.. فوقو النحل ونانة
يوت من ضاق .. غرف جازاك .. دبابير زنانة
***
كبس الهم على.. والحال القبض يا السيد
غبناً فيا.. كج أوتادو.. جنبى معيد
مو جناً تجيب.. سلسل جنازرو تقيد
بلا غيبوبة البلد النصيح .. وبصيت
| |
|
|
|
|
|
|
|
|
|
Re: القدال ..محمد ودطه (Re: alsara)
|
الاخ مانديلا والاخوة الكرام
تحياتى
منذ فترة وليست بالبعيدة اتصلت بالاخ الشاعر الفذ محمد طه القدال من اجل اكمال مساحته على موقعنا(الغابة والصحراء) ، فكان حديثا طيبا منه ان وعدنى بان يقوم بارسال عدد وافر من القصائد التى لم يراها احد حتى الآن ، لكنه قال انه الآن بصدد كتابة قصائدة بطريقة كتابة المصحف حتى يسهل قراءتها بسهولة، واذكر فى الاسبوع القبل الماضى ارسل لى رسالة عبر البريد الالكترونى خاصة بسلسة مقالات كتبها عن الراحل عمر الطيب الدوش، لاكمال ملف الدوش الثقافى فى مجلة الثقافة السودانية(مشاعل) .. اقراء هذا الملف فى عدد يونيو القادم هذا ، ووعد بارسال قصائدة قريبا بطريقة كتابته هو فقط حتى لا يحدث بها اى اخطاء
فبالتالى للغابة والصحراء امكانية تنزيل قصائد كثيرة مركونة لدينا فىمكتبنا ولكننا نفضل كثيرا راى الشاعر نفسه وقناعته بهذه الاشياء ، ومن قبل حدث لنا خلاف مع احدى الشاعرات السودانيات معترضة على طريقة كتابتنا قصائدها مما اضطر الموقع الى حذف جميع اعمالها ونهاية الخلاف سريعا..ولنا خطة قريبة لاضافة 100 شاعر سودانى آخر بعد اقناعهم جميعا عبر التلفون.. كما اننا بصدد تغيير تصميم الموقع كليا بطريقة الفلاش الكاملة
هوارى حمدان هجو
راعى الموقع
http://www.sudanpoem.com
| |
|
|
|
|
|
|
| |
SalahDirar
أبنوسة
banadieha
almaskoon
gessan
rummana
فيس بوك
تويتر
انستقرام
يوتيوب
بنتيريست