|
Re: توصيف الأزمة الوطنية بشمال/ جنوب خاطئ ومضلل (Re: wadazza)
|
الاخ العزيز ود عزة
لك التحية
الغريب مقال بهذه الاهمية لم اجد تعليقا واحدا عليها مع انو المواضيع التي لا تستحق التعليق نرى ناس البورد يتسابقون عليها
يبدو انو ناس البورد من اولاد الزواد ما زينا اولاد الاقاليم التعبانين الكادحين ناكل كسرة ناشفة ونشرب موية عشان نبلها جوه بطونا
عموما المقال فيهو جوهر المشكلة السودانية وآن الاوان ان يقال كلمة حق في السودان كدولة واحدة بدون تسميات عنصرية
المرجو من الاخوة الفاهمين في السياسة يسمعونا رايهم
ولكم التحية ولنا عودة
| |
|
|
|
|
|
|
Re: توصيف الأزمة الوطنية بشمال/ جنوب خاطئ ومضلل (Re: BousH)
|
العزيز ود عزه اين تكمن المشكله . سؤال رائع اختصرها مقالك في كلمات . الظلم الأجتماعي , و انعدام عدالة توزيع الثروة نفسها مع ان من ت خاطفو السلطه نفسهم لم يكونو من ابناء لبعاصمه في معظم الأحوال ان اختصار الأزمه في كونها ( شمال - جنوب) هو عدم استيعاب للسودان و في نظري انه اسلوب ونسة سواقيين التكاسي هنا في القاهره . فهم سالونك متوجسين الأخ شمالي ولا جنوبي !!!!!1 تخيل بهذه البساطه
كم أتالم عتدما يتحدث كبار السن عن الخرطوم زمان المدينه الساهره و الساحرهو يتناسو ان فس ذلك الوقت اولاد الأقاليم كانو يضطرون للسفر و الغربه من أجل الألتحاق بمدرسه متوسسطه
بصراحه أنا أحمل الحيل السابق من حكام و معارضين و كل سوداني عمره فوق ال 45 المسؤوليه كامله
لا بد للاحزاب من كافة الأتجاهلت من أعاده تفكير و تركيب
لانو نحنا الشباب الاغلبيه في التركيبه السودانيه حقنا مهضوم
تحياتي
| |
|
|
|
|
|
|
Re: توصيف الأزمة الوطنية بشمال/ جنوب خاطئ ومضلل (Re: Mandela)
|
بالسودان الوطن الواحد ما قد كان وماسيكون... هذا ما يجب أن نؤمن به..فالتجزئة الشمالية الجنوبية هى اختصار مخل للمشكلة السودانية ...تجد فيه عناصر النفعية والديكتاتورية مساحات النوايا السيئة..وميكافيلية التحرك نحو كل ما هو مقيد ومكبل لحريات الشعب وديمقراطيته تحياتى ود عزة
| |
|
|
|
|
|
|
Re: توصيف الأزمة الوطنية بشمال/ جنوب خاطئ ومضلل (Re: wadazza)
|
اخوانى الأعزاء مشكلة السودان هى مشكلة ادارة يعنى مشكلة حكم وحكومة .. للاسف الشديد ..عندما يعتلى الحاكم الكرسى يريد فرض رايه فقط .. دكتاتوريه وليست ديموقراطية .. حتى سنوات ألأحزاب .. وقد تكون بداية الحاكم جيدة .. ولكنه بعد سنوات تتفير مبادئه بقدرة قادر .. ويضرب بحب الوطن عرض الحائط .. وللأسف .. الفساد مرض معد .. ولاسيما ان كان فى ظل الفقر والجهل .. وبصراحة مشكلة السودان أصبحت مشكلة مستعصية متأزمة .. ومن الصعب جدا حلها فى الأوضاع الراهنة وهذه معلومة للعلم فقط .. أثناء رحلاتى للشرق الأقصى فى بداية الثمانيات ..بالصدفة تقابلت مع شخص كورى فى مطار سيول .. سألنى من أين أنا قلت من السودان .. سكت قليلا ثم قال .. للأسف السودان سيتفكك ويضعف .. ضحكت فى نفسى وقلت ايه التخاريف دى .. ودارت الأيام .. مها نحن مشردون فى كل بقاع العالم .. وأخيرا نسأل الله أن يجيب العواقب سليمة ..
أخوكم العجوز
| |
|
|
|
|
|
|
Re: توصيف الأزمة الوطنية بشمال/ جنوب خاطئ ومضلل (Re: Sudany Agouz)
|
شكرا عمنا العجوز لو لم يتم حكم السودان وفقاً لظروفه وتعدديته وتاريخه النضالى الطويل فلن ينجح أحد..المشكلة السياسية تخص السودان من أقصاه الى أدناه ولا يجوز اختصارها فقط بين جنوب وشمال فقط..كأن يقول أحد الساسة أو غيرهم أن مشاكل السودان ستحل بمجرد حل مشكلة الجنوب فمشكلة الجنوب هى صراع أجج نيرانه المستعمر وتبارت جهات سياسية أخرى فى تأجيجها..مشكلة السودان لا تحل الا فى اطار فكر سياسى جديد وخلاق..قادر على هزيمة أيديولجيا المنجز المكتمل..ومحاولات تسخير الدين لخدمة الأهداف فى ميكافيلية صارخة.. تحياتى ولى عودة ودعزة
| |
|
|
|
|
|
|
|