|
|
|
 رهيب ود عزة (Re: wadazza)
|
أخي ود عزة .. لك الود واتحية .
لقد أنعشت روحي بهذه المقطوعة الرائعة ..
فشكراً .. وزدنا من هذه الجماليات ..
جــــــــاد
| |
 
|
|
|
|
|
|
|
|
Re: أنا أم درمان بالعود (Re: رومانسي)
|
شكرا عزيزى رومانسى...ويازول قال كان بسمع أنا أم درمان قبل نشرة سنة ستين
لكا كانت نشرة الأخبار يتشايلوها ستة فى الأستديو واحد يمسك المايكرفون والتانى يمسك سلك الكهرباء فى الجنريتر..واتنين يدورو الجنريتر وتلاته يجرو وسط البيوت يسمعو الروادى اشتغلت واللا لا
تحياتى
ودعزة
| |
|
|
|
|
|
|
|
|
|
أنا أمدرمان بالعود (Re: wadazza)
|
والله العظيم ياود العزه هذه الموسيقى عملت فينا عمايل ولو كنت بأعرف كيف أحوّل الكاسيت الى ماده كمبيوتريه يُمكن إرسالهاكنت سمعتك حاجات مافى زول سمعها للاستاذ/أحمد المصطفى ويحكى عن هذه الاغنيه ويقول كانت غيره بينهم هو وزميله الاستاذ/ حسن عطيه عندما غنى الاخير للخرطوم فأشعل فيهم نيران الغيره وصمموا على الغناء لأمدرمان وعن ذكريات الاذاعه القديمه يقول أن أعمالهم كانت تخضع للتدقيق والتصحيح من لجان صعبة جداً مختصه باللغويات والاداء ....الخ وكانت المهمه صعبه حقاً لأن أعمالهم كانت تخرج مباشرةً للجمهور وفى أيام محددة لكل واحد منهم وكانت كل فرق العمل منضبطه خاصة فى مواعيدهاوكانوا يحبون عملهم ويقول عن أيامهم زمان...
أيام زمان كانت أيام ....
لى فيها قصه ...قصة غرام....
يا مظلومين باب السماء مفتوح
ويا ظالمين ظلم الهوى مابروح
قلبى الحزين غنى وغناهو جروح
ليه ليه تزرع دربى جفا واشواك
وإيه أيه غير دم قلبى يروى هواك
يروى ورودى وأوتار عودى
غنيت ليك مالى سواك
أيام زمان كانت أيام ....
يا نجوم الليل أصلو السهاد مابدوم
وبشئ قليل باع الهوى المحبوب
أنا الليل وانت النجوم....
أنت الضحك وأنا الهموم
قسمّت للناس المحبه ..ونصيبى كان أنا صد ولوم
ونصيبى كان أنا صد ولوم
أيام زمان كانت أيام لى فيها قصه... قصة غرام
| |
|
|
|
|
|
|
|
|
|
Re: أنا أمدرمان بالعود (Re: sourketti)
|
سلام د.سوركتى
فقد عبرتنى قوافل انغام ذكرياتك المرهفة...حيث يبدو أنك واحد من أبناء أم درمان الضالعين فى حبها وعشقها السرمدى
واتمنى أن تسمعنا قريبا..تلك الأغنيات الشفيفة للراحل أحمد المصطفى
تحياتى
ود عزة
| |
|
|
|
|
|
|
|
|
|
أنا أمدرمان بالعود (Re: wadazza)
|
ياودعزّه
أنا تحت أمرك ...بس قول لى كيف أنقل الاغانى من الكاسيت للكمبيوتر ده وبعدين كيف أرسل الاغانى ....
أخوك مطشش فى المجال ده ويادوب بيفك الخط ..
اخونا الصادق مره شرح لى الطريقه وقال لى بسيطه جداً لكن الظاهر أنه الكُبر دخل خلاص وربك يهون ياخى وأنا تحت أمرك بس نوّر الطريق بالمعلومات وحتشوف
والى اللقاء
| |
|
|
|
|
|
|
| |
wadazza
JAD
يازولyazoalيازول
sourketti
فيس بوك
تويتر
انستقرام
يوتيوب
بنتيريست