|
|
 افتتــــاحية
|
تشبه اللقيا التجيك تتدبا صدفة وتَهْجَِمكْ لحظة ذهولك...
تبقى أقرب لى طشاش اللون أضانك...وتجرى واقف فى مكانك
انت من آخر محطات اترميتَ وصية ...ما بتقراها عين ...
لَفَحَتْ وريقةْ عهدك الملفوت طيور منقارا من حطب الشهية
مِنُو فيهُو َجُمرْ يَوِلع أو تغمض تبلعو ...
يطفى الحرايق فى مسافة الرمشة َتقُبضْ.زوغة الُحلْمْ البرعِّش ايد صبية..
اللون مسك درب الخمول والانسهاك... اتشدا بالوتر النساك...وفتلت من َخاِمسْ وتر ..
خيط فى اشتباكو يخلخل المطر البيبنى بيوت سحاب..ويشلل التوب المرتق ..
كان يبين صدر الغنا المدفوس حكاوى ...ويسترد َنَفسْ انقطع لونو السماوى ..
رشا باقى اللوحة زيت طفحت تقاطيع وش حميمة...
يوم تشيلك خطوتك تمسح غبار شارع يوديك ويجيبك ..
وفى زوايا الِعرفة تبراكا وتسيبك...
يمرق الُحلم المَطَبَقْ من أباط النجمة والنجمة أم ضنب..
المكاشفي محمدبخيت
موقع الغابة والصحراء
حبيت ابتدئ بهذا المقطع من قصيدة المبدع المكاشفي
وان شاء الله لينا معاكم فرقة
|
|
 
|
|
|
|
|
|
|
|
Re: افتتــــاحية (Re: الحنين)
|
الحنين
والله افتتاحية رائعة وجميلة
والف اهلا بيك يا سيدى
واكان دى بداياتك اكيد انت زول مبدع وحاتتحفنا كثير
نحن فى الانتظار لنرى مثل ذلك
| |
|
|
|
|
|
|
|
|
|
Re: افتتــــاحية (Re: قرشـــو)
|
شكرا ليك يا استاز قرشو
والمطالع لبوستاتك الكثيرة يجد كثير من الاناقة الواضحة علي العبارات والردود
والف شكر ليك
| |
|
|
|
|
|
|
| |
EMU إيمو
قرشـــو
yasiko
فيس بوك
تويتر
انستقرام
يوتيوب
بنتيريست